Joshuwa 11
11
Joshuwa ankunda mambo Jabhini nashamwali zake
1Jabhini mambo wa Hazori paadabva bzidachitika, adatumila fala kwamambo Jobhabhi wa Madhoni nakwamambo Shimironi waku Akishafi, 2nakwamazimambo yachakudzulu kwadziko lamapili, naku Arabha chakunyantsi kwa Galileya, nakubzigowa naku Nafidhori chakumadokelo. 3Adatumila pomwe fala kwaa Kenani wakumabveladzuwa nawakumadokelo, nakwaa Amori, kwaa Hiti, kwaa Perezi, kwaa Jebhusi akakhala mudziko lamapili, nakwaa Hivi akhakhala munyantsi mwaphili la Herimoni mudziko la Mizipa. 4Iwo adabula nawankhondo wawo wentse, akhali azinji kulingana nan'chenga wam'mphepete mwanyanja. Akhana mahachi mazinji kwene-kwene nangolo zawo. 5Mazimambo yentse yamweya yadakocheza wankhondo wawo pabodzi, achizika matenti yawo pantsantsa ya Meromu, kuti amenyane naa Izraeli.
6Chawuta adati kwa Joshuwa, “Leka kuwagopa, pakuti mangwana panthawe zino nin'zaayikha m'manja mwaa Izraeli, achiphewa. Muzagwate mikangato yaminyendo yamahachi yawo, muchizatentha ngolo zawo namoto.” 7Nakutenepo Joshuwa pabodzi nawankhondo wake adaafikila mwadzidzimu pantsantsa yapa Meromu achiwamenya. 8Chawuta adaayikha wentse m'manja mwaa Izraeli. Pamwepo a Izraeli adaapha achiwathamangisa mpaka ku Sidhoni ikulu, nakuguta la Misirefi-mayimu chakumabveladzuwa, kafika kuchigowa cha Mizipa. Adaapha, palibe ne m'bodzi adasala. 9Joshuwa adachita kwayiwo, bzaadawuziwa na Chawuta. Adagwata mikangato yamahachi yawo, nkutentha ngolo zawo namoto.
10Joshuwa adabwelela m'mbuyo nthawe imweyo, achikapamba guta la Hazori, achipha mambo waguta limwelo nabhemba. Dziko la Hazori panthawe imweyo ndilo likhali guta likulu lawumambo wentse. 11Wanthu wa Izraeli adapha wanthu wentse muguta limweli namulomo wabhemba, adaaphelatu, palibe ne chibodzi chikhafema chidasala, adatentha Hazori namoto. 12Joshuwa adapamba maguta yentse yamazimambo yamweyo, pabodzi namazimambo yayene. Adachenekelatu wanthu wentse namulomo wabhemba, kuteyeza bzaakhadawuziwa na Mozisi mulanda wa Chawuta. 13Koma a Izraeli alibe kutentha maguta yakhadamangiliwa pamitunthu, kunja kwaguta la Hazori lokha lidatenthewa na Joshuwa. 14Wana wa Izraeli adapamba sipodyo yentse yam'maguta yamweya, nabzifuwo kukhala bzawo, koma adapha wanthu wentse namulomo wabhemba, kufika aachenekelatu, palibe ne chibodzi chikhafema chaadasiya. 15Chawuta adapeleka mitemo yake kwamulanda wake Mozisi, Mozisi adayiwuzambo Joshuwa. Joshuwa palibe chaadasiya pabzentse bzaadawuziwa Mozisi na Chawuta.
Madziko yadatolewa na Joshuwa
16Nakutenepo Joshuwa adatola dziko lentse: Dziko lam'mapili, la Negebhu, la Gosheni namubzigowa bza Jorodhani na Arabha namudziko lamapili la Izraeli namuchigowa chalene, 17kuyambila paphili la Halaki, liniyenda naku Seyiri mpaka pa Bhaali-gadhi muchigowa cha Lebhanoni, munyantsi mwaphili la Herimoni. Iye adaphata mazimambo yamadziko yamweyo achiwapha. 18Joshuwa adachita nkhondo namazimambo yamweyo kwantsiku zizinji. 19Maguta yamweyo yalibe kuyanjana nawana wa Izraeli, kunja kwaa Hivi akhakhala ku Gibheyoni. Adatola maguta yentse munkhondo. 20#Kuts 7:16Chawuta ndiye akhachita kuti wanthuwo alimbise mitima yawo kuti akachite nkhondo naa Izraeli, kuchitila kuti achenekewe, nakutenepo akhaaphelatu bzakusaya kuwabvela ntsisi, kuwanyangalisilatu kuteyeza bzikhadawuziwa Mozisi na Chawuta. 21Panthawe imweyo Joshuwa adayenda kapha wanthu wachi Anakimu, wamudziko lamapili, la Hebhuroni nawamudziko la Dhebhiri wamu Anabhi, nawamudziko lamapili la Judha, nawentse wamudziko lamapili la Izraeli. Joshuwa adaapha wentse achiphwanya maguta yawo. 22Palibe ne m'bodzi wadzinza la Anakimu adasala mudziko lawana wa Izraeli, koma akhali m'maguta yamu Gaza naku Gati namu Ashidhodhi ndiwo adasalako.
23Nakutenepo Joshuwa adatola dziko lentse kuteyeza bzikhadalewedwa na Chawuta kwa Mozisi. Joshuwa adapeleka dziko limwelo kwawana wa Izraeli kukhala nthaka yawo, adaagawila kuteyeza mishowo yawo.
Nakutenepo dziko lidawa nan'delekho kuchoka munkhondo.
Currently Selected:
Joshuwa 11: KUNDA
Highlight
Copy
Compare
Share
Want to have your highlights saved across all your devices? Sign up or sign in
Bhaibheri reChikunda © Bible Society of Zimbabwe
Joshuwa 11
11
Joshuwa ankunda mambo Jabhini nashamwali zake
1Jabhini mambo wa Hazori paadabva bzidachitika, adatumila fala kwamambo Jobhabhi wa Madhoni nakwamambo Shimironi waku Akishafi, 2nakwamazimambo yachakudzulu kwadziko lamapili, naku Arabha chakunyantsi kwa Galileya, nakubzigowa naku Nafidhori chakumadokelo. 3Adatumila pomwe fala kwaa Kenani wakumabveladzuwa nawakumadokelo, nakwaa Amori, kwaa Hiti, kwaa Perezi, kwaa Jebhusi akakhala mudziko lamapili, nakwaa Hivi akhakhala munyantsi mwaphili la Herimoni mudziko la Mizipa. 4Iwo adabula nawankhondo wawo wentse, akhali azinji kulingana nan'chenga wam'mphepete mwanyanja. Akhana mahachi mazinji kwene-kwene nangolo zawo. 5Mazimambo yentse yamweya yadakocheza wankhondo wawo pabodzi, achizika matenti yawo pantsantsa ya Meromu, kuti amenyane naa Izraeli.
6Chawuta adati kwa Joshuwa, “Leka kuwagopa, pakuti mangwana panthawe zino nin'zaayikha m'manja mwaa Izraeli, achiphewa. Muzagwate mikangato yaminyendo yamahachi yawo, muchizatentha ngolo zawo namoto.” 7Nakutenepo Joshuwa pabodzi nawankhondo wake adaafikila mwadzidzimu pantsantsa yapa Meromu achiwamenya. 8Chawuta adaayikha wentse m'manja mwaa Izraeli. Pamwepo a Izraeli adaapha achiwathamangisa mpaka ku Sidhoni ikulu, nakuguta la Misirefi-mayimu chakumabveladzuwa, kafika kuchigowa cha Mizipa. Adaapha, palibe ne m'bodzi adasala. 9Joshuwa adachita kwayiwo, bzaadawuziwa na Chawuta. Adagwata mikangato yamahachi yawo, nkutentha ngolo zawo namoto.
10Joshuwa adabwelela m'mbuyo nthawe imweyo, achikapamba guta la Hazori, achipha mambo waguta limwelo nabhemba. Dziko la Hazori panthawe imweyo ndilo likhali guta likulu lawumambo wentse. 11Wanthu wa Izraeli adapha wanthu wentse muguta limweli namulomo wabhemba, adaaphelatu, palibe ne chibodzi chikhafema chidasala, adatentha Hazori namoto. 12Joshuwa adapamba maguta yentse yamazimambo yamweyo, pabodzi namazimambo yayene. Adachenekelatu wanthu wentse namulomo wabhemba, kuteyeza bzaakhadawuziwa na Mozisi mulanda wa Chawuta. 13Koma a Izraeli alibe kutentha maguta yakhadamangiliwa pamitunthu, kunja kwaguta la Hazori lokha lidatenthewa na Joshuwa. 14Wana wa Izraeli adapamba sipodyo yentse yam'maguta yamweya, nabzifuwo kukhala bzawo, koma adapha wanthu wentse namulomo wabhemba, kufika aachenekelatu, palibe ne chibodzi chikhafema chaadasiya. 15Chawuta adapeleka mitemo yake kwamulanda wake Mozisi, Mozisi adayiwuzambo Joshuwa. Joshuwa palibe chaadasiya pabzentse bzaadawuziwa Mozisi na Chawuta.
Madziko yadatolewa na Joshuwa
16Nakutenepo Joshuwa adatola dziko lentse: Dziko lam'mapili, la Negebhu, la Gosheni namubzigowa bza Jorodhani na Arabha namudziko lamapili la Izraeli namuchigowa chalene, 17kuyambila paphili la Halaki, liniyenda naku Seyiri mpaka pa Bhaali-gadhi muchigowa cha Lebhanoni, munyantsi mwaphili la Herimoni. Iye adaphata mazimambo yamadziko yamweyo achiwapha. 18Joshuwa adachita nkhondo namazimambo yamweyo kwantsiku zizinji. 19Maguta yamweyo yalibe kuyanjana nawana wa Izraeli, kunja kwaa Hivi akhakhala ku Gibheyoni. Adatola maguta yentse munkhondo. 20#Kuts 7:16Chawuta ndiye akhachita kuti wanthuwo alimbise mitima yawo kuti akachite nkhondo naa Izraeli, kuchitila kuti achenekewe, nakutenepo akhaaphelatu bzakusaya kuwabvela ntsisi, kuwanyangalisilatu kuteyeza bzikhadawuziwa Mozisi na Chawuta. 21Panthawe imweyo Joshuwa adayenda kapha wanthu wachi Anakimu, wamudziko lamapili, la Hebhuroni nawamudziko la Dhebhiri wamu Anabhi, nawamudziko lamapili la Judha, nawentse wamudziko lamapili la Izraeli. Joshuwa adaapha wentse achiphwanya maguta yawo. 22Palibe ne m'bodzi wadzinza la Anakimu adasala mudziko lawana wa Izraeli, koma akhali m'maguta yamu Gaza naku Gati namu Ashidhodhi ndiwo adasalako.
23Nakutenepo Joshuwa adatola dziko lentse kuteyeza bzikhadalewedwa na Chawuta kwa Mozisi. Joshuwa adapeleka dziko limwelo kwawana wa Izraeli kukhala nthaka yawo, adaagawila kuteyeza mishowo yawo.
Nakutenepo dziko lidawa nan'delekho kuchoka munkhondo.
Bhaibheri reChikunda © Bible Society of Zimbabwe