ECLESIÁSTICO 31
31
Wajchamantawan qhapajmantawan
1Qhapajqa, anchatapuni llakikusqanrayku, usqhayta wañupun. Pichus llakikushan imatachá mikhusaj, nispa, mana puñuytapis atinchu.
2Sinch'i onqosqa jina, manapuni puñuyta atishanchu.
3Qhapajqa astawan qhapajchakuyta munashan. Mana ni imata ruwanan kajtin, kusirikullashan.
4Wajchaqa llakikun, mana mikhunampaj kasqanrayku. Mana llank'ayta atispaqa, mana ni imata mikhunchu.
5Qorita muskhejqa juchayojpuni. Qolqeta munakojqa chaynejta chinkayman chayanqa.
6Ashkha runasqa qoriwan watachikorqanku. Chay runasqa sonqonkuta chayman churanku.
7Uj kurkupi jina chaypi misk'anku qolqeman k'umuykukojkuna. Mana umayojkunaqa chaynejta urmanku.
8Kusikuyniyojmin qhapaj runa pichus mana sonqonta ch'ichichanchu qorej qhepampi thaskispa.
9Pitaj chayri? Abrazaykusun, imaraykuchus payqa sumaj kajta ruwarqa runa masisnin chaupipi.
10Payqa, qhapaj kajtimpis, mana juchachakorqachu. Chayrayku sutenqa pataman churasqa kanqa. Pantayta aterqa, manataj pantarqachu. Mana allin kajta ruwayta aterqa, manataj ruwarqachu.
11Chayrayku kusisqapuni kanqa. Runa masisnintaj sutinta pataman oqharenqanku.
Mikhuymanta
12Wawáy, mikhunaman wajyasojtinku, ama yarqhayniykiwan atipachikuychu. Ama niychu: Tukuy ima kasqaqa, nispa.
13Ama ñawiykita anchatapuni kichariychu. Chayqa mana allinchu. Ñaweqa imallatapis qhawayta munashan. Chantaqa, imallamantapis waqallashan.
14Ama makiykita chayachiychu maymanchus runa masiyki qhawashan, chayman. Kikin chuwallapi makisniykichej tinkukunkumanchá.
15Runa masiykita munakuy qan kikiykita jina. Imatachus mana munankichu qampaj, ama wajpaj ruwapuychu.
16Wajpa wasimpi allinta kakuy. Ama mayllamampis makiykita sat'iychu. Qhawachikuwajtaj.
17Wajkuna tukojtinkuña, ama qhepakuychu mikhuspallapuneqa. Amataj oqoychu. Qhawachikuwaj.
18Ashkhapis kajtinku qanwan khuska, ama ñaupajta qallariychu.
19Sumaj uywasqa runa pisillata mikhun. Puñunampi mana aysaqeyashanchu.
20Anchata mikhojqa wijsanta q'ewichikun. Mana puñuytapis atinchu. Manataj samayta atishanchu. Uyampis q'elluyan. Pisillata mikhojqa sumajta puñukun. Sayarispa, umanqa mana llasachu.
21Anchatapuni mikhorqanki chayqa, sayariy. Chantaqa, ajtuy. Chayqa kosa.
22Uyariway, wawáy. Kasullaway. Chaymanta entiendellanki imatachus nisusqayta. Tukuy imapi maychus kajta ruway. Tukuy imapitaj allin risonqa.
23Pitachus runasta wajyarillan, tukuy alabanku. Paymanta unayta yuyarikonqanku.
24Mich'amantaqa unayta millayta parlanku. Paymantapis yuyarikonqanku.
25Vinota ujyachaspaqa ama wapuyaychu. Ashkha runas vinonejta urmarqanku.
26Hornopi yachakun ima layamantachus fierro. Vinopi yachakun ima layamantachus wapu runaj sonqon.
27Vinoqa runaj kausaynin, pisillata ujyan chayqa. Kausay imataj kanmanri, mana vino kajtenqa? Vinoqa ruwasqa karqa runata kusichinampaj.
28Vinoqa sonqota mayta kusirichin. Chaymin vinoqa sichus runas maychus kajllata pisillatataj ujyanku chayqa.
29Runasqa anchatapuni vinota ujyajtinkutaj, umasninkuta nanachikunku. Chantaqa, llakiyniyoj p'enqayniyojtaj rikhurinku.
30Mana umayojqa machaykun urmanankama. Runaqa mana kallpayoj rikhurin. Chaymantataj, vinonejta runas maqanakunku.
31Ama rimaychu vinota ujyashajtaqa. Kusisqa kashajtin, amaraj k'amiychu. Ama millay palabrasta niychu, amataj trataychu runaspa ñaupaqenkupi.
Currently Selected:
ECLESIÁSTICO 31: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 31
31
Wajchamantawan qhapajmantawan
1Qhapajqa, anchatapuni llakikusqanrayku, usqhayta wañupun. Pichus llakikushan imatachá mikhusaj, nispa, mana puñuytapis atinchu.
2Sinch'i onqosqa jina, manapuni puñuyta atishanchu.
3Qhapajqa astawan qhapajchakuyta munashan. Mana ni imata ruwanan kajtin, kusirikullashan.
4Wajchaqa llakikun, mana mikhunampaj kasqanrayku. Mana llank'ayta atispaqa, mana ni imata mikhunchu.
5Qorita muskhejqa juchayojpuni. Qolqeta munakojqa chaynejta chinkayman chayanqa.
6Ashkha runasqa qoriwan watachikorqanku. Chay runasqa sonqonkuta chayman churanku.
7Uj kurkupi jina chaypi misk'anku qolqeman k'umuykukojkuna. Mana umayojkunaqa chaynejta urmanku.
8Kusikuyniyojmin qhapaj runa pichus mana sonqonta ch'ichichanchu qorej qhepampi thaskispa.
9Pitaj chayri? Abrazaykusun, imaraykuchus payqa sumaj kajta ruwarqa runa masisnin chaupipi.
10Payqa, qhapaj kajtimpis, mana juchachakorqachu. Chayrayku sutenqa pataman churasqa kanqa. Pantayta aterqa, manataj pantarqachu. Mana allin kajta ruwayta aterqa, manataj ruwarqachu.
11Chayrayku kusisqapuni kanqa. Runa masisnintaj sutinta pataman oqharenqanku.
Mikhuymanta
12Wawáy, mikhunaman wajyasojtinku, ama yarqhayniykiwan atipachikuychu. Ama niychu: Tukuy ima kasqaqa, nispa.
13Ama ñawiykita anchatapuni kichariychu. Chayqa mana allinchu. Ñaweqa imallatapis qhawayta munashan. Chantaqa, imallamantapis waqallashan.
14Ama makiykita chayachiychu maymanchus runa masiyki qhawashan, chayman. Kikin chuwallapi makisniykichej tinkukunkumanchá.
15Runa masiykita munakuy qan kikiykita jina. Imatachus mana munankichu qampaj, ama wajpaj ruwapuychu.
16Wajpa wasimpi allinta kakuy. Ama mayllamampis makiykita sat'iychu. Qhawachikuwajtaj.
17Wajkuna tukojtinkuña, ama qhepakuychu mikhuspallapuneqa. Amataj oqoychu. Qhawachikuwaj.
18Ashkhapis kajtinku qanwan khuska, ama ñaupajta qallariychu.
19Sumaj uywasqa runa pisillata mikhun. Puñunampi mana aysaqeyashanchu.
20Anchata mikhojqa wijsanta q'ewichikun. Mana puñuytapis atinchu. Manataj samayta atishanchu. Uyampis q'elluyan. Pisillata mikhojqa sumajta puñukun. Sayarispa, umanqa mana llasachu.
21Anchatapuni mikhorqanki chayqa, sayariy. Chantaqa, ajtuy. Chayqa kosa.
22Uyariway, wawáy. Kasullaway. Chaymanta entiendellanki imatachus nisusqayta. Tukuy imapi maychus kajta ruway. Tukuy imapitaj allin risonqa.
23Pitachus runasta wajyarillan, tukuy alabanku. Paymanta unayta yuyarikonqanku.
24Mich'amantaqa unayta millayta parlanku. Paymantapis yuyarikonqanku.
25Vinota ujyachaspaqa ama wapuyaychu. Ashkha runas vinonejta urmarqanku.
26Hornopi yachakun ima layamantachus fierro. Vinopi yachakun ima layamantachus wapu runaj sonqon.
27Vinoqa runaj kausaynin, pisillata ujyan chayqa. Kausay imataj kanmanri, mana vino kajtenqa? Vinoqa ruwasqa karqa runata kusichinampaj.
28Vinoqa sonqota mayta kusirichin. Chaymin vinoqa sichus runas maychus kajllata pisillatataj ujyanku chayqa.
29Runasqa anchatapuni vinota ujyajtinkutaj, umasninkuta nanachikunku. Chantaqa, llakiyniyoj p'enqayniyojtaj rikhurinku.
30Mana umayojqa machaykun urmanankama. Runaqa mana kallpayoj rikhurin. Chaymantataj, vinonejta runas maqanakunku.
31Ama rimaychu vinota ujyashajtaqa. Kusisqa kashajtin, amaraj k'amiychu. Ama millay palabrasta niychu, amataj trataychu runaspa ñaupaqenkupi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.