HEBREOS 7
7
Jesusqa, sacerdote churasqa Melquisedecpa t'aqanman jina
1Kay Melquisedecqa, Salem llajtaj reynin, jatun Diospa sacerdoten karqa; pichus Abrahamta taripaj llojserqa, reyesta atipasqanmanta kutimushajtin, paytataj yanaparqa. 2Paymantaj Abrahampis tukuy imanmanta, chunkamanta ujta qorqa; ñaupajta Melquisedec suteqa, cheqanta ruwaj rey niyta munan. Chantá, Salempa reynintaj. Chayqa sonqo tiyachej rey niyta munan. 3Mana tatayoj, mana mamayoj, mana aylluyoj kaspa, p'unchayninmantapis mana qallariynin kanchu, nitaj kausayninmantapis tukukuynin, Diospa Churinman rijch'akuspa, sacerdote churasqa wiñaypaj.
4Qhawaychej ari, imayna jatunchus Melquisedec kasqanta, Abrahampis, maqanakupi tukuy qhechusqanmanta, sapa chunkamanta ujta payman qorqa. 5Cheqatapuni Levejpa churisnin, sacerdote oficiota jap'erqanku, kamachisqastaj karqanku diezmota llajtamanta orqhonankupaj leyman jina, kay niyta munan, wauqesninkumanta. Paykunapis Abrahampa aychallanmantataj llojserqanku. 6Melquisedectaj mana paykunaj ayllunmantachu kaspa, diezmota Abrahammanta jap'erqa, paytataj yanaparqa, Dios qosqayki nisqasninta jap'isqanrayku. 7Chaymantaqa mana ima ninapis kanchu. Cheqamanta, sullk'a kajtaqa, kuraj kajpuni Diospa bendicionninwan yanapan. 8Cheqamanta, kaypi diezmota jap'ejkunaqa, wañoj runas kanku. Jaqaypirí yachakun diezmota jap'ej Melquisedecqa, kausashallasqantapuni. 9Niyta atisunman: Kikin Levipis, diezmota jap'ejqa, Abrahamnejta diezmota qollarqataj. 10Tatampa ukhullampiraj kasharqa, maypachachus Melquisedec taripaj llojserqa Abrahamta, chaypacha.
11Sichus ari, levítico sacerdociorayku sumaj kay, kanman karqa chayqa; imapajñataj waj sacerdote, Melquisedecpa t'aqanman jina jatarinman karqari, manataj Aarompa t'aqanman jina kajtinri? 12Sacerdocio tijrakojtenqa, leypis tijrakunallantaj tiyan. 13Chayrayku, jaqay pimantachus runas kayta ninku chayqa, waj ayllumanta karqa; chay ayllumantarí, mana pipis altarman jaywaj yaykorqachu. 14Yachakun Señorninchejqa Judajpa ayllunmanta jamusqan. Chay ayllumantaqa mana imatapis Moisés, sacerdocio jawa parlarqachu.
15Kaytaj astawan sut'inchakun, Melquisedecpa rijch'ayninman jinachus, waj sacerdote jatarin chayqa. 16Payqa mana aychaj kamachisqanman jina churasqachu; astawanqa, mana tukukoj kausaypa atiyninman jina. 17Paymanta willanku: Qan wiñaypaj sacerdote kanki, Melquisedecpa t'aqanman jina. 18Chayrayku, ñaupa kamacheyqa qhechukapun; pisi kallpayoj, mana imapaj allin kasqanrayku. 19Leyqa, mana imatapis allinta tukuycharqachu; astawanqa, allin suyakuyllaman pusaykuwarqanchej. Chaynejtataj Diosman qayllaykunchej.
20Kay sacerdoteqa juramentowan churasqa karqa. 21Cheqamanta chay waj sacerdotesqa mana juramentowanchu churasqas karqanku. Kayrí juramentowan churasqa karqa. Paymantaj nisqa karqa: Señor jurarqa, manataj jurasqanmanta kuyurerqachu. Qanqa wiñaypaj sacerdote kanki. 22Chayrayku, Jesusqa astawan allin tratomanta garante churasqa karqa. 23Chay ujkunaqa ashkha sacerdotes karqanku, imaraykuchus paykunaqa wañuyrayku mana sayayta aterqankuchu. 24Kayrí, wiñaypaj sayasqanrayku sacerdote kaynenqa mana tukukuyta atinchu. 25Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.
26Chay jina jatun sacerdotepuni allin kanan karqa noqanchejpaj; ajllasqa mana juchayoj, llimphu, juchasapakunamanta t'aqasqa, janaj pachamanta nisqapis, aswan jatumpaj churasqa. 27Payqa mana chay waj kuraj sacerdotes jinachu. Paykunaqa sapa p'unchay ñaupajtaraj uywa wañuchisqasta jaywananku tiyan juchasninkurayku, qhepantataj aylloj juchasninrayku. Kayta Cristoqa uj kutillata wiñaypaj ruwarqa, pay kikin wañuyman qokuspa. 28Leyqa kuraj sacerdotesta churan pisi kallpayoj runasta. Diospa palabrantaj, juramentowan leymanta qhepataña, Churinta wiñaypaj sumaj allinchasqata churarqa.
Currently Selected:
HEBREOS 7: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
HEBREOS 7
7
Jesusqa, sacerdote churasqa Melquisedecpa t'aqanman jina
1Kay Melquisedecqa, Salem llajtaj reynin, jatun Diospa sacerdoten karqa; pichus Abrahamta taripaj llojserqa, reyesta atipasqanmanta kutimushajtin, paytataj yanaparqa. 2Paymantaj Abrahampis tukuy imanmanta, chunkamanta ujta qorqa; ñaupajta Melquisedec suteqa, cheqanta ruwaj rey niyta munan. Chantá, Salempa reynintaj. Chayqa sonqo tiyachej rey niyta munan. 3Mana tatayoj, mana mamayoj, mana aylluyoj kaspa, p'unchayninmantapis mana qallariynin kanchu, nitaj kausayninmantapis tukukuynin, Diospa Churinman rijch'akuspa, sacerdote churasqa wiñaypaj.
4Qhawaychej ari, imayna jatunchus Melquisedec kasqanta, Abrahampis, maqanakupi tukuy qhechusqanmanta, sapa chunkamanta ujta payman qorqa. 5Cheqatapuni Levejpa churisnin, sacerdote oficiota jap'erqanku, kamachisqastaj karqanku diezmota llajtamanta orqhonankupaj leyman jina, kay niyta munan, wauqesninkumanta. Paykunapis Abrahampa aychallanmantataj llojserqanku. 6Melquisedectaj mana paykunaj ayllunmantachu kaspa, diezmota Abrahammanta jap'erqa, paytataj yanaparqa, Dios qosqayki nisqasninta jap'isqanrayku. 7Chaymantaqa mana ima ninapis kanchu. Cheqamanta, sullk'a kajtaqa, kuraj kajpuni Diospa bendicionninwan yanapan. 8Cheqamanta, kaypi diezmota jap'ejkunaqa, wañoj runas kanku. Jaqaypirí yachakun diezmota jap'ej Melquisedecqa, kausashallasqantapuni. 9Niyta atisunman: Kikin Levipis, diezmota jap'ejqa, Abrahamnejta diezmota qollarqataj. 10Tatampa ukhullampiraj kasharqa, maypachachus Melquisedec taripaj llojserqa Abrahamta, chaypacha.
11Sichus ari, levítico sacerdociorayku sumaj kay, kanman karqa chayqa; imapajñataj waj sacerdote, Melquisedecpa t'aqanman jina jatarinman karqari, manataj Aarompa t'aqanman jina kajtinri? 12Sacerdocio tijrakojtenqa, leypis tijrakunallantaj tiyan. 13Chayrayku, jaqay pimantachus runas kayta ninku chayqa, waj ayllumanta karqa; chay ayllumantarí, mana pipis altarman jaywaj yaykorqachu. 14Yachakun Señorninchejqa Judajpa ayllunmanta jamusqan. Chay ayllumantaqa mana imatapis Moisés, sacerdocio jawa parlarqachu.
15Kaytaj astawan sut'inchakun, Melquisedecpa rijch'ayninman jinachus, waj sacerdote jatarin chayqa. 16Payqa mana aychaj kamachisqanman jina churasqachu; astawanqa, mana tukukoj kausaypa atiyninman jina. 17Paymanta willanku: Qan wiñaypaj sacerdote kanki, Melquisedecpa t'aqanman jina. 18Chayrayku, ñaupa kamacheyqa qhechukapun; pisi kallpayoj, mana imapaj allin kasqanrayku. 19Leyqa, mana imatapis allinta tukuycharqachu; astawanqa, allin suyakuyllaman pusaykuwarqanchej. Chaynejtataj Diosman qayllaykunchej.
20Kay sacerdoteqa juramentowan churasqa karqa. 21Cheqamanta chay waj sacerdotesqa mana juramentowanchu churasqas karqanku. Kayrí juramentowan churasqa karqa. Paymantaj nisqa karqa: Señor jurarqa, manataj jurasqanmanta kuyurerqachu. Qanqa wiñaypaj sacerdote kanki. 22Chayrayku, Jesusqa astawan allin tratomanta garante churasqa karqa. 23Chay ujkunaqa ashkha sacerdotes karqanku, imaraykuchus paykunaqa wañuyrayku mana sayayta aterqankuchu. 24Kayrí, wiñaypaj sayasqanrayku sacerdote kaynenqa mana tukukuyta atinchu. 25Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.
26Chay jina jatun sacerdotepuni allin kanan karqa noqanchejpaj; ajllasqa mana juchayoj, llimphu, juchasapakunamanta t'aqasqa, janaj pachamanta nisqapis, aswan jatumpaj churasqa. 27Payqa mana chay waj kuraj sacerdotes jinachu. Paykunaqa sapa p'unchay ñaupajtaraj uywa wañuchisqasta jaywananku tiyan juchasninkurayku, qhepantataj aylloj juchasninrayku. Kayta Cristoqa uj kutillata wiñaypaj ruwarqa, pay kikin wañuyman qokuspa. 28Leyqa kuraj sacerdotesta churan pisi kallpayoj runasta. Diospa palabrantaj, juramentowan leymanta qhepataña, Churinta wiñaypaj sumaj allinchasqata churarqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.