Josué 8
8
Isirayeel yab jáń kí fōō Aayi tiŋki
1Míǹ boonee ní ti-Dindaan tùkū Joosuwa yii: «Taa fàŋkì, kí taa yàntī a-wunti ń yɔ̀tī! Yīkì kí yòon̄ binib bin bàn̄ kí cù kujaauee kɔkɔ ní cùú jáǹ Aayi tiŋki! Á nīn nyí yii m dū Aayi bɔtiu nì u-nib kɔkɔ, nì kitiŋ kin poon u kóòyee, nì kitiŋ kin pu u jīǹ dibeelee kɔkɔ ki ŋá a-ŋaan. 2Á ŋá Aayi tiŋki nì ki-bɔtiu kii a nín ŋá Jeeriikoo tiŋki nì ki-bɔtiu puee. Ama ni ŋūǹ kí yòon̄ kitiŋ nee kíǹ wanti tin ni jáń ki fōōyee nì ki-waŋkuti. Á lēē bijanjaliibi biba bí cùú nákań kitiŋ boon pú.»
3Ní Joosuwa bɔ́ntì u nì u-yab bí cùú jáǹ Aayi tiŋki. U dá láá péé ki lēē bibaatandambi kutukub mmuŋku nì saalaa ní bíǹ līntì ki nín cá kunyeeu gbanti. 4Bi làá búntée ni u bí-bi yii: «Ni káa! Nimbi ń lìntīmaan kí cùú nákań kitiŋee boon pú, kí taa nín̄ dátiǹ-kì tikpil, kí bɔ́ntí ni-ba kí nīn cí. 5Man nì samaa un kíǹee làá sútí kí pìl̄ kitiŋ. Bi yaa tí nyánní kí jàkà-ti kii bi nín nìn ŋá pu mpeekaamee, ti làá ŋá kii ti sáǹee ní bí páań ti-boon. 6Ti yaa bíi sáń ní bi yaa kùl̄ ki páaǹ ti-boonee, ní tí ŋmàtiǹ-bi kí dáaĺ-bi kí nyāntí kitiŋin. Bi làá dàkafì yii ti tí bíi sáń-bi, kii bi nín nìn jìn̄-ti ti sáǹ mpeekaam puee. 7Niinee ní nimbi ń nyānní laakin ní ni náká nákée, kí kɔ́ kí já kí fōō kitiŋee. Ti-Dindaan ni-Nimbɔtiu làá dū-kì kí ŋá ni-ŋaan. 8Ni yaa jáń ki fōō kitiŋ gbantee, ní sēē-kì ŋŋmi kí wà, kí nóó nì ti-Dindaan nín tùkū-ni yii ní ŋá puee. Man nín yóoǹ-ni yii ní ŋá puee, ní ŋámaan míǹ deedee!» 9Ní Joosuwa dū-bi ki tú ní bi nín cá ki cūtìi nákáǹ nákáǹ Beeteel nì Aayi timmu kansikin, kí nīn bí Aayi tiŋki ŋwìiń jeetilaŋki pú. Kunyeeu gbantee, Joosuwa nì bijanjaliibi bin kíǹee di nìn kpáfì ki dōoǹ dinaapaal pu.
10Kutaa wúntì kutaafaau pɔ̀lpɔlee ní Joosuwa yíkì ki yíiń bininjab bin bàn̄ kí cù kujaauee ki kpáfì kí kpèè bi nín bɔ́ntì puee, ní u nì Isirayeel tindaŋkpilib līntì bi-nyɔkɔpu bí cùú jáǹ Aayi tiŋki yab. 11Míǹ ní u nì bijanjaliibi bin pá u-boonee nín jɔ́ḿ, ki cōom̀ ki tin bàn̄ Aayi tiŋki caŋin. Bi bàn̄ee ní ki gāā dijanjanaapaal Aayi tiŋki ŋgan pú, ní ditantakal bí bi nì Aayi tiŋki kansikin. 12Ní Joosuwa lēē bijanjaliibi kii kutukub biŋmoo nyɔkɔm ki yóoǹ Beeteel nì Aayi timmu kansikin, ki gítí Aayi tiŋki ŋwìiń jeetilaŋki pú. 13Míǹ ní bijanjaliibi tikpil nìn gāā dijanjanaapaal Aayi tiŋki ŋgan pú, ní bin kíǹee bíǹ náká náká kitiŋ boon, ŋwìiń jeetilaŋki pú. Kunyeeu gbantee, Joosuwa nìn fātìi gítì ditantakalin. 14Kutaa wúntì Aayi bɔtiu ká mimmee ní u nì u-yab bɔ́ntì malaa ki nyáń kí cùú jáǹ Isirayeel yab, laakin bi nìn pée tí jáńee, ki gítí Jɔɔdan tantakal watil pú. Ubɔti kaa nìn nyí yii bi nìn píĺ ki cí-u kí jáǹ-u kitiŋ boon pú. 15Di sá ní Joosuwa nì Isirayeel yab kɔkɔ yāntì Aayi yab kpìlìń-bi, ní bi sáǹ ki túĺ kuteeu watil pú. 16Bi nìn sāal̀ Aayi tiŋkin ninjab kɔkɔ bí nyā kí jà Isirayeel yab boon. Bi bíi jì-bee ní ki mɔ̀tīi kóò ndandati ki wàatī kitiŋ. 17Báà uninja kaa nìn kíǹ Aayi nì Beeteel timmun kaa nyáń ki jìn̄ Isirayeel yab boon. Ŋyunti ŋun bi nìn bí ki jì Isirayeel yab mimmee, Aayi tiŋki punyɔkɔki nìn kíǹ ki wāā fám dee. 18Ní ti-Dindaan bí Joosuwa yii: «Tàntī kikpaŋ kin a ŋúb́ee kí dàkà Aayi tiŋki, kun puee m làá dū kitiŋ gbanti ki ŋá a-ŋaan!» Ní Joosuwa tāntì u-ŋal ki fātì kikpaŋ kin u ŋúb́ee ki túĺ Aayi tiŋki watil pú. 19U tin lì yii u tàntī u-ŋalee, bijanjaliibi bin u yóoǹ kitiŋ boonee kɔkɔ ŋá malaa ki nyánní laakin bi nìn náká nákée, ki sáǹ ki kɔ́ kitiŋin, ki jáń ki fōō-kì ní ki sēē-kì ŋŋmi niin niin.
20Aayi yab fātìi kpēē bi-boonee ní ki ká yii bi-tiŋki fōō ŋŋmi, nnyiim yíkí ki-poon jòooo ki jɔ́ḿ kutaa. Bi-pɔbiliŋ bíil̀ bi bākatì kaa ti nyí laakin pú bi làá túĺee. Di sá yii Isirayeel yab bin sáń ki līī nyɔkɔpu ki cá kuteeu watil púee fātìi lábitì ki bíi jì Aayi yab bin pá bi-boon ki jì-bee. 21Joosuwa nì Isirayeel yab nín ká yii bi-yab bin náká náká kitiŋ boon púee kɔ́ ki jáń ki fōō kitiŋ, ki ká nnyiim nín bí ki nyēē kitiŋ gbanti poon jòooo ki jɔ́ḿ puee, ní bi fātìi lábitì Aayi yab pu ki kíĺ ki bíi kù-bi. 22Ní Isirayeel yab bin kíǹee nyánní kitiŋin ki nín túŋkiń-bi, ní ki dū Aayi yab ki ŋá kansikin nì kansikin, ki māntìi gíb́-bi. Di sá ní Isirayeel yab kūū ki céetì Aayi yab kɔkɔ múb, báà uniseen kaa ŋúń ki sáǹ ki ŋmátì. 23Aayi bɔtiu baba ní bi pée cúú kaa kūū, ní ki cáań-u Joosuwa cee. 24Isirayeel yab nìn kūū Aayi janjaliibi tisatin, kuteeu poon laakin bi páaǹ bi-boonee ki dóò. Bi nìn dū ntàataajimu ki kūū ki kúntì bi-kɔkɔ kaa nìn kíǹ bi-kansikin báà ubɔ. Boonee ní Isirayeel yab fātìi nín gítiń Aayi tiŋkin ní ki dɔ́miń ki púntìi kūū Aayi yab bin kíǹ ki bí kitiŋinee kɔkɔ pílpil. 25Ŋwiin gbantee, bi nìn kūū Aayi tiŋki yab kɔkɔ, bininjab nì binimpoobi. Bi nìn nyáń binib kutukub saalaa nì bili ní. 26Joosuwa ŋal nìn pée gbíntìi tèen̄ ki ŋúb́ kikpaŋ ní, ki tin sāā ŋyunti ŋun Isirayeel yab dāa kūū ki céetì Aayi yab kɔkɔee. 27Ama Isirayeel yab nìn kóoǹ Aayi yab wanti tin bi nìn jáń ki fōōyee kɔkɔ, ní ki yōoǹ ki kpáaǹ tiwaŋkuti, ki nóó nì ti-Dindaan nín nìn tùkū Joosuwa puee. 28Joosuwa yāntì bi wùn̄ Aayi tiŋki ŋŋmi ní ki-digbuŋŋi wūtì ki kíǹ ki dɔ̄ dikpúkul kii an nín dáá gbíntìi dɔ̄ pu díǹ pu nee ní. 29U nìn lúntì Aayi bɔtiu úǹ busubu bubɔ pu, ní ki yāntì u lúń míǹ ki tin sāā kujoou. Ŋwìiń cá kí jéetée ní u yāntì bi cúú dinikpilee#8.29 Ubɔ yaa nìn ŋá digaŋgam ní bi lúntì-u ndɔ pu ní u kpíìyee, baa nìn yàntī kunyeeu ń mɔ́ dinikpilee pu (kpèè Ditee 21.22-23). ki sākatìń busubu pu ki cáa lúkú kitiŋ punyɔkɔki nyɔkɔpu, ní ki kóoǹ ataŋkpee ki nyīkiǹ u-pu ní an ŋá ditaŋkpakpukul dikpaandi. Ditaŋkpakpukul gbanti dáá dɔ̄ niin díǹ pu nee.
Bi kàan̄ Unimbɔti marau Eebaal jool pu
30Niinee ní Joosuwa máń ti-Dindaan, Isirayeel Nimbɔtiu, nsaraafan ŋubɔ Eebaal#8.30 Kpèè Ditee 11.29 nì tin bi ŋmàn̄ kugbɔŋu faaku taapuee. jool pu, 31ki nóó nì ti-Dindaan tɔntɔnliu Mooyiisi nín nìn yóoǹ Isirayeel yab yii bí ŋá puee, kii an nín ŋmàn̄ ki kā Mooyiisi marab gbɔŋku poon puee. U nìn dū ataŋkpee ŋin bi tōoń kaa kpítì-ŋi, kaa pée dū kukúluu ki gbēēyee ní ki máń nsaraafan gbanti#8.31 ataŋkpee ŋin bi tōoń kaa kpítì-ŋi: kpèè Disa 20.24-26, Ditee 27.5-6.. Bi nìn ŋá bisaraawɔkaabi nì mpèé saraabi nsaraafan gbanti pu ki tīī ti-Dindaan. 32Isirayeel yab nimbiin niin ní Joosuwa dū Mooyiisi Marau un u nìn ŋmàn̄ ki síiǹ Isirayeel yabee ki fātìi dūu ŋmàn̄ ataŋkpee pu#8.32 Marau un u nìn ŋmàn̄: kpèè Ditee 27.2-3.. 33Isirayeel yab nìn yú akiti ali bi-nimbiin túĺ Dipoondi dakaau un bi nìn dūu yóoǹ bi-kansikinee. Bi-tindaŋkpilib nì bi-gbaŋŋmaliibi nì bi-bɔsoonliibi nì binicambi bin nìn kóò bi-kansikinee mun nìn yú akiti ali gbanti poon. Dikitil diba nìn yú ki gítí Geerisiim jool pú ní dikitil din kíǹee yú ki gítí Eebaal jool pú. Ti-Dindaan tɔntɔnliu Mooyiisi nìn yóoǹ yii bisaraaŋaliibi ń ŋá míǹ ní kí bìin̄ Isirayeel yab pu#8.33 Leefii yab bisaraaŋaliibi bɔtee, kpèè Ditee 17.9 nì tin bi ŋmàn̄ kugbɔŋu faaku taapuee. - Geerisiim jool pú: kpèè Ditee 11.29 nì tin bi ŋmàn̄ kugbɔŋu faaku taapuee. - Mooyiisi nín yóoǹ puee: kpèè Ditee 27.11-13.. 34Boonee ní Joosuwa kàan̄ tibɔti tin kā Marab gbɔŋkunee kɔkɔ, tin sá dibiindi bɔtee nì tin sá mbusu bɔtee. U nìn kàan̄ tikɔkɔ ki nóó nì bi nín ŋmàn̄-tì pu tì kā Marab gbɔŋku poonee ní. 35Báà kubɔluu kubɔ kaa nìn kíǹ tin kɔkɔ Mooyiisi yóoǹee poon Joosuwa kaa kàan̄-tì Isirayeel yab kɔkɔ nimbiin, ki kpáaǹ binimpoobi nì mbiyaamu nì binicambi bin kóò bi-kansikinee kɔkɔ nimbiin.
Currently Selected:
Josué 8: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Josué 8
8
Isirayeel yab jáń kí fōō Aayi tiŋki
1Míǹ boonee ní ti-Dindaan tùkū Joosuwa yii: «Taa fàŋkì, kí taa yàntī a-wunti ń yɔ̀tī! Yīkì kí yòon̄ binib bin bàn̄ kí cù kujaauee kɔkɔ ní cùú jáǹ Aayi tiŋki! Á nīn nyí yii m dū Aayi bɔtiu nì u-nib kɔkɔ, nì kitiŋ kin poon u kóòyee, nì kitiŋ kin pu u jīǹ dibeelee kɔkɔ ki ŋá a-ŋaan. 2Á ŋá Aayi tiŋki nì ki-bɔtiu kii a nín ŋá Jeeriikoo tiŋki nì ki-bɔtiu puee. Ama ni ŋūǹ kí yòon̄ kitiŋ nee kíǹ wanti tin ni jáń ki fōōyee nì ki-waŋkuti. Á lēē bijanjaliibi biba bí cùú nákań kitiŋ boon pú.»
3Ní Joosuwa bɔ́ntì u nì u-yab bí cùú jáǹ Aayi tiŋki. U dá láá péé ki lēē bibaatandambi kutukub mmuŋku nì saalaa ní bíǹ līntì ki nín cá kunyeeu gbanti. 4Bi làá búntée ni u bí-bi yii: «Ni káa! Nimbi ń lìntīmaan kí cùú nákań kitiŋee boon pú, kí taa nín̄ dátiǹ-kì tikpil, kí bɔ́ntí ni-ba kí nīn cí. 5Man nì samaa un kíǹee làá sútí kí pìl̄ kitiŋ. Bi yaa tí nyánní kí jàkà-ti kii bi nín nìn ŋá pu mpeekaamee, ti làá ŋá kii ti sáǹee ní bí páań ti-boon. 6Ti yaa bíi sáń ní bi yaa kùl̄ ki páaǹ ti-boonee, ní tí ŋmàtiǹ-bi kí dáaĺ-bi kí nyāntí kitiŋin. Bi làá dàkafì yii ti tí bíi sáń-bi, kii bi nín nìn jìn̄-ti ti sáǹ mpeekaam puee. 7Niinee ní nimbi ń nyānní laakin ní ni náká nákée, kí kɔ́ kí já kí fōō kitiŋee. Ti-Dindaan ni-Nimbɔtiu làá dū-kì kí ŋá ni-ŋaan. 8Ni yaa jáń ki fōō kitiŋ gbantee, ní sēē-kì ŋŋmi kí wà, kí nóó nì ti-Dindaan nín tùkū-ni yii ní ŋá puee. Man nín yóoǹ-ni yii ní ŋá puee, ní ŋámaan míǹ deedee!» 9Ní Joosuwa dū-bi ki tú ní bi nín cá ki cūtìi nákáǹ nákáǹ Beeteel nì Aayi timmu kansikin, kí nīn bí Aayi tiŋki ŋwìiń jeetilaŋki pú. Kunyeeu gbantee, Joosuwa nì bijanjaliibi bin kíǹee di nìn kpáfì ki dōoǹ dinaapaal pu.
10Kutaa wúntì kutaafaau pɔ̀lpɔlee ní Joosuwa yíkì ki yíiń bininjab bin bàn̄ kí cù kujaauee ki kpáfì kí kpèè bi nín bɔ́ntì puee, ní u nì Isirayeel tindaŋkpilib līntì bi-nyɔkɔpu bí cùú jáǹ Aayi tiŋki yab. 11Míǹ ní u nì bijanjaliibi bin pá u-boonee nín jɔ́ḿ, ki cōom̀ ki tin bàn̄ Aayi tiŋki caŋin. Bi bàn̄ee ní ki gāā dijanjanaapaal Aayi tiŋki ŋgan pú, ní ditantakal bí bi nì Aayi tiŋki kansikin. 12Ní Joosuwa lēē bijanjaliibi kii kutukub biŋmoo nyɔkɔm ki yóoǹ Beeteel nì Aayi timmu kansikin, ki gítí Aayi tiŋki ŋwìiń jeetilaŋki pú. 13Míǹ ní bijanjaliibi tikpil nìn gāā dijanjanaapaal Aayi tiŋki ŋgan pú, ní bin kíǹee bíǹ náká náká kitiŋ boon, ŋwìiń jeetilaŋki pú. Kunyeeu gbantee, Joosuwa nìn fātìi gítì ditantakalin. 14Kutaa wúntì Aayi bɔtiu ká mimmee ní u nì u-yab bɔ́ntì malaa ki nyáń kí cùú jáǹ Isirayeel yab, laakin bi nìn pée tí jáńee, ki gítí Jɔɔdan tantakal watil pú. Ubɔti kaa nìn nyí yii bi nìn píĺ ki cí-u kí jáǹ-u kitiŋ boon pú. 15Di sá ní Joosuwa nì Isirayeel yab kɔkɔ yāntì Aayi yab kpìlìń-bi, ní bi sáǹ ki túĺ kuteeu watil pú. 16Bi nìn sāal̀ Aayi tiŋkin ninjab kɔkɔ bí nyā kí jà Isirayeel yab boon. Bi bíi jì-bee ní ki mɔ̀tīi kóò ndandati ki wàatī kitiŋ. 17Báà uninja kaa nìn kíǹ Aayi nì Beeteel timmun kaa nyáń ki jìn̄ Isirayeel yab boon. Ŋyunti ŋun bi nìn bí ki jì Isirayeel yab mimmee, Aayi tiŋki punyɔkɔki nìn kíǹ ki wāā fám dee. 18Ní ti-Dindaan bí Joosuwa yii: «Tàntī kikpaŋ kin a ŋúb́ee kí dàkà Aayi tiŋki, kun puee m làá dū kitiŋ gbanti ki ŋá a-ŋaan!» Ní Joosuwa tāntì u-ŋal ki fātì kikpaŋ kin u ŋúb́ee ki túĺ Aayi tiŋki watil pú. 19U tin lì yii u tàntī u-ŋalee, bijanjaliibi bin u yóoǹ kitiŋ boonee kɔkɔ ŋá malaa ki nyánní laakin bi nìn náká nákée, ki sáǹ ki kɔ́ kitiŋin, ki jáń ki fōō-kì ní ki sēē-kì ŋŋmi niin niin.
20Aayi yab fātìi kpēē bi-boonee ní ki ká yii bi-tiŋki fōō ŋŋmi, nnyiim yíkí ki-poon jòooo ki jɔ́ḿ kutaa. Bi-pɔbiliŋ bíil̀ bi bākatì kaa ti nyí laakin pú bi làá túĺee. Di sá yii Isirayeel yab bin sáń ki līī nyɔkɔpu ki cá kuteeu watil púee fātìi lábitì ki bíi jì Aayi yab bin pá bi-boon ki jì-bee. 21Joosuwa nì Isirayeel yab nín ká yii bi-yab bin náká náká kitiŋ boon púee kɔ́ ki jáń ki fōō kitiŋ, ki ká nnyiim nín bí ki nyēē kitiŋ gbanti poon jòooo ki jɔ́ḿ puee, ní bi fātìi lábitì Aayi yab pu ki kíĺ ki bíi kù-bi. 22Ní Isirayeel yab bin kíǹee nyánní kitiŋin ki nín túŋkiń-bi, ní ki dū Aayi yab ki ŋá kansikin nì kansikin, ki māntìi gíb́-bi. Di sá ní Isirayeel yab kūū ki céetì Aayi yab kɔkɔ múb, báà uniseen kaa ŋúń ki sáǹ ki ŋmátì. 23Aayi bɔtiu baba ní bi pée cúú kaa kūū, ní ki cáań-u Joosuwa cee. 24Isirayeel yab nìn kūū Aayi janjaliibi tisatin, kuteeu poon laakin bi páaǹ bi-boonee ki dóò. Bi nìn dū ntàataajimu ki kūū ki kúntì bi-kɔkɔ kaa nìn kíǹ bi-kansikin báà ubɔ. Boonee ní Isirayeel yab fātìi nín gítiń Aayi tiŋkin ní ki dɔ́miń ki púntìi kūū Aayi yab bin kíǹ ki bí kitiŋinee kɔkɔ pílpil. 25Ŋwiin gbantee, bi nìn kūū Aayi tiŋki yab kɔkɔ, bininjab nì binimpoobi. Bi nìn nyáń binib kutukub saalaa nì bili ní. 26Joosuwa ŋal nìn pée gbíntìi tèen̄ ki ŋúb́ kikpaŋ ní, ki tin sāā ŋyunti ŋun Isirayeel yab dāa kūū ki céetì Aayi yab kɔkɔee. 27Ama Isirayeel yab nìn kóoǹ Aayi yab wanti tin bi nìn jáń ki fōōyee kɔkɔ, ní ki yōoǹ ki kpáaǹ tiwaŋkuti, ki nóó nì ti-Dindaan nín nìn tùkū Joosuwa puee. 28Joosuwa yāntì bi wùn̄ Aayi tiŋki ŋŋmi ní ki-digbuŋŋi wūtì ki kíǹ ki dɔ̄ dikpúkul kii an nín dáá gbíntìi dɔ̄ pu díǹ pu nee ní. 29U nìn lúntì Aayi bɔtiu úǹ busubu bubɔ pu, ní ki yāntì u lúń míǹ ki tin sāā kujoou. Ŋwìiń cá kí jéetée ní u yāntì bi cúú dinikpilee#8.29 Ubɔ yaa nìn ŋá digaŋgam ní bi lúntì-u ndɔ pu ní u kpíìyee, baa nìn yàntī kunyeeu ń mɔ́ dinikpilee pu (kpèè Ditee 21.22-23). ki sākatìń busubu pu ki cáa lúkú kitiŋ punyɔkɔki nyɔkɔpu, ní ki kóoǹ ataŋkpee ki nyīkiǹ u-pu ní an ŋá ditaŋkpakpukul dikpaandi. Ditaŋkpakpukul gbanti dáá dɔ̄ niin díǹ pu nee.
Bi kàan̄ Unimbɔti marau Eebaal jool pu
30Niinee ní Joosuwa máń ti-Dindaan, Isirayeel Nimbɔtiu, nsaraafan ŋubɔ Eebaal#8.30 Kpèè Ditee 11.29 nì tin bi ŋmàn̄ kugbɔŋu faaku taapuee. jool pu, 31ki nóó nì ti-Dindaan tɔntɔnliu Mooyiisi nín nìn yóoǹ Isirayeel yab yii bí ŋá puee, kii an nín ŋmàn̄ ki kā Mooyiisi marab gbɔŋku poon puee. U nìn dū ataŋkpee ŋin bi tōoń kaa kpítì-ŋi, kaa pée dū kukúluu ki gbēēyee ní ki máń nsaraafan gbanti#8.31 ataŋkpee ŋin bi tōoń kaa kpítì-ŋi: kpèè Disa 20.24-26, Ditee 27.5-6.. Bi nìn ŋá bisaraawɔkaabi nì mpèé saraabi nsaraafan gbanti pu ki tīī ti-Dindaan. 32Isirayeel yab nimbiin niin ní Joosuwa dū Mooyiisi Marau un u nìn ŋmàn̄ ki síiǹ Isirayeel yabee ki fātìi dūu ŋmàn̄ ataŋkpee pu#8.32 Marau un u nìn ŋmàn̄: kpèè Ditee 27.2-3.. 33Isirayeel yab nìn yú akiti ali bi-nimbiin túĺ Dipoondi dakaau un bi nìn dūu yóoǹ bi-kansikinee. Bi-tindaŋkpilib nì bi-gbaŋŋmaliibi nì bi-bɔsoonliibi nì binicambi bin nìn kóò bi-kansikinee mun nìn yú akiti ali gbanti poon. Dikitil diba nìn yú ki gítí Geerisiim jool pú ní dikitil din kíǹee yú ki gítí Eebaal jool pú. Ti-Dindaan tɔntɔnliu Mooyiisi nìn yóoǹ yii bisaraaŋaliibi ń ŋá míǹ ní kí bìin̄ Isirayeel yab pu#8.33 Leefii yab bisaraaŋaliibi bɔtee, kpèè Ditee 17.9 nì tin bi ŋmàn̄ kugbɔŋu faaku taapuee. - Geerisiim jool pú: kpèè Ditee 11.29 nì tin bi ŋmàn̄ kugbɔŋu faaku taapuee. - Mooyiisi nín yóoǹ puee: kpèè Ditee 27.11-13.. 34Boonee ní Joosuwa kàan̄ tibɔti tin kā Marab gbɔŋkunee kɔkɔ, tin sá dibiindi bɔtee nì tin sá mbusu bɔtee. U nìn kàan̄ tikɔkɔ ki nóó nì bi nín ŋmàn̄-tì pu tì kā Marab gbɔŋku poonee ní. 35Báà kubɔluu kubɔ kaa nìn kíǹ tin kɔkɔ Mooyiisi yóoǹee poon Joosuwa kaa kàan̄-tì Isirayeel yab kɔkɔ nimbiin, ki kpáaǹ binimpoobi nì mbiyaamu nì binicambi bin kóò bi-kansikinee kɔkɔ nimbiin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.