1 MACABEOS 10
10
Alejandro oqharikun
1Pachaj sojta chunkayoj watapitaj, Antíocoj wawan Alejandro, Epífanes nisqa, wicharispa jap'ikapusqa Tolemaida llajtata. Llajtayojkunataj payta reyninkupaj jap'ikusqanku. 2Rey Demetriotaj chayta yachaspa, ashkha soldadosta tantamuytawan, llojsisqa Alejandrota taripaj. 3Chantá Demetrioqa Jonatanman apachimusqa uj cartata misk'i palabrasniyojta, payta manchayta jatunyachispa. 4Nisqa ari Demetrioqa sonqompi: Allinyakamunaña judioswan, ama Alejandrowan allinyakumunankupaj contranchejpi. 5Yuyarikushanchá tukuy sajra kajmanta imatachus ruwarqanchej paypaj, wauqesnimpaj, ayllumpaj ima. 6Atiytataj qosqa Jonatanman mask'akunampaj soldadostapis maqanaku armastapis. Chaymanta nisqa kacharinankuta presochasqas kasharqanku chaykunata. Ajinamanta Jonatanqa Demetrioj masinman tukun maqanakupaj. 7Jonatantaj chaypacha risqa Jerusalén llajtaman, chaypitaj Demetrioj cartanta leesqa tukuy runaspa ñaupaqenkupi, jark'anapi kasharqanku chaykunaj ñaupaqenkupipis. 8Jark'anapi kajkunataj sinch'ita mancharikusqanku, uyarispa reyqa Jonatanman atiyta qosqanta ashkha soldadosta tantamunampaj. 9Jark'anapi kajkunaqa presochasqasta qopusqanku Jonatanman. Jonatantaj tatasninkuman kachamusqa.
10Chaymanta, Jonatanqa tiyakusqa Jerusalempi. Chaymanta qallarisqa wasista oqhariyta sumajyachiytataj Jerusalempi. 11Nisqataj Jonatán maestrosman perqasta ruwanankuta Jerusalempa muyuynintimpi, Sión orqoj muyuynintimpi ima, sumaj ch'eqosqa rumiswan. 12Karu llajtayojkunataj, jark'anaspi kasharqanku chaykuna, Báquides ruwachisqan chaypi, ayqerparikapusqanku. 13Sapa ujninku, ayqespa, llajtasninkuman ripusqanku. 14Bet-Surllapi qhepakusqanku wakin qonqapojkunamanta Diospa leynintapis, kamachisqasnintapis. Chay llajtaqa paykunapaj karqa pakakuna llajta.
15Rey Alejandrotaj uyarisqa parlajta promesasmanta Demetrio ruwarqa Jonatanman chaykunamanta. Payman willallasqankutaj Jonatampa maqanakusninmanta, wapu runa kasqanmanta ima. Ajinallatataj wauqesninmantapis parlasqanku. Chantapis, willasqanku Jonatanta llakichisqankumanta. 16Chayta yachaspa nisqa Alejandroqa: Tarisunmanchu waj runata payman rijch'akojta? Kunanqa payta amigonchejman tukuchina. Ladonchejman pasachimuna paytaqa, nispa. 17Chantaqa, Jonatanman uj cartata apachimusqa kay jinata:
18Rey Alejandro wauqen Jonatanta napaykun. 19Noqayku yachayku kallpayoj runa kasqaykita. Rijch'awaykutaj amigoyku kanaykipaj jina kasqaykita. 20Kunantaj qantaqa ajllayku aylluykej kuraj sacerdoten kanaykipaj. Qantaqa sutichasonqanku: Reypa amigon, nispa. Qanqa imatachus noqaykojta qhawaykipuni tiyan. Noqaykoj amigoykupuni kay, nispa. Chantapis Alejandroqa kachamusqa Jonatanman uj k'acha puka kulli p'achata uj qori pillutawan.
21Qanchis kaj killapitaj pachaj sojta chunka kaj watamanta, ch'ujllas fiestapi, Jonatanqa churakusqa sacerdote p'achasta. Chantá, soldadosta tantakamusqa, imaymana laya maqanaku armastapis ruwachisqa. 22-23Demetriotaj tukuy chaykunata yachaspa, mayta llakikuspa nisqa: Imanaspataj atipachikunchej Alejandrowan, kay jinamanta judíos payman k'askamunankupaj yanapanankupajtaj? 24Noqapis escribimullasajtaj paykunaman misk'i palabrasta. Prometeykusaj cargostapis regalostapis. Ichapis noqaman k'askamuwanqanku. 25Chantaqa, kay cartata paykunaman apachimusqa:
26Rey Demetrio judío aylluta napaykun. Jatun kusikuywan yachayku qankunaqa waqaychasqaykichejtapuni chay trato noqawan qankunawan ruwasqanchejta. Willawaykutaj qankunaqa mana pasakapusqaykichejta enemigosniyman, manachayqa noqawampuni kasqaykichejta. 27Kunanqa, sonqoykichejta noqaykupi churallaychejpuni. Noqaykutaj sumaj kajta qopusqayku, noqaykupaj ruwasqaykichejmanta. 28Amaña impuestosta qowankichejchu. Chantapis, imaymana laya regalostapis qosqaykichej. 29Chayrayku, kunan noqaqa, qankunatapis tukuy judiostapis libraykichej kachi impuestomanta, qori impuestomantawan, imatachus reyman qonaykichej karqa chaymanta. 30Kunanmantapacha wiñayman, noqaqa mana jap'ikusajñachu grano oqhariymanta kinsa kaj khuskanta, manataj jap'ikusajñachu sach'a poqoymanta khuskanta, imatachus kunankama jap'ikoj kani chayta. Kunanmantapacha wiñaypaj, mana chayta jap'ikusajñachu Judeamanta, nitaj chay kinsa suyumanta, mayqenkunachus karqanku Samariamanta Galileamantataj, kunan Judeamanta kanku, chaykunamanta. 31Jerusalén llajtaqa muyuynintimpi kaj jallp'aswantaj, santo jallp'aman tukuchun. Chay jawataj libre kachun chunka t'aqa qonamanta impuestosmantawan. 32Chantapis, saqellanitaj atiyniyta imatachus kapuwarqa Jerusalén jark'anapi, qopunitaj kuraj sacerdoteman. Paypuni ajllakuchun runasta chay jark'anata qhawanankupaj. 33Chantaqa, ordenta qoshani tukuy judíos pikunachus apasqas karqanku Judeamanta waj cheqasman reinoypi, kacharichisqas kanankupaj, mana ni imata pagaspa. Ajinallataj, libres kachunku impuestosta paganamanta, uywasninkumanta pagananku karqa chaymantapis. 34Chaymanta, nillanitaj feriado kananta tukuy fiesta días, samarina días, mosoj killas, waj señalasqa fiestas ima. Chay feriadoqa kanan tiyan kinsa día ñaupajta, kinsa diataj qhepanta. Chay diaspeqa mana paganankuchu tiyan impuestosta nitaj imallatapis ruwanankuchu tiyan mandasqa kashan reinoypi tiyakoj judiosman chaykunamanta. 35Mana ni pi atiyniyojchu qolqeta mañakunampaj judiosmanta, nitaj llakichinampaj judiosta imallamantapis.
36Judío soldadosqa kinsa chunka waranqalla kananku tiyan. Paykunamantaj pagakonqa imaynatachus pagakun tukuy reypa soldadosninman, jinallatataj. 37Reypa jark'anasnimpipis kanan tiyan judíos. Wakin judíos wajyasqas kanqanku kamachejkunaman tukunankupaj reinopi. Judiospa kamachejkunasninku judiosllataj kananku tiyan. Tukuy paykunaqa judíos leyman jina kausananku tiyan. Reyqa chayta kamachin tukuy Judea llajtapaj.
38Chantaqa, chay kinsa suyus, Samariamanta t'aqasqas karqanku chaykuna, Judeaman k'askasqas kachunku. Tukuy chaypi uj runalla kamachichun. Chayrayku, tukuy runasqa kuraj sacerdotellata kasuchunku. 39Chantá, Tolemaida llajtata muyuynintimpi kaj jallp'astawan, Jerusalén santo temploman qopuni, chay jallp'asmanta orqhosqa kanampaj imatachus necesitakun templopaj chayta. 40Chantá, noqapaj jap'ikusqay impuesto qolqemanta, sapa watata temploman chayachimusaj pachaj sojta chunka phishqayoj kilo qolqeta. Chaytaj orqhomunanku tiyan ajllakusqanku lugarkunamanta. 41Chaymantataj, gobiernoj qolqenmanta imallapis puchojtin, autoridadesqa chayta qonanku tiyan templomanta trabajospaj. 42Sapa wata, temploman yaykusqan qolqemantaqa, ñaupajta jap'ikapoj kayku phishqa chunka phishqayoj kilo qolqeta. Kunanqa, chay qolqeqa qopusqa kanqa sacerdotesman. 43Pillapis manuyoj kajtin reymampis, mayqen runallamampis, ayqespa pakakun chayqa templopichus, temploman k'askasqas waj cheqaspichus, mana ni ima nasqachu kanan tiyan, nitaj reinopi kashan paypa kapuynimpis. 44Imallapis wasichakunan kajtin templopi, imallapis sumajyachikunan kajtin, reypa qolqenwan pagakonqa. 45Chaymantataj, Jerusalempi muyuynintimpipis oqharina kajtin perqas, sumajyachina kajtimpis, jinallataj tukuy Judea jallp'api, chay trabajosqa pagakonqa reypa qolqenwan.
46Chay reypa nisqanta uyarispa, nitaj Jonatán nitaj tukuy runaspis creesqankuchu. Manataj sonqonkupi jap'ikusqankuchu palabrasnintaqa. Tukuyninku yuyarikusqanku ari imaynatachus rey Demetrioqa Israel aylluta llakichisqanta. Anchatapuni llakicherqa ari Demetrioqa israelitasta. 47Chayraykoqa Alejandrollaman k'askaykukorqanku. Paymin tukuy reykunamanta aswan ñaupajta israelitasta parlarikorqa k'acha sonqowan. Judiosqa Alejandrollawampuni karqanku, tukuy paypa kausaynimpi.
48Rey Alejandrotaj ashkha soldadosta tantaykusqa, risqataj paykunawan khuska Demetriowan tinkunakoj. 49Iskaynin reykuna ch'ajwapi tinkunakusqanku. Chaymanta, Demetrioj runasnin ayqerparikapusqanku. Alejandrotaj kachaykukusqa Demetriota mask'aj. Alejandroj soldadosnin atipasqanku. 50Alejandroj soldadosnin inti yaykupunankama maqanakupi kashasqanku. Demetriotaj chay diapi wañusqa.
Jonatanqa kamachejman tukun
51-52Chaymantataj, Alejandroqa kurajkunata kachamusqa Egiptoman, rey Tolomeojpaman, kay jinata nichimuspa: Noqaqa kutimpuni reinoyman. Tiyakushanitaj kunanqa ñaupa tatasniypa tiyanankupi. Demetriota atipasqaymantapacha atiyniyojña kani, tukuynin jallp'aykupitaj kamachishani. 53Demetriowan tinkunakorqayku. Paytaj runasninwan khuska atipachikorqanku. Noqataj, chaymanta, rey tiyanayta watejmanta jap'ikapuni. 54Kunanqa, iskayninchej allinyakampuna. Ususiykita warmiypaj qopuway. Tolqayki kasaj. Qanmampis ususiykimampis maychus kaj regalosta qosqaykichej.
55Rey Tolomeotaj kay jinata kutichimusqa: Kusiy chay p'unchay mayqempichus ñaupa tatasniykej jallp'ankuman kutimpunki rey tiyanaykipi tiyakoj. 56Kunantaj, nichiwasqaykiman jina ruwasaj. Jinapis, jamuy Tolemaidaman noqata taripawaj rejsinakunanchejpaj. Chaymanta tolqayman tukullanki, mañakusqaykiman jina. 57Pachaj sojta chunka iskayniyoj kaj watapitaj Tolomeoqa Cleopatra ususinwan khuska, Egiptomanta llojsispa, Tolemaidaman chayasqanku. 58Rey Alejandrotaj chaypi watukusqa Tolomeota. Tolomeotaj qopusqa ususin Cleopatrata warmimpaj. Alejandrowan Cleopatrawan casarakusqanku Tolemaidapi, jatun fiestata ruwaspa, imaynatachus reykuna ruwanku ajinata.
59Alejandroqa Jonatanta nichimusqa jamunanta paywan tinkukoj. 60Jonatantaj, may k'achanchasqa, ashkha runaswantaj khuska, Tolemaida llajtaman chayamusqa. Chaypi watukusqa iskaynin reykunata. Qosqataj paykunaman, amigosninkumampis qolqetawan qoritawan, wajkunata ima. Ajinamanta, allin ñawiwan payta qhawasqanku tukuyninku. 61Jonatanta chajnikuspa, ujllapi tantakusqanku Diosta wasanchaj millay israelitas, Diospa leyninta p'akejkuna. Chaykunaqa Jonatanta ch'ataykusqanku. Reytaj mana uyarisqachu paykunata. 62Reyqa nisqa Jonatanta p'achasninta lluch'ukunanta, churakunantataj k'acha kulli p'achasta. Jonatantaj ajinata ruwasqa. 63Chantaqa, rey tiyaykuchisqa Jonatanta paypa ladompi, nisqataj kuraj kaj runasninman: Jonatanta pusamuychej plazaman. Chaypitaj qhaparinkichej mana ni pi payta tumpananta ni imallamantapis, nitaj ni imanaspapis llakichinankuta.
64Jonatanta ch'atashajkunataj rikusqanku payta may k'achanchasqata k'acha kulli p'achaswan. Uyarispataj imatachus paymanta qhaparisqankuta, tukuyninku ayqerikapusqanku. 65Chaymantataj reyqa aswan pataman payta oqharichispa, ñaupaj kaj kausaqesninwan khuska churaykuchisqa. Chantaqa payta tukuchisqa jatun kamachejman, soldadostapis tukuy runastapis kamachimunampaj. 66Chantaqa, Jonatán kutimpusqa Jerusalenman, may kusisqa allinta qhawasqankumanta.
Jonatanqa Apoloniota atipaykun
67Pachaj sojta phishqayoj kaj watapi, Demetrioj wawan Demetrio, Cretamanta llojsispa, kutimpusqa ñaupa tatasninkoj jallp'ankuman. 68Chayta uyarispataj Rey Alejandroqa mayta phutikusqa. Chayta uyariytawantaj, Antioquía llajtaman kutimpusqa. 69-70Demetriotaj Apoloniota wajyasqa Celesiriapi kamachej kanampaj. Apoloniotaj ashkha soldadosta tantamuspa kachaykukullasqa. Soldadosninwantaj sayasqa Jamnia chaynejpi. Chantaqa, Jamniamanta jatun sacerdote Jonatanman nichimusqa kay jinata:
Qan sapallayki noqaykoj contraykupi sayarishanki. Qanrayku noqaqa runasta asirichishani, p'enqaypitaj rikhurishani. Imaraykutaj atiyniykita orqospi rikuchishanki noqaj contraypi? 71Kunanqa, sichus yuyashanki soldadosniyki may kallpayoj kasqankuta, uraykamullay pampasman noqaykuwan tinkunakoj. Chaypitaj yachasunchej mayqenchus aswan kallpayoj kasqanchejta. Kay llajtasmanta runasqa noqawan khuska kashanku. 72Allinta tapukuy yacharqoytaj pichus noqa kasqayta. Chantapis, pikunachus kanku noqaykuta yanapajkunapis. Chaykunaqa nishanku qankunamanta: Paykunaqa manapuni atenqankuchu ñaupaqenchejpi sayayta. Iskay kutitaña ari paykunaj ñaupa tatasninku atipachikorqanku kikin jallp'ankupi. 73Kunantaj, qanqa manapuni atiwajchu jark'ayta caballosta, chay chhika soldadostapis pampapi, maypichus mana kanchu rumispis, qaqaspis, nitaj uj cheqallapis, maymanchus riyta atiwaj pakakoj.
74Jonatantaj, uyariytawan imatachus Apolonioqa payman willaykuchisqanta, ujta phiñaykukusqa. Chaypacha ajllakusqa chunka waranqa runasta. Paykunawantaj llojsisqa Jerusalenmanta. Chantaqa, paypata wauqen Simonqa chayamullasqataj Jonatanta yanapaj. 75Jonatanqa jarakusqa Jope chaynejpi. Jope llajtayojkunataj wisq'aykusqanku llajta punkusta, imaraykuchus llajta ukhupi kasqanku Apolonioj soldadosnin. Chanta, judiosqa chay llajtayojkunaman maqanakuyta qallarisqanku. 76Chaymantataj, chay Jope llajtayojkuna, manchachikuspa, llajta punkusta kicharparisqanku. Jonatantaj yaykuspa, dueñochakusqa llajtamanta.
77Apoloniotaj chayta yachaspa, wakichisqa kinsa waranqa caballosniyoj soldadosta, may chhika chakipi purejkunatapis. Chantaqa, paykunawan khuska Azotoman risqa. Azotoman rej jinalla, pampasman chayaytawankama, soldadosninta kayman jaqayman ch'eqerachisqa. Yuyasharqa ari caballosnin may chhika kasqankuta, atipanankupaj jina. 78Jonatampis Azotoman kachaykukullasqataj, Apoloniota qhatispa. Chaynejpi iskayninku tinkunakusqanku maqanakupi. 79Apolonioqa wasampi saqesqa waranqa caballoyojkunata pakayllapi. 80Yachasqa Jonatanqa paypa wasampi chay soldados pakasqas kasqankuta. Chantaqa, ujta Jonatampa runasnenqa rikusqanku muyuyninkupi tukuynejmanta Apolonioj soldadosnin rikhurimushasqankuta. Apolonioj runasnenqa wach'inasta wijch'uykusqanku Jonatampa runasninman paqarinmanta ch'isiyaykama. 81Jonatampa runasnenqa allinta sayasqanku, imaynatachus Jonatán nisqa, ajinata. Enemigospa caballosnintaj sayk'usqanku. 82Simontaj runasninta llojsichimuspa, kachaykukusqa enemigosninkuta mask'aj. Paykunaj caballosninku sayk'usqasña kasqanku ari. Simompa runasnin atipaykusqanku enemigonninkuta. Chaykunataj ayqerikapusqanku. 83Caballojkuna ch'eqerakusqanku pampapi. Ayqespataj, chayasqanku Azoto llajtaman. Azoto llajtaman chayaspataj, lantinkoj Dagompa templonman pakakoj yaykusqanku, salvakunankupaj.
84Jonatantaj ruphaykuchisqa Azoto llajtata, muyuynintimpi kaj ranchostapis. Tukuy ima tarisqantapis apakapusqa. Ruphaykuchillasqataj Dagón templota, chay ukhupi kaj runastapis. 85Espadawan wañuchisqaswan, ruphaykuchisqaswanqa karqanku pusaj waranqa runas. 86Chaymanta, chay cheqamanta ripuytawantaj, Jonatanqa chayamusqa Ascalonman. Chaynejpitaj jarakusqa. Chay llajtayojkunataj llojsisqanku payta taripaj fiestata ruwaspa. 87Chaymanta, Jonatanqa runasninwan khuska Jerusalenman kutimpusqanku, apakapuspa imatachus oqharikusqanku chayta. Chay apakapusqanqoqa ashkha kasqa. 88Rey Alejandroqa, tukuy chaykunata yachaspa, nisqa astawan Jonatanta jatunyachinankuta. 89Chantaqa, Jonatanman apachimusqa uj qori tuputa, reypa ayllusninman qoyta yachanku chaykunamanta. Chaymantataj, qosqa Jonatanman Ecrón llajtata jallp'asnintinta.
Currently Selected:
1 MACABEOS 10: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
1 MACABEOS 10
10
Alejandro oqharikun
1Pachaj sojta chunkayoj watapitaj, Antíocoj wawan Alejandro, Epífanes nisqa, wicharispa jap'ikapusqa Tolemaida llajtata. Llajtayojkunataj payta reyninkupaj jap'ikusqanku. 2Rey Demetriotaj chayta yachaspa, ashkha soldadosta tantamuytawan, llojsisqa Alejandrota taripaj. 3Chantá Demetrioqa Jonatanman apachimusqa uj cartata misk'i palabrasniyojta, payta manchayta jatunyachispa. 4Nisqa ari Demetrioqa sonqompi: Allinyakamunaña judioswan, ama Alejandrowan allinyakumunankupaj contranchejpi. 5Yuyarikushanchá tukuy sajra kajmanta imatachus ruwarqanchej paypaj, wauqesnimpaj, ayllumpaj ima. 6Atiytataj qosqa Jonatanman mask'akunampaj soldadostapis maqanaku armastapis. Chaymanta nisqa kacharinankuta presochasqas kasharqanku chaykunata. Ajinamanta Jonatanqa Demetrioj masinman tukun maqanakupaj. 7Jonatantaj chaypacha risqa Jerusalén llajtaman, chaypitaj Demetrioj cartanta leesqa tukuy runaspa ñaupaqenkupi, jark'anapi kasharqanku chaykunaj ñaupaqenkupipis. 8Jark'anapi kajkunataj sinch'ita mancharikusqanku, uyarispa reyqa Jonatanman atiyta qosqanta ashkha soldadosta tantamunampaj. 9Jark'anapi kajkunaqa presochasqasta qopusqanku Jonatanman. Jonatantaj tatasninkuman kachamusqa.
10Chaymanta, Jonatanqa tiyakusqa Jerusalempi. Chaymanta qallarisqa wasista oqhariyta sumajyachiytataj Jerusalempi. 11Nisqataj Jonatán maestrosman perqasta ruwanankuta Jerusalempa muyuynintimpi, Sión orqoj muyuynintimpi ima, sumaj ch'eqosqa rumiswan. 12Karu llajtayojkunataj, jark'anaspi kasharqanku chaykuna, Báquides ruwachisqan chaypi, ayqerparikapusqanku. 13Sapa ujninku, ayqespa, llajtasninkuman ripusqanku. 14Bet-Surllapi qhepakusqanku wakin qonqapojkunamanta Diospa leynintapis, kamachisqasnintapis. Chay llajtaqa paykunapaj karqa pakakuna llajta.
15Rey Alejandrotaj uyarisqa parlajta promesasmanta Demetrio ruwarqa Jonatanman chaykunamanta. Payman willallasqankutaj Jonatampa maqanakusninmanta, wapu runa kasqanmanta ima. Ajinallatataj wauqesninmantapis parlasqanku. Chantapis, willasqanku Jonatanta llakichisqankumanta. 16Chayta yachaspa nisqa Alejandroqa: Tarisunmanchu waj runata payman rijch'akojta? Kunanqa payta amigonchejman tukuchina. Ladonchejman pasachimuna paytaqa, nispa. 17Chantaqa, Jonatanman uj cartata apachimusqa kay jinata:
18Rey Alejandro wauqen Jonatanta napaykun. 19Noqayku yachayku kallpayoj runa kasqaykita. Rijch'awaykutaj amigoyku kanaykipaj jina kasqaykita. 20Kunantaj qantaqa ajllayku aylluykej kuraj sacerdoten kanaykipaj. Qantaqa sutichasonqanku: Reypa amigon, nispa. Qanqa imatachus noqaykojta qhawaykipuni tiyan. Noqaykoj amigoykupuni kay, nispa. Chantapis Alejandroqa kachamusqa Jonatanman uj k'acha puka kulli p'achata uj qori pillutawan.
21Qanchis kaj killapitaj pachaj sojta chunka kaj watamanta, ch'ujllas fiestapi, Jonatanqa churakusqa sacerdote p'achasta. Chantá, soldadosta tantakamusqa, imaymana laya maqanaku armastapis ruwachisqa. 22-23Demetriotaj tukuy chaykunata yachaspa, mayta llakikuspa nisqa: Imanaspataj atipachikunchej Alejandrowan, kay jinamanta judíos payman k'askamunankupaj yanapanankupajtaj? 24Noqapis escribimullasajtaj paykunaman misk'i palabrasta. Prometeykusaj cargostapis regalostapis. Ichapis noqaman k'askamuwanqanku. 25Chantaqa, kay cartata paykunaman apachimusqa:
26Rey Demetrio judío aylluta napaykun. Jatun kusikuywan yachayku qankunaqa waqaychasqaykichejtapuni chay trato noqawan qankunawan ruwasqanchejta. Willawaykutaj qankunaqa mana pasakapusqaykichejta enemigosniyman, manachayqa noqawampuni kasqaykichejta. 27Kunanqa, sonqoykichejta noqaykupi churallaychejpuni. Noqaykutaj sumaj kajta qopusqayku, noqaykupaj ruwasqaykichejmanta. 28Amaña impuestosta qowankichejchu. Chantapis, imaymana laya regalostapis qosqaykichej. 29Chayrayku, kunan noqaqa, qankunatapis tukuy judiostapis libraykichej kachi impuestomanta, qori impuestomantawan, imatachus reyman qonaykichej karqa chaymanta. 30Kunanmantapacha wiñayman, noqaqa mana jap'ikusajñachu grano oqhariymanta kinsa kaj khuskanta, manataj jap'ikusajñachu sach'a poqoymanta khuskanta, imatachus kunankama jap'ikoj kani chayta. Kunanmantapacha wiñaypaj, mana chayta jap'ikusajñachu Judeamanta, nitaj chay kinsa suyumanta, mayqenkunachus karqanku Samariamanta Galileamantataj, kunan Judeamanta kanku, chaykunamanta. 31Jerusalén llajtaqa muyuynintimpi kaj jallp'aswantaj, santo jallp'aman tukuchun. Chay jawataj libre kachun chunka t'aqa qonamanta impuestosmantawan. 32Chantapis, saqellanitaj atiyniyta imatachus kapuwarqa Jerusalén jark'anapi, qopunitaj kuraj sacerdoteman. Paypuni ajllakuchun runasta chay jark'anata qhawanankupaj. 33Chantaqa, ordenta qoshani tukuy judíos pikunachus apasqas karqanku Judeamanta waj cheqasman reinoypi, kacharichisqas kanankupaj, mana ni imata pagaspa. Ajinallataj, libres kachunku impuestosta paganamanta, uywasninkumanta pagananku karqa chaymantapis. 34Chaymanta, nillanitaj feriado kananta tukuy fiesta días, samarina días, mosoj killas, waj señalasqa fiestas ima. Chay feriadoqa kanan tiyan kinsa día ñaupajta, kinsa diataj qhepanta. Chay diaspeqa mana paganankuchu tiyan impuestosta nitaj imallatapis ruwanankuchu tiyan mandasqa kashan reinoypi tiyakoj judiosman chaykunamanta. 35Mana ni pi atiyniyojchu qolqeta mañakunampaj judiosmanta, nitaj llakichinampaj judiosta imallamantapis.
36Judío soldadosqa kinsa chunka waranqalla kananku tiyan. Paykunamantaj pagakonqa imaynatachus pagakun tukuy reypa soldadosninman, jinallatataj. 37Reypa jark'anasnimpipis kanan tiyan judíos. Wakin judíos wajyasqas kanqanku kamachejkunaman tukunankupaj reinopi. Judiospa kamachejkunasninku judiosllataj kananku tiyan. Tukuy paykunaqa judíos leyman jina kausananku tiyan. Reyqa chayta kamachin tukuy Judea llajtapaj.
38Chantaqa, chay kinsa suyus, Samariamanta t'aqasqas karqanku chaykuna, Judeaman k'askasqas kachunku. Tukuy chaypi uj runalla kamachichun. Chayrayku, tukuy runasqa kuraj sacerdotellata kasuchunku. 39Chantá, Tolemaida llajtata muyuynintimpi kaj jallp'astawan, Jerusalén santo temploman qopuni, chay jallp'asmanta orqhosqa kanampaj imatachus necesitakun templopaj chayta. 40Chantá, noqapaj jap'ikusqay impuesto qolqemanta, sapa watata temploman chayachimusaj pachaj sojta chunka phishqayoj kilo qolqeta. Chaytaj orqhomunanku tiyan ajllakusqanku lugarkunamanta. 41Chaymantataj, gobiernoj qolqenmanta imallapis puchojtin, autoridadesqa chayta qonanku tiyan templomanta trabajospaj. 42Sapa wata, temploman yaykusqan qolqemantaqa, ñaupajta jap'ikapoj kayku phishqa chunka phishqayoj kilo qolqeta. Kunanqa, chay qolqeqa qopusqa kanqa sacerdotesman. 43Pillapis manuyoj kajtin reymampis, mayqen runallamampis, ayqespa pakakun chayqa templopichus, temploman k'askasqas waj cheqaspichus, mana ni ima nasqachu kanan tiyan, nitaj reinopi kashan paypa kapuynimpis. 44Imallapis wasichakunan kajtin templopi, imallapis sumajyachikunan kajtin, reypa qolqenwan pagakonqa. 45Chaymantataj, Jerusalempi muyuynintimpipis oqharina kajtin perqas, sumajyachina kajtimpis, jinallataj tukuy Judea jallp'api, chay trabajosqa pagakonqa reypa qolqenwan.
46Chay reypa nisqanta uyarispa, nitaj Jonatán nitaj tukuy runaspis creesqankuchu. Manataj sonqonkupi jap'ikusqankuchu palabrasnintaqa. Tukuyninku yuyarikusqanku ari imaynatachus rey Demetrioqa Israel aylluta llakichisqanta. Anchatapuni llakicherqa ari Demetrioqa israelitasta. 47Chayraykoqa Alejandrollaman k'askaykukorqanku. Paymin tukuy reykunamanta aswan ñaupajta israelitasta parlarikorqa k'acha sonqowan. Judiosqa Alejandrollawampuni karqanku, tukuy paypa kausaynimpi.
48Rey Alejandrotaj ashkha soldadosta tantaykusqa, risqataj paykunawan khuska Demetriowan tinkunakoj. 49Iskaynin reykuna ch'ajwapi tinkunakusqanku. Chaymanta, Demetrioj runasnin ayqerparikapusqanku. Alejandrotaj kachaykukusqa Demetriota mask'aj. Alejandroj soldadosnin atipasqanku. 50Alejandroj soldadosnin inti yaykupunankama maqanakupi kashasqanku. Demetriotaj chay diapi wañusqa.
Jonatanqa kamachejman tukun
51-52Chaymantataj, Alejandroqa kurajkunata kachamusqa Egiptoman, rey Tolomeojpaman, kay jinata nichimuspa: Noqaqa kutimpuni reinoyman. Tiyakushanitaj kunanqa ñaupa tatasniypa tiyanankupi. Demetriota atipasqaymantapacha atiyniyojña kani, tukuynin jallp'aykupitaj kamachishani. 53Demetriowan tinkunakorqayku. Paytaj runasninwan khuska atipachikorqanku. Noqataj, chaymanta, rey tiyanayta watejmanta jap'ikapuni. 54Kunanqa, iskayninchej allinyakampuna. Ususiykita warmiypaj qopuway. Tolqayki kasaj. Qanmampis ususiykimampis maychus kaj regalosta qosqaykichej.
55Rey Tolomeotaj kay jinata kutichimusqa: Kusiy chay p'unchay mayqempichus ñaupa tatasniykej jallp'ankuman kutimpunki rey tiyanaykipi tiyakoj. 56Kunantaj, nichiwasqaykiman jina ruwasaj. Jinapis, jamuy Tolemaidaman noqata taripawaj rejsinakunanchejpaj. Chaymanta tolqayman tukullanki, mañakusqaykiman jina. 57Pachaj sojta chunka iskayniyoj kaj watapitaj Tolomeoqa Cleopatra ususinwan khuska, Egiptomanta llojsispa, Tolemaidaman chayasqanku. 58Rey Alejandrotaj chaypi watukusqa Tolomeota. Tolomeotaj qopusqa ususin Cleopatrata warmimpaj. Alejandrowan Cleopatrawan casarakusqanku Tolemaidapi, jatun fiestata ruwaspa, imaynatachus reykuna ruwanku ajinata.
59Alejandroqa Jonatanta nichimusqa jamunanta paywan tinkukoj. 60Jonatantaj, may k'achanchasqa, ashkha runaswantaj khuska, Tolemaida llajtaman chayamusqa. Chaypi watukusqa iskaynin reykunata. Qosqataj paykunaman, amigosninkumampis qolqetawan qoritawan, wajkunata ima. Ajinamanta, allin ñawiwan payta qhawasqanku tukuyninku. 61Jonatanta chajnikuspa, ujllapi tantakusqanku Diosta wasanchaj millay israelitas, Diospa leyninta p'akejkuna. Chaykunaqa Jonatanta ch'ataykusqanku. Reytaj mana uyarisqachu paykunata. 62Reyqa nisqa Jonatanta p'achasninta lluch'ukunanta, churakunantataj k'acha kulli p'achasta. Jonatantaj ajinata ruwasqa. 63Chantaqa, rey tiyaykuchisqa Jonatanta paypa ladompi, nisqataj kuraj kaj runasninman: Jonatanta pusamuychej plazaman. Chaypitaj qhaparinkichej mana ni pi payta tumpananta ni imallamantapis, nitaj ni imanaspapis llakichinankuta.
64Jonatanta ch'atashajkunataj rikusqanku payta may k'achanchasqata k'acha kulli p'achaswan. Uyarispataj imatachus paymanta qhaparisqankuta, tukuyninku ayqerikapusqanku. 65Chaymantataj reyqa aswan pataman payta oqharichispa, ñaupaj kaj kausaqesninwan khuska churaykuchisqa. Chantaqa payta tukuchisqa jatun kamachejman, soldadostapis tukuy runastapis kamachimunampaj. 66Chantaqa, Jonatán kutimpusqa Jerusalenman, may kusisqa allinta qhawasqankumanta.
Jonatanqa Apoloniota atipaykun
67Pachaj sojta phishqayoj kaj watapi, Demetrioj wawan Demetrio, Cretamanta llojsispa, kutimpusqa ñaupa tatasninkoj jallp'ankuman. 68Chayta uyarispataj Rey Alejandroqa mayta phutikusqa. Chayta uyariytawantaj, Antioquía llajtaman kutimpusqa. 69-70Demetriotaj Apoloniota wajyasqa Celesiriapi kamachej kanampaj. Apoloniotaj ashkha soldadosta tantamuspa kachaykukullasqa. Soldadosninwantaj sayasqa Jamnia chaynejpi. Chantaqa, Jamniamanta jatun sacerdote Jonatanman nichimusqa kay jinata:
Qan sapallayki noqaykoj contraykupi sayarishanki. Qanrayku noqaqa runasta asirichishani, p'enqaypitaj rikhurishani. Imaraykutaj atiyniykita orqospi rikuchishanki noqaj contraypi? 71Kunanqa, sichus yuyashanki soldadosniyki may kallpayoj kasqankuta, uraykamullay pampasman noqaykuwan tinkunakoj. Chaypitaj yachasunchej mayqenchus aswan kallpayoj kasqanchejta. Kay llajtasmanta runasqa noqawan khuska kashanku. 72Allinta tapukuy yacharqoytaj pichus noqa kasqayta. Chantapis, pikunachus kanku noqaykuta yanapajkunapis. Chaykunaqa nishanku qankunamanta: Paykunaqa manapuni atenqankuchu ñaupaqenchejpi sayayta. Iskay kutitaña ari paykunaj ñaupa tatasninku atipachikorqanku kikin jallp'ankupi. 73Kunantaj, qanqa manapuni atiwajchu jark'ayta caballosta, chay chhika soldadostapis pampapi, maypichus mana kanchu rumispis, qaqaspis, nitaj uj cheqallapis, maymanchus riyta atiwaj pakakoj.
74Jonatantaj, uyariytawan imatachus Apolonioqa payman willaykuchisqanta, ujta phiñaykukusqa. Chaypacha ajllakusqa chunka waranqa runasta. Paykunawantaj llojsisqa Jerusalenmanta. Chantaqa, paypata wauqen Simonqa chayamullasqataj Jonatanta yanapaj. 75Jonatanqa jarakusqa Jope chaynejpi. Jope llajtayojkunataj wisq'aykusqanku llajta punkusta, imaraykuchus llajta ukhupi kasqanku Apolonioj soldadosnin. Chanta, judiosqa chay llajtayojkunaman maqanakuyta qallarisqanku. 76Chaymantataj, chay Jope llajtayojkuna, manchachikuspa, llajta punkusta kicharparisqanku. Jonatantaj yaykuspa, dueñochakusqa llajtamanta.
77Apoloniotaj chayta yachaspa, wakichisqa kinsa waranqa caballosniyoj soldadosta, may chhika chakipi purejkunatapis. Chantaqa, paykunawan khuska Azotoman risqa. Azotoman rej jinalla, pampasman chayaytawankama, soldadosninta kayman jaqayman ch'eqerachisqa. Yuyasharqa ari caballosnin may chhika kasqankuta, atipanankupaj jina. 78Jonatampis Azotoman kachaykukullasqataj, Apoloniota qhatispa. Chaynejpi iskayninku tinkunakusqanku maqanakupi. 79Apolonioqa wasampi saqesqa waranqa caballoyojkunata pakayllapi. 80Yachasqa Jonatanqa paypa wasampi chay soldados pakasqas kasqankuta. Chantaqa, ujta Jonatampa runasnenqa rikusqanku muyuyninkupi tukuynejmanta Apolonioj soldadosnin rikhurimushasqankuta. Apolonioj runasnenqa wach'inasta wijch'uykusqanku Jonatampa runasninman paqarinmanta ch'isiyaykama. 81Jonatampa runasnenqa allinta sayasqanku, imaynatachus Jonatán nisqa, ajinata. Enemigospa caballosnintaj sayk'usqanku. 82Simontaj runasninta llojsichimuspa, kachaykukusqa enemigosninkuta mask'aj. Paykunaj caballosninku sayk'usqasña kasqanku ari. Simompa runasnin atipaykusqanku enemigonninkuta. Chaykunataj ayqerikapusqanku. 83Caballojkuna ch'eqerakusqanku pampapi. Ayqespataj, chayasqanku Azoto llajtaman. Azoto llajtaman chayaspataj, lantinkoj Dagompa templonman pakakoj yaykusqanku, salvakunankupaj.
84Jonatantaj ruphaykuchisqa Azoto llajtata, muyuynintimpi kaj ranchostapis. Tukuy ima tarisqantapis apakapusqa. Ruphaykuchillasqataj Dagón templota, chay ukhupi kaj runastapis. 85Espadawan wañuchisqaswan, ruphaykuchisqaswanqa karqanku pusaj waranqa runas. 86Chaymanta, chay cheqamanta ripuytawantaj, Jonatanqa chayamusqa Ascalonman. Chaynejpitaj jarakusqa. Chay llajtayojkunataj llojsisqanku payta taripaj fiestata ruwaspa. 87Chaymanta, Jonatanqa runasninwan khuska Jerusalenman kutimpusqanku, apakapuspa imatachus oqharikusqanku chayta. Chay apakapusqanqoqa ashkha kasqa. 88Rey Alejandroqa, tukuy chaykunata yachaspa, nisqa astawan Jonatanta jatunyachinankuta. 89Chantaqa, Jonatanman apachimusqa uj qori tuputa, reypa ayllusninman qoyta yachanku chaykunamanta. Chaymantataj, qosqa Jonatanman Ecrón llajtata jallp'asnintinta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.