Yosùa 24
24
Yosùa tùxo kpɔ̀tɛa na Izràɛl be dùkɔ̃a
1Yosùa biɔ so Izràɛl be kɔ̀tawo kpata si be woa bɔ̀ lè Sikɛ̀m be èdùa mè. Kè wo bɔ̀ lè funua, Yosùa yɔ èdùamèmègãwo, ŋùkɔ̀nɔ̀tɔwo, kòjoɖotɔwo, ku Izràɛl be àhùagawo va bɔ̀ ɖo Mawu be ŋùkɔ̀#24.1 Mawu be ŋùkɔ̀ nyi nɔ̀nɔmè tɔ̀xɛ ɖe kè mè Izràɛlviwo nɔ̀nà ne Mawu ji la pò nupo ku woa. Lè fikèa Yosùa ye lè Mosè tèpe. 2Eye Yosùa gblɔ̃ na dùkɔ̃a kpata be: “Tɔhonɔ̀, Izràɛl be Mawu a le gblɔ̃ na mì be: “lè Blèmàa, mìa tɔgbewo, vevetɔ Abràham ku Nàhɔr be ètɔ Terà, wo nɔ̀ Efràta-tɔ̀a be èwèzɛ̃pe eye wo sumɔ vòduwo. 3Ànyigbã kèa ji mù yɔ mìa tɔgbe Abràham so eye mù kplɔ̀ ɛ̀ ɖìsà lè Kanàn nyigbã kpata ji. Mù na ɛ̀ èvi ŋusù Izàk eye mù gbà na to Izàk ji, yebe jìjimèviwo sùgbɔ ɖo ji. 4Mù na Izàk jì vènàvi Yakɔb ku Esaò. Mù sɔ Sèir be èto-nyigbã na Esaò ku yebe jìjimèviwo. Eye Yakɔb #24.4 ŋɔ̀ŋlɔ̃ ɖewo be Yakɔb mìa tɔgbe tɔ̀gbè. kudo èviawo yì sò ci Ejiptè. 5E yomè a, mù ɖo Mosè ku Arɔ̀n ɖoɖa ne woa doàlɔ̀ mìa tɔgbewo. Eye mù na jɔ̀gbè vuɛ̃wo jɔ̀ ɖo Ejiptètɔwo ji ne woa teŋu tàsi mìabe dùkɔ̃a. 6Nène a ye mù kplɔ̀ mìa tɔgbewo jo lè Ejiptè eye wo zɔ̃ kaka va ɖo keti be àpùa to. Wàlɛbɛ kè Ejiptètɔwo tĩ woa yomè ku woabe àhùakèkevi ku èsɔwoa, 7wo do àpa biɔ àpe àlɔ̀do eye mù sɔ vìvìti doàgbò ɖe sɔ mã wo ku Ejiptè be àhùakɔ̃a dòmè. E yomè a mù sɔ àpùsi sɔ crɔ̃ woabe àhùakɔ̃awo. Mìa ŋutɔ mì nya àlekè mù wɔ̀ ku Ejiptè do a! Ekèa yomè a, mì nɔ̀ zògbè ji xɔ̀ èpè sùgbɔ. 8So funua, mù kplɔ̀ mì yì Àmorìtɔwo be ànyigbã ji lè Yɔrdàn-tɔ̀ sàsraa be èwèzɛ̃pe. Wo wɔ̀ àhùa ku mì, vɔ̀a mù ɖè wo do àsi na mì eye mì xɔ̀ woabe ànyigbã ɖo mù crɔ̃ wo lè ŋùkɔ̀ na mì. 9Eye Bàlak, Mòab be èfìɔ, Sipɔ̀r be èvi ŋusùa, cã sitè ɖo mìa ŋuti. E na wo yɔ Beɔ̀r be èvi ŋusù Bàlam #24.9 Bàlam: E nyi Mawu be gblɔ̃ɖɛtɔ ne bè a va sɛ̃kpɛ̃ na mì. 10Vɔ̀a, nyè mu na mɔnu kpɔkpɔ Bàlam ò eye lè kpɛ̃sɛ̃ tèpea, mù na be tu sì na mì bòhũ. Nène a ye mù hlùɛ̃ mì lè Bàlak si mè. 11Mì sò Yɔrdàn-tɔ̀ sàsra yì kɔ̀ ɖo Yerikò nyigbã ji e yomè. Eye Yerikò be àhùakɔ̃wo sɔ àhùa ɖo mìa ŋuti. Vɔ̀a mù na mì ɖù woa ji. Nène ke ye Àmorìtɔwo, Perizìtɔwo, Kanàntɔwo, Hitìtɔwo, Gìrgacìtɔwo, Hivìtɔwo ku Yebusìtɔwo be àhùakɔ̃wo sitè ɖo mia ŋuti, vɔ̀a mù na mì ɖù woa ji keŋu-keŋu. 12Mù do tìtɔ̀titɔ#24.12 Tìtɔ̀titɔ: Xoma buwo gblɔ̃ be àdãgbãwo nyà Àmorìtɔwo lè ŋùkɔ̀ na wo Àmorìtɔwo be èfìɔ èvèawo dòmè lè ŋùkɔ̀ na mì. Eye mù ɖù woa ji na mì. Ekèa mu kù ɖo mìabe àhùawɔ̀nuwo ŋuti ò. 13Nène a mù sɔ ànyigbã kè mì mu jè àgbàgba ɖe dè ò, èdù kèwo mì mu tù ò co mì lè wo mè, vɛ̃-gble ku àmìti kèwo be àgblè mì mu dè ò, vɔ̀, mì le ɖù woabe kusɛ̃sɛ̃wo, na mì.”
14Eye Yosùa yì eji gblɔ̃ be: “Fifìa, mì ɖo bùbu na Tɔhonɔ̀ eye mìa sumɔ ɛ̀ lè ànùkua ku ègbèji nɔ̀nɔ blibo mè. Mì gbe ènu lè vòdu kèwo mìa tɔgbewo sɛ̃ lè Efratà-tɔ̀ godo ku Ejiptè ne mìa sumɔ Tɔhonɔ̀ ɖèka kpò. 15Ne mu jro mì be mìa sumɔ Tɔhonɔ̀ òa, eŋuã mì cã vòdu kèwo mì la sumɔa. Mì la teŋu cã lè vòdu kèwo mìa tɔgbewo sumɔ lè Efratà-tɔ̀ gãa godo àlo ekèwo Àmorìtɔwo le sumɔ gbɔ̀xue mì va xɔ̀ woabe ànyigbã a. Vɔ̀a è nyè ku àxuedo#24.15 Àxuedo: E le nyi xòmè gãa ku àmè kèwo keŋu tɛ ɖo xòmè kèa ŋutia nyèa, mi la sumɔ Tɔhonɔ̀.”
16Dùkɔ̃a ɖo e ŋuti be: “Gbèɖe! Mi mu la gbe ènu lè Tɔhonɔ̀ ŋuti ò. Gbèɖe! Mi mu la sumɔ vòdu buwo cã ò. 17Tɔhonɔ̀ miabe Mawu ye kplɔ̀ mia tɔgbewo to lè Ejiptè-nyigbã ji fikè wo yì zũ kluvi lèa, eye mi gbà nya ŋùdãnu kèwo be wɔ̀ lè funua. Tɔhonɔ̀ ŋutɔ ye hlùɛ̃ mi lè èmɔ̃ kè mi zɔ̃a kpata mè ku lè dùkɔ̃ kèwo be ànyigbã ji mi toa, si. 18E ye ke nyà dùkɔ̃ gbogbowo lè ŋùkɔ̀ na mi, vevetɔ Amɔrìtɔ kèwo nɔ̀ ànyigbã kèa ji sãa. E ye ɖèka kpò ye nyi miabe Mawu. Tɔhonɔ̀ ɖèka kpò mi la sumɔ.”
19Eye Yosùa gblɔ̃ na dùkɔ̃a be: “Yɔ̀ɔ! Mì mu la teŋu sumɔ Tɔhonɔ̀ ò, ɖo Mawu Kɔ̀kɔ̀ɛ be nyi, Mawu kè mu la lɔ̃ be mìa gbà sumɔ ènu bu klua #24.19 Ekèa lè Tot 20.5 ò. Eye mu la lɔ̃ la gbà sɔ mìabe vuɛ̃wo ku mìabe àglajèje sɔ kè mì ò. 20Ne mì trɔ lè e yomè yì le sumɔ vòduwoa, e la sitè ɖo mìa ŋuti la wɔ̀ ènu bàɖà ku mì sɔ crɔ̃ mì kaka va na fifì ŋutɔ cã a.” 21Dùkɔ̃a gblɔ̃ na Yosùa be: “Kpaoo! Tɔhonɔ̀ kpò mi la sumɔ.” 22Yosùa yì eji, gblɔ̃ na wo be: “Mìa ŋutɔ mì nyi mìabe ɖàsèfowo be yèwo la sumɔ Tɔhonɔ̀ kpò.” Wo ɖo e ŋuti be: “Ɛ̃ɛ, mi nyi mia ŋutɔ be ɖàsèfowo.” 23Eye Yosùa gblɔ̃ be: “Eŋuã mì gbe ènu lè vòdu kèwo lè mìa dòmèawo ŋuti ne mìa tɛ ɖo Tɔhonɔ̀, Izràɛl be Mawu a ŋuti ku èjì blibo.” 24Dùkɔ̃a gbà xɔ̀ ènyàa gblɔ̃ be: “Ɛ̃ɛ! Tɔhonɔ̀ ye nyi miabe Mawu. E ye kpò mi la sumɔ eye mi la wɔ̀ ɖo yebe ègbèɖèɖewo ji.”
25Ŋùkèkè ŋua gbè lè Sikɛ̀m ye Yosùa wɔ̀ zòɖùɖu ku Mawu lè dùkɔ̃a be nyikɔ mè. E na wo èse ku ɖoɖo kèwo ji wo ɖo la wɔ̀ ɖoa. 26Eye Yosùa ŋlɔ̀ ènyà kèawo ɖo xoma kè mè Mawu be èsea lèa mè na dùkɔ̃a. E yomè a, e sɔ ŋùkuɖoji-kpe gã ɖe sɔ li ɖo àti gãa gɔ̃mè lè Tɔhonɔ̀ be vɔsa wɔ̀pea. 27E yomè a, Yosùa gblɔ̃ na dùkɔ̃a be: “Ekpe kèa la nyi ŋùkuɖoji-kpe lè mia dòmè. Ɖo e sè ènyà kèwo keŋu Tɔhonɔ̀ do àsi na mia. Ɛ̃ɛ e la nyi ɖàsèfo be èkpe kè la nɔ̀ ɖoŋùku e ji na mì be mì mu ɖo la sitè ɖo mìabe Mawu a ŋuti ò.” 28Ekèa yomè ye Yosùa ɖo dùkɔ̃a ɖoɖa woabe àxomè àmètɔ̀ àmètɔ̀.
Yosùa be ku
29Lè ekèawo keŋu yomè a, Nun be èvi Yosùa, Tɔhonɔ̀ be sumɔ̃via ku lè yebe èpè àlɔ̀ ɖèka ci èwo be xɔ̀xɔ mè. 30Izràɛlviwo yì ɖì ì ɖo ànyigbã kè be xɔ̀a ji lè Timnà-Seràh #24.30 Timnà-Seràh: Nyikɔ xoxoa nyi Timnà-Herɛ̀s kè lè Efràyim be èto-nyigbã ji lè Gacè be ètoa be èvègo. 31Izràɛlviwo sumɔ Tɔhonɔ̀ lè Yosùa be hùenu. Eye lè yebe ku yomè a, kplɔ̀tɔ kèwo keŋu kpɔ ŋùdãnu kèwo Tɔhonɔ̀ wɔ̀ na Izràɛl be dùkɔ̃a, cã na wo sumɔ Tɔhonɔ̀.
32Izràɛlviwo yì ɖì Yosɛ̀f be èpu kèwo wo hɛ̃ so Ejiptè gbɔ̀a ɖo Sikɛ̀m#24.32 Sikɛ̀m: nyi àgbètɔ be nyikɔ kè wo sɔ na èdùa. Wo yì jrà ɛ̀ ɖo ɖo Yakɔb be ànyigbã kè be plè ku klòsalò gà èkà èvè takpo lè Hamɔ̀r be èviwo sia ji. Hamɔ̀r kèa ye sò Sikɛ̀m be èdù kè va trɔ zũ Yosɛ̀f be jìjimèviwo tɔ̀a.
33Arɔ̀n be èvi Eleazàr cã va ku. Wo yì ɖì ì ɖo Efràyim be èto-nyigbã ji lè ètokɔ̃ɛ kè wo sɔ na èvia Pìneà ji.
Currently Selected:
Yosùa 24: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
Yosùa 24
24
Yosùa tùxo kpɔ̀tɛa na Izràɛl be dùkɔ̃a
1Yosùa biɔ so Izràɛl be kɔ̀tawo kpata si be woa bɔ̀ lè Sikɛ̀m be èdùa mè. Kè wo bɔ̀ lè funua, Yosùa yɔ èdùamèmègãwo, ŋùkɔ̀nɔ̀tɔwo, kòjoɖotɔwo, ku Izràɛl be àhùagawo va bɔ̀ ɖo Mawu be ŋùkɔ̀#24.1 Mawu be ŋùkɔ̀ nyi nɔ̀nɔmè tɔ̀xɛ ɖe kè mè Izràɛlviwo nɔ̀nà ne Mawu ji la pò nupo ku woa. Lè fikèa Yosùa ye lè Mosè tèpe. 2Eye Yosùa gblɔ̃ na dùkɔ̃a kpata be: “Tɔhonɔ̀, Izràɛl be Mawu a le gblɔ̃ na mì be: “lè Blèmàa, mìa tɔgbewo, vevetɔ Abràham ku Nàhɔr be ètɔ Terà, wo nɔ̀ Efràta-tɔ̀a be èwèzɛ̃pe eye wo sumɔ vòduwo. 3Ànyigbã kèa ji mù yɔ mìa tɔgbe Abràham so eye mù kplɔ̀ ɛ̀ ɖìsà lè Kanàn nyigbã kpata ji. Mù na ɛ̀ èvi ŋusù Izàk eye mù gbà na to Izàk ji, yebe jìjimèviwo sùgbɔ ɖo ji. 4Mù na Izàk jì vènàvi Yakɔb ku Esaò. Mù sɔ Sèir be èto-nyigbã na Esaò ku yebe jìjimèviwo. Eye Yakɔb #24.4 ŋɔ̀ŋlɔ̃ ɖewo be Yakɔb mìa tɔgbe tɔ̀gbè. kudo èviawo yì sò ci Ejiptè. 5E yomè a, mù ɖo Mosè ku Arɔ̀n ɖoɖa ne woa doàlɔ̀ mìa tɔgbewo. Eye mù na jɔ̀gbè vuɛ̃wo jɔ̀ ɖo Ejiptètɔwo ji ne woa teŋu tàsi mìabe dùkɔ̃a. 6Nène a ye mù kplɔ̀ mìa tɔgbewo jo lè Ejiptè eye wo zɔ̃ kaka va ɖo keti be àpùa to. Wàlɛbɛ kè Ejiptètɔwo tĩ woa yomè ku woabe àhùakèkevi ku èsɔwoa, 7wo do àpa biɔ àpe àlɔ̀do eye mù sɔ vìvìti doàgbò ɖe sɔ mã wo ku Ejiptè be àhùakɔ̃a dòmè. E yomè a mù sɔ àpùsi sɔ crɔ̃ woabe àhùakɔ̃awo. Mìa ŋutɔ mì nya àlekè mù wɔ̀ ku Ejiptè do a! Ekèa yomè a, mì nɔ̀ zògbè ji xɔ̀ èpè sùgbɔ. 8So funua, mù kplɔ̀ mì yì Àmorìtɔwo be ànyigbã ji lè Yɔrdàn-tɔ̀ sàsraa be èwèzɛ̃pe. Wo wɔ̀ àhùa ku mì, vɔ̀a mù ɖè wo do àsi na mì eye mì xɔ̀ woabe ànyigbã ɖo mù crɔ̃ wo lè ŋùkɔ̀ na mì. 9Eye Bàlak, Mòab be èfìɔ, Sipɔ̀r be èvi ŋusùa, cã sitè ɖo mìa ŋuti. E na wo yɔ Beɔ̀r be èvi ŋusù Bàlam #24.9 Bàlam: E nyi Mawu be gblɔ̃ɖɛtɔ ne bè a va sɛ̃kpɛ̃ na mì. 10Vɔ̀a, nyè mu na mɔnu kpɔkpɔ Bàlam ò eye lè kpɛ̃sɛ̃ tèpea, mù na be tu sì na mì bòhũ. Nène a ye mù hlùɛ̃ mì lè Bàlak si mè. 11Mì sò Yɔrdàn-tɔ̀ sàsra yì kɔ̀ ɖo Yerikò nyigbã ji e yomè. Eye Yerikò be àhùakɔ̃wo sɔ àhùa ɖo mìa ŋuti. Vɔ̀a mù na mì ɖù woa ji. Nène ke ye Àmorìtɔwo, Perizìtɔwo, Kanàntɔwo, Hitìtɔwo, Gìrgacìtɔwo, Hivìtɔwo ku Yebusìtɔwo be àhùakɔ̃wo sitè ɖo mia ŋuti, vɔ̀a mù na mì ɖù woa ji keŋu-keŋu. 12Mù do tìtɔ̀titɔ#24.12 Tìtɔ̀titɔ: Xoma buwo gblɔ̃ be àdãgbãwo nyà Àmorìtɔwo lè ŋùkɔ̀ na wo Àmorìtɔwo be èfìɔ èvèawo dòmè lè ŋùkɔ̀ na mì. Eye mù ɖù woa ji na mì. Ekèa mu kù ɖo mìabe àhùawɔ̀nuwo ŋuti ò. 13Nène a mù sɔ ànyigbã kè mì mu jè àgbàgba ɖe dè ò, èdù kèwo mì mu tù ò co mì lè wo mè, vɛ̃-gble ku àmìti kèwo be àgblè mì mu dè ò, vɔ̀, mì le ɖù woabe kusɛ̃sɛ̃wo, na mì.”
14Eye Yosùa yì eji gblɔ̃ be: “Fifìa, mì ɖo bùbu na Tɔhonɔ̀ eye mìa sumɔ ɛ̀ lè ànùkua ku ègbèji nɔ̀nɔ blibo mè. Mì gbe ènu lè vòdu kèwo mìa tɔgbewo sɛ̃ lè Efratà-tɔ̀ godo ku Ejiptè ne mìa sumɔ Tɔhonɔ̀ ɖèka kpò. 15Ne mu jro mì be mìa sumɔ Tɔhonɔ̀ òa, eŋuã mì cã vòdu kèwo mì la sumɔa. Mì la teŋu cã lè vòdu kèwo mìa tɔgbewo sumɔ lè Efratà-tɔ̀ gãa godo àlo ekèwo Àmorìtɔwo le sumɔ gbɔ̀xue mì va xɔ̀ woabe ànyigbã a. Vɔ̀a è nyè ku àxuedo#24.15 Àxuedo: E le nyi xòmè gãa ku àmè kèwo keŋu tɛ ɖo xòmè kèa ŋutia nyèa, mi la sumɔ Tɔhonɔ̀.”
16Dùkɔ̃a ɖo e ŋuti be: “Gbèɖe! Mi mu la gbe ènu lè Tɔhonɔ̀ ŋuti ò. Gbèɖe! Mi mu la sumɔ vòdu buwo cã ò. 17Tɔhonɔ̀ miabe Mawu ye kplɔ̀ mia tɔgbewo to lè Ejiptè-nyigbã ji fikè wo yì zũ kluvi lèa, eye mi gbà nya ŋùdãnu kèwo be wɔ̀ lè funua. Tɔhonɔ̀ ŋutɔ ye hlùɛ̃ mi lè èmɔ̃ kè mi zɔ̃a kpata mè ku lè dùkɔ̃ kèwo be ànyigbã ji mi toa, si. 18E ye ke nyà dùkɔ̃ gbogbowo lè ŋùkɔ̀ na mi, vevetɔ Amɔrìtɔ kèwo nɔ̀ ànyigbã kèa ji sãa. E ye ɖèka kpò ye nyi miabe Mawu. Tɔhonɔ̀ ɖèka kpò mi la sumɔ.”
19Eye Yosùa gblɔ̃ na dùkɔ̃a be: “Yɔ̀ɔ! Mì mu la teŋu sumɔ Tɔhonɔ̀ ò, ɖo Mawu Kɔ̀kɔ̀ɛ be nyi, Mawu kè mu la lɔ̃ be mìa gbà sumɔ ènu bu klua #24.19 Ekèa lè Tot 20.5 ò. Eye mu la lɔ̃ la gbà sɔ mìabe vuɛ̃wo ku mìabe àglajèje sɔ kè mì ò. 20Ne mì trɔ lè e yomè yì le sumɔ vòduwoa, e la sitè ɖo mìa ŋuti la wɔ̀ ènu bàɖà ku mì sɔ crɔ̃ mì kaka va na fifì ŋutɔ cã a.” 21Dùkɔ̃a gblɔ̃ na Yosùa be: “Kpaoo! Tɔhonɔ̀ kpò mi la sumɔ.” 22Yosùa yì eji, gblɔ̃ na wo be: “Mìa ŋutɔ mì nyi mìabe ɖàsèfowo be yèwo la sumɔ Tɔhonɔ̀ kpò.” Wo ɖo e ŋuti be: “Ɛ̃ɛ, mi nyi mia ŋutɔ be ɖàsèfowo.” 23Eye Yosùa gblɔ̃ be: “Eŋuã mì gbe ènu lè vòdu kèwo lè mìa dòmèawo ŋuti ne mìa tɛ ɖo Tɔhonɔ̀, Izràɛl be Mawu a ŋuti ku èjì blibo.” 24Dùkɔ̃a gbà xɔ̀ ènyàa gblɔ̃ be: “Ɛ̃ɛ! Tɔhonɔ̀ ye nyi miabe Mawu. E ye kpò mi la sumɔ eye mi la wɔ̀ ɖo yebe ègbèɖèɖewo ji.”
25Ŋùkèkè ŋua gbè lè Sikɛ̀m ye Yosùa wɔ̀ zòɖùɖu ku Mawu lè dùkɔ̃a be nyikɔ mè. E na wo èse ku ɖoɖo kèwo ji wo ɖo la wɔ̀ ɖoa. 26Eye Yosùa ŋlɔ̀ ènyà kèawo ɖo xoma kè mè Mawu be èsea lèa mè na dùkɔ̃a. E yomè a, e sɔ ŋùkuɖoji-kpe gã ɖe sɔ li ɖo àti gãa gɔ̃mè lè Tɔhonɔ̀ be vɔsa wɔ̀pea. 27E yomè a, Yosùa gblɔ̃ na dùkɔ̃a be: “Ekpe kèa la nyi ŋùkuɖoji-kpe lè mia dòmè. Ɖo e sè ènyà kèwo keŋu Tɔhonɔ̀ do àsi na mia. Ɛ̃ɛ e la nyi ɖàsèfo be èkpe kè la nɔ̀ ɖoŋùku e ji na mì be mì mu ɖo la sitè ɖo mìabe Mawu a ŋuti ò.” 28Ekèa yomè ye Yosùa ɖo dùkɔ̃a ɖoɖa woabe àxomè àmètɔ̀ àmètɔ̀.
Yosùa be ku
29Lè ekèawo keŋu yomè a, Nun be èvi Yosùa, Tɔhonɔ̀ be sumɔ̃via ku lè yebe èpè àlɔ̀ ɖèka ci èwo be xɔ̀xɔ mè. 30Izràɛlviwo yì ɖì ì ɖo ànyigbã kè be xɔ̀a ji lè Timnà-Seràh #24.30 Timnà-Seràh: Nyikɔ xoxoa nyi Timnà-Herɛ̀s kè lè Efràyim be èto-nyigbã ji lè Gacè be ètoa be èvègo. 31Izràɛlviwo sumɔ Tɔhonɔ̀ lè Yosùa be hùenu. Eye lè yebe ku yomè a, kplɔ̀tɔ kèwo keŋu kpɔ ŋùdãnu kèwo Tɔhonɔ̀ wɔ̀ na Izràɛl be dùkɔ̃a, cã na wo sumɔ Tɔhonɔ̀.
32Izràɛlviwo yì ɖì Yosɛ̀f be èpu kèwo wo hɛ̃ so Ejiptè gbɔ̀a ɖo Sikɛ̀m#24.32 Sikɛ̀m: nyi àgbètɔ be nyikɔ kè wo sɔ na èdùa. Wo yì jrà ɛ̀ ɖo ɖo Yakɔb be ànyigbã kè be plè ku klòsalò gà èkà èvè takpo lè Hamɔ̀r be èviwo sia ji. Hamɔ̀r kèa ye sò Sikɛ̀m be èdù kè va trɔ zũ Yosɛ̀f be jìjimèviwo tɔ̀a.
33Arɔ̀n be èvi Eleazàr cã va ku. Wo yì ɖì ì ɖo Efràyim be èto-nyigbã ji lè ètokɔ̃ɛ kè wo sɔ na èvia Pìneà ji.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.