Tobit 10
10
Toobii nì Ana kíǹ ki kā ki cí nì kunimbaau
1Ama iwiin pée bí ki jītée, Toobii nìn kā ki cɔ́tí iwiin in nyɔkɔm unil ŋūǹ kí dūú cù Rageesi kí gítińee. Ŋyunti gbanti dāa jítì u-jipɔɔn kaa bāań. 2Ní u sòon̄ u-ban yii: «Ba di kalin tin cúú-u ní u gbíntì niin dee? Àá Gabayeel kpíì ní waa ká un làá dū animbil kí tīī-uee ní.» 3Niinee u kíĺ ki bíi yáliŋkí. 4U-nimpuu Ana nìn lī yii: «M-biki kpíì ní! Waa ti bí binifoobi kansikin.» U nìn kíĺ ki bíi sūǹ ki yáliŋkí u-jipɔɔn pu ki lì yii: 5«M-bɔti na, m-jipɔɔn! Sii un di sá m-nimbiliŋ walifiŋuee, ŋma di bí yii ḿ yàntī á búntí ní?» 6Ama ní Toobii bí-u yii: «Ŋmīĺee, taa dūú páb́ a-ba, m-niisal, laafiya bí-u. An yaa yíì tiba di cúú-bi ní bi gbíntì niin. Un di céeǹ-uee sá unil un pu ti ŋūǹ kí nīn mákée ní, u sá ti-nabiki kiba ní. Taa nín̄ bíi yáliŋkí u-pu, m-niisal, u làá fàtīí gítiń an kaa làá yúntí.» 7Ama ní úǹ kíí-u yii: «Taa ti sòoǹ nì mi tiba! Taa ti mɔ̄ntì-mi! M-biki kpíì ní.»
Ana kaa ti pée cáá ubɔ pu dimákal. Baabadalee, u péetí malaa ní kí cùú kàl̄ ki kpèé nsan ŋun pú ní u-jipɔɔn làá nyānní kí bàńee. Ŋwìiń yaa jéetèe ní ú fàtīí kɔ́ kudiin ki yáliŋkí ki sūǹ kunyeeu kɔkɔ kaa ti kpáà ŋūǹ kí gèeǹ.
Toobiyaasi là kí fàtīí gítí u-baa cee
8Raguweel nìn pūtì yii bi làá dū ŋwiin ŋubɔ kpá saalku ní kí jī u-bisal nimpucanti jiŋaaliu. Ŋyunti gbanti jítèe ní Toobiyaasi bí-u yii: «Yàntī ḿ nīn gítí, di sá yii m nyí m-baa nì m-na nín kaa ti cáá dimákal yii bi làá fàtīí ká-mee. An puee m gbàam̄-si, m-baa, yàntī ḿ nīn cá kí fàtīí gítí m-baa cee. M pée tùkū-si min poon ní m yāntì-u kí búntìńee.» 9Ama ní Raguweel bí Toobiyaasi yii: «Gbíntí, m-biki, gbíntí m-cee doo. M làá tɔ̄ binib bí cù a-baa Toobii cee kí tùkù-u tin bíi jītí a-puee.» Ama ní Toobiyaasi bí-u yii: «Aayee, m gbàam̄-si ní, yàntī ḿ fàtīí gítí m-baa cee.»
10Niinee Raguweel dū u-nimpuu Saara ki tīī-u, ki kpáaǹ úǹ u-ba gaajawanti kɔkɔ dijandi, an dàkà yii bitɔntɔnliibi bininjab nì binimpoobi nì inaa nì ipii nì mmamu nì igutaamu nì tiwampeeŋkaal nì animbil nì tiwan tiba mun. 11U nìn yāntì bi búntì nì dipɔɔpiŋkpaandin. U nìn kāaǹ Toobiyaasi ki bí-u yii: «Á nīn bí tiŋan, m-biki kí còom̀ tiŋan! Ti-Dindaan un bí yilpuee ń kpòotī-ni, sii nì a-nimpuu Saara! M máká yii m làá ká ni-biyaamu kí wàatī ní kí nín kpú!» 12Míǹ boonee ní u bí u-bisal Saara yii: «Nín̄ cá a-cooja cee. Kɔŋkɔnnee, a-cal baa nì u-na di kpántì a-baa nì a-na kii timbi bin màl̄-see. M-bisal, nín̄ cá nì ŋgbansɔŋfi! M máká kí gbìl̄ bi sòoǹ a-pu tiŋan ŋyunti ŋun m dáá bí dimaŋfalin nee!»
U lī míǹ ki dóòyee ní ki kāaǹ-bi ní ki yāntì bi búntì. 13Eedina úǹ nìn tùkū Toobiyaasi yii: «M-jipɔɔn, m-niijaneeŋkaau, ti-Dindaan ń céeǹ-si kí gíiǹ-si nì laafiya! Ú pɔ̄-mi diyimɔɔl ḿ ŋmā kí kàl̄ kitiŋ pu kí yúntí kí ká mbiyaamu mun ní sii nì Saraa làá màal̀ee kí wàatī ní kí nín kpú. Ti-Dindaan nimbiin ní m dū m-bisal ki ŋúbiǹ-si. Á kpèè-u tiŋan. A-maŋfal wiiŋyi kɔkɔ poonee, á taa kɔ́ǹ-u kunimbaau dalba dalba. M-biki, nín̄ cá nì ŋgbansɔŋfi! Kí yòon̄ kɔŋkɔnnee kí nīn cée, m sá a-na ní Saara sá a-niisal. M mèé yii ti-kɔkɔ ń nīn bí dipɔɔpindin mbaantiim ti-maŋfal wiiŋyi kɔkɔ poon!»
Eedina lī míǹ ki dóòyee ní ki kpàl̄ bi-liitil ní ki yāntì bi búntì nì dipɔɔpindi. 14Míǹ ní Toobiyaasi yíkì Raguweel cee nì mmɔn nì dipɔɔpindi, ki jáaḿ yilpu nì taapu Dindaan, duulinya kɔkɔ bɔtiu u nín yāntì bi cōom̀ disaŋkinnyaandee. Raguweel nìn bí-u yii: «Ti-Dindaan ń tīī-si nnaam á tīī a-baabi tinyool a-maŋfal wiiŋyi kɔkɔ poon!»
Currently Selected:
Tobit 10: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Tobit 10
10
Toobii nì Ana kíǹ ki kā ki cí nì kunimbaau
1Ama iwiin pée bí ki jītée, Toobii nìn kā ki cɔ́tí iwiin in nyɔkɔm unil ŋūǹ kí dūú cù Rageesi kí gítińee. Ŋyunti gbanti dāa jítì u-jipɔɔn kaa bāań. 2Ní u sòon̄ u-ban yii: «Ba di kalin tin cúú-u ní u gbíntì niin dee? Àá Gabayeel kpíì ní waa ká un làá dū animbil kí tīī-uee ní.» 3Niinee u kíĺ ki bíi yáliŋkí. 4U-nimpuu Ana nìn lī yii: «M-biki kpíì ní! Waa ti bí binifoobi kansikin.» U nìn kíĺ ki bíi sūǹ ki yáliŋkí u-jipɔɔn pu ki lì yii: 5«M-bɔti na, m-jipɔɔn! Sii un di sá m-nimbiliŋ walifiŋuee, ŋma di bí yii ḿ yàntī á búntí ní?» 6Ama ní Toobii bí-u yii: «Ŋmīĺee, taa dūú páb́ a-ba, m-niisal, laafiya bí-u. An yaa yíì tiba di cúú-bi ní bi gbíntì niin. Un di céeǹ-uee sá unil un pu ti ŋūǹ kí nīn mákée ní, u sá ti-nabiki kiba ní. Taa nín̄ bíi yáliŋkí u-pu, m-niisal, u làá fàtīí gítiń an kaa làá yúntí.» 7Ama ní úǹ kíí-u yii: «Taa ti sòoǹ nì mi tiba! Taa ti mɔ̄ntì-mi! M-biki kpíì ní.»
Ana kaa ti pée cáá ubɔ pu dimákal. Baabadalee, u péetí malaa ní kí cùú kàl̄ ki kpèé nsan ŋun pú ní u-jipɔɔn làá nyānní kí bàńee. Ŋwìiń yaa jéetèe ní ú fàtīí kɔ́ kudiin ki yáliŋkí ki sūǹ kunyeeu kɔkɔ kaa ti kpáà ŋūǹ kí gèeǹ.
Toobiyaasi là kí fàtīí gítí u-baa cee
8Raguweel nìn pūtì yii bi làá dū ŋwiin ŋubɔ kpá saalku ní kí jī u-bisal nimpucanti jiŋaaliu. Ŋyunti gbanti jítèe ní Toobiyaasi bí-u yii: «Yàntī ḿ nīn gítí, di sá yii m nyí m-baa nì m-na nín kaa ti cáá dimákal yii bi làá fàtīí ká-mee. An puee m gbàam̄-si, m-baa, yàntī ḿ nīn cá kí fàtīí gítí m-baa cee. M pée tùkū-si min poon ní m yāntì-u kí búntìńee.» 9Ama ní Raguweel bí Toobiyaasi yii: «Gbíntí, m-biki, gbíntí m-cee doo. M làá tɔ̄ binib bí cù a-baa Toobii cee kí tùkù-u tin bíi jītí a-puee.» Ama ní Toobiyaasi bí-u yii: «Aayee, m gbàam̄-si ní, yàntī ḿ fàtīí gítí m-baa cee.»
10Niinee Raguweel dū u-nimpuu Saara ki tīī-u, ki kpáaǹ úǹ u-ba gaajawanti kɔkɔ dijandi, an dàkà yii bitɔntɔnliibi bininjab nì binimpoobi nì inaa nì ipii nì mmamu nì igutaamu nì tiwampeeŋkaal nì animbil nì tiwan tiba mun. 11U nìn yāntì bi búntì nì dipɔɔpiŋkpaandin. U nìn kāaǹ Toobiyaasi ki bí-u yii: «Á nīn bí tiŋan, m-biki kí còom̀ tiŋan! Ti-Dindaan un bí yilpuee ń kpòotī-ni, sii nì a-nimpuu Saara! M máká yii m làá ká ni-biyaamu kí wàatī ní kí nín kpú!» 12Míǹ boonee ní u bí u-bisal Saara yii: «Nín̄ cá a-cooja cee. Kɔŋkɔnnee, a-cal baa nì u-na di kpántì a-baa nì a-na kii timbi bin màl̄-see. M-bisal, nín̄ cá nì ŋgbansɔŋfi! M máká kí gbìl̄ bi sòoǹ a-pu tiŋan ŋyunti ŋun m dáá bí dimaŋfalin nee!»
U lī míǹ ki dóòyee ní ki kāaǹ-bi ní ki yāntì bi búntì. 13Eedina úǹ nìn tùkū Toobiyaasi yii: «M-jipɔɔn, m-niijaneeŋkaau, ti-Dindaan ń céeǹ-si kí gíiǹ-si nì laafiya! Ú pɔ̄-mi diyimɔɔl ḿ ŋmā kí kàl̄ kitiŋ pu kí yúntí kí ká mbiyaamu mun ní sii nì Saraa làá màal̀ee kí wàatī ní kí nín kpú. Ti-Dindaan nimbiin ní m dū m-bisal ki ŋúbiǹ-si. Á kpèè-u tiŋan. A-maŋfal wiiŋyi kɔkɔ poonee, á taa kɔ́ǹ-u kunimbaau dalba dalba. M-biki, nín̄ cá nì ŋgbansɔŋfi! Kí yòon̄ kɔŋkɔnnee kí nīn cée, m sá a-na ní Saara sá a-niisal. M mèé yii ti-kɔkɔ ń nīn bí dipɔɔpindin mbaantiim ti-maŋfal wiiŋyi kɔkɔ poon!»
Eedina lī míǹ ki dóòyee ní ki kpàl̄ bi-liitil ní ki yāntì bi búntì nì dipɔɔpindi. 14Míǹ ní Toobiyaasi yíkì Raguweel cee nì mmɔn nì dipɔɔpindi, ki jáaḿ yilpu nì taapu Dindaan, duulinya kɔkɔ bɔtiu u nín yāntì bi cōom̀ disaŋkinnyaandee. Raguweel nìn bí-u yii: «Ti-Dindaan ń tīī-si nnaam á tīī a-baabi tinyool a-maŋfal wiiŋyi kɔkɔ poon!»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.