JUDAS 1
1
Apóstol Judas creejkunaman cartata apachin
1Noqa Judas, Jesucristoj kamachin, Santiagoj wauqentaj, wajyasqasman escribimuni, Dios Tatapi llimphuchasqasman, Jesucristopitaj waqaychasqas kajkunaman. 2Qankunapi khuyakuy, sonqo tiyakuy, munakuypis ashkhayachun.
Llullata yachachejkuna
3Munasqa hermanosníy, maytapuni munarqani tukuypa salvacionninchejmanta escribimuyta. Chayrayku kunanqa, escribimunaypuni karqa qankunata sonqochaspa, sinch'ita sayanaykichejpaj feniykichejrayku. Chaytaj uj kutillata ayllasqasninman qosqa karqa. 4Wakin runasqa pakayllamanta yaykumorqanku. Paykunamantaqa ñaupajmantapachaña Escrituras willarqanku juiciopaj juchachasqas kasqankuta. Paykunaqa mana manchachikuyniyoj kanku, Diosninchejpa khuyakuynintapis millay kausayninkuman tukuchinku. Kamachej sapan Diosta, Señorninchej Jesucristotapis qhesachanku.
5Uj kuti yachasqaykichejmanta munani yuyarikunaykichejta; imaynatachus Diosninchej Israel aylluta Egiptomanta orqhomuspa salvasqanta, mana creejkunatataj wañurachisqanta. 6Jinallatataj angelesta, ñaupaj jatun kayninkuta mana waqaychasqankurayku; astawanqa janaj pacha tiyanankuta saqesqankurayku, jaqay jatun p'unchay juiciopaj watasqasta, laqhayay ukhupi, wiñaypaj waqaycharqa. 7Jinallatataj, Sodoma, Gomorra llajtas, chay qayllapi kajkunapis qhenchachakorqanku cuerponkoj contranta juchallispa; chayrayku paykunaqa wiñaypaj nina larwayta ñak'arerqanku. Chayqa wananapaj churasqa karqa.
8Chaywampis, kikillantataj chay mosqokojkunapis ukhunkuta khuchichanku, kamachejkunatapis qhesachanku, janaj pachapi atiykunapajpis sajrata rimanku. 9Arcángel Miguelpis, supaywan churankuspa, Moisespa cuerpon jawa, mana munarqachu juiciopaj juchachayta. Payqa nillarqa: Señor k'amisuchun, nispa. 10Chay runakunarí, mana imata rejsisqankupaj sajrata rimanku; imastachus rejsisqankupirí, mana yuyayniyoj uywas jina, wañuyman rinku.
11Ay paykunamanta! Caimpa ñanninta purerqanku, qolqerayku Balaampa pantasqanman urmarqanku, Coréj oqharikusqampitaj wañorqanku. 12Paykunaqa, munasqa qarakusniykichejta ch'ichichanku. Mana manchachikuspa qankunawan khuska mikhunku, paykuna kikinkuta michikuspa. Paykunaqa kanku mana yakuyoj phuyus, wayraj apaykachasqasnin, poqoy tiempopi mana poqoyniyoj sach'as, iskay kuti wañusqas, saphinmantapacha t'irasqas. 13Phiñarisqa mar qochaj yakusnin, paykunaqa kikin p'enqayninkuta phosoqonku, ch'eqerasqa purej qoyllurkuna, pikunapajchus laqhayaypa tutayaynin wiñaypaj waqaychasqa kashan.
14-15Chay runakunamantaqa Enoc, Adanmantapacha qanchis kaj karqa, kay jinata nerqa: Qhawaychej, Señorqa waranqa waranqa ajllasqasninwan jamushan, tukuyninkuta juzgaj, juchachajtaj Diosta mana yupaychajkunata, sajra ruwasqasninkuwan juchallisqankurayku. Juchachallanqataj tukuy jatuchaj phiña palabraswan paypaj rimasqankumanta. Kaykunaqa juchasapas kanku, mana Diosniyoj runas. 16Paykunaqa wasa rimakus kanku. Phiñanachejkunataj, munayninkuman jinataj purinku. Siminkoqa may jatun kasqankumanta parlan, runastataj llunk'unku qolqerayku.
Creejkunapaj kamachiykuna
17Munasqa hermanosníy, qankunaqa yuyarikuychej imatachus Señorninchej Jesucristoj apostolesnin ñaupajmantapacha niwarqanchej, chayta. 18Paykuna nisorqachej: Qhepa p'unchaykunapi asipayajkuna jamonqanku, sajra munayninkuman jinataj purenqanku. 19Chaykunaqa t'aqanachejkuna kanku; aychaman jina purinku, mana Espirituyoj kaspa.
20Munasqa hermanosníy, qankunaqa kallpachanakuspa wiñaychej allin sumaj llimphuchasqa feniykichejpi, Diosmanta mañakuspataj Santo Espiritunejta. 21Diospa munakuynimpi waqaychakuychej, Señor Jesucristoj khuyakuyninta suyaspa, wiñay kausayta jap'inaykichejpaj.
22Wakin iskayrayajkunata khuyakuywan unanchachiychej. 23Wakintarí salvaychej, ninamanta ayqechispa; wakintataj manchachikuywan khuyakuychej, chejniychejtaj aychampa ch'ichichasqan p'achatapis.
Diosta yupaychana
24Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta. 25Yachayniyoj uj k'ata Dios Salvadorninchejman Señorninchej Jesucristonejta yupaychay kachun, jatun kay, atiy, kamachiy, kunanmantapacha wiñaypa wiñayninkama. Amén.
Currently Selected:
JUDAS 1: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
JUDAS 1
1
Apóstol Judas creejkunaman cartata apachin
1Noqa Judas, Jesucristoj kamachin, Santiagoj wauqentaj, wajyasqasman escribimuni, Dios Tatapi llimphuchasqasman, Jesucristopitaj waqaychasqas kajkunaman. 2Qankunapi khuyakuy, sonqo tiyakuy, munakuypis ashkhayachun.
Llullata yachachejkuna
3Munasqa hermanosníy, maytapuni munarqani tukuypa salvacionninchejmanta escribimuyta. Chayrayku kunanqa, escribimunaypuni karqa qankunata sonqochaspa, sinch'ita sayanaykichejpaj feniykichejrayku. Chaytaj uj kutillata ayllasqasninman qosqa karqa. 4Wakin runasqa pakayllamanta yaykumorqanku. Paykunamantaqa ñaupajmantapachaña Escrituras willarqanku juiciopaj juchachasqas kasqankuta. Paykunaqa mana manchachikuyniyoj kanku, Diosninchejpa khuyakuynintapis millay kausayninkuman tukuchinku. Kamachej sapan Diosta, Señorninchej Jesucristotapis qhesachanku.
5Uj kuti yachasqaykichejmanta munani yuyarikunaykichejta; imaynatachus Diosninchej Israel aylluta Egiptomanta orqhomuspa salvasqanta, mana creejkunatataj wañurachisqanta. 6Jinallatataj angelesta, ñaupaj jatun kayninkuta mana waqaychasqankurayku; astawanqa janaj pacha tiyanankuta saqesqankurayku, jaqay jatun p'unchay juiciopaj watasqasta, laqhayay ukhupi, wiñaypaj waqaycharqa. 7Jinallatataj, Sodoma, Gomorra llajtas, chay qayllapi kajkunapis qhenchachakorqanku cuerponkoj contranta juchallispa; chayrayku paykunaqa wiñaypaj nina larwayta ñak'arerqanku. Chayqa wananapaj churasqa karqa.
8Chaywampis, kikillantataj chay mosqokojkunapis ukhunkuta khuchichanku, kamachejkunatapis qhesachanku, janaj pachapi atiykunapajpis sajrata rimanku. 9Arcángel Miguelpis, supaywan churankuspa, Moisespa cuerpon jawa, mana munarqachu juiciopaj juchachayta. Payqa nillarqa: Señor k'amisuchun, nispa. 10Chay runakunarí, mana imata rejsisqankupaj sajrata rimanku; imastachus rejsisqankupirí, mana yuyayniyoj uywas jina, wañuyman rinku.
11Ay paykunamanta! Caimpa ñanninta purerqanku, qolqerayku Balaampa pantasqanman urmarqanku, Coréj oqharikusqampitaj wañorqanku. 12Paykunaqa, munasqa qarakusniykichejta ch'ichichanku. Mana manchachikuspa qankunawan khuska mikhunku, paykuna kikinkuta michikuspa. Paykunaqa kanku mana yakuyoj phuyus, wayraj apaykachasqasnin, poqoy tiempopi mana poqoyniyoj sach'as, iskay kuti wañusqas, saphinmantapacha t'irasqas. 13Phiñarisqa mar qochaj yakusnin, paykunaqa kikin p'enqayninkuta phosoqonku, ch'eqerasqa purej qoyllurkuna, pikunapajchus laqhayaypa tutayaynin wiñaypaj waqaychasqa kashan.
14-15Chay runakunamantaqa Enoc, Adanmantapacha qanchis kaj karqa, kay jinata nerqa: Qhawaychej, Señorqa waranqa waranqa ajllasqasninwan jamushan, tukuyninkuta juzgaj, juchachajtaj Diosta mana yupaychajkunata, sajra ruwasqasninkuwan juchallisqankurayku. Juchachallanqataj tukuy jatuchaj phiña palabraswan paypaj rimasqankumanta. Kaykunaqa juchasapas kanku, mana Diosniyoj runas. 16Paykunaqa wasa rimakus kanku. Phiñanachejkunataj, munayninkuman jinataj purinku. Siminkoqa may jatun kasqankumanta parlan, runastataj llunk'unku qolqerayku.
Creejkunapaj kamachiykuna
17Munasqa hermanosníy, qankunaqa yuyarikuychej imatachus Señorninchej Jesucristoj apostolesnin ñaupajmantapacha niwarqanchej, chayta. 18Paykuna nisorqachej: Qhepa p'unchaykunapi asipayajkuna jamonqanku, sajra munayninkuman jinataj purenqanku. 19Chaykunaqa t'aqanachejkuna kanku; aychaman jina purinku, mana Espirituyoj kaspa.
20Munasqa hermanosníy, qankunaqa kallpachanakuspa wiñaychej allin sumaj llimphuchasqa feniykichejpi, Diosmanta mañakuspataj Santo Espiritunejta. 21Diospa munakuynimpi waqaychakuychej, Señor Jesucristoj khuyakuyninta suyaspa, wiñay kausayta jap'inaykichejpaj.
22Wakin iskayrayajkunata khuyakuywan unanchachiychej. 23Wakintarí salvaychej, ninamanta ayqechispa; wakintataj manchachikuywan khuyakuychej, chejniychejtaj aychampa ch'ichichasqan p'achatapis.
Diosta yupaychana
24Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta. 25Yachayniyoj uj k'ata Dios Salvadorninchejman Señorninchej Jesucristonejta yupaychay kachun, jatun kay, atiy, kamachiy, kunanmantapacha wiñaypa wiñayninkama. Amén.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.