Exode 37
37
Dipoondi dakaau nì u-bìil
1Beesaleel nìn dū akasiya dɔŋu ki kpáá Dipoondi dakaau. U-púuŋŋu nìn sá meeta ubɔ nì santimeetab mmuŋku nì biŋmoo, ní u-waaŋŋu sá santimeetab biŋmoo kpá imuŋku inaa ní u-fɔkɔŋŋu nìn sá santimeetab biŋmoo kpá imuŋku inaa. 2U nìn dū sindaariyamɔnti ki nyūntì poon nì boon, ní ki dū sindaariya ki kpákám̀ anyɔɔgbán. 3U nìn dū sindaariya ki mɔ́ɔ́ abɔmbil anaa ki báaǹ dakaayee kpiŋŋi naatil, dijandi diba abɔmbil ali, diba mun abɔmbil ali. 4U nìn kpítì akasiya dɔŋu kpandɔi ki dū sindaariya ki nyūntì-i. 5U nìn dū ikpandɔee ki bɔ́ abɔmbil ŋin bá dakaayee kpiŋŋi an cāatì bí ŋmā kí nīn yòontí.
6Míǹ boonee ní u dū sindaariyamɔnti ki mɔ́ɔ́ dakaayee bìil. Di-fɔkɔŋŋu nìn sá meeta ubɔ nì santimeetab mmuŋku nì biŋmoo ní di-waaŋŋu nìn sá santimeetab biŋmoo kpá imuŋku inaa. 7U nìn dū sindaariya un bi gbáńee ki mɔ́ɔ́ keerubimbi bili ki tɔ́kɔǹ didakaabiilee nyɔɔgbaŋŋi liitil pu. 8U nìn mɔ́ɔ́ keerubim ubɔ ki tɔ́kɔǹ didakaabiil nyɔɔgbandi diba nín kúntí puee, ní ki mɔ́ɔ́ keerubim ubɔ mun ki tɔ́kɔǹ didakaabiil nyɔɔgbandi din kíǹee nín kúntí puee. Keerubimbi nín tɔ́kɔ́ anyɔɔgbán kúntilaŋki puee nì dakaayee biil nìn kpáfì ki ŋá tiwambaantiil mmɔm. 9Bi nìn kpátì bi-feeŋyi yilpu ki bīiǹ didakaabiil pu. Bi nìn tɔ́kɔ́ ki túĺ tɔb ní bi-nimbiiŋyi tīī didakaabiil pu.
Kpɔnɔb bin bi dūu ŋá ti-Dindaan saraayee teebiliu kpáatam
10Boonee ní u dū akasiya dɔŋu ki kpáá teebil. U-púuŋŋu nìn sá meeta ubɔ, ní u-waaŋŋu sá meeta dijandi, ní u-fɔkɔŋŋu sá santimeetab biŋmoo kpá imuŋku inaa. 11U nìn dū sindaariyamɔnti ki nyūntì-u, ní ki dū sindaariya ki nyūntì ikpaanceeti kɔkɔ ki tú. 12Ní ki kpítì kidɔpampaŋ, kì wāā kii santimeetab binii ki kpákám̀ anyɔɔgbán, ní ki dū sindaariya ki nyūntì ki māntìi tú. 13U nìn mɔ́ɔ́ sindaariya bɔmbiliŋ anaa ki dūu báaǹ ki nákáǹ teebilee kpiŋŋi naatil pu, ataa cee. 14Abɔmbilee nìn náká teebilee kpaanceetii, ní bi dū ikpandɔ ki bɔ́ abɔmbilee poon bí ŋmā kí nīn yòontí teebilee. 15U nìn dū akasiya dɔŋu ki kpítì ikpandɔ, ki dū sindaariya ki nyūntì-i. Íǹ ní bi làá nīn cáa yòontí teebilee. 16U nìn mɔ́ɔ́ palantab nì kɔɔpub nì asambil nì itúun bí nīn cáa ŋáań ndaam ki féeń ti-Dindaan. U nìn dū sindaariyamɔnti ní ki mɔ́ɔ́ an wanti gbanti kɔkɔ.
Fitilab tɔ́kɔŋkaati mɔ́ɔtam
17Míǹ boonee ní u dū sindaariyamɔnti ki mɔ́ɔ́ fitila tɔ́kɔŋkaati. Ti-taapu nì ti-kpinjaatiŋu nì ti-kpiiŋyi nì ti-gbiŋŋi nì ti-pumpukum kɔkɔ nìn sá tiwambaantiil mmɔm ní. 18Ikpiin iluu nìn nyánní ŋkpiinjaatee pu. Dijandi kamaa nìn cáá ikpiin ita ita. 19Fitila tɔ́kɔŋkaati gbanti kpiiŋyi luutil kamaa nìn cáá ŋkɔŋkɔŋkuŋkumu muta mun náań nì asubil ŋin bi yíì amandee nì agbin nì mpumpukum. 20Ŋkpiinjaatee nìn cáá ŋkɔŋkɔŋkuŋkumu munaa mun náań nì asubil ŋin bi yíì amandee nì agbin nì mpumpukum. 21Ikpiin iluu in nìn túkú fitilab tɔ́kɔŋkaati kpinjaatiŋu puee taapu nìn cáá agbin. 22Agbin nì ikpiinee nì fitilab tɔ́kɔŋkaati jaŋŋi ŋin kíǹee nìn sá tiwambaantiil mmɔm ní. U nìn dū sindaariyamɔnti ní ki mɔ́ɔ́ tikɔkɔ. 23U nìn mɔ́ɔ́ fitilab biluli ki tɔ́kɔǹ fitilab tɔ́kɔŋkaati pu, ní ki nìn dū sindaariyamɔnti ki mɔ́ɔ́ tibabiti nì nsambiyaamu mun poon bi ŋáań ŋfantamee. 24U nìn dū sindaariyamɔnti kiiloobi mmuŋku nì saalaa ní ki mɔ́ɔ́ fitilab tɔ́kɔŋkaati nì ti-wanti kɔkɔ.
Talaalutuukaa saraafaŋŋu mɔ́ɔtam
25Boonee ní u dū akasiya dɔŋu ki kpáá nsaraafan ŋun pu bi làá nīn tùutī talaalubee. U nìn kpáá-ŋu ŋu-jaŋŋi naatil ŋmà ní. Dijandi kamaa nìn cáá dimeetajandi ní ŋfɔkɔn yilpu nìn sá meeta ubɔ. Nsaraafan nì ŋu-yiŋyi nìn sá tiwambaantiil mmɔm ní. 26U nìn dū sindaariyamɔnti ki nyūntì ŋu-yilpu nì ŋu-boon ki māntìi tú nì ŋu-yiŋyi, ní ki dū sindaariya ki kpákám̀-ŋu ki māntìi tú. 27U nìn mɔ́ɔ́ abɔmbil ali ki bá bi nín kpákám̀ nsaraafan taapu puee ajan liitil pu, bí nīn cáá ŋi-kpandɔi ki bōotí ki yòontí-ŋu. 28U nìn dū akasiya dɔŋu ki kpítì ikpandɔee ní ki dū sindaariya ki nyūntì-i.
29U nìn ŋá ŋkpam min sɔ́fèe kii utalaaluŋal nín ŋáań puee bí nīn cáa sìtī binib yiliŋ pu kí dū-bi kí sú Unimbɔti nì talaalutuukaa umɔnti.
Currently Selected:
Exode 37: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Exode 37
37
Dipoondi dakaau nì u-bìil
1Beesaleel nìn dū akasiya dɔŋu ki kpáá Dipoondi dakaau. U-púuŋŋu nìn sá meeta ubɔ nì santimeetab mmuŋku nì biŋmoo, ní u-waaŋŋu sá santimeetab biŋmoo kpá imuŋku inaa ní u-fɔkɔŋŋu nìn sá santimeetab biŋmoo kpá imuŋku inaa. 2U nìn dū sindaariyamɔnti ki nyūntì poon nì boon, ní ki dū sindaariya ki kpákám̀ anyɔɔgbán. 3U nìn dū sindaariya ki mɔ́ɔ́ abɔmbil anaa ki báaǹ dakaayee kpiŋŋi naatil, dijandi diba abɔmbil ali, diba mun abɔmbil ali. 4U nìn kpítì akasiya dɔŋu kpandɔi ki dū sindaariya ki nyūntì-i. 5U nìn dū ikpandɔee ki bɔ́ abɔmbil ŋin bá dakaayee kpiŋŋi an cāatì bí ŋmā kí nīn yòontí.
6Míǹ boonee ní u dū sindaariyamɔnti ki mɔ́ɔ́ dakaayee bìil. Di-fɔkɔŋŋu nìn sá meeta ubɔ nì santimeetab mmuŋku nì biŋmoo ní di-waaŋŋu nìn sá santimeetab biŋmoo kpá imuŋku inaa. 7U nìn dū sindaariya un bi gbáńee ki mɔ́ɔ́ keerubimbi bili ki tɔ́kɔǹ didakaabiilee nyɔɔgbaŋŋi liitil pu. 8U nìn mɔ́ɔ́ keerubim ubɔ ki tɔ́kɔǹ didakaabiil nyɔɔgbandi diba nín kúntí puee, ní ki mɔ́ɔ́ keerubim ubɔ mun ki tɔ́kɔǹ didakaabiil nyɔɔgbandi din kíǹee nín kúntí puee. Keerubimbi nín tɔ́kɔ́ anyɔɔgbán kúntilaŋki puee nì dakaayee biil nìn kpáfì ki ŋá tiwambaantiil mmɔm. 9Bi nìn kpátì bi-feeŋyi yilpu ki bīiǹ didakaabiil pu. Bi nìn tɔ́kɔ́ ki túĺ tɔb ní bi-nimbiiŋyi tīī didakaabiil pu.
Kpɔnɔb bin bi dūu ŋá ti-Dindaan saraayee teebiliu kpáatam
10Boonee ní u dū akasiya dɔŋu ki kpáá teebil. U-púuŋŋu nìn sá meeta ubɔ, ní u-waaŋŋu sá meeta dijandi, ní u-fɔkɔŋŋu sá santimeetab biŋmoo kpá imuŋku inaa. 11U nìn dū sindaariyamɔnti ki nyūntì-u, ní ki dū sindaariya ki nyūntì ikpaanceeti kɔkɔ ki tú. 12Ní ki kpítì kidɔpampaŋ, kì wāā kii santimeetab binii ki kpákám̀ anyɔɔgbán, ní ki dū sindaariya ki nyūntì ki māntìi tú. 13U nìn mɔ́ɔ́ sindaariya bɔmbiliŋ anaa ki dūu báaǹ ki nákáǹ teebilee kpiŋŋi naatil pu, ataa cee. 14Abɔmbilee nìn náká teebilee kpaanceetii, ní bi dū ikpandɔ ki bɔ́ abɔmbilee poon bí ŋmā kí nīn yòontí teebilee. 15U nìn dū akasiya dɔŋu ki kpítì ikpandɔ, ki dū sindaariya ki nyūntì-i. Íǹ ní bi làá nīn cáa yòontí teebilee. 16U nìn mɔ́ɔ́ palantab nì kɔɔpub nì asambil nì itúun bí nīn cáa ŋáań ndaam ki féeń ti-Dindaan. U nìn dū sindaariyamɔnti ní ki mɔ́ɔ́ an wanti gbanti kɔkɔ.
Fitilab tɔ́kɔŋkaati mɔ́ɔtam
17Míǹ boonee ní u dū sindaariyamɔnti ki mɔ́ɔ́ fitila tɔ́kɔŋkaati. Ti-taapu nì ti-kpinjaatiŋu nì ti-kpiiŋyi nì ti-gbiŋŋi nì ti-pumpukum kɔkɔ nìn sá tiwambaantiil mmɔm ní. 18Ikpiin iluu nìn nyánní ŋkpiinjaatee pu. Dijandi kamaa nìn cáá ikpiin ita ita. 19Fitila tɔ́kɔŋkaati gbanti kpiiŋyi luutil kamaa nìn cáá ŋkɔŋkɔŋkuŋkumu muta mun náań nì asubil ŋin bi yíì amandee nì agbin nì mpumpukum. 20Ŋkpiinjaatee nìn cáá ŋkɔŋkɔŋkuŋkumu munaa mun náań nì asubil ŋin bi yíì amandee nì agbin nì mpumpukum. 21Ikpiin iluu in nìn túkú fitilab tɔ́kɔŋkaati kpinjaatiŋu puee taapu nìn cáá agbin. 22Agbin nì ikpiinee nì fitilab tɔ́kɔŋkaati jaŋŋi ŋin kíǹee nìn sá tiwambaantiil mmɔm ní. U nìn dū sindaariyamɔnti ní ki mɔ́ɔ́ tikɔkɔ. 23U nìn mɔ́ɔ́ fitilab biluli ki tɔ́kɔǹ fitilab tɔ́kɔŋkaati pu, ní ki nìn dū sindaariyamɔnti ki mɔ́ɔ́ tibabiti nì nsambiyaamu mun poon bi ŋáań ŋfantamee. 24U nìn dū sindaariyamɔnti kiiloobi mmuŋku nì saalaa ní ki mɔ́ɔ́ fitilab tɔ́kɔŋkaati nì ti-wanti kɔkɔ.
Talaalutuukaa saraafaŋŋu mɔ́ɔtam
25Boonee ní u dū akasiya dɔŋu ki kpáá nsaraafan ŋun pu bi làá nīn tùutī talaalubee. U nìn kpáá-ŋu ŋu-jaŋŋi naatil ŋmà ní. Dijandi kamaa nìn cáá dimeetajandi ní ŋfɔkɔn yilpu nìn sá meeta ubɔ. Nsaraafan nì ŋu-yiŋyi nìn sá tiwambaantiil mmɔm ní. 26U nìn dū sindaariyamɔnti ki nyūntì ŋu-yilpu nì ŋu-boon ki māntìi tú nì ŋu-yiŋyi, ní ki dū sindaariya ki kpákám̀-ŋu ki māntìi tú. 27U nìn mɔ́ɔ́ abɔmbil ali ki bá bi nín kpákám̀ nsaraafan taapu puee ajan liitil pu, bí nīn cáá ŋi-kpandɔi ki bōotí ki yòontí-ŋu. 28U nìn dū akasiya dɔŋu ki kpítì ikpandɔee ní ki dū sindaariya ki nyūntì-i.
29U nìn ŋá ŋkpam min sɔ́fèe kii utalaaluŋal nín ŋáań puee bí nīn cáa sìtī binib yiliŋ pu kí dū-bi kí sú Unimbɔti nì talaalutuukaa umɔnti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.