Ɛ̍sɔ̍dɔ̍ɔ̄ 16
16
A̍ nyɛ̄ dīāā Mɛ̄lɛ̄ka̍ ke̍ wānāā ndūa̍a̍ wo̍ o̍kɔ̄ɔ̄
1Mī wāŋnda̍ I̍sɔ̄lūɛ̄ī a̍ ma᷅l Ɛ̍līm ma̍ kūā o̍ po̍llo̍ ni᷄ŋ Si᷅ŋ. Po̍llo̍ ho̍ō yɛ̍, ō wa̍ Ɛ̍līm tɛ̍ɛ̄ŋ a̍ Pēmbīī Sa̍a̍nāīve̍. Mālɔ̄ɔ̄ wāŋnda̍ I̍sɔ̄lūɛ̄ī a̍ ma̍l I̍chi̍pī wo̍, pāŋge̍i̍ hīōū ī pīlɛ̍, o̍ pāŋgi̍i̍ dīi̍ŋ ndūɛ̍i̍ ni᷄ŋ mālɔ̄ tɔ̍ a̍ lē ŋūɛ̍ɛ̍nu̍, pāa̍le̍ le̍ŋ nda̍ fūūlūū o̍ fo̍ndāa̍ ho̍ō ni̍. 2O̍ po̍li̍ ko̍ŋ ni᷄ŋ wāŋnda̍ I̍sɔ̄lūɛ̄ī a̍ ŋɔ̍ɔ̍chi̍a̍ŋ nāa̍ Mūu̍sē nda̍ E̍lɔ̄ŋ chūā ni̍. 3Ma̍ dīmī āā, “Ndu̍ o̍o̍ wa᷅ le̍ tu̍u̍ mī Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ chūa̍ yōōmūlā nāāla̍ŋ I̍chi̍pī, mbo̍ hīāū a̍ hūnɔ̄ɔ̍ ho̍ō a̍ nāa̍ o̍ po̍llo̍ ho̍ō ni᷄ŋ mī ŋ̄ hu᷄ŋ chu̍ū a̍ yīa̍a̍ŋ. Kāni̍ fo̍ndōle̍, I̍chi̍pī ndu̍, mī na̍a̍ ŋ̄ de᷅ nyɛ̄ dīa̍a̍, a̍ nyɛ̄ māhīlōo̍ nyɛ̄ kɛ̄ndɛ̍ī mī ŋ̄ pīm cha̍.”
4O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “I̍ cho̍ wāŋnda̍ I̍sɔ̄lūɛ̄ī nyɛ̄ dīa̍a̍ kē, fūlāa̍ o̍ ha̍la̍a̍ ni᷄ŋ mbō tūāl mɛ̄ɛ̍ pīɔ̍ɔ̍ ō sīā nu̍a̍ā yɛ̍. Lēpāla̍ o̍ lēpāla̍, mɛ̄ɛ̍ wāŋndo̍ dīā mbō pīm yɛ̍, le̍nde̍ o̍ chɔ̍ɔ̍vīāā ndu̍ ni̍. Mɛ̍ɛ̍ nu̍a̍ā ya̍ I̍ cho̍ nda̍ tōfā ni̍ le̍ sīnāa̍ tē ā tūɛ̄ī ya̍ ni᷄ŋ di̍ōm pɛ̍. Ndu̍yɛ̍ vɛ̍lɛ̄ le̍ sīnāa̍ māā nyɛ̄ o̍ nyɛ̄ ya̍ I̍ di̍mu̍l nda̍ le̍ tōsāa̍, tē ā tōsa̍ ni᷄ŋ ndu̍ pɛ̍. 5Kɛ̍, o̍ pāa̍le̍ ŋɔ᷄mpu᷅m nde᷅ŋ chōo̍ o̍ lɔ̍ɔ̍ o̍ lɔ̍ɔ̍ ni᷄ŋ, ā nɔ̄ mā chɔ̄ɔ̄vi̍a̍a̍ le̍ pālɛ̍i̍ ī ŋīi̍ŋ, mā tōōsi̍a̍a̍, mā kɛ̄si̍.”
6O̍ ko̍ŋ kɔ̍ɔ̍lī, mi̍ Mūu̍sē nda̍ E̍lɔ̄ŋ a̍ di̍mūl wāŋnda̍ I̍sɔ̄lūɛ̄ī āā, “Chūɛ̄llɛ̄ŋ, lā chō sīnā māā Mɛ̄lɛ̄ka̍ Ya̍a̍wɛ̄ɛ̍ so̍li̍ nya̍ I̍chi̍pī ni̍. 7Sīɔ̄ īdīi̍ lā chō pa̍ŋgēle̍ chɔ᷅m na̍ŋɔ̄ɔ̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍ chɔ̄. Mɛ̄lɛ̄ka̍ tūēī ŋɔ̄ɔ̄chīa̍ŋnda̍ nya̍ wa̍ a̍ ndu̍ la̍ŋ. Na̍a̍ na̍a̍, ŋ̄ cho̍ nyɛ̄ o̍ nyɛ̄ mī lā ŋɔ̄ɔ̄chīa̍ŋ a̍ na̍a̍ le̍.” 8Mi̍ Mūu̍sē hi̍a̍ū lāchī a̍ sūɛ̍i̍ āā, “Lēpāla̍ o̍ lēpāla̍ Mɛ̄lɛ̄ka̍ Ya̍a̍wɛ̄ɛ̄ cho̍ wā nya̍ nyɛ̄ dīa̍a̍ kīo̍o̍ mɛ̄ɛ̍ kpɛ̍ nya̍ yēēmā yɛ̍. Ō chō nya̍ wā vīsīo̍ŋ kīo̍o̍ īchɔ̄l, mbō kē nya̍ bēe̍dīi̍yo̍ īdīi̍ le̍ dīo̍o̍. Kāni̍ fo̍ndōle̍, ō tūēī ŋɔ̄ɔ̄chīa̍ŋnda̍ nya̍ wa̍ la̍ŋ. Ŋɔ̄ɔ̄chīa̍ŋ o̍ ŋɔ̄ɔ̄chīa̍ŋ nya̍ wa̍ ō cho̍ a̍ na̍a̍ le̍ nya̍ wa̍ ŋɔ̄ɔ̄chīa̍ŋndo̍ le̍, a̍ Mɛ̄lɛ̄ka̍ kpe̍e̍kpe̍i̍ nya̍ wa̍ ŋɔ̄ɔ̄chīa̍ŋndo̍ ni̍, kāni̍ fo̍ndōle̍, na̍a̍ na̍a̍ ŋ̄ cho̍ nyɛ̄ o̍ nyɛ̄ le̍.”
9O̍ ko̍ŋ kɔ̍ɔ̍lī, mi̍ Mūu̍sē di̍mu̍l E̍lɔ̄ŋ āā, “Di̍mu̍l wa᷅ŋnda̍ I̍sɔ̄lūɛ̄ī nda̍ kpo̍u̍ mā hīŋ mā hu᷄ŋ si᷅m Mɛ̄lɛ̄ka̍ Ya̍a̍wɛ̄ɛ̄ lāchī. Mɛ̄lɛ̄ka̍ tūēī ŋɔ̄ɔ̄chīa̍ŋnda̍ ndāla̍ŋ.” 10O̍ ko̍ŋ, mi̍ E̍lɔ̄ŋ ka̍ndū sūɛ̍i̍ nāa̍ wāŋnda̍ I̍sɔ̄lūɛ̄ī chūā. Bōōndi̍i̍ E̍lɔ̄ŋ wa̍ sūɛ̍i̍ nāa̍ wāŋnda̍ chūā ve̍, mɛ̄ɛ̍ nda̍ mūli̍ hɔ̄lla̍ kūmbū po̍llo̍, o̍ lē pīlɛ̍ ni᷄ŋ kpe̍ ma̍ chā pa̍ŋgēle̍ bɛ̄ndu̍ chɔ᷅m na̍ŋɔ̄ɔ̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍ fūlāa̍ o̍ ha̍la̍a̍ ni᷄ŋ. 11O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 12“Ŋ̄ɔ̄ɔ̄chīa̍ŋ o̍ ŋɔ̄ɔ̄chīa̍ŋ wāŋnda̍ I̍sɔ̄lūɛ̄ī a̍ cho̍, I̍ tu̍e̍ī. Le̍la̍ŋ, di̍mu̍l nda̍ māā lēpāla̍ o̍ lēpāla̍, I̍ cho̍ nda̍ wā nyɛ̄ dīa̍a̍ kīo̍o̍ mɛ̄ɛ̍ kpɛ̍ nda̍ yēēmā yɛ̍. Īchɔ̄l o̍ īchɔ̄l, I̍ cho̍ nda̍ wā nyɛ̄ māhīlōo̍ kīo̍o̍, mī wa̍ nda̍ bēe̍dīi̍yo̍ kīo̍o̍ īdīi̍. O̍ ko̍ŋ, mā sīna̍ māā ya̍ Mɛ̄lɛ̄ka̍ Ya̍a̍wɛ̄ɛ̄, māā ya̍ cho̍ Mɛ̄lɛ̄ka̍ ndāa̍ ni̍.”
13Pāa̍le̍ le̍ŋ mɛ̄ɛ̍ pāa̍le̍ lē yɔ̄ŋgu̍ŋ, mi̍ wɔ̄lla̍ hūŋ ku̍ndā bɛ̄ndōo̍, ma̍ hu᷄ŋ ti̍ū o̍ dɔ̍ɔ̍ŋgɔ̍ I̍sɔ̄lūɛ̍i̍ya̍ a̍ wa̍ ni᷄ŋ ndo̍ kpo̍u̍. Dīi̍mā ndɔ̄ɔ̍, mi̍ mɔ᷄mndo̍ tūāl o̍ dɔ̍ɔ̍ŋgɔ̍ɔ̍ ni᷄ŋ mbo̍ kūmbū lɛ̄ŋnde̍ŋ kpu̍. 14Mɛ̄ɛ̍ mɔ᷄mndo̍ fāŋa̍ŋ, mi̍ nyɛ̄ fɛ̍fɛ̍dɛ̍ɛ̍ pūm ō lō lɛ̄ŋ, ō tīūwāā o̍ dɔ̍ɔ̍ŋgɔ̍ɔ̍ ni᷄ŋ kpo̍u̍. Nyɔ̄ɔ̍ ho̍ō yɛ̍, wānā a̍a̍ che᷅ ndu̍ pɛ̍ āā dɛ̄mdɛ̄mndo̍ ni̍. 15Mɛ̄ɛ̍ I̍sɔ̄lūɛ̍i̍ya̍ chē nyɔ̄ɔ̍ ho̍ō, ma̍ nyūūni̍āŋ āā, “Ō yɛ̄ɛ̍nɛ̍ cho̍ yɛ̄ ho̍ō?” Kāni̍ fo̍ndōle̍, lē pīlɛ̍ bɛ̍ɛ̍ nda̍ a̍a̍ si̍nā ndu̍ le̍.
O̍ ko̍ŋ, mi̍ Mūu̍sē di̍mūl nda̍ āā, “Nyɛ̄ dīāā Mɛ̄lɛ̄ka̍ Ya̍a̍wɛ̄ɛ̄ ke̍ nya̍ le̍ dīo̍o̍ wo̍, ndu̍ cho̍ ho̍ō ni̍. 16Kɛ̍ nyɛ̄ dīa̍a̍ ho̍ō nyɛ̄ Mɛ̄lɛ̄ka̍ Ya̍a̍wɛ̄ɛ̄ di̍mi̍ a̍ ndu̍ o̍kɔ̄ɔ̄ wo̍ cho̍ ho̍ō ni̍. Ō dīmi̍ māā nyɛ̄ dīa̍a̍ ho̍ō, wānā o̍ wānā ā nɔ̄ mā chɔ̍ɔ̍vi̍a̍a̍ ndu̍ mɛ̄ɛ̍ kpɛ̍ o̍ wa᷅ tu̍u̍le̍ŋ le̍ di̍o̍ nu̍mndo̍ o̍ pāa̍le̍ŋ ni᷄ŋ yɛ̍. Mɛ̄ɛ̍ wāŋndo̍ nɔ̄ wa᷅ŋnda̍ chīɛ̄ī ni᷄ŋ yɛ̍, le̍nde̍ o̍ nɔ̍ ni̍ mbō chu̍a̍. Wānā pi᷅lɛ̍, ō nɔ̄ mbō sɔ̄la̍ nyɛ̄ dīa̍a̍ ho̍ō mɛ̄ŋnjɛ̄i̍yo̍#16:16 Mɛ̄ŋnjɛ̄i̍yo̍: O̍ yāu̍la̍ŋ lā pu᷄m ni᷄ŋ, ā vēēlu̍ nyɛ̄ tūwāa̍ ho̍ō āā, “O̍mā,” ɔ̄ɔ̄ “Li̍tɛ̄i̍yo̍.” cha̍.”
17Ndu̍yɛ̍, mɛ̄ɛ̍ Mūu̍sē di̍mu̍l wāŋnda̍ I̍sɔ̄lūɛ̄ī le̍ tōsāa̍ yɛ̍, le̍nde̍ nda̍ tōsa̍ ni̍. Mi̍ ā ti᷄ŋ ā chūā ta̍u̍, mi̍ ā ti᷄ŋ ā chūā nyɛ̄ pɔ̄mbɔ̄. 18Ndu̍yɛ̍, mɛ̄ɛ̍ nda̍ chɔ̄ɔ̄vi̍a̍a̍ nyɛ̄ dīa̍a̍ ho̍ō ma̍ tūū ndu̍, mi̍ wānā o̍ wānā sɔ̍lā mɛ̄ɛ̍ o̍ ye̍e̍ma̍ yɛ̍. Wānāā nda̍ a̍a̍ nɔ̍ le̍ sɔ̄lāa̍ ta̍u̍ wa̍, ma̍ sɔ̄lā tūu̍le̍ŋ. A̍ nda̍ a̍a̍ nɔ̍ le̍ sɔ̄lāa̍ nyɛ̄ pɔ̄mbɔ̄ wa̍, ma̍ sɔ̄lā tūu̍le̍ŋ. 19Mi̍ Mūu̍sē di̍mūl nda̍ āā, “Wānā o̍ wānā mɛ̄ɛ̍ kpɛ̍ ŋ̄ nɔ̄ le̍ nyɛ̄ dīa̍a̍ dīo̍o̍ o̍ pāa̍le̍ŋ ni᷄ŋ yɛ̍, le̍nde̍ ŋ̄ nɔ̄ ni̍ mā chɔ̍ɔ̍vi̍a̍a̍. Ndu̍yɛ̍ ō nɔ̍ mbō lɔ᷄l ku̍ya̍ le̍.” 20Kɛ̍, a̍ sīlā Mūu̍sē si̍la̍ nda̍ ko̍ŋ ndo̍ kpo̍u̍, wāŋnda̍ ā ti᷄ŋ a̍ ye᷄ŋ Mūu̍sē lānī le̍. Ma̍ lɔ̄lī nyɛ̄ dīa̍a̍ ho̍ō ku̍ya̍. Kɛ̍, mi̍ ō nda̍ lɔ̄li̍ ko̍ŋ ku̍ya̍a̍ wo̍ ō sīā. Mi̍ chāa̍ lūɛ̄ī, mbo̍ chūŋ. O̍ ko̍ŋ, mi̍ Mūu̍sē du̍a̍u̍nu᷄ŋ tu̍mbe̍ a̍ nda̍. 21Mɛ̄ɛ̍ nu̍a̍ā wāŋnda̍ I̍sɔ̄lūɛ̄ī nda̍ a̍a̍ chɔ̍ɔ̍vīāā nyɛ̍ dīa̍a̍ ho̍ō ni̍, īdīi̍ o̍ īdīi̍, tē pāa̍le̍ŋ lē sɛ̄ pɛ̍, wānā o̍ wānā kɔ̍ chɔ̄ɔ̄vīāā nyɛ̄ di̍a̍a̍ ho̍ō mɛ̄ɛ̍ kpɛ̍ ndu̍ o̍o̍ nɔ̄ le̍ chɔ̄ɔ̄vi̍a̍a̍ le̍ dīo̍o̍ o̍ pāa̍le̍ŋ ni᷄ŋ yɛ̍. Ō tɔ̍ lo̍ ho̍ō lɛ̄ŋ ndo̍, tē pāa̍le̍ŋ lē kēndū pɛ̍ kpo᷅ke̍, ō tēŋga̍ŋ.
22Kɛ̍, o̍ pāa̍le̍ ŋɔ̍mpu᷅m nde̍ŋ chōo̍, wānā o̍ wānā ndu̍ o̍o̍ nɔ̍ mbō chɔ̄ɔ̄vi̍a̍a̍ nyɛ̄ dīa̍a̍ ho̍ō le̍ pālɛ̍i̍ ī ŋīi̍ŋ, pāa̍le̍ le̍ŋ, a̍ dīi̍mā ndɔ̄ɔ̍. Wānā o̍ wānā ndu̍ o̍o̍ nɔ̍ mī ndu̍ o̍o̍ sɔ̍la̍ mɛ̄ŋnjɛ̄i̍yo̍ lē dīi̍ŋ. Mi̍ lāŋgba̍ā kālla̍ I̍sɔ̄lūɛ̄ī a̍ ko̍ōndi̍āŋ ma̍ hu᷄ŋ di̍mūl Mūu̍sē a̍ nyɛ̄ wāŋnda̍ ā wa̍ ho̍ō tōsāa̍ wo̍ o̍kɔ̄ɔ̄. 23Mi̍ Mūu̍sē di̍mūl nda̍, āā, “Nyɛ̄ Mɛ̄lɛ̄ka̍ Ya̍a̍wɛ̄ɛ̄ pi̍la̍ di̍mi̍ wo̍ ndu̍ cho̍ ko̍ŋ ni̍. Ō dīmi̍ māā sīɔ̄dīi̍, pāa̍le̍ ndɔ̄le̍ pɛ̍ŋgīāāle̍ŋ le̍ cho̍ ni̍, pāa̍le̍ cho̍ lē yɔ̄ŋga᷄ŋ nāa̍ ndu̍ chu̍a̍ le̍ ndu̍ bɛ̄ɛ̄le̍ŋ kīo̍o̍ le̍ŋ. Le̍la̍ŋ, lā nɔ̄ mī lā bɛ̄ɛ̄ndīa̍a̍ nyɛ̄ dīa̍a̍ nya̍ nɔ̄ le̍ dīo̍o̍ sīɔ̄dīi̍ yo̍ hāū mī lā kɛ̄si̍ ndu̍, ō nya̍ nɔ̄ le̍ yāūwo̍ wo̍ lā yāu̍, ō nya̍ nɔ̄ le̍ tōŋgɔ̄ɔ̍ wo̍, lā tōŋ.” 24Ndu̍yɛ̍ mɛ̄ɛ̍ Mūu̍sē o̍ di̍mu̍l nda̍ le̍ tōsāa̍ yɛ̍, le̍nde̍ ko̍ni̍ nda̍ tōsa̍ ni̍. Ma̍ kɛ̄sī nyɛ̄ dīa̍a̍ ō ti᷄ŋ le̍ dīi̍mā ndɔ̄ɔ̍. Kɛ̍, ō nda̍ kɛ̄si̍ ko̍ŋ ndo̍, ō chu᷄ŋ mī chāa̍ ā lūɛ̄ī lēni᷄ŋ te̍. 25Dīi̍mā ndɔ̄ɔ̍, mi̍ Mūu̍sē di̍mūl nda̍ āā, “Lā di̍o̍ nyɛ̍ dīāā ho̍ō hāū. Hāū ndu̍, pāa̍le̍ pɛ̍ŋgīāāle̍ cho̍ le̍ Mɛ̄lɛ̄ka̍ Ya̍a̍wɛ̄ɛ̄ bɛ̄ɛ̄le̍ŋ kīo̍o̍ le̍ŋ le̍ cho̍ ni̍. Wānā se̍e̍lūŋ ha̍ū nyɛ̄ o̍ nyɛ̄ dīāā lɛ̄ŋ te̍. 26Pālɛ̍i̍ ī ŋɔ᷄mpu᷅m lā chō wā nyɛ̄ dīa̍a̍ ho̍ō kɔ̄la̍ŋ chɔ̄ɔ̄vi̍a̍a̍. Kɛ̍ pāa̍le̍ ŋɔ᷄mmɛ̍ūle̍ŋ nde̍ŋ, pāa̍le̍ pɛ̍ŋgīāā le̍ŋ le̍ cho̍ ni̍, lā chi᷅ ni̍ŋ nyɛ̄ dīāā o̍ nyɛ̄ dīāā le̍ mī lā chɔ̄ɔ̄vi̍a̍a̍ le̍.”
27Kɛ̍, wāŋnda̍ ā ti᷄ŋ ā tūi̍i̍ nyɛ̄ Mūu̍sē di̍mu̍l nda̍ wo̍ le̍. O̍ pāa̍le̍ ŋɔ᷄mmɛ̍ūle̍ŋ chōo̍ bɛ̍ɛ̍, ma̍ kūā nyɛ̄ dīa̍a̍ nūūvīa̍a̍. Kɛ̍, ā sēēlu̍ŋ nyɛ᷅ o̍ nyɛ̄ le̍. 28O̍ ko̍ŋ, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Vɛ᷅ mi̍ wāŋnda̍ ha̍ā ā wā hīōūwɔ̄ɔ̍ lāchī a̍ ya̍ dīōmndo̍ kīɔ̍ɔ̍, ā chu̍ē sa̍wāla̍ nīla̍ŋ te̍? 29Ya̍ Mɛ̄lɛ̄ka̍ Ya̍a̍wɛ̄ɛ̄ ke̍ nya̍ pāa̍le̍ŋ nde᷅ŋ hāū ni̍ māā pāa̍le̍ pɛ̍ŋgīāā. Le̍ sa̍bu̍ ko̍ŋ ya̍ I̍ di̍mi̍ ni̍ māā, wānā o̍ wānā ō nɔ̄ mbō chɔ̄ɔ̄vi̍a̍a̍ nyɛ̄ dīa̍a̍ o̍ pāa̍le̍ ŋɔ᷄mpu᷅m nde̍ŋ chōo̍ le̍ pālɛ̍i̍ ī ŋīi̍ŋ. Wānā o̍ wānā nɔ̍ mbō kūɛ̄ īnɛ̍ o̍ pāa̍le̍ ŋɔ᷄mmɛ̍ūle̍ŋ chōo̍ le̍. Wānā ō wānā ā nɔ̄ mā wa̍ o̍ nūmndo̍ chi̍ɛ̍ī ni᷄ŋ.” 30O̍ ko̍ŋ, mi̍ wāŋnda̍ wā pɛ̄ŋgīo̍o̍ o̍ pāa̍le̍ ŋɔ̍mmɛ̍ū le̍ŋ chōo̍.
31Nyɛ̄ dīāā ho̍ō mi̍ wāŋnda̍ I̍sɔ̄lūɛ̄ī a̍ ke᷅ ndu̍ dīōla̍ŋ āā Ma̍nā. Nyɛ̄ dīa̍a̍ ho̍ō yɛ̍, ō pɔ̄mbɔ̄ nu̍a̍ā kpɛ̍dɛ̍ o̍ wa̍ ni̍, māā ku̍lu̍ pu̍m. Ō hūmbū, yēēlāa̍ māā dɛ̄ɛ̍ mālɛ̄. 32O̍ ko̍ŋ kɔ̍ɔ̍lī, mi̍ Mūu̍sē di̍mūl wāŋnda̍ I̍sɔ̄lūɛ̄ī āā, “Mɛ̄lɛ̄ka̍ Ya̍a̍wɛ̄ɛ̄ di̍mu̍l na̍a̍ māā na̍a̍ ŋ̄ chūa̍ nyɛ̄ dīa̍a̍ ho̍ō mɛ̄ŋnjɛ̄i̍yo̍ cha̍. Mī ŋ̄ hu᷄ŋ chɔ᷅m fɛ̍ɛ̍ŋ chu̍a̍u̍wāā na̍a̍, a̍ chūāūwāā nāā ma̍māa̍, māā bōōndi̍i̍ Mɛ̄lɛ̄ka̍ Ya̍a̍wɛ̄ɛ̄ o̍ so̍li̍ na̍a̍ o̍ chɛ̄le̍ŋ ni᷄ŋ I̍chi̍pī mbo̍ wā hūnɔ̄ɔ̍ a̍ na̍a̍ ve̍, nyɛ̄ dīāā o̍ ke̍ na̍a̍ o̍ po̍llo̍ ni᷄ŋ ndo̍, ndu̍ cho̍ ho̍ō ni̍.” 33O̍ ko̍ŋ, mi̍ Mūu̍sē di̍mūl E̍lɔ̄ŋ āā, “Tu̍u̍ nyɛ̄ dīa̍a̍ ho̍ō mɛ̄ŋnjɛ̄i̍yo̍ cha̍. Mā dɔ̄ū ndu̍ o̍ kpɛ̍ɛ̍nɛ̍i̍ ni᷄ŋ, mā kɔ̍ kɛ̍sī ndu̍ o̍ fo̍nda᷄ŋ Mɛ̄lɛ̄ka̍ Ya̍a̍wɛ̄ɛ̄ wo̍ lāchī. Le̍ mī ŋ̄ hu᷄ŋ chɔ᷅m fɛ̍ɛ̍ŋ chu̍a̍u̍wāā na̍a̍ a̍ chūāūwāā nāā ma̍māa̍.” 34Ndu̍yɛ̍, mi̍ E̍lɔ̄ŋ to̍sā mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ di̍mu̍l Mūu̍sē, mi̍ Mūu̍sē di̍mūl ndu̍ yɛ̍. Mbo̍ chūā nyɛ̄ dīa̍a̍ ho̍ō, mbo̍ kɛ̄sī ndu̍ kɔ̍fū kpe̍ma̍ Mɛ̄lɛ̄ka̍a̍ lāchī le̍ mbō wa̍ ō kɛ̄sīāā lo̍ŋ le̍ fɛ̍ɛ̍ŋ. 35Le̍ wɔ̄sīla̍ŋ be̍le̍-hi̍ɔ̍ɔ̍lu̍ (40) wāŋnda̍ I̍sɔ̄lūɛ̄ī a̍ wa̍ nyɛ̄ dīa̍a̍ ho̍ō dīo̍o̍. Ā lo̍ ndu̍ dīo̍o̍ ha̍a̍a̍ ma̍ fūūlūū o̍ lɛ̄ŋndē Ke̍nāŋnde̍ŋ ni᷄ŋ, nāa̍ nda̍ kɔ̍ cha᷅l la̍. 36Nyɛ̄ nda̍ a̍a̍ tu̍ū nyɛ̍ dīa̍a̍ ho̍ō wo̍ tɔ̍, ndu̍ o̍o̍ wa᷅ ka̍āsi̍i̍yo̍ cha̍.#16:36 O̍ yāu̍ māHi̍būlūi̍yo̍ ni᷄ŋ, ā dīmi̍ āā, “O̍mā wa̍ pɛ̍ tɔ̍, ō chūā ɛ̍fā lēpīlɛ̍.”
Currently Selected:
Ɛ̍sɔ̍dɔ̍ɔ̄ 16: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 16
16
A̍ nyɛ̄ dīāā Mɛ̄lɛ̄ka̍ ke̍ wānāā ndūa̍a̍ wo̍ o̍kɔ̄ɔ̄
1Mī wāŋnda̍ I̍sɔ̄lūɛ̄ī a̍ ma᷅l Ɛ̍līm ma̍ kūā o̍ po̍llo̍ ni᷄ŋ Si᷅ŋ. Po̍llo̍ ho̍ō yɛ̍, ō wa̍ Ɛ̍līm tɛ̍ɛ̄ŋ a̍ Pēmbīī Sa̍a̍nāīve̍. Mālɔ̄ɔ̄ wāŋnda̍ I̍sɔ̄lūɛ̄ī a̍ ma̍l I̍chi̍pī wo̍, pāŋge̍i̍ hīōū ī pīlɛ̍, o̍ pāŋgi̍i̍ dīi̍ŋ ndūɛ̍i̍ ni᷄ŋ mālɔ̄ tɔ̍ a̍ lē ŋūɛ̍ɛ̍nu̍, pāa̍le̍ le̍ŋ nda̍ fūūlūū o̍ fo̍ndāa̍ ho̍ō ni̍. 2O̍ po̍li̍ ko̍ŋ ni᷄ŋ wāŋnda̍ I̍sɔ̄lūɛ̄ī a̍ ŋɔ̍ɔ̍chi̍a̍ŋ nāa̍ Mūu̍sē nda̍ E̍lɔ̄ŋ chūā ni̍. 3Ma̍ dīmī āā, “Ndu̍ o̍o̍ wa᷅ le̍ tu̍u̍ mī Mɛ̄lɛ̄ka̍ Ya̍a̍wɛ̄ɛ̄ ndu̍ o̍o̍ chūa̍ yōōmūlā nāāla̍ŋ I̍chi̍pī, mbo̍ hīāū a̍ hūnɔ̄ɔ̍ ho̍ō a̍ nāa̍ o̍ po̍llo̍ ho̍ō ni᷄ŋ mī ŋ̄ hu᷄ŋ chu̍ū a̍ yīa̍a̍ŋ. Kāni̍ fo̍ndōle̍, I̍chi̍pī ndu̍, mī na̍a̍ ŋ̄ de᷅ nyɛ̄ dīa̍a̍, a̍ nyɛ̄ māhīlōo̍ nyɛ̄ kɛ̄ndɛ̍ī mī ŋ̄ pīm cha̍.”
4O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “I̍ cho̍ wāŋnda̍ I̍sɔ̄lūɛ̄ī nyɛ̄ dīa̍a̍ kē, fūlāa̍ o̍ ha̍la̍a̍ ni᷄ŋ mbō tūāl mɛ̄ɛ̍ pīɔ̍ɔ̍ ō sīā nu̍a̍ā yɛ̍. Lēpāla̍ o̍ lēpāla̍, mɛ̄ɛ̍ wāŋndo̍ dīā mbō pīm yɛ̍, le̍nde̍ o̍ chɔ̍ɔ̍vīāā ndu̍ ni̍. Mɛ̍ɛ̍ nu̍a̍ā ya̍ I̍ cho̍ nda̍ tōfā ni̍ le̍ sīnāa̍ tē ā tūɛ̄ī ya̍ ni᷄ŋ di̍ōm pɛ̍. Ndu̍yɛ̍ vɛ̍lɛ̄ le̍ sīnāa̍ māā nyɛ̄ o̍ nyɛ̄ ya̍ I̍ di̍mu̍l nda̍ le̍ tōsāa̍, tē ā tōsa̍ ni᷄ŋ ndu̍ pɛ̍. 5Kɛ̍, o̍ pāa̍le̍ ŋɔ᷄mpu᷅m nde᷅ŋ chōo̍ o̍ lɔ̍ɔ̍ o̍ lɔ̍ɔ̍ ni᷄ŋ, ā nɔ̄ mā chɔ̄ɔ̄vi̍a̍a̍ le̍ pālɛ̍i̍ ī ŋīi̍ŋ, mā tōōsi̍a̍a̍, mā kɛ̄si̍.”
6O̍ ko̍ŋ kɔ̍ɔ̍lī, mi̍ Mūu̍sē nda̍ E̍lɔ̄ŋ a̍ di̍mūl wāŋnda̍ I̍sɔ̄lūɛ̄ī āā, “Chūɛ̄llɛ̄ŋ, lā chō sīnā māā Mɛ̄lɛ̄ka̍ Ya̍a̍wɛ̄ɛ̍ so̍li̍ nya̍ I̍chi̍pī ni̍. 7Sīɔ̄ īdīi̍ lā chō pa̍ŋgēle̍ chɔ᷅m na̍ŋɔ̄ɔ̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍ chɔ̄. Mɛ̄lɛ̄ka̍ tūēī ŋɔ̄ɔ̄chīa̍ŋnda̍ nya̍ wa̍ a̍ ndu̍ la̍ŋ. Na̍a̍ na̍a̍, ŋ̄ cho̍ nyɛ̄ o̍ nyɛ̄ mī lā ŋɔ̄ɔ̄chīa̍ŋ a̍ na̍a̍ le̍.” 8Mi̍ Mūu̍sē hi̍a̍ū lāchī a̍ sūɛ̍i̍ āā, “Lēpāla̍ o̍ lēpāla̍ Mɛ̄lɛ̄ka̍ Ya̍a̍wɛ̄ɛ̄ cho̍ wā nya̍ nyɛ̄ dīa̍a̍ kīo̍o̍ mɛ̄ɛ̍ kpɛ̍ nya̍ yēēmā yɛ̍. Ō chō nya̍ wā vīsīo̍ŋ kīo̍o̍ īchɔ̄l, mbō kē nya̍ bēe̍dīi̍yo̍ īdīi̍ le̍ dīo̍o̍. Kāni̍ fo̍ndōle̍, ō tūēī ŋɔ̄ɔ̄chīa̍ŋnda̍ nya̍ wa̍ la̍ŋ. Ŋɔ̄ɔ̄chīa̍ŋ o̍ ŋɔ̄ɔ̄chīa̍ŋ nya̍ wa̍ ō cho̍ a̍ na̍a̍ le̍ nya̍ wa̍ ŋɔ̄ɔ̄chīa̍ŋndo̍ le̍, a̍ Mɛ̄lɛ̄ka̍ kpe̍e̍kpe̍i̍ nya̍ wa̍ ŋɔ̄ɔ̄chīa̍ŋndo̍ ni̍, kāni̍ fo̍ndōle̍, na̍a̍ na̍a̍ ŋ̄ cho̍ nyɛ̄ o̍ nyɛ̄ le̍.”
9O̍ ko̍ŋ kɔ̍ɔ̍lī, mi̍ Mūu̍sē di̍mu̍l E̍lɔ̄ŋ āā, “Di̍mu̍l wa᷅ŋnda̍ I̍sɔ̄lūɛ̄ī nda̍ kpo̍u̍ mā hīŋ mā hu᷄ŋ si᷅m Mɛ̄lɛ̄ka̍ Ya̍a̍wɛ̄ɛ̄ lāchī. Mɛ̄lɛ̄ka̍ tūēī ŋɔ̄ɔ̄chīa̍ŋnda̍ ndāla̍ŋ.” 10O̍ ko̍ŋ, mi̍ E̍lɔ̄ŋ ka̍ndū sūɛ̍i̍ nāa̍ wāŋnda̍ I̍sɔ̄lūɛ̄ī chūā. Bōōndi̍i̍ E̍lɔ̄ŋ wa̍ sūɛ̍i̍ nāa̍ wāŋnda̍ chūā ve̍, mɛ̄ɛ̍ nda̍ mūli̍ hɔ̄lla̍ kūmbū po̍llo̍, o̍ lē pīlɛ̍ ni᷄ŋ kpe̍ ma̍ chā pa̍ŋgēle̍ bɛ̄ndu̍ chɔ᷅m na̍ŋɔ̄ɔ̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍ fūlāa̍ o̍ ha̍la̍a̍ ni᷄ŋ. 11O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 12“Ŋ̄ɔ̄ɔ̄chīa̍ŋ o̍ ŋɔ̄ɔ̄chīa̍ŋ wāŋnda̍ I̍sɔ̄lūɛ̄ī a̍ cho̍, I̍ tu̍e̍ī. Le̍la̍ŋ, di̍mu̍l nda̍ māā lēpāla̍ o̍ lēpāla̍, I̍ cho̍ nda̍ wā nyɛ̄ dīa̍a̍ kīo̍o̍ mɛ̄ɛ̍ kpɛ̍ nda̍ yēēmā yɛ̍. Īchɔ̄l o̍ īchɔ̄l, I̍ cho̍ nda̍ wā nyɛ̄ māhīlōo̍ kīo̍o̍, mī wa̍ nda̍ bēe̍dīi̍yo̍ kīo̍o̍ īdīi̍. O̍ ko̍ŋ, mā sīna̍ māā ya̍ Mɛ̄lɛ̄ka̍ Ya̍a̍wɛ̄ɛ̄, māā ya̍ cho̍ Mɛ̄lɛ̄ka̍ ndāa̍ ni̍.”
13Pāa̍le̍ le̍ŋ mɛ̄ɛ̍ pāa̍le̍ lē yɔ̄ŋgu̍ŋ, mi̍ wɔ̄lla̍ hūŋ ku̍ndā bɛ̄ndōo̍, ma̍ hu᷄ŋ ti̍ū o̍ dɔ̍ɔ̍ŋgɔ̍ I̍sɔ̄lūɛ̍i̍ya̍ a̍ wa̍ ni᷄ŋ ndo̍ kpo̍u̍. Dīi̍mā ndɔ̄ɔ̍, mi̍ mɔ᷄mndo̍ tūāl o̍ dɔ̍ɔ̍ŋgɔ̍ɔ̍ ni᷄ŋ mbo̍ kūmbū lɛ̄ŋnde̍ŋ kpu̍. 14Mɛ̄ɛ̍ mɔ᷄mndo̍ fāŋa̍ŋ, mi̍ nyɛ̄ fɛ̍fɛ̍dɛ̍ɛ̍ pūm ō lō lɛ̄ŋ, ō tīūwāā o̍ dɔ̍ɔ̍ŋgɔ̍ɔ̍ ni᷄ŋ kpo̍u̍. Nyɔ̄ɔ̍ ho̍ō yɛ̍, wānā a̍a̍ che᷅ ndu̍ pɛ̍ āā dɛ̄mdɛ̄mndo̍ ni̍. 15Mɛ̄ɛ̍ I̍sɔ̄lūɛ̍i̍ya̍ chē nyɔ̄ɔ̍ ho̍ō, ma̍ nyūūni̍āŋ āā, “Ō yɛ̄ɛ̍nɛ̍ cho̍ yɛ̄ ho̍ō?” Kāni̍ fo̍ndōle̍, lē pīlɛ̍ bɛ̍ɛ̍ nda̍ a̍a̍ si̍nā ndu̍ le̍.
O̍ ko̍ŋ, mi̍ Mūu̍sē di̍mūl nda̍ āā, “Nyɛ̄ dīāā Mɛ̄lɛ̄ka̍ Ya̍a̍wɛ̄ɛ̄ ke̍ nya̍ le̍ dīo̍o̍ wo̍, ndu̍ cho̍ ho̍ō ni̍. 16Kɛ̍ nyɛ̄ dīa̍a̍ ho̍ō nyɛ̄ Mɛ̄lɛ̄ka̍ Ya̍a̍wɛ̄ɛ̄ di̍mi̍ a̍ ndu̍ o̍kɔ̄ɔ̄ wo̍ cho̍ ho̍ō ni̍. Ō dīmi̍ māā nyɛ̄ dīa̍a̍ ho̍ō, wānā o̍ wānā ā nɔ̄ mā chɔ̍ɔ̍vi̍a̍a̍ ndu̍ mɛ̄ɛ̍ kpɛ̍ o̍ wa᷅ tu̍u̍le̍ŋ le̍ di̍o̍ nu̍mndo̍ o̍ pāa̍le̍ŋ ni᷄ŋ yɛ̍. Mɛ̄ɛ̍ wāŋndo̍ nɔ̄ wa᷅ŋnda̍ chīɛ̄ī ni᷄ŋ yɛ̍, le̍nde̍ o̍ nɔ̍ ni̍ mbō chu̍a̍. Wānā pi᷅lɛ̍, ō nɔ̄ mbō sɔ̄la̍ nyɛ̄ dīa̍a̍ ho̍ō mɛ̄ŋnjɛ̄i̍yo̍#16:16 Mɛ̄ŋnjɛ̄i̍yo̍: O̍ yāu̍la̍ŋ lā pu᷄m ni᷄ŋ, ā vēēlu̍ nyɛ̄ tūwāa̍ ho̍ō āā, “O̍mā,” ɔ̄ɔ̄ “Li̍tɛ̄i̍yo̍.” cha̍.”
17Ndu̍yɛ̍, mɛ̄ɛ̍ Mūu̍sē di̍mu̍l wāŋnda̍ I̍sɔ̄lūɛ̄ī le̍ tōsāa̍ yɛ̍, le̍nde̍ nda̍ tōsa̍ ni̍. Mi̍ ā ti᷄ŋ ā chūā ta̍u̍, mi̍ ā ti᷄ŋ ā chūā nyɛ̄ pɔ̄mbɔ̄. 18Ndu̍yɛ̍, mɛ̄ɛ̍ nda̍ chɔ̄ɔ̄vi̍a̍a̍ nyɛ̄ dīa̍a̍ ho̍ō ma̍ tūū ndu̍, mi̍ wānā o̍ wānā sɔ̍lā mɛ̄ɛ̍ o̍ ye̍e̍ma̍ yɛ̍. Wānāā nda̍ a̍a̍ nɔ̍ le̍ sɔ̄lāa̍ ta̍u̍ wa̍, ma̍ sɔ̄lā tūu̍le̍ŋ. A̍ nda̍ a̍a̍ nɔ̍ le̍ sɔ̄lāa̍ nyɛ̄ pɔ̄mbɔ̄ wa̍, ma̍ sɔ̄lā tūu̍le̍ŋ. 19Mi̍ Mūu̍sē di̍mūl nda̍ āā, “Wānā o̍ wānā mɛ̄ɛ̍ kpɛ̍ ŋ̄ nɔ̄ le̍ nyɛ̄ dīa̍a̍ dīo̍o̍ o̍ pāa̍le̍ŋ ni᷄ŋ yɛ̍, le̍nde̍ ŋ̄ nɔ̄ ni̍ mā chɔ̍ɔ̍vi̍a̍a̍. Ndu̍yɛ̍ ō nɔ̍ mbō lɔ᷄l ku̍ya̍ le̍.” 20Kɛ̍, a̍ sīlā Mūu̍sē si̍la̍ nda̍ ko̍ŋ ndo̍ kpo̍u̍, wāŋnda̍ ā ti᷄ŋ a̍ ye᷄ŋ Mūu̍sē lānī le̍. Ma̍ lɔ̄lī nyɛ̄ dīa̍a̍ ho̍ō ku̍ya̍. Kɛ̍, mi̍ ō nda̍ lɔ̄li̍ ko̍ŋ ku̍ya̍a̍ wo̍ ō sīā. Mi̍ chāa̍ lūɛ̄ī, mbo̍ chūŋ. O̍ ko̍ŋ, mi̍ Mūu̍sē du̍a̍u̍nu᷄ŋ tu̍mbe̍ a̍ nda̍. 21Mɛ̄ɛ̍ nu̍a̍ā wāŋnda̍ I̍sɔ̄lūɛ̄ī nda̍ a̍a̍ chɔ̍ɔ̍vīāā nyɛ̍ dīa̍a̍ ho̍ō ni̍, īdīi̍ o̍ īdīi̍, tē pāa̍le̍ŋ lē sɛ̄ pɛ̍, wānā o̍ wānā kɔ̍ chɔ̄ɔ̄vīāā nyɛ̄ di̍a̍a̍ ho̍ō mɛ̄ɛ̍ kpɛ̍ ndu̍ o̍o̍ nɔ̄ le̍ chɔ̄ɔ̄vi̍a̍a̍ le̍ dīo̍o̍ o̍ pāa̍le̍ŋ ni᷄ŋ yɛ̍. Ō tɔ̍ lo̍ ho̍ō lɛ̄ŋ ndo̍, tē pāa̍le̍ŋ lē kēndū pɛ̍ kpo᷅ke̍, ō tēŋga̍ŋ.
22Kɛ̍, o̍ pāa̍le̍ ŋɔ̍mpu᷅m nde̍ŋ chōo̍, wānā o̍ wānā ndu̍ o̍o̍ nɔ̍ mbō chɔ̄ɔ̄vi̍a̍a̍ nyɛ̄ dīa̍a̍ ho̍ō le̍ pālɛ̍i̍ ī ŋīi̍ŋ, pāa̍le̍ le̍ŋ, a̍ dīi̍mā ndɔ̄ɔ̍. Wānā o̍ wānā ndu̍ o̍o̍ nɔ̍ mī ndu̍ o̍o̍ sɔ̍la̍ mɛ̄ŋnjɛ̄i̍yo̍ lē dīi̍ŋ. Mi̍ lāŋgba̍ā kālla̍ I̍sɔ̄lūɛ̄ī a̍ ko̍ōndi̍āŋ ma̍ hu᷄ŋ di̍mūl Mūu̍sē a̍ nyɛ̄ wāŋnda̍ ā wa̍ ho̍ō tōsāa̍ wo̍ o̍kɔ̄ɔ̄. 23Mi̍ Mūu̍sē di̍mūl nda̍, āā, “Nyɛ̄ Mɛ̄lɛ̄ka̍ Ya̍a̍wɛ̄ɛ̄ pi̍la̍ di̍mi̍ wo̍ ndu̍ cho̍ ko̍ŋ ni̍. Ō dīmi̍ māā sīɔ̄dīi̍, pāa̍le̍ ndɔ̄le̍ pɛ̍ŋgīāāle̍ŋ le̍ cho̍ ni̍, pāa̍le̍ cho̍ lē yɔ̄ŋga᷄ŋ nāa̍ ndu̍ chu̍a̍ le̍ ndu̍ bɛ̄ɛ̄le̍ŋ kīo̍o̍ le̍ŋ. Le̍la̍ŋ, lā nɔ̄ mī lā bɛ̄ɛ̄ndīa̍a̍ nyɛ̄ dīa̍a̍ nya̍ nɔ̄ le̍ dīo̍o̍ sīɔ̄dīi̍ yo̍ hāū mī lā kɛ̄si̍ ndu̍, ō nya̍ nɔ̄ le̍ yāūwo̍ wo̍ lā yāu̍, ō nya̍ nɔ̄ le̍ tōŋgɔ̄ɔ̍ wo̍, lā tōŋ.” 24Ndu̍yɛ̍ mɛ̄ɛ̍ Mūu̍sē o̍ di̍mu̍l nda̍ le̍ tōsāa̍ yɛ̍, le̍nde̍ ko̍ni̍ nda̍ tōsa̍ ni̍. Ma̍ kɛ̄sī nyɛ̄ dīa̍a̍ ō ti᷄ŋ le̍ dīi̍mā ndɔ̄ɔ̍. Kɛ̍, ō nda̍ kɛ̄si̍ ko̍ŋ ndo̍, ō chu᷄ŋ mī chāa̍ ā lūɛ̄ī lēni᷄ŋ te̍. 25Dīi̍mā ndɔ̄ɔ̍, mi̍ Mūu̍sē di̍mūl nda̍ āā, “Lā di̍o̍ nyɛ̍ dīāā ho̍ō hāū. Hāū ndu̍, pāa̍le̍ pɛ̍ŋgīāāle̍ cho̍ le̍ Mɛ̄lɛ̄ka̍ Ya̍a̍wɛ̄ɛ̄ bɛ̄ɛ̄le̍ŋ kīo̍o̍ le̍ŋ le̍ cho̍ ni̍. Wānā se̍e̍lūŋ ha̍ū nyɛ̄ o̍ nyɛ̄ dīāā lɛ̄ŋ te̍. 26Pālɛ̍i̍ ī ŋɔ᷄mpu᷅m lā chō wā nyɛ̄ dīa̍a̍ ho̍ō kɔ̄la̍ŋ chɔ̄ɔ̄vi̍a̍a̍. Kɛ̍ pāa̍le̍ ŋɔ᷄mmɛ̍ūle̍ŋ nde̍ŋ, pāa̍le̍ pɛ̍ŋgīāā le̍ŋ le̍ cho̍ ni̍, lā chi᷅ ni̍ŋ nyɛ̄ dīāā o̍ nyɛ̄ dīāā le̍ mī lā chɔ̄ɔ̄vi̍a̍a̍ le̍.”
27Kɛ̍, wāŋnda̍ ā ti᷄ŋ ā tūi̍i̍ nyɛ̄ Mūu̍sē di̍mu̍l nda̍ wo̍ le̍. O̍ pāa̍le̍ ŋɔ᷄mmɛ̍ūle̍ŋ chōo̍ bɛ̍ɛ̍, ma̍ kūā nyɛ̄ dīa̍a̍ nūūvīa̍a̍. Kɛ̍, ā sēēlu̍ŋ nyɛ᷅ o̍ nyɛ̄ le̍. 28O̍ ko̍ŋ, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Vɛ᷅ mi̍ wāŋnda̍ ha̍ā ā wā hīōūwɔ̄ɔ̍ lāchī a̍ ya̍ dīōmndo̍ kīɔ̍ɔ̍, ā chu̍ē sa̍wāla̍ nīla̍ŋ te̍? 29Ya̍ Mɛ̄lɛ̄ka̍ Ya̍a̍wɛ̄ɛ̄ ke̍ nya̍ pāa̍le̍ŋ nde᷅ŋ hāū ni̍ māā pāa̍le̍ pɛ̍ŋgīāā. Le̍ sa̍bu̍ ko̍ŋ ya̍ I̍ di̍mi̍ ni̍ māā, wānā o̍ wānā ō nɔ̄ mbō chɔ̄ɔ̄vi̍a̍a̍ nyɛ̄ dīa̍a̍ o̍ pāa̍le̍ ŋɔ᷄mpu᷅m nde̍ŋ chōo̍ le̍ pālɛ̍i̍ ī ŋīi̍ŋ. Wānā o̍ wānā nɔ̍ mbō kūɛ̄ īnɛ̍ o̍ pāa̍le̍ ŋɔ᷄mmɛ̍ūle̍ŋ chōo̍ le̍. Wānā ō wānā ā nɔ̄ mā wa̍ o̍ nūmndo̍ chi̍ɛ̍ī ni᷄ŋ.” 30O̍ ko̍ŋ, mi̍ wāŋnda̍ wā pɛ̄ŋgīo̍o̍ o̍ pāa̍le̍ ŋɔ̍mmɛ̍ū le̍ŋ chōo̍.
31Nyɛ̄ dīāā ho̍ō mi̍ wāŋnda̍ I̍sɔ̄lūɛ̄ī a̍ ke᷅ ndu̍ dīōla̍ŋ āā Ma̍nā. Nyɛ̄ dīa̍a̍ ho̍ō yɛ̍, ō pɔ̄mbɔ̄ nu̍a̍ā kpɛ̍dɛ̍ o̍ wa̍ ni̍, māā ku̍lu̍ pu̍m. Ō hūmbū, yēēlāa̍ māā dɛ̄ɛ̍ mālɛ̄. 32O̍ ko̍ŋ kɔ̍ɔ̍lī, mi̍ Mūu̍sē di̍mūl wāŋnda̍ I̍sɔ̄lūɛ̄ī āā, “Mɛ̄lɛ̄ka̍ Ya̍a̍wɛ̄ɛ̄ di̍mu̍l na̍a̍ māā na̍a̍ ŋ̄ chūa̍ nyɛ̄ dīa̍a̍ ho̍ō mɛ̄ŋnjɛ̄i̍yo̍ cha̍. Mī ŋ̄ hu᷄ŋ chɔ᷅m fɛ̍ɛ̍ŋ chu̍a̍u̍wāā na̍a̍, a̍ chūāūwāā nāā ma̍māa̍, māā bōōndi̍i̍ Mɛ̄lɛ̄ka̍ Ya̍a̍wɛ̄ɛ̄ o̍ so̍li̍ na̍a̍ o̍ chɛ̄le̍ŋ ni᷄ŋ I̍chi̍pī mbo̍ wā hūnɔ̄ɔ̍ a̍ na̍a̍ ve̍, nyɛ̄ dīāā o̍ ke̍ na̍a̍ o̍ po̍llo̍ ni᷄ŋ ndo̍, ndu̍ cho̍ ho̍ō ni̍.” 33O̍ ko̍ŋ, mi̍ Mūu̍sē di̍mūl E̍lɔ̄ŋ āā, “Tu̍u̍ nyɛ̄ dīa̍a̍ ho̍ō mɛ̄ŋnjɛ̄i̍yo̍ cha̍. Mā dɔ̄ū ndu̍ o̍ kpɛ̍ɛ̍nɛ̍i̍ ni᷄ŋ, mā kɔ̍ kɛ̍sī ndu̍ o̍ fo̍nda᷄ŋ Mɛ̄lɛ̄ka̍ Ya̍a̍wɛ̄ɛ̄ wo̍ lāchī. Le̍ mī ŋ̄ hu᷄ŋ chɔ᷅m fɛ̍ɛ̍ŋ chu̍a̍u̍wāā na̍a̍ a̍ chūāūwāā nāā ma̍māa̍.” 34Ndu̍yɛ̍, mi̍ E̍lɔ̄ŋ to̍sā mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ di̍mu̍l Mūu̍sē, mi̍ Mūu̍sē di̍mūl ndu̍ yɛ̍. Mbo̍ chūā nyɛ̄ dīa̍a̍ ho̍ō, mbo̍ kɛ̄sī ndu̍ kɔ̍fū kpe̍ma̍ Mɛ̄lɛ̄ka̍a̍ lāchī le̍ mbō wa̍ ō kɛ̄sīāā lo̍ŋ le̍ fɛ̍ɛ̍ŋ. 35Le̍ wɔ̄sīla̍ŋ be̍le̍-hi̍ɔ̍ɔ̍lu̍ (40) wāŋnda̍ I̍sɔ̄lūɛ̄ī a̍ wa̍ nyɛ̄ dīa̍a̍ ho̍ō dīo̍o̍. Ā lo̍ ndu̍ dīo̍o̍ ha̍a̍a̍ ma̍ fūūlūū o̍ lɛ̄ŋndē Ke̍nāŋnde̍ŋ ni᷄ŋ, nāa̍ nda̍ kɔ̍ cha᷅l la̍. 36Nyɛ̄ nda̍ a̍a̍ tu̍ū nyɛ̍ dīa̍a̍ ho̍ō wo̍ tɔ̍, ndu̍ o̍o̍ wa᷅ ka̍āsi̍i̍yo̍ cha̍.#16:36 O̍ yāu̍ māHi̍būlūi̍yo̍ ni᷄ŋ, ā dīmi̍ āā, “O̍mā wa̍ pɛ̍ tɔ̍, ō chūā ɛ̍fā lēpīlɛ̍.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.