Esther (grec) 9
9
Juuda yab tɔ̀n̄ bi-nannanliibi ipɔntoon
1Uŋmal saalaa nì uliliiti poon, Adaar ŋmaliu iwiin saalaa nì ita dal, tigbɔn tin bi ŋmàn̄ ubɔti yindi puee dūu bàn̄ laakin tì máaǹee. 2Ŋwiin gbantee, bi kūū ki céetì Juuda yab nannanliibi. Anibul kɔkɔ nìn fāŋkì-bi tikpil, ní ubɔ kaa nìn ŋúń ki yúl̀ bi-nimbiin. 3Kɔmandambi nì abɔtibil nì ubɔti gbaŋŋmaliibi nìn tɔ́ Juuda yab, kun puee bi nìn fànkí Maardoosee ní yɔ́kɔ yɔkɔ. 4Di sá yii ubɔti gbɔŋku kun u nìn ŋmàn̄ee nìn yāntì u-yindi gbītì ilaan kɔkɔ#9.4 B. 5 kaa bí kugbɔŋu nee poon, dūú ŋmàntī nì Eest 9.5..
6Juuda yab nìn kūū Suusi ditiŋyil poon bininjab alaataa aŋmoo. 7Bi nìn kūū ki kpáaǹ Faarsaneesitayiim nì Deelifɔn nì Faasiga 8nì Faaridata nì Bareeya nì Saarbaka, 9nì Maarmasiim nì Arufayioosi nì Arisayioosi nì Sabutayioosi, 10Ameedata jipɔɔn Amaani, ubugayioosija un sá Juuda yab pulincɔntee jipɔmbi saalaayee gbanti. Bi nìn fúkúl̀ bi-wanti. Ŋwiin gbantee, 11bi tùkū ubɔti bininjab bin nyɔkɔm bi kūū Suusi ditiŋyilinee.
12Ní ubɔti bí unimpubɔti Eesiteer yii: «Suusi ditiŋyilinee, Juuda yab kūū bininjab alaataa aŋmoo. A dàkafī yii atinjan ŋin kíǹee poon an jítì mana? A yaa gíti là tiba ḿ ŋá kí tīī-si, bàlifì-mi m làá tīī-si kudɔŋu.» 13Ní Eesiteer kíí yii: «M gbàam̄-si, pɔ̄ Juuda yab bin bí Suusee nsan bí fu ŋá fool kii bi nín ŋá díǹ pu nee, ní kí dū Amaani jipɔmbi saalaayee kí lúntí ndɔ pu.» 14Ní ubɔti pú kinyɔkɔ yii bí ŋá míǹ, ní bi báakì maree Suusi tiŋkin. Ní bi dū Amaani jipɔmbi saalaa bin bi kūūyee ki lúntì ndɔ pu. 15Ní Juuda yab bin bí Susee kpáfì Adaar ŋmaliu ŋwiin ŋubɔ kpá saalku dal Suusi tiŋkin, ní ki kūū bininjab alaataa ata. Ama baa nìn gbēē bin bi kūūyee wanti báà tiba.
16Juuda yab bin nìn bí ubɔti tinjaŋŋi ŋin kíǹee poonee mun nìn kpáfì ki mɔ́tì bi-ba pu. Adaar ŋmaliu iwiin saalaa nì ita poonee, bi nìn jáń ki fōō bi-ba bin nìn bíi jáà nì bee ŋaan. Bi nìn kūū binib kutukub saalku, ama baa nìn gbēē bin bi kūūyee wanti báà kubɔbɔ. 17Uŋmal gbanti ŋwiin ŋubɔ kpá saalku dalee, bi nìn kāl̀ ki ŋūŋfì, ní ki dū ŋwiin gbanti ki kpántì jiŋaal nì dipɔɔpindi wiiŋŋu. 18Ama Juuda yab bin nìn kóò Suusi tiŋkinee nìn kpáfì ŋwiin ŋubɔ kpá saalku dal kí mɔ̄tì bi-ba pu. Baa nìn ŋūŋfì. Bíǹ nìn dū iwiin saalku dal ki kpántì jiŋaal nì dipɔɔpindi wiiŋŋu. 19An pu ní Juuda yab bin nìn kóò dibeel poon tiŋgbammu mun kíǹee poonee dū Adaar ŋmaliu ŋwiin ŋubɔ kpá saalku dal ki kpántì jiŋaal nì dipɔɔpindi wiiŋŋu, ki ŋáań tijin ki pūǹ tɔb. Ama bin kóò ntiŋkpaamunee kàal̀ ki ŋùŋfī Adaar ŋmaliu iwiin saalku ní. Bi jīǹ jiŋaal ŋwiin gbanti ní ki mun ŋáań tijin ki pūǹ tɔb.
Bi yóoǹ kí nīn kíǹ ki jīǹ Puuriim jiŋaaliu
20Maardoosee nìn ŋmàn̄ tin kɔkɔ jítèe ki ŋá kugbɔŋu kubɔn. U nìn dū-ku ki tīī Juuda yab bin kɔkɔ bí ubɔti Aritaseerseesi beelinee, bin pìl̄ee nì bin kóò an dátèe. 21U nìn tùkū-bi yii dibintil kamaa, Adaar ŋmaliu ŋwiin ŋubɔ kpá saalku nì iwiin saalku dalee, bí nīn jīǹ jiŋaal gbanti. 22Di sá yii iwiin gbanti poon ní Juuda yab fōō bi-ba ki ŋūŋfì bi-nannanliibi pu. Adaar ŋmaliu poon ní mpɔn nìn cúu lábitì ní kunimbaau kpántì dipɔɔpindi ní dikpool kpántì jiŋaal. Iwiin gbantin ní Juuda yab ŋáań tijin ki tìì tɔb ní ki pūǹ biwɔfib tiwan.
23Juuda yab nìn kíí kí ŋá kii Maardoosee nín nìn ŋmàn̄-bi puee. 24U máafì kugbɔŋu gbanti poon min ní umaseeduwaanja Amaani, Ameedata jipɔɔn nìn jáń nì bi kujaauee. Amaani nìn bɔ́ntì mara ubɔ kí kpɔ̀-bi, ní ki tɔ́ kasi ki lēē ŋwiin ŋun bi làá kpɔ̀-bee. 25U nìn cūtìi ká ubɔti ki tùkū-u yii ú dū Maardoosee kí lúntí ndɔ pu. Ama nnaabu ŋun Amaani nìn bɔ́ntì kí cáań kí tɔ̄ Juuda yab puee fātìi gítì u-pu ní, di sá bi lúntì u nì u-jipɔmbi ndɔ pu. 26An pu ní bi nìn pú jiŋaal gbanti wiiŋyi yii Puuriim, kí dàkà yii bi nìn tɔ́ Puur ní ki lēē iwiin gbanti. Iwiin gbantee, bi téetí tin ŋmàn̄ ki kā Maardoosee gbɔŋkuee poon nì falaa un Juuda yab jíńee nì tin bāań-bee kɔkɔ pu. 27Maardoosee dū iwiin gbanti ki kpántì jiŋaal wiiŋyi, ní Juuda yab mun kíí ki yāntì an kpántì dikoobil ki tīī bíǹ bi-ba nì bi-biyaamu nì bi-naantiibi nì bin kɔkɔ làá dāá kpántí Juuda yabee. Bi nìn pōoǹ kí nīn jīǹ jiŋaal gbanti kii an nín máaǹ puee. Abin abin kí nīn cée, dibeel tiŋgbaŋki nì di-tiŋki kamaa poonee, Juuda yab dicaŋku kamaa làá nīn téetí tin nìn jítì iwiin gbanti poonee. 28Juuda yab máaǹ kí nīn jīǹ Puuriim jiŋaaliu kí nīn pée cáa cá jaanjaan. Di sá yii, bi máaǹ kí nīn téetí tin nìn jítèe pu kí nīn cá abin abin.
29Unimpubɔti Eesiteer, Amiinadaab bisal nì ujuudaja Maardoosee nìn ŋmàn̄ tin kɔkɔ bi ŋée ki ŋá kugbɔŋu kubɔn. Bi nìn ŋá míǹ kí nyīī kugbɔŋu kun sòoǹ Puuriim puee pu ŋŋal ní.#9.29 B. 30 kaa bí kugbɔŋu nee poon. 31Eesiteer nì Maardoosee nìn yóoǹ jiŋaal gbanti bíǹ bi-ba mun pu ní, ní tin bi nìn lēē gbantee nìn sá bíǹ bi-ba ŋanti pu. 32Eesiteer nín yóoǹ mara uŋyee nìn yāntì jiŋaal gbanti kpántì diyaajakoobil kí nīn cáa cá jaanjaan. Míǹ boonee ní bi ŋmàn̄ ki síiǹ kí nīn cáa téetí.
Currently Selected:
Esther (grec) 9: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Esther (grec) 9
9
Juuda yab tɔ̀n̄ bi-nannanliibi ipɔntoon
1Uŋmal saalaa nì uliliiti poon, Adaar ŋmaliu iwiin saalaa nì ita dal, tigbɔn tin bi ŋmàn̄ ubɔti yindi puee dūu bàn̄ laakin tì máaǹee. 2Ŋwiin gbantee, bi kūū ki céetì Juuda yab nannanliibi. Anibul kɔkɔ nìn fāŋkì-bi tikpil, ní ubɔ kaa nìn ŋúń ki yúl̀ bi-nimbiin. 3Kɔmandambi nì abɔtibil nì ubɔti gbaŋŋmaliibi nìn tɔ́ Juuda yab, kun puee bi nìn fànkí Maardoosee ní yɔ́kɔ yɔkɔ. 4Di sá yii ubɔti gbɔŋku kun u nìn ŋmàn̄ee nìn yāntì u-yindi gbītì ilaan kɔkɔ#9.4 B. 5 kaa bí kugbɔŋu nee poon, dūú ŋmàntī nì Eest 9.5..
6Juuda yab nìn kūū Suusi ditiŋyil poon bininjab alaataa aŋmoo. 7Bi nìn kūū ki kpáaǹ Faarsaneesitayiim nì Deelifɔn nì Faasiga 8nì Faaridata nì Bareeya nì Saarbaka, 9nì Maarmasiim nì Arufayioosi nì Arisayioosi nì Sabutayioosi, 10Ameedata jipɔɔn Amaani, ubugayioosija un sá Juuda yab pulincɔntee jipɔmbi saalaayee gbanti. Bi nìn fúkúl̀ bi-wanti. Ŋwiin gbantee, 11bi tùkū ubɔti bininjab bin nyɔkɔm bi kūū Suusi ditiŋyilinee.
12Ní ubɔti bí unimpubɔti Eesiteer yii: «Suusi ditiŋyilinee, Juuda yab kūū bininjab alaataa aŋmoo. A dàkafī yii atinjan ŋin kíǹee poon an jítì mana? A yaa gíti là tiba ḿ ŋá kí tīī-si, bàlifì-mi m làá tīī-si kudɔŋu.» 13Ní Eesiteer kíí yii: «M gbàam̄-si, pɔ̄ Juuda yab bin bí Suusee nsan bí fu ŋá fool kii bi nín ŋá díǹ pu nee, ní kí dū Amaani jipɔmbi saalaayee kí lúntí ndɔ pu.» 14Ní ubɔti pú kinyɔkɔ yii bí ŋá míǹ, ní bi báakì maree Suusi tiŋkin. Ní bi dū Amaani jipɔmbi saalaa bin bi kūūyee ki lúntì ndɔ pu. 15Ní Juuda yab bin bí Susee kpáfì Adaar ŋmaliu ŋwiin ŋubɔ kpá saalku dal Suusi tiŋkin, ní ki kūū bininjab alaataa ata. Ama baa nìn gbēē bin bi kūūyee wanti báà tiba.
16Juuda yab bin nìn bí ubɔti tinjaŋŋi ŋin kíǹee poonee mun nìn kpáfì ki mɔ́tì bi-ba pu. Adaar ŋmaliu iwiin saalaa nì ita poonee, bi nìn jáń ki fōō bi-ba bin nìn bíi jáà nì bee ŋaan. Bi nìn kūū binib kutukub saalku, ama baa nìn gbēē bin bi kūūyee wanti báà kubɔbɔ. 17Uŋmal gbanti ŋwiin ŋubɔ kpá saalku dalee, bi nìn kāl̀ ki ŋūŋfì, ní ki dū ŋwiin gbanti ki kpántì jiŋaal nì dipɔɔpindi wiiŋŋu. 18Ama Juuda yab bin nìn kóò Suusi tiŋkinee nìn kpáfì ŋwiin ŋubɔ kpá saalku dal kí mɔ̄tì bi-ba pu. Baa nìn ŋūŋfì. Bíǹ nìn dū iwiin saalku dal ki kpántì jiŋaal nì dipɔɔpindi wiiŋŋu. 19An pu ní Juuda yab bin nìn kóò dibeel poon tiŋgbammu mun kíǹee poonee dū Adaar ŋmaliu ŋwiin ŋubɔ kpá saalku dal ki kpántì jiŋaal nì dipɔɔpindi wiiŋŋu, ki ŋáań tijin ki pūǹ tɔb. Ama bin kóò ntiŋkpaamunee kàal̀ ki ŋùŋfī Adaar ŋmaliu iwiin saalku ní. Bi jīǹ jiŋaal ŋwiin gbanti ní ki mun ŋáań tijin ki pūǹ tɔb.
Bi yóoǹ kí nīn kíǹ ki jīǹ Puuriim jiŋaaliu
20Maardoosee nìn ŋmàn̄ tin kɔkɔ jítèe ki ŋá kugbɔŋu kubɔn. U nìn dū-ku ki tīī Juuda yab bin kɔkɔ bí ubɔti Aritaseerseesi beelinee, bin pìl̄ee nì bin kóò an dátèe. 21U nìn tùkū-bi yii dibintil kamaa, Adaar ŋmaliu ŋwiin ŋubɔ kpá saalku nì iwiin saalku dalee, bí nīn jīǹ jiŋaal gbanti. 22Di sá yii iwiin gbanti poon ní Juuda yab fōō bi-ba ki ŋūŋfì bi-nannanliibi pu. Adaar ŋmaliu poon ní mpɔn nìn cúu lábitì ní kunimbaau kpántì dipɔɔpindi ní dikpool kpántì jiŋaal. Iwiin gbantin ní Juuda yab ŋáań tijin ki tìì tɔb ní ki pūǹ biwɔfib tiwan.
23Juuda yab nìn kíí kí ŋá kii Maardoosee nín nìn ŋmàn̄-bi puee. 24U máafì kugbɔŋu gbanti poon min ní umaseeduwaanja Amaani, Ameedata jipɔɔn nìn jáń nì bi kujaauee. Amaani nìn bɔ́ntì mara ubɔ kí kpɔ̀-bi, ní ki tɔ́ kasi ki lēē ŋwiin ŋun bi làá kpɔ̀-bee. 25U nìn cūtìi ká ubɔti ki tùkū-u yii ú dū Maardoosee kí lúntí ndɔ pu. Ama nnaabu ŋun Amaani nìn bɔ́ntì kí cáań kí tɔ̄ Juuda yab puee fātìi gítì u-pu ní, di sá bi lúntì u nì u-jipɔmbi ndɔ pu. 26An pu ní bi nìn pú jiŋaal gbanti wiiŋyi yii Puuriim, kí dàkà yii bi nìn tɔ́ Puur ní ki lēē iwiin gbanti. Iwiin gbantee, bi téetí tin ŋmàn̄ ki kā Maardoosee gbɔŋkuee poon nì falaa un Juuda yab jíńee nì tin bāań-bee kɔkɔ pu. 27Maardoosee dū iwiin gbanti ki kpántì jiŋaal wiiŋyi, ní Juuda yab mun kíí ki yāntì an kpántì dikoobil ki tīī bíǹ bi-ba nì bi-biyaamu nì bi-naantiibi nì bin kɔkɔ làá dāá kpántí Juuda yabee. Bi nìn pōoǹ kí nīn jīǹ jiŋaal gbanti kii an nín máaǹ puee. Abin abin kí nīn cée, dibeel tiŋgbaŋki nì di-tiŋki kamaa poonee, Juuda yab dicaŋku kamaa làá nīn téetí tin nìn jítì iwiin gbanti poonee. 28Juuda yab máaǹ kí nīn jīǹ Puuriim jiŋaaliu kí nīn pée cáa cá jaanjaan. Di sá yii, bi máaǹ kí nīn téetí tin nìn jítèe pu kí nīn cá abin abin.
29Unimpubɔti Eesiteer, Amiinadaab bisal nì ujuudaja Maardoosee nìn ŋmàn̄ tin kɔkɔ bi ŋée ki ŋá kugbɔŋu kubɔn. Bi nìn ŋá míǹ kí nyīī kugbɔŋu kun sòoǹ Puuriim puee pu ŋŋal ní.#9.29 B. 30 kaa bí kugbɔŋu nee poon. 31Eesiteer nì Maardoosee nìn yóoǹ jiŋaal gbanti bíǹ bi-ba mun pu ní, ní tin bi nìn lēē gbantee nìn sá bíǹ bi-ba ŋanti pu. 32Eesiteer nín yóoǹ mara uŋyee nìn yāntì jiŋaal gbanti kpántì diyaajakoobil kí nīn cáa cá jaanjaan. Míǹ boonee ní bi ŋmàn̄ ki síiǹ kí nīn cáa téetí.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.