Yosùa 13
13
Ànyigbã kèwo kpɔ̀tɔ̀ Izràɛlviwo la xɔ̀a
1Yosùa sĩ, ku tɔgbe wàlɛbɛ kè ye Tɔhonɔ̀ gblɔ̃ na ɛ̀ be: “Wò sĩ vɔ̀, gbà ku tɔgbe, co ànyigbã kpɔ̀tɛ kè kpɔ̀tɔ̀ ye wò ɖo la xɔ̀a sùgbɔ. 2Ànyigbã kèawo ye kpɔ̀tɔ̀: Filistìtɔwo ku Gèsurìtɔwo be ànyigbã kpata, 3so kaka Sihɔ̀r be èsì sàsra kè jè ŋùkɔ̀ Ejiptè va ɖo Ekrɔ̀n be ànyigbã kè lè èvègo ye wo la yɔ be Kanàn tɔ̀a; Filistìtɔwo be fìɔdu àtɔ̃awo: Gazà be fìɔdu, Astɔ̀d be fìɔdu, Askelɔ̀n be fìɔdu, Gat be fìɔdu ku Ekrɔ̀n be fìɔdu gbàkudo Avìtɔwo; 4so kaka àpùgoa, Mearà ku Kanàntɔwo be ànyigbã kè nyi Sidɔ̀ntɔwo tɔ̀ kaka yì Àfɛk, yì Àmorìtɔwo be lipòa ji, 5na Gebalìtɔwo be ànyigbã ku Libàn kpata lè èwèzɛ̃pe, so Baal-Gad lè Hermɔ̀n be ètoa be gɔ̃mè va ɖo Lebò-Hamàt; 6ètojitɔwo kpata, so Libàn va ɖo Misèrefɔ̀t-Màim, Sidɔ̀ntɔwo kpata. Nyè ŋutɔ, mù la xɔ̀ ànyigbã lè woa si lè Izràɛlviwo be ŋùkɔ̀. Ɖè kpò wò la mã ɛ̀ na Izràɛlviwo sìgbè àlekè mù do è àsi na wòa nène ɖo Izràɛl be crɔ̃nu ye. 7Eŋuã fifìa, mã ànyigbã kèa, ne bèa nyi kɔ̀ta àsiɖèkɛa ku Manasè be kɔ̀ta be àkpa ɖèkawo be crɔ̃nu.” 8Ɖo sɔ kpe ɖo Manasè be kɔ̀ta be àkpa èvègɔ̃a ŋutia, Rubɛ̀n bè kɔ̀ta ku Gad bè kɔ̀ta xɔ̀ woabe crɔ̃-nyigbã kè ye Mosè, Tɔhonɔ̀ be sumɔ̃via na wo lè Yɔrdàn godo lè èwèzɛ̃pea: 9so Aròea kè lè Arnɔ̀n be bàlìa be mɔnua ku èdù kè lè bàlìa mèa, Màdabà be gbàjàa ji yì Divɔ̀n, 10Sihɔ̀n kè nyi Àmorìtɔwo be èfìɔ, kè le ɖùfìɔ lè Hɛsbɔ̀n kaka yì kɔ̀ ɖo Amɔ̀n be viwo be lipò jia be èdùawo kpata; 11Gilead ku Gèsurìtɔwo be ànyigbã ku Màakatì gbàkudo Hermɔ̀n be ètoa ku Basàn kpata va ɖo Salkà; 12lè Sanàn nyigbã ji, wo xɔ̀ Ɔg kè nyi àmè jɔ̀ àsu kpɔ̀tɛawo be dòmètɔ ɖèka eye be ɖùfìɔ lè Astàrɔt ku Edreìa be fìɔdua keŋu nu. Mosè ɖù woa ji, xɔ̀ woabe ànyigbãwo. 13Vɔ̀, Izràɛlviwo mu teŋu xɔ̀ Gèsurìtɔwo ku Màakatìtɔwo be ànyigbãwo ò, ɖo Gèsurìtɔwo ku Màakatìtɔwo nɔ̀ Izràɛlviwo dòmè kaka va na egbè egbè. 14Co Mosè mu na crɔ̃-nyigbã Levì be kɔ̀ta ò: ɖo sìgbè àlekè be gblɔ̃ na woa, vɔsa kè wo la nɔ wɔ̀ na Tɔhonɔ̀a ye nyi woabe crɔ̃nu. 15Mosè na Rubɛ̀n be kɔ̀ta mèviwo tèpe sɔ zɔ̃ ɖo woabe hɛ̃nuwo ji. 16Wo xɔ̀ ànyigbã kè so kaka Aròea kè lè Arnɔ̀n be bàlìa be mɔnua ku èdù kè lè bàlìa mèa, kudo gbàjàa kè gogo Màdabàa. 17Hɛsbɔ̀n ku yebe èdù gã kèwo lè èto gbàjàa jia: Divɔ̀n, Bamɔ̀t-Baal, Bɛt-Baal-Mɛɔ̀n, 18Yahsà, Kedemɔ̀t, Mefàt, 19Kiriatayìm, Sibmà, Serɛ̀t-Sahàr lè ètovi kè lè gbàjàa jia, 20Bɛt-Peɔ̀r, Bɛt-Yesimɔ̀t ku Pisgà be bàlìa, 21èto gbàjàa be èdùwo keŋu Àmorìtɔwo be èfìɔ Sihɔ̀n kè le ɖùfìɔ lè Hɛsbɔ̀n be fìɔdua kpata. Mosè ɖù èfìɔa ku Madìan be àgbònùgla kèawo ji: Ɛvì, Rukɛ̀m, Sur, Hur kudo Rebà, kèwo lè Sihɔ̀n be jiɖùɖua gɔ̃mè lè ànyigbã ji. 22Lè àmè kèwo ye Izràɛlviwo wù ku èwuia dòmèa, Beɔ̀r be vi ŋusù Bìleam kè kãnà ènua cã lè. 23Rubɛ̀n be viwo be lipòa ye nyi Yɔrdàn ku yebe àgowo ji. Nène a ye nyi Rubɛ̀n be viwo be crɔ̃a zɔ̃ ɖo woabe hɛ̃nu, èdù ku kɔpewo ji. 24Ne Gad be kɔ̀ta, Mosè na Gad be viwo ànyigbã sɔ zɔ̃ ɖo woabe hɛ̃nu ji. 25Wo xɔ̀ Yazɛ̀r be ànyigbã, Gilead be èdùawo keŋu ku Amɔ̀n be viwo be ànyigbã be àkpa mamã mè yì ɖo Aròea kè jè ŋùkɔ̀ Rabà; 26sɔ kpea, so Hɛsbɔ̀n kaka va ɖo Ramàt-Mispɛ̀ ku Bètonìm gbà so Màhanàim va ɖo Lòdevà be lipòa ji; 27gbà yì gbàjàa ji lè Bɛt-Haràm, Bɛt-Nimrà, Sukɔ̀t, Safɔ̀n Hɛsbɔ̀n be èfìɔ Sihɔ̀n be fìɔdua be kpɔ̀tɛa, ku Yɔrdàn gbàkudo yebe àgowo ji va ɖo Kinerɛ̀t be àpùa be vɔ̀vɔnu lè Yɔrdàn godo, lè èwèzɛ̃pe. 28Ekèa ye nyi Gad be viwo be crɔ̃ sɔ zɔ̃ ɖo woabe hɛ̃nu, woabe èdù ku kɔpewo ji. 29Na Manasè be kɔ̀ta be àkpa mamã mè kè gbà le nyi Manasè be viwo be àkpa mamã mèa, Mosè na wo ànyigbã sɔ zɔ̃ ɖo woabe hɛ̃nuwo ji. 30Wo xɔ̀ ànyigbã so kaka Màhanàim kè mè ye Basàn kpata lèa, Basàn be èfìɔ Ɔg be fìɔdua keŋu, ku Yàirò be kɔpevi èkà takpo ɖewo lè Basàn. 31Gilead be mamã mè, Astàrotè ku Edreì kèwo nyi èdù le Ɔg be fìɔdua mè lè Basàn, wo nyi Makìr kè nyi Manasè be vi ŋusùa be viwo tɔ̀, e gɔ̃mè ye nyi be mamã mè àkpa ɖèka tɔ̀ sɔ zɔ̃ ɖo woabe hɛ̃nuwo ji. 32Ekèa ye nyi ànyigbã kè Mosè na sìgbè ècrɔ̃ nène lè Mòab be gbàjàa ji lè Yɔrdàn godo, gogo Yerikò lè èwèzɛ̃pe. 33Vɔ̀ na Levì be kɔ̀ta, Mosè mu na crɔ̃-nyigbã ò; Tɔhonɔ̀ Izràɛl be Mawu a ye nyi woabe crɔ̃-nyigbã sìgbè àlekè Mosè gblɔ̃ ɛ̀ na woa nène.
Currently Selected:
Yosùa 13: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
Yosùa 13
13
Ànyigbã kèwo kpɔ̀tɔ̀ Izràɛlviwo la xɔ̀a
1Yosùa sĩ, ku tɔgbe wàlɛbɛ kè ye Tɔhonɔ̀ gblɔ̃ na ɛ̀ be: “Wò sĩ vɔ̀, gbà ku tɔgbe, co ànyigbã kpɔ̀tɛ kè kpɔ̀tɔ̀ ye wò ɖo la xɔ̀a sùgbɔ. 2Ànyigbã kèawo ye kpɔ̀tɔ̀: Filistìtɔwo ku Gèsurìtɔwo be ànyigbã kpata, 3so kaka Sihɔ̀r be èsì sàsra kè jè ŋùkɔ̀ Ejiptè va ɖo Ekrɔ̀n be ànyigbã kè lè èvègo ye wo la yɔ be Kanàn tɔ̀a; Filistìtɔwo be fìɔdu àtɔ̃awo: Gazà be fìɔdu, Astɔ̀d be fìɔdu, Askelɔ̀n be fìɔdu, Gat be fìɔdu ku Ekrɔ̀n be fìɔdu gbàkudo Avìtɔwo; 4so kaka àpùgoa, Mearà ku Kanàntɔwo be ànyigbã kè nyi Sidɔ̀ntɔwo tɔ̀ kaka yì Àfɛk, yì Àmorìtɔwo be lipòa ji, 5na Gebalìtɔwo be ànyigbã ku Libàn kpata lè èwèzɛ̃pe, so Baal-Gad lè Hermɔ̀n be ètoa be gɔ̃mè va ɖo Lebò-Hamàt; 6ètojitɔwo kpata, so Libàn va ɖo Misèrefɔ̀t-Màim, Sidɔ̀ntɔwo kpata. Nyè ŋutɔ, mù la xɔ̀ ànyigbã lè woa si lè Izràɛlviwo be ŋùkɔ̀. Ɖè kpò wò la mã ɛ̀ na Izràɛlviwo sìgbè àlekè mù do è àsi na wòa nène ɖo Izràɛl be crɔ̃nu ye. 7Eŋuã fifìa, mã ànyigbã kèa, ne bèa nyi kɔ̀ta àsiɖèkɛa ku Manasè be kɔ̀ta be àkpa ɖèkawo be crɔ̃nu.” 8Ɖo sɔ kpe ɖo Manasè be kɔ̀ta be àkpa èvègɔ̃a ŋutia, Rubɛ̀n bè kɔ̀ta ku Gad bè kɔ̀ta xɔ̀ woabe crɔ̃-nyigbã kè ye Mosè, Tɔhonɔ̀ be sumɔ̃via na wo lè Yɔrdàn godo lè èwèzɛ̃pea: 9so Aròea kè lè Arnɔ̀n be bàlìa be mɔnua ku èdù kè lè bàlìa mèa, Màdabà be gbàjàa ji yì Divɔ̀n, 10Sihɔ̀n kè nyi Àmorìtɔwo be èfìɔ, kè le ɖùfìɔ lè Hɛsbɔ̀n kaka yì kɔ̀ ɖo Amɔ̀n be viwo be lipò jia be èdùawo kpata; 11Gilead ku Gèsurìtɔwo be ànyigbã ku Màakatì gbàkudo Hermɔ̀n be ètoa ku Basàn kpata va ɖo Salkà; 12lè Sanàn nyigbã ji, wo xɔ̀ Ɔg kè nyi àmè jɔ̀ àsu kpɔ̀tɛawo be dòmètɔ ɖèka eye be ɖùfìɔ lè Astàrɔt ku Edreìa be fìɔdua keŋu nu. Mosè ɖù woa ji, xɔ̀ woabe ànyigbãwo. 13Vɔ̀, Izràɛlviwo mu teŋu xɔ̀ Gèsurìtɔwo ku Màakatìtɔwo be ànyigbãwo ò, ɖo Gèsurìtɔwo ku Màakatìtɔwo nɔ̀ Izràɛlviwo dòmè kaka va na egbè egbè. 14Co Mosè mu na crɔ̃-nyigbã Levì be kɔ̀ta ò: ɖo sìgbè àlekè be gblɔ̃ na woa, vɔsa kè wo la nɔ wɔ̀ na Tɔhonɔ̀a ye nyi woabe crɔ̃nu. 15Mosè na Rubɛ̀n be kɔ̀ta mèviwo tèpe sɔ zɔ̃ ɖo woabe hɛ̃nuwo ji. 16Wo xɔ̀ ànyigbã kè so kaka Aròea kè lè Arnɔ̀n be bàlìa be mɔnua ku èdù kè lè bàlìa mèa, kudo gbàjàa kè gogo Màdabàa. 17Hɛsbɔ̀n ku yebe èdù gã kèwo lè èto gbàjàa jia: Divɔ̀n, Bamɔ̀t-Baal, Bɛt-Baal-Mɛɔ̀n, 18Yahsà, Kedemɔ̀t, Mefàt, 19Kiriatayìm, Sibmà, Serɛ̀t-Sahàr lè ètovi kè lè gbàjàa jia, 20Bɛt-Peɔ̀r, Bɛt-Yesimɔ̀t ku Pisgà be bàlìa, 21èto gbàjàa be èdùwo keŋu Àmorìtɔwo be èfìɔ Sihɔ̀n kè le ɖùfìɔ lè Hɛsbɔ̀n be fìɔdua kpata. Mosè ɖù èfìɔa ku Madìan be àgbònùgla kèawo ji: Ɛvì, Rukɛ̀m, Sur, Hur kudo Rebà, kèwo lè Sihɔ̀n be jiɖùɖua gɔ̃mè lè ànyigbã ji. 22Lè àmè kèwo ye Izràɛlviwo wù ku èwuia dòmèa, Beɔ̀r be vi ŋusù Bìleam kè kãnà ènua cã lè. 23Rubɛ̀n be viwo be lipòa ye nyi Yɔrdàn ku yebe àgowo ji. Nène a ye nyi Rubɛ̀n be viwo be crɔ̃a zɔ̃ ɖo woabe hɛ̃nu, èdù ku kɔpewo ji. 24Ne Gad be kɔ̀ta, Mosè na Gad be viwo ànyigbã sɔ zɔ̃ ɖo woabe hɛ̃nu ji. 25Wo xɔ̀ Yazɛ̀r be ànyigbã, Gilead be èdùawo keŋu ku Amɔ̀n be viwo be ànyigbã be àkpa mamã mè yì ɖo Aròea kè jè ŋùkɔ̀ Rabà; 26sɔ kpea, so Hɛsbɔ̀n kaka va ɖo Ramàt-Mispɛ̀ ku Bètonìm gbà so Màhanàim va ɖo Lòdevà be lipòa ji; 27gbà yì gbàjàa ji lè Bɛt-Haràm, Bɛt-Nimrà, Sukɔ̀t, Safɔ̀n Hɛsbɔ̀n be èfìɔ Sihɔ̀n be fìɔdua be kpɔ̀tɛa, ku Yɔrdàn gbàkudo yebe àgowo ji va ɖo Kinerɛ̀t be àpùa be vɔ̀vɔnu lè Yɔrdàn godo, lè èwèzɛ̃pe. 28Ekèa ye nyi Gad be viwo be crɔ̃ sɔ zɔ̃ ɖo woabe hɛ̃nu, woabe èdù ku kɔpewo ji. 29Na Manasè be kɔ̀ta be àkpa mamã mè kè gbà le nyi Manasè be viwo be àkpa mamã mèa, Mosè na wo ànyigbã sɔ zɔ̃ ɖo woabe hɛ̃nuwo ji. 30Wo xɔ̀ ànyigbã so kaka Màhanàim kè mè ye Basàn kpata lèa, Basàn be èfìɔ Ɔg be fìɔdua keŋu, ku Yàirò be kɔpevi èkà takpo ɖewo lè Basàn. 31Gilead be mamã mè, Astàrotè ku Edreì kèwo nyi èdù le Ɔg be fìɔdua mè lè Basàn, wo nyi Makìr kè nyi Manasè be vi ŋusùa be viwo tɔ̀, e gɔ̃mè ye nyi be mamã mè àkpa ɖèka tɔ̀ sɔ zɔ̃ ɖo woabe hɛ̃nuwo ji. 32Ekèa ye nyi ànyigbã kè Mosè na sìgbè ècrɔ̃ nène lè Mòab be gbàjàa ji lè Yɔrdàn godo, gogo Yerikò lè èwèzɛ̃pe. 33Vɔ̀ na Levì be kɔ̀ta, Mosè mu na crɔ̃-nyigbã ò; Tɔhonɔ̀ Izràɛl be Mawu a ye nyi woabe crɔ̃-nyigbã sìgbè àlekè Mosè gblɔ̃ ɛ̀ na woa nène.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.