HECHOS 20
20
Pablo rin Macedoniaman Greciamanwan
1Ch'ajwa ch'inyajtintaj Pablo wajyacherqa creejkunata, paykunata sonqochaspataj, ujllaykuspataj, kutimunaykama niytawan, Macedoniaman riporqa. 2Llajtamanta llajta rispataj, hermanosta watukorqa sonqochaspa Diospa palabranwan Greciaman chayanankama. 3Chaypitaj Pablo qhepakorqa kinsa killata. Siriaman barcopi rinampaj wakichikushaspa taj yachakorqa judíos payta jap'iyta munasqankuta. Chayrayku umachakorqa kutiripuyta Macedonianejta. 4Pablowan khuskataj Asiaman rerqanku: Bereamanta Pirroj wawan Sópatro, Tesalonicamanta Aristarco, Segundowan, Derbemantataj Gayo, Timoteowan, Asiamantatajrí, Tíquico, Trofimowan. 5Paykunataj ñaupaykuspa Troaspi suyawarqayku. 6Noqaykutaj barcopi rerqayku Filiposmanta, mana levadurayoj t'anta mikhuna p'unchay qhepata. Phishqa p'unchayninmantaj, paykunawan Troaspi tinkukuspa, chaypi qhepakorqayku qanchis p'unchaytawan.
Pablo watukun hermanosta
7Semanaj qallariynin p'unchaypitaj, tantakorqayku t'antata partinaykupaj, Pablotaj yachachisharqa. Q'ayantin puririnan kasqanraykutaj, paykunaman chaupi tutakama parlarqa. 8Tantasqa kasharqanku chay altopata wasipitaj, ashkha k'anchaykunas larwasharqanku. 9Eutico sutiyoj waynataj ventanapi tiyasharqa. Pablo unaytapuni parlajtintaj, Euticoqa puñuywan atipachikuspa sinch'ita puñurparerqa. Chay kinsa kaj alto wasimantataj urmaykamorqa pampaman. Wañusqatataj oqharerqanku. 10Pablotaj uraykuytawan waynaj patanman k'umuykorqa, marq'ariykukuspataj nerqa: Ama mancharikuychejchu, payqa kausakushan, nispa.
11Ujtawan wicharispataj Pabloqa t'antata partispa mikhorqa. Chantá astawan yachacherqa sut'iyanankama, chaymantataj riporqa. 12Waynatataj kausashajta pusaykaporqanku, may sonqochasqastaj qhepakorqanku.
Troasmanta Pablo rin Miletoman
13Noqaykutaj ñaupaykorqayku barcopi Asón llajtaman Pablota chaypi suyanaykupaj, imaraykuchus pay munarqa chakipi riyta. 14Noqaykuwan Asompi tinkuspataj, Pabloqa barcoman wicharimorqa, khuskataj rerqayku Mitilene llajtaman. 15Chaymanta barcollapipuni rispataj, q'ayantin chayarqayku Quío chimpaman, qhepan p'unchaypitaj Samos puertoman. [Trogiliopi puñuspataj], q'ayantin chayarqayku Mileto llajtaman. 16Pabloqa Efesota pasallarqa, Asiapi mana qhepakuyta munaspa, Jerusalenman usqhayta chayananrayku, atispaqa Pentecostés p'unchaypaj.
Pablo ancianosta sonqochan
17Miletomanta Pablo wajyacherqa Efeso iglesiapi ancianos kajkunata. 18Chayamojtinkutaj paykunaman nerqa: Qankuna allinta yachankichej, Asiaman chayamusqaymantapacha qankunawan allinta kausakusqaytaqa. 19Llamp'u sonqowan waqaspa Señorpa kamachiwasqanta ruwarqani, jinallatataj ñak'ariykunapipis judíos qhatiykachashawajtinku. 20Manataj imatapis pakarqaykichejchu, astawanqa imachus qankunapaj allin kajta willarqaykichej, wasimanta wasi purispataj tukuypa rikunanta yachacherqaykichej. 21Ajinallatataj judiosman, griegosmampis sut'inta willarqani Diosman kutirinankuta, Señorninchej Jesucristopitaj creenankuta. 22Kunantaj Santo Espirituta kasuspa Jerusalenman rishani; manataj yachanichu jaqaypi imachus noqapaj kananta. 23Kayllata yachani: Sapa llajtapi Santo Espíritu willawan carcelman yaykunayta, ñak'arinaytataj. 24Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.
25Tukuyniykichejman Diospa reinonmanta willaspa purerqani. Kunanqa manaña uyayta rikunkichejchu. 26-27Chayrayku kunanqa sut'inta niykichej. Pillapis nina larwayman rejtenqa manaña juchayojñachu kani, imaraykuchus qankunaman mana imata pakaspa willarqaykichej Diospa tukuy munayninta. 28Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa. 29Noqa yachani ripusqaymanta chaupiykichejman wajkuna phiña atojkuna jina yaykonqanku tropata mana khuyaspa. 30Chay runasqa qankuna ukhullamantataj sayarenqanku pantasqata parlaspa, ceejkunata paykunaj qhepankuta pusanankupaj. 31Chayrayku ama puñuspa qhawakuychej, yuyarikuspa imaynatachus kinsa wata junt'ata, tuta p'unchay waqayniywan sapa ujniykichejta yuyaycharqaykichej.
32Kunantaj Diosman saqeykichej, sonqochaj palabranman ima. Payqa atiyniyoj kallpachanampaj, chayaqeykichejta pis qonampaj tukuy ajllasqasman ima. 33Mana pejpa qolqenta, qorinta, nitaj p'achanta munapayarqanichu. 34Astawanqa qankuna yachankichej kay makisniywan llank'asqayta mikhunaypaj, noqawan kajkunapajpis. 35Chay tukuy ruwasqaywan yachacherqaykichej, pisichikojkunata yanapayta. Yuyarikuspa Señor Jesuspa nisqanmanta: Aswan kusiymin qoyqa jap'inamanta nisqaqa.
36Ajinata parlaytawan Pabloqa qonqoriykukuspa, tukuy paykunawan khuska Diosmanta mañakorqanku. 37Tukuyninkutaj mayta waqarqanku, Pablota ojllaykuspataj much'aykorqanku. 38Paykunaqa astawan sonqonkuta nanachikorqanku Pabloj nisqanmanta, manañataj jayk'aj rikunankumanta. Barcokamataj paywan rerqanku kacharpayamunankupaj.
Currently Selected:
HECHOS 20: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
HECHOS 20
20
Pablo rin Macedoniaman Greciamanwan
1Ch'ajwa ch'inyajtintaj Pablo wajyacherqa creejkunata, paykunata sonqochaspataj, ujllaykuspataj, kutimunaykama niytawan, Macedoniaman riporqa. 2Llajtamanta llajta rispataj, hermanosta watukorqa sonqochaspa Diospa palabranwan Greciaman chayanankama. 3Chaypitaj Pablo qhepakorqa kinsa killata. Siriaman barcopi rinampaj wakichikushaspa taj yachakorqa judíos payta jap'iyta munasqankuta. Chayrayku umachakorqa kutiripuyta Macedonianejta. 4Pablowan khuskataj Asiaman rerqanku: Bereamanta Pirroj wawan Sópatro, Tesalonicamanta Aristarco, Segundowan, Derbemantataj Gayo, Timoteowan, Asiamantatajrí, Tíquico, Trofimowan. 5Paykunataj ñaupaykuspa Troaspi suyawarqayku. 6Noqaykutaj barcopi rerqayku Filiposmanta, mana levadurayoj t'anta mikhuna p'unchay qhepata. Phishqa p'unchayninmantaj, paykunawan Troaspi tinkukuspa, chaypi qhepakorqayku qanchis p'unchaytawan.
Pablo watukun hermanosta
7Semanaj qallariynin p'unchaypitaj, tantakorqayku t'antata partinaykupaj, Pablotaj yachachisharqa. Q'ayantin puririnan kasqanraykutaj, paykunaman chaupi tutakama parlarqa. 8Tantasqa kasharqanku chay altopata wasipitaj, ashkha k'anchaykunas larwasharqanku. 9Eutico sutiyoj waynataj ventanapi tiyasharqa. Pablo unaytapuni parlajtintaj, Euticoqa puñuywan atipachikuspa sinch'ita puñurparerqa. Chay kinsa kaj alto wasimantataj urmaykamorqa pampaman. Wañusqatataj oqharerqanku. 10Pablotaj uraykuytawan waynaj patanman k'umuykorqa, marq'ariykukuspataj nerqa: Ama mancharikuychejchu, payqa kausakushan, nispa.
11Ujtawan wicharispataj Pabloqa t'antata partispa mikhorqa. Chantá astawan yachacherqa sut'iyanankama, chaymantataj riporqa. 12Waynatataj kausashajta pusaykaporqanku, may sonqochasqastaj qhepakorqanku.
Troasmanta Pablo rin Miletoman
13Noqaykutaj ñaupaykorqayku barcopi Asón llajtaman Pablota chaypi suyanaykupaj, imaraykuchus pay munarqa chakipi riyta. 14Noqaykuwan Asompi tinkuspataj, Pabloqa barcoman wicharimorqa, khuskataj rerqayku Mitilene llajtaman. 15Chaymanta barcollapipuni rispataj, q'ayantin chayarqayku Quío chimpaman, qhepan p'unchaypitaj Samos puertoman. [Trogiliopi puñuspataj], q'ayantin chayarqayku Mileto llajtaman. 16Pabloqa Efesota pasallarqa, Asiapi mana qhepakuyta munaspa, Jerusalenman usqhayta chayananrayku, atispaqa Pentecostés p'unchaypaj.
Pablo ancianosta sonqochan
17Miletomanta Pablo wajyacherqa Efeso iglesiapi ancianos kajkunata. 18Chayamojtinkutaj paykunaman nerqa: Qankuna allinta yachankichej, Asiaman chayamusqaymantapacha qankunawan allinta kausakusqaytaqa. 19Llamp'u sonqowan waqaspa Señorpa kamachiwasqanta ruwarqani, jinallatataj ñak'ariykunapipis judíos qhatiykachashawajtinku. 20Manataj imatapis pakarqaykichejchu, astawanqa imachus qankunapaj allin kajta willarqaykichej, wasimanta wasi purispataj tukuypa rikunanta yachacherqaykichej. 21Ajinallatataj judiosman, griegosmampis sut'inta willarqani Diosman kutirinankuta, Señorninchej Jesucristopitaj creenankuta. 22Kunantaj Santo Espirituta kasuspa Jerusalenman rishani; manataj yachanichu jaqaypi imachus noqapaj kananta. 23Kayllata yachani: Sapa llajtapi Santo Espíritu willawan carcelman yaykunayta, ñak'arinaytataj. 24Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.
25Tukuyniykichejman Diospa reinonmanta willaspa purerqani. Kunanqa manaña uyayta rikunkichejchu. 26-27Chayrayku kunanqa sut'inta niykichej. Pillapis nina larwayman rejtenqa manaña juchayojñachu kani, imaraykuchus qankunaman mana imata pakaspa willarqaykichej Diospa tukuy munayninta. 28Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa. 29Noqa yachani ripusqaymanta chaupiykichejman wajkuna phiña atojkuna jina yaykonqanku tropata mana khuyaspa. 30Chay runasqa qankuna ukhullamantataj sayarenqanku pantasqata parlaspa, ceejkunata paykunaj qhepankuta pusanankupaj. 31Chayrayku ama puñuspa qhawakuychej, yuyarikuspa imaynatachus kinsa wata junt'ata, tuta p'unchay waqayniywan sapa ujniykichejta yuyaycharqaykichej.
32Kunantaj Diosman saqeykichej, sonqochaj palabranman ima. Payqa atiyniyoj kallpachanampaj, chayaqeykichejta pis qonampaj tukuy ajllasqasman ima. 33Mana pejpa qolqenta, qorinta, nitaj p'achanta munapayarqanichu. 34Astawanqa qankuna yachankichej kay makisniywan llank'asqayta mikhunaypaj, noqawan kajkunapajpis. 35Chay tukuy ruwasqaywan yachacherqaykichej, pisichikojkunata yanapayta. Yuyarikuspa Señor Jesuspa nisqanmanta: Aswan kusiymin qoyqa jap'inamanta nisqaqa.
36Ajinata parlaytawan Pabloqa qonqoriykukuspa, tukuy paykunawan khuska Diosmanta mañakorqanku. 37Tukuyninkutaj mayta waqarqanku, Pablota ojllaykuspataj much'aykorqanku. 38Paykunaqa astawan sonqonkuta nanachikorqanku Pabloj nisqanmanta, manañataj jayk'aj rikunankumanta. Barcokamataj paywan rerqanku kacharpayamunankupaj.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.