Sagesse 7
7
Saloomɔn mun pée sá unil ní
1Ma mun sá unil un làá kpú kii báà ŋmee ní. Ma mun pée nyáń unipeekaa un bi dū ntam ki máńee ni ní. Unimpu ubɔ poon ní bi dū-mi ki kpántì tiwunnan. 2Iŋmal saalaa ní u-fatikuu tīī-mi mpɔn. Uninja ninjati nì ŋgeem mɔŋŋu poon ní m kpántì unil. 3Bi nín màl̄-mee, ma mun fōotì kubuŋu kun sá ti-kɔkɔ yɔkuee ní ki lítì kitiŋ kin pu báà ŋma pée jīǹ falaa nee. Kii báà ŋma nín pée ŋá puee, m-biiliŋu mpeekaa nìn sá nsiim ní. 4Bi nìn dū satab ki bóob́-mi, ní ki kpēē-mi tiŋan. 5Ubɔti ubɔ kaa kíĺ u-maŋfal wiiŋyi mbamin. 6Unil kamaa pée dì nsambaanti ní kí kɔ́nní duulinyan ní kí tí dī nsambaanti kí nyā u-ni.
U-wimmeem pɔŋŋu
7An pu ní m mēē ní Unimbɔti tīī-mi dinyil. M gbāam̀-u ní Iciin fam kɔ́nní m-ni#7.7 Kpèè 1 Bib 3.6-9, 5.9-14.. 8M nìn néeń-i ki jítiǹ dibeejal àá mbɔtikpandɔ. Man ceeyee, tigaajati kaa cá Iciin cee. 9Maa dū-i ki ŋmāntiǹ ŋwimmeem min cáá kudapɔɔuee, di sá yii duulinya nee gaajati kɔkɔ bí kii dibul fiiiyee ní i-cee, ní animbil bí kii tikpatee i-nimbiin#7.9 Dūú ŋmàntī nì Alaŋ 8.11.. 10M néeń Iciin ki jítiǹ ŋgbampɔn nì kunyaaŋŋu, ní m lēē-i í nīn sá-mi ŋwalifi, di sá yii i-walfiŋu kaa kúù jaanjaan. 11Ama i tīī-mi tiwammɔntiil kɔkɔ dicilpu. I nìn ŋúb́ i-ŋaan tigaajati tin kaa bí ŋkaanee. 12M dáká Iciin wammɔntiiti kɔkɔ, di sá yii íǹ di cáań-mi tíǹ gbanti kɔkɔ. Ama maa nìn pée nyí yii íǹ di yì-tì ní m ká tíǹ gbanti. 13Kun ní m bífì sɔkɔmii i-ceeyee, nì dipɔbil diba ní m làá dūú yàkatī kí tīī, maa làá dū i-gaajati kí báĺ. 14Di sá yii Iciin sá tigaajakpaandi tin kaa dóotée ní ki tīī binib. Bin di dū-i ki túń ditundee kpántì Unimbɔti bɔɔbi, ní didàkal ŋanti tin nyánní i-ceeyee fáatiǹ-u.
Unimbɔti di sá Iciin kɔkɔ nyeel
15Unimbɔti ń pɔ̄-mi dinyil ḿ sòoǹ, ní kí ŋmā kí dàkafì kí nóó nì apɔl ŋin m fōōyee nín máaǹ puee, di sá yii úǹ di kpòotī Iciin ní ki kpòotī biciŋfitiibi mun. 16Timbi ti-ba nì ti-nyɔɔbuŋŋi kā u-ŋaan, ki kpáaǹ dinyil kɔkɔ nì ŋŋmam kɔkɔ. 17An pu ní u pú-mi ḿ ŋmā kí béé tin kɔkɔ pée bée. U dàkā-mi tin bi dūu náań duulinyee nì tiwan tin bée tuuŋŋi#7.17 Tiwan tin bée tuuŋŋi: doo nee bi là kí sòoǹ kubuŋu nì ŋŋmi nì kitiŋ pu ní. Tiwan tita gbanti di nìn sá Greeki yab nyiliibi cee tin bí duulinya poonee.. 18U dàkā-mi ŋyunti kíltam nì ti-kansikin nì ti-kúntitam mun, nì ŋwìiń nín còom̄ puee nì iyunti nín kpántí puee, 19nì abin nín dòoń ki kpántí puee nì iŋmalbi paaŋyi, 20nì tiwaŋkuti bítam nì ipeel bimbim, nì ŋfaŋkpitim pɔŋyi nì binib landɔkɔi, nì isufi nì i-buluku nì i-nyaaŋyi nín cáá mpɔn ŋun bi cáa cāantée. 21M nyí tin binib wāĺee nì tin baa wāĺee, di sá yii Iciin in di náań tíǹ kɔkɔee dàkā-mi-tì
Iciin bítam
22Iciin cáá ŋfam min cáá dinyil ki bí circiree. I bí i-baba ní ki tūǹ ditundi isan cutimaanyi poon. I wálifì ní ki yáb̀. Iaa cáá tijɔkɔndi ní ki wāĺ kílkil ní ki gbìl̀ tikɔkɔ taapu. Tikpitil kaa ŋūǹ kí gbēē-i, ní i néeń tiŋan, ki nyí tin bí ki dòońee. 23I bí i-ba pu ní, ki ŋáań tiŋan, ki sá binib bɔɔ, ki pɔ̄ɔ̄, ki máká i-ba pu, ki bí soooo, ki ŋūǹ tikɔkɔ, ki kpèé tikɔkɔ, ki kóò ŋfam min cáá dinyil, ki bí circir ki wálifèe ni. 24Di sá yii Iciin yáb̀ ki jítiǹ tin kɔkɔ còom̄ee. I nín bí circiree puee, i ŋūǹ kí jītí tikɔkɔ poon kí kɔ́ tikɔkɔn. 25I sá Unimbɔti pɔŋŋu fooku ní, ní ki nyánní Mpɔŋkɔdaan nyootin táb. An pu ní báà tijɔkɔndi kaa kóò i-ni. 26A yaa ká-iee, a ká jaanjaan walifiŋu dee. I sá Unimbɔti tundi gitil din pu tiba kaa tákée nì u-laŋŋaŋfitiiku naŋku ní. 27I nín bí i-babee puee, i ŋūǹ tikɔkɔ. Iaa kpántí jaanjaan, ní ki pɔ̀ntī tikɔkɔ. Abin abin, i kóò circirdambin kí bɔ́ntí Unimbɔti bɔɔbi nì bibɔnaatiliibi. 28Di sá yii Unimbɔti néeń bin nì Iciin cáá mpèéyee ní. 29Iciin ŋān̄ ki jítiǹ ŋwìiń ní ki wāĺ ki jítiǹ iŋmalbi kɔkɔ. Bi yaa dū-i ki ŋmāntiǹ ŋwalifee, i jítiǹ-ŋu, 30di sá yii kunyeeu di fòol̄ ŋwalifi paaŋŋu, ama tikpitil kaa ŋūǹ kí fōō Iciin paaŋŋu.
Currently Selected:
Sagesse 7: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Sagesse 7
7
Saloomɔn mun pée sá unil ní
1Ma mun sá unil un làá kpú kii báà ŋmee ní. Ma mun pée nyáń unipeekaa un bi dū ntam ki máńee ni ní. Unimpu ubɔ poon ní bi dū-mi ki kpántì tiwunnan. 2Iŋmal saalaa ní u-fatikuu tīī-mi mpɔn. Uninja ninjati nì ŋgeem mɔŋŋu poon ní m kpántì unil. 3Bi nín màl̄-mee, ma mun fōotì kubuŋu kun sá ti-kɔkɔ yɔkuee ní ki lítì kitiŋ kin pu báà ŋma pée jīǹ falaa nee. Kii báà ŋma nín pée ŋá puee, m-biiliŋu mpeekaa nìn sá nsiim ní. 4Bi nìn dū satab ki bóob́-mi, ní ki kpēē-mi tiŋan. 5Ubɔti ubɔ kaa kíĺ u-maŋfal wiiŋyi mbamin. 6Unil kamaa pée dì nsambaanti ní kí kɔ́nní duulinyan ní kí tí dī nsambaanti kí nyā u-ni.
U-wimmeem pɔŋŋu
7An pu ní m mēē ní Unimbɔti tīī-mi dinyil. M gbāam̀-u ní Iciin fam kɔ́nní m-ni#7.7 Kpèè 1 Bib 3.6-9, 5.9-14.. 8M nìn néeń-i ki jítiǹ dibeejal àá mbɔtikpandɔ. Man ceeyee, tigaajati kaa cá Iciin cee. 9Maa dū-i ki ŋmāntiǹ ŋwimmeem min cáá kudapɔɔuee, di sá yii duulinya nee gaajati kɔkɔ bí kii dibul fiiiyee ní i-cee, ní animbil bí kii tikpatee i-nimbiin#7.9 Dūú ŋmàntī nì Alaŋ 8.11.. 10M néeń Iciin ki jítiǹ ŋgbampɔn nì kunyaaŋŋu, ní m lēē-i í nīn sá-mi ŋwalifi, di sá yii i-walfiŋu kaa kúù jaanjaan. 11Ama i tīī-mi tiwammɔntiil kɔkɔ dicilpu. I nìn ŋúb́ i-ŋaan tigaajati tin kaa bí ŋkaanee. 12M dáká Iciin wammɔntiiti kɔkɔ, di sá yii íǹ di cáań-mi tíǹ gbanti kɔkɔ. Ama maa nìn pée nyí yii íǹ di yì-tì ní m ká tíǹ gbanti. 13Kun ní m bífì sɔkɔmii i-ceeyee, nì dipɔbil diba ní m làá dūú yàkatī kí tīī, maa làá dū i-gaajati kí báĺ. 14Di sá yii Iciin sá tigaajakpaandi tin kaa dóotée ní ki tīī binib. Bin di dū-i ki túń ditundee kpántì Unimbɔti bɔɔbi, ní didàkal ŋanti tin nyánní i-ceeyee fáatiǹ-u.
Unimbɔti di sá Iciin kɔkɔ nyeel
15Unimbɔti ń pɔ̄-mi dinyil ḿ sòoǹ, ní kí ŋmā kí dàkafì kí nóó nì apɔl ŋin m fōōyee nín máaǹ puee, di sá yii úǹ di kpòotī Iciin ní ki kpòotī biciŋfitiibi mun. 16Timbi ti-ba nì ti-nyɔɔbuŋŋi kā u-ŋaan, ki kpáaǹ dinyil kɔkɔ nì ŋŋmam kɔkɔ. 17An pu ní u pú-mi ḿ ŋmā kí béé tin kɔkɔ pée bée. U dàkā-mi tin bi dūu náań duulinyee nì tiwan tin bée tuuŋŋi#7.17 Tiwan tin bée tuuŋŋi: doo nee bi là kí sòoǹ kubuŋu nì ŋŋmi nì kitiŋ pu ní. Tiwan tita gbanti di nìn sá Greeki yab nyiliibi cee tin bí duulinya poonee.. 18U dàkā-mi ŋyunti kíltam nì ti-kansikin nì ti-kúntitam mun, nì ŋwìiń nín còom̄ puee nì iyunti nín kpántí puee, 19nì abin nín dòoń ki kpántí puee nì iŋmalbi paaŋyi, 20nì tiwaŋkuti bítam nì ipeel bimbim, nì ŋfaŋkpitim pɔŋyi nì binib landɔkɔi, nì isufi nì i-buluku nì i-nyaaŋyi nín cáá mpɔn ŋun bi cáa cāantée. 21M nyí tin binib wāĺee nì tin baa wāĺee, di sá yii Iciin in di náań tíǹ kɔkɔee dàkā-mi-tì
Iciin bítam
22Iciin cáá ŋfam min cáá dinyil ki bí circiree. I bí i-baba ní ki tūǹ ditundi isan cutimaanyi poon. I wálifì ní ki yáb̀. Iaa cáá tijɔkɔndi ní ki wāĺ kílkil ní ki gbìl̀ tikɔkɔ taapu. Tikpitil kaa ŋūǹ kí gbēē-i, ní i néeń tiŋan, ki nyí tin bí ki dòońee. 23I bí i-ba pu ní, ki ŋáań tiŋan, ki sá binib bɔɔ, ki pɔ̄ɔ̄, ki máká i-ba pu, ki bí soooo, ki ŋūǹ tikɔkɔ, ki kpèé tikɔkɔ, ki kóò ŋfam min cáá dinyil, ki bí circir ki wálifèe ni. 24Di sá yii Iciin yáb̀ ki jítiǹ tin kɔkɔ còom̄ee. I nín bí circiree puee, i ŋūǹ kí jītí tikɔkɔ poon kí kɔ́ tikɔkɔn. 25I sá Unimbɔti pɔŋŋu fooku ní, ní ki nyánní Mpɔŋkɔdaan nyootin táb. An pu ní báà tijɔkɔndi kaa kóò i-ni. 26A yaa ká-iee, a ká jaanjaan walifiŋu dee. I sá Unimbɔti tundi gitil din pu tiba kaa tákée nì u-laŋŋaŋfitiiku naŋku ní. 27I nín bí i-babee puee, i ŋūǹ tikɔkɔ. Iaa kpántí jaanjaan, ní ki pɔ̀ntī tikɔkɔ. Abin abin, i kóò circirdambin kí bɔ́ntí Unimbɔti bɔɔbi nì bibɔnaatiliibi. 28Di sá yii Unimbɔti néeń bin nì Iciin cáá mpèéyee ní. 29Iciin ŋān̄ ki jítiǹ ŋwìiń ní ki wāĺ ki jítiǹ iŋmalbi kɔkɔ. Bi yaa dū-i ki ŋmāntiǹ ŋwalifee, i jítiǹ-ŋu, 30di sá yii kunyeeu di fòol̄ ŋwalifi paaŋŋu, ama tikpitil kaa ŋūǹ kí fōō Iciin paaŋŋu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.