Ɛ̍sɔ̍dɔ̍ɔ̄ 22
22
Sāwāla̍ŋ a̍ nyɔ̄ɔ̍ŋ sɔ̍ŋgɔ̄ɔ̍ mīŋgīo̍o̍ o̍kɔ̄ɔ̄
1Mi̍ Mɛ̄lɛ̄ka̍ hīāū lāchī a̍ sūɛ̍i̍ mbō dīmī āā, “Tē wāŋndo̍ chīīmbu̍u̍ nāūwo̍, kɛ̄lɛ̄ŋgāā sāa̍ pɛ̍, mbō dīī, ɔ̄ɔ̄ mbō pīsi̍ ndu̍ pɛ̍, wānā ko̍ŋ, ō nɔ̄ mbō mīŋgi̍ chɔ̄lūa̍a̍ le̍ chɔ̄lū o̍ chi̍i̍mbu̍u̍ ko̍ŋ ndo̍. Tē nāūwo̍ o̍ chi̍i̍mbu̍u̍ ni̍, ō nɔ̄ mbō mīŋgi̍ nāūwa̍ ā ŋūɛ̍ɛ̍nu̍ le̍ nāū pīlɛ̍ kōŋ. Tē sāa̍ o̍ chi̍i̍mbu̍u̍ ni̍, ō nɔ̄ mbō mīŋgi̍ sāa̍ ā hīɔ̍ɔ̍lu̍ le̍ sāā pi᷅lɛ̍ kōŋ. 2-4Tē wāŋndo̍ chīīmbu̍u̍ nyɛ̄ pi̍la̍a̍ pɛ̍, ō nɔ̄ mbō pāāwa̍ le̍ nyɛ̄ kōŋ. Tē wānā ko̍ŋ nɔ̍ nyɛ̄ o̍ nyɛ̄ o̍ bā le̍, ā nɔ̄ mā pīsi̍ ndu̍ o̍ chɛ̄le̍ŋ ni᷄ŋ le̍ mā pāāwa̍ le̍ nyɛ̄ pi̍la̍ o̍ chi̍i̍mbu̍u̍ ko̍ŋ ndo̍. Tē wāŋndo̍ chīīmbu̍u̍ chɔ̄lū pi̍la̍a̍ pɛ̍, ō wa̍ nāū, ō wa̍ sōfɛ̍lɛ̍, ɔ̄ɔ̄ sāā, tē ā bīī ndu̍ pɛ̍ a̍ chɔ̄lū kōŋ, ndu̍yɛ̍ mī chɔ̄lū kōŋ ō wa̍ wɔ̄ yōōmū, wānā ko̍ŋ nɔ̄ mbō yɔ̄ŋgu̍ chɔ̄lūa̍a̍ ā ŋīɔ̍ɔ̍ŋ sɔ̍ŋgɔ̍, le̍ chɔ̄lū pīlɛ̍ o̍ chi̍i̍mbu̍u̍ ko̍ŋ ndo̍.
“Tē vīīnɔ̄ɔ̍ ō kūɛ̄ dīō pi̍la̍a̍ pīɔ̄lɔ̄ɔ̍ īchɔ̄l pɛ̍, mbō sɔ̄la̍ pīɔ̍mndo̍, wāna̍ di̍ī ndu̍ ko̍ŋ ndo̍, ō tɛ̄ɛ̄mbu̍u̍ sāwa̍ cho̍ a̍ wāna̍ chi̍o̍o̍ dīyɔ̄ɔ̍ o̍kɔ̄ɔ̄ wo̍ le̍. Kɛ̍ tē ī yɔ̄nu̍ŋ pɛ̍ i̍pa̍la̍, mɛ̄ɛ̍ wāna̍ di̍ī ndu̍ ko̍ŋ ndo̍, ō tɛ̄ɛ̄mbūū sāwa̍ cho̍ a̍ wāna̍ chi̍o̍o̍ dīyɔ̄ɔ̍ o̍kɔ̄ɔ̄ wo̍.
5“Tē ō wa̍ pɛ̍ mī wāŋndo̍ ō kūɛ̄ a̍ chɔ̄lūāā ndūa̍a̍ le̍ dīo̍la̍ŋ, mī chɔ̄lūāā kāŋ ā kɔ᷄ di̍ō tɔ̄lɔ̄ɔ̄la̍ŋ o̍ chīɔ̄ɔ̄ŋ pi̍la̍ŋ ni᷄ŋ, ɔ̄ɔ̄ o̍ kpe̍le̍la̍ mākīle̍pīi̍la̍ pi̍la̍la̍ŋ ni᷄ŋ pɛ̍, tɔ̄lɔ̄ɔ̄ o̍ tɔ̄lɔ̄ɔ̄ chɔ̄lūāā kāŋ ā dē pɛ̍, wāna̍ nɔ̍ chɔ̄lūāā kāŋ ndo̍ ō nɔ̄ mbō mīŋgi̍ tɔ̄lɔ̄ɔ̄ kōŋ sɔ̍ŋgɔ̍. Ndu̍yɛ̍, tē ō wa̍ ndu̍ sɔ̍ŋgɔ̍ɔ̍ mīŋgīo̍o̍ pɛ̍, tɔ̄lɔ̄ɔ̄ kɛ̄ndɛ̄ kɛ̍ndɔ̄ɔ̍ o̍ chīɛ̄ī ndūɛ̍i̍ ni᷄ŋ, kɛ̄lɛ̄ŋgāā o̍ kpe̍le̍ ndɔ̍ mākīle̍pīi̍yo̍ ni᷄ŋ, ndu̍ o̍ nɔ̍ ni̍ mbō mīŋgi̍ sɔ̍ŋgɔ̍.
6“Wānā o̍ wānā yīŋnde̍ŋ lē hɛ̄lu᷄ŋ pɛ̍ o̍ chīɛ̄ī ndūɛ̍i̍ ni᷄ŋ, mī lē ta᷄ŋ o̍ chīɛ̄ī pi̍lɛ̍i̍ ni᷄ŋ mī lē kɔ̍ lo᷅m tɔ̄lɔ̄ɔ̄lā pi̍la̍lā cho̍ wūlɔ̄ɔ̍ la̍ŋ, kɛ̄lɛ̄ŋgāā tɔ̄lɔ̄ɔ̄lā pi̍la̍lā nda̍ dīu̍ ku̍ndāla̍ŋ nda̍ŋ, wānā ma̍l ko̍ŋ yi᷅ŋndē lēŋ ndo̍, nyɛ̄ o̍ nyɛ̄ ta̍mbu̍, ndu̍ nɔ̍ ni̍ mbō pāāwa̍.
7“Tē wāŋndo̍ bīī ka̍ni᷄ŋ pi̍la̍ŋ, ɔ̄ɔ̄ wōlɔ̄ɔ̄lā pi̍la̍ la̍ŋ le̍ kɛ̄sīo̍o̍ pɛ̍, mī ī yɔ̄nu̍ŋ mā chīīmbu̍u̍ ndu̍ la̍ŋ o̍ bā pɛ̍, tē ā bīī vīīnɔ̄ ko̍ŋ pɛ̍, vīīnɔ̄ ko̍ŋ ō nɔ̄ mbō pāāwa̍ le̍ wōlɔ̄ɔ̄lā lāŋ bɛ̄mbɔ̄ɔ̍ lēdīi̍ŋ. 8Kɛ̍, tē ā sēēlu̍ŋ vi̍i̍nɔ̄ ko̍ŋ te̍, mɛ̄ɛ̍ wāna̍ wa̍ nyɛ̄m ba̍āŋ kālāŋ pi̍la̍ŋ mu᷅ŋ kɛ̄sīo̍o̍ wo̍, ā nɔ̄ mā hīŋ a̍ ndu̍ o̍ fo̍ndāŋ nī so̍o̍lāa̍ le̍ mbō hu᷄ŋ chɔ᷅m ya̍ o̍ hɔ̄l lo̍ŋ, māā ō si̍nā i̍sɔ̍ɔ̍ o̍ i̍sɔ̄ɔ̍ a̍ mu̍ŋ o̍kɔ̄ɔ̄ le̍.
9“Ndu̍yɛ̍ tē wāŋnda̍ ā sɛ̄ɛ̄ŋgi̍āŋ o̍ nyɔ̄ɔ̍ chōo̍ pɛ̍, mī ho̍ō dīmi̍ āā, ‘Ya̍ nɔ̍ ni̍,’ mī ho̍ō dīmi̍ āā, ‘Ya̍ nɔ̍ ni̍,’ pɛ̍, ō wa̍ na̍ū, ō wa̍ sōfɛ̍lɛ̍, ɔ̄ɔ̄ sāā, ɔ̄ɔ̄ nyɛ̄ chūɛ̄ɛ̄na᷄ŋ, ɔ̄ɔ̄ nyɛ̄ o̍ nyɛ̄ chēle̍ŋ la̍a̍si̍a̍ŋ nda̍ tɛ̄ɛ̄ŋ ni̍, wānāā ŋīɔ̍ɔ̍ŋāā kāŋ, ā nɔ̄ mā hīŋ o̍ fo̍ndāŋ nī so̍o̍lāa̍ le̍ mī hu̍ŋ ki̍o̍lū nda̍ yāmɛ̍i̍ tɛ̄ɛ̄ŋ. Wāna̍ ya̍ Mɛ̄lɛ̄ka̍ chō di̍mī māā ō wɔ̄u̍ a̍ chāa̍ŋndɔ̍ wo̍, ō nɔ̄ mbō pāāwa̍ chāa̍ŋ ndɔ̄ ko̍ŋ nyɛ̄ kōŋ bɛ̄mbɔ̄ɔ̍ lēdīi̍ŋ.
10“Tē wāŋndo̍ ō ke᷄ chāa̍ŋndɔ̍ nda̍ chīɛ̄ɛ̄li̍āŋndo̍ chɔ̄lōo̍ pɛ̍, ō wa̍ sōfɛ̍lɛ̍, ō wa̍ nāū, ō wa̍ sāa̍, ō wa̍ chɔ̄lū o̍ chɔ̄lū chēle̍ŋ, tē chɔ̄lū kōŋ ō vī pɛ̍, ɔ̄ɔ̄ mbō sɔ̄la̍ yɔ̄ŋūlɔ᷄ŋ, ɔ̄ɔ̄ mī chɔ̄lū kōŋ hɛ̄lu̍ŋ mbō nyāānu̍ŋ, kɛ̍ mī wānā si̍na̍ a̍ ndu̍ o̍kɔ̄ɔ̄ le̍, 11wāna̍ bi̍ī ko̍ŋ chɔ̍lū kōŋ chōŋgɔ̄ɔ̍ wo̍, ō nɔ̄ mbō kūɛ̄ o̍ fo̍ndāŋ nī so̍o̍lāa̍. Tē ō kūɛ̄ pɛ̍, ō kɔ̍ mɛ̍na̍ŋ ya̍ Mɛ̄lɛ̄ka̍ o̍ hɔ̄l māā ō si̍nā a̍ ndu̍ o̍kɔ̄ɔ̄ le̍. Ndu̍yɛ̍, tē ō mɛ̍na̍ŋ le̍nde̍ pɛ̍, wāna̍ chɔ̄lōo̍ ō bi̍ī lɛ̍ ndu̍ sɔ̍ŋgɔ̍ o̍ sɔ̍ŋgɔ̍ o̍ bā le̍. Sēndi̍ o̍ me̍na̍ŋ ndo̍ ō chō tūu̍le̍ŋ. 12Kɛ̍, tē ō wa̍ pɛ̍ māā ndu̍ wa᷅na̍ cho̍ chɔ̄lū pi̍la̍a̍ māndāa̍ wo̍ o̍ bā nda̍ chīīmbu̍u̍ chɔ̄lū kōŋ ni̍, mɛ̄ɛ̍, ō nɔ̄ mbō pāāwa̍ le̍ chɔ̄lū pi̍la̍a̍. 13Tē ō wa̍ pɛ̍ māā vīsī bīyāa̍ de᷄l chɔ̄lū kōŋ chōo̍ ni̍ mbo̍ dīī ndu̍, vīsīŋ tɔ̄ŋ vīsī bīyāā kōŋ ō mɛ̄īyo̍ŋ, wānā ko̍ŋ nɔ̄ mbō hīŋ a̍ mu̍ŋ nāa̍ wāna̍ chɔ̄lōo̍ chūā mbō hu᷄ŋ chɔ᷅m ndu̍ le̍ se̍īle̍ŋ. Ndu̍yɛ̍ wānā ko̍ŋ, ō nɔ̍ mbō pāāwa̍ nyɛ̄ o̍ nyɛ̄ le̍ chɔ̄lū kōŋ te̍.
14“Tē wāŋndo̍ yōu̍ chāa̍ŋ ndɔ̄ chɔ̄lōo̍ o̍ bā pɛ̍, mbō ō lo̍ o̍ ko̍ŋ mī chɔ̄lū kōŋ ō yɔ̄ŋu̍lu̍ŋ ɔ̄ɔ̄ mbō vī pɛ̍, ndu̍yɛ̍, mī wāna̍ chɔ̄lōo̍ ō ve̍ lo̍ŋ te̍, wāna̍ yo̍u̍ ko̍ŋ chɔ̍lū pi̍la̍a̍ wo̍ ō nɔ̄ mbō mīŋgi̍ chɔ̄lū pi̍la̍a̍ sɔ̍ŋgɔ̍. 15Kɛ̍ tē wāna̍ chɔ̄lōo̍ wa̍ pɛ̍ o̍ hɔ̄lndɔ̄ mi̍ nyɛ̄ o̍ nyɛ̄ yɔ̄nu̍ŋ chɔ̄lū ndɔ̄ɔ̍, mī ndu̍ pi̍la̍ che᷅ pɛ̍, mɛ̄ɛ̍ wāna̍ yo̍ū chɔ̍lū kōŋ ndo̍, ō nɔ̍ lɛ̍ kūēē mbo̍ pāāwa̍ nyɛ̄ o̍ nyɛ̄ lē chɔ̄lū kōŋ te̍. Nyɛ̄ wānā ko̍ŋ ō pīsi̍ le̍ chɔ̄lū kōŋ yōūwo̍ pɛ̍, ndu̍ lo᷅ le̍ni̍ŋ ni̍.”
Sāwāla̍ŋ a̍ ka̍āla̍ŋ a̍ sōōlūūlā yɛ̍ yɛ̍la̍ŋ o̍kɔ̄ɔ̄
16Mi̍ Mɛ̄lɛ̄ka̍ hīāū lāchī a̍ sūɛ̍i̍ mbo̍ dīmī āā, “Tē wāŋndo̍ chē yūfu̍a̍a̍nɔ̍ nda̍ tu᷄l lɔ̍ kɔ̄ɔ̄lī le̍ nɔ̄ le̍ wo̍ pɛ̍, mbō dɛ̄ɛ̄ni̍a̍a̍ ndu̍ mbō hīvi᷄ŋ ndu̍ kɔ̄ɔ̄lī pɛ̍, ō nɔ̄ mbō dɔ̄u̍ ndu̍ fu̍lu̍ mbō kɛ̄si̍ ndu̍ māā la̍nɔ̍. 17Kɛ̍, tē fi̍nyāa̍ chūā kōŋ ō kɛ̄ɛ̍ pɛ̍ māā po̍ ko̍ŋ ō kɛ̍sī chūā ndɔ̄ɔ̍ le̍, po̍ ko̍ŋ, ō nɔ̄ mbō pāāwa̍ fi̍nyāa̍ chūā kōŋ nyɛ̄ sɔ̄lāā nda̍ kīālū le̍ yūfu̍a̍a̍nɔ̍ɔ̍ fu̍lo̍o̍ dɔ̄wɔ̄ɔ̍ wo̍.
18“Wānā o̍ wānā la̍nɔ̍ vi᷅m wa᷅ŋnda̍ yāwāla̍ŋ, ō nɔ̄ mbō sɔ̄la̍ pīɔ̍mndo̍.
19“Wānā o̍ wānā hi̍ni̍ a̍ chɔ̄lōo̍ pɛ̍, wānā ko̍ŋ ō nɔ̄ mbō sɔ̄la̍ pīɔ̍mndo̍.
20“Wānā o̍ wānā so̍li̍ sa̍lāa̍ o̍ mɛ̄lɛ̄ka̍ ō mɛ̄lɛ̄ka̍ chēle̍ŋndo̍ pɛ̍, ō fūla̍ o̍ ya̍ Mɛ̄lɛ̄ka̍ Ya̍a̍wɛ̄ɛ̄ kɔ̄ɔ̄lī, wānā ko̍ŋ ō nɔ̄ mbō sɔ̄la̍ pīɔ̍mndo̍.
21“Lā bi̍ī wānāā lēkāa̍wa̍ bīyɔ̄ɔ̄ wɔ̄ɔ̍ŋ, kɛ̄lɛ̄ŋgāā mī lā tūsi̍ nda̍ nyɛ̄ pālāā chōo̍ le̍, kāni̍ fo̍ndōle̍, nya̍ bɛ̍ɛ̍ le̍nde̍ ko̍ni̍ nya̍ wa̍ sīndɛ̄ wānāā lēkāa̍wa̍ o̍ lɛ̄ŋndē I̍chi̍pīle̍ŋ ni᷄ŋ ni̍. 22Wāŋ lāāndūāā pīāāndūāā ndāa̍ ā vī wa̍ ni̍, a̍ wānāā fi̍nyāā ndāa̍ a̍ kālāa̍ ndāa̍ ā vī wa̍, lā bi̍ī nda̍ bīyɔ̄ɔ̄ wɔ̄ɔ̍ŋ te̍. 23Tē lā bīī nda̍ bīyɔ̄ɔ̄ wɔ̄ɔ̍ŋndo̍ pɛ̍, mā lō o̍ ko̍ŋ mā ŋɔ̄ɔ̄chīa̍ŋ nāa̍ ya̍ Mɛ̄lɛ̄ka̍ chūa̍ a̍ nya̍ o̍kɔ̄ɔ̄, mā nyūna̍ ya̍ le̍ mālāa̍ pɛ̍, tūēīyɔ̄ɔ̍ ya̍ Mɛ̄lɛ̄ka̍ Ya̍a̍wɛ̄ɛ̄ I̍ tu̍ɛ̍ī nda̍ dīōm ni̍, mī ma̍la̍ nda̍. 24Tē lā tōsa̍ ke̍ŋ pɛ̍, I̍ cho̍ tu̍mbe̍ dɔ̍ɔ̍nɔ᷄ŋ a̍ nya̍ o̍ ka̍lā ka̍lā, mī to̍sa̍ mī ya̍a̍mɔ̍ɔ̍wa̍a̍ nyāa̍ ā dīu̍ nya̍ a̍ mɔ̄ɔ̄ŋ fāŋndo̍ŋ o̍ chɔ̄ūla̍ŋ, mī to̍sa̍ nya̍ bɛ̍ɛ̍ mī lāāndāā nyāa̍ ā sīmnu̍ŋ vi̍i̍ya̍a̍ nɔ̍ ŋ̍pi̍a̍a̍ndū le̍ wa̍. Ndu̍yɛ̍, mī chūāūwāā nyāa̍ bɛ̍ɛ̍ ā sīmnu᷄ŋ vi̍i̍ya̍a̍ nɔ̍ lɛ̍ ŋ̄fi̍nyā le̍ wa̍.
25“Tē wānāā nīa̍a̍ cho̍ ā tāmbɛ̍i̍ya̍ ō kɛ᷅ kɛ᷅ bīī nya̍ kūo̍o̍ o̍ bā pɛ̍, lā to̍sā mɛ̄ɛ̍ wānāa̍ wu̍ū wāŋnda̍ kūēēla̍ŋ le̍ ba̍na̍sīi̍yo̍ wa̍ a̍ tōsā yɛ̍ le̍. Lā bi̍ī wānā ko̍ŋ ba̍na̍sīi̍ o̍ ba̍na̍sīi̍ o̍ bā le̍. 26Tē wāna̍ nya̍ chīɛ̄ɛ̄li̍āŋndo̍ ō bīī nu̍m kūo̍o̍ o̍ bā pɛ̍, mbō lēndu̍l dōma̍ ndɔ̄ɔ̍, ā nɔ̄ mā mi̍ŋgi̍ ndu̍ dōmā ko̍ŋ o̍ bā lɔ̍ɔ̍pa̍ mī pāa̍le̍ŋ lē de᷄l. 27Kāni̍ fo̍ndōle̍, dōmā ko̍ŋ ndu̍ pīlɛ̍ kpe̍ wānā ko̍ŋ ō nɔ̄ ni̍. Ndu̍ o̍ nɔ̍ ni̍ mbō wōūnu̍ŋ i̍chɔ̍l le̍ hūēīye̍. Tē ā bīī ndu̍ dōmā ko̍ŋ o̍ bā pɛ̍, ō nɔ᷅ lɛ̍ dōmā o̍ dōmā mbō wōōnu̍ŋ mbō lɔ̍l a̍ ndu̍ le̍kɔ̍ɔ̍ le̍. Tē wānā ko̍ŋ ō ŋɔ̄ɔ̄cha̍ŋ nāa̍ ya̍ chu̍a̍ a̍ ndi̍ o̍kɔ̄ɔ̄ pɛ̍, I̍ tu̍e̍ī ndu̍ dīōm, kāni̍ fo̍ndōle̍ ya̍ Mɛ̄lɛ̄ka̍ Ya̍a̍wɛ̄ɛ̄, wāna̍ īnyīɛ̍ɛ̍yo̍ ya̍ I̍ cho̍ ni̍.
28“Wānā o̍ wānā lā di̍mī dīōmndē wɔ̄ɔ̍ŋ a̍ ya̍ Mɛ̄lɛ̄ka̍ le̍. Māsāa̍ cho̍ nya̍ chīla̍ŋnda̍ bɛ̍ɛ̍, lā su̍a̍ā dīōmndā wɔ̄ɔ̍ŋ a̍ nda̍ o̍kɔ̄ɔ̄ le̍.
29“Nyɛ̄ o̍ nyɛ̄ nya̍ nɔ̄ le̍ ya̍ kīo̍o̍ māā sa̍lā, lātɔ̄lɔ̄ɔ̄ ni̍, mūɛ̄īmā mākīle̍pīi̍ ni̍, chūɛ̄īmā ɔ̄li̍fīi̍mā ni̍, tē te̍le̍ŋnda̍ nya̍ nɔ̄ le̍ nyɛ̄m mu᷅ŋ yɔ̄ŋgōo̍ la̍ŋ lā fūūlu̍u̍ pɛ̍, lā nɔ̄ mī lā yɔ̄ŋgu̍ mu̍ŋ a̍ te̍le̍ŋnda̍ la̍ŋ mɛ̄ɛ̍ nya̍ nɔ̄ le̍ mu̍ŋ yɔ̄ŋgōo̍ yɛ̍.
“Lā nɔ̄ mī lā yɔ̄ŋgu̍ pūa̍a̍ nyāa̍ tāsi̍a̍a̍ o̍ ya̍ Mɛ̄lɛ̄ka̍ lo̍. 30Ndu̍yɛ̍ chɔ̄lūāā nyāa̍ bɛ̍ɛ̍, nāū ni̍, sāā ni̍, tē ā kōm pɛ̍, ā pīāāndūāā tāsi̍a̍a̍ ka̍ŋ, lā nɔ̄ mī lā yɔ̄ŋgu̍ nda̍ o̍ ya̍ Mɛ̄lɛ̄ka̍ lo̍ le̍ sa̍lāa̍ sōlīo̍o̍. Tē ā kōm pɛ̍, lā ma᷄l chūāūwāā kāŋ le̍ pālɛ̍i̍ ī ŋɔ᷄mmɛ̍ū, mā wa̍ a̍ kālāa̍ ndāa̍ lātūlu̍. Tē pālɛ̍i̍ i̍ ŋɔ̍mmɛ̍ū kēŋ ī hīōū pɛ̍, o̍ ŋɔ̄ma̍a̍ ndɔ̄ɔ̍, lā bīī nda̍ lā yɔ̄ŋgu̍ nda̍ o̍ ya̍ Mɛ̄lɛ̄ka̍ lo̍.
31“Nya̍ wāŋnda̍ I̍sɔ̄lūɛ̄ī, I̍ chu̍a̍ nya̍ māā wānāā kāsī. Le̍la̍ŋ, tē vīsī bīyāa̍ ō dīī vīsīo̍o̍ pɛ̍, lā di̍ā vīsī kōŋ te̍, lā ke̍ tu᷅ŋnda̍ vīsīŋ mu᷅ŋ mā dē.”
Currently Selected:
Ɛ̍sɔ̍dɔ̍ɔ̄ 22: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 22
22
Sāwāla̍ŋ a̍ nyɔ̄ɔ̍ŋ sɔ̍ŋgɔ̄ɔ̍ mīŋgīo̍o̍ o̍kɔ̄ɔ̄
1Mi̍ Mɛ̄lɛ̄ka̍ hīāū lāchī a̍ sūɛ̍i̍ mbō dīmī āā, “Tē wāŋndo̍ chīīmbu̍u̍ nāūwo̍, kɛ̄lɛ̄ŋgāā sāa̍ pɛ̍, mbō dīī, ɔ̄ɔ̄ mbō pīsi̍ ndu̍ pɛ̍, wānā ko̍ŋ, ō nɔ̄ mbō mīŋgi̍ chɔ̄lūa̍a̍ le̍ chɔ̄lū o̍ chi̍i̍mbu̍u̍ ko̍ŋ ndo̍. Tē nāūwo̍ o̍ chi̍i̍mbu̍u̍ ni̍, ō nɔ̄ mbō mīŋgi̍ nāūwa̍ ā ŋūɛ̍ɛ̍nu̍ le̍ nāū pīlɛ̍ kōŋ. Tē sāa̍ o̍ chi̍i̍mbu̍u̍ ni̍, ō nɔ̄ mbō mīŋgi̍ sāa̍ ā hīɔ̍ɔ̍lu̍ le̍ sāā pi᷅lɛ̍ kōŋ. 2-4Tē wāŋndo̍ chīīmbu̍u̍ nyɛ̄ pi̍la̍a̍ pɛ̍, ō nɔ̄ mbō pāāwa̍ le̍ nyɛ̄ kōŋ. Tē wānā ko̍ŋ nɔ̍ nyɛ̄ o̍ nyɛ̄ o̍ bā le̍, ā nɔ̄ mā pīsi̍ ndu̍ o̍ chɛ̄le̍ŋ ni᷄ŋ le̍ mā pāāwa̍ le̍ nyɛ̄ pi̍la̍ o̍ chi̍i̍mbu̍u̍ ko̍ŋ ndo̍. Tē wāŋndo̍ chīīmbu̍u̍ chɔ̄lū pi̍la̍a̍ pɛ̍, ō wa̍ nāū, ō wa̍ sōfɛ̍lɛ̍, ɔ̄ɔ̄ sāā, tē ā bīī ndu̍ pɛ̍ a̍ chɔ̄lū kōŋ, ndu̍yɛ̍ mī chɔ̄lū kōŋ ō wa̍ wɔ̄ yōōmū, wānā ko̍ŋ nɔ̄ mbō yɔ̄ŋgu̍ chɔ̄lūa̍a̍ ā ŋīɔ̍ɔ̍ŋ sɔ̍ŋgɔ̍, le̍ chɔ̄lū pīlɛ̍ o̍ chi̍i̍mbu̍u̍ ko̍ŋ ndo̍.
“Tē vīīnɔ̄ɔ̍ ō kūɛ̄ dīō pi̍la̍a̍ pīɔ̄lɔ̄ɔ̍ īchɔ̄l pɛ̍, mbō sɔ̄la̍ pīɔ̍mndo̍, wāna̍ di̍ī ndu̍ ko̍ŋ ndo̍, ō tɛ̄ɛ̄mbu̍u̍ sāwa̍ cho̍ a̍ wāna̍ chi̍o̍o̍ dīyɔ̄ɔ̍ o̍kɔ̄ɔ̄ wo̍ le̍. Kɛ̍ tē ī yɔ̄nu̍ŋ pɛ̍ i̍pa̍la̍, mɛ̄ɛ̍ wāna̍ di̍ī ndu̍ ko̍ŋ ndo̍, ō tɛ̄ɛ̄mbūū sāwa̍ cho̍ a̍ wāna̍ chi̍o̍o̍ dīyɔ̄ɔ̍ o̍kɔ̄ɔ̄ wo̍.
5“Tē ō wa̍ pɛ̍ mī wāŋndo̍ ō kūɛ̄ a̍ chɔ̄lūāā ndūa̍a̍ le̍ dīo̍la̍ŋ, mī chɔ̄lūāā kāŋ ā kɔ᷄ di̍ō tɔ̄lɔ̄ɔ̄la̍ŋ o̍ chīɔ̄ɔ̄ŋ pi̍la̍ŋ ni᷄ŋ, ɔ̄ɔ̄ o̍ kpe̍le̍la̍ mākīle̍pīi̍la̍ pi̍la̍la̍ŋ ni᷄ŋ pɛ̍, tɔ̄lɔ̄ɔ̄ o̍ tɔ̄lɔ̄ɔ̄ chɔ̄lūāā kāŋ ā dē pɛ̍, wāna̍ nɔ̍ chɔ̄lūāā kāŋ ndo̍ ō nɔ̄ mbō mīŋgi̍ tɔ̄lɔ̄ɔ̄ kōŋ sɔ̍ŋgɔ̍. Ndu̍yɛ̍, tē ō wa̍ ndu̍ sɔ̍ŋgɔ̍ɔ̍ mīŋgīo̍o̍ pɛ̍, tɔ̄lɔ̄ɔ̄ kɛ̄ndɛ̄ kɛ̍ndɔ̄ɔ̍ o̍ chīɛ̄ī ndūɛ̍i̍ ni᷄ŋ, kɛ̄lɛ̄ŋgāā o̍ kpe̍le̍ ndɔ̍ mākīle̍pīi̍yo̍ ni᷄ŋ, ndu̍ o̍ nɔ̍ ni̍ mbō mīŋgi̍ sɔ̍ŋgɔ̍.
6“Wānā o̍ wānā yīŋnde̍ŋ lē hɛ̄lu᷄ŋ pɛ̍ o̍ chīɛ̄ī ndūɛ̍i̍ ni᷄ŋ, mī lē ta᷄ŋ o̍ chīɛ̄ī pi̍lɛ̍i̍ ni᷄ŋ mī lē kɔ̍ lo᷅m tɔ̄lɔ̄ɔ̄lā pi̍la̍lā cho̍ wūlɔ̄ɔ̍ la̍ŋ, kɛ̄lɛ̄ŋgāā tɔ̄lɔ̄ɔ̄lā pi̍la̍lā nda̍ dīu̍ ku̍ndāla̍ŋ nda̍ŋ, wānā ma̍l ko̍ŋ yi᷅ŋndē lēŋ ndo̍, nyɛ̄ o̍ nyɛ̄ ta̍mbu̍, ndu̍ nɔ̍ ni̍ mbō pāāwa̍.
7“Tē wāŋndo̍ bīī ka̍ni᷄ŋ pi̍la̍ŋ, ɔ̄ɔ̄ wōlɔ̄ɔ̄lā pi̍la̍ la̍ŋ le̍ kɛ̄sīo̍o̍ pɛ̍, mī ī yɔ̄nu̍ŋ mā chīīmbu̍u̍ ndu̍ la̍ŋ o̍ bā pɛ̍, tē ā bīī vīīnɔ̄ ko̍ŋ pɛ̍, vīīnɔ̄ ko̍ŋ ō nɔ̄ mbō pāāwa̍ le̍ wōlɔ̄ɔ̄lā lāŋ bɛ̄mbɔ̄ɔ̍ lēdīi̍ŋ. 8Kɛ̍, tē ā sēēlu̍ŋ vi̍i̍nɔ̄ ko̍ŋ te̍, mɛ̄ɛ̍ wāna̍ wa̍ nyɛ̄m ba̍āŋ kālāŋ pi̍la̍ŋ mu᷅ŋ kɛ̄sīo̍o̍ wo̍, ā nɔ̄ mā hīŋ a̍ ndu̍ o̍ fo̍ndāŋ nī so̍o̍lāa̍ le̍ mbō hu᷄ŋ chɔ᷅m ya̍ o̍ hɔ̄l lo̍ŋ, māā ō si̍nā i̍sɔ̍ɔ̍ o̍ i̍sɔ̄ɔ̍ a̍ mu̍ŋ o̍kɔ̄ɔ̄ le̍.
9“Ndu̍yɛ̍ tē wāŋnda̍ ā sɛ̄ɛ̄ŋgi̍āŋ o̍ nyɔ̄ɔ̍ chōo̍ pɛ̍, mī ho̍ō dīmi̍ āā, ‘Ya̍ nɔ̍ ni̍,’ mī ho̍ō dīmi̍ āā, ‘Ya̍ nɔ̍ ni̍,’ pɛ̍, ō wa̍ na̍ū, ō wa̍ sōfɛ̍lɛ̍, ɔ̄ɔ̄ sāā, ɔ̄ɔ̄ nyɛ̄ chūɛ̄ɛ̄na᷄ŋ, ɔ̄ɔ̄ nyɛ̄ o̍ nyɛ̄ chēle̍ŋ la̍a̍si̍a̍ŋ nda̍ tɛ̄ɛ̄ŋ ni̍, wānāā ŋīɔ̍ɔ̍ŋāā kāŋ, ā nɔ̄ mā hīŋ o̍ fo̍ndāŋ nī so̍o̍lāa̍ le̍ mī hu̍ŋ ki̍o̍lū nda̍ yāmɛ̍i̍ tɛ̄ɛ̄ŋ. Wāna̍ ya̍ Mɛ̄lɛ̄ka̍ chō di̍mī māā ō wɔ̄u̍ a̍ chāa̍ŋndɔ̍ wo̍, ō nɔ̄ mbō pāāwa̍ chāa̍ŋ ndɔ̄ ko̍ŋ nyɛ̄ kōŋ bɛ̄mbɔ̄ɔ̍ lēdīi̍ŋ.
10“Tē wāŋndo̍ ō ke᷄ chāa̍ŋndɔ̍ nda̍ chīɛ̄ɛ̄li̍āŋndo̍ chɔ̄lōo̍ pɛ̍, ō wa̍ sōfɛ̍lɛ̍, ō wa̍ nāū, ō wa̍ sāa̍, ō wa̍ chɔ̄lū o̍ chɔ̄lū chēle̍ŋ, tē chɔ̄lū kōŋ ō vī pɛ̍, ɔ̄ɔ̄ mbō sɔ̄la̍ yɔ̄ŋūlɔ᷄ŋ, ɔ̄ɔ̄ mī chɔ̄lū kōŋ hɛ̄lu̍ŋ mbō nyāānu̍ŋ, kɛ̍ mī wānā si̍na̍ a̍ ndu̍ o̍kɔ̄ɔ̄ le̍, 11wāna̍ bi̍ī ko̍ŋ chɔ̍lū kōŋ chōŋgɔ̄ɔ̍ wo̍, ō nɔ̄ mbō kūɛ̄ o̍ fo̍ndāŋ nī so̍o̍lāa̍. Tē ō kūɛ̄ pɛ̍, ō kɔ̍ mɛ̍na̍ŋ ya̍ Mɛ̄lɛ̄ka̍ o̍ hɔ̄l māā ō si̍nā a̍ ndu̍ o̍kɔ̄ɔ̄ le̍. Ndu̍yɛ̍, tē ō mɛ̍na̍ŋ le̍nde̍ pɛ̍, wāna̍ chɔ̄lōo̍ ō bi̍ī lɛ̍ ndu̍ sɔ̍ŋgɔ̍ o̍ sɔ̍ŋgɔ̍ o̍ bā le̍. Sēndi̍ o̍ me̍na̍ŋ ndo̍ ō chō tūu̍le̍ŋ. 12Kɛ̍, tē ō wa̍ pɛ̍ māā ndu̍ wa᷅na̍ cho̍ chɔ̄lū pi̍la̍a̍ māndāa̍ wo̍ o̍ bā nda̍ chīīmbu̍u̍ chɔ̄lū kōŋ ni̍, mɛ̄ɛ̍, ō nɔ̄ mbō pāāwa̍ le̍ chɔ̄lū pi̍la̍a̍. 13Tē ō wa̍ pɛ̍ māā vīsī bīyāa̍ de᷄l chɔ̄lū kōŋ chōo̍ ni̍ mbo̍ dīī ndu̍, vīsīŋ tɔ̄ŋ vīsī bīyāā kōŋ ō mɛ̄īyo̍ŋ, wānā ko̍ŋ nɔ̄ mbō hīŋ a̍ mu̍ŋ nāa̍ wāna̍ chɔ̄lōo̍ chūā mbō hu᷄ŋ chɔ᷅m ndu̍ le̍ se̍īle̍ŋ. Ndu̍yɛ̍ wānā ko̍ŋ, ō nɔ̍ mbō pāāwa̍ nyɛ̄ o̍ nyɛ̄ le̍ chɔ̄lū kōŋ te̍.
14“Tē wāŋndo̍ yōu̍ chāa̍ŋ ndɔ̄ chɔ̄lōo̍ o̍ bā pɛ̍, mbō ō lo̍ o̍ ko̍ŋ mī chɔ̄lū kōŋ ō yɔ̄ŋu̍lu̍ŋ ɔ̄ɔ̄ mbō vī pɛ̍, ndu̍yɛ̍, mī wāna̍ chɔ̄lōo̍ ō ve̍ lo̍ŋ te̍, wāna̍ yo̍u̍ ko̍ŋ chɔ̍lū pi̍la̍a̍ wo̍ ō nɔ̄ mbō mīŋgi̍ chɔ̄lū pi̍la̍a̍ sɔ̍ŋgɔ̍. 15Kɛ̍ tē wāna̍ chɔ̄lōo̍ wa̍ pɛ̍ o̍ hɔ̄lndɔ̄ mi̍ nyɛ̄ o̍ nyɛ̄ yɔ̄nu̍ŋ chɔ̄lū ndɔ̄ɔ̍, mī ndu̍ pi̍la̍ che᷅ pɛ̍, mɛ̄ɛ̍ wāna̍ yo̍ū chɔ̍lū kōŋ ndo̍, ō nɔ̍ lɛ̍ kūēē mbo̍ pāāwa̍ nyɛ̄ o̍ nyɛ̄ lē chɔ̄lū kōŋ te̍. Nyɛ̄ wānā ko̍ŋ ō pīsi̍ le̍ chɔ̄lū kōŋ yōūwo̍ pɛ̍, ndu̍ lo᷅ le̍ni̍ŋ ni̍.”
Sāwāla̍ŋ a̍ ka̍āla̍ŋ a̍ sōōlūūlā yɛ̍ yɛ̍la̍ŋ o̍kɔ̄ɔ̄
16Mi̍ Mɛ̄lɛ̄ka̍ hīāū lāchī a̍ sūɛ̍i̍ mbo̍ dīmī āā, “Tē wāŋndo̍ chē yūfu̍a̍a̍nɔ̍ nda̍ tu᷄l lɔ̍ kɔ̄ɔ̄lī le̍ nɔ̄ le̍ wo̍ pɛ̍, mbō dɛ̄ɛ̄ni̍a̍a̍ ndu̍ mbō hīvi᷄ŋ ndu̍ kɔ̄ɔ̄lī pɛ̍, ō nɔ̄ mbō dɔ̄u̍ ndu̍ fu̍lu̍ mbō kɛ̄si̍ ndu̍ māā la̍nɔ̍. 17Kɛ̍, tē fi̍nyāa̍ chūā kōŋ ō kɛ̄ɛ̍ pɛ̍ māā po̍ ko̍ŋ ō kɛ̍sī chūā ndɔ̄ɔ̍ le̍, po̍ ko̍ŋ, ō nɔ̄ mbō pāāwa̍ fi̍nyāa̍ chūā kōŋ nyɛ̄ sɔ̄lāā nda̍ kīālū le̍ yūfu̍a̍a̍nɔ̍ɔ̍ fu̍lo̍o̍ dɔ̄wɔ̄ɔ̍ wo̍.
18“Wānā o̍ wānā la̍nɔ̍ vi᷅m wa᷅ŋnda̍ yāwāla̍ŋ, ō nɔ̄ mbō sɔ̄la̍ pīɔ̍mndo̍.
19“Wānā o̍ wānā hi̍ni̍ a̍ chɔ̄lōo̍ pɛ̍, wānā ko̍ŋ ō nɔ̄ mbō sɔ̄la̍ pīɔ̍mndo̍.
20“Wānā o̍ wānā so̍li̍ sa̍lāa̍ o̍ mɛ̄lɛ̄ka̍ ō mɛ̄lɛ̄ka̍ chēle̍ŋndo̍ pɛ̍, ō fūla̍ o̍ ya̍ Mɛ̄lɛ̄ka̍ Ya̍a̍wɛ̄ɛ̄ kɔ̄ɔ̄lī, wānā ko̍ŋ ō nɔ̄ mbō sɔ̄la̍ pīɔ̍mndo̍.
21“Lā bi̍ī wānāā lēkāa̍wa̍ bīyɔ̄ɔ̄ wɔ̄ɔ̍ŋ, kɛ̄lɛ̄ŋgāā mī lā tūsi̍ nda̍ nyɛ̄ pālāā chōo̍ le̍, kāni̍ fo̍ndōle̍, nya̍ bɛ̍ɛ̍ le̍nde̍ ko̍ni̍ nya̍ wa̍ sīndɛ̄ wānāā lēkāa̍wa̍ o̍ lɛ̄ŋndē I̍chi̍pīle̍ŋ ni᷄ŋ ni̍. 22Wāŋ lāāndūāā pīāāndūāā ndāa̍ ā vī wa̍ ni̍, a̍ wānāā fi̍nyāā ndāa̍ a̍ kālāa̍ ndāa̍ ā vī wa̍, lā bi̍ī nda̍ bīyɔ̄ɔ̄ wɔ̄ɔ̍ŋ te̍. 23Tē lā bīī nda̍ bīyɔ̄ɔ̄ wɔ̄ɔ̍ŋndo̍ pɛ̍, mā lō o̍ ko̍ŋ mā ŋɔ̄ɔ̄chīa̍ŋ nāa̍ ya̍ Mɛ̄lɛ̄ka̍ chūa̍ a̍ nya̍ o̍kɔ̄ɔ̄, mā nyūna̍ ya̍ le̍ mālāa̍ pɛ̍, tūēīyɔ̄ɔ̍ ya̍ Mɛ̄lɛ̄ka̍ Ya̍a̍wɛ̄ɛ̄ I̍ tu̍ɛ̍ī nda̍ dīōm ni̍, mī ma̍la̍ nda̍. 24Tē lā tōsa̍ ke̍ŋ pɛ̍, I̍ cho̍ tu̍mbe̍ dɔ̍ɔ̍nɔ᷄ŋ a̍ nya̍ o̍ ka̍lā ka̍lā, mī to̍sa̍ mī ya̍a̍mɔ̍ɔ̍wa̍a̍ nyāa̍ ā dīu̍ nya̍ a̍ mɔ̄ɔ̄ŋ fāŋndo̍ŋ o̍ chɔ̄ūla̍ŋ, mī to̍sa̍ nya̍ bɛ̍ɛ̍ mī lāāndāā nyāa̍ ā sīmnu̍ŋ vi̍i̍ya̍a̍ nɔ̍ ŋ̍pi̍a̍a̍ndū le̍ wa̍. Ndu̍yɛ̍, mī chūāūwāā nyāa̍ bɛ̍ɛ̍ ā sīmnu᷄ŋ vi̍i̍ya̍a̍ nɔ̍ lɛ̍ ŋ̄fi̍nyā le̍ wa̍.
25“Tē wānāā nīa̍a̍ cho̍ ā tāmbɛ̍i̍ya̍ ō kɛ᷅ kɛ᷅ bīī nya̍ kūo̍o̍ o̍ bā pɛ̍, lā to̍sā mɛ̄ɛ̍ wānāa̍ wu̍ū wāŋnda̍ kūēēla̍ŋ le̍ ba̍na̍sīi̍yo̍ wa̍ a̍ tōsā yɛ̍ le̍. Lā bi̍ī wānā ko̍ŋ ba̍na̍sīi̍ o̍ ba̍na̍sīi̍ o̍ bā le̍. 26Tē wāna̍ nya̍ chīɛ̄ɛ̄li̍āŋndo̍ ō bīī nu̍m kūo̍o̍ o̍ bā pɛ̍, mbō lēndu̍l dōma̍ ndɔ̄ɔ̍, ā nɔ̄ mā mi̍ŋgi̍ ndu̍ dōmā ko̍ŋ o̍ bā lɔ̍ɔ̍pa̍ mī pāa̍le̍ŋ lē de᷄l. 27Kāni̍ fo̍ndōle̍, dōmā ko̍ŋ ndu̍ pīlɛ̍ kpe̍ wānā ko̍ŋ ō nɔ̄ ni̍. Ndu̍ o̍ nɔ̍ ni̍ mbō wōūnu̍ŋ i̍chɔ̍l le̍ hūēīye̍. Tē ā bīī ndu̍ dōmā ko̍ŋ o̍ bā pɛ̍, ō nɔ᷅ lɛ̍ dōmā o̍ dōmā mbō wōōnu̍ŋ mbō lɔ̍l a̍ ndu̍ le̍kɔ̍ɔ̍ le̍. Tē wānā ko̍ŋ ō ŋɔ̄ɔ̄cha̍ŋ nāa̍ ya̍ chu̍a̍ a̍ ndi̍ o̍kɔ̄ɔ̄ pɛ̍, I̍ tu̍e̍ī ndu̍ dīōm, kāni̍ fo̍ndōle̍ ya̍ Mɛ̄lɛ̄ka̍ Ya̍a̍wɛ̄ɛ̄, wāna̍ īnyīɛ̍ɛ̍yo̍ ya̍ I̍ cho̍ ni̍.
28“Wānā o̍ wānā lā di̍mī dīōmndē wɔ̄ɔ̍ŋ a̍ ya̍ Mɛ̄lɛ̄ka̍ le̍. Māsāa̍ cho̍ nya̍ chīla̍ŋnda̍ bɛ̍ɛ̍, lā su̍a̍ā dīōmndā wɔ̄ɔ̍ŋ a̍ nda̍ o̍kɔ̄ɔ̄ le̍.
29“Nyɛ̄ o̍ nyɛ̄ nya̍ nɔ̄ le̍ ya̍ kīo̍o̍ māā sa̍lā, lātɔ̄lɔ̄ɔ̄ ni̍, mūɛ̄īmā mākīle̍pīi̍ ni̍, chūɛ̄īmā ɔ̄li̍fīi̍mā ni̍, tē te̍le̍ŋnda̍ nya̍ nɔ̄ le̍ nyɛ̄m mu᷅ŋ yɔ̄ŋgōo̍ la̍ŋ lā fūūlu̍u̍ pɛ̍, lā nɔ̄ mī lā yɔ̄ŋgu̍ mu̍ŋ a̍ te̍le̍ŋnda̍ la̍ŋ mɛ̄ɛ̍ nya̍ nɔ̄ le̍ mu̍ŋ yɔ̄ŋgōo̍ yɛ̍.
“Lā nɔ̄ mī lā yɔ̄ŋgu̍ pūa̍a̍ nyāa̍ tāsi̍a̍a̍ o̍ ya̍ Mɛ̄lɛ̄ka̍ lo̍. 30Ndu̍yɛ̍ chɔ̄lūāā nyāa̍ bɛ̍ɛ̍, nāū ni̍, sāā ni̍, tē ā kōm pɛ̍, ā pīāāndūāā tāsi̍a̍a̍ ka̍ŋ, lā nɔ̄ mī lā yɔ̄ŋgu̍ nda̍ o̍ ya̍ Mɛ̄lɛ̄ka̍ lo̍ le̍ sa̍lāa̍ sōlīo̍o̍. Tē ā kōm pɛ̍, lā ma᷄l chūāūwāā kāŋ le̍ pālɛ̍i̍ ī ŋɔ᷄mmɛ̍ū, mā wa̍ a̍ kālāa̍ ndāa̍ lātūlu̍. Tē pālɛ̍i̍ i̍ ŋɔ̍mmɛ̍ū kēŋ ī hīōū pɛ̍, o̍ ŋɔ̄ma̍a̍ ndɔ̄ɔ̍, lā bīī nda̍ lā yɔ̄ŋgu̍ nda̍ o̍ ya̍ Mɛ̄lɛ̄ka̍ lo̍.
31“Nya̍ wāŋnda̍ I̍sɔ̄lūɛ̄ī, I̍ chu̍a̍ nya̍ māā wānāā kāsī. Le̍la̍ŋ, tē vīsī bīyāa̍ ō dīī vīsīo̍o̍ pɛ̍, lā di̍ā vīsī kōŋ te̍, lā ke̍ tu᷅ŋnda̍ vīsīŋ mu᷅ŋ mā dē.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.