Exode 23
23
Ibaamɔn ń nīn bí ibɔsoon poon
1«Ní taa nóó tibɔti boon ni yaa kaa cúú ti-baamɔŋyi. Ní taa yūĺ unikpiti boon kí lēē inyimɔn seerau kí bìin̄ u-pu#23.1 Kpèè 20.16, Akoo 19.11-12, Ditee 5.20.. 2Ní taa fàŋkì kunipaau wíiŋŋu pu kí nóó ku-boon kí ŋá ikpiti. Ibɔsoon laŋki bi yaa yíiń-ni ní lēē seeree, ní taa kpèè kunipaau nín pá un boonee wíiŋŋu pu kí tɔ́kɔtí ibaamɔn saŋŋu pu. 3Ní taa pɔ̀ usoodaan digàndi yii u nín sá usoodaanee pu#23.3 Kpèè Akoo 19.15, Ditee 16.19..
4«A-nannanliu naau àá u-maŋki yaa wáŋkì ní a kée, á péetiń kuwaŋkuluuee kí cáań kí tīī-u. 5A yaa ká a-nannanliu maŋki lítì ní diwaŋgul nyīkiǹ ki-puee, taa jītí. Tūtuǹ-u ú yòon̄-kì kí síiń ki-taaŋi pu#23.5 B. 4-5: kpèè Ditee 22.1-4..
6«Ní taa kpɔ̀ uwɔfi bɔti ibɔsoon poon. 7Ní taa cèeǹ tinyimɔmbɔti poon. Ní taa kpɔ̀ maanyiiba nì deedeedaan, di sá yii maa càntī dibɔkpil daan kii waa ŋá tibee. 8Ní taa yàntī ubɔ ń pɔ̄-ni tiba kí ŋéeb́ ni-nyɔkɔ, di sá yii tiwampɔkaal gbanti jɔ̀b̀ bin wāĺee nimbiliŋ ní ki kù deedeedambi bɔti#23.8 B. 6-8: kpèè Akoo 19.15, Ditee 16.19..
9«Ní taa sàaǹ binicambi bin kɔ́-ni ki kóò ni-tiŋki puee. Nimbi ni-ba nyí unicaan gìńdi, di sá ni kāl̀ kunicaŋu Eejipiti tiŋkin ki ká#23.9 Kpèè 22.20-21, Akoo 19.33-34, Ditee 24.17-18, 27.19..»
Dibiŋŋuŋfikaal nì ŋwiŋŋuŋfikaa bɔti
10«Ní kpɔ̀ ni-kpaajinti ni-kpaatanti pu, kí bɔ̄l̀ kí cā áli abin aluu. 11Ama dibinluluútiilee, ní yàntī tikpaatan ń dòon̄ kí ŋùŋfì. Ni-yab bin sá biwɔfibee ń dāá ká tijin poon kí jī, ipeel ń dāá jī tin yaa kíǹee. Míǹ mbaantiim ní ní dāá ŋá ni-fiinyib nì ni-ɔliifi sufii#23.11 B. 10-11: kpèè Akoo 25.1-7..
12«Ní dū iwiin iluu kí tɔ̄ ni-tuuŋŋi, ama ŋwinluluúti dalee, ní taa tɔ̄ báà ditundi diba. Niinee ni-naai nì ni-mammu ń ŋùŋfì, ní ni-jipɔmbi nì ni-tɔntɔnliibi mun ń ŋùŋfì bi-fam ń nàb̄#23.12 Kpèè 16.23-30, 20.8-11, 31.12-17, 34.21, 35.2, Akoo 23.3, Ditee 5.13-14..
13«Ní nīn nyíǹ ni-ba kí ŋá tin kɔkɔ m bí yii ní ŋée. Ní taa pée tòotī awaa aba. Diwaal diba yindi ń taa pée nyā ni-nyɔkɔn gba.»
Jiŋaalib bin sá mara bí nīn jīǹee
(Dūú ŋmàntī nì 34.18-26, Ditee 16.1-17)
14«Dibindi poonee ní jī jiŋaalib bita kí tīī-mi tinyool. 15Ní dāá jī jiŋaal un bi ŋmóò kpɔnɔb bin poon baa ŋá ŋkpɔnɔnyɔkɔee. Iwiin in m yóoǹ-ni Abiibi ŋmaliu poonee, ní dāá dū iwiin iluli kí ŋmɔ́ kpɔnɔb bin kaa cáá ŋkpɔnɔnyɔkɔee, kii m nín tīī-ni mara puee. Di sá yii uŋmal gbanti poon ní ni nyáń Eejipiti tiŋkin. Ní taa dāan̄ m-nimbiin iŋaŋkulim. 16Ni yaa láa bíi cēē ni-kpaajinti tin ni kùn̄ tipeepeekaalee, ní dāá jī kuceeu jiŋaaliu. Míǹ boon dibindi yaa láa kúntì ní ni yaa láa kóoǹ ni-kpaajinti kusaaun ki dóòyee, ní dāá jī tantib jiŋaaliu#23.16 B. 15-16: kpèè 12.14-20, 34.18, Akoo 23.6-8,15-21,39-43, Dikà 28.17-31, 29.12, Ditee 16.1-17.. 17Dibindi kamaa poonee, ni-ninjab kɔkɔ ń dāá dāan̄ ŋfunyɔm mita man ni-Dindaan Unimbɔti nimbiin.
18«Ní taa dū kpɔnɔ un poon ŋkpɔnɔnyɔkɔ kēe kí kūtì kuwaŋkuluu kun ni kūū ki ŋá-mi saraayee fatikuu pu. Ní taa dū kuwaŋkuluu kun ni dūu ŋá-mi saraayee kpam kí yóoń áli kutaa ń wúntí. 19Ní cáań ni-Dindaan ni-Nimbɔtiu diikun ni-kpaatanti nín lòon̄ tiŋyee jincɔ̀fikaati. Ní taa dū uŋoobu biim kí ŋàan̄ u-biki nanti#23.19 tijincɔ̀fikaal: kpèè Ditee 26.2. - uŋoobu biim...: kpèè 34.26, Ditee 14.21. Kanaan yab nìn ŋáań míǹ ní bi-waatootii poon..»
Ipoon nì tibɔkpaafikaal
20«Kpèè, m làá tɔ̄ń m-tuuŋŋu ŋú lìntī ni-nyɔkɔpu kí nīn cí-ni kí cáá-ni kí cùnnì kitiŋ kin m bɔ́ntì ki yóoǹ-nee. 21Ní kpèè tiŋan kí pīlifiǹ-ŋu, kí taa yìntīǹ-ŋu. Waa làá tàan̄-ni ni-pɔɔgbifiŋŋu pu. Di sá yii man yindi ní ŋu ŋúb́ ki tūǹ atuun. 22Ama ni yaa tɔ́-ŋu mmɔntiimin, ki ŋáań tin kɔkɔ m bí yii ní ŋée, m làá nīn sá ni-nannanliibi nannanliu, ní kí nīn sá ni-pulincɔntiibi pulincɔnti.
23«M-tuuŋŋu yaa láa līntì ni-nyɔkɔpu ki cáá-ni ki kɔ́ǹ Amɔɔr yab nì Eeti yab nì Peeriisi yab nì Kanaan yab nì Eefi yab nì Jeebusi yab timmunee, m làá dāá kúntí-bi. 24Ní taa láa pée gbàan̄ bi-waaŋi nimbiin kí jāam̀-ŋi. Ní taa láa fōō bi-bimbim, ama ní dāá gbá kí wīī bi-waaŋi nì bi-taŋkpeeŋi ŋin bi cóoǹ ki jáaḿee. 25Man ni-Dindaan ni-Nimbɔtiu baba ní ní dāá nīn jáaḿ. Niinee ní ḿ dāá bìin̄ ni-boon kí tīī-ni tijin nì tinyɔkaal, ní kí wúń ni-pu iween ń taa cúú-ni. 26Ni-tiŋki poonee, naa làá dāá ká unimpu cáá dipool an nyáń àá unimpuŋmaŋŋmanti. M làá dāá tīī-ni mmaŋfafɔkɔn.
27«M làá dāá dū dinyoondi kí lìntī ni-nyɔkɔpu, ntimu mun poon ni làá dāá kɔ́ee nib kɔkɔ ń fàŋkì, ní ni-nannanliibi bin dòoń kí jáǹ-nee ń dāá lábití kí sāǹ-ni. 28M làá dāá dū abaakati kí tɔ̄ Eefi yab nì Kanaan yab nì Eeti yab pu. 29Nì míǹ kɔkɔee, maa làá dāá jà bi-kɔkɔ dibimbaantiil poon. An yaa kaa sá míǹ, kitiŋ làá dāá kpántí kupɔɔu ní kumooun peelii ń dāá bùtī kí jà-ni. 30M làá nīn pée jì-bi fiii fiii ní kí cáá sāā ŋyunti ŋun ni làá dāá bùtī tikpil kí fōō kitiŋee. 31M làá yóoń ni-tiŋki kpaanyɔkɔ, kí yòon̄ Tikati mɔɔl kí cáá sāā Meediiteeranee tiŋkuu, kí fàtīí yòon̄ Siinaayi teeku kí cáá sāā Eefiraata. M làá dū ntimu gbanti kɔkɔ nib kí ŋá ni-ŋaan ní ní jà-bi ni-nimbiin. 32Ni nì bi nì bi-waaŋi ń taa pée ŋá mpèé ŋubɔ. 33Bí taa nín̄ kóò ni-tiŋkin, án nín làá ŋá pu bí taa yàntī ní yìntīǹ-mi kí jāam̀ bi-waaŋee. Di sá yii ni yaa jáam̀-ŋee, án làá kpántí kutaliŋŋu kí sàl̄-ni.»
Currently Selected:
Exode 23: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Exode 23
23
Ibaamɔn ń nīn bí ibɔsoon poon
1«Ní taa nóó tibɔti boon ni yaa kaa cúú ti-baamɔŋyi. Ní taa yūĺ unikpiti boon kí lēē inyimɔn seerau kí bìin̄ u-pu#23.1 Kpèè 20.16, Akoo 19.11-12, Ditee 5.20.. 2Ní taa fàŋkì kunipaau wíiŋŋu pu kí nóó ku-boon kí ŋá ikpiti. Ibɔsoon laŋki bi yaa yíiń-ni ní lēē seeree, ní taa kpèè kunipaau nín pá un boonee wíiŋŋu pu kí tɔ́kɔtí ibaamɔn saŋŋu pu. 3Ní taa pɔ̀ usoodaan digàndi yii u nín sá usoodaanee pu#23.3 Kpèè Akoo 19.15, Ditee 16.19..
4«A-nannanliu naau àá u-maŋki yaa wáŋkì ní a kée, á péetiń kuwaŋkuluuee kí cáań kí tīī-u. 5A yaa ká a-nannanliu maŋki lítì ní diwaŋgul nyīkiǹ ki-puee, taa jītí. Tūtuǹ-u ú yòon̄-kì kí síiń ki-taaŋi pu#23.5 B. 4-5: kpèè Ditee 22.1-4..
6«Ní taa kpɔ̀ uwɔfi bɔti ibɔsoon poon. 7Ní taa cèeǹ tinyimɔmbɔti poon. Ní taa kpɔ̀ maanyiiba nì deedeedaan, di sá yii maa càntī dibɔkpil daan kii waa ŋá tibee. 8Ní taa yàntī ubɔ ń pɔ̄-ni tiba kí ŋéeb́ ni-nyɔkɔ, di sá yii tiwampɔkaal gbanti jɔ̀b̀ bin wāĺee nimbiliŋ ní ki kù deedeedambi bɔti#23.8 B. 6-8: kpèè Akoo 19.15, Ditee 16.19..
9«Ní taa sàaǹ binicambi bin kɔ́-ni ki kóò ni-tiŋki puee. Nimbi ni-ba nyí unicaan gìńdi, di sá ni kāl̀ kunicaŋu Eejipiti tiŋkin ki ká#23.9 Kpèè 22.20-21, Akoo 19.33-34, Ditee 24.17-18, 27.19..»
Dibiŋŋuŋfikaal nì ŋwiŋŋuŋfikaa bɔti
10«Ní kpɔ̀ ni-kpaajinti ni-kpaatanti pu, kí bɔ̄l̀ kí cā áli abin aluu. 11Ama dibinluluútiilee, ní yàntī tikpaatan ń dòon̄ kí ŋùŋfì. Ni-yab bin sá biwɔfibee ń dāá ká tijin poon kí jī, ipeel ń dāá jī tin yaa kíǹee. Míǹ mbaantiim ní ní dāá ŋá ni-fiinyib nì ni-ɔliifi sufii#23.11 B. 10-11: kpèè Akoo 25.1-7..
12«Ní dū iwiin iluu kí tɔ̄ ni-tuuŋŋi, ama ŋwinluluúti dalee, ní taa tɔ̄ báà ditundi diba. Niinee ni-naai nì ni-mammu ń ŋùŋfì, ní ni-jipɔmbi nì ni-tɔntɔnliibi mun ń ŋùŋfì bi-fam ń nàb̄#23.12 Kpèè 16.23-30, 20.8-11, 31.12-17, 34.21, 35.2, Akoo 23.3, Ditee 5.13-14..
13«Ní nīn nyíǹ ni-ba kí ŋá tin kɔkɔ m bí yii ní ŋée. Ní taa pée tòotī awaa aba. Diwaal diba yindi ń taa pée nyā ni-nyɔkɔn gba.»
Jiŋaalib bin sá mara bí nīn jīǹee
(Dūú ŋmàntī nì 34.18-26, Ditee 16.1-17)
14«Dibindi poonee ní jī jiŋaalib bita kí tīī-mi tinyool. 15Ní dāá jī jiŋaal un bi ŋmóò kpɔnɔb bin poon baa ŋá ŋkpɔnɔnyɔkɔee. Iwiin in m yóoǹ-ni Abiibi ŋmaliu poonee, ní dāá dū iwiin iluli kí ŋmɔ́ kpɔnɔb bin kaa cáá ŋkpɔnɔnyɔkɔee, kii m nín tīī-ni mara puee. Di sá yii uŋmal gbanti poon ní ni nyáń Eejipiti tiŋkin. Ní taa dāan̄ m-nimbiin iŋaŋkulim. 16Ni yaa láa bíi cēē ni-kpaajinti tin ni kùn̄ tipeepeekaalee, ní dāá jī kuceeu jiŋaaliu. Míǹ boon dibindi yaa láa kúntì ní ni yaa láa kóoǹ ni-kpaajinti kusaaun ki dóòyee, ní dāá jī tantib jiŋaaliu#23.16 B. 15-16: kpèè 12.14-20, 34.18, Akoo 23.6-8,15-21,39-43, Dikà 28.17-31, 29.12, Ditee 16.1-17.. 17Dibindi kamaa poonee, ni-ninjab kɔkɔ ń dāá dāan̄ ŋfunyɔm mita man ni-Dindaan Unimbɔti nimbiin.
18«Ní taa dū kpɔnɔ un poon ŋkpɔnɔnyɔkɔ kēe kí kūtì kuwaŋkuluu kun ni kūū ki ŋá-mi saraayee fatikuu pu. Ní taa dū kuwaŋkuluu kun ni dūu ŋá-mi saraayee kpam kí yóoń áli kutaa ń wúntí. 19Ní cáań ni-Dindaan ni-Nimbɔtiu diikun ni-kpaatanti nín lòon̄ tiŋyee jincɔ̀fikaati. Ní taa dū uŋoobu biim kí ŋàan̄ u-biki nanti#23.19 tijincɔ̀fikaal: kpèè Ditee 26.2. - uŋoobu biim...: kpèè 34.26, Ditee 14.21. Kanaan yab nìn ŋáań míǹ ní bi-waatootii poon..»
Ipoon nì tibɔkpaafikaal
20«Kpèè, m làá tɔ̄ń m-tuuŋŋu ŋú lìntī ni-nyɔkɔpu kí nīn cí-ni kí cáá-ni kí cùnnì kitiŋ kin m bɔ́ntì ki yóoǹ-nee. 21Ní kpèè tiŋan kí pīlifiǹ-ŋu, kí taa yìntīǹ-ŋu. Waa làá tàan̄-ni ni-pɔɔgbifiŋŋu pu. Di sá yii man yindi ní ŋu ŋúb́ ki tūǹ atuun. 22Ama ni yaa tɔ́-ŋu mmɔntiimin, ki ŋáań tin kɔkɔ m bí yii ní ŋée, m làá nīn sá ni-nannanliibi nannanliu, ní kí nīn sá ni-pulincɔntiibi pulincɔnti.
23«M-tuuŋŋu yaa láa līntì ni-nyɔkɔpu ki cáá-ni ki kɔ́ǹ Amɔɔr yab nì Eeti yab nì Peeriisi yab nì Kanaan yab nì Eefi yab nì Jeebusi yab timmunee, m làá dāá kúntí-bi. 24Ní taa láa pée gbàan̄ bi-waaŋi nimbiin kí jāam̀-ŋi. Ní taa láa fōō bi-bimbim, ama ní dāá gbá kí wīī bi-waaŋi nì bi-taŋkpeeŋi ŋin bi cóoǹ ki jáaḿee. 25Man ni-Dindaan ni-Nimbɔtiu baba ní ní dāá nīn jáaḿ. Niinee ní ḿ dāá bìin̄ ni-boon kí tīī-ni tijin nì tinyɔkaal, ní kí wúń ni-pu iween ń taa cúú-ni. 26Ni-tiŋki poonee, naa làá dāá ká unimpu cáá dipool an nyáń àá unimpuŋmaŋŋmanti. M làá dāá tīī-ni mmaŋfafɔkɔn.
27«M làá dāá dū dinyoondi kí lìntī ni-nyɔkɔpu, ntimu mun poon ni làá dāá kɔ́ee nib kɔkɔ ń fàŋkì, ní ni-nannanliibi bin dòoń kí jáǹ-nee ń dāá lábití kí sāǹ-ni. 28M làá dāá dū abaakati kí tɔ̄ Eefi yab nì Kanaan yab nì Eeti yab pu. 29Nì míǹ kɔkɔee, maa làá dāá jà bi-kɔkɔ dibimbaantiil poon. An yaa kaa sá míǹ, kitiŋ làá dāá kpántí kupɔɔu ní kumooun peelii ń dāá bùtī kí jà-ni. 30M làá nīn pée jì-bi fiii fiii ní kí cáá sāā ŋyunti ŋun ni làá dāá bùtī tikpil kí fōō kitiŋee. 31M làá yóoń ni-tiŋki kpaanyɔkɔ, kí yòon̄ Tikati mɔɔl kí cáá sāā Meediiteeranee tiŋkuu, kí fàtīí yòon̄ Siinaayi teeku kí cáá sāā Eefiraata. M làá dū ntimu gbanti kɔkɔ nib kí ŋá ni-ŋaan ní ní jà-bi ni-nimbiin. 32Ni nì bi nì bi-waaŋi ń taa pée ŋá mpèé ŋubɔ. 33Bí taa nín̄ kóò ni-tiŋkin, án nín làá ŋá pu bí taa yàntī ní yìntīǹ-mi kí jāam̀ bi-waaŋee. Di sá yii ni yaa jáam̀-ŋee, án làá kpántí kutaliŋŋu kí sàl̄-ni.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.