Tobit 13
13
Toobii laŋŋu
1Niinee Toobii lī yii:
2«Tí nyɔ̄ŋkì Unimbɔti un bí dimaŋfalinee kí nīn cá jaanjaan!
Tí nyɔ̄ŋkì u-beel!
Úǹ di dátí unil tafal, úǹ di tí sūǹ isaa.
U yàntī unil ń sìntī áli ditaŋkpiilin,
kí tin bà kitiŋ taapu taapu,
ní kí dāá nyāntí-u niin kí gíiǹ binifoobi kansikin.
Tiba kpá kaa bí u-pɔŋŋu taapu.
3Isirayeel yab, nyɔ̄ŋkìmaan-u atimbun nimbiin,
atimbun ŋin kansikin u jìn̄-ni ni yàl̄ ki kɔ́ee.
4Niin muee, u yāntì ni ká u nín sá ukpaan puee.
Yòom̄maan-u yilpu binifoobi kɔkɔ nimbiin,
di sá yii úǹ di sá ti-Dindaan, ti-Nimbɔtiu, ti-Baa#13.4 ti-Baa: dūú ŋmàntī nì Yees 63.16, 64.7.!
U sá Unimbɔti ní kí nīn cá abin abin.
5Ni-kpitii pu ní u dátí ni-tafal,
ama u làá sɔ̄ ni-kɔkɔ saai.
U làá nyāntí-ni atimbun ŋin kɔkɔn
ni yàl̄ ki tin bínnée ni.
6Ŋwiin ŋun ni làá fàtīí gítiń u-cee
nì ni-pɔbil kɔkɔ nì ni-naŋki kɔkɔ,
kí nīn kíǹ ki bí ibaamɔnni u-nimbiinee,
u làá dāá fàtīí gítiń ni-cee ní
kaa làá ti fàtī u-boon kí tīī-ni.
7Kɔŋkɔnnee, kpèèmaan tin u ŋá ki tīī-nee
ní kí nyɔ̄ŋkì-u mpɔn.
Nyɔ̄ŋkìmaan ti-Dindaan deedeedaan
ní kí yòon̄ Ubɔti yilpu kí nīn cá abin abin.
8Mamee, m làá nyɔ̄ŋkì-u kitiŋ kin poon
ní bi cúú-mi kuyuŋuee.
M làá dàkà ditimbundi din ŋáań ikpitee
u-pɔŋŋu nì u nín sá ukpaan puee.
Binikpitibee, fàtīí gítiḿmaan,
kí nīn ŋáań tin bí deedeeyee u-nimbiin.
An yaa yíì u làá fōō-ni
ní kí dàkà-ni u-laŋŋaŋfitiiku.
9M yòontí m-Nimbɔtiu yilpu
ní an mɔ̄ǹ-mi yilpu Bɔtiu pu.
10Bi-kɔkɔ ń lì yii u sá ukpaan
ní kí nyɔ̄ŋkì-u Jeerusaleem tiŋkin!
Jeerusaleem, circir tiŋki,
Unimbɔti dáaĺ a-tafal a-biyaamu tuuŋŋi pu,
ama u làá gíti sɔ̄ bin bin tɔ́-uee saai.
11Ní nyɔ̄ŋkìmaan ti-Dindaan an nín máaǹ puee,
ní nyɔ̄ŋkìmaan Ubɔti un bí kí nīn cá jaanjaanee,
án nín làá ŋá pu bí fàtīí mā u-diiku a-cee nì dipɔɔpindee.
12Ti-Dindaan ń tīī bin kɔkɔ bi cúú kuyuŋuee dipɔɔpindi!
Ú dàkà bifalaadambi bin kɔkɔ bí a-ceeyee
dineendi kí nīn cáa cá jaanjaan.
13Ŋwalifikpaan ŋubɔ làá ŋmíntí kitiŋ jaaŋŋi kɔkɔ pu.
Atimbun ŋin bí an dátèe tikpil
nì kitiŋ kúntilammu kɔkɔ nib
làá dāá dāan̄ a-circir yindi cee,
kí nīn ŋúbiń saraabi tikpil kí tīī yilpu Bɔtiu.
Binib bin bí ki dòońee làá dāá tīī-si mmɔn,
ní bi làá dāá nīn yíì-si kitiŋ kin bi lēēyee abin abin.
14Mbusu dɔ̄ ki cí bin di sìí-see!
Mbusu dɔ̄ ki cí bin kɔkɔ làá bīil̀-si kí wìil̀ a-guŋŋi,
nì bin kɔkɔ làá kpēelikì a-gunlɔkɔŋŋi
kí sēē a-diiŋŋi ŋŋmee!
Ama Unimbɔti làá bìin̄ bin kɔkɔ
làá dāá fàŋkì-see kí nīn cá jaanjaan!
15Nín̄ fàal̀ deedeedambi pu,
di sá yii bi làá kóoǹ-bi kí kpāfì
ní bí jāam̀ ti-Dindaan abin abin.
Bin néeń-see bí mmɔnneeee!
Bin bin fàal̀ a-batɔl puee bí mmɔnni!
16Bin kɔkɔ sūǹ a-pu,
bi nín dáaĺ a-tafal puee bí mmɔnneeee!
Di sá yii bi làá dāá fàal̀ a-pu
ní bi nì si ń dāá kpāfì kí jī mmɔn kí nīn cá jaanjaan.
Tiŋman, m jáaḿ ti-Dindaan, Ubɔtikpaan,
17kun puee bi làá dāá fàtīí mā Jeerusaleem
ní bí dāá mā a-Diiku kitiŋin kí nīn cá abin abin.
An làá nīn mɔ̄ǹ-mi m-nibul din kíǹee
yaa ká a-nyooti ní ki nyɔ́ŋkì sii yilpu Bɔtiuee.
Bi làá dāá dū ataŋkpamɔnti ŋin bi yíì safiir nì eemeeroodee
ní kí mā Jeerusaleem punyɔmmu,
ní kí dāá dū ataŋkpamɔnti kí mā a-guŋŋi kɔkɔ.
Bi làá dāá dū sindaariya ní kí mā Jeerusaleem gunlɔkɔŋŋi,
ní kí dāá dū sindaariyamɔnti kí mā
agun ŋin boon bi bāal̀ee.
Ataŋkpamɔnti ŋin bi yíì eeskaarbuukil
nì ŋin nyánní Oofiiree#13.17 Oofiiree : kpèè 1 Bib 9.28. - Dū uyakatikaa gbanti kɔkɔ kí ŋmàntī nì Yees 54.11-12, Dilee 21.18-21.
ní bi làá dāá dūú cìil̀ Jeerusaleem daŋŋi.
18Bi làá dāá gāā dipɔɔpindi laŋyi
Jeerusaleem punyɔmmu pú
ní ilan dāa gbòoǹ pɔ̀ɔɔɔ ki-diiŋŋi kɔkɔn yii:
<Aleeluya! Jāam̀maan Isirayeel Nimbɔtiu!>
Ní bin ní bi lútèe ń dāá jāam̀ ti-Dindaan
circir yindi kí nīn cá talku.»
Currently Selected:
Tobit 13: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Tobit 13
13
Toobii laŋŋu
1Niinee Toobii lī yii:
2«Tí nyɔ̄ŋkì Unimbɔti un bí dimaŋfalinee kí nīn cá jaanjaan!
Tí nyɔ̄ŋkì u-beel!
Úǹ di dátí unil tafal, úǹ di tí sūǹ isaa.
U yàntī unil ń sìntī áli ditaŋkpiilin,
kí tin bà kitiŋ taapu taapu,
ní kí dāá nyāntí-u niin kí gíiǹ binifoobi kansikin.
Tiba kpá kaa bí u-pɔŋŋu taapu.
3Isirayeel yab, nyɔ̄ŋkìmaan-u atimbun nimbiin,
atimbun ŋin kansikin u jìn̄-ni ni yàl̄ ki kɔ́ee.
4Niin muee, u yāntì ni ká u nín sá ukpaan puee.
Yòom̄maan-u yilpu binifoobi kɔkɔ nimbiin,
di sá yii úǹ di sá ti-Dindaan, ti-Nimbɔtiu, ti-Baa#13.4 ti-Baa: dūú ŋmàntī nì Yees 63.16, 64.7.!
U sá Unimbɔti ní kí nīn cá abin abin.
5Ni-kpitii pu ní u dátí ni-tafal,
ama u làá sɔ̄ ni-kɔkɔ saai.
U làá nyāntí-ni atimbun ŋin kɔkɔn
ni yàl̄ ki tin bínnée ni.
6Ŋwiin ŋun ni làá fàtīí gítiń u-cee
nì ni-pɔbil kɔkɔ nì ni-naŋki kɔkɔ,
kí nīn kíǹ ki bí ibaamɔnni u-nimbiinee,
u làá dāá fàtīí gítiń ni-cee ní
kaa làá ti fàtī u-boon kí tīī-ni.
7Kɔŋkɔnnee, kpèèmaan tin u ŋá ki tīī-nee
ní kí nyɔ̄ŋkì-u mpɔn.
Nyɔ̄ŋkìmaan ti-Dindaan deedeedaan
ní kí yòon̄ Ubɔti yilpu kí nīn cá abin abin.
8Mamee, m làá nyɔ̄ŋkì-u kitiŋ kin poon
ní bi cúú-mi kuyuŋuee.
M làá dàkà ditimbundi din ŋáań ikpitee
u-pɔŋŋu nì u nín sá ukpaan puee.
Binikpitibee, fàtīí gítiḿmaan,
kí nīn ŋáań tin bí deedeeyee u-nimbiin.
An yaa yíì u làá fōō-ni
ní kí dàkà-ni u-laŋŋaŋfitiiku.
9M yòontí m-Nimbɔtiu yilpu
ní an mɔ̄ǹ-mi yilpu Bɔtiu pu.
10Bi-kɔkɔ ń lì yii u sá ukpaan
ní kí nyɔ̄ŋkì-u Jeerusaleem tiŋkin!
Jeerusaleem, circir tiŋki,
Unimbɔti dáaĺ a-tafal a-biyaamu tuuŋŋi pu,
ama u làá gíti sɔ̄ bin bin tɔ́-uee saai.
11Ní nyɔ̄ŋkìmaan ti-Dindaan an nín máaǹ puee,
ní nyɔ̄ŋkìmaan Ubɔti un bí kí nīn cá jaanjaanee,
án nín làá ŋá pu bí fàtīí mā u-diiku a-cee nì dipɔɔpindee.
12Ti-Dindaan ń tīī bin kɔkɔ bi cúú kuyuŋuee dipɔɔpindi!
Ú dàkà bifalaadambi bin kɔkɔ bí a-ceeyee
dineendi kí nīn cáa cá jaanjaan.
13Ŋwalifikpaan ŋubɔ làá ŋmíntí kitiŋ jaaŋŋi kɔkɔ pu.
Atimbun ŋin bí an dátèe tikpil
nì kitiŋ kúntilammu kɔkɔ nib
làá dāá dāan̄ a-circir yindi cee,
kí nīn ŋúbiń saraabi tikpil kí tīī yilpu Bɔtiu.
Binib bin bí ki dòońee làá dāá tīī-si mmɔn,
ní bi làá dāá nīn yíì-si kitiŋ kin bi lēēyee abin abin.
14Mbusu dɔ̄ ki cí bin di sìí-see!
Mbusu dɔ̄ ki cí bin kɔkɔ làá bīil̀-si kí wìil̀ a-guŋŋi,
nì bin kɔkɔ làá kpēelikì a-gunlɔkɔŋŋi
kí sēē a-diiŋŋi ŋŋmee!
Ama Unimbɔti làá bìin̄ bin kɔkɔ
làá dāá fàŋkì-see kí nīn cá jaanjaan!
15Nín̄ fàal̀ deedeedambi pu,
di sá yii bi làá kóoǹ-bi kí kpāfì
ní bí jāam̀ ti-Dindaan abin abin.
Bin néeń-see bí mmɔnneeee!
Bin bin fàal̀ a-batɔl puee bí mmɔnni!
16Bin kɔkɔ sūǹ a-pu,
bi nín dáaĺ a-tafal puee bí mmɔnneeee!
Di sá yii bi làá dāá fàal̀ a-pu
ní bi nì si ń dāá kpāfì kí jī mmɔn kí nīn cá jaanjaan.
Tiŋman, m jáaḿ ti-Dindaan, Ubɔtikpaan,
17kun puee bi làá dāá fàtīí mā Jeerusaleem
ní bí dāá mā a-Diiku kitiŋin kí nīn cá abin abin.
An làá nīn mɔ̄ǹ-mi m-nibul din kíǹee
yaa ká a-nyooti ní ki nyɔ́ŋkì sii yilpu Bɔtiuee.
Bi làá dāá dū ataŋkpamɔnti ŋin bi yíì safiir nì eemeeroodee
ní kí mā Jeerusaleem punyɔmmu,
ní kí dāá dū ataŋkpamɔnti kí mā a-guŋŋi kɔkɔ.
Bi làá dāá dū sindaariya ní kí mā Jeerusaleem gunlɔkɔŋŋi,
ní kí dāá dū sindaariyamɔnti kí mā
agun ŋin boon bi bāal̀ee.
Ataŋkpamɔnti ŋin bi yíì eeskaarbuukil
nì ŋin nyánní Oofiiree#13.17 Oofiiree : kpèè 1 Bib 9.28. - Dū uyakatikaa gbanti kɔkɔ kí ŋmàntī nì Yees 54.11-12, Dilee 21.18-21.
ní bi làá dāá dūú cìil̀ Jeerusaleem daŋŋi.
18Bi làá dāá gāā dipɔɔpindi laŋyi
Jeerusaleem punyɔmmu pú
ní ilan dāa gbòoǹ pɔ̀ɔɔɔ ki-diiŋŋi kɔkɔn yii:
<Aleeluya! Jāam̀maan Isirayeel Nimbɔtiu!>
Ní bin ní bi lútèe ń dāá jāam̀ ti-Dindaan
circir yindi kí nīn cá talku.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.