Nombres 9
9
Dilákatil jiŋaaliu wiiŋŋu bɔti
1Ti-Dindaan nìn sòon̄ nì Mooyiisi Siinaayi teekun. An nìn sá bi nín nìn nyáń Eejipiti tiŋkinee binliliitiil uŋmapeepeekaa poon ní. Ti-Dindaan nìn bí Mooyiisi yii: 2«An máaǹ Isirayeel yab ń jī Dilákatil jiŋaaliu ŋwiin ŋun ní bi síiǹ bí nīn jīǹ jiŋaal gbantee. 3Ní jī-u uŋmapeepeekaa nee poon ŋwiin ŋubɔ kpá saalku dal kujoopɔŋ. Ní jī-u kí nóó nì u-marab nì u-koobiliŋ nín sá puee.» 4Ní Mooyiisi tùkū Isirayeel yab yii bí jī Dilákatil jiŋaaliu. 5Bi nìn jíń jiŋaal gbanti uŋmapeepeekaa ŋwiin ŋubɔ kpá saalku dal, kujoopɔŋ Siinaayi teekun. Isirayeel yab nìn pée nóó min ti-Dindaan tùkū Mooyiisi yii bí ŋée ní deedee#9.5 B. 1-5: kpèè Disa 12.1-13..
6Bininjab biba nìn bí niin kaa nìn bí circir kí jī jiŋaal gbanti yaadal, di sá bi nìn gbēē dinikpil. Bi nìn cūtìi ká Mooyiisi nì Aarɔn ŋwiin gbanti. 7Bi nìn bí Mooyiisi yii: «Ti gbēē dinikpil ki kɔ́ tijɔkɔndi. Ba pu ní timbi kaa cáá nsan kí cáań ti-saraabi ŋyunti ŋun an máaǹee kii Isirayeel yab bin kíǹee nín bíi cāabìń puee?» 8Ní Mooyiisi bí-bi yii: «Cīitímaan ḿ kpèè ti-Dindaan nín làá tīī mara un ni-bɔti nee puee.»
9Ní ti-Dindaan bí Mooyiisi 10ń tùkù Isirayeel yab yii: «Ni-kansikin ubɔ àá ni-naantiibi bin bí ki dòońee biba yaa gbēē dinikpil ki kɔ́ tijɔkɔndi àá bi bínní nsandandatee, bi ŋūǹ kí jī Dilákatil jiŋaaliu nee kí tīī man ni-Dindaan tinyool. 11Bidambi ń dāá jī Dilákatil jiŋaaliu gbanti uŋmaliliiti poon ŋwiin ŋubɔ kpá saalku dal kujoopɔŋ. Bí dāá ŋmɔ́ saraa pibilee nì kpɔnɔb bin baa ŋá ŋkpɔnɔnyɔkɔee nì tifaal tin tūee. 12Bí taa láa kíń tiba nì tiba kí wúntí kutaa, kí taa wīī dipibilee kpabiŋ. Bí dāá nóó akoobil ŋin m yóoǹ bí nīn dì ki jīǹ jiŋaal gbantee deedee#9.12 Kpèè Disa 12.46, Yoow 19.36.. 13Ama ubɔ yaa kaa gbēē dinikpil ki kɔ́ tijɔkɔndi ní kaa cūtì nsandandati, ama ní ki ŋá mpɔɔgbifin kaa jíń jiŋaal nee u-wiiŋŋu dalee, bí nyāntí-u Isirayeel yab kansikin u nín ŋá pu ní kaa cáań u-saraau ŋwiin ŋun bi yóoǹee kí tīī-mee. Udaan kpitii làá fàtīí gítí u-pu, kun puee waa cáań-mi saraa ŋwiin ŋun an sá ú cáańee. 14Binicambi bin kɔ́-ni ki kíǹ ki bí ni-tiŋkinee yaa là kí jī Dilákatil jiŋaaliu kí tīī-mi tinyoolee, bí nóó marab bin m yóoǹ bí nīn dì ki jīǹ jiŋaal gbantee. Mara sá ubaanti ní ki tīī bitindambi nì binicambi.»
Ditagbandi bīiǹ circir kɔŋkooŋŋu pu
15Daliŋkin bi cóoǹ circir kɔŋkooŋŋuee, ditagbandi nìn dɔ́miń ki bīiǹ circir kɔŋkooŋŋu, an dàkà yii tanti un poon Dipoondi dakaau bée pu. Ku jóotèe ní dì dāntì circir kɔŋkooŋŋu pu kii ŋwalifee áli kutaa dāa wúntì#9.15 ditagbandi : kpèè Disa 13.21.. 16Míǹ ní an nìn kíǹ ki bí baabadal. Ditagbandee nìn bīī circir kɔŋkooŋŋu pu, ní kunyeeuee di sá ŋwalifi. 17Ŋyunti ŋun ní ditagbandee yaa yíkì tanti yilpuee ní Isirayeel yab ń yīkì bi-naapaal pu kí nīn cá laakin ní ditagbandee làá tin yūĺee, ní bí gbíntí niin kí kàl̄. 18Ti-Dindaan di nìn tìì mara yii Isirayeel yab ń yīkì dinaapaal pu ní bí yīkì, ní kí tí tīī mara yii bí gāā dinaapaal kí kàl̄ ní bí gāā dinaapaal kí kàl̄. Bi yaa nìn kāl̀ laabee, baa nìn yíkí, see ditagbandi yaa nìn yíkì tanti puee ní bi mun ń yīkì. 19Ditagbandee yaa nìn kāl̀ circir kɔŋkooŋŋu pu ki yúntèe, Isirayeel yab nìn tɔ́ ti-Dindaan ní ki kā kaa yíkí. 20Ditagbandee yaa nìn síl̀ iwiŋkaaŋkaayee, bi mun nìn kàal̀ míǹ ní ki nóó nì ti-Dindaan nín síiǹ puee, ní kí dāá tí yīkì ki nóó nì ti-Dindaan nín síiǹ puee. 21Iyunti ibee, ditagbandee nìn sīlifí kujoou kí cáá sāā kutaafaau ní kí yīkì, àá dì nìn kàal̀ ŋwiin ŋubɔ, kunyeeu nì ŋwiimpu ní kí yīkì ní Isirayeel yab mun ń yīkì. 22Ama dì yaa nìn kāl̀ circir kɔŋkooŋŋu pu iwiin ili àá uŋmal àá ki yúntì tikpilee, Isirayeel yab kaa nìn yíkí bi-naapaal pu, asee ditagbandi ń péé kí yīkì. 23Ti-Dindaan di nìn pūǹ kinyɔkɔ ní Isirayeel yab ń kàl̄. Úǹ di nìn tí pūǹ kinyɔkɔ ní bí nín yīkì. Bi nìn ŋúb́ ti-Dindaan marab kii u nín nìn pée tùkū Mooyiisi yii bí nīn ŋáań puee ní.
Currently Selected:
Nombres 9: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Nombres 9
9
Dilákatil jiŋaaliu wiiŋŋu bɔti
1Ti-Dindaan nìn sòon̄ nì Mooyiisi Siinaayi teekun. An nìn sá bi nín nìn nyáń Eejipiti tiŋkinee binliliitiil uŋmapeepeekaa poon ní. Ti-Dindaan nìn bí Mooyiisi yii: 2«An máaǹ Isirayeel yab ń jī Dilákatil jiŋaaliu ŋwiin ŋun ní bi síiǹ bí nīn jīǹ jiŋaal gbantee. 3Ní jī-u uŋmapeepeekaa nee poon ŋwiin ŋubɔ kpá saalku dal kujoopɔŋ. Ní jī-u kí nóó nì u-marab nì u-koobiliŋ nín sá puee.» 4Ní Mooyiisi tùkū Isirayeel yab yii bí jī Dilákatil jiŋaaliu. 5Bi nìn jíń jiŋaal gbanti uŋmapeepeekaa ŋwiin ŋubɔ kpá saalku dal, kujoopɔŋ Siinaayi teekun. Isirayeel yab nìn pée nóó min ti-Dindaan tùkū Mooyiisi yii bí ŋée ní deedee#9.5 B. 1-5: kpèè Disa 12.1-13..
6Bininjab biba nìn bí niin kaa nìn bí circir kí jī jiŋaal gbanti yaadal, di sá bi nìn gbēē dinikpil. Bi nìn cūtìi ká Mooyiisi nì Aarɔn ŋwiin gbanti. 7Bi nìn bí Mooyiisi yii: «Ti gbēē dinikpil ki kɔ́ tijɔkɔndi. Ba pu ní timbi kaa cáá nsan kí cáań ti-saraabi ŋyunti ŋun an máaǹee kii Isirayeel yab bin kíǹee nín bíi cāabìń puee?» 8Ní Mooyiisi bí-bi yii: «Cīitímaan ḿ kpèè ti-Dindaan nín làá tīī mara un ni-bɔti nee puee.»
9Ní ti-Dindaan bí Mooyiisi 10ń tùkù Isirayeel yab yii: «Ni-kansikin ubɔ àá ni-naantiibi bin bí ki dòońee biba yaa gbēē dinikpil ki kɔ́ tijɔkɔndi àá bi bínní nsandandatee, bi ŋūǹ kí jī Dilákatil jiŋaaliu nee kí tīī man ni-Dindaan tinyool. 11Bidambi ń dāá jī Dilákatil jiŋaaliu gbanti uŋmaliliiti poon ŋwiin ŋubɔ kpá saalku dal kujoopɔŋ. Bí dāá ŋmɔ́ saraa pibilee nì kpɔnɔb bin baa ŋá ŋkpɔnɔnyɔkɔee nì tifaal tin tūee. 12Bí taa láa kíń tiba nì tiba kí wúntí kutaa, kí taa wīī dipibilee kpabiŋ. Bí dāá nóó akoobil ŋin m yóoǹ bí nīn dì ki jīǹ jiŋaal gbantee deedee#9.12 Kpèè Disa 12.46, Yoow 19.36.. 13Ama ubɔ yaa kaa gbēē dinikpil ki kɔ́ tijɔkɔndi ní kaa cūtì nsandandati, ama ní ki ŋá mpɔɔgbifin kaa jíń jiŋaal nee u-wiiŋŋu dalee, bí nyāntí-u Isirayeel yab kansikin u nín ŋá pu ní kaa cáań u-saraau ŋwiin ŋun bi yóoǹee kí tīī-mee. Udaan kpitii làá fàtīí gítí u-pu, kun puee waa cáań-mi saraa ŋwiin ŋun an sá ú cáańee. 14Binicambi bin kɔ́-ni ki kíǹ ki bí ni-tiŋkinee yaa là kí jī Dilákatil jiŋaaliu kí tīī-mi tinyoolee, bí nóó marab bin m yóoǹ bí nīn dì ki jīǹ jiŋaal gbantee. Mara sá ubaanti ní ki tīī bitindambi nì binicambi.»
Ditagbandi bīiǹ circir kɔŋkooŋŋu pu
15Daliŋkin bi cóoǹ circir kɔŋkooŋŋuee, ditagbandi nìn dɔ́miń ki bīiǹ circir kɔŋkooŋŋu, an dàkà yii tanti un poon Dipoondi dakaau bée pu. Ku jóotèe ní dì dāntì circir kɔŋkooŋŋu pu kii ŋwalifee áli kutaa dāa wúntì#9.15 ditagbandi : kpèè Disa 13.21.. 16Míǹ ní an nìn kíǹ ki bí baabadal. Ditagbandee nìn bīī circir kɔŋkooŋŋu pu, ní kunyeeuee di sá ŋwalifi. 17Ŋyunti ŋun ní ditagbandee yaa yíkì tanti yilpuee ní Isirayeel yab ń yīkì bi-naapaal pu kí nīn cá laakin ní ditagbandee làá tin yūĺee, ní bí gbíntí niin kí kàl̄. 18Ti-Dindaan di nìn tìì mara yii Isirayeel yab ń yīkì dinaapaal pu ní bí yīkì, ní kí tí tīī mara yii bí gāā dinaapaal kí kàl̄ ní bí gāā dinaapaal kí kàl̄. Bi yaa nìn kāl̀ laabee, baa nìn yíkí, see ditagbandi yaa nìn yíkì tanti puee ní bi mun ń yīkì. 19Ditagbandee yaa nìn kāl̀ circir kɔŋkooŋŋu pu ki yúntèe, Isirayeel yab nìn tɔ́ ti-Dindaan ní ki kā kaa yíkí. 20Ditagbandee yaa nìn síl̀ iwiŋkaaŋkaayee, bi mun nìn kàal̀ míǹ ní ki nóó nì ti-Dindaan nín síiǹ puee, ní kí dāá tí yīkì ki nóó nì ti-Dindaan nín síiǹ puee. 21Iyunti ibee, ditagbandee nìn sīlifí kujoou kí cáá sāā kutaafaau ní kí yīkì, àá dì nìn kàal̀ ŋwiin ŋubɔ, kunyeeu nì ŋwiimpu ní kí yīkì ní Isirayeel yab mun ń yīkì. 22Ama dì yaa nìn kāl̀ circir kɔŋkooŋŋu pu iwiin ili àá uŋmal àá ki yúntì tikpilee, Isirayeel yab kaa nìn yíkí bi-naapaal pu, asee ditagbandi ń péé kí yīkì. 23Ti-Dindaan di nìn pūǹ kinyɔkɔ ní Isirayeel yab ń kàl̄. Úǹ di nìn tí pūǹ kinyɔkɔ ní bí nín yīkì. Bi nìn ŋúb́ ti-Dindaan marab kii u nín nìn pée tùkū Mooyiisi yii bí nīn ŋáań puee ní.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.