ECLESIÁSTICO 18
18
Diospa khuyakuynin
1Wiñay kausayniyoj kajqa tukuy imata ruwarqa. Pay sapallan cheqan sonqoyoj.
2Pita kamacherqari ruwasqasninmanta parlanampaj? Pitaj jatuchaj ruwasqasninta tarenqari?
3Pitaj ninman imaynachus atiynin? Pitaj ninman ima jatunchus munakuynin?
4Mana ni imata qhechusunmanchu nitaj yapasunmanchu. Manapunitaj rejsisunmanchu tukuy t'ukuna ruwasqasninta.
5Runaqa imallatapis tukushajtinña, qallarishanraj. Sayajtintaj, mushphan.
6Imataj runari? Imapajtaj allin? Imata ruwayta atin, allintachus, mana allintachus?
7Mashkha watasta kausayta atinman? Pisi runaslla chayanku pachaj watasmanqa.
8Wiñay kausay ukhupi chay watasqa kanku uj yaku sut'u jinalla, uj t'iyu jinalla.
9Chayraykoqa Señor pacienciakun runawan, rikuchintaj khuyakuyninta.
10Diosqa yachan ima llakiywanchus runa chayan tukukuyninman. Chayrayku payqa perdonaspa mana sayk'ukunchu.
11Runaqa runa masillanmanta khuyakun. Señortaj khuyakun tukuy kausakojkunamanta.
12Payqa runata k'amin, yachachin, imaynachus michejqa ruwan ovejasninwan, ajinata.
13Payqa khuyakuywan qhawan pikunatachus paywan pusachikuyta munanku chaykunata. Munakumpuni pikunatachus kamachisqasninta junt'ayta munanku chaykunata.
K'acha sonqoyoj kaychej
14Wawáy, allin kajta ruwashajtiyki ama rimapayaychu. Imallatapis qojtiyki ama palabrasniykiwan llakichiychu.
15Imaynachus chhullunkaqa ruphayta wañuchin, ajinallataj misk'i simi regalomantaqa aswan sumaj.
16Misk'i simi aswan walej regalomantaqa. Iskaynin k'acha runamanta jamun.
17Mana umayoj runaqa mana ni imata qoyta yachanchu. Manachayqa, llakichillan runa masinta. Ñak'aymanta qojqa runa masinta waqachin.
Imallatapis ruwanaykipaj ñaupajta umanchakullayraj
18Parlanaykipajqa, ñaupajta tapukuy. Manaraj onqoshajtiyki doctorwan qhawachikuy.
19Juicioman qayllanayki tiyan. Ñaupajtaraj kikin sonqoykita tapukuy. Señor cuentata mañakusojtintaj, perdonasta rikhurinki.
20Manaraj onqoshajtiyki Diosman k'umuykuy. Juchata tarejtiykitaj, Diosman kutiriy.
21Promesata ruwarqanki chayqa, junt'aypuni. Amataj suyaychu wañuy chayamunanta chay promesa ruwasqaykita junt'anaykipaj.
22Promesata ruwayta munaspaqa, ñaupajta allinta wakichikuy. Ama Señorta pruebaman churaychu.
23Unanchay imaynachus kanqa Diospa phiñakuynin qhepan kaj diapi. Chay kutipeqa Diosqa sapa ujman qollanqa kausakusqanman jina.
24Tukuy imayoj kajtiyki yarqhakuymanta yuyarikuy. Qhapaj kajtiykitaj wajcha kaymanta yuyarikuy.
25Ch'isaj qhepampi paqariy chayamun. Señor munajtintaj, ujllapi tukuy ima tukukapunman.
26Umayoj runaqa wakichisqapuni kashan. Juchaman urmananta rikuspa, juchamanta karunchakumpacha.
27Umayoj runaqa yachayniyojmin. Kusikuntaj yachayta tarejwan khuska.
28Umayojkunaqa yachayniyoj kayta mask'allankupuni, simisninkumantataj t'ukuna palabras llojsimun.
Ama juchawan atipachikuychu
29Ama juchawan atipachikuychu. Amataj ruwaychu tukuy munapayasqaykita.
30Tukuy munasqaykita ruwallanki chayqa, contrasniyki asipayasonqanku.
31Ama mask'aychu kusikuyllapi kausayta. Amataj puriychu ajinata kausajkunawanqa.
32Mañakusqayki qolqeta ama fiestaspi tukuchiychu, mana qolqeyoj kaspa.
Currently Selected:
ECLESIÁSTICO 18: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 18
18
Diospa khuyakuynin
1Wiñay kausayniyoj kajqa tukuy imata ruwarqa. Pay sapallan cheqan sonqoyoj.
2Pita kamacherqari ruwasqasninmanta parlanampaj? Pitaj jatuchaj ruwasqasninta tarenqari?
3Pitaj ninman imaynachus atiynin? Pitaj ninman ima jatunchus munakuynin?
4Mana ni imata qhechusunmanchu nitaj yapasunmanchu. Manapunitaj rejsisunmanchu tukuy t'ukuna ruwasqasninta.
5Runaqa imallatapis tukushajtinña, qallarishanraj. Sayajtintaj, mushphan.
6Imataj runari? Imapajtaj allin? Imata ruwayta atin, allintachus, mana allintachus?
7Mashkha watasta kausayta atinman? Pisi runaslla chayanku pachaj watasmanqa.
8Wiñay kausay ukhupi chay watasqa kanku uj yaku sut'u jinalla, uj t'iyu jinalla.
9Chayraykoqa Señor pacienciakun runawan, rikuchintaj khuyakuyninta.
10Diosqa yachan ima llakiywanchus runa chayan tukukuyninman. Chayrayku payqa perdonaspa mana sayk'ukunchu.
11Runaqa runa masillanmanta khuyakun. Señortaj khuyakun tukuy kausakojkunamanta.
12Payqa runata k'amin, yachachin, imaynachus michejqa ruwan ovejasninwan, ajinata.
13Payqa khuyakuywan qhawan pikunatachus paywan pusachikuyta munanku chaykunata. Munakumpuni pikunatachus kamachisqasninta junt'ayta munanku chaykunata.
K'acha sonqoyoj kaychej
14Wawáy, allin kajta ruwashajtiyki ama rimapayaychu. Imallatapis qojtiyki ama palabrasniykiwan llakichiychu.
15Imaynachus chhullunkaqa ruphayta wañuchin, ajinallataj misk'i simi regalomantaqa aswan sumaj.
16Misk'i simi aswan walej regalomantaqa. Iskaynin k'acha runamanta jamun.
17Mana umayoj runaqa mana ni imata qoyta yachanchu. Manachayqa, llakichillan runa masinta. Ñak'aymanta qojqa runa masinta waqachin.
Imallatapis ruwanaykipaj ñaupajta umanchakullayraj
18Parlanaykipajqa, ñaupajta tapukuy. Manaraj onqoshajtiyki doctorwan qhawachikuy.
19Juicioman qayllanayki tiyan. Ñaupajtaraj kikin sonqoykita tapukuy. Señor cuentata mañakusojtintaj, perdonasta rikhurinki.
20Manaraj onqoshajtiyki Diosman k'umuykuy. Juchata tarejtiykitaj, Diosman kutiriy.
21Promesata ruwarqanki chayqa, junt'aypuni. Amataj suyaychu wañuy chayamunanta chay promesa ruwasqaykita junt'anaykipaj.
22Promesata ruwayta munaspaqa, ñaupajta allinta wakichikuy. Ama Señorta pruebaman churaychu.
23Unanchay imaynachus kanqa Diospa phiñakuynin qhepan kaj diapi. Chay kutipeqa Diosqa sapa ujman qollanqa kausakusqanman jina.
24Tukuy imayoj kajtiyki yarqhakuymanta yuyarikuy. Qhapaj kajtiykitaj wajcha kaymanta yuyarikuy.
25Ch'isaj qhepampi paqariy chayamun. Señor munajtintaj, ujllapi tukuy ima tukukapunman.
26Umayoj runaqa wakichisqapuni kashan. Juchaman urmananta rikuspa, juchamanta karunchakumpacha.
27Umayoj runaqa yachayniyojmin. Kusikuntaj yachayta tarejwan khuska.
28Umayojkunaqa yachayniyoj kayta mask'allankupuni, simisninkumantataj t'ukuna palabras llojsimun.
Ama juchawan atipachikuychu
29Ama juchawan atipachikuychu. Amataj ruwaychu tukuy munapayasqaykita.
30Tukuy munasqaykita ruwallanki chayqa, contrasniyki asipayasonqanku.
31Ama mask'aychu kusikuyllapi kausayta. Amataj puriychu ajinata kausajkunawanqa.
32Mañakusqayki qolqeta ama fiestaspi tukuchiychu, mana qolqeyoj kaspa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.