Tobit 5
5
Toobii bíi bɔ́ntí kí cù nsan
1Niinee ní Toobiyaasi kíí u-baa Toobii yii: «M-baa, m làá ŋá tin kɔkɔ a kpáafì-mee. 2Ama m làá ŋá mana kí ŋmā kí fōō animbil gbanti? Gabayeel kaa nyí-mi, ní ma mun kaa nyí-u. Too nsan ŋulɔŋu pu ní a làá yàntī ú béé-mi ní kí nīn máká m-pu ní kí kíí kí dū animbilee kí tīī-mi? Kí kūtì muee, maa kpáàa nyí nsan ŋun cá Meedii tiŋkinee!» 3Niinee ní Toobii kíí u-jipɔɔn Toobiyaasi yii: «U nìn ŋmàn̄ kugbɔŋu kubɔ ki nyīī ŋŋal ní ma mun nyīī ŋŋal. M nìn cúú kugbɔŋuee ki yākatì mili pu ní ti-kɔkɔ yōoǹ dijandi dijandi. M nìn dū u-jandi ki ŋá animbilee poon. An ŋá abin mmuŋku dee m nín dū animbil gbanti ki síiǹ u-ceeyee. Kɔŋkɔnnee m-biki, á nyàab̀ ubɔ un pu a mákée ú céeǹ-si. Ni yaa cūtì ki fātìi bāańee, ti làá pà-u tipaal. Míǹ puee cù kí fōoń animbil gbanti Gabayeel cee.»
4Niinee Toobiyaasi nyáń ki cūtì kí nyàab̀ unil un nyí Meedii saŋŋu tiŋan ki ŋūǹ kí céeǹ-uee. U nyáńee ní ki ká ntuun Rafayeel yú u-nimbiin, ama úǹ kaa nìn béè yii an sá Unimbɔti tuuŋŋu. 5U bí-ŋu yii: «M-bɔɔ, a nyánní la?» Ní ntuun kíí-u yii: «M sá a-nabiyaamu Isirayeel yab ubɔ ní. M dɔ́miń doo kí nyàab̀ ditundi ní.» Ní Toobiyaasi bí-u yii: «A nyí nsan ŋun cá Meedii tiŋkineeee?» 6Ní Rafayeel kíí-u yii: «Iiin, m nyí isan kɔkɔ tiŋan, di sá yii m cūtì niin ŋfunyɔm tikpil. M cūtì Meedii tiŋkin ŋfunyɔm kupaau ní m yaa cūtèe, ti-nabiki Gabayeel un kóò Rageesi, Meedii tiŋkinee cee ní m kóò. Kí nyā Eekibataani kí cù Rageesee, an sá iwiin ili saŋkindi ní, di sá yii ntimuee liitil bí ajoon pu ní.» 7Niinee Toobiyaasi bí-ŋu yii: «M-bɔɔ, cīití-mi, m làá cùú tùkù m-baa kí dāan̄. M bàà là yii á céeǹ-mi ní ḿ pà-si tipaal.» 8Ní ntuunee kíí-u yii: «Too, m làá cīití-si, ama á ŋá malaa.»
9Toobiyaasi kɔ́ u-baa cee ní ki tùkū-u yii: «M ká ubɔ, u sá ti-nabiyaamu Isirayeel yab ubɔ ní.» Ní Toobii bí-u yii: «M-biki, yíiń-mi-u. M là kí béé kudicaŋu nì kunaakoou kun ní u sée, ní tí kpáàa kpèè yii ti ŋūǹ kí nīn máká u-pu ú céeǹ-saaa, taa ŋūǹ.» 10Ní Toobiyaasi nyáń ki yíiń-u ní ki bí-u yii: «M-bɔɔ, m-baa yíì-si.»
Ntuun nìn kɔ́ kudiin ní Toobii péé ki jáam̀-ŋu. Ntuun nìn kíí-u yii: «M mèé yii á nīn dēē nnaamin.» Ní Toobii kíí-ŋu yii: «Ba naam bulifi ní m gíti kā ki cí? M kā nee, m sá ujɔfu ní maa ti wāĺ yilpu walifiŋu, ama m bí dibɔmbɔndin kii bitaŋkpiibi bin kaa ti bí kí wāl̀ ŋwalifi jaanjaanee. M bí dimaŋfalin, ama ní ki kóò bitaŋkpiibi kansikin. M gbìl̀ binib neel pu, ama ní kaa wāĺ-bi.» Ní ntuunee bí-u yii: «Ká kunyannyaau, Unimbɔti làá cáaǹ-si an kaa làá yúntí.» Ní Toobii bí-ŋu yii: «M-jipɔɔn Toobiyaasi là kí cù Meedii tiŋkin. A ŋūǹ kí céeǹ-u kí dàkà-u nsanaaa? M làá pà-si tipaal, m-nabiki.» Ní ŋu bí-u yii: «M ŋūǹ kí céeǹ-u. M nyí isan kɔkɔ, di sá yii m cūtì Meedii ŋfunyɔm kupaau. M cōom̀ ki jítì kitiŋ gbanti laakin tèen̄ee nì ki-jooŋŋi kɔkɔ pu, ní ki nyí ki-saŋyi kɔkɔ pílpil.» 11Ní Toobii bālifì-u yii: «M-nabiki, kudicaŋu kulɔkɔ poon ní a sá ní? Kunaakoou kulɔkɔ poon ní a sá? Tùkù-mi, m-nabiki.» 12Ní ŋúǹ kíí-u yii: «A nyàab̀ kunaakoou kun poon m sée kí ŋá ba?» Ní Toobii kíí-ŋu yii: «M-nabiki, m baasii là kí béé un di màl̄-see nì a-yindi ní.» 13Ní ŋu kíí-u yii: «Bi yíì-mi Asariyasi, Ananiyasi Ukpaan jipɔɔn ní. M sá uisirayeelja kii sisee ní.» 14Ní Toobii bí-ŋu yii: «M-nabiki, si nì nsan. M-nabiki, m nín bíi fíkití kí béé ibaamɔn a-dicaŋku puee, á taa gíí diŋuul. A sá ti-nabiki ní ki cáá nnyeemmɔnti. M nyí Ananiyasi nì Natan tiŋan. Bíǹ di sá Seemeeliyaasi Ukpaan jipɔmbi liitil. Man nì bíǹ di nìn tāatí ki cá Jeerusaleem ki jáaḿ Unimbɔti dicilpu. Bíǹ kaa nìn sáǹ ki nyáń nsammɔntin. A-nabiyaamu sá binimɔntiibi ní a nyánní kudicammɔntiiun. Si nì nsan!»
15Ní Toobii nìkī ki lī yii: «M làá pà-si tipaal nín máaǹ puee, ŋwiin ŋubɔ tikúti nimbiliŋ kubɔ#5.15 ŋwiin ŋubɔ tikúti nimbiliŋ kubɔ: dūú ŋmàntī nì Maat 20.2.. Animbijikaa bɔtee, m làá tīī-si kii m nín làá tīī m-jipɔɔn puee ní. 16Céeǹ m-biki ni yaa gítìńee, m làá kūtì-si tiba a-paati pu.» 17Ní ntuun bí yii: «Too, m làá céeǹ-u, taa fàŋkì tiba. Ti làá cù kí fàtīí gítiń nì ŋgbampɔn, di sá yii digìńdi kpá nsan gbanti poon.» Ní Toobii bí-ŋu yii: «M-nabiki, Unimbɔti ń bìin̄ a-boon!» Míǹ boonee ní u yíiń u-jipɔɔn ní ki bí-u yii: «M-biki, bɔ́ntí tin a làá dūú cù nsannee sii nì a-nabiki ń táá kí cù. Unimbɔti un bí yilpu nee ń wúń ni-pu niin, ní kí fàtīí gíiǹní-ni m-cee nì laafiya! U-tuuŋŋu ń céeǹ-ni kí wúń ni-pu, m-biki!»
Toobiyaasi làá nyā kí kíĺ nsanee ní ki kpàl̄ u-baa nì u-na ní Toobii bí-u yii: «Á còom̀ tiŋan!» 18Niinee Toobiyaasi na kíĺ ki bíi sūǹ ní ki bí Toobii yii: «Ba pu ní a yāntì m-biki búntì? Úǹ di kaa sá ti-kpandɔŋu ŋun pu ti nyìitī ŋyunti ŋun u bí ti-ceeyeeee? 19Ba pu ní a néeń animbil tikpil míǹ? Animbil kaa cáá kunyampoou ki bàn̄ ti-biki maŋfal. 20Ti-Dindaan nín tīī-ti pu tí nīn bée ŋmāntì míǹ!» 21Ama ní Toobii bí u-nimpuu yii: «Taa dūú páb́ a-ba, tikɔkɔ làá còom̀ tiŋan. Ti-biki làá fàtīí gítiń nì laafiya kii u nín búntì pu nì laafiya nan ní. Sii a-ba làá dāá ká míǹ nì a-nimbiliŋ u yaa láa fātìi gítìń a-ceeyee. 22Taa dūú páb́ a-ba, m-niisal, taa yàntī a-pɔbil ń bīil̀ bi-pu. Ntuun mmɔnti làá céeǹ-u, án làá bútí-u u-saŋŋu poon ní u làá fàtīí gítiń nì ŋgbampɔn.» 23Niinee Toobii nimpuu gbēeǹ kaa ti bíi sūǹ.
Currently Selected:
Tobit 5: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Tobit 5
5
Toobii bíi bɔ́ntí kí cù nsan
1Niinee ní Toobiyaasi kíí u-baa Toobii yii: «M-baa, m làá ŋá tin kɔkɔ a kpáafì-mee. 2Ama m làá ŋá mana kí ŋmā kí fōō animbil gbanti? Gabayeel kaa nyí-mi, ní ma mun kaa nyí-u. Too nsan ŋulɔŋu pu ní a làá yàntī ú béé-mi ní kí nīn máká m-pu ní kí kíí kí dū animbilee kí tīī-mi? Kí kūtì muee, maa kpáàa nyí nsan ŋun cá Meedii tiŋkinee!» 3Niinee ní Toobii kíí u-jipɔɔn Toobiyaasi yii: «U nìn ŋmàn̄ kugbɔŋu kubɔ ki nyīī ŋŋal ní ma mun nyīī ŋŋal. M nìn cúú kugbɔŋuee ki yākatì mili pu ní ti-kɔkɔ yōoǹ dijandi dijandi. M nìn dū u-jandi ki ŋá animbilee poon. An ŋá abin mmuŋku dee m nín dū animbil gbanti ki síiǹ u-ceeyee. Kɔŋkɔnnee m-biki, á nyàab̀ ubɔ un pu a mákée ú céeǹ-si. Ni yaa cūtì ki fātìi bāańee, ti làá pà-u tipaal. Míǹ puee cù kí fōoń animbil gbanti Gabayeel cee.»
4Niinee Toobiyaasi nyáń ki cūtì kí nyàab̀ unil un nyí Meedii saŋŋu tiŋan ki ŋūǹ kí céeǹ-uee. U nyáńee ní ki ká ntuun Rafayeel yú u-nimbiin, ama úǹ kaa nìn béè yii an sá Unimbɔti tuuŋŋu. 5U bí-ŋu yii: «M-bɔɔ, a nyánní la?» Ní ntuun kíí-u yii: «M sá a-nabiyaamu Isirayeel yab ubɔ ní. M dɔ́miń doo kí nyàab̀ ditundi ní.» Ní Toobiyaasi bí-u yii: «A nyí nsan ŋun cá Meedii tiŋkineeee?» 6Ní Rafayeel kíí-u yii: «Iiin, m nyí isan kɔkɔ tiŋan, di sá yii m cūtì niin ŋfunyɔm tikpil. M cūtì Meedii tiŋkin ŋfunyɔm kupaau ní m yaa cūtèe, ti-nabiki Gabayeel un kóò Rageesi, Meedii tiŋkinee cee ní m kóò. Kí nyā Eekibataani kí cù Rageesee, an sá iwiin ili saŋkindi ní, di sá yii ntimuee liitil bí ajoon pu ní.» 7Niinee Toobiyaasi bí-ŋu yii: «M-bɔɔ, cīití-mi, m làá cùú tùkù m-baa kí dāan̄. M bàà là yii á céeǹ-mi ní ḿ pà-si tipaal.» 8Ní ntuunee kíí-u yii: «Too, m làá cīití-si, ama á ŋá malaa.»
9Toobiyaasi kɔ́ u-baa cee ní ki tùkū-u yii: «M ká ubɔ, u sá ti-nabiyaamu Isirayeel yab ubɔ ní.» Ní Toobii bí-u yii: «M-biki, yíiń-mi-u. M là kí béé kudicaŋu nì kunaakoou kun ní u sée, ní tí kpáàa kpèè yii ti ŋūǹ kí nīn máká u-pu ú céeǹ-saaa, taa ŋūǹ.» 10Ní Toobiyaasi nyáń ki yíiń-u ní ki bí-u yii: «M-bɔɔ, m-baa yíì-si.»
Ntuun nìn kɔ́ kudiin ní Toobii péé ki jáam̀-ŋu. Ntuun nìn kíí-u yii: «M mèé yii á nīn dēē nnaamin.» Ní Toobii kíí-ŋu yii: «Ba naam bulifi ní m gíti kā ki cí? M kā nee, m sá ujɔfu ní maa ti wāĺ yilpu walifiŋu, ama m bí dibɔmbɔndin kii bitaŋkpiibi bin kaa ti bí kí wāl̀ ŋwalifi jaanjaanee. M bí dimaŋfalin, ama ní ki kóò bitaŋkpiibi kansikin. M gbìl̀ binib neel pu, ama ní kaa wāĺ-bi.» Ní ntuunee bí-u yii: «Ká kunyannyaau, Unimbɔti làá cáaǹ-si an kaa làá yúntí.» Ní Toobii bí-ŋu yii: «M-jipɔɔn Toobiyaasi là kí cù Meedii tiŋkin. A ŋūǹ kí céeǹ-u kí dàkà-u nsanaaa? M làá pà-si tipaal, m-nabiki.» Ní ŋu bí-u yii: «M ŋūǹ kí céeǹ-u. M nyí isan kɔkɔ, di sá yii m cūtì Meedii ŋfunyɔm kupaau. M cōom̀ ki jítì kitiŋ gbanti laakin tèen̄ee nì ki-jooŋŋi kɔkɔ pu, ní ki nyí ki-saŋyi kɔkɔ pílpil.» 11Ní Toobii bālifì-u yii: «M-nabiki, kudicaŋu kulɔkɔ poon ní a sá ní? Kunaakoou kulɔkɔ poon ní a sá? Tùkù-mi, m-nabiki.» 12Ní ŋúǹ kíí-u yii: «A nyàab̀ kunaakoou kun poon m sée kí ŋá ba?» Ní Toobii kíí-ŋu yii: «M-nabiki, m baasii là kí béé un di màl̄-see nì a-yindi ní.» 13Ní ŋu kíí-u yii: «Bi yíì-mi Asariyasi, Ananiyasi Ukpaan jipɔɔn ní. M sá uisirayeelja kii sisee ní.» 14Ní Toobii bí-ŋu yii: «M-nabiki, si nì nsan. M-nabiki, m nín bíi fíkití kí béé ibaamɔn a-dicaŋku puee, á taa gíí diŋuul. A sá ti-nabiki ní ki cáá nnyeemmɔnti. M nyí Ananiyasi nì Natan tiŋan. Bíǹ di sá Seemeeliyaasi Ukpaan jipɔmbi liitil. Man nì bíǹ di nìn tāatí ki cá Jeerusaleem ki jáaḿ Unimbɔti dicilpu. Bíǹ kaa nìn sáǹ ki nyáń nsammɔntin. A-nabiyaamu sá binimɔntiibi ní a nyánní kudicammɔntiiun. Si nì nsan!»
15Ní Toobii nìkī ki lī yii: «M làá pà-si tipaal nín máaǹ puee, ŋwiin ŋubɔ tikúti nimbiliŋ kubɔ#5.15 ŋwiin ŋubɔ tikúti nimbiliŋ kubɔ: dūú ŋmàntī nì Maat 20.2.. Animbijikaa bɔtee, m làá tīī-si kii m nín làá tīī m-jipɔɔn puee ní. 16Céeǹ m-biki ni yaa gítìńee, m làá kūtì-si tiba a-paati pu.» 17Ní ntuun bí yii: «Too, m làá céeǹ-u, taa fàŋkì tiba. Ti làá cù kí fàtīí gítiń nì ŋgbampɔn, di sá yii digìńdi kpá nsan gbanti poon.» Ní Toobii bí-ŋu yii: «M-nabiki, Unimbɔti ń bìin̄ a-boon!» Míǹ boonee ní u yíiń u-jipɔɔn ní ki bí-u yii: «M-biki, bɔ́ntí tin a làá dūú cù nsannee sii nì a-nabiki ń táá kí cù. Unimbɔti un bí yilpu nee ń wúń ni-pu niin, ní kí fàtīí gíiǹní-ni m-cee nì laafiya! U-tuuŋŋu ń céeǹ-ni kí wúń ni-pu, m-biki!»
Toobiyaasi làá nyā kí kíĺ nsanee ní ki kpàl̄ u-baa nì u-na ní Toobii bí-u yii: «Á còom̀ tiŋan!» 18Niinee Toobiyaasi na kíĺ ki bíi sūǹ ní ki bí Toobii yii: «Ba pu ní a yāntì m-biki búntì? Úǹ di kaa sá ti-kpandɔŋu ŋun pu ti nyìitī ŋyunti ŋun u bí ti-ceeyeeee? 19Ba pu ní a néeń animbil tikpil míǹ? Animbil kaa cáá kunyampoou ki bàn̄ ti-biki maŋfal. 20Ti-Dindaan nín tīī-ti pu tí nīn bée ŋmāntì míǹ!» 21Ama ní Toobii bí u-nimpuu yii: «Taa dūú páb́ a-ba, tikɔkɔ làá còom̀ tiŋan. Ti-biki làá fàtīí gítiń nì laafiya kii u nín búntì pu nì laafiya nan ní. Sii a-ba làá dāá ká míǹ nì a-nimbiliŋ u yaa láa fātìi gítìń a-ceeyee. 22Taa dūú páb́ a-ba, m-niisal, taa yàntī a-pɔbil ń bīil̀ bi-pu. Ntuun mmɔnti làá céeǹ-u, án làá bútí-u u-saŋŋu poon ní u làá fàtīí gítiń nì ŋgbampɔn.» 23Niinee Toobii nimpuu gbēeǹ kaa ti bíi sūǹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.