Nombres 1
1
ISIRAYEEL YAB BÍ SIINAAYI TEEKUN
(1.1–10.10)
Bi kàan̄ Isirayeel yab mpeepeekaam
1Ti-Dindaan sòon̄ nì Mooyiisi circir kɔŋkooŋŋu poon Siinaayi teekun. An nìn sá Isirayeel yab nín nìn nyáń Eejipiti tiŋkinee binliliitiil uŋmaliliiti wimpeekaaŋu dal. Ti-Dindaan nìn bí Mooyiisi yii: 2«Ní kàaǹ Isirayeel yab kɔkɔ kí nóó nì bi nín pēē pēē mmaal nì adican puee. Ní ŋmà uninja kamaa yindi 3kí yòon̄ bininjab bin cáá abin mmuŋku kí nīn cáa cá, ki bàn̄ kí cù kujaau Isirayeel yab kansikinee. Sii nì Aarɔn, ní kàaǹ-bi kí nóó nì bi-janjakitiŋi nín bí pu a-ba a-bee. 4Ní lēē kunaakoou kamaa poonee kudicaŋu kubɔ kpiliu kí ŋàl̄ ni-ba. 5Bikpilib bin ni làá dūú ŋàl̄ ni-bee yiŋŋi sɔ̀.
Rubeen naakookunee, Seedeeyuur jipɔɔn Eelsuur.
6Simeeyɔn naakookunee, Suriisadaayi jipɔɔn Seelumiyeel.
7Juuda naakookunee, Amiinadaab jipɔɔn Naasɔn.
8Isakaar naakookunee, Suwaar jipɔɔn Neetaneeyeel.
9Sabulɔn naakookunee, Eelɔn jipɔɔn Eeliyaab.
10Eefiraayiim, Jooseefi jipɔɔn naakookunee, Amiiyuudi jipɔɔn Eeliisama.
Manasee, Jooseefi jipɔɔn naakookunee, Peedasuur jipɔɔn Gamaliyeel.
11Beenjameen naakookunee, Giideewoonii jipɔɔn Abidan.
12Daani naakookunee, Amiisadaayi jipɔɔn Ayeeseer.
13Aseer naakookunee, Ookiran jipɔɔn Pagiyeel.
14Gaadi naakookunee, Eeliyasaafi jipɔɔn Deewuyeel.
15Neefitalii naakookunee, Eenan jipɔɔn Akiira.»
16Binib bin bi nìn lēē bí nīn sá samaa kpilibee dee. Bi nìn sá bi-naakɔtin bikpilib, ní ki nìn sá bin kpòotī bi-janjakitiŋee. 17Ní Mooyiisi nì Aarɔn dū bininjab bin bi nìn lēē gbantee ki ŋàl̄ bi-ba. 18Bi nìn yíiń samaa kɔkɔ ki kpáfì uŋmaliliiti wimpeekaaŋu dal, ní ki ŋmàn̄ Isirayeel yab bin kɔkɔ cáá abin mmuŋku kí nīn cáa cée yiŋŋi, ki nóó nì bi nín pēē pēē mmaal nì adican puee. 19Mooyiisi nìn kàan̄ Isirayeel yab Siinaayi teekun kii ti-Dindaan nín nìn tīī-u mara puee.
20Bi nìn kàan̄ Jaakɔb jipɔŋkpiliu Rubeen naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 21Bi nìn nyáń binib kutukub imuŋku ili nì biluu nì binib alaataa aŋmoo.
22Bi nìn kàan̄ Simeeyɔn naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 23Bi nìn nyáń binib kutuku ubɔ kpá kutukub imuŋku ita nì binib alaataa ata.
24Bi nìn kàan̄ Gaadi naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 25Bi nìn nyáń binib kutukub imuŋku ili nì biŋmoo nì alaataa aluu nì imuŋku ili nì binib saalaa.
26Bi nìn kàan̄ Juuda naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 27Bi nìn nyáń binib kutukub biluu kpá kutukub imuŋku inaa nì binib alaataa aluu.
28Bi nìn kàan̄ Isakaar naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 29Bi nìn nyáń binib kutukub biluu kpá kutukub imuŋku ita nì binib alaataa anaa.
30Bi nìn kàan̄ Sabulɔn naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 31Bi nìn nyáń binib kutukub bita kpá kutukub imuŋku ita nì binib alaataa anaa.
32Bi nìn kàan̄ Jooseefi jipɔɔn Eefiraayiim naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 33Bi nìn nyáń binib kutukub imuŋku ili nì alaataa aŋmoo.
34Bi nìn kàan̄ Manasee naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 35Bi nìn nyáń binib kutukub mmuŋku nì saalaa nì bili nì binib alaataa ali.
36Bi nìn kàan̄ Beenjameen naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 37Bi nìn nyáń binib kutukub biŋmoo kpá kutukub imuŋku ili nì binib alaataa anaa.
38Bi nìn kàan̄ Daani naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 39Bi nìn nyáń binib kutukub imuŋku ita nì bili nì binib alaataa aluli.
40Bi nìn kàan̄ Aseer naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 41Bi nìn nyáń binib kutukub imuŋku ili nì ubɔ nì binib alaataa aŋmoo.
42Bi nìn kàan̄ Neefitalii naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 43Bi nìn nyáń binib kutukub imuŋku ili nì saalaa nì bita nì binib alaataa anaa.
44Mooyiisi nì Aarɔn nì Isirayeel yab naakɔti kpilib saalaa nì bili bin bi nìn lēēyee nín nìn kàan̄ binib biŋyee nyɔkɔm dee. 45Isirayeel yab bininjab bin bi nìn kàan̄ ki nóó nì bi-dicaŋŋi, ki cáá abin mmuŋku kí nīn cáa cá, ki bàn̄ kí cù kujaauee 46nìn nyáń binib kutukub alaataa aluu nì bita nì alaataa aŋmoo nì imuŋku ili nì binib saalaa.
Bi gāntì Leefii naakookun yab ki tīī-bi ditundi
47Baa nìn kàan̄ Leefii naakookun yab ki kútì Isirayeel naakɔti tin kíǹee yab pu.
48Di sá yii ti-Dindaan nìn bí Mooyiisi yii: 49«A yaa làá kàaǹ Isirayeel yabee, á yàntī Leefii naakookun yab kí taa kàaǹ-bi. 50Á dū circir kɔŋkooŋŋu tundi nì ŋu-sambiliŋ nì tin kɔkɔ pée sá ŋu-wantee kí ŋúbíǹ-bi. Bíǹ di làá nīn tūntí circir kɔŋkooŋŋu nì ŋu-wanti kɔkɔ, ní kí nīn tūǹ ŋu-poon tuuŋŋi kɔkɔ. Bíǹ di làá gāā bi-tantib kí màntīí tū-ŋu. 51Ni yaa làá yīkì dinaapaal din puee, bíǹ di làá cóotí circir kɔŋkooŋŋu. Ni yaa tí bàn̄ laakin ki làá kàl̄ee, bíǹ di làá dū circir kɔŋkooŋŋu kí cóoń. Unifantanti ubɔ di yaa sútìi pìl̄ circir kɔŋkooŋŋu gbantee, bí kpɔ̀ udaan. 52Ni yaa bàn̄ laakin ki làá kàl̄ee, Isirayeel yab báà ŋma ń gāā u-tantiu u-janjakitil paaŋŋu pu, kí nīn kɔ́ĺ di-falaŋkau. 53See Leefii naakookun yab baba di làá gāā bi-tantib kí kɔ́ĺ circir kɔŋkooŋŋu, ní kí nīn tūǹ bi-tundi nín sá puee. Mimmee maa làá dāá fōō Isirayeel yab pu diŋuul.» 54Ti-Dindaan nín nìn tīī Mooyiisi mara Isirayeel yab ń ŋá puee, míǹ ní bi nìn ŋá deedee.
Currently Selected:
Nombres 1: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Nombres 1
1
ISIRAYEEL YAB BÍ SIINAAYI TEEKUN
(1.1–10.10)
Bi kàan̄ Isirayeel yab mpeepeekaam
1Ti-Dindaan sòon̄ nì Mooyiisi circir kɔŋkooŋŋu poon Siinaayi teekun. An nìn sá Isirayeel yab nín nìn nyáń Eejipiti tiŋkinee binliliitiil uŋmaliliiti wimpeekaaŋu dal. Ti-Dindaan nìn bí Mooyiisi yii: 2«Ní kàaǹ Isirayeel yab kɔkɔ kí nóó nì bi nín pēē pēē mmaal nì adican puee. Ní ŋmà uninja kamaa yindi 3kí yòon̄ bininjab bin cáá abin mmuŋku kí nīn cáa cá, ki bàn̄ kí cù kujaau Isirayeel yab kansikinee. Sii nì Aarɔn, ní kàaǹ-bi kí nóó nì bi-janjakitiŋi nín bí pu a-ba a-bee. 4Ní lēē kunaakoou kamaa poonee kudicaŋu kubɔ kpiliu kí ŋàl̄ ni-ba. 5Bikpilib bin ni làá dūú ŋàl̄ ni-bee yiŋŋi sɔ̀.
Rubeen naakookunee, Seedeeyuur jipɔɔn Eelsuur.
6Simeeyɔn naakookunee, Suriisadaayi jipɔɔn Seelumiyeel.
7Juuda naakookunee, Amiinadaab jipɔɔn Naasɔn.
8Isakaar naakookunee, Suwaar jipɔɔn Neetaneeyeel.
9Sabulɔn naakookunee, Eelɔn jipɔɔn Eeliyaab.
10Eefiraayiim, Jooseefi jipɔɔn naakookunee, Amiiyuudi jipɔɔn Eeliisama.
Manasee, Jooseefi jipɔɔn naakookunee, Peedasuur jipɔɔn Gamaliyeel.
11Beenjameen naakookunee, Giideewoonii jipɔɔn Abidan.
12Daani naakookunee, Amiisadaayi jipɔɔn Ayeeseer.
13Aseer naakookunee, Ookiran jipɔɔn Pagiyeel.
14Gaadi naakookunee, Eeliyasaafi jipɔɔn Deewuyeel.
15Neefitalii naakookunee, Eenan jipɔɔn Akiira.»
16Binib bin bi nìn lēē bí nīn sá samaa kpilibee dee. Bi nìn sá bi-naakɔtin bikpilib, ní ki nìn sá bin kpòotī bi-janjakitiŋee. 17Ní Mooyiisi nì Aarɔn dū bininjab bin bi nìn lēē gbantee ki ŋàl̄ bi-ba. 18Bi nìn yíiń samaa kɔkɔ ki kpáfì uŋmaliliiti wimpeekaaŋu dal, ní ki ŋmàn̄ Isirayeel yab bin kɔkɔ cáá abin mmuŋku kí nīn cáa cée yiŋŋi, ki nóó nì bi nín pēē pēē mmaal nì adican puee. 19Mooyiisi nìn kàan̄ Isirayeel yab Siinaayi teekun kii ti-Dindaan nín nìn tīī-u mara puee.
20Bi nìn kàan̄ Jaakɔb jipɔŋkpiliu Rubeen naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 21Bi nìn nyáń binib kutukub imuŋku ili nì biluu nì binib alaataa aŋmoo.
22Bi nìn kàan̄ Simeeyɔn naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 23Bi nìn nyáń binib kutuku ubɔ kpá kutukub imuŋku ita nì binib alaataa ata.
24Bi nìn kàan̄ Gaadi naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 25Bi nìn nyáń binib kutukub imuŋku ili nì biŋmoo nì alaataa aluu nì imuŋku ili nì binib saalaa.
26Bi nìn kàan̄ Juuda naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 27Bi nìn nyáń binib kutukub biluu kpá kutukub imuŋku inaa nì binib alaataa aluu.
28Bi nìn kàan̄ Isakaar naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 29Bi nìn nyáń binib kutukub biluu kpá kutukub imuŋku ita nì binib alaataa anaa.
30Bi nìn kàan̄ Sabulɔn naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 31Bi nìn nyáń binib kutukub bita kpá kutukub imuŋku ita nì binib alaataa anaa.
32Bi nìn kàan̄ Jooseefi jipɔɔn Eefiraayiim naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 33Bi nìn nyáń binib kutukub imuŋku ili nì alaataa aŋmoo.
34Bi nìn kàan̄ Manasee naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 35Bi nìn nyáń binib kutukub mmuŋku nì saalaa nì bili nì binib alaataa ali.
36Bi nìn kàan̄ Beenjameen naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 37Bi nìn nyáń binib kutukub biŋmoo kpá kutukub imuŋku ili nì binib alaataa anaa.
38Bi nìn kàan̄ Daani naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 39Bi nìn nyáń binib kutukub imuŋku ita nì bili nì binib alaataa aluli.
40Bi nìn kàan̄ Aseer naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 41Bi nìn nyáń binib kutukub imuŋku ili nì ubɔ nì binib alaataa aŋmoo.
42Bi nìn kàan̄ Neefitalii naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi. 43Bi nìn nyáń binib kutukub imuŋku ili nì saalaa nì bita nì binib alaataa anaa.
44Mooyiisi nì Aarɔn nì Isirayeel yab naakɔti kpilib saalaa nì bili bin bi nìn lēēyee nín nìn kàan̄ binib biŋyee nyɔkɔm dee. 45Isirayeel yab bininjab bin bi nìn kàan̄ ki nóó nì bi-dicaŋŋi, ki cáá abin mmuŋku kí nīn cáa cá, ki bàn̄ kí cù kujaauee 46nìn nyáń binib kutukub alaataa aluu nì bita nì alaataa aŋmoo nì imuŋku ili nì binib saalaa.
Bi gāntì Leefii naakookun yab ki tīī-bi ditundi
47Baa nìn kàan̄ Leefii naakookun yab ki kútì Isirayeel naakɔti tin kíǹee yab pu.
48Di sá yii ti-Dindaan nìn bí Mooyiisi yii: 49«A yaa làá kàaǹ Isirayeel yabee, á yàntī Leefii naakookun yab kí taa kàaǹ-bi. 50Á dū circir kɔŋkooŋŋu tundi nì ŋu-sambiliŋ nì tin kɔkɔ pée sá ŋu-wantee kí ŋúbíǹ-bi. Bíǹ di làá nīn tūntí circir kɔŋkooŋŋu nì ŋu-wanti kɔkɔ, ní kí nīn tūǹ ŋu-poon tuuŋŋi kɔkɔ. Bíǹ di làá gāā bi-tantib kí màntīí tū-ŋu. 51Ni yaa làá yīkì dinaapaal din puee, bíǹ di làá cóotí circir kɔŋkooŋŋu. Ni yaa tí bàn̄ laakin ki làá kàl̄ee, bíǹ di làá dū circir kɔŋkooŋŋu kí cóoń. Unifantanti ubɔ di yaa sútìi pìl̄ circir kɔŋkooŋŋu gbantee, bí kpɔ̀ udaan. 52Ni yaa bàn̄ laakin ki làá kàl̄ee, Isirayeel yab báà ŋma ń gāā u-tantiu u-janjakitil paaŋŋu pu, kí nīn kɔ́ĺ di-falaŋkau. 53See Leefii naakookun yab baba di làá gāā bi-tantib kí kɔ́ĺ circir kɔŋkooŋŋu, ní kí nīn tūǹ bi-tundi nín sá puee. Mimmee maa làá dāá fōō Isirayeel yab pu diŋuul.» 54Ti-Dindaan nín nìn tīī Mooyiisi mara Isirayeel yab ń ŋá puee, míǹ ní bi nìn ŋá deedee.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.