2 CORINTIOS 2
2
1Kayta yuyarqani noqa kikiypaj; ujtawan mana jamunaypaj llakiywan qankunata watukoj. 2Sichus noqa llakichiykichejman chayqa, pitaj noqata kusichiwanqa, jaqay pitachus noqa llakicherqani chaychu? Arí, qankuna. 3Kayllatataj qankunaman escribimorqaykichej; mayk'ajpis chayamuspa ama llakikunaypaj qankunawan kusikunay kashajtin. Yuyani tukuy qankunapi atienekuspa kusikuyneyqa kusikuyniykichej kasqanta. 4Kay cartata escribimushaspa, anchata llakikorqani sonqoypi, mayta waqaspa. Manataj kaytaqa llakichiyta munaspachu escribimuni, astawanqa yachanaykichejpaj imaynatachus qankunata munakusqayta.
Juchallikojpaj tiyan perdón
5Sichus pipis llakichiwarqa chayqa, mana noqallatachu, tukuy qankunatapis llakichisorqachej, manataj niyta munanichu chaykama kasqanta. Chaywampis, ajinapuni karqa. 6Chay juchallikoj runapajqa chayllaña kachun. Amaña astawan ima niychejchu, tukuyniykichej k'amispaqa. 7Astawanqa qankuna allinta ruwaspa juchanta perdonaychej, sonqochaychejtaj; imaraykuchus chay juchayojqa anchata llakikuspa wañushanmampis. 8Chayrayku mañakuykichej, watejmanta paypaj munakuyniykichej kasqanta rikuchiychej. 9Ñaupajtaña qankunaman escribimorqaykichej, sonqoykichejta yachanaypaj, kasukojchus kankichej tukuy imapi manachus, chayta.
10-11Pejpa juchantachus perdonankichej chayqa, noqapis perdonallanitaj. Sichus perdonani chayqa, qankunarayku perdonani Cristoj ñaupaqempi, Satanás ama atipanawanchejpaj; yachanchej jina, payqa ima sajratapis ruwayta munashampuni.
Pablo may llakisqa Troaspi
12Troas llajtaman chayajtiykama, Cristoj evangelionmanta willanaypaj punku kicharikorqa Señorpi, mana ruwana jina kashajtin. 13Noqapi mana sonqo tiyakuy karqachu, imaraykuchus mana tariparqanichu hermanoy Titota. Chayrayku paykunawan kacharpayata ruwaspa purirerqani Macedoniaman.
Cristonejta atipajkuna
14Chaywampis, Diosman gracias qosqa kachun. Payqa pusawayku Cristopi atipanapaj. Diosqa tukuynejpi noqaykunejta willan uj sumaj q'aparishaj evangelionta. 15Noqaykoqa, Diospa Cristompata kayku, salvakojkunapaj, chinkajkunapajpis, Cristomanta sumaj q'aparishaj. 16Cheqamanta chinkajkunapaj, wañuypa q'apaynenqa, wañuypaj. Jaqay ujkunapajtaj kausaypa q'apaynin, kausaypaj. Pitaj chaypaj atej jinari? 17Mana noqaykoqa wakinkuna jinachu kayku, Diospa palabranta q'ewirispa parlajkuna; astawanqa tukuy sonqo, Diosmanta kajkuna jina, Cristomanta parlaspa Diospa ñaupaqempi.
Currently Selected:
2 CORINTIOS 2: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
2 CORINTIOS 2
2
1Kayta yuyarqani noqa kikiypaj; ujtawan mana jamunaypaj llakiywan qankunata watukoj. 2Sichus noqa llakichiykichejman chayqa, pitaj noqata kusichiwanqa, jaqay pitachus noqa llakicherqani chaychu? Arí, qankuna. 3Kayllatataj qankunaman escribimorqaykichej; mayk'ajpis chayamuspa ama llakikunaypaj qankunawan kusikunay kashajtin. Yuyani tukuy qankunapi atienekuspa kusikuyneyqa kusikuyniykichej kasqanta. 4Kay cartata escribimushaspa, anchata llakikorqani sonqoypi, mayta waqaspa. Manataj kaytaqa llakichiyta munaspachu escribimuni, astawanqa yachanaykichejpaj imaynatachus qankunata munakusqayta.
Juchallikojpaj tiyan perdón
5Sichus pipis llakichiwarqa chayqa, mana noqallatachu, tukuy qankunatapis llakichisorqachej, manataj niyta munanichu chaykama kasqanta. Chaywampis, ajinapuni karqa. 6Chay juchallikoj runapajqa chayllaña kachun. Amaña astawan ima niychejchu, tukuyniykichej k'amispaqa. 7Astawanqa qankuna allinta ruwaspa juchanta perdonaychej, sonqochaychejtaj; imaraykuchus chay juchayojqa anchata llakikuspa wañushanmampis. 8Chayrayku mañakuykichej, watejmanta paypaj munakuyniykichej kasqanta rikuchiychej. 9Ñaupajtaña qankunaman escribimorqaykichej, sonqoykichejta yachanaypaj, kasukojchus kankichej tukuy imapi manachus, chayta.
10-11Pejpa juchantachus perdonankichej chayqa, noqapis perdonallanitaj. Sichus perdonani chayqa, qankunarayku perdonani Cristoj ñaupaqempi, Satanás ama atipanawanchejpaj; yachanchej jina, payqa ima sajratapis ruwayta munashampuni.
Pablo may llakisqa Troaspi
12Troas llajtaman chayajtiykama, Cristoj evangelionmanta willanaypaj punku kicharikorqa Señorpi, mana ruwana jina kashajtin. 13Noqapi mana sonqo tiyakuy karqachu, imaraykuchus mana tariparqanichu hermanoy Titota. Chayrayku paykunawan kacharpayata ruwaspa purirerqani Macedoniaman.
Cristonejta atipajkuna
14Chaywampis, Diosman gracias qosqa kachun. Payqa pusawayku Cristopi atipanapaj. Diosqa tukuynejpi noqaykunejta willan uj sumaj q'aparishaj evangelionta. 15Noqaykoqa, Diospa Cristompata kayku, salvakojkunapaj, chinkajkunapajpis, Cristomanta sumaj q'aparishaj. 16Cheqamanta chinkajkunapaj, wañuypa q'apaynenqa, wañuypaj. Jaqay ujkunapajtaj kausaypa q'apaynin, kausaypaj. Pitaj chaypaj atej jinari? 17Mana noqaykoqa wakinkuna jinachu kayku, Diospa palabranta q'ewirispa parlajkuna; astawanqa tukuy sonqo, Diosmanta kajkuna jina, Cristomanta parlaspa Diospa ñaupaqempi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.