Yosùa 8
8
Izràɛlviwo xɔ̀ Ayì be èdùa
1Tɔhonɔ̀ gblɔ̃ na Yosùa be: “Mù gbà vɔ̃ ò eye mù gbà gbɔjɔ ò. Kplɔ̀ ŋusùti kèwo lè àlɔ̀ji ne àhùa ɖo ŋuti; sitè ne wòa yì kpe àhùa ku Ayì be dùkɔ̃a. Kpɔɖa mù ɖè Ayì be dùkɔ̃a, yebe èdù gãa, yebe ànyigbã ku yebe èfìɔa do àsi na wò. 2Wò la wɔ̀ ku Ayì be èdùa ku yebe èfìɔa sìgbè àlekè wò wɔ̀ kudo Yerikò ku yebe èfìɔa nène; lè eŋuã mèa, mì la teŋu sɔ woabe èlãwo ku woabe ènuzãzãwo lè àmɔ̀nyɔ̀nuawo mè. Mì la doxa na wo lè èdùa be ŋùgbedòmè sɔ wɔ̀ àhùa ku wo lè àvòmè.” 3Yosùa ku dùkɔ̃a, wo jè èmɔ̃ ne woa yì wɔ̀ àhùa ku Ayì be èdùa. Yosùa cã ŋusù àkpe ègbã, ŋusùti sɛ̃sɛ̃wo eye be ɖo wo ɖoɖa lè èzã mè. 4E do ègbè kèa àsi na wo be: “Kpɔɖa, mì yì doxa ɖo èdùa be ŋùgbedòmè; mì mu gbà dìdì lè èdùa gbɔ ò, àleke be mìa teŋu xa wo kaba. 5Eye mia ya, mì la zɔ̃ ɖo èdùa ji. Wàlɛbɛ kè wo la gbà to va kpe àhùa ku mi sìgbè sã nènea, mi la si lè ŋùkɔ̀ na wo, 6eye wo la kplɔ̀ mia do kaka to lè èdùa mè boo, ɖo wo la gblɔ̃ be: “Wo gbà le si lè miabe ŋùkɔ̀, sìgbè sã nène” eye mi la si lè ŋùkɔ̀ na wo. 7Funua ye mì la to lè, la xa èdùa, la xɔ̀ ɛ̀; Tɔhonɔ̀ mìabe Mawu a ye ɖè è do àsi na mì. 8Ne mì xɔ̀ èdùa, mì ɖèzò do e mè; mì la wɔ̀ ɖo Tɔhonɔ̀ be ègbè ɖèɖea ji. Ekèa ye nyi ègbè kè mù le do àsi na mìa.” 9Yosùa ɖo wo ɖoɖa eye wo yì do èxa na Ayì be èdùa; wo yì wla ɖo Ayì ku Betɛ̀l be dòdòmè, lè Ayì be èwèɖoxɔ̀pe. Eye Yosùa ci àmèha kpɔ̀tɛawo dòmè dɔ̃ lè èzã ŋua mè. 10Ŋùdekɛ̃nyɛ fùtù ye Yosùa fɔ̃, kpɔ yebe àhùakɔ̃a, e yomè a, e ye ku Izràɛl be àgbònùglawo lè ŋùkɔ̀ na dùkɔ̃a eye wo yì kpe àhùa kudo Ayì be èdùa. 11Dùkɔ̃ kè lè àlɔ̀ji na àhùawɔ̀wɔa zɔ̃ ku Yosùa kaka va yì èdùa be ŋùkɔ̀ eye wo yì sò àsàɖa ɖo Ayì be èvègo, ègbè wɛwlɛ ɖewo kpò ye sò woa dòmè. 12Yosùa cã ŋusùti àkpe àtɔ̃ nène eye be na wo do èxa lè Betɛ̀l ku Ayì be dòdòmè lè Ayì be èwèɖoxɔ̀pe. 13Izràɛlviwo sò àsàɖa ɖo Ayì be èdùa be èvègo eye wo gbà do èxa ɖo èdùa be èwèɖoxɔ̀pe; lè èzã ŋua mèa, Yosùa yì bàlìa mè. 14Vɔ̀, kè ye Ayì be èfìɔa kpɔ ekèa, e ye ku yebe dùkɔ̃a, èdùa be ŋusùtiwo kpata so kplà eye wo to yì àhùa wɔ̀ gbe lè tèpe kè ji ye wo dà àsi ɖo lè Àrabà#8.14 Àrabà: E nyi tèpe kè nyi bàlì gã ɖe àfi kè Yɔrdàn be ètɔ̀a, Galilea be ètɔ̀ gbàjà ku keti be àpùa lè. Yebe gɔ̃mè sèsea le nyi ègòdope nyuɛ̃, àlo àfi kè wo la teŋu kpe àhùa lè , co èfìɔa mu nya be wo do èxa na yè lè èdùa be ŋùgbedòmè ò. 15Yosùa ku Izràɛlvi kèwo lè e ŋutia, wo si tùtà zògbèa ji. 16Ayì be dùkɔ̃a kpata sitè, jè woa yomè. Wo nyà Yosùa ɖo nu eye be kplɔ̀ wo yì boo lè èdùa gbɔ. 17Lè Ayì ku Betɛ̀l be èdùawo mèa, ŋusùti ɖe mu kpɔ̀tɔ̀, kè ye mu nyà Izràɛlviwo ò; nènea ye wo tàsi èdùa ɖo nùvò gbàa ɖo woa keŋu ye nyà Izràɛlviwo ɖo nu. 18Tɔhonɔ̀ gblɔ̃ na Yosùa be: “Drɛ̃ èhuã kè lè àsi mè na wòa ɖoɖa Ayì be èdùa, ɖo mù la ɖè è do àsi na wò.” Yosùa drɛ̃ èhuã kè lè àsi mè na ɛ̀a ɖoɖa èdùa gbɔ. 19Wàlɛbɛ kè bè drɛ̃ yebe àlɔ̀a, Izràɛlvi kèwo do èxa na èdùa, wo to zè ɖèka, ɖo èdùa mè ye wo xɔ̀ èdùa kpata; e yomè a wo ɖè èzò ɖo èdùa mè. 20Ayì be ŋusùtiwo trɔ kpɔ ŋùgbe eye kpɔɖa àzìzɔ le tù lìlìlì lè woabe èdùa ta yì jiŋùkusi; àmè ɖekpe mu gbà ɖo ŋusɛ̃ la si yì ɖùsi àlo èmìɔ̃ mè ò, eye dùkɔ̃ kè le si yì zògbèa ji sãa, trɔ zɔ̃ ɖo àmè kèwo le nyà woa ji. 21E kè Yosùa ku Izràɛlvi kèwo lè kudo èawo kpɔ be yèwo tɔ̀ kèwo do èxa xɔ̀ èdùa eye àzìzɔ le tù ɖoɖaa, wo trɔ ɖo Ayì be àhùakɔ̃a ji wù wo. 22Izràɛlvi kèwo xɔ̀ èdùa, wo to va dogò wo eye Ayì be àhùakɔ̃a ci dòdòmè na Izràɛlviwo eye wo pò wo wù kaka be ɖekpe mu ci àgbè ò. 23Wo le Ayì be èfìɔa àgbèagbè va na Yosùa. 24Vɔ̀ ekè ye Izràɛl be àhùakɔ̃a wù Ayì be ŋusùtiawo lè zògbèa ji, lè fikè wo tĩ woa yomè yìa vɔ̀a, wo trɔ va Ayì be èdùa mè va crɔ̃ dùkɔ̃ kpɔ̀tɛa lè èwui nu. 25Àmè kèwo kpata jè ànyi lè àzã ŋua gbè lè ŋusù mè, lè nyɔ̃nù mèa be hɛ̃hlɛ̃ mè le nyi àkpe woèvè, woa kpata wo le nyi Ayì be dùkɔ̃a. 26Eye Yosùa mu ɖiɖi yebe àsi kè mè èhuã lè eye be drɛ̃a kaka va na gà kè mè be crɔ̃ Ayìtɔwo vɔ̀ keŋu-keŋu ò. 27Zɔ̃ ɖo Tɔhonɔ̀ be ègbè ɖèɖè na Yosùa jia, Izràɛlviwo sɔ èlãwo ku ènu zãzãwo lè àmɔ̀nyɔ̀nuawo dòmè. 28Yosùa ɖèzò do Ayì be èdùa mè eye be trɔ ɛ̀ wɔ̀ èglìkpowo fikè àgbètɔwo be àfɔ̀ sò lè kaka va na egbè egbèa. 29Wo do èkà ève na Ayì be èfìɔa sɔ kù àti ŋuti kaka na wètrɔ mè, eye ekè èwèa ɖo èxɔ̀a, Yosùa va ɖègbè be woa ɖè yebe ŋutilã kukua lè àtia ŋuti. Wo sɔ ɛ̀ yì dãŋùgbe ɖo èdùa be àgboa nu eye wo bɔ̀ èkpe gãgã kèwo gbà lè kaka va na egbèa ɖo e ji.
Wo hlɛ̃ Èse a lè Ebàl be ètoa ji
30Yosùa tù vɔsakpe na Tɔhonɔ̀, Izràɛl be Mawu a lè Ebàl be ètoa ji, 31zɔ̃ ɖo ègbè kè Tɔhonɔ̀ be sumɔ̃vi Mosè do àsi na Izràɛlviwo sìgbè àlekè wo ŋlɔ̀ ɛ̀ lè Mosè be èse xoma mè nène be: vɔsakpe yeye kè ji gàyìbɔ be ènu ɖekpe mu tɔ kpɔ òa. Wo wɔ̀ numème be vɔsa na Tɔhonɔ̀ eye wo gbà wɔ̀ vɔsa na ŋuti fàfa. 32Funua ye Yosùa ŋlɔ̀ èse kè ye Mosè ŋlɔ̀ lè Izràɛlviwo be ŋùkɔ̀a ɖo èkpeawo ji lè. 33Izràɛlviwo kpata, ku woabe àmè sĩsĩwo, woabe èdɔwɔ̀tɔwo, kudo woabe kòjoɖotɔwo lètè lè àxà ji àxà ji na zòɖùɖu ɖakà a, lè hũbonɔ kèwo lè Tɔhonɔ̀ be zòɖùɖu ɖakà a be ŋùkɔ̀. Woa dòmètɔ ɖewo tɔtè ɖo Gàrizìm be ètoa gbɔ lɔ̀ge eye àmè kpɔ̀tɛawo lè Ebàl be ètoa gbɔ sìgbè àlekè Tɔhonɔ̀ be sumɔ̃vi Mosè ɖo è ɖɛa nène be woa tu sì na Izràɛl be dùkɔ̃a jè ŋùkɔ̀. 34Lè eŋuã yomè a, Yosùa hlɛ̃ èsea be ènyàtiwo kpata, sìtu nyàwo ku kpɛ̃sɛ̃ nyàwo, lè ènu kè wo ŋlɔ̀ ɖo èsea mèa lè ɖoɖo nu. 35Ènyàti ɖe mu hùedo lè Mosè be ègbè do àsiawo mè ye Yosùa mu gblɔ̃ lè Izràɛl be àmèha kpata be ŋùmè ò, kaka jè nyɔ̃nùwo, ɖèviwo ji ku àmèjro kèwo lè woa dòmèa ji.
Currently Selected:
Yosùa 8: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
Yosùa 8
8
Izràɛlviwo xɔ̀ Ayì be èdùa
1Tɔhonɔ̀ gblɔ̃ na Yosùa be: “Mù gbà vɔ̃ ò eye mù gbà gbɔjɔ ò. Kplɔ̀ ŋusùti kèwo lè àlɔ̀ji ne àhùa ɖo ŋuti; sitè ne wòa yì kpe àhùa ku Ayì be dùkɔ̃a. Kpɔɖa mù ɖè Ayì be dùkɔ̃a, yebe èdù gãa, yebe ànyigbã ku yebe èfìɔa do àsi na wò. 2Wò la wɔ̀ ku Ayì be èdùa ku yebe èfìɔa sìgbè àlekè wò wɔ̀ kudo Yerikò ku yebe èfìɔa nène; lè eŋuã mèa, mì la teŋu sɔ woabe èlãwo ku woabe ènuzãzãwo lè àmɔ̀nyɔ̀nuawo mè. Mì la doxa na wo lè èdùa be ŋùgbedòmè sɔ wɔ̀ àhùa ku wo lè àvòmè.” 3Yosùa ku dùkɔ̃a, wo jè èmɔ̃ ne woa yì wɔ̀ àhùa ku Ayì be èdùa. Yosùa cã ŋusù àkpe ègbã, ŋusùti sɛ̃sɛ̃wo eye be ɖo wo ɖoɖa lè èzã mè. 4E do ègbè kèa àsi na wo be: “Kpɔɖa, mì yì doxa ɖo èdùa be ŋùgbedòmè; mì mu gbà dìdì lè èdùa gbɔ ò, àleke be mìa teŋu xa wo kaba. 5Eye mia ya, mì la zɔ̃ ɖo èdùa ji. Wàlɛbɛ kè wo la gbà to va kpe àhùa ku mi sìgbè sã nènea, mi la si lè ŋùkɔ̀ na wo, 6eye wo la kplɔ̀ mia do kaka to lè èdùa mè boo, ɖo wo la gblɔ̃ be: “Wo gbà le si lè miabe ŋùkɔ̀, sìgbè sã nène” eye mi la si lè ŋùkɔ̀ na wo. 7Funua ye mì la to lè, la xa èdùa, la xɔ̀ ɛ̀; Tɔhonɔ̀ mìabe Mawu a ye ɖè è do àsi na mì. 8Ne mì xɔ̀ èdùa, mì ɖèzò do e mè; mì la wɔ̀ ɖo Tɔhonɔ̀ be ègbè ɖèɖea ji. Ekèa ye nyi ègbè kè mù le do àsi na mìa.” 9Yosùa ɖo wo ɖoɖa eye wo yì do èxa na Ayì be èdùa; wo yì wla ɖo Ayì ku Betɛ̀l be dòdòmè, lè Ayì be èwèɖoxɔ̀pe. Eye Yosùa ci àmèha kpɔ̀tɛawo dòmè dɔ̃ lè èzã ŋua mè. 10Ŋùdekɛ̃nyɛ fùtù ye Yosùa fɔ̃, kpɔ yebe àhùakɔ̃a, e yomè a, e ye ku Izràɛl be àgbònùglawo lè ŋùkɔ̀ na dùkɔ̃a eye wo yì kpe àhùa kudo Ayì be èdùa. 11Dùkɔ̃ kè lè àlɔ̀ji na àhùawɔ̀wɔa zɔ̃ ku Yosùa kaka va yì èdùa be ŋùkɔ̀ eye wo yì sò àsàɖa ɖo Ayì be èvègo, ègbè wɛwlɛ ɖewo kpò ye sò woa dòmè. 12Yosùa cã ŋusùti àkpe àtɔ̃ nène eye be na wo do èxa lè Betɛ̀l ku Ayì be dòdòmè lè Ayì be èwèɖoxɔ̀pe. 13Izràɛlviwo sò àsàɖa ɖo Ayì be èdùa be èvègo eye wo gbà do èxa ɖo èdùa be èwèɖoxɔ̀pe; lè èzã ŋua mèa, Yosùa yì bàlìa mè. 14Vɔ̀, kè ye Ayì be èfìɔa kpɔ ekèa, e ye ku yebe dùkɔ̃a, èdùa be ŋusùtiwo kpata so kplà eye wo to yì àhùa wɔ̀ gbe lè tèpe kè ji ye wo dà àsi ɖo lè Àrabà#8.14 Àrabà: E nyi tèpe kè nyi bàlì gã ɖe àfi kè Yɔrdàn be ètɔ̀a, Galilea be ètɔ̀ gbàjà ku keti be àpùa lè. Yebe gɔ̃mè sèsea le nyi ègòdope nyuɛ̃, àlo àfi kè wo la teŋu kpe àhùa lè , co èfìɔa mu nya be wo do èxa na yè lè èdùa be ŋùgbedòmè ò. 15Yosùa ku Izràɛlvi kèwo lè e ŋutia, wo si tùtà zògbèa ji. 16Ayì be dùkɔ̃a kpata sitè, jè woa yomè. Wo nyà Yosùa ɖo nu eye be kplɔ̀ wo yì boo lè èdùa gbɔ. 17Lè Ayì ku Betɛ̀l be èdùawo mèa, ŋusùti ɖe mu kpɔ̀tɔ̀, kè ye mu nyà Izràɛlviwo ò; nènea ye wo tàsi èdùa ɖo nùvò gbàa ɖo woa keŋu ye nyà Izràɛlviwo ɖo nu. 18Tɔhonɔ̀ gblɔ̃ na Yosùa be: “Drɛ̃ èhuã kè lè àsi mè na wòa ɖoɖa Ayì be èdùa, ɖo mù la ɖè è do àsi na wò.” Yosùa drɛ̃ èhuã kè lè àsi mè na ɛ̀a ɖoɖa èdùa gbɔ. 19Wàlɛbɛ kè bè drɛ̃ yebe àlɔ̀a, Izràɛlvi kèwo do èxa na èdùa, wo to zè ɖèka, ɖo èdùa mè ye wo xɔ̀ èdùa kpata; e yomè a wo ɖè èzò ɖo èdùa mè. 20Ayì be ŋusùtiwo trɔ kpɔ ŋùgbe eye kpɔɖa àzìzɔ le tù lìlìlì lè woabe èdùa ta yì jiŋùkusi; àmè ɖekpe mu gbà ɖo ŋusɛ̃ la si yì ɖùsi àlo èmìɔ̃ mè ò, eye dùkɔ̃ kè le si yì zògbèa ji sãa, trɔ zɔ̃ ɖo àmè kèwo le nyà woa ji. 21E kè Yosùa ku Izràɛlvi kèwo lè kudo èawo kpɔ be yèwo tɔ̀ kèwo do èxa xɔ̀ èdùa eye àzìzɔ le tù ɖoɖaa, wo trɔ ɖo Ayì be àhùakɔ̃a ji wù wo. 22Izràɛlvi kèwo xɔ̀ èdùa, wo to va dogò wo eye Ayì be àhùakɔ̃a ci dòdòmè na Izràɛlviwo eye wo pò wo wù kaka be ɖekpe mu ci àgbè ò. 23Wo le Ayì be èfìɔa àgbèagbè va na Yosùa. 24Vɔ̀ ekè ye Izràɛl be àhùakɔ̃a wù Ayì be ŋusùtiawo lè zògbèa ji, lè fikè wo tĩ woa yomè yìa vɔ̀a, wo trɔ va Ayì be èdùa mè va crɔ̃ dùkɔ̃ kpɔ̀tɛa lè èwui nu. 25Àmè kèwo kpata jè ànyi lè àzã ŋua gbè lè ŋusù mè, lè nyɔ̃nù mèa be hɛ̃hlɛ̃ mè le nyi àkpe woèvè, woa kpata wo le nyi Ayì be dùkɔ̃a. 26Eye Yosùa mu ɖiɖi yebe àsi kè mè èhuã lè eye be drɛ̃a kaka va na gà kè mè be crɔ̃ Ayìtɔwo vɔ̀ keŋu-keŋu ò. 27Zɔ̃ ɖo Tɔhonɔ̀ be ègbè ɖèɖè na Yosùa jia, Izràɛlviwo sɔ èlãwo ku ènu zãzãwo lè àmɔ̀nyɔ̀nuawo dòmè. 28Yosùa ɖèzò do Ayì be èdùa mè eye be trɔ ɛ̀ wɔ̀ èglìkpowo fikè àgbètɔwo be àfɔ̀ sò lè kaka va na egbè egbèa. 29Wo do èkà ève na Ayì be èfìɔa sɔ kù àti ŋuti kaka na wètrɔ mè, eye ekè èwèa ɖo èxɔ̀a, Yosùa va ɖègbè be woa ɖè yebe ŋutilã kukua lè àtia ŋuti. Wo sɔ ɛ̀ yì dãŋùgbe ɖo èdùa be àgboa nu eye wo bɔ̀ èkpe gãgã kèwo gbà lè kaka va na egbèa ɖo e ji.
Wo hlɛ̃ Èse a lè Ebàl be ètoa ji
30Yosùa tù vɔsakpe na Tɔhonɔ̀, Izràɛl be Mawu a lè Ebàl be ètoa ji, 31zɔ̃ ɖo ègbè kè Tɔhonɔ̀ be sumɔ̃vi Mosè do àsi na Izràɛlviwo sìgbè àlekè wo ŋlɔ̀ ɛ̀ lè Mosè be èse xoma mè nène be: vɔsakpe yeye kè ji gàyìbɔ be ènu ɖekpe mu tɔ kpɔ òa. Wo wɔ̀ numème be vɔsa na Tɔhonɔ̀ eye wo gbà wɔ̀ vɔsa na ŋuti fàfa. 32Funua ye Yosùa ŋlɔ̀ èse kè ye Mosè ŋlɔ̀ lè Izràɛlviwo be ŋùkɔ̀a ɖo èkpeawo ji lè. 33Izràɛlviwo kpata, ku woabe àmè sĩsĩwo, woabe èdɔwɔ̀tɔwo, kudo woabe kòjoɖotɔwo lètè lè àxà ji àxà ji na zòɖùɖu ɖakà a, lè hũbonɔ kèwo lè Tɔhonɔ̀ be zòɖùɖu ɖakà a be ŋùkɔ̀. Woa dòmètɔ ɖewo tɔtè ɖo Gàrizìm be ètoa gbɔ lɔ̀ge eye àmè kpɔ̀tɛawo lè Ebàl be ètoa gbɔ sìgbè àlekè Tɔhonɔ̀ be sumɔ̃vi Mosè ɖo è ɖɛa nène be woa tu sì na Izràɛl be dùkɔ̃a jè ŋùkɔ̀. 34Lè eŋuã yomè a, Yosùa hlɛ̃ èsea be ènyàtiwo kpata, sìtu nyàwo ku kpɛ̃sɛ̃ nyàwo, lè ènu kè wo ŋlɔ̀ ɖo èsea mèa lè ɖoɖo nu. 35Ènyàti ɖe mu hùedo lè Mosè be ègbè do àsiawo mè ye Yosùa mu gblɔ̃ lè Izràɛl be àmèha kpata be ŋùmè ò, kaka jè nyɔ̃nùwo, ɖèviwo ji ku àmèjro kèwo lè woa dòmèa ji.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.