GÁLATAS 2
2
Pabloqa gentilespa apostolnin
1Chunka tawayoj watamanta ujtawan Jerusalenman wicharerqani Bernabeta, Titotawan pusarikuspa. 2Chayman rerqani Dios sut'ita kamachiwasqanrayku. Kurajkunamantaj willarqani evangeliota, chay willasqayqa ama qhasi kanampaj gentilespa chaupimpi. 3Noqawan kasharqa chay Titoqa, griego kaspapis, mana kamachisqachu karqa circuncidachikunampaj. 4Chaymantaj wakin llulla hermanos pakaymanta yaykumorqanku, wateqanawaykupaj Cristo Jesusnejta kacharisqaña kasqaykuta. K'amispataj ujtawan munasharqanku leypa kamachimpi kanaykuta. 5Chaykunataqa mana uj chhikallantapis kasorqaykuchu, cheqa kaj evangelio qankunawampuni kanampaj.
6Kurajkunapaj qhawasqa karqanku chaykunaqa, mana ima mosojtapis willarqaykuchu; imaraykuchus ñaupajta imaynachus karqanku chaymanta mana ima ruwanay tiyanchu, Diosqa mana runaj rijch'aynintachu qhawan. 7Astawanqa manaraj paykunaman willashajtiy, yacharqanku gentilesman evangeliota willanay kasqanta; imaynatachus Pedropis kamachisqa karqa judiosman evangeliota willanampaj. 8Chayrayku imaynatachus Pedrota Dios judiosman kacharqa llank'anampaj, ajinallatataj noqatapis kachawarqa gentileswan llank'anaypaj.
9Chayrayku kurajkuna, Santiago, Pedro, Juan ima, noqaman Bernabemanwan willana qosqa kasqanta yachaspa, paña makinkuta jaywawarqayku uj yuyaylla kanaykupaj, noqayku gentilesman evangeliota willaj rinaykupaj, paykunataj judiosman. 10Wajchasllamanta yuyarikunaykuta mañawarqayku; chaytaqa usqhayllata tukuy sonqo junt'arqani.
Pablo Antioquiapi Pedrota k'amin
11-12Pedro Antioquiaman jamojtintaj, uyampi k'amerqani. Payqa juchachanapaj jina karqa, imaraykuchus Santiogomanta kajkuna manaraj jamushajtinku, gentileswan mikhoj. Chayamojtinkutaj mikhunata saqej, paykunamantataj t'aqakoj, judiosta manchachikuspa. 13Ajinaqa Pedroj puraj uya kayninta wakin judíos qhaterqanku. Bernabepis paykunaj puraj uya kayninkupi purisharqa. 14Maypachachus rikorqani mana allinta purejta, evangelioj cheqa kayninman jina, chaypacha tukuypa ñaupaqempi Pedroman nerqani: Sichus qan judío kashaspa, gentiles jina kausanki, manataj judío jinachu chayqa, imaraykutaj kamachinki gentilesqa judíos jina kanankutari?
Judioswan gentileswan fenejta salvasqas kanku
15Noqaykoqa nacisqaykumantapacha judíos kayku, manataj gentilesmanta juchasapaschu kayku. 16Yachaspa runaqa mana leypa ruwanasninraykuchu mana juchayojpaj rejsisqa kasqanta, manachayqa Jesucristopi creesqanraykulla. Noqaykupis Cristopi creerqayku, paypi fenejta mana juchayojpaj rejsisqa kanaykupaj, manataj leypa ruwanasninraykuchu. Mana pipis leypa ruwanasninraykuchu, mana juchayojpaj rejsisqa kanqa.
17Cristopi mana juchayojpaj rejsisqa kayta mask'ashaspachus, noqaykupis juchayoj tarisqas kaykuman chayqa, chaychu niyta munan Cristoqa juchata ruwachisqanta? Chayqa mana jinachu. 18Sichus imatapis urmachispaña chayllatataj sayarichiyman chayqa, juchasapa kayman. 19Noqaqa leynejta leypaj wañusqa kani, Diospaj kausanaypaj. 20Cristowan khuska chakatasqa karqani, manataj noqañachu kausani, manachayqa Cristo kausan noqapi. Kunan aychapi kausashaspapis, Diospa Churimpi creesqayrayku kausashani. Pay munakuwarqa, pay kikintaj wañorqa noqarayku. 21Diospa khuyakuynintaqa mana qhesachanichu. Sichus leynejta mana juchayoj rikhuriykuman chayqa, qhasi mana kajpaj Cristoqa wañorqa.
Currently Selected:
GÁLATAS 2: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
GÁLATAS 2
2
Pabloqa gentilespa apostolnin
1Chunka tawayoj watamanta ujtawan Jerusalenman wicharerqani Bernabeta, Titotawan pusarikuspa. 2Chayman rerqani Dios sut'ita kamachiwasqanrayku. Kurajkunamantaj willarqani evangeliota, chay willasqayqa ama qhasi kanampaj gentilespa chaupimpi. 3Noqawan kasharqa chay Titoqa, griego kaspapis, mana kamachisqachu karqa circuncidachikunampaj. 4Chaymantaj wakin llulla hermanos pakaymanta yaykumorqanku, wateqanawaykupaj Cristo Jesusnejta kacharisqaña kasqaykuta. K'amispataj ujtawan munasharqanku leypa kamachimpi kanaykuta. 5Chaykunataqa mana uj chhikallantapis kasorqaykuchu, cheqa kaj evangelio qankunawampuni kanampaj.
6Kurajkunapaj qhawasqa karqanku chaykunaqa, mana ima mosojtapis willarqaykuchu; imaraykuchus ñaupajta imaynachus karqanku chaymanta mana ima ruwanay tiyanchu, Diosqa mana runaj rijch'aynintachu qhawan. 7Astawanqa manaraj paykunaman willashajtiy, yacharqanku gentilesman evangeliota willanay kasqanta; imaynatachus Pedropis kamachisqa karqa judiosman evangeliota willanampaj. 8Chayrayku imaynatachus Pedrota Dios judiosman kacharqa llank'anampaj, ajinallatataj noqatapis kachawarqa gentileswan llank'anaypaj.
9Chayrayku kurajkuna, Santiago, Pedro, Juan ima, noqaman Bernabemanwan willana qosqa kasqanta yachaspa, paña makinkuta jaywawarqayku uj yuyaylla kanaykupaj, noqayku gentilesman evangeliota willaj rinaykupaj, paykunataj judiosman. 10Wajchasllamanta yuyarikunaykuta mañawarqayku; chaytaqa usqhayllata tukuy sonqo junt'arqani.
Pablo Antioquiapi Pedrota k'amin
11-12Pedro Antioquiaman jamojtintaj, uyampi k'amerqani. Payqa juchachanapaj jina karqa, imaraykuchus Santiogomanta kajkuna manaraj jamushajtinku, gentileswan mikhoj. Chayamojtinkutaj mikhunata saqej, paykunamantataj t'aqakoj, judiosta manchachikuspa. 13Ajinaqa Pedroj puraj uya kayninta wakin judíos qhaterqanku. Bernabepis paykunaj puraj uya kayninkupi purisharqa. 14Maypachachus rikorqani mana allinta purejta, evangelioj cheqa kayninman jina, chaypacha tukuypa ñaupaqempi Pedroman nerqani: Sichus qan judío kashaspa, gentiles jina kausanki, manataj judío jinachu chayqa, imaraykutaj kamachinki gentilesqa judíos jina kanankutari?
Judioswan gentileswan fenejta salvasqas kanku
15Noqaykoqa nacisqaykumantapacha judíos kayku, manataj gentilesmanta juchasapaschu kayku. 16Yachaspa runaqa mana leypa ruwanasninraykuchu mana juchayojpaj rejsisqa kasqanta, manachayqa Jesucristopi creesqanraykulla. Noqaykupis Cristopi creerqayku, paypi fenejta mana juchayojpaj rejsisqa kanaykupaj, manataj leypa ruwanasninraykuchu. Mana pipis leypa ruwanasninraykuchu, mana juchayojpaj rejsisqa kanqa.
17Cristopi mana juchayojpaj rejsisqa kayta mask'ashaspachus, noqaykupis juchayoj tarisqas kaykuman chayqa, chaychu niyta munan Cristoqa juchata ruwachisqanta? Chayqa mana jinachu. 18Sichus imatapis urmachispaña chayllatataj sayarichiyman chayqa, juchasapa kayman. 19Noqaqa leynejta leypaj wañusqa kani, Diospaj kausanaypaj. 20Cristowan khuska chakatasqa karqani, manataj noqañachu kausani, manachayqa Cristo kausan noqapi. Kunan aychapi kausashaspapis, Diospa Churimpi creesqayrayku kausashani. Pay munakuwarqa, pay kikintaj wañorqa noqarayku. 21Diospa khuyakuynintaqa mana qhesachanichu. Sichus leynejta mana juchayoj rikhuriykuman chayqa, qhasi mana kajpaj Cristoqa wañorqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.