Èhàwo 80
80
Àhùadù Tɔhonɔ̀, sè miabe kuefã
1Hàsìnɔ̀ gã be Èhà. Àsaf be Èhà ɖo “Sepòpo ɣe” be ègbè ɖìɖi ji.
2Aò, Izràɛlviwo be àlɛ̃kplɔ̀tɔ, ɖo èto mi.
Èwò kè le kplɔ̀ Yosɛ̀f be jìjimèviwo, sìgbè àlɛ̃ha nènea.
Èwò kè le ɖùfìɔ lè Kèrubimwo nua, ɖè ɖokoe wò fiɔ.
3Lè Efràyim, Bɛnyamìn ku Manasè be jìjimèviwo be ŋùkɔ̀a,
ɖè àpo ŋusɛ̃ fiɔ, ne wòa va hlùɛ̃ mi gã!
4Aò, Mawu, gbìgbɔ̀ na mi mɔnukpɔkpɔ yeye.
Na àpo ŋùmè ne klɛ̃ ɖo mia ji, ne wòa hlùɛ̃ mi gã.
5Tɔhonɔ̀ Mawu, ŋusɛ̃kpatatɔ,
Kaka na hùe kɛ nu ye wò la bijì do dùkɔ̃ wòa,
eye wò la gbe be yè mu la sè yebe kuefã ò?
6Wò sɔ vève sèse wɔ̀ ènuɖùɖu, sɔ nyì wo,
eye wò kpe àɖàsì be ètre ɖɔɖɔ na wo, wo nù.
7Wò na mi trɔ zũ ènu nyɔŋu na miabe àxuekɔ̀tɔwo,
ekèa na be miabe kɛ̃tɔwo le kò mi.
8Aò Mawu ŋusɛ̃kpatatɔ, gbìgbɔ̀ na mi mɔnukpɔkpɔ yeye.
Na àpo ŋùmè ne klɛ̃ ɖo mia ji, ne wòa hlùɛ̃ mi gã.
9Vɛ̃ka kè wo hɔ̃ so Ejiptè be ànyigbã jia,
wò nyà dùkɔ̃wo jo, eye wò gbìgbɔ̀ sɔ ɛ̀ dogũ.
10Wò jrà ànyigbã a ɖo, lè ŋùkɔ̀ na ɛ̀,
àleke be ne bèa ɖo èkè, ne bèa xɔ̀ ànyigbã a ji keŋu.
11Yebe fàfa cɔ̃ ètowo ji eye
yebe àlɔ̀zɛ̃wo cɔ̃ Mawu be sedàtiwo ji.
12E vlũ àlɔ̀ ɖoɖa kaka àpùa#80.12 Mèdìtɛranèa be àpùa be ènyà ye wo le gblɔ̃. Wo gbà yɔna ɛ̀ be Efratà.
Eye yebe èsìa ɖɔ kaka yì ètɔ̀a to.
13Aò, nukɛ ŋuti wò mù yebe èkpaa pu ànyi ɖo ò?
Ne àmè kèwo keŋu va le yìa
wo ne nɔ kɛ̃ yebe èku sɛ̃sɛ̃woa?
14Ègbehã to so àvemè va le gbìdì ì.
Ègbemèlãwo va le ɖù ì.
15Aò, Mawu ŋusɛ̃kpatatɔ, trɔgbɔ̀ va na mi jro!
Ɖè èkɔ̀ so jiŋùkusi, ne wòa kpɔ.
Wò ŋutɔ kpɔ vɛ̃-gble kèa ji.
16Kpɔ ènu kè wò ŋutɔ wò do a ji,
èvi kè wò likè goŋu-goŋu na ɖokoe wòa.
17Wo so è pu ànyi, eye wo fiɔ̃ ɛ̀.
Àdɔ̀mèze be ŋùkumè kè wò hlɔ̃a, na wo crɔ̃.
18Dà àlɔ̀ ɖo èfìɔ kè lè ɖùsimè na wòa ji.
Ɖo àgbètɔ be èvi kè wò likè na ɖokoe wòa ji.
19Eye mi mu la trɔ lè yo wò mè ò.
Gbɔ̀ mi àgbè, ne mia nɔ yɔ nyikɔ wò.
20Tɔhonɔ̀ Mawu, ŋusɛ̃kpatatɔ, gbìgbɔ̀ na mi mɔnukpɔkpɔ yeye.
Na àpo ŋùmè ne klɛ̃ ɖo mia ji, ne wòa hlùɛ̃ mi gã.
Currently Selected:
Èhàwo 80: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
Èhàwo 80
80
Àhùadù Tɔhonɔ̀, sè miabe kuefã
1Hàsìnɔ̀ gã be Èhà. Àsaf be Èhà ɖo “Sepòpo ɣe” be ègbè ɖìɖi ji.
2Aò, Izràɛlviwo be àlɛ̃kplɔ̀tɔ, ɖo èto mi.
Èwò kè le kplɔ̀ Yosɛ̀f be jìjimèviwo, sìgbè àlɛ̃ha nènea.
Èwò kè le ɖùfìɔ lè Kèrubimwo nua, ɖè ɖokoe wò fiɔ.
3Lè Efràyim, Bɛnyamìn ku Manasè be jìjimèviwo be ŋùkɔ̀a,
ɖè àpo ŋusɛ̃ fiɔ, ne wòa va hlùɛ̃ mi gã!
4Aò, Mawu, gbìgbɔ̀ na mi mɔnukpɔkpɔ yeye.
Na àpo ŋùmè ne klɛ̃ ɖo mia ji, ne wòa hlùɛ̃ mi gã.
5Tɔhonɔ̀ Mawu, ŋusɛ̃kpatatɔ,
Kaka na hùe kɛ nu ye wò la bijì do dùkɔ̃ wòa,
eye wò la gbe be yè mu la sè yebe kuefã ò?
6Wò sɔ vève sèse wɔ̀ ènuɖùɖu, sɔ nyì wo,
eye wò kpe àɖàsì be ètre ɖɔɖɔ na wo, wo nù.
7Wò na mi trɔ zũ ènu nyɔŋu na miabe àxuekɔ̀tɔwo,
ekèa na be miabe kɛ̃tɔwo le kò mi.
8Aò Mawu ŋusɛ̃kpatatɔ, gbìgbɔ̀ na mi mɔnukpɔkpɔ yeye.
Na àpo ŋùmè ne klɛ̃ ɖo mia ji, ne wòa hlùɛ̃ mi gã.
9Vɛ̃ka kè wo hɔ̃ so Ejiptè be ànyigbã jia,
wò nyà dùkɔ̃wo jo, eye wò gbìgbɔ̀ sɔ ɛ̀ dogũ.
10Wò jrà ànyigbã a ɖo, lè ŋùkɔ̀ na ɛ̀,
àleke be ne bèa ɖo èkè, ne bèa xɔ̀ ànyigbã a ji keŋu.
11Yebe fàfa cɔ̃ ètowo ji eye
yebe àlɔ̀zɛ̃wo cɔ̃ Mawu be sedàtiwo ji.
12E vlũ àlɔ̀ ɖoɖa kaka àpùa#80.12 Mèdìtɛranèa be àpùa be ènyà ye wo le gblɔ̃. Wo gbà yɔna ɛ̀ be Efratà.
Eye yebe èsìa ɖɔ kaka yì ètɔ̀a to.
13Aò, nukɛ ŋuti wò mù yebe èkpaa pu ànyi ɖo ò?
Ne àmè kèwo keŋu va le yìa
wo ne nɔ kɛ̃ yebe èku sɛ̃sɛ̃woa?
14Ègbehã to so àvemè va le gbìdì ì.
Ègbemèlãwo va le ɖù ì.
15Aò, Mawu ŋusɛ̃kpatatɔ, trɔgbɔ̀ va na mi jro!
Ɖè èkɔ̀ so jiŋùkusi, ne wòa kpɔ.
Wò ŋutɔ kpɔ vɛ̃-gble kèa ji.
16Kpɔ ènu kè wò ŋutɔ wò do a ji,
èvi kè wò likè goŋu-goŋu na ɖokoe wòa.
17Wo so è pu ànyi, eye wo fiɔ̃ ɛ̀.
Àdɔ̀mèze be ŋùkumè kè wò hlɔ̃a, na wo crɔ̃.
18Dà àlɔ̀ ɖo èfìɔ kè lè ɖùsimè na wòa ji.
Ɖo àgbètɔ be èvi kè wò likè na ɖokoe wòa ji.
19Eye mi mu la trɔ lè yo wò mè ò.
Gbɔ̀ mi àgbè, ne mia nɔ yɔ nyikɔ wò.
20Tɔhonɔ̀ Mawu, ŋusɛ̃kpatatɔ, gbìgbɔ̀ na mi mɔnukpɔkpɔ yeye.
Na àpo ŋùmè ne klɛ̃ ɖo mia ji, ne wòa hlùɛ̃ mi gã.
Mina Bible © Bible Society of Togo, 2014.