Ɛ̍sɔ̍dɔ̍ɔ̄ 19
19
A̍ nyɛ̍ yɔ̍nu̍ŋ a̍ wāŋnda̍ I̍sɔ̄lūɛ̄ī o̍ Pēmbīī Sa̍a̍nāīve̍ bɛ̄ŋgu̍ wo̍ o̍kɔ̄ɔ̄
1-2O̍ ko̍ŋ kɔ̍ɔ̍lī, mi̍ wāŋnda̍ I̍sɔ̄lūɛ̄ī a̍ ma᷅l nāa̍ nda̍ wa̍ īchāli̍ o̍ dɔ̍ɔ̍ŋgɔ̍ɔ̍ ni᷄ŋ Lu̍ɛ̍fi̍dīm nda̍, ma̍ kūā o̍ po̍llo̍ ni᷄ŋ Sa̍a̍nāī. Mālɔ̄ɔ̍ ndāa̍ I̍chi̍pī, ā chīi̍ pāŋgo̍ŋ ŋ̄ mūu̍ŋ, o̍ ŋgāa̍ ndɔ̄ɔ̍, o̍ pāa̍le̍ tāse̍le̍ŋ chōo̍ kpe̍e̍kpe̍i̍ nda̍ fūūlu̍u̍ o̍ fo̍ndāa̍ ho̍ō ni̍. Mɛ̄ɛ̍ nda̍ fūūlu̍u̍ lo̍ŋ, ma̍ kīālū dɔ̍ɔ̍ŋgɔ̍ɔ̍ o̍ Pēmbīī Sa̍a̍nāīve̍ bɛ̄ŋgu̍, ma̍ chāl lo̍ŋ. 3O̍ ko̍ŋ kɔ̍ɔ̍lī, mi̍ Mūu̍sē he᷅l o̍ pēmbēi̍ chōo̍ le̍ mā kɔ̍ su̍ūki̍āŋ nda̍ Mɛ̄lɛ̄ka̍.
Mɛ̄ɛ̍ o̍ he̍l, mbo̍ tūɛ̄ī mi̍ Mɛ̄lɛ̄ka̍ Ya̍a̍wɛ̄ɛ̄ ve̍e̍lū ndu̍ o̍ pēmbīī kēŋ ni᷄ŋ, mbo̍ dīmūl ndu̍ āā, “Kɔ̍ mā kɔ̍ di̍mūl wāŋnda̍ I̍sɔ̄lūɛ̄ī, nda̍ yɔ̍nūŋ ni̍ māā wānāa̍ fu̍la̍ o̍ pūlāle̍ Che̍kɔ̍pūle̍ŋ chōo̍ wa̍, māā nyɛ̄ ya̍ Mɛ̄lɛ̄ka̍ Ya̍a̍wɛ̄ɛ̄ I̍ di̍mi̍ wo̍, ndu̍ cho̍ ho̍ō ni̍. 4‘Wāŋnda̍ I̍sɔ̄lūɛ̄ī, nya̍ pi̍la̍ lā chē nyɛ̄ ya̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍ tōsa̍ a̍ wāŋnda̍ I̍chi̍pī le̍ sa̍bū nyāa̍ wo̍. Lā chē mɛ̄ɛ̍ ya̍ I̍ lo̍o̍ku̍ nya̍ sōlī o̍ lɛ̄ŋndē I̍chi̍pīle̍ŋ ni᷄ŋ, mi̍ sɔ̍ɔ̍ŋgu᷄ŋ nya̍ ya̍ pi̍la̍ īkɛ̄i̍ yɛ̍. Mɛ̄ɛ̍ kōwɔ̍ɔ̍ chūā nu̍a̍ā chūālē ndɔ̄le̍ŋ mbō kūɛ̄nu᷄ŋ a̍ le̍ŋ yɛ̍, le̍nde̍ ya̍ I̍ lo̍o̍ku̍ nya̍ sōlī ni̍. 5-6Le̍la̍ŋ, lā ya᷄ŋ ni᷅la̍ŋ o̍ nyɛ̄ ya̍ I̍ cho̍ nya̍ dīmūl lo̍. Tē lā tūsi̍ŋ o̍ dīōm nūu̍ bɛ̄ŋgu̍ pɛ̍, mī lā tōsa̍ nyɛ̄ ya̍ di̍mu̍l nya̍ wo̍, ndu̍yɛ̍, kpe̍ma̍ cho̍ na̍a̍ tɛ̍ɛ̄ŋ na̍a̍ nya̍ā wo̍, mī lā tɛ̄ɛ̄mbu̍u̍ kpe̍ma̍ ko̍ŋ te̍, wāŋnda̍ o̍ chi̍e̍ēŋndo̍ ni᷄ŋ kpo̍u̍, nya̍ ya̍ I̍ cho̍ hɛ̄lī ni̍, mī si̍i̍ŋgu̍u̍ nya̍ māā wānāā ni̍. Mi̍ chē bɛ̍ɛ̍ chi̍e̍ēŋndo̍ ho̍ō kpo̍u̍ ya̍ nɔ̍ ndu̍ ni̍. Kɛ̍ nya̍ nya̍, I̍ cho̍ nya̍ hɛ̄lī mī lā wa̍ māā wānāa̍ cho̍ ā yɔ̄ŋga᷄ŋ o̍ ya̍lo̍ wa̍. Nya̍ wa̍ ni᷄ŋ wa̍nāā nīāā so̍līāā lāsa̍lāa̍ ni̍. Kɔ̍ mā kɔ̍ di̍mūl wāŋnda̍ I̍sɔ̄lūɛ̄ī māā yōōŋgū ya̍ I̍ nɔ̍ le̍ nda̍ wo̍, ndu̍ cho̍ ko̍ŋ ni̍.’ ” 7O̍ ko̍ŋ kɔ̍ɔ̍lī, mi̍ Mūu̍sē mi̍i̍ŋgū mbo̍ kɔ̍ ve̍e̍lū lāŋgba̍ā kālla̍ I̍sɔ̄lūɛ̄ī nāa̍ pi᷅lɛ̍. Mbo̍ dōōnu̍ŋ nda̍ ko̍na̍ nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ di̍mu̍l ndu̍. 8Mɛ̄ɛ̍ o̍ chīi̍ nda̍ ko̍na̍a̍ dōōnɔ᷄ŋ, nda̍ kpo̍u̍ ma̍ dīmī dīōm pīlɛ̍ āā, “Ŋ̄ kɔ̄ma̍ŋ. Ndu̍yɛ̍, nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ di̍mi̍ ŋ̄ chɛ̍l. Ŋ̄ chō tōsā.” O̍ ko̍ŋ, mi̍ Mūu̍sē ku̍ā mbo̍ kɔ̍ do̍o̍nu᷄ŋ Mɛ̄lɛ̄ka̍ Ya̍a̍wɛ̄ɛ̄ ko̍na̍.
9Mi̍ Mɛ̄lɛ̄ka̍ Ya̍a̍wɛ̄ɛ̄ su̍a̍ā vɛ̄lɛ̄ nāa̍ Mūu̍sē chūā, mbo̍ dīmūl ndu̍ āā, “I̍ cho̍ hūnɔ̄ɔ̄ o̍ ha̍la̍ īkpūŋgbāa̍ ni᷄ŋ, mi̍ I̍ hu᷄ŋ so̍ō nāa̍ nūm chu̍a̍ wāŋnda̍ o̍ hɔ̄l kpe̍nde̍ke̍le̍ mā tūēī ya̍ sūɛ̍i̍. Ko̍ŋ cho̍ tōsā ni̍ mā lāāla᷄ŋ a̍ nūm le̍ te̍le̍ŋ o̍ te̍le̍ŋ.”
O̍ ko̍ŋ, nyɛ̄ o̍ nyɛ̄ wāŋnda̍ I̍sɔ̄lūɛ̄ī a̍ sōō, mi̍ Mūu̍sē ku̍ā mbo̍ kɔ̍ do̍o̍nu᷄ŋ Mɛ̄lɛ̄ka̍ Ya̍a̍wɛ̄ɛ̄ ko̍na̍ kpo̍u̍. 10Mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl vɛ̄lɛ̄ Mūu̍sē āā, “Kɔ̍ mā kɔ̍ di̍mūl wāŋnda̍ I̍sɔ̄lūɛ̄ī mā chu̍a̍ pāa̍le̍ŋ nde᷅ŋ hāū a̍ sīɔ̄dīi̍, le̍ nda̍ pi̍la̍ dīndīo̍o̍, mā sīmnu᷄ŋ wānāā kāsī. Di̍mu̍l nda̍ mā tɔ̄ɔ̄ nyɛ̄lā ndāla̍ŋ. 11Mā bɛ̄ɛ̄ndi̍a̍ŋ le̍ pāa̍le̍ dīɛ̄ŋ nde̍ŋ. I̍ cho̍ hūnɔ̄ɔ̄ o̍ pāa̍le̍ le̍ŋ chōo̍, mī hu̍ŋ to᷅l o̍ Pēmbīī Sa̍a̍nāīve̍ chōo̍. Wāŋnda̍ kpo̍u̍ ā wā ni̍ŋ to̍fāa̍. 12Kɛ̍ mā ki̍lu̍l nda̍ kpe̍le̍ŋndo̍ o̍ pēmbēi̍ bɛ̄ŋgu̍ chɛ̍ chɛ̍. Mā di̍mu̍l nda̍ māā, wānā o̍ wānā hi̍a̍ū kpe̍le̍ŋ ko̍ŋ, mbō he᷄l pēmbēi̍, kɛ̄lɛ̄ŋgāā mbō pi̍la̍ pēlēi̍ lo̍ŋ te̍. Di̍mu̍l nda̍ māā wānā o̍ wānā to̍sa̍ le̍nde̍ pɛ̍, ō nɔ̄ mbō sɔ̄la̍ pīɔ̍mndo̍. 13Ndu̍yɛ̍, wānā ko̍ŋ, ā nɔ̍ mā pīla̍ŋ ndu̍ a̍ bā le̍, ā nɔ̄ mā vīī vi̍i̍ ndu̍ a̍ pōūta̍ŋ, tē ko̍ŋ te̍, ā vīi̍ ndu̍ a̍ chīŋu̍a̍ŋ ō vī. Ā yɔ᷄ŋ bɛ̍ɛ̍ āā chɔ̄lōo̍, te̍ ō pīla̍ŋ pēmbēi̍ he̍ī pɛ̍, ndu̍ bɛ̍ɛ̍ ō nɔ̄ mbō sɔ̄la̍ pīɔ̍mndo̍. Kɛ̍ tē ā tūēī pɛ̍ mī bu̍lo̍o̍ sōō, ā kūā nāa̍ kpe̍le̍ŋndo̍ chō wa̍.”
14Mi̍ Mūu̍sē tu̍āl pēmbēi̍, mbo̍ kūā nāa̍ wāŋnda̍ chūā. Mbo̍ kɔ̍ di̍mūl nda̍ māā ā tɔ̄ɔ̍ nyɛ̍lā ndāla̍ŋ. Ndu̍yɛ̍, mā bɛ̄ɛ̄ndīa̍ŋ le̍ Mɛ̄lɛ̄ka̍ sōōlūū wo̍. Mi̍ Mūu̍sē di̍mūl wāŋnda̍ le̍ mā dīndi̍ nda̍ pi̍la̍, mā sīmnu᷄ŋ wa̍nāā kāsī. 15Mi̍ Mūu̍sē di̍mūl nda̍ āā, “Lā wa̍ a̍ bɛ̍ɛ̍dīa̍ŋ le̍ pāa̍le̍ dīɛ̄ŋ nde̍ŋ. Ndu̍yɛ̍, wānā o̍ wānā to̍sā sūɛ̍i̍ wānā la̍nɔ̍ le̍.”
16O̍ pāa̍le̍ di̍ɛ̄ŋndē lēŋ chōo̍ i̍di̍i̍yo̍, mi̍ nyɛ̄ ŋūāla̍lɛ̍ī, ŋūāla̍lɛ̍īyo̍ ō kāndū kīōlōo̍ o̍ ha̍la̍a̍ ni᷄ŋ, mi̍ ta᷅ŋnda̍ŋ mā dēŋī kpa̍ŋgāŋgāŋ kpa̍ŋgāŋgāŋ bɛ̄ndū. Mi̍ ha̍la̍ īkpūŋgbāa̍ ō tūāl o̍ pēmbēi̍ chōo̍. Mi̍ bu̍lu̍ bɛ̍ndōo̍ sūāā. Wānāa̍ wa̍ o̍ dɔ̍ɔ̍ŋgɔ̍ɔ̍ ni᷄ŋ nda̍ kpo̍u̍ mi̍ sīōōŋīī bɛ̄ndūe̍i̍ bīī nda̍, ma̍ nyīīya̍. 17O̍ ko̍ŋ, mi̍ Mūu̍sē si᷅m wāŋnda̍ lāchī, ma̍ fāŋa᷄ŋ o̍ dɔ̍ɔ̍ŋgɔ̍ɔ̍ le̍ kɔ̄la̍ŋ Mɛ̄lɛ̄ka̍ lāchī. Mɛ̄ɛ̍ nda̍ kūɛ̄, ma̍ kɔ̍ si᷅m o̍ pēmbēi̍ bɛ̄ŋgu̍. 18Ndu̍yɛ̍, mi̍ ku᷄mnde̍ kūmbū Pēmbīī Sa̍a̍nāīve̍ kpo̍u̍, kāni̍, o̍ le̍yīŋ Mɛ̄lɛ̄ka̍ Ya̍a̍wɛ̄ɛ̄ o̍ to᷅l lēchōo̍ ni̍. Kūmnde̍ wa̍ hēlɔ̄ɔ̍ o̍ pēmbēi̍ chōo̍ tu̍kpā tūkpā bɛ̄ndū mɛ̄ɛ̍ nda̍ māl nu̍a̍ā chi̍ɛ̍i̍ o̍ yīŋ mī kūmnde̍ wa̍ hēlɔ̄ɔ̍ yɛ̍. Pēmbīī Sa̍a̍nāīve̍ kpo̍u̍, mi̍ ī hīīlu̍ŋ wo᷅ŋa̍ wo᷅ŋa̍ bɛ̍ndū. 19Mi̍ bu̍lu̍ bɛ̍ndōo̍ chɔ̄ɔ̄lū vɛ̄lɛ̄ dīōmndo̍ fūlā kpe̍e̍kpe̍i̍. Mūu̍sē wa᷅ sūūki̍āŋndo̍ nda̍ Mɛ̄lɛ̄ka̍. Mūu̍sē so̍ō pɛ̍, Mɛ̄lɛ̄ka̍ mūli̍. Kɛ̍, mɛ̄ɛ̍ ta᷅ŋnda̍ŋ mā wā nu̍a̍ā dēŋīo̍o̍ yɛ̍, le̍nde̍ Mɛ̄lɛ̄ka̍ dīōm ndɔ̄ɔ̍ ō wa̍ fūlāa̍ ni̍. 20O̍ ko̍ŋ, mi̍ Mɛ̄lɛ̄ka̍ Ya̍a̍wɛ̄ɛ̄ o̍ hu̍ŋ to᷅l o̍ Pēmbīī Sa̍a̍nāīve̍ tūllo̍. Mbo̍ vēēlū Mūu̍sē le̍ mbō he᷄l lo̍ŋ, ndu̍yɛ̍ mi̍ Mūu̍sē he᷅l lo̍ŋ. 21Mɛ̄ɛ̍ Mūu̍sē o̍ he᷄l, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl ndu̍ āā, “To̍l mā kɔ̍ si̍la̍ wa᷅ŋnda̍ I̍sɔ̄lūɛ̄ī māā, ā hi̍a̍ū kpe̍le̍ŋ ŋ̄ kīlu̍l nda̍ ko̍ŋ ndo̍ mā kīndi̍ le̍ ya̍ Mɛ̄lɛ̄ka̍ Ya̍a̍wɛ̄ɛ̄ chɔ̄ɔ̍ le̍. Kāni̍, tē ā tōsa̍ ke̍ŋ pɛ̍, ā bɔ̍ɔ̍ bɔ̍ɔ̍ a̍ cho̍ pīɔ̍mndo̍ sɔ̍la̍. 22Ā yɔ᷄ŋ bɛ̍ɛ̍ āā wānāā sōlīāā lāsa̍lāa̍ ni̍, tē ā dīndi̍ nda̍ pi̍la̍, mā sīmnu̍ŋ wa̍nāā kāsī le̍, ā sɔ̄ɔ̄ŋgu̍u̍ ya̍ īkɛ̄i̍ pɛ̍, dɛ̍nɛ̍ pa̍lāa̍ ya̍ Mɛ̄lɛ̄ka̍ Ya̍a̍wɛ̄ɛ̄ tu̍sī nda̍ chōo̍ ni̍.”
23Mi̍ Mūu̍sē di̍mūl Mɛ̄lɛ̄ka̍ Ya̍a̍wɛ̄ɛ̄ āā, “Mɛ̄lɛ̄ka̍, wāŋnda̍ ha̍ā ā to̍sā mā he᷄l o̍ Pēmbēi̍ he̍ī chōo̍ le̍. Kāni̍, nūm pi̍la̍ si̍la̍ nāā a̍ ndi̍ o̍kɔ̄ɔ̄ ni̍, ma̍ dīmūl na̍a̍ māā na̍a̍ ŋ̄ kīōlu̍ kpe̍le̍ŋndo̍ o̍ pēmbēi̍ bɛ̄ŋgu̍ chɛ̍ chɛ̍, fo̍ndōle̍ māā pēmbīī kāsīe̍i̍ i̍ cho̍ ni̍.”
24Mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Mi̍i̍ŋgu̍ mī lā kɔ̍ hu᷅ŋ nya̍ E̍lɔ̄ŋ lātūlu̍. Kɛ̍, mā di̍mu̍l wānāā sōlīāā lāsa̍lāa̍ ā pīli̍a̍a̍, a̍ wānāā tūa̍a̍ māā ā hi̍a̍ū kpe̍le̍ŋndo̍ ho̍ō, le̍ hūnɔ̄ɔ̍ nāa̍ ya̍ Mɛ̄lɛ̄ka̍ Ya̍a̍wɛ̄ɛ̄ chu̍a̍ le̍. Tē a̍ tōsa̍ ke̍ŋ pɛ̍, I̍ tu̍si̍ nda̍ nyɛ̄ pālāa̍ chōo̍.” 25O̍ ko̍ŋ mi̍ Mūu̍sē tu̍āl, nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ dīmu̍l ndu̍, mbo̍ kɔ̍ do̍o̍nu᷄ŋ wa᷅ŋnda̍ ko̍na̍.
Currently Selected:
Ɛ̍sɔ̍dɔ̍ɔ̄ 19: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 19
19
A̍ nyɛ̍ yɔ̍nu̍ŋ a̍ wāŋnda̍ I̍sɔ̄lūɛ̄ī o̍ Pēmbīī Sa̍a̍nāīve̍ bɛ̄ŋgu̍ wo̍ o̍kɔ̄ɔ̄
1-2O̍ ko̍ŋ kɔ̍ɔ̍lī, mi̍ wāŋnda̍ I̍sɔ̄lūɛ̄ī a̍ ma᷅l nāa̍ nda̍ wa̍ īchāli̍ o̍ dɔ̍ɔ̍ŋgɔ̍ɔ̍ ni᷄ŋ Lu̍ɛ̍fi̍dīm nda̍, ma̍ kūā o̍ po̍llo̍ ni᷄ŋ Sa̍a̍nāī. Mālɔ̄ɔ̍ ndāa̍ I̍chi̍pī, ā chīi̍ pāŋgo̍ŋ ŋ̄ mūu̍ŋ, o̍ ŋgāa̍ ndɔ̄ɔ̍, o̍ pāa̍le̍ tāse̍le̍ŋ chōo̍ kpe̍e̍kpe̍i̍ nda̍ fūūlu̍u̍ o̍ fo̍ndāa̍ ho̍ō ni̍. Mɛ̄ɛ̍ nda̍ fūūlu̍u̍ lo̍ŋ, ma̍ kīālū dɔ̍ɔ̍ŋgɔ̍ɔ̍ o̍ Pēmbīī Sa̍a̍nāīve̍ bɛ̄ŋgu̍, ma̍ chāl lo̍ŋ. 3O̍ ko̍ŋ kɔ̍ɔ̍lī, mi̍ Mūu̍sē he᷅l o̍ pēmbēi̍ chōo̍ le̍ mā kɔ̍ su̍ūki̍āŋ nda̍ Mɛ̄lɛ̄ka̍.
Mɛ̄ɛ̍ o̍ he̍l, mbo̍ tūɛ̄ī mi̍ Mɛ̄lɛ̄ka̍ Ya̍a̍wɛ̄ɛ̄ ve̍e̍lū ndu̍ o̍ pēmbīī kēŋ ni᷄ŋ, mbo̍ dīmūl ndu̍ āā, “Kɔ̍ mā kɔ̍ di̍mūl wāŋnda̍ I̍sɔ̄lūɛ̄ī, nda̍ yɔ̍nūŋ ni̍ māā wānāa̍ fu̍la̍ o̍ pūlāle̍ Che̍kɔ̍pūle̍ŋ chōo̍ wa̍, māā nyɛ̄ ya̍ Mɛ̄lɛ̄ka̍ Ya̍a̍wɛ̄ɛ̄ I̍ di̍mi̍ wo̍, ndu̍ cho̍ ho̍ō ni̍. 4‘Wāŋnda̍ I̍sɔ̄lūɛ̄ī, nya̍ pi̍la̍ lā chē nyɛ̄ ya̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍ tōsa̍ a̍ wāŋnda̍ I̍chi̍pī le̍ sa̍bū nyāa̍ wo̍. Lā chē mɛ̄ɛ̍ ya̍ I̍ lo̍o̍ku̍ nya̍ sōlī o̍ lɛ̄ŋndē I̍chi̍pīle̍ŋ ni᷄ŋ, mi̍ sɔ̍ɔ̍ŋgu᷄ŋ nya̍ ya̍ pi̍la̍ īkɛ̄i̍ yɛ̍. Mɛ̄ɛ̍ kōwɔ̍ɔ̍ chūā nu̍a̍ā chūālē ndɔ̄le̍ŋ mbō kūɛ̄nu᷄ŋ a̍ le̍ŋ yɛ̍, le̍nde̍ ya̍ I̍ lo̍o̍ku̍ nya̍ sōlī ni̍. 5-6Le̍la̍ŋ, lā ya᷄ŋ ni᷅la̍ŋ o̍ nyɛ̄ ya̍ I̍ cho̍ nya̍ dīmūl lo̍. Tē lā tūsi̍ŋ o̍ dīōm nūu̍ bɛ̄ŋgu̍ pɛ̍, mī lā tōsa̍ nyɛ̄ ya̍ di̍mu̍l nya̍ wo̍, ndu̍yɛ̍, kpe̍ma̍ cho̍ na̍a̍ tɛ̍ɛ̄ŋ na̍a̍ nya̍ā wo̍, mī lā tɛ̄ɛ̄mbu̍u̍ kpe̍ma̍ ko̍ŋ te̍, wāŋnda̍ o̍ chi̍e̍ēŋndo̍ ni᷄ŋ kpo̍u̍, nya̍ ya̍ I̍ cho̍ hɛ̄lī ni̍, mī si̍i̍ŋgu̍u̍ nya̍ māā wānāā ni̍. Mi̍ chē bɛ̍ɛ̍ chi̍e̍ēŋndo̍ ho̍ō kpo̍u̍ ya̍ nɔ̍ ndu̍ ni̍. Kɛ̍ nya̍ nya̍, I̍ cho̍ nya̍ hɛ̄lī mī lā wa̍ māā wānāa̍ cho̍ ā yɔ̄ŋga᷄ŋ o̍ ya̍lo̍ wa̍. Nya̍ wa̍ ni᷄ŋ wa̍nāā nīāā so̍līāā lāsa̍lāa̍ ni̍. Kɔ̍ mā kɔ̍ di̍mūl wāŋnda̍ I̍sɔ̄lūɛ̄ī māā yōōŋgū ya̍ I̍ nɔ̍ le̍ nda̍ wo̍, ndu̍ cho̍ ko̍ŋ ni̍.’ ” 7O̍ ko̍ŋ kɔ̍ɔ̍lī, mi̍ Mūu̍sē mi̍i̍ŋgū mbo̍ kɔ̍ ve̍e̍lū lāŋgba̍ā kālla̍ I̍sɔ̄lūɛ̄ī nāa̍ pi᷅lɛ̍. Mbo̍ dōōnu̍ŋ nda̍ ko̍na̍ nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ di̍mu̍l ndu̍. 8Mɛ̄ɛ̍ o̍ chīi̍ nda̍ ko̍na̍a̍ dōōnɔ᷄ŋ, nda̍ kpo̍u̍ ma̍ dīmī dīōm pīlɛ̍ āā, “Ŋ̄ kɔ̄ma̍ŋ. Ndu̍yɛ̍, nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ di̍mi̍ ŋ̄ chɛ̍l. Ŋ̄ chō tōsā.” O̍ ko̍ŋ, mi̍ Mūu̍sē ku̍ā mbo̍ kɔ̍ do̍o̍nu᷄ŋ Mɛ̄lɛ̄ka̍ Ya̍a̍wɛ̄ɛ̄ ko̍na̍.
9Mi̍ Mɛ̄lɛ̄ka̍ Ya̍a̍wɛ̄ɛ̄ su̍a̍ā vɛ̄lɛ̄ nāa̍ Mūu̍sē chūā, mbo̍ dīmūl ndu̍ āā, “I̍ cho̍ hūnɔ̄ɔ̄ o̍ ha̍la̍ īkpūŋgbāa̍ ni᷄ŋ, mi̍ I̍ hu᷄ŋ so̍ō nāa̍ nūm chu̍a̍ wāŋnda̍ o̍ hɔ̄l kpe̍nde̍ke̍le̍ mā tūēī ya̍ sūɛ̍i̍. Ko̍ŋ cho̍ tōsā ni̍ mā lāāla᷄ŋ a̍ nūm le̍ te̍le̍ŋ o̍ te̍le̍ŋ.”
O̍ ko̍ŋ, nyɛ̄ o̍ nyɛ̄ wāŋnda̍ I̍sɔ̄lūɛ̄ī a̍ sōō, mi̍ Mūu̍sē ku̍ā mbo̍ kɔ̍ do̍o̍nu᷄ŋ Mɛ̄lɛ̄ka̍ Ya̍a̍wɛ̄ɛ̄ ko̍na̍ kpo̍u̍. 10Mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl vɛ̄lɛ̄ Mūu̍sē āā, “Kɔ̍ mā kɔ̍ di̍mūl wāŋnda̍ I̍sɔ̄lūɛ̄ī mā chu̍a̍ pāa̍le̍ŋ nde᷅ŋ hāū a̍ sīɔ̄dīi̍, le̍ nda̍ pi̍la̍ dīndīo̍o̍, mā sīmnu᷄ŋ wānāā kāsī. Di̍mu̍l nda̍ mā tɔ̄ɔ̄ nyɛ̄lā ndāla̍ŋ. 11Mā bɛ̄ɛ̄ndi̍a̍ŋ le̍ pāa̍le̍ dīɛ̄ŋ nde̍ŋ. I̍ cho̍ hūnɔ̄ɔ̄ o̍ pāa̍le̍ le̍ŋ chōo̍, mī hu̍ŋ to᷅l o̍ Pēmbīī Sa̍a̍nāīve̍ chōo̍. Wāŋnda̍ kpo̍u̍ ā wā ni̍ŋ to̍fāa̍. 12Kɛ̍ mā ki̍lu̍l nda̍ kpe̍le̍ŋndo̍ o̍ pēmbēi̍ bɛ̄ŋgu̍ chɛ̍ chɛ̍. Mā di̍mu̍l nda̍ māā, wānā o̍ wānā hi̍a̍ū kpe̍le̍ŋ ko̍ŋ, mbō he᷄l pēmbēi̍, kɛ̄lɛ̄ŋgāā mbō pi̍la̍ pēlēi̍ lo̍ŋ te̍. Di̍mu̍l nda̍ māā wānā o̍ wānā to̍sa̍ le̍nde̍ pɛ̍, ō nɔ̄ mbō sɔ̄la̍ pīɔ̍mndo̍. 13Ndu̍yɛ̍, wānā ko̍ŋ, ā nɔ̍ mā pīla̍ŋ ndu̍ a̍ bā le̍, ā nɔ̄ mā vīī vi̍i̍ ndu̍ a̍ pōūta̍ŋ, tē ko̍ŋ te̍, ā vīi̍ ndu̍ a̍ chīŋu̍a̍ŋ ō vī. Ā yɔ᷄ŋ bɛ̍ɛ̍ āā chɔ̄lōo̍, te̍ ō pīla̍ŋ pēmbēi̍ he̍ī pɛ̍, ndu̍ bɛ̍ɛ̍ ō nɔ̄ mbō sɔ̄la̍ pīɔ̍mndo̍. Kɛ̍ tē ā tūēī pɛ̍ mī bu̍lo̍o̍ sōō, ā kūā nāa̍ kpe̍le̍ŋndo̍ chō wa̍.”
14Mi̍ Mūu̍sē tu̍āl pēmbēi̍, mbo̍ kūā nāa̍ wāŋnda̍ chūā. Mbo̍ kɔ̍ di̍mūl nda̍ māā ā tɔ̄ɔ̍ nyɛ̍lā ndāla̍ŋ. Ndu̍yɛ̍, mā bɛ̄ɛ̄ndīa̍ŋ le̍ Mɛ̄lɛ̄ka̍ sōōlūū wo̍. Mi̍ Mūu̍sē di̍mūl wāŋnda̍ le̍ mā dīndi̍ nda̍ pi̍la̍, mā sīmnu᷄ŋ wa̍nāā kāsī. 15Mi̍ Mūu̍sē di̍mūl nda̍ āā, “Lā wa̍ a̍ bɛ̍ɛ̍dīa̍ŋ le̍ pāa̍le̍ dīɛ̄ŋ nde̍ŋ. Ndu̍yɛ̍, wānā o̍ wānā to̍sā sūɛ̍i̍ wānā la̍nɔ̍ le̍.”
16O̍ pāa̍le̍ di̍ɛ̄ŋndē lēŋ chōo̍ i̍di̍i̍yo̍, mi̍ nyɛ̄ ŋūāla̍lɛ̍ī, ŋūāla̍lɛ̍īyo̍ ō kāndū kīōlōo̍ o̍ ha̍la̍a̍ ni᷄ŋ, mi̍ ta᷅ŋnda̍ŋ mā dēŋī kpa̍ŋgāŋgāŋ kpa̍ŋgāŋgāŋ bɛ̄ndū. Mi̍ ha̍la̍ īkpūŋgbāa̍ ō tūāl o̍ pēmbēi̍ chōo̍. Mi̍ bu̍lu̍ bɛ̍ndōo̍ sūāā. Wānāa̍ wa̍ o̍ dɔ̍ɔ̍ŋgɔ̍ɔ̍ ni᷄ŋ nda̍ kpo̍u̍ mi̍ sīōōŋīī bɛ̄ndūe̍i̍ bīī nda̍, ma̍ nyīīya̍. 17O̍ ko̍ŋ, mi̍ Mūu̍sē si᷅m wāŋnda̍ lāchī, ma̍ fāŋa᷄ŋ o̍ dɔ̍ɔ̍ŋgɔ̍ɔ̍ le̍ kɔ̄la̍ŋ Mɛ̄lɛ̄ka̍ lāchī. Mɛ̄ɛ̍ nda̍ kūɛ̄, ma̍ kɔ̍ si᷅m o̍ pēmbēi̍ bɛ̄ŋgu̍. 18Ndu̍yɛ̍, mi̍ ku᷄mnde̍ kūmbū Pēmbīī Sa̍a̍nāīve̍ kpo̍u̍, kāni̍, o̍ le̍yīŋ Mɛ̄lɛ̄ka̍ Ya̍a̍wɛ̄ɛ̄ o̍ to᷅l lēchōo̍ ni̍. Kūmnde̍ wa̍ hēlɔ̄ɔ̍ o̍ pēmbēi̍ chōo̍ tu̍kpā tūkpā bɛ̄ndū mɛ̄ɛ̍ nda̍ māl nu̍a̍ā chi̍ɛ̍i̍ o̍ yīŋ mī kūmnde̍ wa̍ hēlɔ̄ɔ̍ yɛ̍. Pēmbīī Sa̍a̍nāīve̍ kpo̍u̍, mi̍ ī hīīlu̍ŋ wo᷅ŋa̍ wo᷅ŋa̍ bɛ̍ndū. 19Mi̍ bu̍lu̍ bɛ̍ndōo̍ chɔ̄ɔ̄lū vɛ̄lɛ̄ dīōmndo̍ fūlā kpe̍e̍kpe̍i̍. Mūu̍sē wa᷅ sūūki̍āŋndo̍ nda̍ Mɛ̄lɛ̄ka̍. Mūu̍sē so̍ō pɛ̍, Mɛ̄lɛ̄ka̍ mūli̍. Kɛ̍, mɛ̄ɛ̍ ta᷅ŋnda̍ŋ mā wā nu̍a̍ā dēŋīo̍o̍ yɛ̍, le̍nde̍ Mɛ̄lɛ̄ka̍ dīōm ndɔ̄ɔ̍ ō wa̍ fūlāa̍ ni̍. 20O̍ ko̍ŋ, mi̍ Mɛ̄lɛ̄ka̍ Ya̍a̍wɛ̄ɛ̄ o̍ hu̍ŋ to᷅l o̍ Pēmbīī Sa̍a̍nāīve̍ tūllo̍. Mbo̍ vēēlū Mūu̍sē le̍ mbō he᷄l lo̍ŋ, ndu̍yɛ̍ mi̍ Mūu̍sē he᷅l lo̍ŋ. 21Mɛ̄ɛ̍ Mūu̍sē o̍ he᷄l, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl ndu̍ āā, “To̍l mā kɔ̍ si̍la̍ wa᷅ŋnda̍ I̍sɔ̄lūɛ̄ī māā, ā hi̍a̍ū kpe̍le̍ŋ ŋ̄ kīlu̍l nda̍ ko̍ŋ ndo̍ mā kīndi̍ le̍ ya̍ Mɛ̄lɛ̄ka̍ Ya̍a̍wɛ̄ɛ̄ chɔ̄ɔ̍ le̍. Kāni̍, tē ā tōsa̍ ke̍ŋ pɛ̍, ā bɔ̍ɔ̍ bɔ̍ɔ̍ a̍ cho̍ pīɔ̍mndo̍ sɔ̍la̍. 22Ā yɔ᷄ŋ bɛ̍ɛ̍ āā wānāā sōlīāā lāsa̍lāa̍ ni̍, tē ā dīndi̍ nda̍ pi̍la̍, mā sīmnu̍ŋ wa̍nāā kāsī le̍, ā sɔ̄ɔ̄ŋgu̍u̍ ya̍ īkɛ̄i̍ pɛ̍, dɛ̍nɛ̍ pa̍lāa̍ ya̍ Mɛ̄lɛ̄ka̍ Ya̍a̍wɛ̄ɛ̄ tu̍sī nda̍ chōo̍ ni̍.”
23Mi̍ Mūu̍sē di̍mūl Mɛ̄lɛ̄ka̍ Ya̍a̍wɛ̄ɛ̄ āā, “Mɛ̄lɛ̄ka̍, wāŋnda̍ ha̍ā ā to̍sā mā he᷄l o̍ Pēmbēi̍ he̍ī chōo̍ le̍. Kāni̍, nūm pi̍la̍ si̍la̍ nāā a̍ ndi̍ o̍kɔ̄ɔ̄ ni̍, ma̍ dīmūl na̍a̍ māā na̍a̍ ŋ̄ kīōlu̍ kpe̍le̍ŋndo̍ o̍ pēmbēi̍ bɛ̄ŋgu̍ chɛ̍ chɛ̍, fo̍ndōle̍ māā pēmbīī kāsīe̍i̍ i̍ cho̍ ni̍.”
24Mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Mi̍i̍ŋgu̍ mī lā kɔ̍ hu᷅ŋ nya̍ E̍lɔ̄ŋ lātūlu̍. Kɛ̍, mā di̍mu̍l wānāā sōlīāā lāsa̍lāa̍ ā pīli̍a̍a̍, a̍ wānāā tūa̍a̍ māā ā hi̍a̍ū kpe̍le̍ŋndo̍ ho̍ō, le̍ hūnɔ̄ɔ̍ nāa̍ ya̍ Mɛ̄lɛ̄ka̍ Ya̍a̍wɛ̄ɛ̄ chu̍a̍ le̍. Tē a̍ tōsa̍ ke̍ŋ pɛ̍, I̍ tu̍si̍ nda̍ nyɛ̄ pālāa̍ chōo̍.” 25O̍ ko̍ŋ mi̍ Mūu̍sē tu̍āl, nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ dīmu̍l ndu̍, mbo̍ kɔ̍ do̍o̍nu᷄ŋ wa᷅ŋnda̍ ko̍na̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.