Nombres 27
27
Binimpoobi máaǹ kí jī bi-baabi fakal
1Seeloofaadi un nìn sá Jooseefi jipɔɔn Manasee naakookun, bi yíì u-baa Eebeer, u-naanjab sá Galaadi nì Makiiree nìn cáá bisalib biŋmoo. Bi-yiŋŋi di nìn sá Maala nì Nɔɔwa nì Ɔgila nì Miilka nì Tiirsa. 2Binimpoobee nìn dɔ́miń Mooyiisi nì usaraaŋakpil Eeleeyasaar nì samaa kpilib cee circir kɔŋkooŋŋu nyɔkɔpu, 3ní ki bí-bi yii: «Ti-baa kpíì kuteeun, ama an kaa nín sá yii u nìn kútì Kooree nikitil din nìn yíkì kí jáǹ ti-Dindaanee bɔti poon. U nìn pée kpíì úǹ u-ba kpitii kúm ní, ama waa cáá kibininjabiki. 4Mimmee an ŋān̄ yii u nín kaa cáá kibininjabikee puee, u-yindi ń kúntí ti-naakooku maaliŋu yab kansikinaaa? An puee ní tīī ti mun difakal kii ni nín tīī ti-baa nabiyaamu puee.»
5Ní Mooyiisi cáá bi-bɔti gbanti ki bíl̀ ti-Dindaan nimbiin, 6ní ti-Dindaan bí Mooyiisi yii: 7«Seeloofaadi bisalib cáá ibaamɔn! Tīī bi mun ditinjandi difakal kii a nín tīī bi-baa nabiyaamu puee. Dū bi-baa tinjandi kí tīī-bi difakal. 8Míǹ boonee á tùkù Isirayeel yab tibɔti nee: <Uninja ubɔ di yaa kpíì kaa cáá kibininjabikee, bí dū u-tinjandi kí tīī u-bisal difakal. 9U yaa kaa cáá bisalee, bí dūú tīī u-nabiyaamu. 10U yaa kaa cáá nnabiyaamuee, bí dūú tīī u-baa nabiyaamu. 11U-baa yaa kaa cáá nnabiyaamuee, bí dū u-fakal kí tīī u-dicaŋkun niliu u nì un pēē kubaabinaatoouee ń jī u-fakal.> Isirayeel yab máaǹ kí ŋúb́ mara un m tīī sii Mooyiisi nee kii m nín bí yii bí ŋá puee.»
Joosuwa fōō Mooyiisi yil
12Ti-Dindaan bí Mooyiisi yii: «Jɔ̄m̀ Abariim joonɔbikaal nee pu, kí kpèè kitiŋ kin m làá dūú tīī Isirayeel yabee. 13A yaa kpēē-kì ki dóòyee, a mun làá kpú kí cùú ŋàl̄ a-baabi kii a-maan Aarɔn nín kpíì puee ní. 14Di sá ni yīntiǹ-mi Siini teekun ŋyunti ŋun ní samaa nìn bíi tákà-mi tibɔtee. Naa dàkā Isirayeel yii m sá circir ŋyunti ŋun m nìn bíi sòoǹ Siini teekun Kadeesi nnyiŋkum min nìn cúú-bee bɔti.» Bi dāa pú niin diyindi yii Meeriiba, an dàkà yii kujaau nyim#27.14 Meeriiba : kpèè 20.1-13. B. 12-14: kpèè Ditee 3.23-27, 32.48-52..
15Ní Mooyiisi bí ti-Dindaan yii: 16«Ti-Dindaan Unimbɔti, sii un tīī tiwannáaŋkaal kɔkɔ kufoouee, lēē unil ubɔ ú lìntī samaa nee nyɔkɔpu. 17Udaan ń nīn sá bi-kpiliu, kí ŋmā kí kpòotī-bi ajan kɔkɔ pu, án nín làá ŋá pu a-nibul ń taa nín bí kii kupicaŋkpuŋu kun kaa cáá upikpaalee#27.17 Kpèè 1 Bib 22.17, Eesee 34.5, Maat 9.36, Maar 6.34..» 18Ní ti-Dindaan bí Mooyiisi yii: «Yòon̄ Nuuni jipɔɔn Joosuwa. Úǹ pu ní m-Fam bí kí dū a-ŋal kí páań u-pu#27.18 Kpèè Disa 24.13., 19ní kí cáań-u kí yóoń usaraaŋakpil Eeleeyasaar nì samaa kɔkɔ nimbiin, ní kí dū a-tundi kí ŋúbíǹ-u bi-kɔkɔ nimbiin. 20Á dū a-pɔŋŋu ŋun a cááyee dijandi kí tīī-u, án nín làá ŋá pu Isirayeel yab kɔkɔ ń nīn tɔ́-uee. 21Úǹ u-ba ń dāá dāan̄ usaraaŋakpil Eeleeyasaar cee, ní Eeleeyasaar ń dū kun bi yíì Uriimee#27.21 Uriim An ní bi nìn cáa bàlifī ki béetí tin Unimbɔti nìn là bí ŋée. - Kpèè Disa 28.30. kí bàlifì-mi, ní tin yaa bée ḿ tùkù-u. M yaa lī puee míǹ ní Joosuwa nì Isirayeel yab máaǹ kí nóó tikɔkɔ nì tikɔkɔ poon.»
22Ní Mooyiisi ŋá kii ti-Dindaan nín bí yii ú ŋá puee, ní ki cáań Joosuwa usaraaŋakpil Eeleeyasaar nì samaa kɔkɔ nimbiin. 23U nìn dū u-ŋal ki páaǹ u-pu ní ki dū tikpiti ki ŋúbiǹ-u kii ti-Dindaan nín nìn bí ú ŋá puee#27.23 Kpèè Ditee 34.9..
Currently Selected:
Nombres 27: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Nombres 27
27
Binimpoobi máaǹ kí jī bi-baabi fakal
1Seeloofaadi un nìn sá Jooseefi jipɔɔn Manasee naakookun, bi yíì u-baa Eebeer, u-naanjab sá Galaadi nì Makiiree nìn cáá bisalib biŋmoo. Bi-yiŋŋi di nìn sá Maala nì Nɔɔwa nì Ɔgila nì Miilka nì Tiirsa. 2Binimpoobee nìn dɔ́miń Mooyiisi nì usaraaŋakpil Eeleeyasaar nì samaa kpilib cee circir kɔŋkooŋŋu nyɔkɔpu, 3ní ki bí-bi yii: «Ti-baa kpíì kuteeun, ama an kaa nín sá yii u nìn kútì Kooree nikitil din nìn yíkì kí jáǹ ti-Dindaanee bɔti poon. U nìn pée kpíì úǹ u-ba kpitii kúm ní, ama waa cáá kibininjabiki. 4Mimmee an ŋān̄ yii u nín kaa cáá kibininjabikee puee, u-yindi ń kúntí ti-naakooku maaliŋu yab kansikinaaa? An puee ní tīī ti mun difakal kii ni nín tīī ti-baa nabiyaamu puee.»
5Ní Mooyiisi cáá bi-bɔti gbanti ki bíl̀ ti-Dindaan nimbiin, 6ní ti-Dindaan bí Mooyiisi yii: 7«Seeloofaadi bisalib cáá ibaamɔn! Tīī bi mun ditinjandi difakal kii a nín tīī bi-baa nabiyaamu puee. Dū bi-baa tinjandi kí tīī-bi difakal. 8Míǹ boonee á tùkù Isirayeel yab tibɔti nee: <Uninja ubɔ di yaa kpíì kaa cáá kibininjabikee, bí dū u-tinjandi kí tīī u-bisal difakal. 9U yaa kaa cáá bisalee, bí dūú tīī u-nabiyaamu. 10U yaa kaa cáá nnabiyaamuee, bí dūú tīī u-baa nabiyaamu. 11U-baa yaa kaa cáá nnabiyaamuee, bí dū u-fakal kí tīī u-dicaŋkun niliu u nì un pēē kubaabinaatoouee ń jī u-fakal.> Isirayeel yab máaǹ kí ŋúb́ mara un m tīī sii Mooyiisi nee kii m nín bí yii bí ŋá puee.»
Joosuwa fōō Mooyiisi yil
12Ti-Dindaan bí Mooyiisi yii: «Jɔ̄m̀ Abariim joonɔbikaal nee pu, kí kpèè kitiŋ kin m làá dūú tīī Isirayeel yabee. 13A yaa kpēē-kì ki dóòyee, a mun làá kpú kí cùú ŋàl̄ a-baabi kii a-maan Aarɔn nín kpíì puee ní. 14Di sá ni yīntiǹ-mi Siini teekun ŋyunti ŋun ní samaa nìn bíi tákà-mi tibɔtee. Naa dàkā Isirayeel yii m sá circir ŋyunti ŋun m nìn bíi sòoǹ Siini teekun Kadeesi nnyiŋkum min nìn cúú-bee bɔti.» Bi dāa pú niin diyindi yii Meeriiba, an dàkà yii kujaau nyim#27.14 Meeriiba : kpèè 20.1-13. B. 12-14: kpèè Ditee 3.23-27, 32.48-52..
15Ní Mooyiisi bí ti-Dindaan yii: 16«Ti-Dindaan Unimbɔti, sii un tīī tiwannáaŋkaal kɔkɔ kufoouee, lēē unil ubɔ ú lìntī samaa nee nyɔkɔpu. 17Udaan ń nīn sá bi-kpiliu, kí ŋmā kí kpòotī-bi ajan kɔkɔ pu, án nín làá ŋá pu a-nibul ń taa nín bí kii kupicaŋkpuŋu kun kaa cáá upikpaalee#27.17 Kpèè 1 Bib 22.17, Eesee 34.5, Maat 9.36, Maar 6.34..» 18Ní ti-Dindaan bí Mooyiisi yii: «Yòon̄ Nuuni jipɔɔn Joosuwa. Úǹ pu ní m-Fam bí kí dū a-ŋal kí páań u-pu#27.18 Kpèè Disa 24.13., 19ní kí cáań-u kí yóoń usaraaŋakpil Eeleeyasaar nì samaa kɔkɔ nimbiin, ní kí dū a-tundi kí ŋúbíǹ-u bi-kɔkɔ nimbiin. 20Á dū a-pɔŋŋu ŋun a cááyee dijandi kí tīī-u, án nín làá ŋá pu Isirayeel yab kɔkɔ ń nīn tɔ́-uee. 21Úǹ u-ba ń dāá dāan̄ usaraaŋakpil Eeleeyasaar cee, ní Eeleeyasaar ń dū kun bi yíì Uriimee#27.21 Uriim An ní bi nìn cáa bàlifī ki béetí tin Unimbɔti nìn là bí ŋée. - Kpèè Disa 28.30. kí bàlifì-mi, ní tin yaa bée ḿ tùkù-u. M yaa lī puee míǹ ní Joosuwa nì Isirayeel yab máaǹ kí nóó tikɔkɔ nì tikɔkɔ poon.»
22Ní Mooyiisi ŋá kii ti-Dindaan nín bí yii ú ŋá puee, ní ki cáań Joosuwa usaraaŋakpil Eeleeyasaar nì samaa kɔkɔ nimbiin. 23U nìn dū u-ŋal ki páaǹ u-pu ní ki dū tikpiti ki ŋúbiǹ-u kii ti-Dindaan nín nìn bí ú ŋá puee#27.23 Kpèè Ditee 34.9..
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.