Esther (grec) 8
8
1Ŋwiin gbanti mbaanti ní ubɔti Aritaseerseesi dū Amaani ukuŋfil gaajawanti kɔkɔ ki tīī unimpubɔti Eesiteer. Míǹ boonee ní Eesiteer yāntì ubɔti béè yii u nì Maardoosee pēē. Niinee ní ubɔti yíiń-u. 2Ubɔti nìn dū kibɔmbiki kin u nìn fōō Amaani ceeyee ki tīī Maardoosee. Eesiteer nìn dū tigaajawan tin kɔkɔ Amaani nìn cááyee ki ŋá Maardoosee ŋaan ú nīn kpèé.
Ubɔti nyántì mara kí mɔ̄tì Juuda yab pu
3Eesiteer nìn gíti sòon̄ nì ubɔti. U nìn tātìi gbāaǹ u-taaŋi taapu ki gbāam̀-u ú kàkatī nnaabu nì tin kɔkɔ Amaani nìn bɔ́ntì Juuda yab puee kí wàatī-bi. 4Ní ubɔti tāntì u-kpandɔŋu ŋun sá sindaariyee ki túĺ Eesiteer. Niinee ní Eesiteer yíkì kitiŋ ki yúl̀ ubɔti caŋin. 5U nìn bí-u yii: «Ti-baa ubɔti, m yaa ká diyimɔɔl a-cee, ní an yaa ŋān̄ m-bɔti fáatì-see, á ŋmà kí kpìtī mara un Amaani ŋmàn̄ yii bí kpɔ̀ kí céetí Juuda yab bin kɔkɔ kóò a-beelinee. 6Mana ní m ŋūǹ kí nīn kā ki kpèé inimɔɔn in bíi jīǹ m-nibulee? Maa làá ŋmā kí nīn bí dimaŋfalin ŋyunti ŋun bi yaa kūū ki céetì m-nibulee.» 7Ní ubɔti kíí Eesiteer yii: «Kpèè, m ŋá tin a bālifì-mee ki yāntì bi lúntì Amaani ndɔ pu, kun puee u nìn là kí nàan̄ Juuda yab, ní ki dū u-gaajawanti kɔkɔ ki tīī-si. Mimmee ba ní a gíti là ní? 8Di sá yii kugbɔŋu kun bi ŋmàn̄ man ubɔti yindi pu, ki dū m-jaliiki ki nyīīyee, maa cáá nsan kí kpìtī tin ŋmàn̄ ki kā poonee. Ama ni mun ŋūǹ kí ŋmà tigbɔn m-yindi pu kii ni nín là puee, kí dū m-jaliiki kí nyīī.»
9Dicilpu niin ní bi yíiń ubɔti gbaŋŋmaliibi dibindi poon ŋmapeepeekaau, an dàkà yii Niisan ŋmaliu, iwiin mmuŋku nì ita dal. Bi nìn ŋmàn̄ ki tīī Juuda yab ki tùkū-bi marab bin bi tīī ubɔti kɔmandambi nì u-kpambaliŋ ŋin bí u-beel timmu dilaataal nì mmuŋku nì mululi poonee. Ntimu gbanti bí kí yòon̄ Indiya tiŋki kí tin cáá sāā Eetiiyoopii tiŋki ní. Bi nìn ŋmàn̄ ki tīī kitiŋgbaŋ kamaa ki-sooŋyi poon ní. 10Bi ŋmàn̄ tigbɔnee ubɔti yindi pu, ní ki dū u-bɔmbiki kin sá u-jaliikee ki nyīī. Míǹ boonee ní bi dūu tīī ituun bi cáa cūnnì. 11Bi nìn ŋmàn̄ tigbɔnee poon yii Juuda yab yaa pée kóò dibeelin tiŋki kin poonee ń nīn nóó bi-marab, kí nīn tútúǹ tɔb ní kí ŋá bi-nannanliibi kii bi nín là puee. 12Mara gbantee sá ŋwimbaanti ní an tɔ̄ ditundi ubɔti Aritaseerseesi beel kɔkɔn, uŋmal saalaa nì uliliiti poon, iwiin saalaa nì ita dal, an dàkà yii Adaar ŋmaliu.
Currently Selected:
Esther (grec) 8: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Esther (grec) 8
8
1Ŋwiin gbanti mbaanti ní ubɔti Aritaseerseesi dū Amaani ukuŋfil gaajawanti kɔkɔ ki tīī unimpubɔti Eesiteer. Míǹ boonee ní Eesiteer yāntì ubɔti béè yii u nì Maardoosee pēē. Niinee ní ubɔti yíiń-u. 2Ubɔti nìn dū kibɔmbiki kin u nìn fōō Amaani ceeyee ki tīī Maardoosee. Eesiteer nìn dū tigaajawan tin kɔkɔ Amaani nìn cááyee ki ŋá Maardoosee ŋaan ú nīn kpèé.
Ubɔti nyántì mara kí mɔ̄tì Juuda yab pu
3Eesiteer nìn gíti sòon̄ nì ubɔti. U nìn tātìi gbāaǹ u-taaŋi taapu ki gbāam̀-u ú kàkatī nnaabu nì tin kɔkɔ Amaani nìn bɔ́ntì Juuda yab puee kí wàatī-bi. 4Ní ubɔti tāntì u-kpandɔŋu ŋun sá sindaariyee ki túĺ Eesiteer. Niinee ní Eesiteer yíkì kitiŋ ki yúl̀ ubɔti caŋin. 5U nìn bí-u yii: «Ti-baa ubɔti, m yaa ká diyimɔɔl a-cee, ní an yaa ŋān̄ m-bɔti fáatì-see, á ŋmà kí kpìtī mara un Amaani ŋmàn̄ yii bí kpɔ̀ kí céetí Juuda yab bin kɔkɔ kóò a-beelinee. 6Mana ní m ŋūǹ kí nīn kā ki kpèé inimɔɔn in bíi jīǹ m-nibulee? Maa làá ŋmā kí nīn bí dimaŋfalin ŋyunti ŋun bi yaa kūū ki céetì m-nibulee.» 7Ní ubɔti kíí Eesiteer yii: «Kpèè, m ŋá tin a bālifì-mee ki yāntì bi lúntì Amaani ndɔ pu, kun puee u nìn là kí nàan̄ Juuda yab, ní ki dū u-gaajawanti kɔkɔ ki tīī-si. Mimmee ba ní a gíti là ní? 8Di sá yii kugbɔŋu kun bi ŋmàn̄ man ubɔti yindi pu, ki dū m-jaliiki ki nyīīyee, maa cáá nsan kí kpìtī tin ŋmàn̄ ki kā poonee. Ama ni mun ŋūǹ kí ŋmà tigbɔn m-yindi pu kii ni nín là puee, kí dū m-jaliiki kí nyīī.»
9Dicilpu niin ní bi yíiń ubɔti gbaŋŋmaliibi dibindi poon ŋmapeepeekaau, an dàkà yii Niisan ŋmaliu, iwiin mmuŋku nì ita dal. Bi nìn ŋmàn̄ ki tīī Juuda yab ki tùkū-bi marab bin bi tīī ubɔti kɔmandambi nì u-kpambaliŋ ŋin bí u-beel timmu dilaataal nì mmuŋku nì mululi poonee. Ntimu gbanti bí kí yòon̄ Indiya tiŋki kí tin cáá sāā Eetiiyoopii tiŋki ní. Bi nìn ŋmàn̄ ki tīī kitiŋgbaŋ kamaa ki-sooŋyi poon ní. 10Bi ŋmàn̄ tigbɔnee ubɔti yindi pu, ní ki dū u-bɔmbiki kin sá u-jaliikee ki nyīī. Míǹ boonee ní bi dūu tīī ituun bi cáa cūnnì. 11Bi nìn ŋmàn̄ tigbɔnee poon yii Juuda yab yaa pée kóò dibeelin tiŋki kin poonee ń nīn nóó bi-marab, kí nīn tútúǹ tɔb ní kí ŋá bi-nannanliibi kii bi nín là puee. 12Mara gbantee sá ŋwimbaanti ní an tɔ̄ ditundi ubɔti Aritaseerseesi beel kɔkɔn, uŋmal saalaa nì uliliiti poon, iwiin saalaa nì ita dal, an dàkà yii Adaar ŋmaliu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.