ECLESIÁSTICO 4
4
1Wawáy, llakisqa runamantaqa ama asikuychu. Amataj qhesachaychu wajcha runataqa.
2Ama qhawakullaychu pisichikojtaqa. Llakisqa runata rikuspataj, ama pakakuychu.
3Ama ñak'arichiychu llakisqa sonqoyojta. Wajcha runatataj yanapallay.
4Ama wakhiyaychu wajcha runata.
5Chayta ruwawaj chayqa, pajtataj maldicisunman.
6Llakiypi rikukuspa may phutisqa, Señorman qhaparikonqa. Señortaj qhaparikusqanta uyarenqa.
7Runa masisniykiwan munachikuy. Kamachejkunatapis respetowan qhaway.
8Allinta uyariy wajcha runata. Napaykusojtintaj, tukuy sonqo napaykullaytaj.
9Sarusqa runata sarusqa kasqanmanta kacharichiy. Cheqanyachinayki kajtin, cheqanyachiy.
10Wajcha wawaspata tatanku jina kay. Mamasninkutapis yanapallaytaj. Ajinamanta, Diospa wawan kanki. Pay munakusonqa, ima llakiymantapis jark'asonqa.
Yachayta mask'ay
11Yachayta mask'ajkunaqa yachayniyoj rikhurinku. Yachayqa chaykunata pusan wawasninta jina.
12Yachayniyoj kayta munajkunaqa kausakuyta munallankutaj. Yachayta mask'ajkunaqa Dioswan munachikunku.
13Yachayniyojkuna kusikuyniyoj kanqanku. Señorqa paykunata mayllapipis bendiciykonqa.
14Yachayman k'umuykukojkuna Santo kajman k'umuykukunku. Señorqa munakun yachayta munakojkunata.
15Yachayta uyarikojqa, cheqanta unanchan tiyakuntaj paywan khuska.
16Yachayta uyarikojkuna yachayniyoj kanqanku. Wawasnimpis yachayniyoj kanqanku.
17Ñaupajtaraj yachayqa chay runaj qhepampi purenqa karullamanta. Chantaqa pruebaman churanqa. Chay runaqa manchachikonqa. Pruebaman churasqa kanqa yachaywan k'amichikuspa. Yachayqa chayta ruwallanqapuni chay runaj sonqon yachaywan junt'asqa kanankama.
18Yachayqa payman chimpaykonqa kusikuyta jaywanampaj, pakasqa kajtataj willaykunampaj.
19Jina kajtimpis, sichus payqa yachaymanta karunchakunman chayqa, yachayqa payta saqellanqataj urmajta.
Amapuni llullakuychu, cheqan kajtataj ruway
20Mayllapipis jayk'ajllapis maychus kajta ruway. Karunchakuytaj sajra kajmanta. Ajinamanta, mana p'enqaypichu rikhurinki.
21Tiyan uj laya p'enqay juchaman k'askasqa. Kallantaj waj laya p'enqay mayqenchus runata astawan respetachin.
22Ama qan kikiykita dañota ruwakuychu. Pajtataj wajkunamanta manchachikuspa qan kikiykita dañota ruwakuwaj.
23Nisqaykiwan runa masiykita yanapayta atiwaj chayqa, ama ch'in kakuychu. Amapuni pakaychu yachakusqaykita.
24Yachayqa siminejta runaman chayan. Runaqa parlaspa runa masinta yachachin.
25Ama cheqan kajpaj parlaychu. Yachanayki kajta mana yachanki chayqa, p'enqakuy.
26Juchasniykita willakuymantaqa, ama p'enqakuychu. Ama wayt'aychu mayoj contranta.
27Ama k'umuykukuychu mana umayojman. Atiyniyojkuna pantasqas kajtinku, ama ladonkupi churakuychu.
28Cheqa kaj rejsisqa kanampaj, sayarillay wañupunaykikama. Chayta ruwanki chayqa, Señor Diosniyki yanapasonqa.
29Parlaspa, ama imallatapis niychu mana unanchakuspalla. Imallatapis ruwanayki kajtin, ama q'ewakuychu nitaj qhellakuychu.
30Ama león jina kaychu wasiykipi. Jinapis, ama atipachikuychu kamachisniykiwan.
31Imallatapis qosojtinku, ama makisniykita pojtuychu. Qonayki kajtintaj, ama makisniykita mat'iychu.
Currently Selected:
ECLESIÁSTICO 4: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 4
4
1Wawáy, llakisqa runamantaqa ama asikuychu. Amataj qhesachaychu wajcha runataqa.
2Ama qhawakullaychu pisichikojtaqa. Llakisqa runata rikuspataj, ama pakakuychu.
3Ama ñak'arichiychu llakisqa sonqoyojta. Wajcha runatataj yanapallay.
4Ama wakhiyaychu wajcha runata.
5Chayta ruwawaj chayqa, pajtataj maldicisunman.
6Llakiypi rikukuspa may phutisqa, Señorman qhaparikonqa. Señortaj qhaparikusqanta uyarenqa.
7Runa masisniykiwan munachikuy. Kamachejkunatapis respetowan qhaway.
8Allinta uyariy wajcha runata. Napaykusojtintaj, tukuy sonqo napaykullaytaj.
9Sarusqa runata sarusqa kasqanmanta kacharichiy. Cheqanyachinayki kajtin, cheqanyachiy.
10Wajcha wawaspata tatanku jina kay. Mamasninkutapis yanapallaytaj. Ajinamanta, Diospa wawan kanki. Pay munakusonqa, ima llakiymantapis jark'asonqa.
Yachayta mask'ay
11Yachayta mask'ajkunaqa yachayniyoj rikhurinku. Yachayqa chaykunata pusan wawasninta jina.
12Yachayniyoj kayta munajkunaqa kausakuyta munallankutaj. Yachayta mask'ajkunaqa Dioswan munachikunku.
13Yachayniyojkuna kusikuyniyoj kanqanku. Señorqa paykunata mayllapipis bendiciykonqa.
14Yachayman k'umuykukojkuna Santo kajman k'umuykukunku. Señorqa munakun yachayta munakojkunata.
15Yachayta uyarikojqa, cheqanta unanchan tiyakuntaj paywan khuska.
16Yachayta uyarikojkuna yachayniyoj kanqanku. Wawasnimpis yachayniyoj kanqanku.
17Ñaupajtaraj yachayqa chay runaj qhepampi purenqa karullamanta. Chantaqa pruebaman churanqa. Chay runaqa manchachikonqa. Pruebaman churasqa kanqa yachaywan k'amichikuspa. Yachayqa chayta ruwallanqapuni chay runaj sonqon yachaywan junt'asqa kanankama.
18Yachayqa payman chimpaykonqa kusikuyta jaywanampaj, pakasqa kajtataj willaykunampaj.
19Jina kajtimpis, sichus payqa yachaymanta karunchakunman chayqa, yachayqa payta saqellanqataj urmajta.
Amapuni llullakuychu, cheqan kajtataj ruway
20Mayllapipis jayk'ajllapis maychus kajta ruway. Karunchakuytaj sajra kajmanta. Ajinamanta, mana p'enqaypichu rikhurinki.
21Tiyan uj laya p'enqay juchaman k'askasqa. Kallantaj waj laya p'enqay mayqenchus runata astawan respetachin.
22Ama qan kikiykita dañota ruwakuychu. Pajtataj wajkunamanta manchachikuspa qan kikiykita dañota ruwakuwaj.
23Nisqaykiwan runa masiykita yanapayta atiwaj chayqa, ama ch'in kakuychu. Amapuni pakaychu yachakusqaykita.
24Yachayqa siminejta runaman chayan. Runaqa parlaspa runa masinta yachachin.
25Ama cheqan kajpaj parlaychu. Yachanayki kajta mana yachanki chayqa, p'enqakuy.
26Juchasniykita willakuymantaqa, ama p'enqakuychu. Ama wayt'aychu mayoj contranta.
27Ama k'umuykukuychu mana umayojman. Atiyniyojkuna pantasqas kajtinku, ama ladonkupi churakuychu.
28Cheqa kaj rejsisqa kanampaj, sayarillay wañupunaykikama. Chayta ruwanki chayqa, Señor Diosniyki yanapasonqa.
29Parlaspa, ama imallatapis niychu mana unanchakuspalla. Imallatapis ruwanayki kajtin, ama q'ewakuychu nitaj qhellakuychu.
30Ama león jina kaychu wasiykipi. Jinapis, ama atipachikuychu kamachisniykiwan.
31Imallatapis qosojtinku, ama makisniykita pojtuychu. Qonayki kajtintaj, ama makisniykita mat'iychu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.