Siracide 28
28
1Unil un yaa tɔ̀n̄ u-ba ipɔntoonee,
ti-Dindaan làá tɔ̀ udaan ipɔntoon.
U làá téeǹ-u ikpiti in kɔkɔ u ŋá-uee#28.1Dūú ŋmàntī nì Maat 6.14-15..
2Dū a-juti kpitii in ní u yīntiǹ-see kí pɔ̄-u.
Niinee, a yaa mēē ti-Dindaanee,
u làá dāá dū si mun kpitii kí pɔ̄-si#28.2Dūú ŋmàntī nì Maat 6.12..
3A yaa dū a-juti ki ŋá a-poonee,
mana ní a làá ŋmā kí mèè ti-Dindaan ú cáaǹ-si?
4A yaa kaa súń bin kíǹee saai,
bin sá binib kii siiyee,
mana ní a làá mèè ti-Dindaan
ú dū sisi a-ba kpitii kí pɔ̄-si#28.4Dūú ŋmàntī nì Maat 18.21-35.?
5Sii un sá unil ki kúùyee yaa dū a-juti ki ŋá a-poonee,
ŋma úǹ di làá kíí kí dū a-kpitii kí pɔ̄-si?
6Dàkafì a-kúntitam pu ní kí fá kináŋ.
Dàkafì ŋkúm nì a-wunti nín làá sūū miŋyee pu
kí ŋúb́ ti-Dindaan marab.
7Téetí ti-Dindaan marab pu,
ní kí taa ti dū a-juti kí ŋá a-poon.
Téetí Yilpu Fɔ́ŋŋŋ Nimbɔtiu poondi pu,
ní kí dū ikpiti in bi yīntiǹ-see kí pɔ̄.
Kujaau bɔti
8Kàkatī a-ba kí wàatī kujaau,
niinee a-kpitii kaa làá nīn wīikí tikpil.
Di sá yii bin fatikuu tùm̀ee
di nyàatī kujaau.
9Ukpitiŋal jāantí bibɔɔtiibi
ní ki cāabìń diyakatil laakin ŋgbansɔŋfi bée.
10Bi yaa kútí idɔ ŋŋminee,
ŋu mɔ̀tīi fòol̄ ní tikpil.
Kujaau yaa yúntèe,
ku mɔ̀tīi pɔ́ɔkí ní.
Unil yaa cáá mpɔn tikpilee,
u mɔ̀tīi ŋáań tipɔmbɔti ní.
Unil yaa cáá tigaajati tikpilee,
u-ŋuul mɔ̀tīi pɔ́ɔkí ní#28.10Dūú ŋmàntī nì Alaŋ 26.20-21..
11Kunikpɔŋkpɔkɔu kun bàń dicilpuee fòol̄ ŋŋmi ní.
Kujaau kun pu ní baa túkúee yàntī fatiku ń nyā ní.
12A yaa púfì ŋŋmi fiiiyee, aŋmilimbil di nyēē,
ama a yaa tíil̀ timɔtan ki sītì ŋu-puee, ŋu kúù ní.
Tiwan gbanti liitil nyēeń a-nyɔkɔn ní.
Tikpitil tin mbɔmbɔtuku cāabìńee
13Mbusu dɔ̄ ki cí ubɔmbɔtukul nì milimilidaan,
an dàkà yii unil un cáá nnyɔmu muli mulee.
Di sá yii bi bíil̀ binib bin nìn
gbìliǹ tɔbee tikpil kansikin#28.13 Dūú ŋmàntī nì Alaŋ 16.28..
14Mbɔmbɔtuku bíil̀ binib tikpil.
Mbɔmbɔtuku yāntì binib sáń ki yìiǹ ki póotí ntimu.
Ŋu nāaǹ ntimu mun bi máń agun ki túee,
ki lábitì akpambal dicaŋŋi ki cìb̄.
15Mbɔmbɔtuku yāntì bininjab biba
jìn̄ bi-nimpoobi bimɔntiibi,
ki yāntì bíǹ lóò bi-gìńdi paatii.
16Unil un pílifíǹ mbɔmbɔtukuee kaa kāntí diŋuŋfil,
kaa tí ŋūǹ kí nīn bí dipɔɔsɔŋkilin.
17Bi yaa fáá-si mbambaanee, a fòol̄ tiweendi ní,
ama bi yaa sòon̄ ki bíil̀-see, an wìil̄ a-kpabiŋ ní.
18Binib tikpil kpíì kujaaun,
ama baa wīikí ki bàn̄ bin dilimbil kūūyee#28.18 Dūú ŋmàntī nì Alaŋ 18.21..
19Unil un ní dilimbil kaa sòon̄ ki bíil̀ee,
un di ŋmátìi nyáń di-ŋuulinee,
un di kaa léeǹ di-kpancikiliuee,
un ní di-kusakai kaa láá bóob́ ki kée,
udaan bí mmɔnneeee!
20Di sá yii dilimbil kpancikiliu sá tikúti ní,
ní di-kusakai sá tasa kúti.
21Dilimbil kúm sá ŋkúŋkpitim ní.
Á nīn kóò ditaŋkpiilin sɔ́ǹ di-kúm.
22Dilimbil kaa ŋūǹ kí ŋá bin fàŋkí Unimbɔtee tiba,
di-ŋmilimbil kpá ki làá wà-bi dalba dalba.
23Bin di fàtī bi-boon ki tìì ti-Dindaanee
di kóò dilimbil ŋaan.
Dì làá fōō bi-kansikin ní kaa làá ti kpú jaanjaan.
Dì làá yùkū kí léeń bi-pu kii gbikintee,
ní kí dáaĺ kí cātikì-bi kii ugbiiyee.
24 Kpèè, a gà ikuŋkum ní kí bàkā a-kpaabu,
25 nyàab̀ punuu nì tikpàlkaal kí pìin̄ a-nyɔkɔ mun.
26 A kpèé a-nimbiliŋ nì a-sindaariyau tiŋan,
27 nyàab̀ saniya nì ditaŋkpaŋmantikaal
kí ŋmàntī a-nyɔɔbuŋŋi mun.
28 Á nīn nyí nì a-ba a-limbil ń taa yàntī á gbéetí.
Yaa sá fám, a làá lítí kí kɔ́ bin bíi cɔ́ŋkí-see ŋaan.
Currently Selected:
Siracide 28: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Siracide 28
28
1Unil un yaa tɔ̀n̄ u-ba ipɔntoonee,
ti-Dindaan làá tɔ̀ udaan ipɔntoon.
U làá téeǹ-u ikpiti in kɔkɔ u ŋá-uee#28.1Dūú ŋmàntī nì Maat 6.14-15..
2Dū a-juti kpitii in ní u yīntiǹ-see kí pɔ̄-u.
Niinee, a yaa mēē ti-Dindaanee,
u làá dāá dū si mun kpitii kí pɔ̄-si#28.2Dūú ŋmàntī nì Maat 6.12..
3A yaa dū a-juti ki ŋá a-poonee,
mana ní a làá ŋmā kí mèè ti-Dindaan ú cáaǹ-si?
4A yaa kaa súń bin kíǹee saai,
bin sá binib kii siiyee,
mana ní a làá mèè ti-Dindaan
ú dū sisi a-ba kpitii kí pɔ̄-si#28.4Dūú ŋmàntī nì Maat 18.21-35.?
5Sii un sá unil ki kúùyee yaa dū a-juti ki ŋá a-poonee,
ŋma úǹ di làá kíí kí dū a-kpitii kí pɔ̄-si?
6Dàkafì a-kúntitam pu ní kí fá kináŋ.
Dàkafì ŋkúm nì a-wunti nín làá sūū miŋyee pu
kí ŋúb́ ti-Dindaan marab.
7Téetí ti-Dindaan marab pu,
ní kí taa ti dū a-juti kí ŋá a-poon.
Téetí Yilpu Fɔ́ŋŋŋ Nimbɔtiu poondi pu,
ní kí dū ikpiti in bi yīntiǹ-see kí pɔ̄.
Kujaau bɔti
8Kàkatī a-ba kí wàatī kujaau,
niinee a-kpitii kaa làá nīn wīikí tikpil.
Di sá yii bin fatikuu tùm̀ee
di nyàatī kujaau.
9Ukpitiŋal jāantí bibɔɔtiibi
ní ki cāabìń diyakatil laakin ŋgbansɔŋfi bée.
10Bi yaa kútí idɔ ŋŋminee,
ŋu mɔ̀tīi fòol̄ ní tikpil.
Kujaau yaa yúntèe,
ku mɔ̀tīi pɔ́ɔkí ní.
Unil yaa cáá mpɔn tikpilee,
u mɔ̀tīi ŋáań tipɔmbɔti ní.
Unil yaa cáá tigaajati tikpilee,
u-ŋuul mɔ̀tīi pɔ́ɔkí ní#28.10Dūú ŋmàntī nì Alaŋ 26.20-21..
11Kunikpɔŋkpɔkɔu kun bàń dicilpuee fòol̄ ŋŋmi ní.
Kujaau kun pu ní baa túkúee yàntī fatiku ń nyā ní.
12A yaa púfì ŋŋmi fiiiyee, aŋmilimbil di nyēē,
ama a yaa tíil̀ timɔtan ki sītì ŋu-puee, ŋu kúù ní.
Tiwan gbanti liitil nyēeń a-nyɔkɔn ní.
Tikpitil tin mbɔmbɔtuku cāabìńee
13Mbusu dɔ̄ ki cí ubɔmbɔtukul nì milimilidaan,
an dàkà yii unil un cáá nnyɔmu muli mulee.
Di sá yii bi bíil̀ binib bin nìn
gbìliǹ tɔbee tikpil kansikin#28.13 Dūú ŋmàntī nì Alaŋ 16.28..
14Mbɔmbɔtuku bíil̀ binib tikpil.
Mbɔmbɔtuku yāntì binib sáń ki yìiǹ ki póotí ntimu.
Ŋu nāaǹ ntimu mun bi máń agun ki túee,
ki lábitì akpambal dicaŋŋi ki cìb̄.
15Mbɔmbɔtuku yāntì bininjab biba
jìn̄ bi-nimpoobi bimɔntiibi,
ki yāntì bíǹ lóò bi-gìńdi paatii.
16Unil un pílifíǹ mbɔmbɔtukuee kaa kāntí diŋuŋfil,
kaa tí ŋūǹ kí nīn bí dipɔɔsɔŋkilin.
17Bi yaa fáá-si mbambaanee, a fòol̄ tiweendi ní,
ama bi yaa sòon̄ ki bíil̀-see, an wìil̄ a-kpabiŋ ní.
18Binib tikpil kpíì kujaaun,
ama baa wīikí ki bàn̄ bin dilimbil kūūyee#28.18 Dūú ŋmàntī nì Alaŋ 18.21..
19Unil un ní dilimbil kaa sòon̄ ki bíil̀ee,
un di ŋmátìi nyáń di-ŋuulinee,
un di kaa léeǹ di-kpancikiliuee,
un ní di-kusakai kaa láá bóob́ ki kée,
udaan bí mmɔnneeee!
20Di sá yii dilimbil kpancikiliu sá tikúti ní,
ní di-kusakai sá tasa kúti.
21Dilimbil kúm sá ŋkúŋkpitim ní.
Á nīn kóò ditaŋkpiilin sɔ́ǹ di-kúm.
22Dilimbil kaa ŋūǹ kí ŋá bin fàŋkí Unimbɔtee tiba,
di-ŋmilimbil kpá ki làá wà-bi dalba dalba.
23Bin di fàtī bi-boon ki tìì ti-Dindaanee
di kóò dilimbil ŋaan.
Dì làá fōō bi-kansikin ní kaa làá ti kpú jaanjaan.
Dì làá yùkū kí léeń bi-pu kii gbikintee,
ní kí dáaĺ kí cātikì-bi kii ugbiiyee.
24 Kpèè, a gà ikuŋkum ní kí bàkā a-kpaabu,
25 nyàab̀ punuu nì tikpàlkaal kí pìin̄ a-nyɔkɔ mun.
26 A kpèé a-nimbiliŋ nì a-sindaariyau tiŋan,
27 nyàab̀ saniya nì ditaŋkpaŋmantikaal
kí ŋmàntī a-nyɔɔbuŋŋi mun.
28 Á nīn nyí nì a-ba a-limbil ń taa yàntī á gbéetí.
Yaa sá fám, a làá lítí kí kɔ́ bin bíi cɔ́ŋkí-see ŋaan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.