2Samuɛl 7
7
Àjɔ̀gbè na David ku yebe jìjimèviwo
(1Kro 17.1-15)
1Fifìa, èfìɔ David va ci yebe èfìɔsaa mè. Tɔhonɔ̀ ŋutɔ le kpɔ e ji, eye be na ɛ̀ ŋuti fàfa lè ye ku yebe kɛ̃tɔ kèwo ye pòxla yebe èfìɔdua dòmè. 2Gbè ɖèkaa, èfìɔa gblɔ̃ na Mawu be gblɔ̃ɖɛtɔ Natàn be: “Wò kpɔa, ènyè yaa, mù lè èxɔ̀ kè wo sɔ sedàti sɔ tùa mè, vɔ̀a, Mawu be Zòɖùɖu-Ɖakà a kɔ̀kɔ̀ɛa ya lè gòxɔ kè wo sɔ àvɔ wɔ̀a mè.” 3Natàn ɖo e ŋuti na èfìɔa be: “Ènu ɖekpe kè lè èta mè na wòa, wɔ̀ ɛ̀, ɖoa, Tɔhonɔ̀ lè ku wò.”
4Èzã ŋua mèa, Tɔhonɔ̀ pò nupo na Natàn, eye be gblɔ̃ na ɛ̀ be: 5“Yì to na sumɔ̃vi nyè David be Tɔhonɔ̀ gblɔ̃ be: 'Èwò ye la tù àxue kè mè mù la nɔ̀a na mù a? 6So gbè kè gbè mù kplɔ̀ Izràɛlviwo to lè Ejiptè-nyigbã ji, kaka va na egbèa, nyè mu nɔ̀ àxue ɖe mè kpɔ ò: mù zɔ̃ èmɔ̃a ku Izràɛlviwo, lè gòxɔ mè, eye be nyi nɔ̀pe na mù. 7Wàlɛbɛ kè keŋu mù kplɔ̀ Izràɛlviwo kpataa ɖe, mù kã ŋùmè na woabe kɔ̀ta kè mù sɔ ɖo ŋùkɔ̀ na woa dòmètɔ ɖe be: 'Nukɛ ŋuti mì mu tù sedàti be èxɔ̀ na mù òa?' 8Fifìa, to na sumɔ̃vi nyè David be: 'Tɔhonɔ̀, Ŋusɛ̃kpatatɔa gblɔ̃ be: Ènyè ye kplɔ̀ wò so èlãnyìpe, so èlãwo yomè, be wòa va nyi dùkɔ̃ nyè Izràɛlviwo be kplɔ̀tɔ#7.8 Kpɔ 1Sam 16.11. 9Mù nɔ̀ ku wò, lè àpo ɖoɖowo keŋu mè. Mù mù àpo kɛ̃tɔwo keŋu pu ànyi, lè ŋùkɔ̀ na wò. Mù la na nyikɔ wò la lòlò, sìgbè ànyigbã ji be èfìɔ gãwo be nyikɔwo nène. 10Mù la na nɔ̀pe dùkɔ̃ nyè, Izràɛl dùkɔ̃a, e la nɔ̀ yebe tèpe kèa. Mu la gbà vɔ̃ ènu ɖe ò, eye be la likè; àmè bàɖàwo mu la gbà sò àdìka na ɛ̀ kè ò, eye wo mu la gbà nɔ zĩ ì ɖo ànyi, sìgbè sãa nène, 11wàlɛbɛ kè mù ɖo kòjoɖotɔwo ɖo dùkɔ̃ nyèa nua nène ò. Fifìa, mù la na wò gbɔ̃jɛ̃, eye mù la hlùɛ̃ wò gã, lè àpo èkɛ̃tɔwo be ŋùmè. Eye Tɔhonɔ̀ jro be wòa nya be Tɔhonɔ̀ ŋutɔ la na wò àxuedo gã ɖe. 12Eye, ne àpo àzãwo sù vɔ̀, eye wò jo yì tɔgbe wòwo gbɔ, lè èkuwodea, mù la sɔ wò ŋutɔ àpo àdɔ̀mèvi ɖo tèpe wò, eye mù la likè yebe èfìɔɖùɖu#7.12 Kpɔ 1Èfìɔ 2.12, 46; 8.20. 13Àmè kèa ye la tù àxue na nyikɔ nyè be gogo#7.13 Kpɔ 1Èfìɔ 6, eye ènyè yaa, mù la ɖo è, èfìɔzìkpe kè mu la hũhũ ò a ji, kaka sɔ yì. 14Mù la nyi ètɔ na ɛ̀, eye be la nyi èvi na mù#7.14 Kpɔ Èhàw 2.7; 2Kòr 6.18; Heb 1.15. Ne e jè àgɔ̀ ɖe a, mù la pò è ku àgbètɔwo be èba, eye mù la dɔ̃ èto na ɛ̀, sìgbè lekè wo dɔ̃na ɛ̀ na àgbètɔ be èvi nène. 15Vɔ̀a, ànùkua nyè mu la trɔ lè e yomè, sìgbè lekè mù trɔ ɛ̀ lè Saolò kè mù sɔ wò ɖɔ̀lìa yomè nène ò#7.15 Kpɔ Èhàw 89.31-35; 1Sam 15.28. 16Jìjimèvi wòwo kpò ye la nɔ ɖùfìɔ, eye mù la likè àpo àxuedoa be èfìɔɖùɖu.'” 17Ènyà kèawo ku àvìmènu kèawo keŋu ye Natàn sɔ do Mawu be àŋɛ̀a na David.
David be kuefã
(1Kro 17.17-27)
18Ekèa yomè a, èfìɔ David yì Tɔhonɔ̀ be ŋùmè, lè Ègòdodo be gòxɔa mè, eye be gblɔ̃ be: “Tɔhonɔ̀ Mawu, àmè kɛ ye mù nyi, eye nukɛ ye àxuedo nyè nyi, ne wòa na, ma va nyi ènu kè wò sɔ mù ɖo egbèa ò? 19Vɔ̀a, ekèa mu gbà sù, lè ŋùmè na wò ò, Tɔhonɔ̀ Mawu! Wò gbà le fìã ènu kèwo wò ɖo ɖɛ, la wɔ̀ na ènyè, sumɔ̃vi wò be jìjimèviwo, gbè ɖe gbèa cã be àjɔ̀gbè na ènyè kè nyi àgbètɔ be èvi kpòa, Tɔhonɔ̀ Mawu! 20Tɔhonɔ̀ Mawu, ènyà kɛ ye David la gbà teŋu gblɔ̃ na èwò kè jèsi ènyè, sumɔ̃vi wòa fifì ò? 21Ɛ̃ɛ, ègbè kè wò ɖo ɖɛa, ku lɔ̃lɔ̃ kè wò ɖo na mù a ŋuti ye wò wɔ̀ ènu jɔ̀ àsu kèawo ɖo, eye wò le na ènyè, sumɔ̃vi wòa le nya. 22Ekèa ŋutia, wò lòlò loò, Tɔhonɔ̀ Mawu! Ɖoa, àmè ɖekpe mu sɔ̀ ku wò ò, eye Mawu bu mu lè tovò na wò ò, sɔ zɔ̃ ɖo ènu kèwo keŋu miawo ŋutɔ mi sèa ji. 23Dùkɔ̃ kɛ ye lè ànyigbã ji, sɔ̀ kudo àpo dùkɔ̃ Izràɛl ò? Izràɛl dùkɔ̃ kè Mawu ŋutɔ yì jo, be yèa sɔ wɔ̀ yebe dùkɔ̃, dùkɔ̃ kè ŋuti Mawu be nyikɔ la nɔ̀, wàlɛbɛ kè Mawu le wɔ̀ èdɔ klìsuwo na ɛ̀, eye be le wɔ̀ ènu trì àkɔwo na yebe ànyigbãa, Tɔhonɔ̀ Mawu, dùkɔ̃ ɖe gbà lè, ekè wo teŋu sɔ, sɔ̀ ku àpo dùkɔ̃ kè wò ŋutɔ, wò jo, so Ejiptè-nyigbã ji, ekè wò jo, so Ejiptè be dùkɔ̃a be vòduwo sia? 24Tɔhonɔ̀, wò sɔ Izràɛl dùkɔ̃ kèa wɔ̀ àpo dùkɔ̃, kaka sɔ yì, eye Tɔhonɔ̀, wò ɖèka, wò trɔ zũ dùkɔ̃ kèa be Mawu. 25Fifìa, Tɔhonɔ̀ Mawu nyè, wɔ̀ ɖo àjɔ̀gbè kè wò fìã na sumɔ̃vi wò ku sumɔ̃vi wò be jìjimèviwoa ji, kaka sɔ yì. 26Eŋuã, àpo nyikɔ la nɔ̀ klɛ̃ tɛ̀gbɛ̀, eye àmèwo la nɔ gblɔ̃ be: 'Tɔhonɔ̀, Ŋusɛ̃kpatatɔa ye nyi Mawu lè Izràɛl.' Tɔhonɔ̀, sumɔ̃vi wò, David be jìjimè ne likè lè àpo ŋùmè. 27Nyàwo be nyi be èwò, Tɔhonɔ̀, Ŋusɛ̃kpatatɔ, Izràɛl be Mawu ŋutɔ ye sìa sumɔ̃vi wò be: 'Mù la na wò àxuedo.' Ekèa ŋuti ye sumɔ̃vi wò dojì, le fãkue kèa na wò. 28Fifìa, Tɔhonɔ̀ Mawu, èwò ye nyi Mawu, àpo nupo pòpowo nyi nyàwototo, eye wo gblɔ̃ nyɔna kèa be ènyà na sumɔ̃vi wò. 29Eŋuã, tu sì na sumɔ̃vi wò be àxuedo, àleke be jìjimèvi nyèwo ne zɔ̃ lè àpo ŋùmè tɛ̀gbɛ̀. Ɖoa, èwò Tɔhonɔ̀ Mawu ye fìã àjɔ̀gbè. Àpo sìtu la na be sumɔ̃vi wò be jìjimèviwo la nyi sìtumewo kaka sɔ yì.”
Currently Selected:
2Samuɛl 7: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
2Samuɛl 7
7
Àjɔ̀gbè na David ku yebe jìjimèviwo
(1Kro 17.1-15)
1Fifìa, èfìɔ David va ci yebe èfìɔsaa mè. Tɔhonɔ̀ ŋutɔ le kpɔ e ji, eye be na ɛ̀ ŋuti fàfa lè ye ku yebe kɛ̃tɔ kèwo ye pòxla yebe èfìɔdua dòmè. 2Gbè ɖèkaa, èfìɔa gblɔ̃ na Mawu be gblɔ̃ɖɛtɔ Natàn be: “Wò kpɔa, ènyè yaa, mù lè èxɔ̀ kè wo sɔ sedàti sɔ tùa mè, vɔ̀a, Mawu be Zòɖùɖu-Ɖakà a kɔ̀kɔ̀ɛa ya lè gòxɔ kè wo sɔ àvɔ wɔ̀a mè.” 3Natàn ɖo e ŋuti na èfìɔa be: “Ènu ɖekpe kè lè èta mè na wòa, wɔ̀ ɛ̀, ɖoa, Tɔhonɔ̀ lè ku wò.”
4Èzã ŋua mèa, Tɔhonɔ̀ pò nupo na Natàn, eye be gblɔ̃ na ɛ̀ be: 5“Yì to na sumɔ̃vi nyè David be Tɔhonɔ̀ gblɔ̃ be: 'Èwò ye la tù àxue kè mè mù la nɔ̀a na mù a? 6So gbè kè gbè mù kplɔ̀ Izràɛlviwo to lè Ejiptè-nyigbã ji, kaka va na egbèa, nyè mu nɔ̀ àxue ɖe mè kpɔ ò: mù zɔ̃ èmɔ̃a ku Izràɛlviwo, lè gòxɔ mè, eye be nyi nɔ̀pe na mù. 7Wàlɛbɛ kè keŋu mù kplɔ̀ Izràɛlviwo kpataa ɖe, mù kã ŋùmè na woabe kɔ̀ta kè mù sɔ ɖo ŋùkɔ̀ na woa dòmètɔ ɖe be: 'Nukɛ ŋuti mì mu tù sedàti be èxɔ̀ na mù òa?' 8Fifìa, to na sumɔ̃vi nyè David be: 'Tɔhonɔ̀, Ŋusɛ̃kpatatɔa gblɔ̃ be: Ènyè ye kplɔ̀ wò so èlãnyìpe, so èlãwo yomè, be wòa va nyi dùkɔ̃ nyè Izràɛlviwo be kplɔ̀tɔ#7.8 Kpɔ 1Sam 16.11. 9Mù nɔ̀ ku wò, lè àpo ɖoɖowo keŋu mè. Mù mù àpo kɛ̃tɔwo keŋu pu ànyi, lè ŋùkɔ̀ na wò. Mù la na nyikɔ wò la lòlò, sìgbè ànyigbã ji be èfìɔ gãwo be nyikɔwo nène. 10Mù la na nɔ̀pe dùkɔ̃ nyè, Izràɛl dùkɔ̃a, e la nɔ̀ yebe tèpe kèa. Mu la gbà vɔ̃ ènu ɖe ò, eye be la likè; àmè bàɖàwo mu la gbà sò àdìka na ɛ̀ kè ò, eye wo mu la gbà nɔ zĩ ì ɖo ànyi, sìgbè sãa nène, 11wàlɛbɛ kè mù ɖo kòjoɖotɔwo ɖo dùkɔ̃ nyèa nua nène ò. Fifìa, mù la na wò gbɔ̃jɛ̃, eye mù la hlùɛ̃ wò gã, lè àpo èkɛ̃tɔwo be ŋùmè. Eye Tɔhonɔ̀ jro be wòa nya be Tɔhonɔ̀ ŋutɔ la na wò àxuedo gã ɖe. 12Eye, ne àpo àzãwo sù vɔ̀, eye wò jo yì tɔgbe wòwo gbɔ, lè èkuwodea, mù la sɔ wò ŋutɔ àpo àdɔ̀mèvi ɖo tèpe wò, eye mù la likè yebe èfìɔɖùɖu#7.12 Kpɔ 1Èfìɔ 2.12, 46; 8.20. 13Àmè kèa ye la tù àxue na nyikɔ nyè be gogo#7.13 Kpɔ 1Èfìɔ 6, eye ènyè yaa, mù la ɖo è, èfìɔzìkpe kè mu la hũhũ ò a ji, kaka sɔ yì. 14Mù la nyi ètɔ na ɛ̀, eye be la nyi èvi na mù#7.14 Kpɔ Èhàw 2.7; 2Kòr 6.18; Heb 1.15. Ne e jè àgɔ̀ ɖe a, mù la pò è ku àgbètɔwo be èba, eye mù la dɔ̃ èto na ɛ̀, sìgbè lekè wo dɔ̃na ɛ̀ na àgbètɔ be èvi nène. 15Vɔ̀a, ànùkua nyè mu la trɔ lè e yomè, sìgbè lekè mù trɔ ɛ̀ lè Saolò kè mù sɔ wò ɖɔ̀lìa yomè nène ò#7.15 Kpɔ Èhàw 89.31-35; 1Sam 15.28. 16Jìjimèvi wòwo kpò ye la nɔ ɖùfìɔ, eye mù la likè àpo àxuedoa be èfìɔɖùɖu.'” 17Ènyà kèawo ku àvìmènu kèawo keŋu ye Natàn sɔ do Mawu be àŋɛ̀a na David.
David be kuefã
(1Kro 17.17-27)
18Ekèa yomè a, èfìɔ David yì Tɔhonɔ̀ be ŋùmè, lè Ègòdodo be gòxɔa mè, eye be gblɔ̃ be: “Tɔhonɔ̀ Mawu, àmè kɛ ye mù nyi, eye nukɛ ye àxuedo nyè nyi, ne wòa na, ma va nyi ènu kè wò sɔ mù ɖo egbèa ò? 19Vɔ̀a, ekèa mu gbà sù, lè ŋùmè na wò ò, Tɔhonɔ̀ Mawu! Wò gbà le fìã ènu kèwo wò ɖo ɖɛ, la wɔ̀ na ènyè, sumɔ̃vi wò be jìjimèviwo, gbè ɖe gbèa cã be àjɔ̀gbè na ènyè kè nyi àgbètɔ be èvi kpòa, Tɔhonɔ̀ Mawu! 20Tɔhonɔ̀ Mawu, ènyà kɛ ye David la gbà teŋu gblɔ̃ na èwò kè jèsi ènyè, sumɔ̃vi wòa fifì ò? 21Ɛ̃ɛ, ègbè kè wò ɖo ɖɛa, ku lɔ̃lɔ̃ kè wò ɖo na mù a ŋuti ye wò wɔ̀ ènu jɔ̀ àsu kèawo ɖo, eye wò le na ènyè, sumɔ̃vi wòa le nya. 22Ekèa ŋutia, wò lòlò loò, Tɔhonɔ̀ Mawu! Ɖoa, àmè ɖekpe mu sɔ̀ ku wò ò, eye Mawu bu mu lè tovò na wò ò, sɔ zɔ̃ ɖo ènu kèwo keŋu miawo ŋutɔ mi sèa ji. 23Dùkɔ̃ kɛ ye lè ànyigbã ji, sɔ̀ kudo àpo dùkɔ̃ Izràɛl ò? Izràɛl dùkɔ̃ kè Mawu ŋutɔ yì jo, be yèa sɔ wɔ̀ yebe dùkɔ̃, dùkɔ̃ kè ŋuti Mawu be nyikɔ la nɔ̀, wàlɛbɛ kè Mawu le wɔ̀ èdɔ klìsuwo na ɛ̀, eye be le wɔ̀ ènu trì àkɔwo na yebe ànyigbãa, Tɔhonɔ̀ Mawu, dùkɔ̃ ɖe gbà lè, ekè wo teŋu sɔ, sɔ̀ ku àpo dùkɔ̃ kè wò ŋutɔ, wò jo, so Ejiptè-nyigbã ji, ekè wò jo, so Ejiptè be dùkɔ̃a be vòduwo sia? 24Tɔhonɔ̀, wò sɔ Izràɛl dùkɔ̃ kèa wɔ̀ àpo dùkɔ̃, kaka sɔ yì, eye Tɔhonɔ̀, wò ɖèka, wò trɔ zũ dùkɔ̃ kèa be Mawu. 25Fifìa, Tɔhonɔ̀ Mawu nyè, wɔ̀ ɖo àjɔ̀gbè kè wò fìã na sumɔ̃vi wò ku sumɔ̃vi wò be jìjimèviwoa ji, kaka sɔ yì. 26Eŋuã, àpo nyikɔ la nɔ̀ klɛ̃ tɛ̀gbɛ̀, eye àmèwo la nɔ gblɔ̃ be: 'Tɔhonɔ̀, Ŋusɛ̃kpatatɔa ye nyi Mawu lè Izràɛl.' Tɔhonɔ̀, sumɔ̃vi wò, David be jìjimè ne likè lè àpo ŋùmè. 27Nyàwo be nyi be èwò, Tɔhonɔ̀, Ŋusɛ̃kpatatɔ, Izràɛl be Mawu ŋutɔ ye sìa sumɔ̃vi wò be: 'Mù la na wò àxuedo.' Ekèa ŋuti ye sumɔ̃vi wò dojì, le fãkue kèa na wò. 28Fifìa, Tɔhonɔ̀ Mawu, èwò ye nyi Mawu, àpo nupo pòpowo nyi nyàwototo, eye wo gblɔ̃ nyɔna kèa be ènyà na sumɔ̃vi wò. 29Eŋuã, tu sì na sumɔ̃vi wò be àxuedo, àleke be jìjimèvi nyèwo ne zɔ̃ lè àpo ŋùmè tɛ̀gbɛ̀. Ɖoa, èwò Tɔhonɔ̀ Mawu ye fìã àjɔ̀gbè. Àpo sìtu la na be sumɔ̃vi wò be jìjimèviwo la nyi sìtumewo kaka sɔ yì.”
Mina Bible © Bible Society of Togo, 2014.