1 MACABEOS 16
16
Simompa wawasnin Cendebeota atipanku
1Simompa wawan Juan, Gezermanta llojsispa, risqa tatampaman willakoj Cendebeoj ruwasqanmanta. 2Simontaj, chayta yachaspa wajyasqa iskaynin kuraj wawasninta, Judastawan, Juantawan, nisqataj kay jinata: Noqa, wauqesniypis, tukuy tataypa ayllumpis, maqanakoj kayku Israel ayllunchejta chejnikojkunawan, waynas kasqaykumantapacha kunankama. Ashkha kutis aterqayku israelitasta makisninkumanta kacharichiyta. 3Noqaqa kunan machu runaña kani. Jinapis, Diosninchej khuyakusqanrayku qankunaqa kallpayoj kashankichej. Kunanqa noqajpata wauqeypatawan cuentaykumanta, qankunañataj llojsiychej maqanakoj ayllunchejrayku. Diosninchej yanapasuchun.
4Chay jallp'amanta Simonqa ajllakusqa iskay chunka waranqa chakipi rejkuna soldadosta, caballopi rejkuna soldadostawan. Paykunaqa kachaykukusqanku Cendebeowan tinkunakoj. 5Chhapu chhaputa llojsisqanku, risqankutaj pampaman. Chaypi kashajtinku rikhurimunku ashkha runas chakipitaj caballospitaj. Chaupinkupi uj wayq'o kasqa. 6Juan soldadosnintin kasqanku wayq'o chaynejpi, enemigosninkuta rikuspa. Soldadosqa manchachikushasqanku, manataj munashasqankuchu chimpaman pasayta. Chayta rikuspataj, Juanqa ñaupajta wayq'onta pasasqa. Runasnintaj qhepampi pasallasqanku. 7Rikuspataj contrasqa ashkha caballosniyoj kasqankuta, Juanqa chakipi rej soldadosta t'aqaspi churasqa, caballosniyojkunata chaupinkupi. 8Ujta pututus waqasqanku. Chaymantataj, Cendebeo runasninwan khuska atipachikusqanku. Ashkha runas wañusqanku. Kausajkunataj jark'ana wasiman ayqesqanku. 9Chay ch'ajwapi nanaykuchisqanku Juampa wauqen Judasta. Juantaj qhatiykachasqa ayqesharqanku chaykunata. Qhepankupi rispataj, Cedrón llajtaman chayasqanku Cendebeo watejmanta ruwachisqa chay llajtaman. 10Enemigosqa Azoto pampasman ayqesqanku. Chaypi jatuchaj torrespi pakaykukusqanku. Juantaj, chayamuspa, llajtata ruphaykuchisqa. Chaypi wañusqanku enemigos ukhupi iskay waranqa runas. Juantaj sanopacha Judeaman kutimpusqa.
Simonta wañuchinku
11Abubpa wawan Tolomeota churasqanku soldadosta kamachejmanta Jericó pampapi. Chay Tolomeoqa qhapaj runa kasqa. Qorintaj qolqentaj kapusqa. 12Kuraj sacerdotej tolqan kasqa Tolomeoqa. 13Munapayashasqa atiyniyoj kayta. Unanchashasqa chay jallp'asta jap'ikapuyta. Chaypacha yuyashasqa wasanchayta Simontawan wawasnintawan, wañurparichinampaj. 14Chaypacha Simonqa watukamushasqa tukuynin llajtasta yachamunampaj imamantachus pisichikusqankuta. Jericó llajtaman chayasqa wawasnin Matatiaswan Judaswan ima. Chayqa karqa pachaj qanchis chunka qanchisniyoj kaj watapi, chunka ujniyoj kaj killapi, Sebat killa nisqa chaypi. 15Paykunataqa chay puraj uya Abubpa wawan Tolomeo, pusasqa Doc nisqa jark'ana wasiman. Pay ruwachisqa chay juch'uy jark'anataqa. Chaypi iskayninkupaj uj fiestata ruwasqa. Chayllapitaj wakin runas pakakushasqanku. 16Simontaj wawasnimpis machaykusqankumantaña, Tolomeo amigosnintin yaykumusqanku maqanaku armasta jap'ispa. Chayllapi wañuchisqanku Simontawan iskaynin wawasnintawan, wakin kamachisninkutawan. 17Millayta ruwasqa Tolomeoqa. Allin kajmanta sajrawan kutichikusqa.
18Chaymantataj, Tolomeoqa tukuy imata willakusqa reyman uj cartapi. Nisqataj payman kachamunanta soldadosta yanapanankupaj. Mañakusqataj kamachej kayta kamachinampaj tukuy llajtaspi. 19Chaymanta, Gezermampis kachallasqataj wakin runasta, Juanta wañuchinankupaj. Generalesmampis cartasta apachimusqa, payman k'askanankuta mañakuspa. Prometesqataj qonanta qorita, qolqeta, wajkunata ima. 20Chaymanta, Tolomeoqa waj runasta kachasqa jap'imunankupaj Jerusalén llajtatawan, templo orqotawan. 21Jina kajtimpis, uj runa ñaupakuspa, Gezerman chayasqa. Chayaspataj, Juanman willakusqa imaynamantachus tatantaj wauqesnintaj wañuchisqas kasqankuta. Nisqataj Tolomeo runasta kachamusqanta paytapis wañuchinankupaj. 22Chayta uyariytawantaj, Juanqa yuyayninta chinkachisqa. Chantaqa, chayajtinku pikunachus jamusqanku payta wañuchinankupaj chaykuna, jap'ichispa chayllapi wañuchichisqa. Yachasqaña ari jamusqankuta payta wañuchej.
23Juanqa kausaynimpi ashkha maqanakusman rerqa. Imaymana laya t'ukunasta ruwarqa. Tukuynejpi llajta perqasta ruwacherqa. Wajkunatapis ruwarqa yuyarikunapaj jina. 24Tukuy chay ruwasqasnin qelqasqa kashan, jatun sacerdoteman tukusqanmantapacha tatampa qhepampi.
Currently Selected:
1 MACABEOS 16: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
1 MACABEOS 16
16
Simompa wawasnin Cendebeota atipanku
1Simompa wawan Juan, Gezermanta llojsispa, risqa tatampaman willakoj Cendebeoj ruwasqanmanta. 2Simontaj, chayta yachaspa wajyasqa iskaynin kuraj wawasninta, Judastawan, Juantawan, nisqataj kay jinata: Noqa, wauqesniypis, tukuy tataypa ayllumpis, maqanakoj kayku Israel ayllunchejta chejnikojkunawan, waynas kasqaykumantapacha kunankama. Ashkha kutis aterqayku israelitasta makisninkumanta kacharichiyta. 3Noqaqa kunan machu runaña kani. Jinapis, Diosninchej khuyakusqanrayku qankunaqa kallpayoj kashankichej. Kunanqa noqajpata wauqeypatawan cuentaykumanta, qankunañataj llojsiychej maqanakoj ayllunchejrayku. Diosninchej yanapasuchun.
4Chay jallp'amanta Simonqa ajllakusqa iskay chunka waranqa chakipi rejkuna soldadosta, caballopi rejkuna soldadostawan. Paykunaqa kachaykukusqanku Cendebeowan tinkunakoj. 5Chhapu chhaputa llojsisqanku, risqankutaj pampaman. Chaypi kashajtinku rikhurimunku ashkha runas chakipitaj caballospitaj. Chaupinkupi uj wayq'o kasqa. 6Juan soldadosnintin kasqanku wayq'o chaynejpi, enemigosninkuta rikuspa. Soldadosqa manchachikushasqanku, manataj munashasqankuchu chimpaman pasayta. Chayta rikuspataj, Juanqa ñaupajta wayq'onta pasasqa. Runasnintaj qhepampi pasallasqanku. 7Rikuspataj contrasqa ashkha caballosniyoj kasqankuta, Juanqa chakipi rej soldadosta t'aqaspi churasqa, caballosniyojkunata chaupinkupi. 8Ujta pututus waqasqanku. Chaymantataj, Cendebeo runasninwan khuska atipachikusqanku. Ashkha runas wañusqanku. Kausajkunataj jark'ana wasiman ayqesqanku. 9Chay ch'ajwapi nanaykuchisqanku Juampa wauqen Judasta. Juantaj qhatiykachasqa ayqesharqanku chaykunata. Qhepankupi rispataj, Cedrón llajtaman chayasqanku Cendebeo watejmanta ruwachisqa chay llajtaman. 10Enemigosqa Azoto pampasman ayqesqanku. Chaypi jatuchaj torrespi pakaykukusqanku. Juantaj, chayamuspa, llajtata ruphaykuchisqa. Chaypi wañusqanku enemigos ukhupi iskay waranqa runas. Juantaj sanopacha Judeaman kutimpusqa.
Simonta wañuchinku
11Abubpa wawan Tolomeota churasqanku soldadosta kamachejmanta Jericó pampapi. Chay Tolomeoqa qhapaj runa kasqa. Qorintaj qolqentaj kapusqa. 12Kuraj sacerdotej tolqan kasqa Tolomeoqa. 13Munapayashasqa atiyniyoj kayta. Unanchashasqa chay jallp'asta jap'ikapuyta. Chaypacha yuyashasqa wasanchayta Simontawan wawasnintawan, wañurparichinampaj. 14Chaypacha Simonqa watukamushasqa tukuynin llajtasta yachamunampaj imamantachus pisichikusqankuta. Jericó llajtaman chayasqa wawasnin Matatiaswan Judaswan ima. Chayqa karqa pachaj qanchis chunka qanchisniyoj kaj watapi, chunka ujniyoj kaj killapi, Sebat killa nisqa chaypi. 15Paykunataqa chay puraj uya Abubpa wawan Tolomeo, pusasqa Doc nisqa jark'ana wasiman. Pay ruwachisqa chay juch'uy jark'anataqa. Chaypi iskayninkupaj uj fiestata ruwasqa. Chayllapitaj wakin runas pakakushasqanku. 16Simontaj wawasnimpis machaykusqankumantaña, Tolomeo amigosnintin yaykumusqanku maqanaku armasta jap'ispa. Chayllapi wañuchisqanku Simontawan iskaynin wawasnintawan, wakin kamachisninkutawan. 17Millayta ruwasqa Tolomeoqa. Allin kajmanta sajrawan kutichikusqa.
18Chaymantataj, Tolomeoqa tukuy imata willakusqa reyman uj cartapi. Nisqataj payman kachamunanta soldadosta yanapanankupaj. Mañakusqataj kamachej kayta kamachinampaj tukuy llajtaspi. 19Chaymanta, Gezermampis kachallasqataj wakin runasta, Juanta wañuchinankupaj. Generalesmampis cartasta apachimusqa, payman k'askanankuta mañakuspa. Prometesqataj qonanta qorita, qolqeta, wajkunata ima. 20Chaymanta, Tolomeoqa waj runasta kachasqa jap'imunankupaj Jerusalén llajtatawan, templo orqotawan. 21Jina kajtimpis, uj runa ñaupakuspa, Gezerman chayasqa. Chayaspataj, Juanman willakusqa imaynamantachus tatantaj wauqesnintaj wañuchisqas kasqankuta. Nisqataj Tolomeo runasta kachamusqanta paytapis wañuchinankupaj. 22Chayta uyariytawantaj, Juanqa yuyayninta chinkachisqa. Chantaqa, chayajtinku pikunachus jamusqanku payta wañuchinankupaj chaykuna, jap'ichispa chayllapi wañuchichisqa. Yachasqaña ari jamusqankuta payta wañuchej.
23Juanqa kausaynimpi ashkha maqanakusman rerqa. Imaymana laya t'ukunasta ruwarqa. Tukuynejpi llajta perqasta ruwacherqa. Wajkunatapis ruwarqa yuyarikunapaj jina. 24Tukuy chay ruwasqasnin qelqasqa kashan, jatun sacerdoteman tukusqanmantapacha tatampa qhepampi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.