Exode 34
34
Marab taŋkpapilinti tipɔn bɔti
1Ti-Dindaan bí Mooyiisi yii: «Kpítí titaŋkpapilindi tili kii tipeepeekaalee, ní man ń ŋmà tipilindi gbanti pu anyɔɔbun ŋin nìn kā tipilimpeepeekaal pu a dūu lúkú ki wīīyee. 2Á bɔ́ntí kí cīití fool ntaafaabɔmbɔmee. Á fu jɔ̄m̀ Siinaayi jool yilpu kúnti kunti kí yūĺ niin kí cīití-mi. 3Báà ubɔ ń taa fu nóó-si kí jɔ̄m̀. Bí taa ká uniseen dijool gbanti pu laaba. Báà uŋoobu àá upii àá unaa ń taa fu ŋmɔ́ timool di-caŋin!»
4Ní Mooyiisi kpítì titaŋkpapilindi tili kii tipeepeekaalee. Kutaa wúntì ntaafaabɔmbɔmee ní u nín jɔ́ḿ Siinaayi jool pu, ki ŋúb́ titaŋkpapilindi tilee kii ti-Dindaan nín bí yii ú ŋá puee. 5Ti-Dindaan kpákatìń dijool pu ditagbancancaalin ki dɔ́miń ki yúl̀ ki kɔ́ĺ Mooyiisi, ní Mooyiisi yíiń u-yindi yii: «Ti-Dindaan». 6Ní ti-Dindaan dɔ́miń ki jítì Mooyiisi nimbiin ki yíiń úǹ u-ba yindi yii: «Man di sá ni-Dindaan, Unimbɔti un sá ulaŋŋaŋfiti nì tiŋandaan kaa gífí diŋuul malaa, ki cáá dineendi tikpil tikpil ki bí deedeeyee. 7M dàkà binib m-poon nín mɔ̄ puee kí tin cáá sāā anaantitɔntɔkɔ kutuku pu, ki pūǹ ikpiti nì diyìntil nì mpɔɔpɔn, ama maa tàantí unikpiti kii waa ŋá tibee. M dátí bibaatiibi tafal, ní kí dáaĺ bi-biyaamu nì bi-naantiibi tafal kí tin cáá sāā anaantitɔntɔkɔ ata kii anaa pu#34.7 B. 6-7: kpèè 20.5-6, Dikà 14.18, Ditee 5.9-10, 7.9-10..»
8Dicilpu niin ní Mooyiisi gbāaǹ ki jáam̀ ti-Dindaan, 9ní ki bí yii: «M yaa lafun ká diyimɔɔl a-cee, ti-Dindaan, m gbāam̀-si, á nīn bí ti-kansikin ti-saŋkindi poon. Dinibul nee sá din gáatèe ní, ama á dū ti-yìntitam nì ti-kpitii kí pɔ̄-ti, ní kí fōō-ti kí ŋá a-nibul.»
Unimbɔti fātìi pōoǹ Isirayeel yab dipoondi
10Ti-Dindaan bí Mooyiisi yii: «M làá pùtī kí pòon̄ Isirayeel yab dipoondi. A-nibul kɔkɔ nimbiinee, m làá ŋá maamaacib bin juti kaa láá pée jítì kitiŋ pu laaba nì ditimbundi diba poonee. Dinibul din māntìi tú-si nee làá ká maamaacib bin man ni-Dindaan làá dī a-pu ki ŋée nín kaa cáá juti puee.
11«Á ŋúb́ mara un m làá yóoń-si díǹ nee tiŋan. M làá jà Amɔɔr yab nì Kanaan yab nì Eeti yab nì Peeriisi yab nì Eefi yab nì Jeebusi yab a-nimbiin. 12Á nīn nyíǹ a-ba kí taa ŋá mpèé nì kitiŋ kin poon a cá kí kɔ́ nee yab. A yaa ŋá míǹ, án làá nīn sá kutaliŋŋu ní ki tīī-si. 13Ama ní gbá kí wīī bi-saraafaŋyi, kí kpìtī bi-kumpooŋi kí gàatì bi-windɔi kí lúkú#34.13 Kpèè Ditee 16.21-22.. 14Ní taa gbàan̄ diwaal báà diba nì diba nimbiin, kun puee man ni-Dindaan yindi di sá <Ipoompoon>. M sá Unimbɔti un cáá ipoompoonee ní. 15Si nì kitiŋ kin a làá kɔ́ee yab ń taa pòon̄ tɔb kí ŋá mpèé. Bi yaa láa bíi tòotī bi-waaŋi ki ŋáań saraabi ki tìì-ŋee, bi làá dāá yíiń-ni ní ní jī bi-saraabi jinti. 16A yaa láa cáá bi-bisalib ki tīī a-jipɔmbee, bi-bisalib gbanti làá dāá nīn tòotī bi-waaŋi ní kí yàntī a-jipɔmbi mun ń nīn tòotī bi-waaŋi.
17«Á taa dū tikúti kí dùntī kí mɔ́ɔ́ diwaal#34.17 Kpèè 20.4-5, Akoo 19.4, 26.1, Ditee 4.15-18, 5.8, 27.15..
18«Á dāá jī jiŋaal un bi ŋmóò kpɔnɔb bin kaa cáá ŋkpɔnɔnyɔkɔee. Á ŋmɔ́ kpɔnɔb bin kaa cáá ŋkpɔnɔnyɔkɔee iwiin iluli kii m nín yóoǹ-ni mara puee, Abiibi ŋmaliu un poon bi yóoǹ kí nīn jīǹ-uee#34.18 B. 18-26: dūú ŋmàntī nì 23.14-19 nì Ditee 16.1-17, kí dū B. 19-20 kí ŋmàntī nì 13.11-15 ní kí dū B. 21 kí ŋmàntī nì 23.12. Gíti kpèè 12.14-20, Akoo 23.6-8, Dikà 28.16-25.. Di sá uŋmal gbanti poon ní bi nyántìń-ni Eejipiti tiŋkin.
19«Kibiseebiki kininjabiki kamaayee, man di yì. Míǹ ní unaa àá upii àá uŋoobu yaa péé péé ki màl̄ kijakee, bí dū-kì kí ŋá-mi saraa#34.19 Kpèè 13.2, Dikà 3.13, Luuki 2.23.. 20Á dū kimaŋ biseemal kijaka kí kpántí dipibil àá diŋɔbil. A yaa kaa làá dūú kpántée, á nyīī kí gíí ki-sil. Ama a-jipɔmbi kansikin un sá kibiseebikee, á pà ki-pu#34.20 Kpèè 13.13, Dikà 18.16..
«Á taa dāan̄ m-nimbiin nì iŋaŋkulim.
21«Á dū iwiin iluu kí tɔ̄ a-tuuŋŋi, ŋwinluluúti dalee, á kàl̄ kí ŋùŋfì. Báà an yaa sá tikpaal yuntiŋu àá tijin dical yuntiŋu, á kàl̄ ŋwiin gbanti kí ŋùŋfì#34.21 Kpèè 20.8-11, Akoo 23.3, Ditee 5.13-14..
22«Á dū bileepeepeekaa un a cáńee kí jī nnyɔmu jiŋaaliu, ní dibindi yaa bíi kúntée, á jī tantib jiŋaaliu#34.22 Kpèè 23.16, Akoo 23.15-21,39-43, Dikà 28.26-31..
23«A-ninjab kɔkɔ ń dāá dāan̄ man ni-Dindaan Isirayeel yab Nimbɔtiu nimbiin dibindi kamaa poon mita. 24Di sá m làá dāá jà atimbun kí pɔ̄-si mpaan ní kí wàan̄ a-tiŋki, ní ŋyunti ŋun a làá dāá dāan̄ man ni-Dindaan a-Nimbɔtiu nimbiin dibindi kamaa poon mitee, ubɔ dāa kpá kí màkan̄ yii u làá jáǹ-si kí fōō a-tiŋki.
25«A yaa làá dāá làntì kuwaŋkuluu kí ŋá-mi saraayee, á taa láa dū kpɔnɔb bin poon bi ŋá ŋkpɔnɔnyɔkɔee kí kūtì saraayee pu. Á taa láa dū saraabi bin a ŋá Dilákatil jiŋaaliuee nanti kí yóoń kutaa ń wúntí. 26Á dāá cáań tijimpeekaal tin a-sati lòon̄ee circir kɔŋkooŋŋun, ti-Dindaan ni-Nimbɔtiu nimbiin. Á taa dū uŋoobu biim kí ŋàan̄ u-biki nanti.»
27Ti-Dindaan bí Mooyiisi yii: «Á ŋmà tibɔti nee, kun puee tíǹ pu ní m tɔ́kɔǹ ki pūtì ki pōoǹ si nì Isirayeel yab dipoondi.» 28Mooyiisi nìn kāl̀ ti-Dindaan cee iwiin imuŋku ili, ŋwiimpu nì kunyeeu, kaa jíń kaa nyùn̄. Ti-Dindaan nìn ŋmàn̄ dipoondi marab saalaayee titaŋkpapilindi pu.
Mooyiisi fātìi gítìń dinaapaal pu
29Mooyiisi kpákatìń Siinaayi jool pu, ki ŋúbiń titaŋkpapilindi tili tin pu bi ŋmàn̄ dipoondi marabee. Waa nìn nyí yii ŋyunti ŋun u bí ti-Dindaan ceeyee, u-nimbiin cúu kpántì ki kíǹ ki jìliŋkī. 30Aarɔn nì Isirayeel yab kɔkɔ kpēē Mooyiisee ki ká yii u-nimbiin cúu kpántì ki kíǹ ki jìliŋkī. Ní bi fāŋkì kí sútí kí pìl̄-u. 31Ní Mooyiisi yíiń-bi. Niinee Aarɔn nì samaa kpilib dɔ́miń u-cee ní u bíi sòoǹ nì bi. 32Boonee ní Isirayeel yab kɔkɔ sútìń ki pìl̄-u ní u dū marab bin kɔkɔ ti-Dindaan tīī-u Siinaayi jool puee ki tùkū-bi.
33Mooyiisi sòon̄ nì bi míǹ ki dóòyee ní ki dū ŋŋaabu ki bīiǹ u-nimbiin. 34Ŋyunti ŋun Mooyiisi yaa nìn là kí kɔ́ ti-Dindaan cee kí sòoǹ nì uee, ní ú cúú ŋŋaabu kí bìitī u-nimbiin kí nīn cí ŋyunti ŋun u yaa dóò ki làá nyānnée. U yaa nìn nyánnée ní ú dū marab bin u fōońee kí tùkù Isirayeel yab. 35Isirayeel yab nìn kāntí yii Mooyiisi nimbiin nìn kíǹ ki jìliŋkī. Niinee ní ú gíiǹ ŋŋaabu kí bìin̄ ŋu-pu kí nīn cí ŋyunti ŋun u làá fàtīí kɔ́ kí sòoǹ nì ti-Dindaanee#34.35 B. 29-35: kpèè 2 Kɔra 3.7-16..
Currently Selected:
Exode 34: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Exode 34
34
Marab taŋkpapilinti tipɔn bɔti
1Ti-Dindaan bí Mooyiisi yii: «Kpítí titaŋkpapilindi tili kii tipeepeekaalee, ní man ń ŋmà tipilindi gbanti pu anyɔɔbun ŋin nìn kā tipilimpeepeekaal pu a dūu lúkú ki wīīyee. 2Á bɔ́ntí kí cīití fool ntaafaabɔmbɔmee. Á fu jɔ̄m̀ Siinaayi jool yilpu kúnti kunti kí yūĺ niin kí cīití-mi. 3Báà ubɔ ń taa fu nóó-si kí jɔ̄m̀. Bí taa ká uniseen dijool gbanti pu laaba. Báà uŋoobu àá upii àá unaa ń taa fu ŋmɔ́ timool di-caŋin!»
4Ní Mooyiisi kpítì titaŋkpapilindi tili kii tipeepeekaalee. Kutaa wúntì ntaafaabɔmbɔmee ní u nín jɔ́ḿ Siinaayi jool pu, ki ŋúb́ titaŋkpapilindi tilee kii ti-Dindaan nín bí yii ú ŋá puee. 5Ti-Dindaan kpákatìń dijool pu ditagbancancaalin ki dɔ́miń ki yúl̀ ki kɔ́ĺ Mooyiisi, ní Mooyiisi yíiń u-yindi yii: «Ti-Dindaan». 6Ní ti-Dindaan dɔ́miń ki jítì Mooyiisi nimbiin ki yíiń úǹ u-ba yindi yii: «Man di sá ni-Dindaan, Unimbɔti un sá ulaŋŋaŋfiti nì tiŋandaan kaa gífí diŋuul malaa, ki cáá dineendi tikpil tikpil ki bí deedeeyee. 7M dàkà binib m-poon nín mɔ̄ puee kí tin cáá sāā anaantitɔntɔkɔ kutuku pu, ki pūǹ ikpiti nì diyìntil nì mpɔɔpɔn, ama maa tàantí unikpiti kii waa ŋá tibee. M dátí bibaatiibi tafal, ní kí dáaĺ bi-biyaamu nì bi-naantiibi tafal kí tin cáá sāā anaantitɔntɔkɔ ata kii anaa pu#34.7 B. 6-7: kpèè 20.5-6, Dikà 14.18, Ditee 5.9-10, 7.9-10..»
8Dicilpu niin ní Mooyiisi gbāaǹ ki jáam̀ ti-Dindaan, 9ní ki bí yii: «M yaa lafun ká diyimɔɔl a-cee, ti-Dindaan, m gbāam̀-si, á nīn bí ti-kansikin ti-saŋkindi poon. Dinibul nee sá din gáatèe ní, ama á dū ti-yìntitam nì ti-kpitii kí pɔ̄-ti, ní kí fōō-ti kí ŋá a-nibul.»
Unimbɔti fātìi pōoǹ Isirayeel yab dipoondi
10Ti-Dindaan bí Mooyiisi yii: «M làá pùtī kí pòon̄ Isirayeel yab dipoondi. A-nibul kɔkɔ nimbiinee, m làá ŋá maamaacib bin juti kaa láá pée jítì kitiŋ pu laaba nì ditimbundi diba poonee. Dinibul din māntìi tú-si nee làá ká maamaacib bin man ni-Dindaan làá dī a-pu ki ŋée nín kaa cáá juti puee.
11«Á ŋúb́ mara un m làá yóoń-si díǹ nee tiŋan. M làá jà Amɔɔr yab nì Kanaan yab nì Eeti yab nì Peeriisi yab nì Eefi yab nì Jeebusi yab a-nimbiin. 12Á nīn nyíǹ a-ba kí taa ŋá mpèé nì kitiŋ kin poon a cá kí kɔ́ nee yab. A yaa ŋá míǹ, án làá nīn sá kutaliŋŋu ní ki tīī-si. 13Ama ní gbá kí wīī bi-saraafaŋyi, kí kpìtī bi-kumpooŋi kí gàatì bi-windɔi kí lúkú#34.13 Kpèè Ditee 16.21-22.. 14Ní taa gbàan̄ diwaal báà diba nì diba nimbiin, kun puee man ni-Dindaan yindi di sá <Ipoompoon>. M sá Unimbɔti un cáá ipoompoonee ní. 15Si nì kitiŋ kin a làá kɔ́ee yab ń taa pòon̄ tɔb kí ŋá mpèé. Bi yaa láa bíi tòotī bi-waaŋi ki ŋáań saraabi ki tìì-ŋee, bi làá dāá yíiń-ni ní ní jī bi-saraabi jinti. 16A yaa láa cáá bi-bisalib ki tīī a-jipɔmbee, bi-bisalib gbanti làá dāá nīn tòotī bi-waaŋi ní kí yàntī a-jipɔmbi mun ń nīn tòotī bi-waaŋi.
17«Á taa dū tikúti kí dùntī kí mɔ́ɔ́ diwaal#34.17 Kpèè 20.4-5, Akoo 19.4, 26.1, Ditee 4.15-18, 5.8, 27.15..
18«Á dāá jī jiŋaal un bi ŋmóò kpɔnɔb bin kaa cáá ŋkpɔnɔnyɔkɔee. Á ŋmɔ́ kpɔnɔb bin kaa cáá ŋkpɔnɔnyɔkɔee iwiin iluli kii m nín yóoǹ-ni mara puee, Abiibi ŋmaliu un poon bi yóoǹ kí nīn jīǹ-uee#34.18 B. 18-26: dūú ŋmàntī nì 23.14-19 nì Ditee 16.1-17, kí dū B. 19-20 kí ŋmàntī nì 13.11-15 ní kí dū B. 21 kí ŋmàntī nì 23.12. Gíti kpèè 12.14-20, Akoo 23.6-8, Dikà 28.16-25.. Di sá uŋmal gbanti poon ní bi nyántìń-ni Eejipiti tiŋkin.
19«Kibiseebiki kininjabiki kamaayee, man di yì. Míǹ ní unaa àá upii àá uŋoobu yaa péé péé ki màl̄ kijakee, bí dū-kì kí ŋá-mi saraa#34.19 Kpèè 13.2, Dikà 3.13, Luuki 2.23.. 20Á dū kimaŋ biseemal kijaka kí kpántí dipibil àá diŋɔbil. A yaa kaa làá dūú kpántée, á nyīī kí gíí ki-sil. Ama a-jipɔmbi kansikin un sá kibiseebikee, á pà ki-pu#34.20 Kpèè 13.13, Dikà 18.16..
«Á taa dāan̄ m-nimbiin nì iŋaŋkulim.
21«Á dū iwiin iluu kí tɔ̄ a-tuuŋŋi, ŋwinluluúti dalee, á kàl̄ kí ŋùŋfì. Báà an yaa sá tikpaal yuntiŋu àá tijin dical yuntiŋu, á kàl̄ ŋwiin gbanti kí ŋùŋfì#34.21 Kpèè 20.8-11, Akoo 23.3, Ditee 5.13-14..
22«Á dū bileepeepeekaa un a cáńee kí jī nnyɔmu jiŋaaliu, ní dibindi yaa bíi kúntée, á jī tantib jiŋaaliu#34.22 Kpèè 23.16, Akoo 23.15-21,39-43, Dikà 28.26-31..
23«A-ninjab kɔkɔ ń dāá dāan̄ man ni-Dindaan Isirayeel yab Nimbɔtiu nimbiin dibindi kamaa poon mita. 24Di sá m làá dāá jà atimbun kí pɔ̄-si mpaan ní kí wàan̄ a-tiŋki, ní ŋyunti ŋun a làá dāá dāan̄ man ni-Dindaan a-Nimbɔtiu nimbiin dibindi kamaa poon mitee, ubɔ dāa kpá kí màkan̄ yii u làá jáǹ-si kí fōō a-tiŋki.
25«A yaa làá dāá làntì kuwaŋkuluu kí ŋá-mi saraayee, á taa láa dū kpɔnɔb bin poon bi ŋá ŋkpɔnɔnyɔkɔee kí kūtì saraayee pu. Á taa láa dū saraabi bin a ŋá Dilákatil jiŋaaliuee nanti kí yóoń kutaa ń wúntí. 26Á dāá cáań tijimpeekaal tin a-sati lòon̄ee circir kɔŋkooŋŋun, ti-Dindaan ni-Nimbɔtiu nimbiin. Á taa dū uŋoobu biim kí ŋàan̄ u-biki nanti.»
27Ti-Dindaan bí Mooyiisi yii: «Á ŋmà tibɔti nee, kun puee tíǹ pu ní m tɔ́kɔǹ ki pūtì ki pōoǹ si nì Isirayeel yab dipoondi.» 28Mooyiisi nìn kāl̀ ti-Dindaan cee iwiin imuŋku ili, ŋwiimpu nì kunyeeu, kaa jíń kaa nyùn̄. Ti-Dindaan nìn ŋmàn̄ dipoondi marab saalaayee titaŋkpapilindi pu.
Mooyiisi fātìi gítìń dinaapaal pu
29Mooyiisi kpákatìń Siinaayi jool pu, ki ŋúbiń titaŋkpapilindi tili tin pu bi ŋmàn̄ dipoondi marabee. Waa nìn nyí yii ŋyunti ŋun u bí ti-Dindaan ceeyee, u-nimbiin cúu kpántì ki kíǹ ki jìliŋkī. 30Aarɔn nì Isirayeel yab kɔkɔ kpēē Mooyiisee ki ká yii u-nimbiin cúu kpántì ki kíǹ ki jìliŋkī. Ní bi fāŋkì kí sútí kí pìl̄-u. 31Ní Mooyiisi yíiń-bi. Niinee Aarɔn nì samaa kpilib dɔ́miń u-cee ní u bíi sòoǹ nì bi. 32Boonee ní Isirayeel yab kɔkɔ sútìń ki pìl̄-u ní u dū marab bin kɔkɔ ti-Dindaan tīī-u Siinaayi jool puee ki tùkū-bi.
33Mooyiisi sòon̄ nì bi míǹ ki dóòyee ní ki dū ŋŋaabu ki bīiǹ u-nimbiin. 34Ŋyunti ŋun Mooyiisi yaa nìn là kí kɔ́ ti-Dindaan cee kí sòoǹ nì uee, ní ú cúú ŋŋaabu kí bìitī u-nimbiin kí nīn cí ŋyunti ŋun u yaa dóò ki làá nyānnée. U yaa nìn nyánnée ní ú dū marab bin u fōońee kí tùkù Isirayeel yab. 35Isirayeel yab nìn kāntí yii Mooyiisi nimbiin nìn kíǹ ki jìliŋkī. Niinee ní ú gíiǹ ŋŋaabu kí bìin̄ ŋu-pu kí nīn cí ŋyunti ŋun u làá fàtīí kɔ́ kí sòoǹ nì ti-Dindaanee#34.35 B. 29-35: kpèè 2 Kɔra 3.7-16..
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.