Chɛ̄nɛ̍se̍ē 45
45
Chōo̍sɛ̍ chɔ̄mnu̍ŋ bɛ̍ndāā ndūa̍a̍
1A̍ bōōndi̍i̍ ke̍ŋ, Chōo̍sɛ̍ ndu̍ o̍o̍ nɔ̍lā lɛ̍ mbō tīu̍ kɔ̄l ndɔ̄ɔ̍ bā bɛ̄ndāā ndūa̍a̍ o̍ hɔ̄l te̍. Mbo̍ dīmūl bu̍ɛ̍i̍yāā dūa̍a̍ kpo̍u̍ māā ā fūla̍. Mɛ̄ɛ̍ bu̍ɛ̍i̍yāā ndūa̍a̍ fūla̍ ma̍ lō nda̍ wānāā ndūa̍a̍ kpe̍e̍le̍, mbo̍ chɔ̄mnu᷄ŋ nda̍. 2O̍ ko̍ŋ, mi̍ Chōo̍sɛ̍ chāŋ chōo̍ cho̍o̍ kpe̍le̍ŋ. Mi̍ I̍chi̍pīa̍a̍ tūɛ̄ī ndu̍ cha᷄ŋndo̍. Mi̍ tɔ̍ɔ̍ ko̍ŋ fūūlūū o̍ chīɛ̄ī lēmāsa̍ māsā bɛ̍ndōo̍. 3Mi̍ Chōo̍sɛ̍ lo᷅ o̍ ko̍ŋ mbo̍ dīmūl bɛ̄ndāā ndūa̍a̍ āā, “Ya̍ Cho̍o̍sɛ̍ cho̍ ho̍ō ni̍.” Mbo̍ nyūna̍ nda̍ āā, “Kɛ̄kɛ̍ chō wɔ̄ yōōmū?” Kɛ̍, ba̍kō bɛ̍ɛ̍ bɛ̄ndāā ndūa̍a̍ ā nɔ̄la̍ ndu̍ mūlūl te̍, a̍ mɛ̄ɛ̍ sūɛ̍i̍ ka̍lɛ̄i̍ ī wōōlu̍ nda̍ yɛ̍. 4Mi̍ Chōo̍sɛ̍ dīmūl nda̍ āā, “Lā nāŋnu̍ŋ ya̍ īkɛ̄i̍ na̍nu᷄ŋ.” Ma̍ cha᷄ŋ ma̍ nāŋnu᷄ŋ ndu̍ īkɛ̄i̍. Mɛ̄ɛ̍ nda̍ nāŋnu᷄ŋ ndu̍ īkɛ̄i̍, mbo̍ dīmūl nda̍ āā, “Ya̍ Cho̍o̍sɛ̍ pɔ̍mbɔ̄ nyā ō nya̍ pīsi̍ I̍chi̍pī wo̍, ya̍ cho̍ ho̍ō ni̍. 5Kɛ̍ ndu̍yɛ̍, lā ta̍mbū lākɔ̄l, kɛ̄lɛ̄ŋgāā mī lā dōūna᷅ŋ la̍tu̍mbe̍ ve̍llāa̍ vēllē le̍ pīsī nya̍ pīsi̍ ya̍ na̍nu᷄ŋ ndo̍ le̍. Kāni̍ fu̍u̍le̍, Mɛ̄lɛ̄ka̍ yɔ̍ŋgu̍ ya̍ nya̍ lāchī na̍nu᷄ŋ ni̍ le̍ yōōmūla̍ŋ māndāa̍. 6Wɔ̄sīla̍ŋ lā tīɔ̍ɔ̍ŋ yīa̍a̍ŋ mā chu̍a̍ ni᷅ŋ o̍ lɛ̄ŋnde̍ŋ ni᷄ŋ ni̍. Kɛ̍ ndu̍yɛ̍, wɔ̄sīlā māyīla̍ŋ lā lo̍ wɔ̍ lā ŋūɛ̍ɛ̍nu̍ kpu̍lu̍ku̍u̍. O̍ wɔ̄sīlā ŋūɛ̍ɛ̍nu̍la̍ la̍ŋ ni᷄ŋ, wa̍li̍ īchīɛ̄ɛ̄ cho̍ wa᷅ tōsa᷄ŋ te̍. 7Mɛ̄lɛ̄ka̍ yɔ̄ŋgu̍ mā yɔ̄ŋgāā ya̍ nya̍ lāchī na̍nu᷄ŋ o̍ nɛ̄īyo̍ ho̍ō ni᷄ŋ le̍ nya̍ bāŋāa̍. Le̍ mbō lo̍ o̍ ko̍ŋ nya̍ ni̍, a̍ wānāa̍ cho̍ fūlā o̍ yu̍ŋgu̍la̍ nyāla̍ŋ chōo̍ wa̍ mī lā chīnda̍. 8Le̍la̍ŋ, ō cho̍ nya̍ kpe̍e̍kpe̍i̍ le̍ to̍sa̍ mi̍ hu᷅ŋ na̍nu᷄ŋ te̍. Mɛ̄lɛ̄ka̍ pīla̍ yɔ̍ŋgu̍ ya̍ na̍nu᷄ŋ ni̍. Ndu̍ Mɛ̍lɛ̄ka̍ ndu̍ to̍sa̍ ni̍ mi̍ māsā bɛ̍ndōo̍ I̍chi̍pī o̍ ha̍ndū ya̍ bōlle̍ŋ le̍ wānāā ndūāā bɛ̍ndūa̍a̍ kpo̍u̍. Chīɛ̄ī ndɔ̄ɔ̍ bɛ̍ɛ̍ ya̍ cho̍ ndu̍ bōlle̍ŋ ni̍. Lɛ̄ŋndē I̍chi̍pīle̍ŋ fa̍ū ya̍ cho̍ le̍ŋ chīla̍ŋ ni̍.
9“Le̍la̍ŋ, lā mīīŋgu̍ ni̍ko̍ chɔ̍ chɔ̍, mī lā kɔ̍ di̍mūl kɛ̄kɛ̍ āā, ‘Chōo̍sɛ̍ po̍ nu̍m dīmi̍ māā, Mɛ̄lɛ̄ka̍ hāndu̍ ndu̍ bōlle̍ŋ le̍ lɛ̄ŋndē I̍chi̍pīle̍ŋ kpe̍de̍. Le̍la̍ŋ, māā ō hu᷄ŋ nāa̍ ya̍ chu̍a̍ na̍nu᷄ŋ. Ō hu᷄ŋ chɔ̍ chɔ̍.’ 10Lā dīmu̍l ndu̍ māā o̍ būŋgɛ̄ī Ku̍u̍sīɛ̄ŋnde̍ ni᷄ŋ, ya̍ īkɛ̄i̍ nya̍ chō wā ni̍. Ndu̍ ni̍, chūāūwāā ndūa̍a̍ ni̍, a̍ chūāūwāā ndūāā ma̍māa̍, ya̍ īkɛ̄i̍ nda̍ chō wā nī. Ō hu᷄ŋ a̍ chɔ̄lūāā ndūa̍a̍, sāā ni̍, nāū ni̍, a̍ nyɛ̄ o̍ nyɛ̄ o̍ nɔ̍, ō hu᷄ŋ a̍ ndu̍. 11Lā dīmu̍l ndu̍ āā, tē ō wa᷄ ya̍ īkɛ̄i̍ Ku̍u̍sīɛ̄ŋ pɛ̍, I̍ nɔ̍lā mī ma̍nda̍ ndu̍, kāni̍ fu̍u̍le̍, wɔ̄sīlā māyīla̍ŋ lā lo̍ wɔ̄ lā ŋūɛ̍ɛ̍nu̍ kpu̍lu̍ku̍u̍. Tē ō cho̍ ko̍ŋ te̍, a̍ yīa̍a̍ŋ ma᷅ŋ, ndu̍ ni̍, yu̍ŋgu̍ ndɔ̄ɔ̍ ni̍, nyɛ̄ o̍ nyɛ̄ fe̍e̍ cho̍ chūwɔ̄ɔ̄ nya̍ o̍ lābā fo̍fo̍.”
12Mi̍ Chōo̍sɛ̍ hīāū lāchī a̍ bɛ̄ndāā ndūa̍a̍ dīmūllo̍ āā, “Nya̍ kpo̍u̍, a̍ nūm Bɛ̍ŋnja̍mīŋ pɔ̍mbɔ̄ nī, lā sīna̍ ni᷅ŋ māā ya̍ Cho̍o̍sɛ̍, ya̍ kpe̍e̍kpe̍i̍ cho̍ ho̍ō sūɛ̍i̍ nāa̍ nya̍ chūā ni̍. 13Le̍la̍ŋ, lā kɔ̍ di̍mūl kɛ̄kɛ̍ a̍ kpāāya̍ ya̍ I̍ nɔ̍ o̍ lɛ̄ŋndē I̍chi̍pīle̍ŋ nde᷅ŋ ni᷄ŋ ndo̍, ndu̍yɛ̍, mī lā dīmu̍l ndu̍ a̍ nyɛ̄ o̍ nyɛ̄ nya̍ chē. Lā kɔ̍ ni̍ko̍ chɔ̍ chɔ̍, lā hu᷄ŋ a̍ kɛ̄kɛ̍ nūu̍ na̍nu᷄ŋ.”
14O̍ ko̍ŋ, mbo̍ cha᷄ŋ mbo̍ kɔ̄ma᷄ŋ Bɛ̍ŋnja̍mīŋ. Mɛ̄ɛ̍ o̍ kɔ̍ma̍ŋ ndu̍, mbo̍ chāŋ, mi̍ Bɛ̍ŋnja̍mīŋ bɛ̍ɛ̍ chāŋ. 15Mbo̍ kūā a̍ bɛ̄ndāā ndūa̍a̍ kɔ̄ɔ̄mīa̍ŋndo̍ ā pīlɛ̍ŋ pi̍lɛ̍ŋ nda̍, mɛ̄ɛ̍ nda̍ chō fa̍ū, a̍ cha᷄ŋndo̍. O̍ ko̍ŋ kɔ̍ɔ̍lī, mi̍ bɛ̄ndāā ndūa̍a̍ ā kāndū sūɛ̍i̍ nāa̍ ndu̍ chu̍a̍.
16Mɛ̄ɛ̍ dīōmndo̍ fūūlu̍u̍ o̍ chīɛ̄ī māsā bɛ̍ndōo̍ māā Chōo̍sɛ̍ bɛ̄ndāā ndūa̍a̍ hīŋ, māsā bɛ̍ndōo̍ ni̍ a̍ lāŋgba̍ā ndūāā ka᷅lla̍ ma̍ nāŋ kɔ̄l. 17Mi̍ māsāa̍ lō o̍ ko̍ŋ mbo̍ dīmūl Chōo̍sɛ̍ āā, “Di̍mu̍l ni̍ko̍ bɛ̍ndāā nūmnda̍ ā dōvi̍ wo̍lɔ̄ɔ̄lā ndāla̍ŋ sōfɛ̍li̍a̍a̍ ndāa̍ o̍ lākɔ̄ɔ̄, mā mīīŋgu̍ Ke̍nāŋ. 18Tē ā kūɛ̄ pɛ̍, ā kɔ̍ di̍mūl fi̍nyā nyā a̍ yu̍ŋgu̍la̍ nyāla̍ŋ mā hīŋ na̍nu᷄ŋ. I̍ cho̍ nda̍ fo̍ndāŋ kɛ̄ndɛ̄ kɛ̍ndɔ̄ɔ̍ kē I̍chi̍pī na̍nu᷄ŋ, mā cha᷄l lo̍ŋ. Ā hu᷄ŋ mā hu᷄ŋ di̍ō lɛ̄ŋnde̍ŋ nde᷅ŋ tɔ̄nɔ̄. 19Di̍mu̍l nda̍ ā kɔ̍ a̍ nyɛ̄m nāā ŋ̍ nya̍a̍na᷄ŋndo̍ŋ I̍chi̍pī na̍nu᷄ŋ, mā kɔ̍ hu᷅ŋ a̍ chūāūwāā ndāa̍, a̍ lāāndāā ndāa̍, fi̍nyā nyā. 20Ā bu̍u̍la᷄ŋ le̍ nyɛ̄m nda᷄ŋ nda̍ chō mɛ̄ī kɔ̄ɔ̄lī wo̍ŋ te̍, kāni̍ fu̍u̍le̍, nyɛ̄m kɛ̄ndɛ̄ kɛ̍ndɔ᷄ŋ I̍chi̍pī na̍nu᷄ŋ ŋ̄ chō le̍ nda̍.”
21Mi̍ pūa̍a̍ Che̍kɔ̍pū wa̍ ā tōsā mɛ̄ɛ̍ nda̍ dīmu̍l nda̍ yɛ̍. Mi̍ Chōo̍sɛ̍ kē nda̍ nyɛ̄lā nyāāna᷄ŋnda̍ŋ mɛ̄ɛ̍ māsā bɛ̍ndōo̍ dīmi̍ yɛ̍. Mbo̍ mūli᷄ŋ mbo̍ kē nda̍ nyɛ̄ dīa̍a̍ le̍ kēī dīo̍o̍ nɛ̄ī tɛ̍ɛ̄ŋ. 22Nda̍ pi̍lɛ̍ŋ pi̍lɛ̍ŋ nda̍ fa̍ū, mbo̍ kē nda̍ nyɛ̄ chūɛ̄ɛ̄na᷄ŋndo̍, wānā o̍ wānā dōmāa̍ a̍ lɛ̄mbɔ̄ɔ̍. Mbo̍ kē Bɛ̍ŋnja̍mīŋ ka̍ni̍ŋ hu̍mbo᷄ŋ kɛ̄mɔ̄ɔ̍ lē yāa̍ (300), a̍ nyɛ̄ chūɛ̄ɛ̄na᷄ŋndo̍ ku̍ndāla̍ŋ sālā ŋūɛ̍ɛ̍nu̍. 23Mbo̍ bīī sōfɛ̍li̍a̍a̍ tɔ̍, mbo̍ hɛ̄lī nyɛ̄m kɛ̄ndɛ̄ kɛ̍ndɔ᷄ŋ I̍chi̍pī, mbo̍ dōvī nda̍ o̍ lākɔ̄ɔ̄, le̍ fi̍nyā ndɔ̄. Mbo̍ bīī vɛ̄lɛ̄ sōfɛ̍li̍a̍a̍ la̍a̍ndūa̍a̍ tɔ̍, mbo̍ dōvī ka̍ŋ nyɛ̍ dīa̍a̍ o̍ lākɔ̄ɔ̄, sūa̍a̍ŋ ni̍, a̍ bēe̍dīi̍la̍ŋ, a̍ nyɛ̄m dīāŋ chēle̍ŋ ndo̍ŋ, mbo̍ yɔ̄ŋ le̍ hūnɔ̄ɔ̍ fi̍nyā ndɔ̄ɔ̍. 24O̍ ko̍ŋ kɔ̍ɔ̍lī, mbo̍ chōŋgu᷄ŋ bɛ̍ndāā ndūa̍a̍. Mɛ̄ɛ̍ nda̍ wa̍ nɛ̄īyo̍ bīyɔ̄ɔ̍, mbo̍ sīlā nda̍ āā, “Lā ke̍ī sɛ̄ɛ̄ŋgi̍āŋ te̍ pa̍.”
25Ma̍ māl I̍chi̍pī, ma̍ hēēlū Ke̍nāŋ, nāa̍ Che̍kɔ̍pū fi̍nyā ndā chu̍a̍. 26Mɛ̄ɛ̍ nda̍ fūūlu̍u̍, mā dōōnu᷄ŋ fi̍nyā nda̍ ko̍na̍. Ma̍ dīmūl ndu̍ a̍a̍, “Chōo̍sɛ̍ vi̍ le̍, ō chō yōōmū. Ndu̍ cho̍ lɛ̄ŋndē I̍chi̍pīle̍ŋ kpo̍u̍ chi᷅la̍ŋ ni̍.” Mɛ̄ɛ̍ Che̍kɔ̍pū tu̍e̍ī nyɛ̄ nda̍ dīmi̍ wo̍, mbo̍ yɔ̄nu᷄ŋ ba̍lākā. Ō lāāla̍ŋ a̍ nyɛ̄ nda̍ dīmi̍ wo̍ le̍.
27Kɛ̍ mɛ̄ɛ̍ nda̍ dōōnu̍ŋ ndu̍ ko̍na̍ a̍ chōŋgɔ᷄ŋ Chōo̍sɛ̍ chōŋgu̍ŋ ndo̍, ndu̍yɛ̍ mbo̍ chā nyɛ̄m nyāāna᷄ŋ Chōo̍sɛ̍ yɔ᷄ŋ le̍ kɔ̄la̍ŋ a̍ ndu̍ wo̍ŋ, mbo̍ hūŋ o̍ ndu̍ pi̍la̍ ni̍ŋ. 28O̍ ko̍ŋ kɔ̍ɔ̍lī, mbo̍ dīmī āā, “I̍ la̍a̍la̍ŋ ni᷅ŋ. Le̍kɛ̍ndɛ̍ī, Chōo̍sɛ̍ po̍ nī cho̍ yōōmū. I̍ cho̍ lākɔ̄, mī I̍ che᷅ ndu̍ pɛ̍ɛ̍ŋ lɔ̍ɔ̍pa̍ ya̍ I̍ wu᷅.”
Currently Selected:
Chɛ̄nɛ̍se̍ē 45: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Chɛ̄nɛ̍se̍ē 45
45
Chōo̍sɛ̍ chɔ̄mnu̍ŋ bɛ̍ndāā ndūa̍a̍
1A̍ bōōndi̍i̍ ke̍ŋ, Chōo̍sɛ̍ ndu̍ o̍o̍ nɔ̍lā lɛ̍ mbō tīu̍ kɔ̄l ndɔ̄ɔ̍ bā bɛ̄ndāā ndūa̍a̍ o̍ hɔ̄l te̍. Mbo̍ dīmūl bu̍ɛ̍i̍yāā dūa̍a̍ kpo̍u̍ māā ā fūla̍. Mɛ̄ɛ̍ bu̍ɛ̍i̍yāā ndūa̍a̍ fūla̍ ma̍ lō nda̍ wānāā ndūa̍a̍ kpe̍e̍le̍, mbo̍ chɔ̄mnu᷄ŋ nda̍. 2O̍ ko̍ŋ, mi̍ Chōo̍sɛ̍ chāŋ chōo̍ cho̍o̍ kpe̍le̍ŋ. Mi̍ I̍chi̍pīa̍a̍ tūɛ̄ī ndu̍ cha᷄ŋndo̍. Mi̍ tɔ̍ɔ̍ ko̍ŋ fūūlūū o̍ chīɛ̄ī lēmāsa̍ māsā bɛ̍ndōo̍. 3Mi̍ Chōo̍sɛ̍ lo᷅ o̍ ko̍ŋ mbo̍ dīmūl bɛ̄ndāā ndūa̍a̍ āā, “Ya̍ Cho̍o̍sɛ̍ cho̍ ho̍ō ni̍.” Mbo̍ nyūna̍ nda̍ āā, “Kɛ̄kɛ̍ chō wɔ̄ yōōmū?” Kɛ̍, ba̍kō bɛ̍ɛ̍ bɛ̄ndāā ndūa̍a̍ ā nɔ̄la̍ ndu̍ mūlūl te̍, a̍ mɛ̄ɛ̍ sūɛ̍i̍ ka̍lɛ̄i̍ ī wōōlu̍ nda̍ yɛ̍. 4Mi̍ Chōo̍sɛ̍ dīmūl nda̍ āā, “Lā nāŋnu̍ŋ ya̍ īkɛ̄i̍ na̍nu᷄ŋ.” Ma̍ cha᷄ŋ ma̍ nāŋnu᷄ŋ ndu̍ īkɛ̄i̍. Mɛ̄ɛ̍ nda̍ nāŋnu᷄ŋ ndu̍ īkɛ̄i̍, mbo̍ dīmūl nda̍ āā, “Ya̍ Cho̍o̍sɛ̍ pɔ̍mbɔ̄ nyā ō nya̍ pīsi̍ I̍chi̍pī wo̍, ya̍ cho̍ ho̍ō ni̍. 5Kɛ̍ ndu̍yɛ̍, lā ta̍mbū lākɔ̄l, kɛ̄lɛ̄ŋgāā mī lā dōūna᷅ŋ la̍tu̍mbe̍ ve̍llāa̍ vēllē le̍ pīsī nya̍ pīsi̍ ya̍ na̍nu᷄ŋ ndo̍ le̍. Kāni̍ fu̍u̍le̍, Mɛ̄lɛ̄ka̍ yɔ̍ŋgu̍ ya̍ nya̍ lāchī na̍nu᷄ŋ ni̍ le̍ yōōmūla̍ŋ māndāa̍. 6Wɔ̄sīla̍ŋ lā tīɔ̍ɔ̍ŋ yīa̍a̍ŋ mā chu̍a̍ ni᷅ŋ o̍ lɛ̄ŋnde̍ŋ ni᷄ŋ ni̍. Kɛ̍ ndu̍yɛ̍, wɔ̄sīlā māyīla̍ŋ lā lo̍ wɔ̍ lā ŋūɛ̍ɛ̍nu̍ kpu̍lu̍ku̍u̍. O̍ wɔ̄sīlā ŋūɛ̍ɛ̍nu̍la̍ la̍ŋ ni᷄ŋ, wa̍li̍ īchīɛ̄ɛ̄ cho̍ wa᷅ tōsa᷄ŋ te̍. 7Mɛ̄lɛ̄ka̍ yɔ̄ŋgu̍ mā yɔ̄ŋgāā ya̍ nya̍ lāchī na̍nu᷄ŋ o̍ nɛ̄īyo̍ ho̍ō ni᷄ŋ le̍ nya̍ bāŋāa̍. Le̍ mbō lo̍ o̍ ko̍ŋ nya̍ ni̍, a̍ wānāa̍ cho̍ fūlā o̍ yu̍ŋgu̍la̍ nyāla̍ŋ chōo̍ wa̍ mī lā chīnda̍. 8Le̍la̍ŋ, ō cho̍ nya̍ kpe̍e̍kpe̍i̍ le̍ to̍sa̍ mi̍ hu᷅ŋ na̍nu᷄ŋ te̍. Mɛ̄lɛ̄ka̍ pīla̍ yɔ̍ŋgu̍ ya̍ na̍nu᷄ŋ ni̍. Ndu̍ Mɛ̍lɛ̄ka̍ ndu̍ to̍sa̍ ni̍ mi̍ māsā bɛ̍ndōo̍ I̍chi̍pī o̍ ha̍ndū ya̍ bōlle̍ŋ le̍ wānāā ndūāā bɛ̍ndūa̍a̍ kpo̍u̍. Chīɛ̄ī ndɔ̄ɔ̍ bɛ̍ɛ̍ ya̍ cho̍ ndu̍ bōlle̍ŋ ni̍. Lɛ̄ŋndē I̍chi̍pīle̍ŋ fa̍ū ya̍ cho̍ le̍ŋ chīla̍ŋ ni̍.
9“Le̍la̍ŋ, lā mīīŋgu̍ ni̍ko̍ chɔ̍ chɔ̍, mī lā kɔ̍ di̍mūl kɛ̄kɛ̍ āā, ‘Chōo̍sɛ̍ po̍ nu̍m dīmi̍ māā, Mɛ̄lɛ̄ka̍ hāndu̍ ndu̍ bōlle̍ŋ le̍ lɛ̄ŋndē I̍chi̍pīle̍ŋ kpe̍de̍. Le̍la̍ŋ, māā ō hu᷄ŋ nāa̍ ya̍ chu̍a̍ na̍nu᷄ŋ. Ō hu᷄ŋ chɔ̍ chɔ̍.’ 10Lā dīmu̍l ndu̍ māā o̍ būŋgɛ̄ī Ku̍u̍sīɛ̄ŋnde̍ ni᷄ŋ, ya̍ īkɛ̄i̍ nya̍ chō wā ni̍. Ndu̍ ni̍, chūāūwāā ndūa̍a̍ ni̍, a̍ chūāūwāā ndūāā ma̍māa̍, ya̍ īkɛ̄i̍ nda̍ chō wā nī. Ō hu᷄ŋ a̍ chɔ̄lūāā ndūa̍a̍, sāā ni̍, nāū ni̍, a̍ nyɛ̄ o̍ nyɛ̄ o̍ nɔ̍, ō hu᷄ŋ a̍ ndu̍. 11Lā dīmu̍l ndu̍ āā, tē ō wa᷄ ya̍ īkɛ̄i̍ Ku̍u̍sīɛ̄ŋ pɛ̍, I̍ nɔ̍lā mī ma̍nda̍ ndu̍, kāni̍ fu̍u̍le̍, wɔ̄sīlā māyīla̍ŋ lā lo̍ wɔ̄ lā ŋūɛ̍ɛ̍nu̍ kpu̍lu̍ku̍u̍. Tē ō cho̍ ko̍ŋ te̍, a̍ yīa̍a̍ŋ ma᷅ŋ, ndu̍ ni̍, yu̍ŋgu̍ ndɔ̄ɔ̍ ni̍, nyɛ̄ o̍ nyɛ̄ fe̍e̍ cho̍ chūwɔ̄ɔ̄ nya̍ o̍ lābā fo̍fo̍.”
12Mi̍ Chōo̍sɛ̍ hīāū lāchī a̍ bɛ̄ndāā ndūa̍a̍ dīmūllo̍ āā, “Nya̍ kpo̍u̍, a̍ nūm Bɛ̍ŋnja̍mīŋ pɔ̍mbɔ̄ nī, lā sīna̍ ni᷅ŋ māā ya̍ Cho̍o̍sɛ̍, ya̍ kpe̍e̍kpe̍i̍ cho̍ ho̍ō sūɛ̍i̍ nāa̍ nya̍ chūā ni̍. 13Le̍la̍ŋ, lā kɔ̍ di̍mūl kɛ̄kɛ̍ a̍ kpāāya̍ ya̍ I̍ nɔ̍ o̍ lɛ̄ŋndē I̍chi̍pīle̍ŋ nde᷅ŋ ni᷄ŋ ndo̍, ndu̍yɛ̍, mī lā dīmu̍l ndu̍ a̍ nyɛ̄ o̍ nyɛ̄ nya̍ chē. Lā kɔ̍ ni̍ko̍ chɔ̍ chɔ̍, lā hu᷄ŋ a̍ kɛ̄kɛ̍ nūu̍ na̍nu᷄ŋ.”
14O̍ ko̍ŋ, mbo̍ cha᷄ŋ mbo̍ kɔ̄ma᷄ŋ Bɛ̍ŋnja̍mīŋ. Mɛ̄ɛ̍ o̍ kɔ̍ma̍ŋ ndu̍, mbo̍ chāŋ, mi̍ Bɛ̍ŋnja̍mīŋ bɛ̍ɛ̍ chāŋ. 15Mbo̍ kūā a̍ bɛ̄ndāā ndūa̍a̍ kɔ̄ɔ̄mīa̍ŋndo̍ ā pīlɛ̍ŋ pi̍lɛ̍ŋ nda̍, mɛ̄ɛ̍ nda̍ chō fa̍ū, a̍ cha᷄ŋndo̍. O̍ ko̍ŋ kɔ̍ɔ̍lī, mi̍ bɛ̄ndāā ndūa̍a̍ ā kāndū sūɛ̍i̍ nāa̍ ndu̍ chu̍a̍.
16Mɛ̄ɛ̍ dīōmndo̍ fūūlu̍u̍ o̍ chīɛ̄ī māsā bɛ̍ndōo̍ māā Chōo̍sɛ̍ bɛ̄ndāā ndūa̍a̍ hīŋ, māsā bɛ̍ndōo̍ ni̍ a̍ lāŋgba̍ā ndūāā ka᷅lla̍ ma̍ nāŋ kɔ̄l. 17Mi̍ māsāa̍ lō o̍ ko̍ŋ mbo̍ dīmūl Chōo̍sɛ̍ āā, “Di̍mu̍l ni̍ko̍ bɛ̍ndāā nūmnda̍ ā dōvi̍ wo̍lɔ̄ɔ̄lā ndāla̍ŋ sōfɛ̍li̍a̍a̍ ndāa̍ o̍ lākɔ̄ɔ̄, mā mīīŋgu̍ Ke̍nāŋ. 18Tē ā kūɛ̄ pɛ̍, ā kɔ̍ di̍mūl fi̍nyā nyā a̍ yu̍ŋgu̍la̍ nyāla̍ŋ mā hīŋ na̍nu᷄ŋ. I̍ cho̍ nda̍ fo̍ndāŋ kɛ̄ndɛ̄ kɛ̍ndɔ̄ɔ̍ kē I̍chi̍pī na̍nu᷄ŋ, mā cha᷄l lo̍ŋ. Ā hu᷄ŋ mā hu᷄ŋ di̍ō lɛ̄ŋnde̍ŋ nde᷅ŋ tɔ̄nɔ̄. 19Di̍mu̍l nda̍ ā kɔ̍ a̍ nyɛ̄m nāā ŋ̍ nya̍a̍na᷄ŋndo̍ŋ I̍chi̍pī na̍nu᷄ŋ, mā kɔ̍ hu᷅ŋ a̍ chūāūwāā ndāa̍, a̍ lāāndāā ndāa̍, fi̍nyā nyā. 20Ā bu̍u̍la᷄ŋ le̍ nyɛ̄m nda᷄ŋ nda̍ chō mɛ̄ī kɔ̄ɔ̄lī wo̍ŋ te̍, kāni̍ fu̍u̍le̍, nyɛ̄m kɛ̄ndɛ̄ kɛ̍ndɔ᷄ŋ I̍chi̍pī na̍nu᷄ŋ ŋ̄ chō le̍ nda̍.”
21Mi̍ pūa̍a̍ Che̍kɔ̍pū wa̍ ā tōsā mɛ̄ɛ̍ nda̍ dīmu̍l nda̍ yɛ̍. Mi̍ Chōo̍sɛ̍ kē nda̍ nyɛ̄lā nyāāna᷄ŋnda̍ŋ mɛ̄ɛ̍ māsā bɛ̍ndōo̍ dīmi̍ yɛ̍. Mbo̍ mūli᷄ŋ mbo̍ kē nda̍ nyɛ̄ dīa̍a̍ le̍ kēī dīo̍o̍ nɛ̄ī tɛ̍ɛ̄ŋ. 22Nda̍ pi̍lɛ̍ŋ pi̍lɛ̍ŋ nda̍ fa̍ū, mbo̍ kē nda̍ nyɛ̄ chūɛ̄ɛ̄na᷄ŋndo̍, wānā o̍ wānā dōmāa̍ a̍ lɛ̄mbɔ̄ɔ̍. Mbo̍ kē Bɛ̍ŋnja̍mīŋ ka̍ni̍ŋ hu̍mbo᷄ŋ kɛ̄mɔ̄ɔ̍ lē yāa̍ (300), a̍ nyɛ̄ chūɛ̄ɛ̄na᷄ŋndo̍ ku̍ndāla̍ŋ sālā ŋūɛ̍ɛ̍nu̍. 23Mbo̍ bīī sōfɛ̍li̍a̍a̍ tɔ̍, mbo̍ hɛ̄lī nyɛ̄m kɛ̄ndɛ̄ kɛ̍ndɔ᷄ŋ I̍chi̍pī, mbo̍ dōvī nda̍ o̍ lākɔ̄ɔ̄, le̍ fi̍nyā ndɔ̄. Mbo̍ bīī vɛ̄lɛ̄ sōfɛ̍li̍a̍a̍ la̍a̍ndūa̍a̍ tɔ̍, mbo̍ dōvī ka̍ŋ nyɛ̍ dīa̍a̍ o̍ lākɔ̄ɔ̄, sūa̍a̍ŋ ni̍, a̍ bēe̍dīi̍la̍ŋ, a̍ nyɛ̄m dīāŋ chēle̍ŋ ndo̍ŋ, mbo̍ yɔ̄ŋ le̍ hūnɔ̄ɔ̍ fi̍nyā ndɔ̄ɔ̍. 24O̍ ko̍ŋ kɔ̍ɔ̍lī, mbo̍ chōŋgu᷄ŋ bɛ̍ndāā ndūa̍a̍. Mɛ̄ɛ̍ nda̍ wa̍ nɛ̄īyo̍ bīyɔ̄ɔ̍, mbo̍ sīlā nda̍ āā, “Lā ke̍ī sɛ̄ɛ̄ŋgi̍āŋ te̍ pa̍.”
25Ma̍ māl I̍chi̍pī, ma̍ hēēlū Ke̍nāŋ, nāa̍ Che̍kɔ̍pū fi̍nyā ndā chu̍a̍. 26Mɛ̄ɛ̍ nda̍ fūūlu̍u̍, mā dōōnu᷄ŋ fi̍nyā nda̍ ko̍na̍. Ma̍ dīmūl ndu̍ a̍a̍, “Chōo̍sɛ̍ vi̍ le̍, ō chō yōōmū. Ndu̍ cho̍ lɛ̄ŋndē I̍chi̍pīle̍ŋ kpo̍u̍ chi᷅la̍ŋ ni̍.” Mɛ̄ɛ̍ Che̍kɔ̍pū tu̍e̍ī nyɛ̄ nda̍ dīmi̍ wo̍, mbo̍ yɔ̄nu᷄ŋ ba̍lākā. Ō lāāla̍ŋ a̍ nyɛ̄ nda̍ dīmi̍ wo̍ le̍.
27Kɛ̍ mɛ̄ɛ̍ nda̍ dōōnu̍ŋ ndu̍ ko̍na̍ a̍ chōŋgɔ᷄ŋ Chōo̍sɛ̍ chōŋgu̍ŋ ndo̍, ndu̍yɛ̍ mbo̍ chā nyɛ̄m nyāāna᷄ŋ Chōo̍sɛ̍ yɔ᷄ŋ le̍ kɔ̄la̍ŋ a̍ ndu̍ wo̍ŋ, mbo̍ hūŋ o̍ ndu̍ pi̍la̍ ni̍ŋ. 28O̍ ko̍ŋ kɔ̍ɔ̍lī, mbo̍ dīmī āā, “I̍ la̍a̍la̍ŋ ni᷅ŋ. Le̍kɛ̍ndɛ̍ī, Chōo̍sɛ̍ po̍ nī cho̍ yōōmū. I̍ cho̍ lākɔ̄, mī I̍ che᷅ ndu̍ pɛ̍ɛ̍ŋ lɔ̍ɔ̍pa̍ ya̍ I̍ wu᷅.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.