Ɛ̍sɔ̍dɔ̍ɔ̄ 39
39
A̍ mɛ̄ɛ̍ nda̍ tōōsi̍a̍a̍ dōmāla̍ wānāā sōlīāā lāsa̍lāa̍ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 28:1-14)
1O̍ ko̍ŋ kɔ̍ɔ̍lī, ma̍ tōōsīāā dōmāla̍ kāsīla̍ŋ, le̍ mī E̍lɔ̄ŋ wo̍u̍nu̍ŋ, le̍ wa̍llo̍ tōsāa̍ o̍ fo̍ndāŋ kāsīo̍o̍ māā wānā so̍līāā lāsa̍lā, mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē yɛ̍. Dōmāla̍ŋ nda᷅ŋ, ma̍ tōōsīāā la̍ŋ a̍ fūŋi̍i̍ yɛ̍ yɛ̍i̍, fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, ndu̍yɛ̍ ma̍ bɛ̄ɛ̄ndīāā la̍ŋ nyɛ̄ kɛ̄ndɛ̄ kɛ̍ndɛ̄.
2O̍ ko̍ŋ kɔ̍ɔ̍lī, mbo̍ tōōsīāā dōmā bi̍ŋgī wānā so̍līāā lāsa̍lāa̍ a̍ kōlā kɛ̍ndɛ̄ kɛ̍ndɔ̄ɔ̍, ndu̍yɛ̍ mbo̍ kēēkū fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍ī, a̍ fūŋi̍i̍ si̍a̍ŋɛ̄i̍ a̍ fūŋi̍i̍ ko̍o̍līi̍ye̍ lēni᷄ŋ. 3Mɛ̄ɛ̍ nda̍ chɔ̄ū ko̍o̍līi̍ye̍ a̍ ha̍mɛ̄i̍yo̍, ma̍ kīlī kīlī ndi̍ māā lākɛ̍ī, ma̍ kēēkū ndi̍ o̍ kōla̍ wa̍ ō tōōsīāā a̍ fūŋi̍i̍ kpe̍e̍ndɛ̄i̍, mbo̍ nɔ̄ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍ī, a̍ fūŋi̍i̍ si̍a̍ŋɛ̄i̍ yo̍ ni᷄ŋ. Ndu̍yɛ̍ ma̍ hūāū nyɛ̄m kɛ̄ndɛ̄ kɛ̍ndɔ᷄ŋ lēchōo̍ kpo̍u̍. 4O̍ ko̍ŋ kɔ̍ɔ̍lī, ma̍ tōōsīāā yūēī lāchōŋgu̍e̍i̍ o̍ dōmā bi̍ŋgīo̍o̍ ho̍ō, ī ŋīi̍ŋ ŋi̍i̍ŋ o̍ chōŋgu̍la̍ŋ vēllāa̍ vēllē, le̍ ndu̍ yīīyo̍ o̍ chōŋgu̍la̍ŋ. 5Ndu̍yɛ̍, ma̍ sōlī kōlā i̍pɛ̍ŋgɔ̍ɔ̍ o̍ kōlā kɛ̍ndɛ̄ kɛ̍ndɛ̄ nda̍ tōōsi̍a̍a̍ ko̍ŋ a̍ fūŋi̍i̍ kpe̍e̍ndɛ̄i̍, mbo̍ nɔ̄ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, a̍ fūŋi̍i̍ ko̍o̍līi̍ye̍ lēni᷄ŋ ndo̍, le̍ kānda᷄ŋndo̍ o̍ dōmāa̍ ho̍ō chōo̍, mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē yɛ̍. 6O̍ ko̍ŋ kɔ̍ɔ̍lī, ma̍ bɛ̄ɛ̄ndīāā pōūtā ɔ̍nɛ̍sīla̍ŋ lā tīɔ̍ɔ̍ŋ, ma̍ wōū la̍ŋ o̍ nyɛ̄lā nda̍ tōōsi̍a̍a̍ a̍ ko̍o̍līi̍ye̍ la̍ŋ ni᷄ŋ. Pōūta̍ŋ nda᷅ŋ, ma̍ tūūlīāā dīōlā pu̍a̍a̍ tɔ̍ a̍ ā ŋīɔ̍ɔ̍ŋnda̍ I̍sɔ̄lūɛ̄ī le̍cho̍ō. 7O̍ ko̍ŋ kɔ̍ɔ̍lī, ma̍ chūā pōūta̍ŋ nda᷅ŋ ma̍ hōl la̍ŋ o̍ dōmāa̍ ho̍ō yūēī ndūɛ̍i̍ lāchōŋgu̍e̍i̍ vēllāa̍ vēllē, kpēŋgēi̍ he̍ī ō pīlɛ̍, kpēŋgēi̍ he̍ī ō pīlɛ̍. Pōūta̍ŋ nda᷅ŋ, lā wa̍ māwāā nyɛ̄ lōōna᷄ŋ Mɛ̍lɛ̄ka̍ a̍ yu̍ŋgu̍la̍ tɔ̍ a̍ lā tīɔ̍ɔ̍ŋ nda̍ŋ I̍sɔ̄lūɛ̄ī. Ndu̍yɛ̍, le̍nde̍ Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ di̍mu̍l Mūu̍sē le̍ tōsāa̍ ni̍.
A̍ mɛ̄ɛ̍ nda̍ tōōsi̍a̍a̍ nyɛ̍ wānāā sōlīāā lāsa̍lāa̍ ā yīīnūŋ o̍ tākpāa̍ wo̍ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 28:15-30)
8O̍ ko̍ŋ kɔ̍ɔ̍lī, ma̍ tōōsīāā nyɛ̍ wānāā sōlīāā lāsa̍lāa̍ ā yīīnūŋ o̍ ta̍kpā le̍ Mɛ̄lɛ̄ka̍ dīōmndo̍ nyūnāa̍ wo̍. Kōla̍ nda̍ tōōsi̍a̍a̍ dōmā bi̍ŋgī wānā so̍līāā lāsa̍lāa̍, ō tōōsīāā a̍ fūŋi̍i̍ kpe̍e̍ndɛ̄i̍, ma̍ kēēkū fūŋi̍i̍ yɛ̍ yɛ̍i̍ lēni᷄ŋ, fūŋi̍i̍ ko̍o̍līi̍ye̍, a̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍ yo̍, a̍ kōlā pi᷅lɛ̍ kōŋ ko̍ni̍, nda̍ tōōsi̍a̍a̍ nyɔ̄ɔ̍ ho̍ō ni̍. 9Ndu̍yɛ̍ nyɔ̄ɔ̍ ho̍ō, ma̍ tūū ndu̍ tɛ̄ɛ̄ŋ. Bānde̍i̍ ni̍, bu̍o̍o̍ ni̍, ō wa̍ i̍ŋchi̍sīi̍la̍ŋ lā ŋɔ̄ma̍hīɔ̍ɔ̍lu̍. 10Ndu̍yɛ̍ ma̍ hōlī pōūtā ba̍ā kālā la̍ŋ o̍ nyɔ̄ɔ̍ ho̍ō, pūla᷄ŋ mā hīɔ̍ɔ̍lu̍. Pōūta̍ wa̍ o̍ pūlāle̍ tāse̍le̍ŋ nda̍ŋ la̍ cho̍ la᷅ŋ ni̍. Lɔ̍bī, a̍ to̍pa̍sī, a̍ ka̍nɛ̍ɛ̍tī. 11La̍ wa̍ o̍ pūlāle̍ di̍i̍ŋ ndɔ̄le̍ŋ nda̍ŋ, la̍ cho̍ la᷅ŋ ni̍. Ɛ̄mɔ̄lu̍a̍dī, a̍ sāfa̍lūɛ̄, a̍ da̍a̍mɔ̄ŋnde̍. 12La̍ wa̍ o̍ pūlāle̍ ya̍a̍ ndɔ̄le̍ŋ nda̍ŋ, la̍ cho̍ la᷅ŋ ni̍. Tɔ̍ku̍ɛ̍sī, a̍ a̍ke̍tī, a̍ a̍mɛ̍ti̍sī. 13La̍ wa̍ o̍ pūlāle̍ hi̍ɔ̍ɔ̍lu̍le̍ŋ nda̍ŋ, la̍ cho̍ la᷅ŋ ni̍. Bɛ̍lu̍i̍ī, a̍ kāni̍līāŋ, a̍ cha̍si̍pā. Pōūtā tɔ̍ a̍ lā tīɔ̍ɔ̍ŋnda̍ŋ nda᷅ŋ, ma̍ wōū la̍ŋ o̍ nyɛ᷄ wa̍ ō bɛ̄ɛ̄ndīāā a̍ ko̍o̍līi̍ye̍ mbo̍ nɔ̄ tɛ̄ɛ̄ŋgūla̍ŋ ndo̍ ni᷄ŋ. 14Ndu̍yɛ̍, pōūtā tɔ̍ a̍ lā tīɔ̍ɔ̍ŋnda̍ŋ nda᷅ŋ, la̍ŋ la̍ a̍a̍ si̍m le̍ yu̍ŋgu̍la̍ tɔ̍ a̍ lā tīɔ̍ɔ̍ŋnda̍ŋ I̍sɔ̄lūɛ̄ī ni̍. Yu̍ŋgu̍ o̍ yu̍ŋgu̍, dīōlā ndɔ̄la̍ŋ lā wa̍ lā pōōnyīāā o̍ pōūwo̍ ō pīlɛ̍ chōo̍, mɛ̄ɛ̍ nda̍ tūūlīāā nu̍a̍ā nyɔ̄ɔ̍ o̍ ta̍mbūe̍i̍yo̍ chōo̍ yɛ̍. 15Ndu̍yɛ̍, ma̍ tōōsīāā yɔ̄lɔ᷄ŋ a̍ ko̍o̍līi̍ kɛ̍ndɛ̄ kɛ̍ndɛ̄i̍ māā yōōlē kpēēndāā, le̍ bāa̍ o̍ nyɛ̄ wānā so̍līāā lāsa̍lāa̍ ō yīīnūŋ o̍ tākpāa̍ wo̍. 16O̍ ko̍ŋ kɔ̍ɔ̍lī, ma̍ tōōsīāā kpɛ̍ɛ̍la̍ŋ lā tīɔ̍ɔ̍ŋ, a̍ kēla̍ŋ ŋ̄ko̍o̍līi̍yo̍ŋ ŋ̄ mūu̍ŋ, ma̍ hāndū mu̍ŋ o̍ nyɛ̄ wānā so̍līāā lāsa̍lāa̍ ō yīīnūŋ ko̍ŋ o̍ tākpāa̍ wo̍ kpēŋgo᷄ŋ vēllāa̍ vēllē mālūāŋ, le̍ yūēī lāchōŋgu̍e̍i̍ bāa̍. 17Ndu̍yɛ̍, ma̍ bāā yɔ̄lɔ᷄ŋ ŋ̄ko̍o̍līi̍ŋ nda̍ tōōsi̍a̍a̍ wo̍ŋ o̍ kēla̍ŋ mu̍ŋ, le̍ wāa̍ māā yūēī lāchōŋgu̍. 18Ndu̍yɛ̍, ma̍ chūā yɔ̄lɔ̄ŋ mu̍ŋ ma̍ bāā mu̍ŋ o̍ kēla᷄ŋ cho̍ o̍ dōmā bi̍ŋgī wānā so̍līāā lāsa̍lāa̍ chōŋgūla̍ŋ vēllāa̍ vēllē wo̍ŋ. 19O̍ ko̍ŋ kɔ̍ɔ̍lī, ma̍ tōōsīāā vɛ̄lɛ̄ kēla᷄ŋ ŋ̄ mūu̍ŋ a̍ ko̍o̍līi̍ye̍, ma̍ wōū mu̍ŋ o̍ nyɛ̄ wānā so̍līāā lāsa̍lāa̍ ō yīīnūŋ ko̍ŋ le̍ Mɛ̍lɛ̄ka̍ dīōmndo̍ nyūnāa̍ wo̍, o̍ kpēŋgo᷄ŋ lēbɛ̄ŋgu̍ vēllāa̍ vēllē. Dōmā bi̍ŋgī wānā so̍līāā lāsa̍lāa̍ ō wōōnūŋ ndo̍, o̍ dōmā ko̍ŋ chōo̍ kēla̍ŋ mu᷅ŋ ŋ̄ hīni̍ ni̍. 20O̍ ko̍ŋ kɔ̍ɔ̍lī, ma̍ tōōsīāā vɛ̄lɛ̄ kēla᷄ŋ ŋ̄ mūu̍ŋ a̍ ko̍o̍līi̍ye̍, ma̍ bāā mu̍ŋ o̍ dōmā bi̍ŋgī wānā so̍līāā lāsa̍lāa̍ kpēŋgo᷄ŋ vēllāa̍ vēllē lēbɛ̄ŋgu̍, o̍ kōlā i̍pɛ̍ŋgɛ̍ cho̍ ō tōōsīāā a̍ fūŋi̍i̍ yɛ̍ yɛ̍i̍ le̍ kānda᷄ŋndo̍ o̍ dōmāa̍ chōo̍ wo̍ chōo̍. 21Ndu̍yɛ̍, ma̍ tōōsīāā yōōlē būli̍īle̍ŋ, ma̍ mɔ̄sɔ̍ŋa̍ dōmā bi̍ŋgī kōŋ yīī a̍ nyɛ̍ cho̍ ho̍ō o̍ dōmāa̍ ho̍ō tākpāa̍ wo̍ lātūlu̍, le̍ mbō bīī nyɛ̄ kɛ̄ndɛ̍ī, yɔ̄ŋi̍ o̍ ti̍mbi̍ŋ. Mɛ̄ɛ̍ nda̍ bāa̍ yūe̍i̍ o̍ kēla᷄ŋ cho̍ o̍ dōmāa̍ ho̍ō kpēŋgo᷄ŋ vēllāa̍ vēllē wo̍ŋ, ma̍ yīī yūēī kēŋ o̍ kēla̍ŋ cho̍ o̍ nyɛ̍ cho̍ o̍ tākpāa̍ wo̍ŋ vēllāa̍ vēllē, o̍ ko̍ŋ, mī nyɛ̄ kōŋ ō chāl o̍ kōlā i̍pɛ̍ŋgɛ̍ o̍ ka̍nda̍ŋ o̍ dōmāa̍ chōo̍ wo̍ chōo̍. Ndu̍yɛ̍ le̍nde̍ Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ di̍mu̍l Mūu̍sē ni̍.
A̍ mɛ̄ɛ̍ nda̍ tōōsi̍a̍a̍ dōmāla̍ wānāā sōlīāā lāsa̍lāa̍ lā pīlɛ̍ la̍ŋ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 28:31-43)
22O̍ ko̍ŋ kɔ̍ɔ̍lī, ma̍ tōōsīāā dōmā vi̍lɛ̄īyo̍ o̍ nɔ̍ mbō wa̍ o̍ dōmā bi̍ŋgī wānā so̍līāā lāsa̍lāa̍ bɛ̄ŋgu̍ wo̍. Dōmāa̍ ho̍ō, a̍ kōla̍ wa̍ ō lūāā a̍ fūŋnde̍ bu᷅li̍īle̍ŋ kpo̍u̍ wo̍ nda̍ tōōsīāā ndu̍ ni̍. 23Dōmāa̍ ho̍ō, ma̍ hūāū ndu̍ o̍ bo̍lōla̍ŋ chɛ̍ chɛ̍, yɔ̄ŋi̍ o̍ sɛ̍ɛ̍sa̍. 24O̍ ko̍ŋ kɔ̍ɔ̍lī, ma̍ tōōsīāā kōmɔ̄ɔ̄ pɔ̄mɛ̄ki̍la̍ne̍tīi̍yo̍ a̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, a̍ kōlā kɛ̍ndɛ̄ kɛ̍ndɛ̍ wa̍ o̍ tōōsīāā a̍ fūŋi̍i̍ kpe̍e̍ndɛ̄i̍ yo̍, ma̍ bāāyi̍a̍a̍ ndi̍ o̍ dōmāa̍ ho̍ō lēbɛ̄ŋgu̍ chɛ̍ chɛ̍. 25O̍ ko̍ŋ kɔ̍ɔ̍lī, ma̍ tōōsīāā ba̍mbāŋ pɔ̄mbɔ᷄ŋ a̍ ko̍o̍līi̍ kɛ̍ndɛ̄ kɛ̍ndɛ̄i̍, ma̍ bāāyīāā mu̍ŋ o̍ dōmāa̍ ho̍ō bālɔ̄ɔ̍ lēbɛ̄ŋgu̍ chɛ̍ chɛ̍, o̍ kōmɔ̄ɔ̄ pɔ̄mɛ̄ki̍la̍ne̍tīi̍ nda̍ tōōsi̍a̍a̍ ko̍ŋ ndo̍ tɛ̄ɛ̄ŋ. 26Tē ā bāa̍ pɛ̍ ko̍mɔ̄ɔ̄ pɔ̄mɛ̄ki̍la̍ne̍tīi̍yo̍ ō pīlɛ̍, ā bāa̍ ba̍mbɛ̄i̍ īko̍o̍līi̍ye̍ ī pīlɛ̍. Le̍nde̍ nda̍ kūɛ̄ a̍ la̍ŋ bāāyīa̍a̍ o̍ dōmāa̍ ho̍ō lēbɛ̄ŋgu̍ chɛ̍ chɛ̍ ni̍. Dōmāa̍ ho̍ō E̍lɔ̄ŋ ndu̍ o̍o̍ nɔ̍ ni̍ mbō wōōnu̍ŋ le̍ wa̍llo̍ tōsāa̍ Mɛ̄lɛ̄ka̍ o̍ hɔ̄l. Ndu̍yɛ̍ le̍nde̍ Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ di̍mu̍l Mūu̍sē ni̍.
27O̍ ko̍ŋ kɔ̍ɔ̍lī, ma̍ tōōsīāā vɛ̄lɛ̄ dōmāla̍ che̍le̍ŋ a̍ kōlāla̍ kɛ̍ndɛ̄ kɛ̍ndɛ̄ la̍ŋ le̍ E̍lɔ̄ŋ nda̍ pūa̍a̍ ndūa̍a̍. 28Ndu̍yɛ̍ ma̍ tōōsīāā vɛ̄lɛ̄ mɔ̍si̍l vi̍lɛ̄īyo̍, a̍ mɔ̍si̍lta̍ŋ lā pīlɛ̍ la̍ŋ, a̍ lɛ̄mbɛ̄lā bīŋgīla̍ŋ. Ndu̍yɛ̍ nyɛ̄la̍ŋ nda᷅ŋ kpo̍u̍, a̍ kōlāla̍ kɛ̍ndɛ̄ kɛ̍ndɛ̄la̍ wa̍ lā tōōsīāā a̍ fūŋi̍i̍ kpe̍e̍ndɛ̄i̍ la̍ŋ nda̍ tōōsi̍a̍a̍ la̍ŋ ni̍. 29O̍ ko̍ŋ kɔ̍ɔ̍lī, ma̍ tōōsīāl nda̍ kōlāla̍ īpɛ̄ŋgɛ̍la̍ŋ māā īyāu̍ le̍ yīīnɔ᷄ŋndo̍ o̍ dōmāla̍ŋ chōo̍. Kōlāla̍ īpɛ̄ŋgɛ̍la̍ŋ nda᷅ŋ, o̍ kōlā kɛ̍ndɛ̍ kɛ̍ndɛ̍ wa̍ ō tōōsīāā a̍ fūŋi̍i̍ kpe̍e̍ndɛ̄i̍, ma̍ kēēkū fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, ma̍ hūāū ndu̍ lēchōo̍ nyɛ̍ kɛ̄ndɛ̄ kɛ̍ndɛ̄ wo̍ ni᷄ŋ, nda̍ sōli̍ la̍ŋ ni̍. Ndu̍yɛ̍ le̍nde̍ Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ di̍mu̍l Mūu̍sē ni̍. 30O̍ ko̍ŋ kɔ̍ɔ̍lī, ma̍ tōōsīāā nyɔ̄ɔ̍ fɛ̍ɛ̍dɛ̄ɛ̄ a̍ ko̍o̍līi̍ kɛ̍ndɛ̄ kɛ̍ndɛ̄i̍, le̍ wāa̍ o̍ mɔ̍si̍l vi̍lɛ̄īyo̍. Ma̍ kīŋī kīŋī pōōnyi̍a̍a̍ lēchōo̍ mɛ̄ɛ̍ nda̍ kīŋī kīŋī nu̍a̍ā pōōnyi̍a̍a̍ o̍ ta̍mbūe̍i̍yo̍ chōo̍ yɛ̍ āā, “Wāna̍ cho̍ ō yɔ̄ŋga᷄ŋ le̍ kpe̍ku̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍.” 31O̍ ko̍ŋ kɔ̍ɔ̍lī, ma̍ tōōsīāā yōōlē bɔ̍ɔ̄la̍āle̍ŋ, le̍ bāa̍ o̍ nyɛ̄ fɛ̄ɛ̄dɛ̄ɛ̄ ko̍ŋ, mā yīi̍ o̍ mɔ̍si̍l vi̍lɛ̄īyo̍ lāchī, mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē yɛ̍.
A̍ mɛ̄ɛ̍ I̍sɔ̄lūɛ̍i̍ya̍ ā chīi̍ nyɛ̄ o̍ nyɛ̄ Mɛ̄lɛ̄ka̍ dīmu̍l nda̍ le̍ tōsāa̍ wo̍ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 35:10-19)
32O̍ ko̍ŋ, mi̍ I̍sɔ̄lūɛ̍i̍ya̍ ā chīī wa̍li̍ o̍ wa̍li̍ nda̍ a̍a̍ nɔ̍ le̍ tōsāa̍ le̍ tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ ō chō a̍ nda̍ lātūlu̍ wo̍ tāŋgūllo̍. Nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē le̍ mā tōsa̍, ma̍ chīī ndu̍ tōsā kpo̍u̍. 33O̍ ko̍ŋ kɔ̍ɔ̍lī, mi̍ I̍sɔ̄lūɛ̍i̍ya̍ ā hūŋ a̍ nyɛ̄ o̍ nyɛ̄ nda̍ tōōsi̍a̍a̍ nāa̍ Mūu̍sē chu̍a̍. Nyɛ̄m mu̍ŋ cho̍ mu᷅ŋ ni̍, tɛ̍ndīi̍yo̍, a̍ wōlɔ̄ɔ̄lā ndɔ̄la̍ŋ, a̍ do̍lu̍ŋu̍ŋ ndɔ̄ɔ̍ŋ, a̍ da̍kpe̍ŋnda̍ ndɔ̄la̍ŋ, a̍ yɔ̄mīī ndūɛ̄ī vi̍lɛ̄īye̍, a̍ sūŋgbu̍ma̍ ndūa̍a̍ŋ, a̍ nyɛ̄lā sūŋgbu̍ma̍ ma̍ŋ mā sīm le̍ni̍ŋ nda̍ŋ, 34a̍ yāu̍la̍ sāa̍ ko̍ndu̍a̍a̍ nda̍ bɛ̄ɛ̄ndi̍a̍a̍ nɛ̍ŋgbɛ̄lɛ̍-nɛ̍ŋgbɛ̄lɛ̍, a̍ yāu̍la̍ chūīŋnda̍ŋ le̍ tɛ̍ndīi̍yo̍ kūmbɔ̄ɔ̍ lēchōo̍ la̍ŋ, a̍ kōlā wa̍a̍ŋga̍a̍wo̍ le̍ lāndɔ̄ɔ̍ o̍ tɛ̍ndīi̍yo̍ ho̍ō ni᷄ŋ, 35a̍ kɔ̍fu̍ kpe̍ma̍a̍, ndu̍yɛ̍ a̍ yɔ̄mīī ndūɛ̄ī vi̍lɛ̄īye̍ le̍ kɔ̄la̍ŋ a̍ ndu̍, a̍ kūmbū kɔ̍fū kōŋ, o̍ cho̍ kpe̍ŋgbe̍i̍ īnyīɛ̍ɛ̍yo̍ wo̍, 36a̍ ti̍bīi̍yo̍, ndu̍yɛ̍ a̍ wōlɔ̄ɔ̄lā ndɔ̄la̍ŋ kpo̍u̍, a̍ bēe̍dīi̍ wa̍ ō yɔ̄ŋga᷄ŋ o̍ Mɛ̄lɛ̄ka̍ lo̍ wo̍, 37a̍ nyɛ̄ kɛ̄sīāā lāla̍mbūi̍ wa̍ ō tōōsīāā a̍ ko̍o̍līi̍ kɛ̍ndɛ̄ kɛ̍ndɛ̄i̍yo̍, ndu̍yɛ̍ a̍ la̍mbūi̍la̍ ndɔ̄la̍ŋ, lātūlu̍ a̍ wōlɔ̄ɔ̄lā ndɔ̄la̍ŋ, a̍ chūɛ̄īya̍ŋ le̍ dɔ̄wɔ̄ɔ̍ o̍ la̍mbūi̍la̍ la̍ŋ ni᷄ŋ, 38a̍ ma̍āŋ īko̍o̍līi̍yo̍, a̍ chūɛ̄īma̍ wa̍ le̍ hɛ̄līo̍o̍ wa̍ŋ, a̍ nyɛ̄m chūŋ kɛ̄ndɔ᷄ŋ, a̍ kōla̍ wa̍a̍ŋga̍a̍wo̍ le̍ bāa̍ o̍ tɛ̍ndīi̍yo̍ ho̍ō sōndōo̍, 39a̍ ma̍āŋ ībūlɔ̍ŋsīi̍yo̍, a̍ kpāsa̍ nɔ̍ mbō wa᷄ ō kɛ̄sīāā o̍ ma̍āŋ kōŋ chōo̍, ō tōōsīāā a̍ būlɔ̍ŋsīi̍ye̍ wo̍, a̍ yɔ̄mīī vīlɛ̄īye̍ le̍ kɔ̄la̍ŋ a̍ ma̍āŋ ko̍ŋ, a̍ ma̍āŋ kōŋ wōlɔ̄ɔ̄lā ndɔ̄la̍ŋ, a̍ hɛ̄ŋgɛ̍i̍ māmɛ̄ŋndo̍ le̍ bāla̍ŋ pūlɔ̄ɔ̍ a̍ pēlo᷄ŋ, a̍ nyɛ̄ hɛ̄ŋgɛ̍i̍ ko̍ŋ ō chāl cho̍o̍ wo̍, 40a̍ kōlāla̍ nɔ̍ mī lā wa᷄ la̍ūwo̍ lābālāā la̍ŋ, a̍ sūŋgbu̍a̍ŋ le̍ kōlāla̍ la̍ŋ bāa̍, a̍ nyɛ̄lā sūŋgbu̍ma̍ ma̍ŋ mā sīm le̍ni̍ŋ nda̍ŋ, a̍ kōla̍ nɔ̍ mbo̍ wa᷄ ō lāndāā o̍ dīo̍o̍ le̍ lūɛ̄īyɔ̄ɔ̍ o̍ la̍ūwo̍ wo̍, a̍ yūēī ndūɛ̍i̍, a̍ pɛ̍ɛ̍kīi̍ŋ ndɔ̄ɔ̍ŋ, a̍ nyɛ̄m lāāndo᷄ŋ kpo̍u̍ le̍ wa̍llo̍ o̍ tɛ̍ndīi̍yo̍ ho̍ō, 41a̍ dōmāla̍ kɛ̍ndɛ̄ kɛ̍ndɛ̄ la̍ŋ, lā wānāā sōlīāā lāsa̍lāa̍ nda̍ a̍a̍ wo̍u̍nūŋ le̍ wa̍llo̍ o̍ fo̍ndāŋ kāsīo̍o̍ la̍ŋ, a̍ dōmāla̍ kāsīla̍ŋ le̍ E̍lɔ̄ŋ wa̍nā so̍līāā lāsa̍lāa̍, a̍ dōmāla̍ wānāā sōlīāā lāsa̍lāa̍ le̍ pūa̍a̍ E̍lɔ̄ŋ nda̍ le̍ wa̍llo̍ māā wānāā sōlīāā lāsa̍lā. 42O̍ ko̍ŋ, nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ ō dīmu̍l Mūu̍sē le̍ tōsāa̍, mi̍ I̍sɔ̄lūɛ̍i̍ya̍ ā tōsā ndu̍ kpo̍u̍. 43Mɛ̄ɛ̍ Mūu̍sē mɛ̍ɛ̍ndi̍a̍ŋ wa̍li̍ o̍ wa̍li̍ wāŋnda̍ I̍sɔ̄lūɛ̄ī a̍ to̍sa̍, mbo̍ chā māā nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l nda̍ le̍ tōsāa̍, māā ndu̍ nda̍ tōsa̍ ko̍ŋ ni̍, o̍ ko̍ŋ mbo̍ dūāū nda̍ sa̍lā.
Currently Selected:
Ɛ̍sɔ̍dɔ̍ɔ̄ 39: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 39
39
A̍ mɛ̄ɛ̍ nda̍ tōōsi̍a̍a̍ dōmāla̍ wānāā sōlīāā lāsa̍lāa̍ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 28:1-14)
1O̍ ko̍ŋ kɔ̍ɔ̍lī, ma̍ tōōsīāā dōmāla̍ kāsīla̍ŋ, le̍ mī E̍lɔ̄ŋ wo̍u̍nu̍ŋ, le̍ wa̍llo̍ tōsāa̍ o̍ fo̍ndāŋ kāsīo̍o̍ māā wānā so̍līāā lāsa̍lā, mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē yɛ̍. Dōmāla̍ŋ nda᷅ŋ, ma̍ tōōsīāā la̍ŋ a̍ fūŋi̍i̍ yɛ̍ yɛ̍i̍, fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, ndu̍yɛ̍ ma̍ bɛ̄ɛ̄ndīāā la̍ŋ nyɛ̄ kɛ̄ndɛ̄ kɛ̍ndɛ̄.
2O̍ ko̍ŋ kɔ̍ɔ̍lī, mbo̍ tōōsīāā dōmā bi̍ŋgī wānā so̍līāā lāsa̍lāa̍ a̍ kōlā kɛ̍ndɛ̄ kɛ̍ndɔ̄ɔ̍, ndu̍yɛ̍ mbo̍ kēēkū fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍ī, a̍ fūŋi̍i̍ si̍a̍ŋɛ̄i̍ a̍ fūŋi̍i̍ ko̍o̍līi̍ye̍ lēni᷄ŋ. 3Mɛ̄ɛ̍ nda̍ chɔ̄ū ko̍o̍līi̍ye̍ a̍ ha̍mɛ̄i̍yo̍, ma̍ kīlī kīlī ndi̍ māā lākɛ̍ī, ma̍ kēēkū ndi̍ o̍ kōla̍ wa̍ ō tōōsīāā a̍ fūŋi̍i̍ kpe̍e̍ndɛ̄i̍, mbo̍ nɔ̄ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍ī, a̍ fūŋi̍i̍ si̍a̍ŋɛ̄i̍ yo̍ ni᷄ŋ. Ndu̍yɛ̍ ma̍ hūāū nyɛ̄m kɛ̄ndɛ̄ kɛ̍ndɔ᷄ŋ lēchōo̍ kpo̍u̍. 4O̍ ko̍ŋ kɔ̍ɔ̍lī, ma̍ tōōsīāā yūēī lāchōŋgu̍e̍i̍ o̍ dōmā bi̍ŋgīo̍o̍ ho̍ō, ī ŋīi̍ŋ ŋi̍i̍ŋ o̍ chōŋgu̍la̍ŋ vēllāa̍ vēllē, le̍ ndu̍ yīīyo̍ o̍ chōŋgu̍la̍ŋ. 5Ndu̍yɛ̍, ma̍ sōlī kōlā i̍pɛ̍ŋgɔ̍ɔ̍ o̍ kōlā kɛ̍ndɛ̄ kɛ̍ndɛ̄ nda̍ tōōsi̍a̍a̍ ko̍ŋ a̍ fūŋi̍i̍ kpe̍e̍ndɛ̄i̍, mbo̍ nɔ̄ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, a̍ fūŋi̍i̍ ko̍o̍līi̍ye̍ lēni᷄ŋ ndo̍, le̍ kānda᷄ŋndo̍ o̍ dōmāa̍ ho̍ō chōo̍, mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē yɛ̍. 6O̍ ko̍ŋ kɔ̍ɔ̍lī, ma̍ bɛ̄ɛ̄ndīāā pōūtā ɔ̍nɛ̍sīla̍ŋ lā tīɔ̍ɔ̍ŋ, ma̍ wōū la̍ŋ o̍ nyɛ̄lā nda̍ tōōsi̍a̍a̍ a̍ ko̍o̍līi̍ye̍ la̍ŋ ni᷄ŋ. Pōūta̍ŋ nda᷅ŋ, ma̍ tūūlīāā dīōlā pu̍a̍a̍ tɔ̍ a̍ ā ŋīɔ̍ɔ̍ŋnda̍ I̍sɔ̄lūɛ̄ī le̍cho̍ō. 7O̍ ko̍ŋ kɔ̍ɔ̍lī, ma̍ chūā pōūta̍ŋ nda᷅ŋ ma̍ hōl la̍ŋ o̍ dōmāa̍ ho̍ō yūēī ndūɛ̍i̍ lāchōŋgu̍e̍i̍ vēllāa̍ vēllē, kpēŋgēi̍ he̍ī ō pīlɛ̍, kpēŋgēi̍ he̍ī ō pīlɛ̍. Pōūta̍ŋ nda᷅ŋ, lā wa̍ māwāā nyɛ̄ lōōna᷄ŋ Mɛ̍lɛ̄ka̍ a̍ yu̍ŋgu̍la̍ tɔ̍ a̍ lā tīɔ̍ɔ̍ŋ nda̍ŋ I̍sɔ̄lūɛ̄ī. Ndu̍yɛ̍, le̍nde̍ Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ di̍mu̍l Mūu̍sē le̍ tōsāa̍ ni̍.
A̍ mɛ̄ɛ̍ nda̍ tōōsi̍a̍a̍ nyɛ̍ wānāā sōlīāā lāsa̍lāa̍ ā yīīnūŋ o̍ tākpāa̍ wo̍ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 28:15-30)
8O̍ ko̍ŋ kɔ̍ɔ̍lī, ma̍ tōōsīāā nyɛ̍ wānāā sōlīāā lāsa̍lāa̍ ā yīīnūŋ o̍ ta̍kpā le̍ Mɛ̄lɛ̄ka̍ dīōmndo̍ nyūnāa̍ wo̍. Kōla̍ nda̍ tōōsi̍a̍a̍ dōmā bi̍ŋgī wānā so̍līāā lāsa̍lāa̍, ō tōōsīāā a̍ fūŋi̍i̍ kpe̍e̍ndɛ̄i̍, ma̍ kēēkū fūŋi̍i̍ yɛ̍ yɛ̍i̍ lēni᷄ŋ, fūŋi̍i̍ ko̍o̍līi̍ye̍, a̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍ yo̍, a̍ kōlā pi᷅lɛ̍ kōŋ ko̍ni̍, nda̍ tōōsi̍a̍a̍ nyɔ̄ɔ̍ ho̍ō ni̍. 9Ndu̍yɛ̍ nyɔ̄ɔ̍ ho̍ō, ma̍ tūū ndu̍ tɛ̄ɛ̄ŋ. Bānde̍i̍ ni̍, bu̍o̍o̍ ni̍, ō wa̍ i̍ŋchi̍sīi̍la̍ŋ lā ŋɔ̄ma̍hīɔ̍ɔ̍lu̍. 10Ndu̍yɛ̍ ma̍ hōlī pōūtā ba̍ā kālā la̍ŋ o̍ nyɔ̄ɔ̍ ho̍ō, pūla᷄ŋ mā hīɔ̍ɔ̍lu̍. Pōūta̍ wa̍ o̍ pūlāle̍ tāse̍le̍ŋ nda̍ŋ la̍ cho̍ la᷅ŋ ni̍. Lɔ̍bī, a̍ to̍pa̍sī, a̍ ka̍nɛ̍ɛ̍tī. 11La̍ wa̍ o̍ pūlāle̍ di̍i̍ŋ ndɔ̄le̍ŋ nda̍ŋ, la̍ cho̍ la᷅ŋ ni̍. Ɛ̄mɔ̄lu̍a̍dī, a̍ sāfa̍lūɛ̄, a̍ da̍a̍mɔ̄ŋnde̍. 12La̍ wa̍ o̍ pūlāle̍ ya̍a̍ ndɔ̄le̍ŋ nda̍ŋ, la̍ cho̍ la᷅ŋ ni̍. Tɔ̍ku̍ɛ̍sī, a̍ a̍ke̍tī, a̍ a̍mɛ̍ti̍sī. 13La̍ wa̍ o̍ pūlāle̍ hi̍ɔ̍ɔ̍lu̍le̍ŋ nda̍ŋ, la̍ cho̍ la᷅ŋ ni̍. Bɛ̍lu̍i̍ī, a̍ kāni̍līāŋ, a̍ cha̍si̍pā. Pōūtā tɔ̍ a̍ lā tīɔ̍ɔ̍ŋnda̍ŋ nda᷅ŋ, ma̍ wōū la̍ŋ o̍ nyɛ᷄ wa̍ ō bɛ̄ɛ̄ndīāā a̍ ko̍o̍līi̍ye̍ mbo̍ nɔ̄ tɛ̄ɛ̄ŋgūla̍ŋ ndo̍ ni᷄ŋ. 14Ndu̍yɛ̍, pōūtā tɔ̍ a̍ lā tīɔ̍ɔ̍ŋnda̍ŋ nda᷅ŋ, la̍ŋ la̍ a̍a̍ si̍m le̍ yu̍ŋgu̍la̍ tɔ̍ a̍ lā tīɔ̍ɔ̍ŋnda̍ŋ I̍sɔ̄lūɛ̄ī ni̍. Yu̍ŋgu̍ o̍ yu̍ŋgu̍, dīōlā ndɔ̄la̍ŋ lā wa̍ lā pōōnyīāā o̍ pōūwo̍ ō pīlɛ̍ chōo̍, mɛ̄ɛ̍ nda̍ tūūlīāā nu̍a̍ā nyɔ̄ɔ̍ o̍ ta̍mbūe̍i̍yo̍ chōo̍ yɛ̍. 15Ndu̍yɛ̍, ma̍ tōōsīāā yɔ̄lɔ᷄ŋ a̍ ko̍o̍līi̍ kɛ̍ndɛ̄ kɛ̍ndɛ̄i̍ māā yōōlē kpēēndāā, le̍ bāa̍ o̍ nyɛ̄ wānā so̍līāā lāsa̍lāa̍ ō yīīnūŋ o̍ tākpāa̍ wo̍. 16O̍ ko̍ŋ kɔ̍ɔ̍lī, ma̍ tōōsīāā kpɛ̍ɛ̍la̍ŋ lā tīɔ̍ɔ̍ŋ, a̍ kēla̍ŋ ŋ̄ko̍o̍līi̍yo̍ŋ ŋ̄ mūu̍ŋ, ma̍ hāndū mu̍ŋ o̍ nyɛ̄ wānā so̍līāā lāsa̍lāa̍ ō yīīnūŋ ko̍ŋ o̍ tākpāa̍ wo̍ kpēŋgo᷄ŋ vēllāa̍ vēllē mālūāŋ, le̍ yūēī lāchōŋgu̍e̍i̍ bāa̍. 17Ndu̍yɛ̍, ma̍ bāā yɔ̄lɔ᷄ŋ ŋ̄ko̍o̍līi̍ŋ nda̍ tōōsi̍a̍a̍ wo̍ŋ o̍ kēla̍ŋ mu̍ŋ, le̍ wāa̍ māā yūēī lāchōŋgu̍. 18Ndu̍yɛ̍, ma̍ chūā yɔ̄lɔ̄ŋ mu̍ŋ ma̍ bāā mu̍ŋ o̍ kēla᷄ŋ cho̍ o̍ dōmā bi̍ŋgī wānā so̍līāā lāsa̍lāa̍ chōŋgūla̍ŋ vēllāa̍ vēllē wo̍ŋ. 19O̍ ko̍ŋ kɔ̍ɔ̍lī, ma̍ tōōsīāā vɛ̄lɛ̄ kēla᷄ŋ ŋ̄ mūu̍ŋ a̍ ko̍o̍līi̍ye̍, ma̍ wōū mu̍ŋ o̍ nyɛ̄ wānā so̍līāā lāsa̍lāa̍ ō yīīnūŋ ko̍ŋ le̍ Mɛ̍lɛ̄ka̍ dīōmndo̍ nyūnāa̍ wo̍, o̍ kpēŋgo᷄ŋ lēbɛ̄ŋgu̍ vēllāa̍ vēllē. Dōmā bi̍ŋgī wānā so̍līāā lāsa̍lāa̍ ō wōōnūŋ ndo̍, o̍ dōmā ko̍ŋ chōo̍ kēla̍ŋ mu᷅ŋ ŋ̄ hīni̍ ni̍. 20O̍ ko̍ŋ kɔ̍ɔ̍lī, ma̍ tōōsīāā vɛ̄lɛ̄ kēla᷄ŋ ŋ̄ mūu̍ŋ a̍ ko̍o̍līi̍ye̍, ma̍ bāā mu̍ŋ o̍ dōmā bi̍ŋgī wānā so̍līāā lāsa̍lāa̍ kpēŋgo᷄ŋ vēllāa̍ vēllē lēbɛ̄ŋgu̍, o̍ kōlā i̍pɛ̍ŋgɛ̍ cho̍ ō tōōsīāā a̍ fūŋi̍i̍ yɛ̍ yɛ̍i̍ le̍ kānda᷄ŋndo̍ o̍ dōmāa̍ chōo̍ wo̍ chōo̍. 21Ndu̍yɛ̍, ma̍ tōōsīāā yōōlē būli̍īle̍ŋ, ma̍ mɔ̄sɔ̍ŋa̍ dōmā bi̍ŋgī kōŋ yīī a̍ nyɛ̍ cho̍ ho̍ō o̍ dōmāa̍ ho̍ō tākpāa̍ wo̍ lātūlu̍, le̍ mbō bīī nyɛ̄ kɛ̄ndɛ̍ī, yɔ̄ŋi̍ o̍ ti̍mbi̍ŋ. Mɛ̄ɛ̍ nda̍ bāa̍ yūe̍i̍ o̍ kēla᷄ŋ cho̍ o̍ dōmāa̍ ho̍ō kpēŋgo᷄ŋ vēllāa̍ vēllē wo̍ŋ, ma̍ yīī yūēī kēŋ o̍ kēla̍ŋ cho̍ o̍ nyɛ̍ cho̍ o̍ tākpāa̍ wo̍ŋ vēllāa̍ vēllē, o̍ ko̍ŋ, mī nyɛ̄ kōŋ ō chāl o̍ kōlā i̍pɛ̍ŋgɛ̍ o̍ ka̍nda̍ŋ o̍ dōmāa̍ chōo̍ wo̍ chōo̍. Ndu̍yɛ̍ le̍nde̍ Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ di̍mu̍l Mūu̍sē ni̍.
A̍ mɛ̄ɛ̍ nda̍ tōōsi̍a̍a̍ dōmāla̍ wānāā sōlīāā lāsa̍lāa̍ lā pīlɛ̍ la̍ŋ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 28:31-43)
22O̍ ko̍ŋ kɔ̍ɔ̍lī, ma̍ tōōsīāā dōmā vi̍lɛ̄īyo̍ o̍ nɔ̍ mbō wa̍ o̍ dōmā bi̍ŋgī wānā so̍līāā lāsa̍lāa̍ bɛ̄ŋgu̍ wo̍. Dōmāa̍ ho̍ō, a̍ kōla̍ wa̍ ō lūāā a̍ fūŋnde̍ bu᷅li̍īle̍ŋ kpo̍u̍ wo̍ nda̍ tōōsīāā ndu̍ ni̍. 23Dōmāa̍ ho̍ō, ma̍ hūāū ndu̍ o̍ bo̍lōla̍ŋ chɛ̍ chɛ̍, yɔ̄ŋi̍ o̍ sɛ̍ɛ̍sa̍. 24O̍ ko̍ŋ kɔ̍ɔ̍lī, ma̍ tōōsīāā kōmɔ̄ɔ̄ pɔ̄mɛ̄ki̍la̍ne̍tīi̍yo̍ a̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, a̍ kōlā kɛ̍ndɛ̄ kɛ̍ndɛ̍ wa̍ o̍ tōōsīāā a̍ fūŋi̍i̍ kpe̍e̍ndɛ̄i̍ yo̍, ma̍ bāāyi̍a̍a̍ ndi̍ o̍ dōmāa̍ ho̍ō lēbɛ̄ŋgu̍ chɛ̍ chɛ̍. 25O̍ ko̍ŋ kɔ̍ɔ̍lī, ma̍ tōōsīāā ba̍mbāŋ pɔ̄mbɔ᷄ŋ a̍ ko̍o̍līi̍ kɛ̍ndɛ̄ kɛ̍ndɛ̄i̍, ma̍ bāāyīāā mu̍ŋ o̍ dōmāa̍ ho̍ō bālɔ̄ɔ̍ lēbɛ̄ŋgu̍ chɛ̍ chɛ̍, o̍ kōmɔ̄ɔ̄ pɔ̄mɛ̄ki̍la̍ne̍tīi̍ nda̍ tōōsi̍a̍a̍ ko̍ŋ ndo̍ tɛ̄ɛ̄ŋ. 26Tē ā bāa̍ pɛ̍ ko̍mɔ̄ɔ̄ pɔ̄mɛ̄ki̍la̍ne̍tīi̍yo̍ ō pīlɛ̍, ā bāa̍ ba̍mbɛ̄i̍ īko̍o̍līi̍ye̍ ī pīlɛ̍. Le̍nde̍ nda̍ kūɛ̄ a̍ la̍ŋ bāāyīa̍a̍ o̍ dōmāa̍ ho̍ō lēbɛ̄ŋgu̍ chɛ̍ chɛ̍ ni̍. Dōmāa̍ ho̍ō E̍lɔ̄ŋ ndu̍ o̍o̍ nɔ̍ ni̍ mbō wōōnu̍ŋ le̍ wa̍llo̍ tōsāa̍ Mɛ̄lɛ̄ka̍ o̍ hɔ̄l. Ndu̍yɛ̍ le̍nde̍ Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ di̍mu̍l Mūu̍sē ni̍.
27O̍ ko̍ŋ kɔ̍ɔ̍lī, ma̍ tōōsīāā vɛ̄lɛ̄ dōmāla̍ che̍le̍ŋ a̍ kōlāla̍ kɛ̍ndɛ̄ kɛ̍ndɛ̄ la̍ŋ le̍ E̍lɔ̄ŋ nda̍ pūa̍a̍ ndūa̍a̍. 28Ndu̍yɛ̍ ma̍ tōōsīāā vɛ̄lɛ̄ mɔ̍si̍l vi̍lɛ̄īyo̍, a̍ mɔ̍si̍lta̍ŋ lā pīlɛ̍ la̍ŋ, a̍ lɛ̄mbɛ̄lā bīŋgīla̍ŋ. Ndu̍yɛ̍ nyɛ̄la̍ŋ nda᷅ŋ kpo̍u̍, a̍ kōlāla̍ kɛ̍ndɛ̄ kɛ̍ndɛ̄la̍ wa̍ lā tōōsīāā a̍ fūŋi̍i̍ kpe̍e̍ndɛ̄i̍ la̍ŋ nda̍ tōōsi̍a̍a̍ la̍ŋ ni̍. 29O̍ ko̍ŋ kɔ̍ɔ̍lī, ma̍ tōōsīāl nda̍ kōlāla̍ īpɛ̄ŋgɛ̍la̍ŋ māā īyāu̍ le̍ yīīnɔ᷄ŋndo̍ o̍ dōmāla̍ŋ chōo̍. Kōlāla̍ īpɛ̄ŋgɛ̍la̍ŋ nda᷅ŋ, o̍ kōlā kɛ̍ndɛ̍ kɛ̍ndɛ̍ wa̍ ō tōōsīāā a̍ fūŋi̍i̍ kpe̍e̍ndɛ̄i̍, ma̍ kēēkū fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, ma̍ hūāū ndu̍ lēchōo̍ nyɛ̍ kɛ̄ndɛ̄ kɛ̍ndɛ̄ wo̍ ni᷄ŋ, nda̍ sōli̍ la̍ŋ ni̍. Ndu̍yɛ̍ le̍nde̍ Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ di̍mu̍l Mūu̍sē ni̍. 30O̍ ko̍ŋ kɔ̍ɔ̍lī, ma̍ tōōsīāā nyɔ̄ɔ̍ fɛ̍ɛ̍dɛ̄ɛ̄ a̍ ko̍o̍līi̍ kɛ̍ndɛ̄ kɛ̍ndɛ̄i̍, le̍ wāa̍ o̍ mɔ̍si̍l vi̍lɛ̄īyo̍. Ma̍ kīŋī kīŋī pōōnyi̍a̍a̍ lēchōo̍ mɛ̄ɛ̍ nda̍ kīŋī kīŋī nu̍a̍ā pōōnyi̍a̍a̍ o̍ ta̍mbūe̍i̍yo̍ chōo̍ yɛ̍ āā, “Wāna̍ cho̍ ō yɔ̄ŋga᷄ŋ le̍ kpe̍ku̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍.” 31O̍ ko̍ŋ kɔ̍ɔ̍lī, ma̍ tōōsīāā yōōlē bɔ̍ɔ̄la̍āle̍ŋ, le̍ bāa̍ o̍ nyɛ̄ fɛ̄ɛ̄dɛ̄ɛ̄ ko̍ŋ, mā yīi̍ o̍ mɔ̍si̍l vi̍lɛ̄īyo̍ lāchī, mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē yɛ̍.
A̍ mɛ̄ɛ̍ I̍sɔ̄lūɛ̍i̍ya̍ ā chīi̍ nyɛ̄ o̍ nyɛ̄ Mɛ̄lɛ̄ka̍ dīmu̍l nda̍ le̍ tōsāa̍ wo̍ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 35:10-19)
32O̍ ko̍ŋ, mi̍ I̍sɔ̄lūɛ̍i̍ya̍ ā chīī wa̍li̍ o̍ wa̍li̍ nda̍ a̍a̍ nɔ̍ le̍ tōsāa̍ le̍ tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ ō chō a̍ nda̍ lātūlu̍ wo̍ tāŋgūllo̍. Nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē le̍ mā tōsa̍, ma̍ chīī ndu̍ tōsā kpo̍u̍. 33O̍ ko̍ŋ kɔ̍ɔ̍lī, mi̍ I̍sɔ̄lūɛ̍i̍ya̍ ā hūŋ a̍ nyɛ̄ o̍ nyɛ̄ nda̍ tōōsi̍a̍a̍ nāa̍ Mūu̍sē chu̍a̍. Nyɛ̄m mu̍ŋ cho̍ mu᷅ŋ ni̍, tɛ̍ndīi̍yo̍, a̍ wōlɔ̄ɔ̄lā ndɔ̄la̍ŋ, a̍ do̍lu̍ŋu̍ŋ ndɔ̄ɔ̍ŋ, a̍ da̍kpe̍ŋnda̍ ndɔ̄la̍ŋ, a̍ yɔ̄mīī ndūɛ̄ī vi̍lɛ̄īye̍, a̍ sūŋgbu̍ma̍ ndūa̍a̍ŋ, a̍ nyɛ̄lā sūŋgbu̍ma̍ ma̍ŋ mā sīm le̍ni̍ŋ nda̍ŋ, 34a̍ yāu̍la̍ sāa̍ ko̍ndu̍a̍a̍ nda̍ bɛ̄ɛ̄ndi̍a̍a̍ nɛ̍ŋgbɛ̄lɛ̍-nɛ̍ŋgbɛ̄lɛ̍, a̍ yāu̍la̍ chūīŋnda̍ŋ le̍ tɛ̍ndīi̍yo̍ kūmbɔ̄ɔ̍ lēchōo̍ la̍ŋ, a̍ kōlā wa̍a̍ŋga̍a̍wo̍ le̍ lāndɔ̄ɔ̍ o̍ tɛ̍ndīi̍yo̍ ho̍ō ni᷄ŋ, 35a̍ kɔ̍fu̍ kpe̍ma̍a̍, ndu̍yɛ̍ a̍ yɔ̄mīī ndūɛ̄ī vi̍lɛ̄īye̍ le̍ kɔ̄la̍ŋ a̍ ndu̍, a̍ kūmbū kɔ̍fū kōŋ, o̍ cho̍ kpe̍ŋgbe̍i̍ īnyīɛ̍ɛ̍yo̍ wo̍, 36a̍ ti̍bīi̍yo̍, ndu̍yɛ̍ a̍ wōlɔ̄ɔ̄lā ndɔ̄la̍ŋ kpo̍u̍, a̍ bēe̍dīi̍ wa̍ ō yɔ̄ŋga᷄ŋ o̍ Mɛ̄lɛ̄ka̍ lo̍ wo̍, 37a̍ nyɛ̄ kɛ̄sīāā lāla̍mbūi̍ wa̍ ō tōōsīāā a̍ ko̍o̍līi̍ kɛ̍ndɛ̄ kɛ̍ndɛ̄i̍yo̍, ndu̍yɛ̍ a̍ la̍mbūi̍la̍ ndɔ̄la̍ŋ, lātūlu̍ a̍ wōlɔ̄ɔ̄lā ndɔ̄la̍ŋ, a̍ chūɛ̄īya̍ŋ le̍ dɔ̄wɔ̄ɔ̍ o̍ la̍mbūi̍la̍ la̍ŋ ni᷄ŋ, 38a̍ ma̍āŋ īko̍o̍līi̍yo̍, a̍ chūɛ̄īma̍ wa̍ le̍ hɛ̄līo̍o̍ wa̍ŋ, a̍ nyɛ̄m chūŋ kɛ̄ndɔ᷄ŋ, a̍ kōla̍ wa̍a̍ŋga̍a̍wo̍ le̍ bāa̍ o̍ tɛ̍ndīi̍yo̍ ho̍ō sōndōo̍, 39a̍ ma̍āŋ ībūlɔ̍ŋsīi̍yo̍, a̍ kpāsa̍ nɔ̍ mbō wa᷄ ō kɛ̄sīāā o̍ ma̍āŋ kōŋ chōo̍, ō tōōsīāā a̍ būlɔ̍ŋsīi̍ye̍ wo̍, a̍ yɔ̄mīī vīlɛ̄īye̍ le̍ kɔ̄la̍ŋ a̍ ma̍āŋ ko̍ŋ, a̍ ma̍āŋ kōŋ wōlɔ̄ɔ̄lā ndɔ̄la̍ŋ, a̍ hɛ̄ŋgɛ̍i̍ māmɛ̄ŋndo̍ le̍ bāla̍ŋ pūlɔ̄ɔ̍ a̍ pēlo᷄ŋ, a̍ nyɛ̄ hɛ̄ŋgɛ̍i̍ ko̍ŋ ō chāl cho̍o̍ wo̍, 40a̍ kōlāla̍ nɔ̍ mī lā wa᷄ la̍ūwo̍ lābālāā la̍ŋ, a̍ sūŋgbu̍a̍ŋ le̍ kōlāla̍ la̍ŋ bāa̍, a̍ nyɛ̄lā sūŋgbu̍ma̍ ma̍ŋ mā sīm le̍ni̍ŋ nda̍ŋ, a̍ kōla̍ nɔ̍ mbo̍ wa᷄ ō lāndāā o̍ dīo̍o̍ le̍ lūɛ̄īyɔ̄ɔ̍ o̍ la̍ūwo̍ wo̍, a̍ yūēī ndūɛ̍i̍, a̍ pɛ̍ɛ̍kīi̍ŋ ndɔ̄ɔ̍ŋ, a̍ nyɛ̄m lāāndo᷄ŋ kpo̍u̍ le̍ wa̍llo̍ o̍ tɛ̍ndīi̍yo̍ ho̍ō, 41a̍ dōmāla̍ kɛ̍ndɛ̄ kɛ̍ndɛ̄ la̍ŋ, lā wānāā sōlīāā lāsa̍lāa̍ nda̍ a̍a̍ wo̍u̍nūŋ le̍ wa̍llo̍ o̍ fo̍ndāŋ kāsīo̍o̍ la̍ŋ, a̍ dōmāla̍ kāsīla̍ŋ le̍ E̍lɔ̄ŋ wa̍nā so̍līāā lāsa̍lāa̍, a̍ dōmāla̍ wānāā sōlīāā lāsa̍lāa̍ le̍ pūa̍a̍ E̍lɔ̄ŋ nda̍ le̍ wa̍llo̍ māā wānāā sōlīāā lāsa̍lā. 42O̍ ko̍ŋ, nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ ō dīmu̍l Mūu̍sē le̍ tōsāa̍, mi̍ I̍sɔ̄lūɛ̍i̍ya̍ ā tōsā ndu̍ kpo̍u̍. 43Mɛ̄ɛ̍ Mūu̍sē mɛ̍ɛ̍ndi̍a̍ŋ wa̍li̍ o̍ wa̍li̍ wāŋnda̍ I̍sɔ̄lūɛ̄ī a̍ to̍sa̍, mbo̍ chā māā nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l nda̍ le̍ tōsāa̍, māā ndu̍ nda̍ tōsa̍ ko̍ŋ ni̍, o̍ ko̍ŋ mbo̍ dūāū nda̍ sa̍lā.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.