Siracide 5
5
Taa nín̄ gúntí a-ba fám
1Taa nín̄ máká a-gaajati pu,
kí taa lì yii: «Tì ŋmāntiǹ-mi!»
2Á taa yàntī a-kpɔkɔsib nì a-pɔŋŋu
ń téé-si á ŋá min a-pɔbil lèe#5.2 B. 1-2: dūú ŋmàntī nì Ilan 62.11, 1 Tiim 6.8-10..
3Taa lì yii: «Ŋma di ŋūǹ kí nīn cáá m-pu mpɔn?»
Di sá yii báà án ŋá pu ti-Dindaan làá dáaĺ a-tafal.
4Taa lì yii: «M ŋá ikpiti ama tiba kaa ŋá-mi!»
Di sá yii ti-Dindaan cáá kimɔtii tikpil#5.4 Dūú ŋmàntī nì Uciŋ 8.11..
5Taa nín̄ máká yii a làá ká a-kpitii pɔ̄tam
ní kí nīn mɔ̀tīi ŋáań ikpiti ki kútí ikpiti pu.
6Taa lì yii: «U-poon mɔ̄ tikpil,
u làá dū m-kpiti kupaau nee kí pɔ̄-mi.»
Di sá yii úǹ di cáá disaasɔl ní ki cáá diŋuul mun,
ní u làá dāá fōō mbum tikpil bikpitiŋaliibi pu.
7Taa tàan̄ kí fàtīí gítiń ti-Dindaan cee,
kí taa nín̄ cáa nákà.
Di sá yii ti-Dindaan ŋuul làá dāá bàń dicilpu dicilpu ní,
ní án dāá nàan̄-si ditafadaaldi wiiŋŋu.
8Taa nín̄ máká tigaajati tin a dī isaŋkpiti pu ki kée,
di sá yii tàa làá dāá kèetī-si dinimbinaamandi wiiŋŋu#5.8 Dūú ŋmàntī nì Alaŋ 10.2, 11.4..
9Taa nín̄ càatī a-kpaajinti
kubuŋu kun kamaa yaa jītée#5.9 Dūú ŋmàntī nì Yeer 4.11. poon,
kí taa nín̄ còom̀ nsan kamaa pu.
Di sá yii unikpiti di ŋáań míǹ.
10Taa nín̄ kpántí a-landɔkɔi baabadal,
kí nīn yú nì tin a sòon̄ee.
11Á nīn yáb̀ tibɔti dipilifil poon,
ama kí taa nín̄ yáb̀ dikiil poon#5.11 Dūú ŋmàntī nì Yaku 1.19..
12A-juti yaa bālifì-si tiba ní a nyée, á kíí-u,
ama a yaa kaa nyée, á táb́ a-nyɔkɔ.
13Tin a sòoǹee di làá tīī-si jilma àá kí kɔ́ǹ-si icoo,
tin nyēē unil nyɔkɔnee ŋūǹ kí kɔ́ǹ-u dinimbinaamandin#5.13 Dūú ŋmàntī nì Alaŋ 10.19, 13.3, Yaku 3.6..
14Taa yàntī bí nīn yíì-si yii ubɔmbɔtukul,
kí taa sòoǹ kí kīil̀ a-juti.
Di sá yii icoo yaa cútí unaayuuyee,
ditafadaaldi din pɔ̄ɔ̄yee dɔ̄ ki cí unyimɔndaan mun ní.
15Taa pée yìntī fiii ní kaa nín yīntì tikpil.
Currently Selected:
Siracide 5: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Siracide 5
5
Taa nín̄ gúntí a-ba fám
1Taa nín̄ máká a-gaajati pu,
kí taa lì yii: «Tì ŋmāntiǹ-mi!»
2Á taa yàntī a-kpɔkɔsib nì a-pɔŋŋu
ń téé-si á ŋá min a-pɔbil lèe#5.2 B. 1-2: dūú ŋmàntī nì Ilan 62.11, 1 Tiim 6.8-10..
3Taa lì yii: «Ŋma di ŋūǹ kí nīn cáá m-pu mpɔn?»
Di sá yii báà án ŋá pu ti-Dindaan làá dáaĺ a-tafal.
4Taa lì yii: «M ŋá ikpiti ama tiba kaa ŋá-mi!»
Di sá yii ti-Dindaan cáá kimɔtii tikpil#5.4 Dūú ŋmàntī nì Uciŋ 8.11..
5Taa nín̄ máká yii a làá ká a-kpitii pɔ̄tam
ní kí nīn mɔ̀tīi ŋáań ikpiti ki kútí ikpiti pu.
6Taa lì yii: «U-poon mɔ̄ tikpil,
u làá dū m-kpiti kupaau nee kí pɔ̄-mi.»
Di sá yii úǹ di cáá disaasɔl ní ki cáá diŋuul mun,
ní u làá dāá fōō mbum tikpil bikpitiŋaliibi pu.
7Taa tàan̄ kí fàtīí gítiń ti-Dindaan cee,
kí taa nín̄ cáa nákà.
Di sá yii ti-Dindaan ŋuul làá dāá bàń dicilpu dicilpu ní,
ní án dāá nàan̄-si ditafadaaldi wiiŋŋu.
8Taa nín̄ máká tigaajati tin a dī isaŋkpiti pu ki kée,
di sá yii tàa làá dāá kèetī-si dinimbinaamandi wiiŋŋu#5.8 Dūú ŋmàntī nì Alaŋ 10.2, 11.4..
9Taa nín̄ càatī a-kpaajinti
kubuŋu kun kamaa yaa jītée#5.9 Dūú ŋmàntī nì Yeer 4.11. poon,
kí taa nín̄ còom̀ nsan kamaa pu.
Di sá yii unikpiti di ŋáań míǹ.
10Taa nín̄ kpántí a-landɔkɔi baabadal,
kí nīn yú nì tin a sòon̄ee.
11Á nīn yáb̀ tibɔti dipilifil poon,
ama kí taa nín̄ yáb̀ dikiil poon#5.11 Dūú ŋmàntī nì Yaku 1.19..
12A-juti yaa bālifì-si tiba ní a nyée, á kíí-u,
ama a yaa kaa nyée, á táb́ a-nyɔkɔ.
13Tin a sòoǹee di làá tīī-si jilma àá kí kɔ́ǹ-si icoo,
tin nyēē unil nyɔkɔnee ŋūǹ kí kɔ́ǹ-u dinimbinaamandin#5.13 Dūú ŋmàntī nì Alaŋ 10.19, 13.3, Yaku 3.6..
14Taa yàntī bí nīn yíì-si yii ubɔmbɔtukul,
kí taa sòoǹ kí kīil̀ a-juti.
Di sá yii icoo yaa cútí unaayuuyee,
ditafadaaldi din pɔ̄ɔ̄yee dɔ̄ ki cí unyimɔndaan mun ní.
15Taa pée yìntī fiii ní kaa nín yīntì tikpil.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.