Ɛstà-G 2
2
Ɛstà trɔ zũ èfìɔsrɔ̃
1 Lè ènyàjɔ̀jɔ kèawo yomèa, kè ne yebe èjìbibia jè e mè kpòa, èfìɔa mu gbà biɔ Vastì ta sè ò, ɖo e ɖoŋù yebe nupoawo ku àlekè be sò ènyà na ɛ̀ vɔ̀a. 2 Èfìɔ be ŋutimɛ kèwo le wɔ̀ sumɔvi-dɔ lè e gbɔa, gblɔ̃ be: “Wo ne ji nyɔnùvi jè tùgbɛ̀jɛ, lè àlɔ̀jiwo gbà nyakpɔkpɔwo va na èfìɔa. 3 Èfìɔ ne ɖo àsàfòcɛ̀wo ɖoɖa yebe fìɔdua be èdù-nyigbãwo kpata ji woa yì cã nyɔnùvi jè tùgbɛ̀jɛ, lè àlɔ̀jiwo gbà nyakpɔwo kplɔ̀ va èfìɔsa mè lè Suzè. Gà ŋua mèa wo la sɔ wo do àsi na fìɔ-xomè be kobonɔ̀ kè kpɔna nyɔnùawo jia. Wo ne na wo àmì hɔ̃huɛ̃wo eye woa ji bèlele na àmè ɖokoea be ènu kpɔ̀tɛawo va na wo. 4 Nyɔnù kè la jè e ji na èfìɔa la nyi fìɔsrɔ̃ ɖo Vastì tèpe. “Ènyà kèa jɔ̀ jì na èfìɔa eye e wɔ̀ ɛ̀ nènea.
5 Yudeà-tɔ ɖe lè Suzè èdù gã mè kè tɔ̀ Màrdokìa, Yairò be èvi, Semeìa be èvi, Kisaìa be èvi so Bɛnyamìn be kɔ̀ta mè; 6 e nyi àhùale, so Yèruzàlɛm kè Nèbùkàdnɛzà, Babɛ̀l be èfìɔa, yì le kplɔ̀ yì gàtɔnugbe. 7 Àmè ya le hɛ̃ ɖèvi nyɔnù ɖe, yebe àtavi Aminadàb be èvi; yebe nyikɔ nyi Ɛstà. Yebe àjìtɔwo mu gbà lè ò eye Màrdokìa le hɛ̃ ɛ̀ ne bèa va ɖè è. Nyɔnùvia jè tùgbɛ̀jɛ ŋutɔ eye be nya kpɔkpɔ àdodoe mètɔ̀.
8 Lè èfìɔ be èsea be ègàɖoɖo yomèa, wo bɔ̀ tùgbɛ̀jɛwo sùgbɔ kpli lè Suzè èdù gã mè lèe Gayì be àcɛ̀ gɔ̃mè. Eŋua wo kplɔ̀ Ɛstà va Gayì, nyɔnùwo be jikpɔtɔa gbɔ. 9 Tùgbɛ̀jɛa jɔ̀jì na ɛ̀ eye e kpɔ ŋùjèjè lè e gbɔ. Àmèa ɖèbla ji àmì hɔ̃huɛ̃wo ku ègòmè tɔ̀ ɖùɖu na ɛ̀ gbàkudo tùgbɛ̀jɛ ɖɔ̀hũi adrɛ̃ kèwo ye so èfìɔ-xomè va nɔ̀ e ŋuti. E le kpɔ ye ku yebe bùbu be nyɔnùviawo ji nyuɛ̃ɖe lè àsusìwo be àxuea mè. 10 Vɔ̀a Ɛstà mu ɖè yebe kɔ̀ta ku yebe èdùa sia ò; ɖo Màrdokìa do èse na ɛ̀ nènea veveɖe. 11 Wu ekèa, Màrdokìa ɖìnàsà gbè sia gbè tona nyɔnùwo be àwaa gbɔ, le ɖia ènu kè teŋu va e mè na Ɛstà.
12 Kè wètri woèvè sɔ̃ŋu va yìa, gàmè sù be tùgbɛ̀jɛ ɖèka ne yì èfìɔa gbɔ. Àleke jàjràɖowo be hùenu va yìnà ɖoa ye kè: e sɔna wètri àdɛ̃a sɔ sì àmìtikè kè tɔ̀ miràa, e yomèa, e sɔna wètri àdɛ̃ kpɔ̀tɛa e sìnà anùwɛtrɛ̀wo ku nyɔnùwo be àcɔɖoɖo be àtikèwo. 13 Gà ŋua mè ye e yìnà èfìɔa gbɔ. Àmè dɔ̃dɔ̃ ɖèka kplɔ̀nà tùgbɛ̀jɛa so àsusìwo be àxuea mè sɔ yì èfìɔ be àxuea mè. 14 Wètrɔmè ye be yìnà; lè èŋù kè gbèa, e gbà trɔna yìnà àsusìwo be àxue èvègɔ̃a mè kè be jikpɔtɔa le nyi Gayì, èfìɔ be kobonɔ̀a. Eŋua mu ɖo la gbà yì èfìɔa gbɔ ke ò, wu be wo trɔ yɔ yebe nyikɔa kpò.
15 Kè gàmè va sù be Ɛstà, Aminadàb, Màrdokìa be àtàvi be èvi, nyɔnùvia bèa yì èfìɔ gbɔa, mu ɖè èŋù ɖɛ lè kobonɔ̀, nyɔnùwo be jikpɔtɔa be èse ɖekpe ji ò. Nyàwoa, Ɛstà kpɔ ŋùjèje lè àmè kèwo kpata kpɔna ɛ̀a gbɔ. 16 Eŋua Ɛstà va èfìɔ Artazɛ̀rzɛs gbɔ lè wètri woèvègɔ̃, kè nyi Àdar be wètria mè, lè fìɔɖùɖu be èpè adrɛ̃gɔ̃a mè. 17 Eye èfìɔa be èjì le ɖo Ɛstà ŋuti. Àmè kèa kpɔ ŋùjèje lè e gbɔ sɔ wu tùgbɛ̀jɛwo kpata. Kpòa e sɔ èfìɔkuku cɔ̃ èta na ɛ̀ eye e sɔ ɛ̀ ɖo èfìɔsrɔ̃ Vastì tèpe. 18 E yomèa, e ɖo àzãɖùkplɔ̃ na yebe ègawo kpata ku yebe kãlìtɔwo kpata sɔ na ŋùkèkè adrɛ̃wo eye e ɖù ye ku Ɛstà be èsrɔ̃ɖèɖe be àzã. E ɖè àmlɔ̃kɔɛ jɔ̀jɔ kpɔ̀tɔ̀ na yebe fìɔdua be àmèwo kpata.
19 Màrdokìa wɔ̀nà sumɔvi-dɔ lè fìɔsaa mè. 20 Ɛstà mu ɖe yebe èdùa sia ò; ènu kè ŋutia ye le nyi be Màrdokìa sɔ topòɖonya kèa na ɛ̀ be: ne nɔ si Mawu eye ne nɔ wɔ̀ ɖo yebe èsewo ji, sìgbè lè hùenu kè mè e le yè gbɔa nène. Ɛstà mu ɖɔ̀lì àzɔ̃lì ò.
21 Èfìɔ be kobonɔ̀ èvèawo, kèwo nyi àmè ŋutijɔ̀tɔwo be ègawoa, wo bu tamè vuɛ̃ ɖo Màrdokìa be kɔ̀kɔyìji ŋuti eye wo ji be yèwoa wù èfìɔ Artazɛ̀rzɛs. 22 Vɔ̀a Màrdokìa sè ènyàa; e gblɔ̃ ɛ̀ na Ɛstà; àmè ya ɖè èsebla be ènyàa na èfìɔa. 23 Èfìɔa kù ènyaa gɔ̃mè so kobonɔ̀ èvèawo ŋuti eye wo do èkà ève na wo. Èfìɔa ɖè ègbè be woa ŋlɔ̀ ɛ̀ ɖo ènyàjɔ̀jɔ xomaa mè bèa nyi gogo nana ku ŋùkuɖojinu so Màrdokìa be èdɔ nyuɛ̃wo ŋuti.
Currently Selected:
Ɛstà-G 2: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
Ɛstà-G 2
2
Ɛstà trɔ zũ èfìɔsrɔ̃
1 Lè ènyàjɔ̀jɔ kèawo yomèa, kè ne yebe èjìbibia jè e mè kpòa, èfìɔa mu gbà biɔ Vastì ta sè ò, ɖo e ɖoŋù yebe nupoawo ku àlekè be sò ènyà na ɛ̀ vɔ̀a. 2 Èfìɔ be ŋutimɛ kèwo le wɔ̀ sumɔvi-dɔ lè e gbɔa, gblɔ̃ be: “Wo ne ji nyɔnùvi jè tùgbɛ̀jɛ, lè àlɔ̀jiwo gbà nyakpɔkpɔwo va na èfìɔa. 3 Èfìɔ ne ɖo àsàfòcɛ̀wo ɖoɖa yebe fìɔdua be èdù-nyigbãwo kpata ji woa yì cã nyɔnùvi jè tùgbɛ̀jɛ, lè àlɔ̀jiwo gbà nyakpɔwo kplɔ̀ va èfìɔsa mè lè Suzè. Gà ŋua mèa wo la sɔ wo do àsi na fìɔ-xomè be kobonɔ̀ kè kpɔna nyɔnùawo jia. Wo ne na wo àmì hɔ̃huɛ̃wo eye woa ji bèlele na àmè ɖokoea be ènu kpɔ̀tɛawo va na wo. 4 Nyɔnù kè la jè e ji na èfìɔa la nyi fìɔsrɔ̃ ɖo Vastì tèpe. “Ènyà kèa jɔ̀ jì na èfìɔa eye e wɔ̀ ɛ̀ nènea.
5 Yudeà-tɔ ɖe lè Suzè èdù gã mè kè tɔ̀ Màrdokìa, Yairò be èvi, Semeìa be èvi, Kisaìa be èvi so Bɛnyamìn be kɔ̀ta mè; 6 e nyi àhùale, so Yèruzàlɛm kè Nèbùkàdnɛzà, Babɛ̀l be èfìɔa, yì le kplɔ̀ yì gàtɔnugbe. 7 Àmè ya le hɛ̃ ɖèvi nyɔnù ɖe, yebe àtavi Aminadàb be èvi; yebe nyikɔ nyi Ɛstà. Yebe àjìtɔwo mu gbà lè ò eye Màrdokìa le hɛ̃ ɛ̀ ne bèa va ɖè è. Nyɔnùvia jè tùgbɛ̀jɛ ŋutɔ eye be nya kpɔkpɔ àdodoe mètɔ̀.
8 Lè èfìɔ be èsea be ègàɖoɖo yomèa, wo bɔ̀ tùgbɛ̀jɛwo sùgbɔ kpli lè Suzè èdù gã mè lèe Gayì be àcɛ̀ gɔ̃mè. Eŋua wo kplɔ̀ Ɛstà va Gayì, nyɔnùwo be jikpɔtɔa gbɔ. 9 Tùgbɛ̀jɛa jɔ̀jì na ɛ̀ eye e kpɔ ŋùjèjè lè e gbɔ. Àmèa ɖèbla ji àmì hɔ̃huɛ̃wo ku ègòmè tɔ̀ ɖùɖu na ɛ̀ gbàkudo tùgbɛ̀jɛ ɖɔ̀hũi adrɛ̃ kèwo ye so èfìɔ-xomè va nɔ̀ e ŋuti. E le kpɔ ye ku yebe bùbu be nyɔnùviawo ji nyuɛ̃ɖe lè àsusìwo be àxuea mè. 10 Vɔ̀a Ɛstà mu ɖè yebe kɔ̀ta ku yebe èdùa sia ò; ɖo Màrdokìa do èse na ɛ̀ nènea veveɖe. 11 Wu ekèa, Màrdokìa ɖìnàsà gbè sia gbè tona nyɔnùwo be àwaa gbɔ, le ɖia ènu kè teŋu va e mè na Ɛstà.
12 Kè wètri woèvè sɔ̃ŋu va yìa, gàmè sù be tùgbɛ̀jɛ ɖèka ne yì èfìɔa gbɔ. Àleke jàjràɖowo be hùenu va yìnà ɖoa ye kè: e sɔna wètri àdɛ̃a sɔ sì àmìtikè kè tɔ̀ miràa, e yomèa, e sɔna wètri àdɛ̃ kpɔ̀tɛa e sìnà anùwɛtrɛ̀wo ku nyɔnùwo be àcɔɖoɖo be àtikèwo. 13 Gà ŋua mè ye e yìnà èfìɔa gbɔ. Àmè dɔ̃dɔ̃ ɖèka kplɔ̀nà tùgbɛ̀jɛa so àsusìwo be àxuea mè sɔ yì èfìɔ be àxuea mè. 14 Wètrɔmè ye be yìnà; lè èŋù kè gbèa, e gbà trɔna yìnà àsusìwo be àxue èvègɔ̃a mè kè be jikpɔtɔa le nyi Gayì, èfìɔ be kobonɔ̀a. Eŋua mu ɖo la gbà yì èfìɔa gbɔ ke ò, wu be wo trɔ yɔ yebe nyikɔa kpò.
15 Kè gàmè va sù be Ɛstà, Aminadàb, Màrdokìa be àtàvi be èvi, nyɔnùvia bèa yì èfìɔ gbɔa, mu ɖè èŋù ɖɛ lè kobonɔ̀, nyɔnùwo be jikpɔtɔa be èse ɖekpe ji ò. Nyàwoa, Ɛstà kpɔ ŋùjèje lè àmè kèwo kpata kpɔna ɛ̀a gbɔ. 16 Eŋua Ɛstà va èfìɔ Artazɛ̀rzɛs gbɔ lè wètri woèvègɔ̃, kè nyi Àdar be wètria mè, lè fìɔɖùɖu be èpè adrɛ̃gɔ̃a mè. 17 Eye èfìɔa be èjì le ɖo Ɛstà ŋuti. Àmè kèa kpɔ ŋùjèje lè e gbɔ sɔ wu tùgbɛ̀jɛwo kpata. Kpòa e sɔ èfìɔkuku cɔ̃ èta na ɛ̀ eye e sɔ ɛ̀ ɖo èfìɔsrɔ̃ Vastì tèpe. 18 E yomèa, e ɖo àzãɖùkplɔ̃ na yebe ègawo kpata ku yebe kãlìtɔwo kpata sɔ na ŋùkèkè adrɛ̃wo eye e ɖù ye ku Ɛstà be èsrɔ̃ɖèɖe be àzã. E ɖè àmlɔ̃kɔɛ jɔ̀jɔ kpɔ̀tɔ̀ na yebe fìɔdua be àmèwo kpata.
19 Màrdokìa wɔ̀nà sumɔvi-dɔ lè fìɔsaa mè. 20 Ɛstà mu ɖe yebe èdùa sia ò; ènu kè ŋutia ye le nyi be Màrdokìa sɔ topòɖonya kèa na ɛ̀ be: ne nɔ si Mawu eye ne nɔ wɔ̀ ɖo yebe èsewo ji, sìgbè lè hùenu kè mè e le yè gbɔa nène. Ɛstà mu ɖɔ̀lì àzɔ̃lì ò.
21 Èfìɔ be kobonɔ̀ èvèawo, kèwo nyi àmè ŋutijɔ̀tɔwo be ègawoa, wo bu tamè vuɛ̃ ɖo Màrdokìa be kɔ̀kɔyìji ŋuti eye wo ji be yèwoa wù èfìɔ Artazɛ̀rzɛs. 22 Vɔ̀a Màrdokìa sè ènyàa; e gblɔ̃ ɛ̀ na Ɛstà; àmè ya ɖè èsebla be ènyàa na èfìɔa. 23 Èfìɔa kù ènyaa gɔ̃mè so kobonɔ̀ èvèawo ŋuti eye wo do èkà ève na wo. Èfìɔa ɖè ègbè be woa ŋlɔ̀ ɛ̀ ɖo ènyàjɔ̀jɔ xomaa mè bèa nyi gogo nana ku ŋùkuɖojinu so Màrdokìa be èdɔ nyuɛ̃wo ŋuti.
Mina Bible © Bible Society of Togo, 2014.