HECHOS 17
17
Tesalonicapi ch'ajwa
1Chaymantataj Pablo Silaswan rerqanku Anfípolis llajtanejta, Apolonianta Tesalonicaman chayanankukama judiospa sinagogan karqa chayman. 2Pablotaj usunman jina, sinagogaman yaykorqa. Chaypitaj kinsa samakuna p'unchayta karqa Diospa palabranta yachachispa. 3Paykunamantaj sut'inta rikucherqa Cristo ñak'arinampuni kasqanta, wañusqamantataj kausarimpunanta. Pabloqa nillarqataj: Kaymin chay Jesusqa, pimantachus noqa willaykichej Cristo kasqanta.
4Paykunamanta wakinkunataj creerqanku, tantakorqankutaj Pablowan Silaswan. Ajinata ashkha griegos Diosta yupaychajkuna, ashkha atiyniyoj warmis ima, creellarqankutaj. 5Chaymanta judiosqa chhoqonakorqanku. Chayrayku tantamorqanku qhellasmanta sajra runasta, paykunawan ch'ajwata ruwaspa, llajtantinta oqharichinankupaj. Jasompa wasinmantaj ch'ajwaspa rerqanku Pablota Silastawan mask'aspa, orqhomuspataj runasman entreganankupaj. 6Paykunata mana tarispataj, Jasonta wakin hermanostawan pusarqanku llajta kamachejkunaman. Qhaparispataj nerqanku: Kaykunaqa tukuynejpi runasta ch'ajwachinku. Kunanqa kaymanñataj jamusqanku. 7Jasontaj paykunata wasimpi jap'ikushan. Kay tukuyninkutaj mana kasunkuchu Cesarpa kamachisqasninta. Paykunaqa ninku waj rey kasqanta Jesús sutiyoj.
8Chayta uyarispataj, tukuy llajtantin kamachejkunawan ch'ajwacherqanku. 9Jasonmanta, wajkunamantawan fianzata jap'ispa kachariporqanku.
Pablowan Silaswan Bereaman chayanku
10Chay tutapacha, hermanosqa kacharpayarqanku Pablota Silastawan Bereaman. Jaqayman chayaspataj, judiospa sinagoganman yaykorqanku. 11Chaykunataj aswan k'achas karqanku Tesalonicapi tiyakojkunamanta nisqaqa, imaraykuchus Diospa palabranta tukuy sonqo yachakorqanku. Sapa p'unchaytaj Escriturata allinta qhawaspa, mask'arqanku cheqachus manachus kasqanta Pabloj yachachisqan. 12Ajinamanta ashkhas creerqanku, Grecia llajtayoj allimpaj qhawasqa warmis, ashkha qharis ima. 13Tesalonicapi kaj judiosqa yacharqanku Bereamampis Pablo chayaspa Diospa palabranta willasqanta. Chayrayku paykunaqa riytawan runaspa yuyayninta pejtuspa, ch'ajwata oqharillarqankutaj. 14Chay kikimpachataj hermanosqa Pablota kacharpayarqanku, qochaj cantonman rinampaj. Silaswan Timoteowantaj Bereapi qhepakorqanku. 15Pablowan rejkunataj, Atenaskama payta pusarqanku. Chaymantataj Bereaman kutiriporqanku, Pabloj kamachiyninta apaspa Silasman, Timoteomanwan. Paykunata wajyachisharqa usqhayta paywan tantakunankupaj.
Pablo Atenaspi
16Atenaspi, Silasta Timoteotawan suyashajtintaj, Pabloj sonqonqa t'impurerqa, chay llajta tukuy laya lantikunawan junt'a kasqanta rikuspa. 17Chayrayku judioswan sinagogapi churanakoj, Diosta yupaychaj runaswan ima. Kikillantataj sapa p'unchay churanakoj plazaman tantakamojkunawampis. 18Wakin yachaysapa runas, epicureoswan, estoicoswan Pablowan churanakullajtaj kanku. Ujkuna nerqanku: Imatataj niyta munan kay thautejri?
Wakintaj nerqanku: Kayqa waj mosoj dioskunamanta parlajman rijch'akun.
Chayta nisharqanku imaraykuchus Pabloqa willasharqa Jesusmanta, kausarimuymantawan. 19Pablota jap'ispataj, Areópago juntaman pusarqanku. Chaypitaj taporqanku: Atiykumanchu yachayta imachus kasqanta chay mosoj yachachiyniyki? 20Wakin parlasqaykitaqa manapuni ni jayk'aj uyarerqaykuchu. Chayrayku yachayta munayku, imatachus kaykuna niyta munasqanta.
21Atenasmanta kajkunaqa waj llajtamanta chaypi tiyakojkunapis, mosoj imasllamanta parlayta uyariytapis munaj kanku.
22Pablotaj, Areópago juntapi sayaykuspa, nerqa: Atenas llajtayoj runas, tukuy imapi rikuykichej dioskunata tukuy sonqo yupaychasqaykichejta. 23Llajtaykichejpi puriykachashaspaqa, rikuni lanti yupaychanaykichejta. Uj altartapis tarini kay jina escribisqayojta: “Mana rejsisqa diosman”. Chay Diosmanta, pitachus mana rejsispalla yupaychankichej, noqaqa willaykichej.
24Kay pachata, tukuy imasnintawan ruwaj Diosqa paymin, janaj pachajta, kay pachajtapis Señornin. Manataj payqa runaj ruwasqan templopichu tiyakun. 25Nitaj Diosqa imapipis runaj yanapayninta suyanchu. Paytaj tukuyman kausayta qon, samayta, tukuy imastawan.
26-27Paytaj, uj runallamanta tukuy laya runata miracherqa, tukuy jallp'api paykuna kausanankupaj. Chayta wakicherqa, ima p'unchaykunapichus, may jallp'apichus kausanankuta, ajinamanta runakuna Diosta mask'anankupaj. Ichapis mask'aykachasqankupi llankharispa Diosta tarinkuman. Cheqamanta Diosqa mana karupichu kashan sapa ujninchejmanta. 28Diospi kausanchej, kuyurinchej, kanchejtaj. Wakin poetasniykichejpis kay jinata nerqanku: Noqanchejpis paypa mirayninmanta kanchej, nispa. 29Diospa mirayninmanta kanchej chayqa, mana yuyananchejchu tiyan Diosqa rijch'akusqanta qori, qolqe, rumi lantiman ima. Chaykunaqa, runaj yuyayninman jinalla ruwasqas kanku. 30Ñaupajta runakuna mana Diosta rejsiyta atisqankuta, Diosqa qonqayman churarqa. Kunantajrí, Dios tukuynejpi runakunata wajyan payman kutirinankuta. 31Diosqa, uj p'unchayta wakicherqa, chaypitaj cheqa kayninman jina, tukuy kay pachapi runakunata juzganqa chay kachamusqan runanejta. Diostaj chayta tukuyman rikuchinña chay runata wañuymanta kausarichimuspa.
32Wañusqakunaj kausarimunanku manta uyarispataj, wakinkuna Pablota asipayarqanku, wajkunataj nerqanku: Waj kutillapiña kaykunamantaqa uyarisqayku, nispa.
33Chaymantataj Pablo llojsiporqa paykunaj chaupinkumanta. 34Wakin runas Pabloj nisqanta creerqanku. Paykuna ukhupi karqa Dionisio, Areópago juntamanta; kallarqataj Dámaris sutiyoj warmi, wajkuna ima.
Currently Selected:
HECHOS 17: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
HECHOS 17
17
Tesalonicapi ch'ajwa
1Chaymantataj Pablo Silaswan rerqanku Anfípolis llajtanejta, Apolonianta Tesalonicaman chayanankukama judiospa sinagogan karqa chayman. 2Pablotaj usunman jina, sinagogaman yaykorqa. Chaypitaj kinsa samakuna p'unchayta karqa Diospa palabranta yachachispa. 3Paykunamantaj sut'inta rikucherqa Cristo ñak'arinampuni kasqanta, wañusqamantataj kausarimpunanta. Pabloqa nillarqataj: Kaymin chay Jesusqa, pimantachus noqa willaykichej Cristo kasqanta.
4Paykunamanta wakinkunataj creerqanku, tantakorqankutaj Pablowan Silaswan. Ajinata ashkha griegos Diosta yupaychajkuna, ashkha atiyniyoj warmis ima, creellarqankutaj. 5Chaymanta judiosqa chhoqonakorqanku. Chayrayku tantamorqanku qhellasmanta sajra runasta, paykunawan ch'ajwata ruwaspa, llajtantinta oqharichinankupaj. Jasompa wasinmantaj ch'ajwaspa rerqanku Pablota Silastawan mask'aspa, orqhomuspataj runasman entreganankupaj. 6Paykunata mana tarispataj, Jasonta wakin hermanostawan pusarqanku llajta kamachejkunaman. Qhaparispataj nerqanku: Kaykunaqa tukuynejpi runasta ch'ajwachinku. Kunanqa kaymanñataj jamusqanku. 7Jasontaj paykunata wasimpi jap'ikushan. Kay tukuyninkutaj mana kasunkuchu Cesarpa kamachisqasninta. Paykunaqa ninku waj rey kasqanta Jesús sutiyoj.
8Chayta uyarispataj, tukuy llajtantin kamachejkunawan ch'ajwacherqanku. 9Jasonmanta, wajkunamantawan fianzata jap'ispa kachariporqanku.
Pablowan Silaswan Bereaman chayanku
10Chay tutapacha, hermanosqa kacharpayarqanku Pablota Silastawan Bereaman. Jaqayman chayaspataj, judiospa sinagoganman yaykorqanku. 11Chaykunataj aswan k'achas karqanku Tesalonicapi tiyakojkunamanta nisqaqa, imaraykuchus Diospa palabranta tukuy sonqo yachakorqanku. Sapa p'unchaytaj Escriturata allinta qhawaspa, mask'arqanku cheqachus manachus kasqanta Pabloj yachachisqan. 12Ajinamanta ashkhas creerqanku, Grecia llajtayoj allimpaj qhawasqa warmis, ashkha qharis ima. 13Tesalonicapi kaj judiosqa yacharqanku Bereamampis Pablo chayaspa Diospa palabranta willasqanta. Chayrayku paykunaqa riytawan runaspa yuyayninta pejtuspa, ch'ajwata oqharillarqankutaj. 14Chay kikimpachataj hermanosqa Pablota kacharpayarqanku, qochaj cantonman rinampaj. Silaswan Timoteowantaj Bereapi qhepakorqanku. 15Pablowan rejkunataj, Atenaskama payta pusarqanku. Chaymantataj Bereaman kutiriporqanku, Pabloj kamachiyninta apaspa Silasman, Timoteomanwan. Paykunata wajyachisharqa usqhayta paywan tantakunankupaj.
Pablo Atenaspi
16Atenaspi, Silasta Timoteotawan suyashajtintaj, Pabloj sonqonqa t'impurerqa, chay llajta tukuy laya lantikunawan junt'a kasqanta rikuspa. 17Chayrayku judioswan sinagogapi churanakoj, Diosta yupaychaj runaswan ima. Kikillantataj sapa p'unchay churanakoj plazaman tantakamojkunawampis. 18Wakin yachaysapa runas, epicureoswan, estoicoswan Pablowan churanakullajtaj kanku. Ujkuna nerqanku: Imatataj niyta munan kay thautejri?
Wakintaj nerqanku: Kayqa waj mosoj dioskunamanta parlajman rijch'akun.
Chayta nisharqanku imaraykuchus Pabloqa willasharqa Jesusmanta, kausarimuymantawan. 19Pablota jap'ispataj, Areópago juntaman pusarqanku. Chaypitaj taporqanku: Atiykumanchu yachayta imachus kasqanta chay mosoj yachachiyniyki? 20Wakin parlasqaykitaqa manapuni ni jayk'aj uyarerqaykuchu. Chayrayku yachayta munayku, imatachus kaykuna niyta munasqanta.
21Atenasmanta kajkunaqa waj llajtamanta chaypi tiyakojkunapis, mosoj imasllamanta parlayta uyariytapis munaj kanku.
22Pablotaj, Areópago juntapi sayaykuspa, nerqa: Atenas llajtayoj runas, tukuy imapi rikuykichej dioskunata tukuy sonqo yupaychasqaykichejta. 23Llajtaykichejpi puriykachashaspaqa, rikuni lanti yupaychanaykichejta. Uj altartapis tarini kay jina escribisqayojta: “Mana rejsisqa diosman”. Chay Diosmanta, pitachus mana rejsispalla yupaychankichej, noqaqa willaykichej.
24Kay pachata, tukuy imasnintawan ruwaj Diosqa paymin, janaj pachajta, kay pachajtapis Señornin. Manataj payqa runaj ruwasqan templopichu tiyakun. 25Nitaj Diosqa imapipis runaj yanapayninta suyanchu. Paytaj tukuyman kausayta qon, samayta, tukuy imastawan.
26-27Paytaj, uj runallamanta tukuy laya runata miracherqa, tukuy jallp'api paykuna kausanankupaj. Chayta wakicherqa, ima p'unchaykunapichus, may jallp'apichus kausanankuta, ajinamanta runakuna Diosta mask'anankupaj. Ichapis mask'aykachasqankupi llankharispa Diosta tarinkuman. Cheqamanta Diosqa mana karupichu kashan sapa ujninchejmanta. 28Diospi kausanchej, kuyurinchej, kanchejtaj. Wakin poetasniykichejpis kay jinata nerqanku: Noqanchejpis paypa mirayninmanta kanchej, nispa. 29Diospa mirayninmanta kanchej chayqa, mana yuyananchejchu tiyan Diosqa rijch'akusqanta qori, qolqe, rumi lantiman ima. Chaykunaqa, runaj yuyayninman jinalla ruwasqas kanku. 30Ñaupajta runakuna mana Diosta rejsiyta atisqankuta, Diosqa qonqayman churarqa. Kunantajrí, Dios tukuynejpi runakunata wajyan payman kutirinankuta. 31Diosqa, uj p'unchayta wakicherqa, chaypitaj cheqa kayninman jina, tukuy kay pachapi runakunata juzganqa chay kachamusqan runanejta. Diostaj chayta tukuyman rikuchinña chay runata wañuymanta kausarichimuspa.
32Wañusqakunaj kausarimunanku manta uyarispataj, wakinkuna Pablota asipayarqanku, wajkunataj nerqanku: Waj kutillapiña kaykunamantaqa uyarisqayku, nispa.
33Chaymantataj Pablo llojsiporqa paykunaj chaupinkumanta. 34Wakin runas Pabloj nisqanta creerqanku. Paykuna ukhupi karqa Dionisio, Areópago juntamanta; kallarqataj Dámaris sutiyoj warmi, wajkuna ima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.