SAN MATEO 11
11
Juan Bautistaj kachasnin
(Lc 7.18-35)
1Jesús, chunka iskayniyoj yachachisqasninman yachachiyta tukuytawan, riporqa yachachej, predicajtaj chay llajtaspi. 2-3Juan Bautista carcelpi kashaspa, Cristoj ruwasqasninta uyarispa, iskay yachachisqasninta Jesusman kacharqa tapunankupaj: Qanchu kanki jamunan karqa chay, chayrí, wajtachu suyasqayku?, nispa. 4Jesustaj paykunaman kuticherqa: Rispa Juanman willamuychej imatachus rikusqaykichejta, uyarisqaykichejtawan. 5Ciegos rikunku, cojos puririnku, lepra onqoyniyojkuna llimphuchasqas kanku, lojt'us uyarinku, wañusqas kausarinku, wajchasmampis evangelio willakun. 6Kusikuyniyojmin pichus noqapi mana misk'ajqa.
7Paykuna ripushajtinkutaj, Jesusqa Juanmanta runasman willayta qallarerqa: Imata rikojtaj ch'in pampaman rerqankichej? Wayraj kuyuykachachisqan soqosotachu? 8Chayrí, imatataj qhawaj llojserqankichej? Sumaj llamp'u p'achayoj runatachu? Sumaj p'achayojkunaqa, reyespa wasisnimpi kashanku. 9Chantá, imata qhawajpunitaj llojserqankichejri? Uj profetatachu? Arí, niykichej, profetamantapis astawan kurajtaraj. 10Kay Juanmanta escribisqa kashan: Noqa ñaupaqeykita kachamushani willajniyta, ñanta wakichipusunampaj. 11Cheqamanta niykichej: Tukuy nacikojkunamanta, mana ujpis Juan Bautistamanta nisqaqa aswan kuraj rikhurimorqachu. Janaj pacha Diospa reinompi, aswan juch'uy kajpis, kurajmin paymantaqa.
12Juan Bautistaj jamusqanmantapacha, janaj pacha Diospa reinompi kallpashanku, kallpayojkunataj chay reinotaqa jap'inku. 13Tukuy profetas, leypis, Juan jamunankama chay reinomanta willarqanku. 14Sichus qankuna Juampa nisqanta creeyta munankichej chayqa, paymin jamunan karqa chay Eliasqa. 15Ningrisniyojqa uyarichun.
16Pimantaj rijch'achisaj, kunan tiempo runastari? Paykuna rijch'akunku wawas plazaspi tiyakojkunaman, paykunataj wawa masisninkuta qhaparispa, ninku: 17Qankunapaj qenata tocapuyku, manataj tusunkichejchu; llakiykunata takipuyku, nillataj waqankichejku. 18Juan jamorqa. Payrí, mana mikhojchu, nitaj ujyajchu; ninkutaj supayniyoj kasqanta. 19Runaj Churin jamorqa. Payqa mikhoj ujyajtaj; qankunataj ninkichej: Kay runaqa anchata mikhun, vinotataj ujyan; impuesteroswan, juchasapaswan imataj kausakun. Diospa yachaynenqa ruwasqasnimpi rejsichikun.
Mana kasukoj llajtas
(Lc 10.13-15)
20Chaypacha Jesús, k'amiyta qallarerqa, maypichus aswan milagrosta ruwarqa chaykunata. Runakuna manapuni juchasninkumanta Diosman kutirikorqankuchu. 21Nerqataj: Ay qanmanta, Corazín llajta! Ay qanmantapis Betsaida llajta! Tiropi, Sidompi imatajchus milagros qankuna ukhupi jina, ruwakunman karqa chayqa; maypachaña paykunaqa Diosman kutirikunkuman karqa, ushpharara qhashqa p'achata churakuspa. 22Cheqamanta ari niykichej: Juicio p'unchaypeqa, aswan ñak'ariy qankunapaj kanqa, Tiromanta, Sidonmantawan nisqaqa. 23Qantaj Capernaum llajta, janaj pachakama oqharikoj, uraykuchisqa kanki infiernokama. Sodomapichus qampi jina chay milagros ruwakunkuman karqa chayqa, kunan p'unchaykama kakushanman karqa chay llajtaqa. 24Chayrayku niykichej: Juicio p'unchaypeqa, qankuna astawan sinch'ita ñak'arinkichej Sodomapi tiyakojkunamanta nisqaqa.
Noqaman jamuychej
(Lc 10.21-22)
25Chaypacha Jesús kutichispa nerqa: Yupaychayki Tatáy, janaj pachajta, kay pachajtawan Señornin. Kay imasta pakaykorqanki yachaysapasmanta, yuyayniyojkunamantawan; wawasmantaj chaykunata rikucherqanki. 26Arí, Tatáy, ajinata munarqanki.
27Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla. 28Noqaman jamuychej, tukuy sayk'usqa kajkuna, llasa q'epiyojkuna ima; noqataj samachisqaykichej. 29Yugoyta apaychej, yachakuychejtaj noqamanta. Noqaqa k'acha, llamp'u sonqotaj kani, almasniykichejpajtaj samakuyta tarinkichej. 30Yugoyqa llamp'ulla, q'epiypis chhallalla.
Currently Selected:
SAN MATEO 11: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 11
11
Juan Bautistaj kachasnin
(Lc 7.18-35)
1Jesús, chunka iskayniyoj yachachisqasninman yachachiyta tukuytawan, riporqa yachachej, predicajtaj chay llajtaspi. 2-3Juan Bautista carcelpi kashaspa, Cristoj ruwasqasninta uyarispa, iskay yachachisqasninta Jesusman kacharqa tapunankupaj: Qanchu kanki jamunan karqa chay, chayrí, wajtachu suyasqayku?, nispa. 4Jesustaj paykunaman kuticherqa: Rispa Juanman willamuychej imatachus rikusqaykichejta, uyarisqaykichejtawan. 5Ciegos rikunku, cojos puririnku, lepra onqoyniyojkuna llimphuchasqas kanku, lojt'us uyarinku, wañusqas kausarinku, wajchasmampis evangelio willakun. 6Kusikuyniyojmin pichus noqapi mana misk'ajqa.
7Paykuna ripushajtinkutaj, Jesusqa Juanmanta runasman willayta qallarerqa: Imata rikojtaj ch'in pampaman rerqankichej? Wayraj kuyuykachachisqan soqosotachu? 8Chayrí, imatataj qhawaj llojserqankichej? Sumaj llamp'u p'achayoj runatachu? Sumaj p'achayojkunaqa, reyespa wasisnimpi kashanku. 9Chantá, imata qhawajpunitaj llojserqankichejri? Uj profetatachu? Arí, niykichej, profetamantapis astawan kurajtaraj. 10Kay Juanmanta escribisqa kashan: Noqa ñaupaqeykita kachamushani willajniyta, ñanta wakichipusunampaj. 11Cheqamanta niykichej: Tukuy nacikojkunamanta, mana ujpis Juan Bautistamanta nisqaqa aswan kuraj rikhurimorqachu. Janaj pacha Diospa reinompi, aswan juch'uy kajpis, kurajmin paymantaqa.
12Juan Bautistaj jamusqanmantapacha, janaj pacha Diospa reinompi kallpashanku, kallpayojkunataj chay reinotaqa jap'inku. 13Tukuy profetas, leypis, Juan jamunankama chay reinomanta willarqanku. 14Sichus qankuna Juampa nisqanta creeyta munankichej chayqa, paymin jamunan karqa chay Eliasqa. 15Ningrisniyojqa uyarichun.
16Pimantaj rijch'achisaj, kunan tiempo runastari? Paykuna rijch'akunku wawas plazaspi tiyakojkunaman, paykunataj wawa masisninkuta qhaparispa, ninku: 17Qankunapaj qenata tocapuyku, manataj tusunkichejchu; llakiykunata takipuyku, nillataj waqankichejku. 18Juan jamorqa. Payrí, mana mikhojchu, nitaj ujyajchu; ninkutaj supayniyoj kasqanta. 19Runaj Churin jamorqa. Payqa mikhoj ujyajtaj; qankunataj ninkichej: Kay runaqa anchata mikhun, vinotataj ujyan; impuesteroswan, juchasapaswan imataj kausakun. Diospa yachaynenqa ruwasqasnimpi rejsichikun.
Mana kasukoj llajtas
(Lc 10.13-15)
20Chaypacha Jesús, k'amiyta qallarerqa, maypichus aswan milagrosta ruwarqa chaykunata. Runakuna manapuni juchasninkumanta Diosman kutirikorqankuchu. 21Nerqataj: Ay qanmanta, Corazín llajta! Ay qanmantapis Betsaida llajta! Tiropi, Sidompi imatajchus milagros qankuna ukhupi jina, ruwakunman karqa chayqa; maypachaña paykunaqa Diosman kutirikunkuman karqa, ushpharara qhashqa p'achata churakuspa. 22Cheqamanta ari niykichej: Juicio p'unchaypeqa, aswan ñak'ariy qankunapaj kanqa, Tiromanta, Sidonmantawan nisqaqa. 23Qantaj Capernaum llajta, janaj pachakama oqharikoj, uraykuchisqa kanki infiernokama. Sodomapichus qampi jina chay milagros ruwakunkuman karqa chayqa, kunan p'unchaykama kakushanman karqa chay llajtaqa. 24Chayrayku niykichej: Juicio p'unchaypeqa, qankuna astawan sinch'ita ñak'arinkichej Sodomapi tiyakojkunamanta nisqaqa.
Noqaman jamuychej
(Lc 10.21-22)
25Chaypacha Jesús kutichispa nerqa: Yupaychayki Tatáy, janaj pachajta, kay pachajtawan Señornin. Kay imasta pakaykorqanki yachaysapasmanta, yuyayniyojkunamantawan; wawasmantaj chaykunata rikucherqanki. 26Arí, Tatáy, ajinata munarqanki.
27Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla. 28Noqaman jamuychej, tukuy sayk'usqa kajkuna, llasa q'epiyojkuna ima; noqataj samachisqaykichej. 29Yugoyta apaychej, yachakuychejtaj noqamanta. Noqaqa k'acha, llamp'u sonqotaj kani, almasniykichejpajtaj samakuyta tarinkichej. 30Yugoyqa llamp'ulla, q'epiypis chhallalla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.