Siracide 40
40
Unil falaau
1Ti-Dindaan náań agìń kí tɔ́ binifoobi kɔkɔ pu.
U dū diwaŋgul din di nyìm̀ee ki nyīkiǹ bi-pu
kí yòon̄ ŋwiin ŋun bi nyáń bi-na poonee.
Án làá nīn nyìkī bi-pu míǹ kí tin sāā ŋwiin ŋun
bi làá fàtīí gítí kitiŋ kin sá binifoobi kɔkɔ nee cee#40.1 Dūú ŋmàntī nì Ilan 90.10, Yoob 7.1-2..
2Bi dàkafī tin dɔ̄ ki cí-bee pu
nì kunimbaau kaa gbèentí,
an dàkà yii bi-kúm wiiŋŋu.
An di baasii fàantí-bi#40.2 Dūú ŋmàntī nì Eebru 2.15..
3An sá tiwambaantiil ní ki tīī báà ŋma:
kí yòon̄ ubɔti un kā u-beejal pu nì tinyoolee
kí tin cáá sāā unandaan un kā kitiŋ ŋfantaminee,
4kí yòon̄ un pēē abeebɔkuti ki cíkí kibeefuuliiyee
kí tin cáá sāā un pēē ŋŋaafantanti wantee.
5Báà ŋma dáká diŋuul nì ipoompoon nì agìń nì dipɔɔbiildi
nì ŋkúm faaŋku nì kináŋ nì kujaau ki ká.
Ní bi yaa dōoǹ kí bàà ŋùŋfèe,
ní ilandɔkɔ kupaau ń dūú múkúǹ bi-pu bi-geem poon.
6Udaan tin pée lì yii u dɔ̀ kí ŋùŋfèe.
ní ú kíĺ ki bíi dámintí
ní kí kɔ́ agìńni kii an sá ŋwiimpuee.
An páb̀-bi tin bi kāntí bi-damintiiti poonee pu,
kii ujanjal un di sáǹ ki ŋmátì dikɔ̀ndinee#40.6 Dūú ŋmàntī nì Yoob 7.13-15, Iciin 17.9-10..
7Ŋyunti ŋun ní an sá bí ká difiilee
ní bí cúú fìntī
ní án ŋá-bi bitii yii bi fāŋkì fám.
8Kun dɔ̄ ki cí tin kɔkɔ pée cáá kufoou,
kí yòon̄ unil kí tin sāā kuwaŋkuluuee dee,
ama án làá nīn pɔ̄ɔ̄ binikpitib cee miluli pu ní.
9An di sá ŋkúm nì nnikpaakoon nì kinikpɔŋkpɔkɔu nì kujaau
nì inaabu nì ŋkùm nì dinàandi nì bìlbil kúm.
10Tin bí nee kɔkɔee, Unimbɔti náań-tì binikpitib pu ní.
Bíǹ gbanti pu ní nnyiŋgbeen dɔ́miń kitiŋ pu#40.10 Dūú ŋmàntī nì Diny 6.13..
11Tin kɔkɔ nyánní kitiŋinee làá fàtīí gítí kitiŋin,
ní tin kɔkɔ nyánní nnyiminee ń fàtīi gítí tiŋkun.
Inaamuul kúntitam
12Á ŋéeb́ ubɔsoonli nyɔkɔ ú pɔ̀-see
nì inaamuul kɔkɔ bí ki làá kúntí,
ama tibulcin tíǹ làá nīn bí ní kí nīn cá jaanjaan.
13Binikpitib gaajawanti làá kúntí kii mbun nín fóotí puee,
tì làá jītí kii utaa nín fátí didundi mpɔn utaaja poon puee ní.
14Unikpiti yaa ŋúbitì u-ŋalee, an mɔ̄ǹ-u ní.
Míǹ mbaantiim ní bin yìntīǹ maree làá dāá kúntí múb.
15Binikpitib dicaŋku maaliŋu kaa bùtī.
Bijɔkɔŋfub gbanti nyaaŋyi làá nīn pá ditaŋkpal pu ní.
16Kukaluu kun nyáń nnyim caŋin dibuŋgbándee
ní bi péetí kí fùkù ní kí nín fùkù timool tin kíǹee.
17Ama tiŋan diŋál sá kii dibiindi kpaabuee ní,
ní tiwan tin a pú uwɔfee làá nīn bí ní ki cá jaanjaan#40.17 Dūú ŋmàntī nì Yees 58.11..
Unimbɔti faaŋku di sá tin ŋān̄ páaayee
18Á nīn tɔ́ a-ba kí nīn sá utɔntɔnlee sá tiwan tin mɔ̄ee ní.
Ama un ká tigaajatee sɔ́ǹ bi-liitil#40.18 Dūú ŋmàntī nì 1 Tiim 6.6-8..
19Á nīn cáá mbiyaamu tikpil kí náań kitiŋee
yàntī unil yindi ń nīn bí ki cá ní.
Ama á ká unimpumɔntee jítiǹ tikɔkɔ.
20Ndaam nì ilan sɔ̀ŋkī dipɔbil ní.
Ama unil ń nīn néeń iciin bɔtee sɔ̀ŋkī ki jítiǹ tikɔkɔ.
21Diwul nì kubeeu mɔ̄ dipilifil.
Ama nneen ŋun mɔ̄ee jítiǹ tiwan gbanti liitil#40.21 Dūú ŋmàntī nì Alaŋ 16.24..
22Tin bí gbàlgbalee nì tin ŋān̄ee mɔ̄ nnimbikpee ní.
Ama bukpaa bun sɔ̀m̀ fílfilee mɔ̄ ki jítiǹ tiwan gbanti liitil.
23Ubɔɔti nì u-bɔɔ kpáfí ŋyunti ŋyunti.
Ama unimpu nì u-cal bíǹ kpáfí múlmul ní.
24Nnabiyaamu nì ulaŋŋaŋfiti kèetī nnaabu yuntiŋu.
Ama unil ń pɔ̄ biwɔfib tiwanee gíti kèetī tikpil.
25Sindaariya nì animbil kúti yàntī a máká a-ba pu.
Ama binib gíti tìì isaŋkimɔnti disíndi.
26Tigaajati nì mpɔn tìì dimákal ní.
Ama unil ń nīn fàŋkí ti-Dindaanee di sɔ́.
A yaa fàŋkí ti-Dindaanee, tiba kaa lóotí-si,
ní aa ti nyàab̀ dijòońdi laaba#40.26 Dūú ŋmàntī nì 25.11, Ilan 34.10..
27Ti-Dindaan faaŋku sá kii dibiindi kpaabuee ní,
ní ki wúǹ unil pu ki jítiǹ tinyool kɔkɔ.
Taa nín̄ sá unil un mèéyee
28M-jipɔɔn, taa nín sá unil un di mèéyee.
A yaa kpíì, an sɔ́ǹ á nīn bí ki mèé.
29Unil un kpèé u-juti sambil poon nì nnimbitaataamee
kaa ŋman bí dimaŋfalin dee.
Udaan cáá tijin tin waa túń ditundi ki kée
ki cáa kɔ̄ntí u-ba tijɔkɔndi.
Ama unil un cáá dinyil ki fōō didàkamɔntiilee kpá kí ŋá míǹ.
30Unil un kaa cáá icooyee, tijin tin u mēē
ki jíńee mɔ̄ u-nyɔkɔn cɔ́ncɔncɔŋ ní.
Ama tì yaa kɔ́ u-poonee, an wù kii ŋŋmee ní.
Currently Selected:
Siracide 40: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Siracide 40
40
Unil falaau
1Ti-Dindaan náań agìń kí tɔ́ binifoobi kɔkɔ pu.
U dū diwaŋgul din di nyìm̀ee ki nyīkiǹ bi-pu
kí yòon̄ ŋwiin ŋun bi nyáń bi-na poonee.
Án làá nīn nyìkī bi-pu míǹ kí tin sāā ŋwiin ŋun
bi làá fàtīí gítí kitiŋ kin sá binifoobi kɔkɔ nee cee#40.1 Dūú ŋmàntī nì Ilan 90.10, Yoob 7.1-2..
2Bi dàkafī tin dɔ̄ ki cí-bee pu
nì kunimbaau kaa gbèentí,
an dàkà yii bi-kúm wiiŋŋu.
An di baasii fàantí-bi#40.2 Dūú ŋmàntī nì Eebru 2.15..
3An sá tiwambaantiil ní ki tīī báà ŋma:
kí yòon̄ ubɔti un kā u-beejal pu nì tinyoolee
kí tin cáá sāā unandaan un kā kitiŋ ŋfantaminee,
4kí yòon̄ un pēē abeebɔkuti ki cíkí kibeefuuliiyee
kí tin cáá sāā un pēē ŋŋaafantanti wantee.
5Báà ŋma dáká diŋuul nì ipoompoon nì agìń nì dipɔɔbiildi
nì ŋkúm faaŋku nì kináŋ nì kujaau ki ká.
Ní bi yaa dōoǹ kí bàà ŋùŋfèe,
ní ilandɔkɔ kupaau ń dūú múkúǹ bi-pu bi-geem poon.
6Udaan tin pée lì yii u dɔ̀ kí ŋùŋfèe.
ní ú kíĺ ki bíi dámintí
ní kí kɔ́ agìńni kii an sá ŋwiimpuee.
An páb̀-bi tin bi kāntí bi-damintiiti poonee pu,
kii ujanjal un di sáǹ ki ŋmátì dikɔ̀ndinee#40.6 Dūú ŋmàntī nì Yoob 7.13-15, Iciin 17.9-10..
7Ŋyunti ŋun ní an sá bí ká difiilee
ní bí cúú fìntī
ní án ŋá-bi bitii yii bi fāŋkì fám.
8Kun dɔ̄ ki cí tin kɔkɔ pée cáá kufoou,
kí yòon̄ unil kí tin sāā kuwaŋkuluuee dee,
ama án làá nīn pɔ̄ɔ̄ binikpitib cee miluli pu ní.
9An di sá ŋkúm nì nnikpaakoon nì kinikpɔŋkpɔkɔu nì kujaau
nì inaabu nì ŋkùm nì dinàandi nì bìlbil kúm.
10Tin bí nee kɔkɔee, Unimbɔti náań-tì binikpitib pu ní.
Bíǹ gbanti pu ní nnyiŋgbeen dɔ́miń kitiŋ pu#40.10 Dūú ŋmàntī nì Diny 6.13..
11Tin kɔkɔ nyánní kitiŋinee làá fàtīí gítí kitiŋin,
ní tin kɔkɔ nyánní nnyiminee ń fàtīi gítí tiŋkun.
Inaamuul kúntitam
12Á ŋéeb́ ubɔsoonli nyɔkɔ ú pɔ̀-see
nì inaamuul kɔkɔ bí ki làá kúntí,
ama tibulcin tíǹ làá nīn bí ní kí nīn cá jaanjaan.
13Binikpitib gaajawanti làá kúntí kii mbun nín fóotí puee,
tì làá jītí kii utaa nín fátí didundi mpɔn utaaja poon puee ní.
14Unikpiti yaa ŋúbitì u-ŋalee, an mɔ̄ǹ-u ní.
Míǹ mbaantiim ní bin yìntīǹ maree làá dāá kúntí múb.
15Binikpitib dicaŋku maaliŋu kaa bùtī.
Bijɔkɔŋfub gbanti nyaaŋyi làá nīn pá ditaŋkpal pu ní.
16Kukaluu kun nyáń nnyim caŋin dibuŋgbándee
ní bi péetí kí fùkù ní kí nín fùkù timool tin kíǹee.
17Ama tiŋan diŋál sá kii dibiindi kpaabuee ní,
ní tiwan tin a pú uwɔfee làá nīn bí ní ki cá jaanjaan#40.17 Dūú ŋmàntī nì Yees 58.11..
Unimbɔti faaŋku di sá tin ŋān̄ páaayee
18Á nīn tɔ́ a-ba kí nīn sá utɔntɔnlee sá tiwan tin mɔ̄ee ní.
Ama un ká tigaajatee sɔ́ǹ bi-liitil#40.18 Dūú ŋmàntī nì 1 Tiim 6.6-8..
19Á nīn cáá mbiyaamu tikpil kí náań kitiŋee
yàntī unil yindi ń nīn bí ki cá ní.
Ama á ká unimpumɔntee jítiǹ tikɔkɔ.
20Ndaam nì ilan sɔ̀ŋkī dipɔbil ní.
Ama unil ń nīn néeń iciin bɔtee sɔ̀ŋkī ki jítiǹ tikɔkɔ.
21Diwul nì kubeeu mɔ̄ dipilifil.
Ama nneen ŋun mɔ̄ee jítiǹ tiwan gbanti liitil#40.21 Dūú ŋmàntī nì Alaŋ 16.24..
22Tin bí gbàlgbalee nì tin ŋān̄ee mɔ̄ nnimbikpee ní.
Ama bukpaa bun sɔ̀m̀ fílfilee mɔ̄ ki jítiǹ tiwan gbanti liitil.
23Ubɔɔti nì u-bɔɔ kpáfí ŋyunti ŋyunti.
Ama unimpu nì u-cal bíǹ kpáfí múlmul ní.
24Nnabiyaamu nì ulaŋŋaŋfiti kèetī nnaabu yuntiŋu.
Ama unil ń pɔ̄ biwɔfib tiwanee gíti kèetī tikpil.
25Sindaariya nì animbil kúti yàntī a máká a-ba pu.
Ama binib gíti tìì isaŋkimɔnti disíndi.
26Tigaajati nì mpɔn tìì dimákal ní.
Ama unil ń nīn fàŋkí ti-Dindaanee di sɔ́.
A yaa fàŋkí ti-Dindaanee, tiba kaa lóotí-si,
ní aa ti nyàab̀ dijòońdi laaba#40.26 Dūú ŋmàntī nì 25.11, Ilan 34.10..
27Ti-Dindaan faaŋku sá kii dibiindi kpaabuee ní,
ní ki wúǹ unil pu ki jítiǹ tinyool kɔkɔ.
Taa nín̄ sá unil un mèéyee
28M-jipɔɔn, taa nín sá unil un di mèéyee.
A yaa kpíì, an sɔ́ǹ á nīn bí ki mèé.
29Unil un kpèé u-juti sambil poon nì nnimbitaataamee
kaa ŋman bí dimaŋfalin dee.
Udaan cáá tijin tin waa túń ditundi ki kée
ki cáa kɔ̄ntí u-ba tijɔkɔndi.
Ama unil un cáá dinyil ki fōō didàkamɔntiilee kpá kí ŋá míǹ.
30Unil un kaa cáá icooyee, tijin tin u mēē
ki jíńee mɔ̄ u-nyɔkɔn cɔ́ncɔncɔŋ ní.
Ama tì yaa kɔ́ u-poonee, an wù kii ŋŋmee ní.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.