Siracide 2
2
Deedeedaan nì icɔŋki
1M-jipɔɔn, a yaa là kí nóó ti-Dindaanee,
á bɔ́ntí a-ba kí kɔ́ icɔŋkin#2.1 Dūú ŋmàntī nì Dilee 2.10..
2Ká dipɔbil kí nīn ŋúb́ an píkí.
Taa fàŋkì dinimbinaamandi yuntiŋu.
3Dū a-ba kí nákań nì ti-Dindaan,
kí taa kàkatī a-ba kí wàatī-u.
A làá kúntí a-maŋfal wiiŋyi
nì dibútil poon ní.
4Tin kamaa di yaa pée bāań-see,
á fōō míǹ.
A yaa kɔ́ agìń ŋin làá sìntīǹ-si taapuee nee,
á jī kimɔtii.
5Di sá yii ŋŋmin ní bi cɔ́ŋkí sindaariya.
Míǹ mbaantiim falaa ŋmiŋun ní
bi cɔ́ŋkí kí béé bin néeń ti-Dindaanee dapɔɔku#2.5 B. 5: dūú ŋmàntī nì Yees 48.10, Iciin 3.6, 1 Peet 1.7..
6Nín̄ cáá dimákal Unimbɔti pu ní ú tūtuǹ-si,
nín̄ nóó deedee saŋŋu kí nīn pée máká u-pu.
7Nimbi bin fàŋkí ti-Dindaanee,
nín̄ cɔ́tímaan u-ŋanti pu.
Ní taa pée fàtī ni-boon kí tīī-tì,
mimmee naa làá lítí.
8Nimbi bin fàŋkí ti-Dindaanee,
nín̄ mákámaan u-pu,
ni kpá ki làá lóó ni-paati.
9Nimbi bin fàŋkí ti-Dindaanee,
nín̄ cɔ́tímaan u-ŋanti
nì mmɔn ŋun kaa cáá dikúntilee nì u-laŋŋaŋfitiiku pu.
10Dáań kí kpèèmaan amaatɔntɔkɔ ŋin jítèe.
Ŋma di dū u-mákal ki páaǹ ti-Dindaan pu ní u kɔ́ǹ-u icoo?
Ŋma di pɔ́ɔǹ ki fàŋkí ti-Dindaan ní u dū-u ki fá?
Ŋma di gbāam̀ ti-Dindaan ní u yíì kaa pílifiǹ-u#2.10 Dūú ŋmàntī nì Ilan 22.5-6, 37.25, Yoob 4.7, 1 Maar2.50-61.?
11Di sá yii ti-Dindaan sūǹ isaa ní u-poon mɔ̄.
U pūǹ ikpiti ní ki fìil̄ dinimbinaamandi yuntiŋu.
12Mbusu dɔ̄ ki cí
bin kaa cáá dipɔbil,
ki ŋáań tikɔkɔ nì bugbambu,
ní ki bí mili milee#2.12 Dūú ŋmàntī nì 1 Bib 18.21..
13Mbusu dɔ̄ ki cí
unil un kaa cáá dipɔbil,
ní kaa cáá ti-Dindaan pu dimákalee.
Waa làá wúń u-pu.
14Mbusu dɔ̄ ki cí
un kaa pɔ́ɔǹ ki tin kátì-kuee!
Ti-Dindaan yaa láa bālifì-ni ni-nyɔkɔpu yayee,
ni làá dāá ŋá mana dee?
15Binib bin fàŋkí ti-Dindaanee
kaa fàtī bi-boon kí tīī tin u lèe.
Bin néeń-uee nóó u-saŋyi ní#2.15 Dūú ŋmàntī nì Ditee 6.4-5, Yoow 14.23-24..
16Bin fàŋkí ti-Dindaanee
nyàab̀ kí ŋá tin di fáatiǹ-uee ní,
bin néeń-uee jīǹ u-marau ní.
17Binib bin fàŋkí ti-Dindaanee
pɔbil pée bɔ́ntì ní ki cí.
Bi nyí kí sìntī bi-ba kí tīī-u.
18Bi lì yii:
«An sɔ́ á kɔ́ ti-Dindaan ŋaan
ki jítiǹ á kɔ́ binib ŋaan.
Di sá yii u yaa sá ukpaanee,
u-poon mun mɔ̄ míǹ ní#2.18 Kpèè 2 Sami 24.14, Iciin 11.23-24..»
Currently Selected:
Siracide 2: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Siracide 2
2
Deedeedaan nì icɔŋki
1M-jipɔɔn, a yaa là kí nóó ti-Dindaanee,
á bɔ́ntí a-ba kí kɔ́ icɔŋkin#2.1 Dūú ŋmàntī nì Dilee 2.10..
2Ká dipɔbil kí nīn ŋúb́ an píkí.
Taa fàŋkì dinimbinaamandi yuntiŋu.
3Dū a-ba kí nákań nì ti-Dindaan,
kí taa kàkatī a-ba kí wàatī-u.
A làá kúntí a-maŋfal wiiŋyi
nì dibútil poon ní.
4Tin kamaa di yaa pée bāań-see,
á fōō míǹ.
A yaa kɔ́ agìń ŋin làá sìntīǹ-si taapuee nee,
á jī kimɔtii.
5Di sá yii ŋŋmin ní bi cɔ́ŋkí sindaariya.
Míǹ mbaantiim falaa ŋmiŋun ní
bi cɔ́ŋkí kí béé bin néeń ti-Dindaanee dapɔɔku#2.5 B. 5: dūú ŋmàntī nì Yees 48.10, Iciin 3.6, 1 Peet 1.7..
6Nín̄ cáá dimákal Unimbɔti pu ní ú tūtuǹ-si,
nín̄ nóó deedee saŋŋu kí nīn pée máká u-pu.
7Nimbi bin fàŋkí ti-Dindaanee,
nín̄ cɔ́tímaan u-ŋanti pu.
Ní taa pée fàtī ni-boon kí tīī-tì,
mimmee naa làá lítí.
8Nimbi bin fàŋkí ti-Dindaanee,
nín̄ mákámaan u-pu,
ni kpá ki làá lóó ni-paati.
9Nimbi bin fàŋkí ti-Dindaanee,
nín̄ cɔ́tímaan u-ŋanti
nì mmɔn ŋun kaa cáá dikúntilee nì u-laŋŋaŋfitiiku pu.
10Dáań kí kpèèmaan amaatɔntɔkɔ ŋin jítèe.
Ŋma di dū u-mákal ki páaǹ ti-Dindaan pu ní u kɔ́ǹ-u icoo?
Ŋma di pɔ́ɔǹ ki fàŋkí ti-Dindaan ní u dū-u ki fá?
Ŋma di gbāam̀ ti-Dindaan ní u yíì kaa pílifiǹ-u#2.10 Dūú ŋmàntī nì Ilan 22.5-6, 37.25, Yoob 4.7, 1 Maar2.50-61.?
11Di sá yii ti-Dindaan sūǹ isaa ní u-poon mɔ̄.
U pūǹ ikpiti ní ki fìil̄ dinimbinaamandi yuntiŋu.
12Mbusu dɔ̄ ki cí
bin kaa cáá dipɔbil,
ki ŋáań tikɔkɔ nì bugbambu,
ní ki bí mili milee#2.12 Dūú ŋmàntī nì 1 Bib 18.21..
13Mbusu dɔ̄ ki cí
unil un kaa cáá dipɔbil,
ní kaa cáá ti-Dindaan pu dimákalee.
Waa làá wúń u-pu.
14Mbusu dɔ̄ ki cí
un kaa pɔ́ɔǹ ki tin kátì-kuee!
Ti-Dindaan yaa láa bālifì-ni ni-nyɔkɔpu yayee,
ni làá dāá ŋá mana dee?
15Binib bin fàŋkí ti-Dindaanee
kaa fàtī bi-boon kí tīī tin u lèe.
Bin néeń-uee nóó u-saŋyi ní#2.15 Dūú ŋmàntī nì Ditee 6.4-5, Yoow 14.23-24..
16Bin fàŋkí ti-Dindaanee
nyàab̀ kí ŋá tin di fáatiǹ-uee ní,
bin néeń-uee jīǹ u-marau ní.
17Binib bin fàŋkí ti-Dindaanee
pɔbil pée bɔ́ntì ní ki cí.
Bi nyí kí sìntī bi-ba kí tīī-u.
18Bi lì yii:
«An sɔ́ á kɔ́ ti-Dindaan ŋaan
ki jítiǹ á kɔ́ binib ŋaan.
Di sá yii u yaa sá ukpaanee,
u-poon mun mɔ̄ míǹ ní#2.18 Kpèè 2 Sami 24.14, Iciin 11.23-24..»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.