BARUC 6
6
1Qankunaqa Diospa contranta juchallikorqankichej. Chayrayku Babilonia rey Nabucodonosorqa qankunata presochasqasta llajtanman apasonqachej. 2Qankuna Babilonia llajtapi unayta kausanaykichej tiyan. Qanchis runa mitas chaypi kausankichej. Chaymantataj noqaqa allin kaypi orqhosqaykichej. 3Babiloniapi rikunkichej qolqe dioskunata, qori dioskunata, k'ullu dioskunatawan. Chaykunataqa runas lijrasninkupi apaykachanku. Chay dioskunaqa Diospi mana creejkunata mancharichinku. 4Pajtataj! Ama chay runas jinachu kaychej. Ama manchachikuychejchu chay dioskunamantaqa. 5Chay dioskunata rikojtiykichej adorajkunaj runas ukhupi, sonqoykichejpi ninkichej: Qanllata, Diosniyku, yupaychanayku tiyan! 6Angelniy qankunawan khuska kanqa. Paymin qhawasonqachej.
7Chay lantisqa qoriwantaj qolqewantaj qhatasqas kashanku. Runalla ruwarqa lantej qallunta. Simimpis qhasillamanta. Mana parlarikuyta atinchu. 8Runasqa qorimanta ruwanku pillusta chay lantispa umasninkuman churanankupaj, sipaskunapis kankuman jina, pikunachus k'achanchakuyta munajpuni kanku. 9Sacerdotesqa suwakoj kanku chay qorita chay qolqeta ima, qhapajchakunankupaj. Qollajtaj kanku khuskanta juchachakoj warmisman, templospi tiyakunku chaykunaman. 10Runasqa p'achasta churaykunku chay qori dioskunaman, qolqe dioskunaman, k'ullu dioskunaman, runaspis kankuman jina. Jinapis, chay dioskunaqa ismullanku, thutawan mikhuchikuspa. 11Puka p'achaswan p'achallichisqas kajtinkupis, jallp'aqa patankupi sayallan. Uyasninkuta llimphuyachinapuni. 12Ujnin tojnuyoj kashan, llajtapi kamachej jina. Pillapis phiñachejtintaj, payqa chay runataqa mana wañuchiyta atinchu. 13Ujnintaj jap'ishan espadatawan hachatawan. Jinapis, maqanakupi mana sayanmanchu, nitaj suwa runas jamojtinkupis. 14Chaypi yachakun manapuni dioskunachu kasqankuta. Chayrayku, amapuni manchachikuychejchu chaykunamanta.
15Chay dioskunaqa, templospi sayashajkuna, p'akisqa k'analla jina kanku, mana ni imapaj sirvejkuna. 16Runasqa templosman yaykuspa jallp'ata oqharinku. Chay jallp'aqa dioskunaj ñawisninkuman k'askakun. 17Pillapis reypa contranta juchallikojtin, chay runataqa allinta wisq'anku wañuchisqa kanankama. Kikillantataj sacerdotesqa sumajta wisq'anku templo punkusta aldabaswan trancaswan ima, ama suwas yaykunankupaj dioskunata apakapoj.
18Sacerdotesqa dioskunaman lamparasta k'anchachinku, paykuna necesitasqankumanta astawanraj. Dioskunarí chay lamparastaqa mana rikuytapis atinkuchu. 19Chay dioskunaqa rijch'akunku templo k'ullusman. Chay k'ullusqa ukhumpi ismusqas kashanku. Pampamanta llojsinku khurusqa mikhurankutaj lantista p'achasninkutawan. Chay dioskunarí mana cuentata qokunkupischu. 20Chay dioskunaj uyasninkoqa yana yanaslla kashanku q'osñirayku. 21Ch'iñispis patankupi sayarinku. Jinallataj, tukuy laya p'isqos, misispis. 22Chaynejta rikuyta atinkichej qankunaqa, chaykuna cheqamanta mana dioskunachu kasqankuta. Chayrayku ari, ama chaykunamanta manchachikuychejchu.
23Qoriwan k'achanchasqas kashanku aswan k'achitus kanankupaj. Chaywampis, sichus runasqa mana khitunkumanchu chay qoritaqa, chay dioskunaqa manapuni atinkumanchu lliphirichiyta. Chay dioskunaqa mana ni imata sienterqankuchu runaswan ruwachikushajtinku. 24Runasqa anchata pagarqanku chay dioskunamanta. Jina kajtimpis, chay lantisqa mana kausayniyojchu kanku. 25Cheqamanta mana chakisniyojchu kanku. Chayrayku runasqa wantupi apananku tiyan chay lantistaqa. Ajinata, rikuchinku mana kallpayoj kasqankuta. Chay dioskunata yupaychajkunapis p'enqakuchunku. 26Chaymantataj pampaman urmajtinkoqa, manapuni atinkuchu paykunallamanta sayarikuyta. Chantapis, sichus pillapis sayarichinman, maymanta puriyta atinkumanri! Chantaqa, jaywanasta chakisninkuman churanku wañusqasman jina. 27-28Chay rikuchikustaqa mikhunku onqoy warmis killayoj warmispis. Tukuy kaynejta yachankichejña manapuni dioskunachu kasqankuta. Chayraykoqa, amapuni manchachikuychejchu.
29Chantaqa, imaraykutaj dioskuna kasqankuta ninkichejri? Warmisqa jaywanasta apanku chay qori dioskunaman, qolqe dioskunaman, k'ullu dioskunaman ima. 30Sacrdotespis tiyarikushanku chay dioskunaj templosninkupi. Chay sacerdotesqa rikhurinku llik'isqa p'achasniyoj, ruthusqas, mana sunkhayoj, q'ala umas. 31Chaymantataj, chay sacerdotesqa qhaparinku dioskunaj ñaupaqenkupi, imaynatachus runas qhaparinku pillapis wañupojtin ajinata. 32Sacerdotesqa lluch'unku lantispa p'achasninkuta. Chay p'achaswantaj p'achallichinku warmisninkuta wawasninkutataj. Chantaqa, ima sumaj kajtapis ruwajtiykichej lantismanqa, lantisqa manapuni atinkuchu t'inkata qoyta. Manataj atinkupischu pillatapis jasut'iyta. 33Manataj atinkuchu mayqen runatapis reyman tukuchiyta. Nitaj mayqen reytapis tiyananmanta urmachiyta atillankutajchu. Manapuni atinkumanchu qhapajyachiyta. Ni phisullatapis qonkumanchu. 34Sichus uj runa promesata ruwanman, mana junt'ajtin, ni phiñakunkupischu. 35Manataj atinkuchu runata kacharichiyta wañuymanta. Nitaj atinkumanchu mana kallpayojta jark'ayta atiyniyojpa makisninmanta. 36Mana kutichinkuchu ñawita mana rikojman. Manataj llojsichinkuchu ni pitapis wajcha kaymanta. 37Mana khuyakuyta atinkumanchu warmi sapamanta. Manataj yanapankumanchu wajcha wawasta. 38Chay dioskunaqa, k'ullumanta, rumimanta, qorimanta, qolqemanta ruwasqas, orqo rumisman rijch'akunku. Chaykunata sirvejkuna p'enqaypi rikhurinku. 39Imaynatataj ari pillapis ninman dioskuna kasqankutari?
40Kikin caldeospis chay dioskunamanta asirikunku maypachachus rikuspa uj opata pusanku Belpaman parlarichinampaj. Atinchu uyarikuyta chay lanti? 41Chay runasqa manapuni umayojchu kanku. Mana unanchakuyta yachankuchu. Unanchakuspaqa saqerparinkuman karqa chay lantisninkuta. 42Warmisqa watuta watakunku wijsasninkuman. Tiyakunkutaj callespi afrechota q'osñichej, inciensopis kanman jina. 43Sichus chay warmismanta ujnin ripun uj qhariwan, warmi masinta trataykun mana paypis qhariwan ripusqanmanta, watunta mana t'ipichikusqanmantataj. 44Tukuy ima ruwasqanku chay lantispaj ch'aukiyaylla. Imaynamantataj ari pillapis yuyanman ninmantaj dioskuna kasqankuta?
45Chay lantistaqa runaslla ruwarqanku k'ullumantachus qolqemantachus. Imaynamantachus runa ruwayta munarqa, ajina llojsin makisninmanta. 46Chay lantista ruwajkuna runasqa mana unaytachu kausanku. Imaynamantataj dioskuna kankuman chay runaspa ruwasqasninkuri? 47Chay runasqa wawasninkuman saqenku chay llullakuyta, chay p'enqayta. 48Maypachachus ima ch'ajwachus ima llakiychus jamun, chay sacerdotesqa mask'ashankuña riyta lantisninkuwan khuska pakakoj. 49Imaraykutaj mana atinkuchu piensayta mana dioskunachu kasqankuta chay mana librakuyta atejkuna ch'ajwasmanta, chay mana jark'akuyta atejkuna llakiykunamanta? 50Tukuy ayllus, tukuy reyespis uj kuti yachanqanku chay dioskunaqa qhasi dioskunalla kasqankuta, k'ullulla, qorilla, qolqella. Chaykunataqa runaslla ruwarqanku makisninkuwan. Manapuni Dios jina atiyniyojchu kanku. 51Kunanqa, imaynamantataj yachakunman mana dioskunachu chaykuna, manachayqa runaj ruwasqasnillan? Imaynamantataj yachakunman mana ni imata Dios jina ruwayta yachasqankuta?
52Chay dioskunaqa manapuni churayta atinkumanchu uj reyta mayllapipis. Manataj runaspaj parachinkumanchu. 53Manapuni atinkumanchu phiñanakuspi cheqanyachiyta. Nitaj jark'ankumanchu mana juchayojta wapu runaj makinmanta. Chaykunaqa mana ni imata ruwayta yachankupunichu. Rijch'akunku wayrapi phawaj p'isqosman. 54Ruphakunman chayqa uj templo maypichus kashanku chay k'ullu lantis, qoriwan k'achanchasqas, sacerdotesqa qhajpacha ayqenku salvakoj. Chay dioskunarí, k'ulluslla kasqankurayku mana kuyurinkuchu, larwankutaj. 55Chay lantisqa mana jark'akunkumanchu mayqen reymantapis, mayqen enemigosmantapis. 56Jina kajtenqa, imaynamantataj runas yuyankuri dioskuna kasqankuta.
57Chay k'ullu dioskuna, qoriwantaj qolqewantaj k'achanchasqas nitaj atinkumanchu ayqeyta suwasmanta. Suwasqa temploman yaykunku, qhechunkutaj lantismanta qorita, qolqeta, p'achasta ima, ripullankutaj. Chay dioskunarí kakullanku mana ni imata ruwayta atispa. 58Chayrayku, aswan sumaj chay dioskunamanta uj kallpayoj rey. Chantapis, aswan sumajtaj kanku chay k'anallaspis wasispi kashanku chaykuna. Dueñoqa chaykunawanqa imallatapis munasqanta ruwallan. Aswan sumajtaj ima punkullapis, imaraykuchus chay punkoqa jark'an ukhupi kajta. Jinallataj aswan sumajpuni uj madera pilar, wasi chaupipi sayashaj, chay qhasi dioskunamanta nisqaqa. 59Intipis killapis, qoyllurkunapis lliphipinku. Chaykunaqa runasta yanapanku, Diosta kasukuspa. 60Chantapis, lliuj lliuj rikhurimojtin, rikukullan. Chantapis, wayra tukuynejpi phukullampuni. 61Phuyuspis, Dios nejtin tukuy ladoman kachaykukunankuta, kasukunku. Chantaqa, ninapis Dios nejtin ruphaykuchinanta orqosta sach'astapis, chayta ruwallan. 62Kay dioskunarí manapuni rijch'akunkumanchu chay nisqanchejman, nitaj k'acha kaypi nitaj atiypi. 63Chayrayku manapuni yuyanachu nitaj ninachu dioskuna kasqankuta. Manapuni atiyniyojchu kanku, manataj cheqanyachiyta atinkuchu, manataj ni ima sumaj kajta ruwankumanchu runaspaj. 64Yachaspaña mana dioskunachu kasqankuta, ama chaykunamanta manchachikunkichejchu.
65Chay dioskunaqa mana atinkuchu nitaj maldiciyta nitaj bendiciyta reykunata. 66Nitaj runasman rikuchinkumanchu t'ukunasta cielopi. Mana lliphipinkuchu inti jina, nitaj k'anchankuchu killa jina. 67Uywaspis astawan valenku chay dioskunamantaqa. Uywasqa atinku ayqeyta pakakuytapis. Munasqankuta ruwallanku sapitanku. 68Chay lantisqa manapuni dioskunachu. Ama ari manchachikuychejchu.
69Imaynatachus p'isqo manchachi mana allintachu qhawan poqoykunata, ajinallatataj mana ni imapaj sirvinkuchu chay dioskuna, k'ullumanta, qorimanta, qolqemanta ruwasqas. 70Rijch'akunku khishkasman, maypichus p'isqos sayanku, chaykunaman. Rijch'akullankutaj laqhapi churasqa ayaman. 71Chantapis, yachallankichejtaj mana dioskunachu kasqankuta rikuspa imaynatachus patankupi llik'iranku k'acha p'achasninku. Kikin chay lantispis ismullankutaj. Tukuynejpi runas chay lantismanta asirikonqanku. 72Cheqan sonqoyoj runaqa, mana lantista yupaychajqa mana ni jayk'aj asipayachikonqachu.
Currently Selected:
BARUC 6: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
BARUC 6
6
1Qankunaqa Diospa contranta juchallikorqankichej. Chayrayku Babilonia rey Nabucodonosorqa qankunata presochasqasta llajtanman apasonqachej. 2Qankuna Babilonia llajtapi unayta kausanaykichej tiyan. Qanchis runa mitas chaypi kausankichej. Chaymantataj noqaqa allin kaypi orqhosqaykichej. 3Babiloniapi rikunkichej qolqe dioskunata, qori dioskunata, k'ullu dioskunatawan. Chaykunataqa runas lijrasninkupi apaykachanku. Chay dioskunaqa Diospi mana creejkunata mancharichinku. 4Pajtataj! Ama chay runas jinachu kaychej. Ama manchachikuychejchu chay dioskunamantaqa. 5Chay dioskunata rikojtiykichej adorajkunaj runas ukhupi, sonqoykichejpi ninkichej: Qanllata, Diosniyku, yupaychanayku tiyan! 6Angelniy qankunawan khuska kanqa. Paymin qhawasonqachej.
7Chay lantisqa qoriwantaj qolqewantaj qhatasqas kashanku. Runalla ruwarqa lantej qallunta. Simimpis qhasillamanta. Mana parlarikuyta atinchu. 8Runasqa qorimanta ruwanku pillusta chay lantispa umasninkuman churanankupaj, sipaskunapis kankuman jina, pikunachus k'achanchakuyta munajpuni kanku. 9Sacerdotesqa suwakoj kanku chay qorita chay qolqeta ima, qhapajchakunankupaj. Qollajtaj kanku khuskanta juchachakoj warmisman, templospi tiyakunku chaykunaman. 10Runasqa p'achasta churaykunku chay qori dioskunaman, qolqe dioskunaman, k'ullu dioskunaman, runaspis kankuman jina. Jinapis, chay dioskunaqa ismullanku, thutawan mikhuchikuspa. 11Puka p'achaswan p'achallichisqas kajtinkupis, jallp'aqa patankupi sayallan. Uyasninkuta llimphuyachinapuni. 12Ujnin tojnuyoj kashan, llajtapi kamachej jina. Pillapis phiñachejtintaj, payqa chay runataqa mana wañuchiyta atinchu. 13Ujnintaj jap'ishan espadatawan hachatawan. Jinapis, maqanakupi mana sayanmanchu, nitaj suwa runas jamojtinkupis. 14Chaypi yachakun manapuni dioskunachu kasqankuta. Chayrayku, amapuni manchachikuychejchu chaykunamanta.
15Chay dioskunaqa, templospi sayashajkuna, p'akisqa k'analla jina kanku, mana ni imapaj sirvejkuna. 16Runasqa templosman yaykuspa jallp'ata oqharinku. Chay jallp'aqa dioskunaj ñawisninkuman k'askakun. 17Pillapis reypa contranta juchallikojtin, chay runataqa allinta wisq'anku wañuchisqa kanankama. Kikillantataj sacerdotesqa sumajta wisq'anku templo punkusta aldabaswan trancaswan ima, ama suwas yaykunankupaj dioskunata apakapoj.
18Sacerdotesqa dioskunaman lamparasta k'anchachinku, paykuna necesitasqankumanta astawanraj. Dioskunarí chay lamparastaqa mana rikuytapis atinkuchu. 19Chay dioskunaqa rijch'akunku templo k'ullusman. Chay k'ullusqa ukhumpi ismusqas kashanku. Pampamanta llojsinku khurusqa mikhurankutaj lantista p'achasninkutawan. Chay dioskunarí mana cuentata qokunkupischu. 20Chay dioskunaj uyasninkoqa yana yanaslla kashanku q'osñirayku. 21Ch'iñispis patankupi sayarinku. Jinallataj, tukuy laya p'isqos, misispis. 22Chaynejta rikuyta atinkichej qankunaqa, chaykuna cheqamanta mana dioskunachu kasqankuta. Chayrayku ari, ama chaykunamanta manchachikuychejchu.
23Qoriwan k'achanchasqas kashanku aswan k'achitus kanankupaj. Chaywampis, sichus runasqa mana khitunkumanchu chay qoritaqa, chay dioskunaqa manapuni atinkumanchu lliphirichiyta. Chay dioskunaqa mana ni imata sienterqankuchu runaswan ruwachikushajtinku. 24Runasqa anchata pagarqanku chay dioskunamanta. Jina kajtimpis, chay lantisqa mana kausayniyojchu kanku. 25Cheqamanta mana chakisniyojchu kanku. Chayrayku runasqa wantupi apananku tiyan chay lantistaqa. Ajinata, rikuchinku mana kallpayoj kasqankuta. Chay dioskunata yupaychajkunapis p'enqakuchunku. 26Chaymantataj pampaman urmajtinkoqa, manapuni atinkuchu paykunallamanta sayarikuyta. Chantapis, sichus pillapis sayarichinman, maymanta puriyta atinkumanri! Chantaqa, jaywanasta chakisninkuman churanku wañusqasman jina. 27-28Chay rikuchikustaqa mikhunku onqoy warmis killayoj warmispis. Tukuy kaynejta yachankichejña manapuni dioskunachu kasqankuta. Chayraykoqa, amapuni manchachikuychejchu.
29Chantaqa, imaraykutaj dioskuna kasqankuta ninkichejri? Warmisqa jaywanasta apanku chay qori dioskunaman, qolqe dioskunaman, k'ullu dioskunaman ima. 30Sacrdotespis tiyarikushanku chay dioskunaj templosninkupi. Chay sacerdotesqa rikhurinku llik'isqa p'achasniyoj, ruthusqas, mana sunkhayoj, q'ala umas. 31Chaymantataj, chay sacerdotesqa qhaparinku dioskunaj ñaupaqenkupi, imaynatachus runas qhaparinku pillapis wañupojtin ajinata. 32Sacerdotesqa lluch'unku lantispa p'achasninkuta. Chay p'achaswantaj p'achallichinku warmisninkuta wawasninkutataj. Chantaqa, ima sumaj kajtapis ruwajtiykichej lantismanqa, lantisqa manapuni atinkuchu t'inkata qoyta. Manataj atinkupischu pillatapis jasut'iyta. 33Manataj atinkuchu mayqen runatapis reyman tukuchiyta. Nitaj mayqen reytapis tiyananmanta urmachiyta atillankutajchu. Manapuni atinkumanchu qhapajyachiyta. Ni phisullatapis qonkumanchu. 34Sichus uj runa promesata ruwanman, mana junt'ajtin, ni phiñakunkupischu. 35Manataj atinkuchu runata kacharichiyta wañuymanta. Nitaj atinkumanchu mana kallpayojta jark'ayta atiyniyojpa makisninmanta. 36Mana kutichinkuchu ñawita mana rikojman. Manataj llojsichinkuchu ni pitapis wajcha kaymanta. 37Mana khuyakuyta atinkumanchu warmi sapamanta. Manataj yanapankumanchu wajcha wawasta. 38Chay dioskunaqa, k'ullumanta, rumimanta, qorimanta, qolqemanta ruwasqas, orqo rumisman rijch'akunku. Chaykunata sirvejkuna p'enqaypi rikhurinku. 39Imaynatataj ari pillapis ninman dioskuna kasqankutari?
40Kikin caldeospis chay dioskunamanta asirikunku maypachachus rikuspa uj opata pusanku Belpaman parlarichinampaj. Atinchu uyarikuyta chay lanti? 41Chay runasqa manapuni umayojchu kanku. Mana unanchakuyta yachankuchu. Unanchakuspaqa saqerparinkuman karqa chay lantisninkuta. 42Warmisqa watuta watakunku wijsasninkuman. Tiyakunkutaj callespi afrechota q'osñichej, inciensopis kanman jina. 43Sichus chay warmismanta ujnin ripun uj qhariwan, warmi masinta trataykun mana paypis qhariwan ripusqanmanta, watunta mana t'ipichikusqanmantataj. 44Tukuy ima ruwasqanku chay lantispaj ch'aukiyaylla. Imaynamantataj ari pillapis yuyanman ninmantaj dioskuna kasqankuta?
45Chay lantistaqa runaslla ruwarqanku k'ullumantachus qolqemantachus. Imaynamantachus runa ruwayta munarqa, ajina llojsin makisninmanta. 46Chay lantista ruwajkuna runasqa mana unaytachu kausanku. Imaynamantataj dioskuna kankuman chay runaspa ruwasqasninkuri? 47Chay runasqa wawasninkuman saqenku chay llullakuyta, chay p'enqayta. 48Maypachachus ima ch'ajwachus ima llakiychus jamun, chay sacerdotesqa mask'ashankuña riyta lantisninkuwan khuska pakakoj. 49Imaraykutaj mana atinkuchu piensayta mana dioskunachu kasqankuta chay mana librakuyta atejkuna ch'ajwasmanta, chay mana jark'akuyta atejkuna llakiykunamanta? 50Tukuy ayllus, tukuy reyespis uj kuti yachanqanku chay dioskunaqa qhasi dioskunalla kasqankuta, k'ullulla, qorilla, qolqella. Chaykunataqa runaslla ruwarqanku makisninkuwan. Manapuni Dios jina atiyniyojchu kanku. 51Kunanqa, imaynamantataj yachakunman mana dioskunachu chaykuna, manachayqa runaj ruwasqasnillan? Imaynamantataj yachakunman mana ni imata Dios jina ruwayta yachasqankuta?
52Chay dioskunaqa manapuni churayta atinkumanchu uj reyta mayllapipis. Manataj runaspaj parachinkumanchu. 53Manapuni atinkumanchu phiñanakuspi cheqanyachiyta. Nitaj jark'ankumanchu mana juchayojta wapu runaj makinmanta. Chaykunaqa mana ni imata ruwayta yachankupunichu. Rijch'akunku wayrapi phawaj p'isqosman. 54Ruphakunman chayqa uj templo maypichus kashanku chay k'ullu lantis, qoriwan k'achanchasqas, sacerdotesqa qhajpacha ayqenku salvakoj. Chay dioskunarí, k'ulluslla kasqankurayku mana kuyurinkuchu, larwankutaj. 55Chay lantisqa mana jark'akunkumanchu mayqen reymantapis, mayqen enemigosmantapis. 56Jina kajtenqa, imaynamantataj runas yuyankuri dioskuna kasqankuta.
57Chay k'ullu dioskuna, qoriwantaj qolqewantaj k'achanchasqas nitaj atinkumanchu ayqeyta suwasmanta. Suwasqa temploman yaykunku, qhechunkutaj lantismanta qorita, qolqeta, p'achasta ima, ripullankutaj. Chay dioskunarí kakullanku mana ni imata ruwayta atispa. 58Chayrayku, aswan sumaj chay dioskunamanta uj kallpayoj rey. Chantapis, aswan sumajtaj kanku chay k'anallaspis wasispi kashanku chaykuna. Dueñoqa chaykunawanqa imallatapis munasqanta ruwallan. Aswan sumajtaj ima punkullapis, imaraykuchus chay punkoqa jark'an ukhupi kajta. Jinallataj aswan sumajpuni uj madera pilar, wasi chaupipi sayashaj, chay qhasi dioskunamanta nisqaqa. 59Intipis killapis, qoyllurkunapis lliphipinku. Chaykunaqa runasta yanapanku, Diosta kasukuspa. 60Chantapis, lliuj lliuj rikhurimojtin, rikukullan. Chantapis, wayra tukuynejpi phukullampuni. 61Phuyuspis, Dios nejtin tukuy ladoman kachaykukunankuta, kasukunku. Chantaqa, ninapis Dios nejtin ruphaykuchinanta orqosta sach'astapis, chayta ruwallan. 62Kay dioskunarí manapuni rijch'akunkumanchu chay nisqanchejman, nitaj k'acha kaypi nitaj atiypi. 63Chayrayku manapuni yuyanachu nitaj ninachu dioskuna kasqankuta. Manapuni atiyniyojchu kanku, manataj cheqanyachiyta atinkuchu, manataj ni ima sumaj kajta ruwankumanchu runaspaj. 64Yachaspaña mana dioskunachu kasqankuta, ama chaykunamanta manchachikunkichejchu.
65Chay dioskunaqa mana atinkuchu nitaj maldiciyta nitaj bendiciyta reykunata. 66Nitaj runasman rikuchinkumanchu t'ukunasta cielopi. Mana lliphipinkuchu inti jina, nitaj k'anchankuchu killa jina. 67Uywaspis astawan valenku chay dioskunamantaqa. Uywasqa atinku ayqeyta pakakuytapis. Munasqankuta ruwallanku sapitanku. 68Chay lantisqa manapuni dioskunachu. Ama ari manchachikuychejchu.
69Imaynatachus p'isqo manchachi mana allintachu qhawan poqoykunata, ajinallatataj mana ni imapaj sirvinkuchu chay dioskuna, k'ullumanta, qorimanta, qolqemanta ruwasqas. 70Rijch'akunku khishkasman, maypichus p'isqos sayanku, chaykunaman. Rijch'akullankutaj laqhapi churasqa ayaman. 71Chantapis, yachallankichejtaj mana dioskunachu kasqankuta rikuspa imaynatachus patankupi llik'iranku k'acha p'achasninku. Kikin chay lantispis ismullankutaj. Tukuynejpi runas chay lantismanta asirikonqanku. 72Cheqan sonqoyoj runaqa, mana lantista yupaychajqa mana ni jayk'aj asipayachikonqachu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.