Siracide 45
45
1Unimbɔti nìn néeń-u
ní binib mun nìn néeń-u.
Unil gbanti di sá Mooyiisi.
Ti yaa téetì u-puee, ti jáaḿ Unimbɔti ní.
2Ti-Dindaan nìn tīī-u ituun nyooti juti ní.
U nìn yāntì u cáá mpɔn ki nìn kɔ̄ntí binannanliibi dinyoondi#45.2 Dūú ŋmàntī nì Disa 7.1, Atuun 7.22..
3U nìn sòoǹ ní Unimbɔti yàntī maamaaci tuŋkpaaŋŋi ŋáań,
ki nìn yāntì u ká tinyool bibɔtiibi nimbiin.
Ti-Dindaan nìn tīī-u u-marab u cáa tīī u-nibul,
ní ki nìn lēē u-nyooti fiii#45.3 u-nyooti fiii: Disa 8-11, 19, 33.18-23. ki dàkā-u.
4Mooyiisi nìn yú nì Unimbɔti deedee ní ki nìn mɔ̄.
An pu ní Unimbɔti nìn gāntì-u ki yóoǹ u-ba,
ki nìn lēē-u inifunaan kɔkɔ kansikin#45.4 Dūú ŋmàntī nì Dikà 12.3, Eebru 3.2..
5U nìn yāntì Mooyiisi gbìl̄ u-neel
ní ki nìn kɔ́ǹ-u ditagbambɔndi poon.
Bi nìn yú ki túĺ tɔb ní u dū marab ki ŋúbiǹ-u,
marab bin tìì dimaŋfal nì dinyilee.
Ti-Dindaan nìn dàkā Jaakɔb naantiibi dipoondi bɔti,
ki dàkā Isirayeel yab u-bɔkpaaŋi#45.5 Dūú ŋmàntī nì Disa 19.15-21, 24.12, 31.18, 33.11..
Aarɔn
(Kpèè Disa 4.14-15, 28.1-43, 39, Akoo 8.7)
6Unimbɔti nìn yōoǹ Aarɔn mun yilpu.
U mun nìn sá circir niliu kii Mooyiisee ní,
ki nìn sá Mooyiisi maan, ki nìn nyánní Leefii naakookun.
7Unimbɔti nìn pōoǹ-u dipoondi
din làá nīn bí ki cá jaanjaanee.
U nìn dū disaraaŋal tundi ki ŋúbiǹ-u.
Ti-Dindaan nìn tīī-u dipɔɔpindi
ki nìn yāntì u pèentí circir wampeeŋkaati tinyaandi,
ní ki nìn dū tinyool bɔkutifɔkɔl ki pēeǹ-u.
8U nìn pēeǹ-u tiwampeeŋkaal timɔmmɔntiil,
ní ki nìn kítì-u tidaandi tin dàkà u-pɔŋŋuee,
an dàkà yii kicukutigiŋ nì dibɔkutifɔkɔl nì eefoodi.
9Bi nìn ŋáĺ greenaadi subiliŋ
ki nyɔ̄kɔntì dibɔkutifɔkɔlee taapu,
nì sindaariya waŋkilimmu tikpil.
U yaa còom̄ee mu gbáà tɔb,
ní bi nìn gbìl̀ mu-siim pu kunimbɔtidiin
ní ki nìn téetí ti-Dindaan nibul u-bítam pu.
10Unimbɔti nìn tí pēeǹ Aarɔn circir bɔkutifɔkɔl
din biwanluliibi nìn dū gulfab bin cáá sindaariya nyimee,
nì bin máǹ gùŋgumee,
nì bin máǹ cínciŋee ki lùn̄ee.
U nìn gíti pēē dibalifil lɔbiki
kin poon ní Uriim nì Tumiim kēe.
11Uwanlul nìn dū gulfaman ní ki lùn̄ kilɔbiki gbanti,
ní bi dū ataŋkpanyaan ki nyɔ̄kɔntì.
Ataŋkpee gbanti puee, bi nìn cáká
Isirayeel naakɔti saalaa nì tilee
kii bi nín cákà kijalii kin bi cáa nyìitī tiwan puee
Unimbɔti ń nīn téetí ti-pu.
Utɔntɔnli nìn dū sindaariya ki mɔ́ɔ́ tifukuŋkaal
ní bi dū ataŋkpeeyee ki fúuń.
12Sindaariya kpáakaati nìn náká ŋŋaabu
ŋun nìn fìn̄ Aarɔn yilee pu.
Bi nìn cáká tikpáakaalee pu yii:
«Un bi dūu sú ti-Dindaanee».
An nìn sá tinyool daaŋku
kun bi nìn mɔ́ɔ́ tiŋan puee,
ki nìn mɔ̄ nnimbikpee
ní bi nìn nyáantì-ku tiŋanee#45.12 Dūú ŋmàntī nì Disa 28.36-38, Iciin 18.24..
13Kí dāá sāā Aarɔn yuntiŋuee,
tiwampeeŋkaal tiba kaa nìn bí ki ŋān̄ ki bàn̄ u-yati gbanti.
Unifantanti ubɔ kaa nìn pēeǹ tiwan gbanti ki ká,
see u-jipɔmbi nì bi-naantiibi di cáá nsan kí nīn pèentí-tì
kí nīn cáa cá jaanjaan.
14 Saraabi bin Aarɔn nìn ŋáań mili pu ŋwiin,
kí nīn cáa cá jaanjaanee nìn máaǹ kí wà kɔkɔ ní múb#45.14 Dūú ŋmàntī nì Disa 29.38-42..
15Mooyiisi di nìn kāaǹ-u disaraaŋal tundin,
ki nìn bātì circir kpam ki sītì u-yil pu.
An nìn sá-u dipoondi din làá nīn bí
kí nīn cá jaanjaanee, ki kpáaǹ u-naantiibi.
Iwiin in kɔkɔ kutagbɔŋu kun dàn̄ kutaa pu nee làá nīn bée,
dipoondi gbanti mun máaǹ kí nīn bí ní.
Bi-tundi di sá yii bí nīn sá ti-Dindaan saraaŋaliibi
ní kí nīn bìintí u-nibul u-yindi pu#45.15 Dūú ŋmàntī nì Disa 28.41..
16Ti-Dindaan nìn lēē-u binifoobi kɔkɔ kansikin
ú nīn ŋáań saraabi ki tìì-u,
kí nīn tùutī talaalutuukaa
nì diteetil talaaluu
án nīn sá kudaaŋŋu,
ní kí ŋá akoobil nín sá puee
dinibul ń ká di-kpitii pɔ̄tam#45.16 Kpèè Akoo 1-5, 16.34..
17U nìn tīī Aarɔn ŋŋmam
ú lēē marab taapu
kí dàkà Isirayeel yab u-lammi,
ní kí dū u-marab kí ŋmíntí u-nibul#45.17 B. 15-17: kpèè Disa 28.1,41, Akoo 6.12-18, Dikà 6.23-27, Ditee 33.10..
18Kuteeunee, bin kaa nìn sá u-dicaŋkun yabee
nìn ŋá-u ipoompoon.
Bi nìn gíí u-pu diŋuul ŋkpitim pu
ní ki yíkì ki jáń nì u.
Bíǹ di nìn sá Datan nì Abiiram nì bi-naacimbi,
ki kpáaǹ Kooree nikitil yab.
19Ti-Dindaan nín ká mimmee,
an kaa nìn mɔ́ɔkiǹ-u.
U nìn fōō bi-pu diŋuukpaandi,
ní bi-puee, u nìn ŋáaǹ maamaaci tuŋkpaaŋŋi:
Circir ŋmilimbiliŋ nìn wùn̄-bi ki nāaǹ-bi#45.19 B. 18-19: kpèè Dikà 16.1-35, Ilan 106.16-18..
20Ti-Dindaan nìn gíti tīī Aarɔn diyimɔɔl diba mun:
u nìn dū tikpaajin ticɔfikaal ki tīī u nì u-biyaamu
án nīn sá-bi difakal.
An dàkà yii u nìn tīī-bi tijikaal bí nīn jīǹ ki díkì#45.20 Dūú ŋmàntī nì Dikà 18.8-19..
21Di sá yii tijin tin bi nìn cāabìń ki ŋáań ti-Dindaan saraayee
ní bisaraaŋaliibi nìn jīǹ.
Ti-Dindaan di nìn dū-tì ki tīī Aarɔn nì u-naantiibi.
22Ama waa nìn fōō ditinjandi difakal
Isirayeel nibul kansikin.
Baa nìn fōō ditinjandi difakal
kii Isirayeel nibul din kíǹee,
di sá yii ti-Dindaan nìn tùkū-u yii:
«Mama m-ba di sá a-tinjandi nì a-gaajati#45.22 Kpèè Dikà 18.20, Ditee 10.9, 18.1-2, Joos 13.14, Eesee 44.28.».
Piinaasi
(B. 23-25. kpèè 25.6-13, 1 Maar 2.54)
23Eeleeyasaar jipɔɔn Piinaasi sá unitataati un nìn nyáń diyindee.
Di sá u nìn cáá difaŋgiil kí mɔ̄tì ti-Dindaan nyooti pu.
U nìn ká dipɔbil ki nìn jáń nì dinibul din nìn yíkì ki jáà nì ti-Dindaanee,
ní ki nìn yāntì ti-Dindaan dū Isirayeel yab kpitii ki pú-bi.
24An pu ní ti-Dindaan nìn pōoǹ-u ŋgbansɔŋfi poondi,
ki nìn lēē-u yii ú nīn sá circir kɔŋkooŋŋu nì u-nibul kpiliu.
Míǹ ní ti-Dindaan nìn dū usaraaŋakpil tundi
ki tīī u nì u-naantiibi kí nīn pée cáa cá jaanjaan.
25Ti-Dindaan nìn pōoǹ Daafiidi,
Jeesee un nìn sá Juuda naakookunee jipɔɔn mun dipoondi.
U nìn pōoǹ-u yii ubɔti yaa kpíìyee,
u-jipɔɔn ubɔ di máaǹ kí fōō u-yil kí jī dibeel,
ama án nīn sá u-jipɔɔn ubɔbɔ ní.
Ama Aarɔn úǹ fakal sá ki tīī u-naantiibi kɔkɔ ní#45.25 Kpèè 2 Sami 7.12-13, 1 Bib 8.24-26, Yeer 33.17-18,21..
26Nimbi Aarɔn dicaŋkun yab,
m mèé ti-Dindaan yii ú tīī-ni iciin.
Niinee, ni làá dū ibaamɔn kí sòoǹ u-nibul bɔti,
ní kí nīn bí ki cée,
tinyool nì jilma bin ni cáá nee
ń taa nyā ni-ŋalin dalba dalba.
Currently Selected:
Siracide 45: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Siracide 45
45
1Unimbɔti nìn néeń-u
ní binib mun nìn néeń-u.
Unil gbanti di sá Mooyiisi.
Ti yaa téetì u-puee, ti jáaḿ Unimbɔti ní.
2Ti-Dindaan nìn tīī-u ituun nyooti juti ní.
U nìn yāntì u cáá mpɔn ki nìn kɔ̄ntí binannanliibi dinyoondi#45.2 Dūú ŋmàntī nì Disa 7.1, Atuun 7.22..
3U nìn sòoǹ ní Unimbɔti yàntī maamaaci tuŋkpaaŋŋi ŋáań,
ki nìn yāntì u ká tinyool bibɔtiibi nimbiin.
Ti-Dindaan nìn tīī-u u-marab u cáa tīī u-nibul,
ní ki nìn lēē u-nyooti fiii#45.3 u-nyooti fiii: Disa 8-11, 19, 33.18-23. ki dàkā-u.
4Mooyiisi nìn yú nì Unimbɔti deedee ní ki nìn mɔ̄.
An pu ní Unimbɔti nìn gāntì-u ki yóoǹ u-ba,
ki nìn lēē-u inifunaan kɔkɔ kansikin#45.4 Dūú ŋmàntī nì Dikà 12.3, Eebru 3.2..
5U nìn yāntì Mooyiisi gbìl̄ u-neel
ní ki nìn kɔ́ǹ-u ditagbambɔndi poon.
Bi nìn yú ki túĺ tɔb ní u dū marab ki ŋúbiǹ-u,
marab bin tìì dimaŋfal nì dinyilee.
Ti-Dindaan nìn dàkā Jaakɔb naantiibi dipoondi bɔti,
ki dàkā Isirayeel yab u-bɔkpaaŋi#45.5 Dūú ŋmàntī nì Disa 19.15-21, 24.12, 31.18, 33.11..
Aarɔn
(Kpèè Disa 4.14-15, 28.1-43, 39, Akoo 8.7)
6Unimbɔti nìn yōoǹ Aarɔn mun yilpu.
U mun nìn sá circir niliu kii Mooyiisee ní,
ki nìn sá Mooyiisi maan, ki nìn nyánní Leefii naakookun.
7Unimbɔti nìn pōoǹ-u dipoondi
din làá nīn bí ki cá jaanjaanee.
U nìn dū disaraaŋal tundi ki ŋúbiǹ-u.
Ti-Dindaan nìn tīī-u dipɔɔpindi
ki nìn yāntì u pèentí circir wampeeŋkaati tinyaandi,
ní ki nìn dū tinyool bɔkutifɔkɔl ki pēeǹ-u.
8U nìn pēeǹ-u tiwampeeŋkaal timɔmmɔntiil,
ní ki nìn kítì-u tidaandi tin dàkà u-pɔŋŋuee,
an dàkà yii kicukutigiŋ nì dibɔkutifɔkɔl nì eefoodi.
9Bi nìn ŋáĺ greenaadi subiliŋ
ki nyɔ̄kɔntì dibɔkutifɔkɔlee taapu,
nì sindaariya waŋkilimmu tikpil.
U yaa còom̄ee mu gbáà tɔb,
ní bi nìn gbìl̀ mu-siim pu kunimbɔtidiin
ní ki nìn téetí ti-Dindaan nibul u-bítam pu.
10Unimbɔti nìn tí pēeǹ Aarɔn circir bɔkutifɔkɔl
din biwanluliibi nìn dū gulfab bin cáá sindaariya nyimee,
nì bin máǹ gùŋgumee,
nì bin máǹ cínciŋee ki lùn̄ee.
U nìn gíti pēē dibalifil lɔbiki
kin poon ní Uriim nì Tumiim kēe.
11Uwanlul nìn dū gulfaman ní ki lùn̄ kilɔbiki gbanti,
ní bi dū ataŋkpanyaan ki nyɔ̄kɔntì.
Ataŋkpee gbanti puee, bi nìn cáká
Isirayeel naakɔti saalaa nì tilee
kii bi nín cákà kijalii kin bi cáa nyìitī tiwan puee
Unimbɔti ń nīn téetí ti-pu.
Utɔntɔnli nìn dū sindaariya ki mɔ́ɔ́ tifukuŋkaal
ní bi dū ataŋkpeeyee ki fúuń.
12Sindaariya kpáakaati nìn náká ŋŋaabu
ŋun nìn fìn̄ Aarɔn yilee pu.
Bi nìn cáká tikpáakaalee pu yii:
«Un bi dūu sú ti-Dindaanee».
An nìn sá tinyool daaŋku
kun bi nìn mɔ́ɔ́ tiŋan puee,
ki nìn mɔ̄ nnimbikpee
ní bi nìn nyáantì-ku tiŋanee#45.12 Dūú ŋmàntī nì Disa 28.36-38, Iciin 18.24..
13Kí dāá sāā Aarɔn yuntiŋuee,
tiwampeeŋkaal tiba kaa nìn bí ki ŋān̄ ki bàn̄ u-yati gbanti.
Unifantanti ubɔ kaa nìn pēeǹ tiwan gbanti ki ká,
see u-jipɔmbi nì bi-naantiibi di cáá nsan kí nīn pèentí-tì
kí nīn cáa cá jaanjaan.
14 Saraabi bin Aarɔn nìn ŋáań mili pu ŋwiin,
kí nīn cáa cá jaanjaanee nìn máaǹ kí wà kɔkɔ ní múb#45.14 Dūú ŋmàntī nì Disa 29.38-42..
15Mooyiisi di nìn kāaǹ-u disaraaŋal tundin,
ki nìn bātì circir kpam ki sītì u-yil pu.
An nìn sá-u dipoondi din làá nīn bí
kí nīn cá jaanjaanee, ki kpáaǹ u-naantiibi.
Iwiin in kɔkɔ kutagbɔŋu kun dàn̄ kutaa pu nee làá nīn bée,
dipoondi gbanti mun máaǹ kí nīn bí ní.
Bi-tundi di sá yii bí nīn sá ti-Dindaan saraaŋaliibi
ní kí nīn bìintí u-nibul u-yindi pu#45.15 Dūú ŋmàntī nì Disa 28.41..
16Ti-Dindaan nìn lēē-u binifoobi kɔkɔ kansikin
ú nīn ŋáań saraabi ki tìì-u,
kí nīn tùutī talaalutuukaa
nì diteetil talaaluu
án nīn sá kudaaŋŋu,
ní kí ŋá akoobil nín sá puee
dinibul ń ká di-kpitii pɔ̄tam#45.16 Kpèè Akoo 1-5, 16.34..
17U nìn tīī Aarɔn ŋŋmam
ú lēē marab taapu
kí dàkà Isirayeel yab u-lammi,
ní kí dū u-marab kí ŋmíntí u-nibul#45.17 B. 15-17: kpèè Disa 28.1,41, Akoo 6.12-18, Dikà 6.23-27, Ditee 33.10..
18Kuteeunee, bin kaa nìn sá u-dicaŋkun yabee
nìn ŋá-u ipoompoon.
Bi nìn gíí u-pu diŋuul ŋkpitim pu
ní ki yíkì ki jáń nì u.
Bíǹ di nìn sá Datan nì Abiiram nì bi-naacimbi,
ki kpáaǹ Kooree nikitil yab.
19Ti-Dindaan nín ká mimmee,
an kaa nìn mɔ́ɔkiǹ-u.
U nìn fōō bi-pu diŋuukpaandi,
ní bi-puee, u nìn ŋáaǹ maamaaci tuŋkpaaŋŋi:
Circir ŋmilimbiliŋ nìn wùn̄-bi ki nāaǹ-bi#45.19 B. 18-19: kpèè Dikà 16.1-35, Ilan 106.16-18..
20Ti-Dindaan nìn gíti tīī Aarɔn diyimɔɔl diba mun:
u nìn dū tikpaajin ticɔfikaal ki tīī u nì u-biyaamu
án nīn sá-bi difakal.
An dàkà yii u nìn tīī-bi tijikaal bí nīn jīǹ ki díkì#45.20 Dūú ŋmàntī nì Dikà 18.8-19..
21Di sá yii tijin tin bi nìn cāabìń ki ŋáań ti-Dindaan saraayee
ní bisaraaŋaliibi nìn jīǹ.
Ti-Dindaan di nìn dū-tì ki tīī Aarɔn nì u-naantiibi.
22Ama waa nìn fōō ditinjandi difakal
Isirayeel nibul kansikin.
Baa nìn fōō ditinjandi difakal
kii Isirayeel nibul din kíǹee,
di sá yii ti-Dindaan nìn tùkū-u yii:
«Mama m-ba di sá a-tinjandi nì a-gaajati#45.22 Kpèè Dikà 18.20, Ditee 10.9, 18.1-2, Joos 13.14, Eesee 44.28.».
Piinaasi
(B. 23-25. kpèè 25.6-13, 1 Maar 2.54)
23Eeleeyasaar jipɔɔn Piinaasi sá unitataati un nìn nyáń diyindee.
Di sá u nìn cáá difaŋgiil kí mɔ̄tì ti-Dindaan nyooti pu.
U nìn ká dipɔbil ki nìn jáń nì dinibul din nìn yíkì ki jáà nì ti-Dindaanee,
ní ki nìn yāntì ti-Dindaan dū Isirayeel yab kpitii ki pú-bi.
24An pu ní ti-Dindaan nìn pōoǹ-u ŋgbansɔŋfi poondi,
ki nìn lēē-u yii ú nīn sá circir kɔŋkooŋŋu nì u-nibul kpiliu.
Míǹ ní ti-Dindaan nìn dū usaraaŋakpil tundi
ki tīī u nì u-naantiibi kí nīn pée cáa cá jaanjaan.
25Ti-Dindaan nìn pōoǹ Daafiidi,
Jeesee un nìn sá Juuda naakookunee jipɔɔn mun dipoondi.
U nìn pōoǹ-u yii ubɔti yaa kpíìyee,
u-jipɔɔn ubɔ di máaǹ kí fōō u-yil kí jī dibeel,
ama án nīn sá u-jipɔɔn ubɔbɔ ní.
Ama Aarɔn úǹ fakal sá ki tīī u-naantiibi kɔkɔ ní#45.25 Kpèè 2 Sami 7.12-13, 1 Bib 8.24-26, Yeer 33.17-18,21..
26Nimbi Aarɔn dicaŋkun yab,
m mèé ti-Dindaan yii ú tīī-ni iciin.
Niinee, ni làá dū ibaamɔn kí sòoǹ u-nibul bɔti,
ní kí nīn bí ki cée,
tinyool nì jilma bin ni cáá nee
ń taa nyā ni-ŋalin dalba dalba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.