Joshuwa 2
2
Joshuwa antuma akadidiya ku Jeriko
1 #
Ahe 11:31; Jem 2:25 Joshuwa mwana wa Nuni, adatuma amuna awili kabisila, adachoka ku Shitimu achiyenda kanyangana dziko la Jeriko, iye adati, “Yendani mukanyangane dziko, maka-maka guta la Jeriko.” Nakutenepo iwo adayenda, nkufika panyumba pahule akhachemelewa nadzina lakuti Rahabhi, achigona pamwepo. 2Mambo wa Jeriko adawuziwa kuti, “Pana amuna waku Izraeli abwela usiku kuzanyangana dziko.” 3Pamwepo mambo waku Jeriko adatuma fala kwa Rahabhi, adati, “Bulisa amuna abwela kwayiwe, apita munyumba mwako, pakuti abwela kuzanyangana dziko lino.” 4Koma nkaziyo akhadatobisa kale amunawo, iye adati, “Chadidi, amunawo abwela kwayine, koma ndilibe kudziwa kuti achoka kuponi. 5Pakudayamba kuchita n'dima, chakumawulo, pakhafungiwa nsuwo, amunawo adabula, nin'dziwa lini kuti ayenda kuponi, mukakulumiza kuwateyela muniwaphata.” 6Koma iye akhadaakwizika mudzulu muntsodzi mwanyumba, akhadaabisa pantsi pamiti yamifulakisi ikhadagwezeka padzulu panyumbayo. 7Nakutenepo wanthu adaateyela nanjila ikhayenda ku Jorodhani, achikafika pakhayambukila wanthu. Wanthu paadabula muguta achiwateyela, nsuwo waguta la Jeriko udafungiwa.
8Akadidiya anati agona, Rahabhi adakwila kuntsodzi mudzulu mwanyumbayo, 9adati kwayiwo, “Nin'dziwa kuti Chawuta wakupasani kale dziko lino, pomwe kugopsa kwanu kwatigwela. Wanthu wentse aphatiwa kale namantha, akutotetemela. 10#Kub 14:21; Kuw 21:21–35Pakuti tidabva kuwumisa kwaadachita Chawuta Nyanja Ifuyila#2:10 Muchi Hebheru bzinilewa kuti nyanja yamitete. patsogolo panu pamudabula mu Ijipiti. Tidabva pomwe bzamudachita kumazimambo mawili yaa Amori, yakumabveladzuwa kung'ambu kwa Jorodhani Sihoni na Ogi yamudacheneka. 11Patidabzibva, mitima yathu idaphatiwa namantha, ntima wamunthu wentse udamala mphamvu, nathangwe layimwe, pakuti Chawuta Mulungu wanu ni Mulungu wakudzulu napantsi. 12Nakutenepo, lumbilani kwayine nadzina la Chawuta, pakuti ine ndakuchitilani chifundo, nayimwembo mun'zachitilambo chifundo wabanja laapayi wangu, ndipaseni chilatizo chakuwonesa kukhulupilika kwanu kuti, 13mun'zachiza apayi naamayi wangu wamoyo, naazimano wangu naazinana, namabanja yawo yentse, mutipulumuse kuyimpfa.” 14Amunawo adati kwayiye, “Bzili bwino kuti ise tiphewe pana kuti iwe ufe! Iwe ukaleka kulewa bzatafambila, ise tin'zawonesa chifundo nachikhulupililo kwayiwe, Chawuta akatipasa dziko lino.”
15Pamwepo Rahabhi adaabulusa napazhanela nathambo, pakuti nyumba yake ikhali nkati mwampanda waguta. 16Iye adati kwayiwo, “Yendani kumapili, kuchitila kuti wakukuteyelani aleke kukugumanani. Mukabisale kwantsiku zitatu, kufikila wakukuteyelaniwo abwelela, muchizayenda ulendo wanu.” 17Amunawo adati kwayiye, “Tin'zaphatiwa lini namulandu nakutilumbilisa kwawachita, 18koma patin'zabwela mudziko lino, uzamangilile kathambo kafuyila pazhanela pawatibulusa napo, uzakocheze apayi naamayi wako naabale wako nawentse wabanja laapayi wako munyumba mwako. 19Munthu am'bula kunja kwansuwo wanyumba yako achiyenda munjila akafa, gazi lake lin'zakhala pansolo payiye, ise tin'zaphatiwa lini namulandu. 20Koma ukawuza wanthu bzatafambila, ise tin'zaphatiwa lini namulandu pakutilumbilisa kwawachita.” 21Iye adati, “Ngabzichitike ninga kulewa kwamwachita.” Pamwepo iye adaaleka achiyenda, iye adamangilila kathambo kafuyila pazhanela.
22Akadidiya wale, adayenda kabisala m'mapili kwaadakakhala ntsiku zitatu, kufikila wakuwateyela abwelela. Amuna akhaateyela adaapsaga munjila zentse koma alibe kuwawona. 23Pamwepo amuna awiliwo adabuluka m'phili, achiyambuka Jorodhani achikafika kwa Joshuwa mwana wa Nuni. Adamuwuza bzentse bzaadawona. 24Iwo adati kwa Joshuwa, “Chadidi n'chakuti, Chawuta wayikha kale dziko lentse m'manja mwathu. Wanthu wentse adaphatiwa kale namantha aakutogopa thangwe layise.”
Currently Selected:
Joshuwa 2: KUNDA
Highlight
Copy
Compare
Share
Want to have your highlights saved across all your devices? Sign up or sign in
Bhaibheri reChikunda © Bible Society of Zimbabwe
Joshuwa 2
2
Joshuwa antuma akadidiya ku Jeriko
1 #
Ahe 11:31; Jem 2:25 Joshuwa mwana wa Nuni, adatuma amuna awili kabisila, adachoka ku Shitimu achiyenda kanyangana dziko la Jeriko, iye adati, “Yendani mukanyangane dziko, maka-maka guta la Jeriko.” Nakutenepo iwo adayenda, nkufika panyumba pahule akhachemelewa nadzina lakuti Rahabhi, achigona pamwepo. 2Mambo wa Jeriko adawuziwa kuti, “Pana amuna waku Izraeli abwela usiku kuzanyangana dziko.” 3Pamwepo mambo waku Jeriko adatuma fala kwa Rahabhi, adati, “Bulisa amuna abwela kwayiwe, apita munyumba mwako, pakuti abwela kuzanyangana dziko lino.” 4Koma nkaziyo akhadatobisa kale amunawo, iye adati, “Chadidi, amunawo abwela kwayine, koma ndilibe kudziwa kuti achoka kuponi. 5Pakudayamba kuchita n'dima, chakumawulo, pakhafungiwa nsuwo, amunawo adabula, nin'dziwa lini kuti ayenda kuponi, mukakulumiza kuwateyela muniwaphata.” 6Koma iye akhadaakwizika mudzulu muntsodzi mwanyumba, akhadaabisa pantsi pamiti yamifulakisi ikhadagwezeka padzulu panyumbayo. 7Nakutenepo wanthu adaateyela nanjila ikhayenda ku Jorodhani, achikafika pakhayambukila wanthu. Wanthu paadabula muguta achiwateyela, nsuwo waguta la Jeriko udafungiwa.
8Akadidiya anati agona, Rahabhi adakwila kuntsodzi mudzulu mwanyumbayo, 9adati kwayiwo, “Nin'dziwa kuti Chawuta wakupasani kale dziko lino, pomwe kugopsa kwanu kwatigwela. Wanthu wentse aphatiwa kale namantha, akutotetemela. 10#Kub 14:21; Kuw 21:21–35Pakuti tidabva kuwumisa kwaadachita Chawuta Nyanja Ifuyila#2:10 Muchi Hebheru bzinilewa kuti nyanja yamitete. patsogolo panu pamudabula mu Ijipiti. Tidabva pomwe bzamudachita kumazimambo mawili yaa Amori, yakumabveladzuwa kung'ambu kwa Jorodhani Sihoni na Ogi yamudacheneka. 11Patidabzibva, mitima yathu idaphatiwa namantha, ntima wamunthu wentse udamala mphamvu, nathangwe layimwe, pakuti Chawuta Mulungu wanu ni Mulungu wakudzulu napantsi. 12Nakutenepo, lumbilani kwayine nadzina la Chawuta, pakuti ine ndakuchitilani chifundo, nayimwembo mun'zachitilambo chifundo wabanja laapayi wangu, ndipaseni chilatizo chakuwonesa kukhulupilika kwanu kuti, 13mun'zachiza apayi naamayi wangu wamoyo, naazimano wangu naazinana, namabanja yawo yentse, mutipulumuse kuyimpfa.” 14Amunawo adati kwayiye, “Bzili bwino kuti ise tiphewe pana kuti iwe ufe! Iwe ukaleka kulewa bzatafambila, ise tin'zawonesa chifundo nachikhulupililo kwayiwe, Chawuta akatipasa dziko lino.”
15Pamwepo Rahabhi adaabulusa napazhanela nathambo, pakuti nyumba yake ikhali nkati mwampanda waguta. 16Iye adati kwayiwo, “Yendani kumapili, kuchitila kuti wakukuteyelani aleke kukugumanani. Mukabisale kwantsiku zitatu, kufikila wakukuteyelaniwo abwelela, muchizayenda ulendo wanu.” 17Amunawo adati kwayiye, “Tin'zaphatiwa lini namulandu nakutilumbilisa kwawachita, 18koma patin'zabwela mudziko lino, uzamangilile kathambo kafuyila pazhanela pawatibulusa napo, uzakocheze apayi naamayi wako naabale wako nawentse wabanja laapayi wako munyumba mwako. 19Munthu am'bula kunja kwansuwo wanyumba yako achiyenda munjila akafa, gazi lake lin'zakhala pansolo payiye, ise tin'zaphatiwa lini namulandu. 20Koma ukawuza wanthu bzatafambila, ise tin'zaphatiwa lini namulandu pakutilumbilisa kwawachita.” 21Iye adati, “Ngabzichitike ninga kulewa kwamwachita.” Pamwepo iye adaaleka achiyenda, iye adamangilila kathambo kafuyila pazhanela.
22Akadidiya wale, adayenda kabisala m'mapili kwaadakakhala ntsiku zitatu, kufikila wakuwateyela abwelela. Amuna akhaateyela adaapsaga munjila zentse koma alibe kuwawona. 23Pamwepo amuna awiliwo adabuluka m'phili, achiyambuka Jorodhani achikafika kwa Joshuwa mwana wa Nuni. Adamuwuza bzentse bzaadawona. 24Iwo adati kwa Joshuwa, “Chadidi n'chakuti, Chawuta wayikha kale dziko lentse m'manja mwathu. Wanthu wentse adaphatiwa kale namantha aakutogopa thangwe layise.”
Bhaibheri reChikunda © Bible Society of Zimbabwe