Galates 1
1
Ijaam
1Ti-Baa Unimbɔti nì Yeesu Kriisitoo un u nìn fīkitì ditaŋkpiilinee di lēē man Pɔɔl ḿ nīn sá dikpambal, kaa sá binib di lēē-mi, kaa tí sá unil di yì-tì ní m sá dikpambal. 2Man nì nnabiyaamu mun kɔkɔ bí m-ceeyee di jáaḿ Kriisitoo nikitiŋ ŋin bí Galaati#1.2 Kpèè Atuun 16.6. tiŋkinee. 3Ti-Baa Unimbɔti nì ti-Dindaan Yeesu Kriisitoo ń ŋá-ni tiŋan kí tīī-ni ŋgbansɔŋfi. 4Yeesu di dū u-ba ki ŋá saraa ti-kpitii pu kí ŋmā kí nyāntí-ti ŋyuntikpiti ŋun poon ti bí nee. Míǹ ní Unimbɔti un sá ti-Baayee là. 5Úǹ di máaǹ tinyool kí nīn pée cá jaanjaan! Ameeni.
Yeesu bɔti baba di sá Tibɔmɔntiil
6M bākatì tikpil yii ni pūtì kpáàa bíi féeń Unimbɔti un dī Kriisitoo ŋanti pu ki yíiń-nee, ki póotí tibɔpɔn tiba. 7Ama Tibɔmɔntiil tiba kaa ti bí ki kútì Yeesu Bɔmɔntiiti pu. An sá binib biba di là kí lábití ni-landɔkɔi kí cúú Kriisitoo Bɔmɔntiiti kí kpántí. 8Un di yaa tí dɔ́mińee, - báà an yaa sá timbaaa, an yaa tí sá Unimbɔti tuuŋŋu di yaa nyánní yilpu - ki cáań-ni tibɔpɔn tin nyáń ti-ba nì Tibɔmɔntiil tin ti nìn péé péé ki sòon̄ nì nee, Unimbɔti ń ŋá udaan fám. 9Ti pée tùkū-ni dooooyee, ní m gíti bíi bùsī-ni díǹ, yii ubɔ yaa sòon̄ nì ni tibɔti tin nyáń ti-ba nì tin tin ni nìn fōōyee, Unimbɔti ń ŋá udaan fám!
10Tin m sòoǹ nee, m là binib ń pàkà-mi níii? Unimbɔti pampakaku ní m nyàab̀. M nyàab̀ kí fáatíǹ binib níii? M yaan nyàab̀ kí fáatíǹ binibee, maa bàà sámaan Kriisitoo tɔntɔnliu.
Min ní Pɔɔl kpántì Yeesu kpambalee
11Nnabiyaamu, m là ní béé yii Tibɔmɔntiil tin m sòon̄ nì nee, an kaa sá unil di náań-tì, 12kaa sá m ká-tì unil ubɔ cee, ubɔ mun kaa tí dàkā-mi-tì. An sá Yeesu Kriisitoo di nyántì-tì ki dàkā-mi.
13Di sá yii ni gbìl̄ m nín nìn ŋáań min dooooyee. M nín nìn ŋúb́ Juuda yab marabee, m nìn sàantí Unimbɔti nikitil an gíti lákatì, ki nyàab̀ kí kúntí-dì. 14M nìn ŋúb́ Juuda yab marab ki jítiǹ m-jutiibi tikpil man nì bin ŋmèe, ní ki nìn néeń m-naanjab koobiliŋ ki jítiǹ-bi#1.14 B. 13-14: kpèè Atuun 8.3, 22.3-5, 26.9-11..
15Ama Unimbɔti nìn pée gāntì-mi ki yóoǹ doooo m-na poon ní ki yíiń-mi u-ŋanti pu. 16Ŋyunti ŋun u lēēyee ní u dū u-Jipɔɔn ki dàkā-mi m béè-u, án nín làá ŋá pu ḿ sòoǹ u-Jipɔɔnee pu kí tīī bin kaa sá Juuda yabee. Niinee, maa bālifì báà ubɔ isaŋki#1.15-16 Kpèè Atuun 9.3-6, 22.6-10, 26.13-18, Yees 49.1, Yeer 1.5.. 17Maa tí búntì Jeerusaleem kí cùú nyàab̀ bin péeǹ-mi ki kpántì akpambalee. M pée búntì Bilaalibub tiŋkin dicilpu ní. Boonee ní m dāa fātìi gítìń Damaasi tiŋkin. 18Abin ata boonee ní m nín jɔ́m̀ Jeerusaleem kí béé Peetroo, ní ki kāl̀ u-cee iwiin saalku#1.18 Kpèè Atuun 9.26-30.. 19Maa ti ká Yeesu kpambal diba ki kútì see Yakubu, ti-Dindaan naal. 20Tin tin m ŋmàn̄-nee, m ŋmàn̄-tì Unimbɔti nimbiin ní, maa mɔ́ntí.
21Boonee ní m búntì Siirii nì Siilisii timmun. 22Ŋyunti gbantee, Kriisitoo nikitiŋ ŋin bí Juudee tiŋkinee kaa láá béè-mi. 23Bi pée gbìl̄ bi sòon̄ yii: «Unil un nìn sàantí-ti tikpilee ki kíǹ ki bíi sòoǹ kɔŋkɔnnee fookii Bɔmɔntiiti tin u nìn nyàab̀ kí kúntée.» 24Ní bi kíǹ ki bíi pàkà Unimbɔti m-pu.
Currently Selected:
Galates 1: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Galates 1
1
Ijaam
1Ti-Baa Unimbɔti nì Yeesu Kriisitoo un u nìn fīkitì ditaŋkpiilinee di lēē man Pɔɔl ḿ nīn sá dikpambal, kaa sá binib di lēē-mi, kaa tí sá unil di yì-tì ní m sá dikpambal. 2Man nì nnabiyaamu mun kɔkɔ bí m-ceeyee di jáaḿ Kriisitoo nikitiŋ ŋin bí Galaati#1.2 Kpèè Atuun 16.6. tiŋkinee. 3Ti-Baa Unimbɔti nì ti-Dindaan Yeesu Kriisitoo ń ŋá-ni tiŋan kí tīī-ni ŋgbansɔŋfi. 4Yeesu di dū u-ba ki ŋá saraa ti-kpitii pu kí ŋmā kí nyāntí-ti ŋyuntikpiti ŋun poon ti bí nee. Míǹ ní Unimbɔti un sá ti-Baayee là. 5Úǹ di máaǹ tinyool kí nīn pée cá jaanjaan! Ameeni.
Yeesu bɔti baba di sá Tibɔmɔntiil
6M bākatì tikpil yii ni pūtì kpáàa bíi féeń Unimbɔti un dī Kriisitoo ŋanti pu ki yíiń-nee, ki póotí tibɔpɔn tiba. 7Ama Tibɔmɔntiil tiba kaa ti bí ki kútì Yeesu Bɔmɔntiiti pu. An sá binib biba di là kí lábití ni-landɔkɔi kí cúú Kriisitoo Bɔmɔntiiti kí kpántí. 8Un di yaa tí dɔ́mińee, - báà an yaa sá timbaaa, an yaa tí sá Unimbɔti tuuŋŋu di yaa nyánní yilpu - ki cáań-ni tibɔpɔn tin nyáń ti-ba nì Tibɔmɔntiil tin ti nìn péé péé ki sòon̄ nì nee, Unimbɔti ń ŋá udaan fám. 9Ti pée tùkū-ni dooooyee, ní m gíti bíi bùsī-ni díǹ, yii ubɔ yaa sòon̄ nì ni tibɔti tin nyáń ti-ba nì tin tin ni nìn fōōyee, Unimbɔti ń ŋá udaan fám!
10Tin m sòoǹ nee, m là binib ń pàkà-mi níii? Unimbɔti pampakaku ní m nyàab̀. M nyàab̀ kí fáatíǹ binib níii? M yaan nyàab̀ kí fáatíǹ binibee, maa bàà sámaan Kriisitoo tɔntɔnliu.
Min ní Pɔɔl kpántì Yeesu kpambalee
11Nnabiyaamu, m là ní béé yii Tibɔmɔntiil tin m sòon̄ nì nee, an kaa sá unil di náań-tì, 12kaa sá m ká-tì unil ubɔ cee, ubɔ mun kaa tí dàkā-mi-tì. An sá Yeesu Kriisitoo di nyántì-tì ki dàkā-mi.
13Di sá yii ni gbìl̄ m nín nìn ŋáań min dooooyee. M nín nìn ŋúb́ Juuda yab marabee, m nìn sàantí Unimbɔti nikitil an gíti lákatì, ki nyàab̀ kí kúntí-dì. 14M nìn ŋúb́ Juuda yab marab ki jítiǹ m-jutiibi tikpil man nì bin ŋmèe, ní ki nìn néeń m-naanjab koobiliŋ ki jítiǹ-bi#1.14 B. 13-14: kpèè Atuun 8.3, 22.3-5, 26.9-11..
15Ama Unimbɔti nìn pée gāntì-mi ki yóoǹ doooo m-na poon ní ki yíiń-mi u-ŋanti pu. 16Ŋyunti ŋun u lēēyee ní u dū u-Jipɔɔn ki dàkā-mi m béè-u, án nín làá ŋá pu ḿ sòoǹ u-Jipɔɔnee pu kí tīī bin kaa sá Juuda yabee. Niinee, maa bālifì báà ubɔ isaŋki#1.15-16 Kpèè Atuun 9.3-6, 22.6-10, 26.13-18, Yees 49.1, Yeer 1.5.. 17Maa tí búntì Jeerusaleem kí cùú nyàab̀ bin péeǹ-mi ki kpántì akpambalee. M pée búntì Bilaalibub tiŋkin dicilpu ní. Boonee ní m dāa fātìi gítìń Damaasi tiŋkin. 18Abin ata boonee ní m nín jɔ́m̀ Jeerusaleem kí béé Peetroo, ní ki kāl̀ u-cee iwiin saalku#1.18 Kpèè Atuun 9.26-30.. 19Maa ti ká Yeesu kpambal diba ki kútì see Yakubu, ti-Dindaan naal. 20Tin tin m ŋmàn̄-nee, m ŋmàn̄-tì Unimbɔti nimbiin ní, maa mɔ́ntí.
21Boonee ní m búntì Siirii nì Siilisii timmun. 22Ŋyunti gbantee, Kriisitoo nikitiŋ ŋin bí Juudee tiŋkinee kaa láá béè-mi. 23Bi pée gbìl̄ bi sòon̄ yii: «Unil un nìn sàantí-ti tikpilee ki kíǹ ki bíi sòoǹ kɔŋkɔnnee fookii Bɔmɔntiiti tin u nìn nyàab̀ kí kúntée.» 24Ní bi kíǹ ki bíi pàkà Unimbɔti m-pu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.