HECHOS 24
24
Felixpa ñaupaqempi Pablo kutichikun
1Phishqa p'unchayninman kuraj sacerdote Ananías rerqa Cesareaman wakin kurajkunawan, Tértulo sutiyoj leymanta yachachejtawan pusaspa. Kamachej Felixpaman yaykuspataj Pablota ch'ataykorqanku. 2Pablota orqhomusqankutawan, Tertuloqa payta ch'ataykuyta qallarerqa, kay jinata Felixman nispa: Kamachej Félix, qannejta sonqo tiyasqas allinta kausakuyku; imaraykuchus yachachiyniykiwan tukuy imata cheqanta kamachinki. 3Tukuynejpitaj, kay ruwasqaykita rikuspa anchatapuni agradecekuyki, may respetasqa Félix. 4Mana astawan sayk'uchiyta munaykichu; chayrayku kunan, sumaj sonqoykiman jina mañakuyku kay pisita uyarinawaykuta. 5Noqayku yachayku kay runaqa sajra kasqanta. Tukuy llajtaspitaj judiosta ch'ajwachin. Paytaj nazarenospa t'aqanta umachan. 6Templotapis ch'ichichayta munarqa. [Chayrayku payta presocharqayku noqaykoj leyniykuman jina juzganaykupaj. 7Comandante Lisiastaj, jatun juntaykuman jamuspa, Pablota ancha atiywan qhechuwarqayku. 8Lisiastaj kamacherqa, Pablota ch'atajkuna jamunankuta qanwan parlaj.] Qan kikiyki tapunki chayqa, paypa siminmanta yachanki tukuy juchachasqaykumanta.
9Chaypi kaj judiospis nillarqankutaj ajinapuni kasqanta. 10Kamachej Felixtaj saqerqa Pablo parlananta. Paytaj nerqa: Yachani unay watasña kay naciompi cheqan kamachej kasqaykita; chayrayku tukuy sonqo kutichikusaj. 11Manaraj chunka iskayniyoj p'unchaypischu kashan, Jerusalenman Diosta yupaychaj wicharisqayqa. Yachayta munaspaqa, qan kikiyki tapuriy, jinachus manachus kasqanta. 12Mana rikuwarqankuchu ni piwan churanakushajta templopi, nitaj runasta ch'ajwachejta, nitaj sinagogaspipis, nillataj llajtapipis. 13Nillataj atinkumanchu nisuyta pichus rikuwasqanta chay tumpawasqankumanta. 14Kaytarí, sut'inta willasqayki: Tatasniypa Diosninta yupaychani kay mosoj ñanta qhatispa, mayqentachus pantasqa kasqanta ninku. Astawampis creeni Moisespa leynimpi, profetaspa escribisqampi ima. 15Paykuna kikillantaj Diospi suyani: Tukuy runas wañuymanta kausarimunankuta, cheqan kajta ruwajkuna, sajrata ruwajkunapis. 16Chayrayku atisqayta ruwani, tukuy kausayniypi llimphu sonqo kanaypaj Diospa ñaupaqempi, runaspa ñaupaqenkupipis.
17Kunanqa ashkha watasmantaña Jerusalenman kutimuni, llajta masisniyman ofrendata apamuspa, Diosmantaj ofrendata qonaypaj. 18Templopi kashajtiytaj, Asiamanta kaj judíos taripawarqanku llimphuchakushajta. Chaypitaj mana ashkha runachu karqa, nitaj ima ch'ajwapis karqachu. 19Chay judíos qanman jamunanku karqa ch'atanawankupaj, juchayoj kani chayqa. 20Manachayrí, kaypi kajkuna niwachunku ima juchamantachus ch'atawasqankuta jatun juntapi kashajtiy. 21Ichapis ñaupaqenkupi qhaparispa, wañusqakuna kausarimonqanku nisqaymanta, kunan p'unchay paykuna juchachashawanku.
22Kamachej Félix sumajta rejserqa chay Mosoj Ñanmantaqa; chayrayku paykunataqa kachaporqa, nispa: Kay imasmantaqa astawan tapusaj comandante Lisias uraykamojtin.
23Ajinata nispataj, capitanta kamacherqa, Pablota mana ñak'arichispa, waqaychasqata jap'inanta, watukoj jamojkunatapis ama jark'anankuta.
Pablota uyarinku Felixwan Drusilawan
24Pisi p'unchaykunamanta, Félix jamorqa Drusila warminwan. Drusilaqa judía karqa. Felixtaj wajyacherqa Pablota, uyariyta munaspa Jesucristopi creenamanta. 25Pablota parlajta uyarispataj cheqan kajta ruwanamanta, ama qhenchachakunamanta, jamoj juicio p'unchaymanta ima, Felixqa mancharikorqa, Pablotataj nerqa: Kunanqa ripullayña, waj p'unchaypi wajyachillasqaykitaj.
26Astawanqa, Félix suyasharqa Pablo qolqeta lluk'iykunanta kacharipunampaj. Chayrayku sapa kuti wajyacherqa paywan parlanampaj. 27Iskay watamantaj, Felixpa cuentanmanta Porcio Festo kamachinampaj yaykorqa. Felixtaj, judiosman allin rijch'ayta munaspa, Pablota presota saqerqa.
Currently Selected:
HECHOS 24: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
HECHOS 24
24
Felixpa ñaupaqempi Pablo kutichikun
1Phishqa p'unchayninman kuraj sacerdote Ananías rerqa Cesareaman wakin kurajkunawan, Tértulo sutiyoj leymanta yachachejtawan pusaspa. Kamachej Felixpaman yaykuspataj Pablota ch'ataykorqanku. 2Pablota orqhomusqankutawan, Tertuloqa payta ch'ataykuyta qallarerqa, kay jinata Felixman nispa: Kamachej Félix, qannejta sonqo tiyasqas allinta kausakuyku; imaraykuchus yachachiyniykiwan tukuy imata cheqanta kamachinki. 3Tukuynejpitaj, kay ruwasqaykita rikuspa anchatapuni agradecekuyki, may respetasqa Félix. 4Mana astawan sayk'uchiyta munaykichu; chayrayku kunan, sumaj sonqoykiman jina mañakuyku kay pisita uyarinawaykuta. 5Noqayku yachayku kay runaqa sajra kasqanta. Tukuy llajtaspitaj judiosta ch'ajwachin. Paytaj nazarenospa t'aqanta umachan. 6Templotapis ch'ichichayta munarqa. [Chayrayku payta presocharqayku noqaykoj leyniykuman jina juzganaykupaj. 7Comandante Lisiastaj, jatun juntaykuman jamuspa, Pablota ancha atiywan qhechuwarqayku. 8Lisiastaj kamacherqa, Pablota ch'atajkuna jamunankuta qanwan parlaj.] Qan kikiyki tapunki chayqa, paypa siminmanta yachanki tukuy juchachasqaykumanta.
9Chaypi kaj judiospis nillarqankutaj ajinapuni kasqanta. 10Kamachej Felixtaj saqerqa Pablo parlananta. Paytaj nerqa: Yachani unay watasña kay naciompi cheqan kamachej kasqaykita; chayrayku tukuy sonqo kutichikusaj. 11Manaraj chunka iskayniyoj p'unchaypischu kashan, Jerusalenman Diosta yupaychaj wicharisqayqa. Yachayta munaspaqa, qan kikiyki tapuriy, jinachus manachus kasqanta. 12Mana rikuwarqankuchu ni piwan churanakushajta templopi, nitaj runasta ch'ajwachejta, nitaj sinagogaspipis, nillataj llajtapipis. 13Nillataj atinkumanchu nisuyta pichus rikuwasqanta chay tumpawasqankumanta. 14Kaytarí, sut'inta willasqayki: Tatasniypa Diosninta yupaychani kay mosoj ñanta qhatispa, mayqentachus pantasqa kasqanta ninku. Astawampis creeni Moisespa leynimpi, profetaspa escribisqampi ima. 15Paykuna kikillantaj Diospi suyani: Tukuy runas wañuymanta kausarimunankuta, cheqan kajta ruwajkuna, sajrata ruwajkunapis. 16Chayrayku atisqayta ruwani, tukuy kausayniypi llimphu sonqo kanaypaj Diospa ñaupaqempi, runaspa ñaupaqenkupipis.
17Kunanqa ashkha watasmantaña Jerusalenman kutimuni, llajta masisniyman ofrendata apamuspa, Diosmantaj ofrendata qonaypaj. 18Templopi kashajtiytaj, Asiamanta kaj judíos taripawarqanku llimphuchakushajta. Chaypitaj mana ashkha runachu karqa, nitaj ima ch'ajwapis karqachu. 19Chay judíos qanman jamunanku karqa ch'atanawankupaj, juchayoj kani chayqa. 20Manachayrí, kaypi kajkuna niwachunku ima juchamantachus ch'atawasqankuta jatun juntapi kashajtiy. 21Ichapis ñaupaqenkupi qhaparispa, wañusqakuna kausarimonqanku nisqaymanta, kunan p'unchay paykuna juchachashawanku.
22Kamachej Félix sumajta rejserqa chay Mosoj Ñanmantaqa; chayrayku paykunataqa kachaporqa, nispa: Kay imasmantaqa astawan tapusaj comandante Lisias uraykamojtin.
23Ajinata nispataj, capitanta kamacherqa, Pablota mana ñak'arichispa, waqaychasqata jap'inanta, watukoj jamojkunatapis ama jark'anankuta.
Pablota uyarinku Felixwan Drusilawan
24Pisi p'unchaykunamanta, Félix jamorqa Drusila warminwan. Drusilaqa judía karqa. Felixtaj wajyacherqa Pablota, uyariyta munaspa Jesucristopi creenamanta. 25Pablota parlajta uyarispataj cheqan kajta ruwanamanta, ama qhenchachakunamanta, jamoj juicio p'unchaymanta ima, Felixqa mancharikorqa, Pablotataj nerqa: Kunanqa ripullayña, waj p'unchaypi wajyachillasqaykitaj.
26Astawanqa, Félix suyasharqa Pablo qolqeta lluk'iykunanta kacharipunampaj. Chayrayku sapa kuti wajyacherqa paywan parlanampaj. 27Iskay watamantaj, Felixpa cuentanmanta Porcio Festo kamachinampaj yaykorqa. Felixtaj, judiosman allin rijch'ayta munaspa, Pablota presota saqerqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.