ECLESIÁSTICO 13
13
Allinta ajllakuy amigosniykita
1Alquitranta llankhajqa mach'achakun. Wapu wapuswan purejqa wapu wapullamantaj tukun.
2Ama llasa q'epiwan puriychu. Amataj puriychu aswan atiyniyojwan aswan qhapajwantaj qanmanta. K'analla mankaqa mana kayta atinmanchu fierro mankawan khuska. Takanakuspa k'analla mankaqa p'akikun.
3Qhapajqa mana cheqan kajta ruwaspa, uman oqharisqa purin. Wajchataj saruchikojtin waqaspa khuyakuyta mañakun.
4Qhapajqa qanwan yanapachikun. Qantaj kamachinman tukunki. Manaña yanapayta atejtiykirí saqerparisonqa.
5Imallapis tiyapusunki? Qhapajqa qanwan khuska tiyakonqa. Mana sonqonta nanachikuspalla kapuyniykita apakaponqa.
6Payta yanapayta atisqaykita yuyaspa, k'acha sonqowan parlapayasunki, asirikuy simiwan. Qantaj sonqoykita kicharinki. Payqa misk'ita parlasonqa: Imatataj munanki?, nispa.
7Mikhunasnimpi p'enqaypi rukhurichisonqa. Atejtintaj imallatapis qanmanta munanqa. Iskaytachus kinsatachus alabasonqa. Chaymantataj rikususpa phiñakonqa asipayasonqataj.
8Pajtataj! Ama sonqoykita kicharillaychu. Ama opas jinachu kay.
9Atiyniyoj runa wajyasojtin, ama qayllaychu. Chantaqa, pay ujtawan qhaparisonqa qayllanaykipaj.
10Ama thaskiychu. Ichapis qhesachasunkiman. Amataj anchata karunchakuychu. Ichapis qonqapusunkiman.
11Ama paywan parlaychu amigoykiwan jina. Amataj uyariychu tukuy nisqantaqa. Payqa anchata parlan pruebaman churasunampaj. Asirikoj jina pay rejsisuyta munashan.
12Sichus mana sonqoyoj runa kamachejman tukun chayqa, mana ni pita khuyakonqachu, ashkha runastapis wañuchiyta munanqa.
13Allinta kichariy ñawisniykita ningrisniykita ima. Ama puriychu phiña runaswan.
14Kayta uyarinki chayqa mosqoyniykipi, rijch'arillay. Tukuy kausayniykipi Señorta munakuy, paymantataj mañakuy salvasunampaj.
15Tukuy kausayniyojkuna masisninkuta munakunku. Ajinallataj, tukuy runaspis runa masisninkuta munakullankutaj.
16Tukuy kausayniyojkuna masisninkuwan purinku. Ajinallataj, tukuy runaspis runa masisninkuwan purillankutaj.
17Imaynamantataj atinkuman khuska puriyta lobowan corderowanri? Ajinallataj, mana purinkumanchu sajra runawan k'acha runawanqa.
18Allintachu kausankuman atojwan alqowan? Allintachu kausankuman qhapajwan wajchawan?
19Leonqa ch'in pampapi jap'iykun k'ita burrota. Ajinallataj, wajchasqa qhapajkunawan jap'ichikunku.
Qhapajkunawan wajchaswan
20Wapu runaqa wajchata chejnikun. Qhapajtaj wajchata chejnikullantaj.
21Qhapajchus misk'anman chayqa, amigosnin jap'inku. Wajchachus misk'anman chayqa, amigosnin wijch'uykunku.
22Qhapaj misk'ajtenqa, amigosnin makisninkuwan jap'inku. Sonserasta parlajtintaj, sumajta nisqanta ninku. Wajcha pantajtin, tukuy payta rimanku. Allinta parlajtintaj mana ni pi uyarikunchu.
23Qhapaj parlajtintaj, tukuy ch'in kakunku, patamantaj oqharinku nisqasninta. Wajcha parlajtinrí, pitaj chayri?, nispa ninku. Misk'ajtintaj tanqaykunkuraj.
24Mana juchanejta qhapajchakuy, allinmin. Rumi sonqonejta wajchaman tukuy mana allinchu.
25Runaj sonqompi allinchus manachus kasqan, uyampi rikukun.
26Kusisqa uyaqa kusisqa sonqomanta jamun. Llakiy yuyayniyoj runaqa, k'ita uya.
Currently Selected:
ECLESIÁSTICO 13: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 13
13
Allinta ajllakuy amigosniykita
1Alquitranta llankhajqa mach'achakun. Wapu wapuswan purejqa wapu wapullamantaj tukun.
2Ama llasa q'epiwan puriychu. Amataj puriychu aswan atiyniyojwan aswan qhapajwantaj qanmanta. K'analla mankaqa mana kayta atinmanchu fierro mankawan khuska. Takanakuspa k'analla mankaqa p'akikun.
3Qhapajqa mana cheqan kajta ruwaspa, uman oqharisqa purin. Wajchataj saruchikojtin waqaspa khuyakuyta mañakun.
4Qhapajqa qanwan yanapachikun. Qantaj kamachinman tukunki. Manaña yanapayta atejtiykirí saqerparisonqa.
5Imallapis tiyapusunki? Qhapajqa qanwan khuska tiyakonqa. Mana sonqonta nanachikuspalla kapuyniykita apakaponqa.
6Payta yanapayta atisqaykita yuyaspa, k'acha sonqowan parlapayasunki, asirikuy simiwan. Qantaj sonqoykita kicharinki. Payqa misk'ita parlasonqa: Imatataj munanki?, nispa.
7Mikhunasnimpi p'enqaypi rukhurichisonqa. Atejtintaj imallatapis qanmanta munanqa. Iskaytachus kinsatachus alabasonqa. Chaymantataj rikususpa phiñakonqa asipayasonqataj.
8Pajtataj! Ama sonqoykita kicharillaychu. Ama opas jinachu kay.
9Atiyniyoj runa wajyasojtin, ama qayllaychu. Chantaqa, pay ujtawan qhaparisonqa qayllanaykipaj.
10Ama thaskiychu. Ichapis qhesachasunkiman. Amataj anchata karunchakuychu. Ichapis qonqapusunkiman.
11Ama paywan parlaychu amigoykiwan jina. Amataj uyariychu tukuy nisqantaqa. Payqa anchata parlan pruebaman churasunampaj. Asirikoj jina pay rejsisuyta munashan.
12Sichus mana sonqoyoj runa kamachejman tukun chayqa, mana ni pita khuyakonqachu, ashkha runastapis wañuchiyta munanqa.
13Allinta kichariy ñawisniykita ningrisniykita ima. Ama puriychu phiña runaswan.
14Kayta uyarinki chayqa mosqoyniykipi, rijch'arillay. Tukuy kausayniykipi Señorta munakuy, paymantataj mañakuy salvasunampaj.
15Tukuy kausayniyojkuna masisninkuta munakunku. Ajinallataj, tukuy runaspis runa masisninkuta munakullankutaj.
16Tukuy kausayniyojkuna masisninkuwan purinku. Ajinallataj, tukuy runaspis runa masisninkuwan purillankutaj.
17Imaynamantataj atinkuman khuska puriyta lobowan corderowanri? Ajinallataj, mana purinkumanchu sajra runawan k'acha runawanqa.
18Allintachu kausankuman atojwan alqowan? Allintachu kausankuman qhapajwan wajchawan?
19Leonqa ch'in pampapi jap'iykun k'ita burrota. Ajinallataj, wajchasqa qhapajkunawan jap'ichikunku.
Qhapajkunawan wajchaswan
20Wapu runaqa wajchata chejnikun. Qhapajtaj wajchata chejnikullantaj.
21Qhapajchus misk'anman chayqa, amigosnin jap'inku. Wajchachus misk'anman chayqa, amigosnin wijch'uykunku.
22Qhapaj misk'ajtenqa, amigosnin makisninkuwan jap'inku. Sonserasta parlajtintaj, sumajta nisqanta ninku. Wajcha pantajtin, tukuy payta rimanku. Allinta parlajtintaj mana ni pi uyarikunchu.
23Qhapaj parlajtintaj, tukuy ch'in kakunku, patamantaj oqharinku nisqasninta. Wajcha parlajtinrí, pitaj chayri?, nispa ninku. Misk'ajtintaj tanqaykunkuraj.
24Mana juchanejta qhapajchakuy, allinmin. Rumi sonqonejta wajchaman tukuy mana allinchu.
25Runaj sonqompi allinchus manachus kasqan, uyampi rikukun.
26Kusisqa uyaqa kusisqa sonqomanta jamun. Llakiy yuyayniyoj runaqa, k'ita uya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.