ECLESIÁSTICO 34
34
Mosqoymanta
1Mana umayojkunaqa qhasillata suyanku. Sonsosqa mosqospalla mayllamampis rinku.
2Mosqoypi creejqa llanthullata jap'iyta munashan, wayratapis qhatishan.
3Mosqoypi rikusqanchejqa uj rijch'aylla. Imaynachus uyanchejta espejopi rikunchej, ajinalla.
4Ch'ichimantaqa mana ni ima llimphu kaj jamunmanchu. Ajinallataj, llullakuymanta mana ni ima cheqan kaj jamunmanchu.
5Layqaspi creeyqa, mosqoypi creeytaj qhasilla. Chayta creejqa rijch'akun wachakoj warmiman, pichus llakiynimpi imallatapis yuyashan.
6Mana patapi kaj Diosmanta jamojtenqa, amapuni chaykunata creeychu.
7Ashkha runasqa mosqoykunawan pantachikorqanku. Chayta creesqankurayku, wajchasman tukorqanku.
8Diospa leyninta junt'ana, mana ch'aukiyaspalla. Cheqan sonqoyoj runaqa, cheqan yachayta yachachin.
Puriymanta
9Anchata puriykachajqa anchallatataj yachan. Ashkhata yachajqa sumajta yuyan.
10Mana llakiyta rejsejqa pisillata yachan. Phutiyta yachajqa umayojman tukun.
11Puriykachakusqasniypi ashkhata rikorqani. Willakusqaymantaqa astawan yachani.
12Ashkha kutis wañuy patapi rikukorqani. Yachayniyrayku kausashaniraj.
Señorpi suyakunamanta
13Señorta respetakojkuna kausanqanku. Paykunata salvayta atejpi suyakunku.
14Señorta respetakojqa mana ni imamanta manchachikunchu. Mana q'ewakunchu Señorpi suyakusqanrayku.
15Kusikuyniyojmin Señorta respetakojqa. Yachan payqa pimanchus sonqonta jaywan. Yachallantaj pichus payta yanapaykun.
16Señorqa qhawaykun payta munakojkunata. Paymin paykunataqa sinch'i kallpanwan sajra kajmanta jark'an, yanapantaj. Payqa q'osñi wayramanta jark'an. Ruphamojtintaj chaupi p'unchaypi llanthuta qon. Runata yanapan ama misk'anampaj. Urmajtintaj yanapaykun.
17Payqa runata sonqoyachin. Ñawisnimpajtaj k'anchayta qon. Payqa runata sanoyachin, kausachin, bendicintaj.
Diosta allinta yupaychanamanta
18Runasqa Diosman jaywanku chayqa suwakapusqankumanta, chay jaywasqankoqa mana llimphuchu. Payqa mana jap'ikunchu sajra runaj jaywasqanta.
19Patapi kaj Diosqa mana jap'ikunchu mana creejkunaj rikuchikusninkuta. Ashkha rikuchikusta jaywajtinkupis, payqa juchasninkuta mana pampachanchu.
20Uj runa wañuchishan uj wawata tatampa ñaupaqempi. Ajinallataj, pichus wajchaspa kapuyninkuta Diosman jaywan chayqa.
21Wajchaqa pisi t'antanwan kausan. Chay t'antanta qechojqa runa wañuchi.
22Runa masinmanta mikhunanta qechojqa, runa wañuchi jina. Llank'ajman mana pagonta qojpis, runa wañuchi jinallataj.
23Uj runaqa wasita ruwan. Ujtaj t'unarparichin. Chaywanqa, llakiylla paykunawan qhepakapun.
24Uj runaqa bendiciykun. Ujtaj maldiciykun. Mayqenta Señor uyarenqari?
25Ayata llankhajqa, llankhaytawanqa makisninta mayllakun. Ujtawan llankhanman chayqa, imapajtaj mayllakorqari?
26Jinallataj pichus juchasninrayku pisillata mikhun. Chantaqa, ujtawan juchallikullantaj. Pitaj mañakusqanta uyarenqari? Imapajtaj k'umuykukorqari?
Currently Selected:
ECLESIÁSTICO 34: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 34
34
Mosqoymanta
1Mana umayojkunaqa qhasillata suyanku. Sonsosqa mosqospalla mayllamampis rinku.
2Mosqoypi creejqa llanthullata jap'iyta munashan, wayratapis qhatishan.
3Mosqoypi rikusqanchejqa uj rijch'aylla. Imaynachus uyanchejta espejopi rikunchej, ajinalla.
4Ch'ichimantaqa mana ni ima llimphu kaj jamunmanchu. Ajinallataj, llullakuymanta mana ni ima cheqan kaj jamunmanchu.
5Layqaspi creeyqa, mosqoypi creeytaj qhasilla. Chayta creejqa rijch'akun wachakoj warmiman, pichus llakiynimpi imallatapis yuyashan.
6Mana patapi kaj Diosmanta jamojtenqa, amapuni chaykunata creeychu.
7Ashkha runasqa mosqoykunawan pantachikorqanku. Chayta creesqankurayku, wajchasman tukorqanku.
8Diospa leyninta junt'ana, mana ch'aukiyaspalla. Cheqan sonqoyoj runaqa, cheqan yachayta yachachin.
Puriymanta
9Anchata puriykachajqa anchallatataj yachan. Ashkhata yachajqa sumajta yuyan.
10Mana llakiyta rejsejqa pisillata yachan. Phutiyta yachajqa umayojman tukun.
11Puriykachakusqasniypi ashkhata rikorqani. Willakusqaymantaqa astawan yachani.
12Ashkha kutis wañuy patapi rikukorqani. Yachayniyrayku kausashaniraj.
Señorpi suyakunamanta
13Señorta respetakojkuna kausanqanku. Paykunata salvayta atejpi suyakunku.
14Señorta respetakojqa mana ni imamanta manchachikunchu. Mana q'ewakunchu Señorpi suyakusqanrayku.
15Kusikuyniyojmin Señorta respetakojqa. Yachan payqa pimanchus sonqonta jaywan. Yachallantaj pichus payta yanapaykun.
16Señorqa qhawaykun payta munakojkunata. Paymin paykunataqa sinch'i kallpanwan sajra kajmanta jark'an, yanapantaj. Payqa q'osñi wayramanta jark'an. Ruphamojtintaj chaupi p'unchaypi llanthuta qon. Runata yanapan ama misk'anampaj. Urmajtintaj yanapaykun.
17Payqa runata sonqoyachin. Ñawisnimpajtaj k'anchayta qon. Payqa runata sanoyachin, kausachin, bendicintaj.
Diosta allinta yupaychanamanta
18Runasqa Diosman jaywanku chayqa suwakapusqankumanta, chay jaywasqankoqa mana llimphuchu. Payqa mana jap'ikunchu sajra runaj jaywasqanta.
19Patapi kaj Diosqa mana jap'ikunchu mana creejkunaj rikuchikusninkuta. Ashkha rikuchikusta jaywajtinkupis, payqa juchasninkuta mana pampachanchu.
20Uj runa wañuchishan uj wawata tatampa ñaupaqempi. Ajinallataj, pichus wajchaspa kapuyninkuta Diosman jaywan chayqa.
21Wajchaqa pisi t'antanwan kausan. Chay t'antanta qechojqa runa wañuchi.
22Runa masinmanta mikhunanta qechojqa, runa wañuchi jina. Llank'ajman mana pagonta qojpis, runa wañuchi jinallataj.
23Uj runaqa wasita ruwan. Ujtaj t'unarparichin. Chaywanqa, llakiylla paykunawan qhepakapun.
24Uj runaqa bendiciykun. Ujtaj maldiciykun. Mayqenta Señor uyarenqari?
25Ayata llankhajqa, llankhaytawanqa makisninta mayllakun. Ujtawan llankhanman chayqa, imapajtaj mayllakorqari?
26Jinallataj pichus juchasninrayku pisillata mikhun. Chantaqa, ujtawan juchallikullantaj. Pitaj mañakusqanta uyarenqari? Imapajtaj k'umuykukorqari?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.