Siracide 13
13
Kubɔɔtiiu kun cāabìń agìńee
1A yaa gbēē kunaaluŋuee, án tákaĺ a-ŋal ní,
a yaa bɔ́ɔtí ulambidaanee,
a dāa fòol̄ udaan bimbim ní.
2Taa túń diwaŋgul din nyìmiǹ-si tikpilee,
míǹ mbaantiim á taa tí bɔ́ɔtí un pɔ̄ɔǹ-si,
àá un cáá nì si tigaajatee.
Mana ní bi ŋūǹ kí dū ditaŋkumbool
nì tikúti kumbool kí púkuń tɔb pu?
Akumboo liitil yaa fáá tɔbee,
ditaŋkumbool làá wīī ní.
3Ugaaja yaa yīntiǹ ubɔee,
úǹ ugaaja di gíti gífí un beeyee pu diŋuul.
Bi yaa mūul̀ uwɔfee, úǹ di gíti gbàam̄.
4A yaa kèetī ugaajee, u mùul̄-si ní,
ama a yaa kaa ti cáá tibee, u dù-si kí fá ní.
5A yaa cáá tigaajawanee,
u làá nīn pée bí a-cee ní,
kí jī kí pīil̀-si ní an kaa ká-u.
6U yaa nyàab̀-see,
u làá nīn kíiĺ-si ní.
U làá nīn sòoǹ nì si ki lāā
ní ki tìì-si kunyannyaau.
U làá nīn pée pàkà-si ní,
ní ki bàlifī-si yii:
«Ba ní m ŋūǹ kí ŋá kí tīī-si?»
7U làá nīn yíì-si u-jiŋaalibin ki kɔ̄ntí-si icoo.
A làá bīil̀ a-nimbiliŋ mili kii mita pu
kí pà u-jiŋaalib gbanti pɔndi.
Án dāa kúntée ní u kíǹ ki bèel̄-si.
U yaa ti ká-see ní u kíǹ ki sáń-si
ki gbákafí u-yil a-pu.
8Á nīn nyíǹ a-ba kí taa yàntī bí kīil̀-si,
kí taa yàntī bí kɔ́ǹ-si icoo a-gbaandin.
Nín̄ nyí nì a-ba nì binikpaambi
9Unikpaan ubɔ yaa yíiń-si njimee, á taa kíí malaa.
Niinee, u làá nīn cɔ́ yii á dāan̄.
10Taa jìkì, yaa sá fám, u làá jà-si.
Taa nín̄ bí kudandaŋu mun, yaa sá fám u làá súntí a-pu#13.10 B. 9-10: dūú ŋmàntī nì Alaŋ 25.6..
11Taa màkan̄ kí nīn sòoǹ nì u
kii u sá a-jutee,
kí taa tí fōō tin kɔkɔ u sòoǹee kí kíí.
Di sá yii u làá dī kubɔcaau pu ní kí màkan̄-si,
báà u yaa bíi lāā, u bíi cɔ́ŋkí-si dee.
12Unil un kaa ŋūǹ kí kpāafì
tibɔti tin a sòon̄ nì uee kaa cáá disaasɔl.
U làá yàntī bí gbá-si kí cúú-si kí tɔ̄ sarka.
13Cúú a-ba, kí nīn nyíǹ a-ba tiŋan,
di sá yii a tàkā nsan ŋun cáǹ-si nsitiminee ní.
Bigaajab nì bifalaadambi bɔti
15Kuwaŋkuluu kamaa néeń ku-buluuku ní,
míǹ mbaantiim ní unil mun néeń u-juti.
16Kuwaŋkuluu kamaa jɔ́ḿ ku-buluuku ní,
ní unil mun dù u-ba kí nákań u-juti.
17Mpèé ŋulɔŋu di bí sinsiŋku nì dipibil kansikin#13.17 Dūú ŋmàntī nì Maat 10.16.?
Míǹ ní unikpiti nì deedeedaan kaa cáá mpèé ŋubɔ.
18Ŋgbansɔŋfi ŋulɔŋu di ŋūǹ kí nīn bí
usaakpan nì kibɔkɔ kansikin?
Ŋgbansɔŋfi ŋulɔŋu di ŋūǹ kí nīn bí
ugaaja nì usoodaan kansikin?
19Kumooun mammu di sá gbikintib jinti kupɔɔun.
Míǹ mbaantiim ní bigaajab mun jinti sá bisoodambi.
20Ulambidaan ná un sīntiǹ u-ba taapuee,
míǹ ní ugaaja mun ná usoodaan.
21Ugaaja yaa bíi kpìntī kí lítée, u-bɔɔbi tīkintí-u ní.
Ama usoodaan yaa cá kí lítée, u-bɔɔbi dù-u kí fá ní.
22Ugaaja yaa yīntèe,
binib tikpil bīī u-boon ní.
Báà u yaa sòon̄ tin kaa cáá taapuee,
bi tìì-u mbaamɔn ní.
Ama usoodaan yaa yīntèe,
bi wòoǹ-u ní.
Báà u yaa sòon̄ tibɔti tin cáá taapuee,
baa dùú tɔ̄ ditundi.
23Ugaaja yaa bíi sòoǹee,
báà ŋma ŋmīlifí ní fɔ́ŋfɔŋ,
ní ki pàkà-u tin u lēe pu.
Usoodaan yaa bíi sòoǹee,
bi bàlifī yii: «Ŋma dee ní?»
U yaa gbéetèe ní bí téé-u ú lítí#13.23 B. 21-23: dūú ŋmàntī nì 6.8-12, Alaŋ 19.4, Uciŋ 9.16..
24Tigaajati sá tiwammɔntiil
ŋyunti ŋun ní bi dī nsammɔnti pu ki ká-tèe.
Unikpiti úǹ ceeyee, disool kaa sá tiwammɔntiil.
25Tin kā unil pɔbilinee di yàntī udaan nimbiin ń kpántí,
ú sòoǹ tin ŋān̄ee àá tin kaa ŋān̄ee.
26Unil nimbiin yaa bútì u lāāyee,
an dàkà yii u bí dipɔɔpindin dee.
Ama kí náań dilaŋkpandee,
an bàlifī unil ń dàkafì tikpil ní#13.26 B. 21-23: dūú ŋmàntī nì 19.29-30, Alaŋ 15.13..
Currently Selected:
Siracide 13: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Siracide 13
13
Kubɔɔtiiu kun cāabìń agìńee
1A yaa gbēē kunaaluŋuee, án tákaĺ a-ŋal ní,
a yaa bɔ́ɔtí ulambidaanee,
a dāa fòol̄ udaan bimbim ní.
2Taa túń diwaŋgul din nyìmiǹ-si tikpilee,
míǹ mbaantiim á taa tí bɔ́ɔtí un pɔ̄ɔǹ-si,
àá un cáá nì si tigaajatee.
Mana ní bi ŋūǹ kí dū ditaŋkumbool
nì tikúti kumbool kí púkuń tɔb pu?
Akumboo liitil yaa fáá tɔbee,
ditaŋkumbool làá wīī ní.
3Ugaaja yaa yīntiǹ ubɔee,
úǹ ugaaja di gíti gífí un beeyee pu diŋuul.
Bi yaa mūul̀ uwɔfee, úǹ di gíti gbàam̄.
4A yaa kèetī ugaajee, u mùul̄-si ní,
ama a yaa kaa ti cáá tibee, u dù-si kí fá ní.
5A yaa cáá tigaajawanee,
u làá nīn pée bí a-cee ní,
kí jī kí pīil̀-si ní an kaa ká-u.
6U yaa nyàab̀-see,
u làá nīn kíiĺ-si ní.
U làá nīn sòoǹ nì si ki lāā
ní ki tìì-si kunyannyaau.
U làá nīn pée pàkà-si ní,
ní ki bàlifī-si yii:
«Ba ní m ŋūǹ kí ŋá kí tīī-si?»
7U làá nīn yíì-si u-jiŋaalibin ki kɔ̄ntí-si icoo.
A làá bīil̀ a-nimbiliŋ mili kii mita pu
kí pà u-jiŋaalib gbanti pɔndi.
Án dāa kúntée ní u kíǹ ki bèel̄-si.
U yaa ti ká-see ní u kíǹ ki sáń-si
ki gbákafí u-yil a-pu.
8Á nīn nyíǹ a-ba kí taa yàntī bí kīil̀-si,
kí taa yàntī bí kɔ́ǹ-si icoo a-gbaandin.
Nín̄ nyí nì a-ba nì binikpaambi
9Unikpaan ubɔ yaa yíiń-si njimee, á taa kíí malaa.
Niinee, u làá nīn cɔ́ yii á dāan̄.
10Taa jìkì, yaa sá fám, u làá jà-si.
Taa nín̄ bí kudandaŋu mun, yaa sá fám u làá súntí a-pu#13.10 B. 9-10: dūú ŋmàntī nì Alaŋ 25.6..
11Taa màkan̄ kí nīn sòoǹ nì u
kii u sá a-jutee,
kí taa tí fōō tin kɔkɔ u sòoǹee kí kíí.
Di sá yii u làá dī kubɔcaau pu ní kí màkan̄-si,
báà u yaa bíi lāā, u bíi cɔ́ŋkí-si dee.
12Unil un kaa ŋūǹ kí kpāafì
tibɔti tin a sòon̄ nì uee kaa cáá disaasɔl.
U làá yàntī bí gbá-si kí cúú-si kí tɔ̄ sarka.
13Cúú a-ba, kí nīn nyíǹ a-ba tiŋan,
di sá yii a tàkā nsan ŋun cáǹ-si nsitiminee ní.
Bigaajab nì bifalaadambi bɔti
15Kuwaŋkuluu kamaa néeń ku-buluuku ní,
míǹ mbaantiim ní unil mun néeń u-juti.
16Kuwaŋkuluu kamaa jɔ́ḿ ku-buluuku ní,
ní unil mun dù u-ba kí nákań u-juti.
17Mpèé ŋulɔŋu di bí sinsiŋku nì dipibil kansikin#13.17 Dūú ŋmàntī nì Maat 10.16.?
Míǹ ní unikpiti nì deedeedaan kaa cáá mpèé ŋubɔ.
18Ŋgbansɔŋfi ŋulɔŋu di ŋūǹ kí nīn bí
usaakpan nì kibɔkɔ kansikin?
Ŋgbansɔŋfi ŋulɔŋu di ŋūǹ kí nīn bí
ugaaja nì usoodaan kansikin?
19Kumooun mammu di sá gbikintib jinti kupɔɔun.
Míǹ mbaantiim ní bigaajab mun jinti sá bisoodambi.
20Ulambidaan ná un sīntiǹ u-ba taapuee,
míǹ ní ugaaja mun ná usoodaan.
21Ugaaja yaa bíi kpìntī kí lítée, u-bɔɔbi tīkintí-u ní.
Ama usoodaan yaa cá kí lítée, u-bɔɔbi dù-u kí fá ní.
22Ugaaja yaa yīntèe,
binib tikpil bīī u-boon ní.
Báà u yaa sòon̄ tin kaa cáá taapuee,
bi tìì-u mbaamɔn ní.
Ama usoodaan yaa yīntèe,
bi wòoǹ-u ní.
Báà u yaa sòon̄ tibɔti tin cáá taapuee,
baa dùú tɔ̄ ditundi.
23Ugaaja yaa bíi sòoǹee,
báà ŋma ŋmīlifí ní fɔ́ŋfɔŋ,
ní ki pàkà-u tin u lēe pu.
Usoodaan yaa bíi sòoǹee,
bi bàlifī yii: «Ŋma dee ní?»
U yaa gbéetèe ní bí téé-u ú lítí#13.23 B. 21-23: dūú ŋmàntī nì 6.8-12, Alaŋ 19.4, Uciŋ 9.16..
24Tigaajati sá tiwammɔntiil
ŋyunti ŋun ní bi dī nsammɔnti pu ki ká-tèe.
Unikpiti úǹ ceeyee, disool kaa sá tiwammɔntiil.
25Tin kā unil pɔbilinee di yàntī udaan nimbiin ń kpántí,
ú sòoǹ tin ŋān̄ee àá tin kaa ŋān̄ee.
26Unil nimbiin yaa bútì u lāāyee,
an dàkà yii u bí dipɔɔpindin dee.
Ama kí náań dilaŋkpandee,
an bàlifī unil ń dàkafì tikpil ní#13.26 B. 21-23: dūú ŋmàntī nì 19.29-30, Alaŋ 15.13..
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.