ROMANOS 12
12
Cristopi creejkunaj ruwaynin
1Ajinaqa, hermanos, mañakuykichej, Diospa khuyakuyninrayku kausanaykichejta, kausashaj rikuchikuta jina jaywanaykichejpaj, llimphuta, Diosta kusichejta. Chaymá cheqan yuyaywan Diosta yupaychayniykichejqa. 2Ama kay mundoj munayninman jina puriychejchu, astawanqa yuyayniykichejpa mosoj kayninman jina allinta kausaychej, yachanaykichejpaj mayqenchus Diospa munaynin kasqanta, k'acha, kusichej, junt'asqataj.
3Dios khuyakuyninta qowasqanrayku, sapa ujniykichejman niykichej, ama qankuna kikiykichejmanta astawan kasqaykichejta yuyakunaykichejpaj. Manachayqa sapa uj pay kikinmanta maychus kajta yuyachun, Dios sapa ujman fewan qosqanman jina. 4Cuerponchejpeqa ashkha partes tiyan, manataj tukuyninkuchu uj rejllata ruwanku. 5Ajinallataj noqanchejpis, ashkha kaspa, Cristopi uj cuerpolla kanchej, sapa ujtaj ujkuna ujkunawan cuerpoj partesnin jina kanchej.
6Ajinaqa, sapa ujman, waj waj yanapaykunata khuyakuyninman jina qowarqanchej. Chayrayku pimanchus evangeliota willanampaj yachayta qorqa, feninman jina willachun. 7Sichus yanapata qowanchej wajkunata yanapanapaj chayqa, yanapana tiyan, chayrí, yachachejpis yachachichun. 8Sonqochajpis k'amispa sonqochachun, imata qojpis allinta tukuy sonqowan rak'ichun. Kamachejpis allinllawan kamachichun, khuyakojpis kusiywan khuyachun.
9Munakuspaqa, ama munakojllamanchu rijch'akuychej. Sajra kajta chejniychej, allin kajtataj ruwaychej. 10Hermanos jina, tukuy sonqo munanakuychej, ujkuna ujkunata allimpaj qhawaspa.
11Ima ruwanallapipis ama qhellas kaychejchu; k'uchistaj kaychej, tukuy sonqotaj Señorta sirviychej.
12Kusiywan kakuychej suyaypi, llakiypi llamp'u sonqowan, Diosmanta mañakuspapuni.
13Ajllasqas pisichikojtinku yanapaychej, wasiykichejmantaj paykunata wajyariychej k'acha kayta yachakuspa.
14Bendiciychej qhatiykachasojkunata. Diosmanta paykunapaj mañapuychej, amataj maldiciychejchu.
15Kusikuychej kusikojkunawan; waqajkunawantaj waqaychej.
16Uj sonqolla kaychej qankuna ukhupi; ama jatunchakuspa llamp'u sonqo kajkunawan kausakuychej. Amataj qankunaj yuyayniykichejpi yachaysapas kaychejchu.
17Ama pimampis sajramanta sajrallatataj kutichiychejchu, allin kajtapuni ruwaychej tukuy runaj ñaupaqempi. 18Atikojtenqa atisqaykichejman jina tukuy runawan allimpi kausakuychej. 19Munasqa hermanosníy, ama qankunapura sajramanta sajrallatataj kutichinakuychejchu, manachayqa phiñakuyta saqeychej Diosman. Escribisqa kashan: Noqa kutichisaj, noqa jasut'isaj, nin Señorqa. 20Chayrayku enemigoyki yarqhachikojtenqa mikhuyta qoriy, ch'akichikojtintaj yakuta jaywariy. Kayta ruwaspaqa nina brasaswan jina p'enqaypi uyanta k'ajarichinki. 21Ama sajra kajwan atipachikuychu, astawanqa sajra kajta allin kajwan atipay.
Currently Selected:
ROMANOS 12: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ROMANOS 12
12
Cristopi creejkunaj ruwaynin
1Ajinaqa, hermanos, mañakuykichej, Diospa khuyakuyninrayku kausanaykichejta, kausashaj rikuchikuta jina jaywanaykichejpaj, llimphuta, Diosta kusichejta. Chaymá cheqan yuyaywan Diosta yupaychayniykichejqa. 2Ama kay mundoj munayninman jina puriychejchu, astawanqa yuyayniykichejpa mosoj kayninman jina allinta kausaychej, yachanaykichejpaj mayqenchus Diospa munaynin kasqanta, k'acha, kusichej, junt'asqataj.
3Dios khuyakuyninta qowasqanrayku, sapa ujniykichejman niykichej, ama qankuna kikiykichejmanta astawan kasqaykichejta yuyakunaykichejpaj. Manachayqa sapa uj pay kikinmanta maychus kajta yuyachun, Dios sapa ujman fewan qosqanman jina. 4Cuerponchejpeqa ashkha partes tiyan, manataj tukuyninkuchu uj rejllata ruwanku. 5Ajinallataj noqanchejpis, ashkha kaspa, Cristopi uj cuerpolla kanchej, sapa ujtaj ujkuna ujkunawan cuerpoj partesnin jina kanchej.
6Ajinaqa, sapa ujman, waj waj yanapaykunata khuyakuyninman jina qowarqanchej. Chayrayku pimanchus evangeliota willanampaj yachayta qorqa, feninman jina willachun. 7Sichus yanapata qowanchej wajkunata yanapanapaj chayqa, yanapana tiyan, chayrí, yachachejpis yachachichun. 8Sonqochajpis k'amispa sonqochachun, imata qojpis allinta tukuy sonqowan rak'ichun. Kamachejpis allinllawan kamachichun, khuyakojpis kusiywan khuyachun.
9Munakuspaqa, ama munakojllamanchu rijch'akuychej. Sajra kajta chejniychej, allin kajtataj ruwaychej. 10Hermanos jina, tukuy sonqo munanakuychej, ujkuna ujkunata allimpaj qhawaspa.
11Ima ruwanallapipis ama qhellas kaychejchu; k'uchistaj kaychej, tukuy sonqotaj Señorta sirviychej.
12Kusiywan kakuychej suyaypi, llakiypi llamp'u sonqowan, Diosmanta mañakuspapuni.
13Ajllasqas pisichikojtinku yanapaychej, wasiykichejmantaj paykunata wajyariychej k'acha kayta yachakuspa.
14Bendiciychej qhatiykachasojkunata. Diosmanta paykunapaj mañapuychej, amataj maldiciychejchu.
15Kusikuychej kusikojkunawan; waqajkunawantaj waqaychej.
16Uj sonqolla kaychej qankuna ukhupi; ama jatunchakuspa llamp'u sonqo kajkunawan kausakuychej. Amataj qankunaj yuyayniykichejpi yachaysapas kaychejchu.
17Ama pimampis sajramanta sajrallatataj kutichiychejchu, allin kajtapuni ruwaychej tukuy runaj ñaupaqempi. 18Atikojtenqa atisqaykichejman jina tukuy runawan allimpi kausakuychej. 19Munasqa hermanosníy, ama qankunapura sajramanta sajrallatataj kutichinakuychejchu, manachayqa phiñakuyta saqeychej Diosman. Escribisqa kashan: Noqa kutichisaj, noqa jasut'isaj, nin Señorqa. 20Chayrayku enemigoyki yarqhachikojtenqa mikhuyta qoriy, ch'akichikojtintaj yakuta jaywariy. Kayta ruwaspaqa nina brasaswan jina p'enqaypi uyanta k'ajarichinki. 21Ama sajra kajwan atipachikuychu, astawanqa sajra kajta allin kajwan atipay.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.